கிருபன்

சீமானும் கிராமப்பொருளாதாரமும்

Recommended Posts

சீமானும் கிராமப்பொருளாதாரமும்

ஜெயமோகன்

see.jpg

 

அன்புள்ள  ஜெ,

சமீபமாக நான் மிகவும் கவனிப்பது சீமானின் பரப்புரைகளைத்தான்.தமிழ் அரசியல் மேடைகளில் முதன்முறையாக ஜெ.சி.குமரப்பாவின் கிராமப்புற காந்திய பொருளாதாரத்தை வலிய, உரக்க பேசும் ஒரே அரசியல்வாதி சீமான் தான்.

இது எனக்கு மிக வியப்பாக இருக்கிறது. காந்தியத்தை அதிகம் எழுதிய நீங்கள் இதைக்கவனித்திருக்கிறார்களா?

அன்புடன்,

வா.ப.ஜெய்கணேஷ்.

அன்புள்ள ஜெய்கணேஷ்

கிராமியப்பொருளியல், விவசாயத்தின் அழிவு ஆகியவற்றை பேசும் ஏராளமான தன்னார்வ அமைப்புக்கள் இங்கே உள்ளன. அவற்றிலிருந்து சில வரிகள் சீமான் போன்றவர்களின் நாவுகளில் சென்றமைகின்றன. அவற்றை ஸ்டாலின் பேசமுடியாது, ஏனென்றால் அவர் உடனடியாக அரசாட்சிக்கு வரக்கூடும். ஒரு வகையான தன்னார்வலக் குறுங்குழுவாக இருப்பதனால் சீமான் அவற்றைப் பேசுகிறார்.

அவற்றை மக்களிடம் பேசும்போது அவர்கள் கவனிக்கிறார்கள். ஏனென்றால் அது அவர்கள் அறிந்த உண்மை நிலவரம். ஆகவே அதற்கு ஒரு மேடைமுக்கியத்துவம் உள்ளது. அதை ஓரு பரப்புரையாக நான் பார்ப்பதில்லை. ஒருவகையான பரபரப்புரையாகவே காண்கிறேன்.

காந்தியர்கள் பேசும் கிராமியப்பொருளியலுக்கும் இவர்கள் பேசுவதற்கும் மிகப்பெரிய வேறுபாடு உண்டு. காந்தியர்கள் கிராமியப்பொருளியலின் அழிவென்பது உலகளாவ எழுந்துள்ள நுகர்விய – பெருந்தொழில்மய பொருளியலின் தவிர்க்கமுடியாத விளைவு என்று மதிப்பிடுகிறார்கள். இந்தப்பொருளியலின் ஒரு பகுதியாக இருந்துகொண்டு அதை நம்மால் முழுமையாக எதிர்க்க இயலாது என்பார்கள். ஆகவே கூடுமானவரை தாக்குப்பிடிக்கலாம் என்று கூறி அதற்கான திட்டத்தை முன்வைப்பார்கள். தாக்குப்பிடிக்கும் பொருளியல் வழியாகவே அவர்கள் கிராமியப் பொருயலுக்கான வழியை வகுக்கிறார்கள்.

இதில் எப்போதும் காந்தியர்கள் குற்றம்சாட்டுவது நம்மைத்தான். அதாவது தங்களையும் உள்ளடக்கிய மக்களை. நமது நுகர்வுமனநிலையை. நம் லாப வெறியை. நாம் ஒட்டுமொத்தக் கண்ணோட்டத்துடன் இல்லாமலிருப்பதை. மக்களிடம் அவர்கள் தங்களை மாற்றிக்கொள்ளும்படி, மறுபரிசீலனை செய்யும்படி சொல்கிறார்கள்.

அதை காந்தியர் மட்டுமே சொல்லமுடியும். ஏனென்றால் அதற்கான தார்மிகநிலை அவர்கள் தங்கள் வாழ்க்கையினூடாக ஈட்டிக்கொண்டிருக்கிறார்கள்ஆனால் அதைக்கூட சற்றேனும் அறவுணர்வுள்ளவர்களே ஏற்கிறார்கள். மற்றவர்களால் ஏற்றுக்கொள்ளமுடிவதில்லை. இங்கே காந்தியத்தின் எல்லை அது.

சீமான் போன்றவர்கள், பலவகையில் சூழியலழிவையும் கிராமப்பொருளியல் அழிவையும் பேசுபவகர்கள் கூடவே பலவகையான சதிக்கோட்பாடுகளை மிகைப்படுத்திப் பேசுவதைக் காணலாம். அதாவது நம் மீது பிழையே இல்லை, எல்லாமே எதிரியின் சதி. அவனை ஒழித்துவிட்டால் எல்லாம் சீராகிவிடும். எதிரி எவராகவும் இருக்கலாம். அமெரிக்க ஏகாதிபத்தியம் முதல் உள்ளூர் தெலுங்கர்கள் வரை.

இது பரப்பரசியலின் வழி. மெய்யான பிரச்சினைகளை எடுத்துக்கொண்டு பொய்யான கவற்சியான தீர்வுகளை அளிப்பது. அவற்றை வாக்குறுதிகளாக அளித்து அதிகாரம் நோக்கிச் செல்வது. நேற்று மெய்யான பிரச்சினைகளை பரப்பியக்கமான திராவிட இயக்கம் பொய்யான திராவிடநாடு, தனித்தமிழ்நாடு போன்ற வாக்குறுதிகளின் அடிப்படையில் அணுகியது. வடவர் பார்ப்பனர் என பொய்யான எதிரிகளைச் சுட்டிக்காட்டியது. அதிகாரத்தை அடைந்தது. சீமானும் அந்தவழியிலேயே செல்கிறார்

மக்களுக்கு இதுதான் பிடிக்கும். எதிரியைச் சுட்டிக்காட்டு என்றுதான் அவர்கள் கோருகிறார்கள். எப்போதும் அன்னியருக்கு எதிரான போர்நிலையில் இருப்பது பழங்குடிகளின் இயல்பு. நாம் ஒவ்வொருவருக்குள்ளும் வாழும் பழங்குடியை நோக்கி இவர்கள் பேசுகிறார்கள்.

சீமான், தன்னார்வக்குழுவினர் போன்றவர்கள் பேசிய எல்லா சிக்கல்களும் எளிய வெறுப்பரசியல்களாக உருமாற்றப்பட்டு நீர்த்து இலக்கழிந்தது வரலாறு. அவர்கள் மக்களைக் கவர விழைகிறார்கள். மக்கள் எளிய வெறுப்புகளை நாடுகிறார்கள் சீமானுக்கு அவருடைய எளிய வெறுப்பரசியலுக்குரிய கருக்களாகவே இவை பயன்படுகின்றன.

மக்களின் வாழ்க்கையை மாற்றிக்கொள்ள வழிவகுக்காமல், அவர்களை விமர்சிக்காமல், அவர்களுக்கு பிடித்ததைப்பேசுபவர்கள் வெற்று அரசியல்வாதிகள். மக்களின் உணர்வுகளைத் தூண்டிவிடுபவர்கள், எதிர்மறை உணர்வுகளை வளர்ப்பவர்கள் அழிவையே கொண்டுவருவார்கள்

காந்தியம் சீரான நீண்ட போராட்டங்களையே முன்வைக்கும். எல்லா போராட்டங்களினூடாகவும் தன்னை மேம்படுத்திக்கொள்வதையே முதல் இலக்காகக் கொள்ளும். அதற்கு எதிர்க்கவேண்டிய தரப்பும் மாற்றிக்கொள்ளவேண்டிய கருத்துக்களும்தான் உண்டே ஒழிய  அனைத்துத்தீமைகளுக்கும் காரணமான எதிரிகள் இல்லை. ஆகவேதான் அது முதிராஉள்ளங்களை கவர்வதில்லை. அது விறுவிறுப்பற்றதாக அவர்களுக்குப் படுகிறது

ஆகவே இவர்கள் மெய்யான பிரச்சினைகளைப் பேசுகிறார்களே என மகிழவேண்டியதில்லை. இவர்கள் பேசுவதனாலேயே அவற்றின் உண்மையான தீவிரம் மழுங்கடிக்கப்பட்டு, பொய்யான களங்களுக்கு போராட்டம் திசைதிருப்பப் பட்டு அழியும் என அச்சமும் கவலையும்தான் கொள்ளவேண்டும்

ஜெ

 

 

https://www.jeyamohan.in/122259#.XVHPgC3TVR4

Share this post


Link to post
Share on other sites

மக்களுக்கு உள்ள பிரச்சனையையும் அதன் தீர்வையும் தான் ஒரு குடிமகன் பேச வேண்டும்.இது அமெரிக்காவுக்கும் பொருந்தும். எந்த ஜனநாயக நாட்டுக்கும் பொருந்தும். சீமானும் அதனை தான் செய்கிறார். அவர் பொய்யான பிரச்சனையை அவர் மக்களிடம் பேசவில்லையே. குற்றம் சாட்டுகிறார் என்பதிலும் பார்க்க யார் காரணம் என்பதையும் சொல்கிறார். மக்கள் முடிவெடுப்பார்கள்.

Share this post


Link to post
Share on other sites

"ஆகவே இவர்கள் மெய்யான பிரச்சினைகளைப் பேசுகிறார்களே என மகிழவேண்டியதில்லை. இவர்கள் பேசுவதனாலேயே அவற்றின் உண்மையான தீவிரம் மழுங்கடிக்கப்பட்டு, பொய்யான களங்களுக்கு போராட்டம் திசைதிருப்பப் பட்டு அழியும் என அச்சமும் கவலையும்தான் கொள்ளவேண்டும்"

மோடி கூட இவரின் கருத்தை அமுலாக்கி உள்ளாரே  🙂 

 

 

Share this post


Link to post
Share on other sites

சீமான் சொல்வது செல்லாது, ஜெ.மோ சொன்னா சரி!

  • Like 1

Share this post


Link to post
Share on other sites

இப்போது அமெரிக்காவில் எங்கும் ஜிம்ஓ இல்லாத மரக்கறிகள் உணவு வகைகளை 
விற்கும் கடைகளின் கிளைகள்தான் திறக்க படுகின்றன 
அவைதான் லாபகரமாக ஓடுகிறது 
ஆர்கானிக் பழங்கள் காய்கறிகளை அதிக விலைக்கு வாங்குகிறார்கள் 

கண்டதையும் விற்று வந்த பாரிய சூப்பர் மார்க்கெட்டுக்கள் நஷடத்தில் போகின்றன 
சில இழுத்து மூடவும் படுகின்றது. 

ஆனாலும் ஜி எம் ஓ  விவாசாயம் குறையவில்லை இவர்கள் என்ன செய்கிறார்கள் என்று பார்த்தால் 
பிற நாடுகளுக்கு ஏற்றுமதி செய்கிறார்கள் சீனா இந்தியா போன்றவை இவர்களின் பெரும் இறக்குமதியாளர்கள்.

அமெரிக்கர்கள் முன்னேறுகிறோம் என்று ஓடித்திரிந்து இப்போ 50-60 வருடம் முன்பு 
இருந்த இடத்துக்கு திரும்பி வந்து இருக்கிறார்கள் .
நாங்கள் இதை ஒரு அனுபவ பாடமாக எடுத்து ஏன் ஓட்டம் ஆர்ப்படடம் இல்லாமல் நிம்மதியாக 
இதே இடத்தில் இருக்க கூடாது? 
2050இல் உலக சனத்தொகை 10 பில்லியன்களாகும் என்று கணிப்பிட படுகிறது அப்போ பாரிய உணவு தட்டுப்பாடு உலவும் என்பதில் ஐயம் இல்லை ...... அதனால்தான் பிற நாடுகளில் திட்டமிட்டு விவாசாய நிலங்கள்  அழிக்கபடுகின்றன நீர்ப்பாசன ஆறுகள் குளங்களை உள்ளூர் பொறுக்கி அரசியல் வாதிகளுக்கு லஞ்சம் கொடுத்து  பன்னாட்டு நிறுவனங்கள் கையப்படுத்த்துகின்றன ..... இரசாயன கலப்பு உணவு தயாரிப்புக்கு  இப்போதே பலமான அத்திவாரம் இடப்படுகிறது. 

இவை எல்லாம் சீமான் வாயால் வருவதால் மட்டுமே ....... பலர் எதிர்க்கிறார்கள் 
சொந்த காசில் சூனியம் செய்துகொண்டு இருக்கிறோம் என்பதை கூட புரியாமல் இருக்கிறார்கள்.
இருக்கும் அரசியல்வாதிகள் இவற்றை நடைமுறை படுத்தினால் மக்கள் ஏன் சீமானுக்கு வாக்குப்போட போகிறார்கள்? 

Share this post


Link to post
Share on other sites
1 hour ago, Maruthankerny said:

இவை எல்லாம் சீமான் வாயால் வருவதால் மட்டுமே ....... பலர் எதிர்க்கிறார்கள் 
சொந்த காசில் சூனியம் செய்துகொண்டு இருக்கிறோம் என்பதை கூட புரியாமல் இருக்கிறார்கள்.
இருக்கும் அரசியல்வாதிகள் இவற்றை நடைமுறை படுத்தினால் மக்கள் ஏன் சீமானுக்கு வாக்குப்போட போகிறார்கள்? 

சீமான் வழமையாக கூறுவது, "எனது தம்பி தங்கைச்சிமார் புரிந்து கொள்ளவேண்டும்... " என்று. காரணம், அவரின் நம்பிக்கை அடுத்த .தலைமுறையில் தான் .

இந்த தலைமுறை பணம் வாங்கி வாக்கு வங்கிகளை நிரப்புகின்றது !  

Share this post


Link to post
Share on other sites

அட விடுங்க சார் அவர் ரஜனி படத்துக்கு வசனம் எழுதிவிட்டு இருக்கும் நேரத்தில் இப்படி ஏதாவது உளறுவார் யாரோ குடிச்சிட்டு மிச்சம் வைச்சதை எடுத்து அடிச்சிட்டார்போல. 

 

சின்ன வயசில எங்களுக்கு மூத்தவங்க சொல்லுவாங்கள் நாட்டில் கம்யூனிசம் வந்ததெண்டால் சம உடமை ஆகிவிடும் எங்களிட்டை இருக்கிறதெல்லாத்தையும் அரசாங்கம் புடுங்கிப்போடும் பிறகு அது என்ன தருகுதோ அதைத்தான் நாங்கள் வாங்கிச் சாப்பிடவேண்டும் என அதைக்கேட்டு நான் பயந்த்ததுண்டு ஆனால் பயப்பிட ஒரு காரணமும் இல்லை ஏனெண்டால் எங்களிடம் இருந்தது என்னமோ ஒண்ணேகல் பரப்புக்காணியும் பங்குக்கிணறும்  (பாத்தீங்களா அப்பவே கிணறு விசையத்தில நாங்கள் கம்யூனிஸ்டுகளாக இருந்திருக்கிறம்) அதுக்குள்ள ஒரு சின்ன வீடும் (?)தான். அதையும் பறிச்சுப்போடுவாங்களோ என அவங்கள் இந்தக்கதையைச் சொன்ன ஓரிரு நாளாய் இரவுபகலாகத் தூக்கமில்லாமல் பிரண்டுபடுத்திருக்கிறன். இதில் என்ன வேடிக்கை என்றால் அந்தவீட்டையும் கம்யூனிசியம் பேசாத, எனது அக்காவுக்குப் பார்த்த மாப்பிள்ளை சீதனம் எனும் பெயரில புடுங்கிப்போட்டார் ஆனால் அப்பவெல்லாம் அதைபத்தி யோசிக்காமல் குறட்டைவிட்டு நல்லா நித்திரைகொண்டனான். இப்படித்தான் ஒருநாள் முதுகுக்கு வெயில் பட எழும்புவம் எனப் படுத்துக்கிடக்கேக்க எல்லாரையும் வீட்டைவிட்டுக் கலைச்சுப்போட்டார். பிறகென்ன வாடகை வீடும் ஒண்டிக்குடித்தனமும்தான்.

இயந்திரன் 2,0 எடுக்கிறன்பேர்வளி என சங்கர் லைக்காவிடம் புடுங்கின காசில் ஏராளமாக ஜெயமோகனுக்கும் சுவறியிருக்கும்தானே அதுதான் ருசிகண்ட பூனை சீமான் தரவளி யாராவது வருமாப்போல் தப்புத்தண்டா ஏதாவது வந்தால் முதலில் சொன்ன கமுனிசியக்காரன் கதைதான். 

  • Like 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Topics

  • Posts

    • கேண‌ல் ராயூ அண்ணாவுக்கு வீர‌ வ‌ண‌க்க‌ம் 🙏 /  த‌மிழீழ‌ போராட்ட‌த்தில் கேண‌ல் ராயூ அண்ணாவின் திற‌மை எம் போராட்ட‌த்துக்கு மிக‌வும் ப‌ல‌ம் சேர்த்த‌து , ஏழாலை எனும் அழ‌கான‌ ஊரில் பிற‌ந்து வ‌ள‌ந்து போராட்ட‌ க‌ள‌ம் நோக்கி சென்ற‌ த‌ள‌ப‌தி எங்க‌ள் ராயூ அண்ணா 🙏🤞/ த‌மிழீழ‌ தேசிய‌ த‌லைவ‌ரின் அன்பு த‌ம்பி , த‌லைவ‌ர் அருகில் கூட‌வே இருந்து வ‌ள‌ந்த‌ திற‌மையான‌ அறிவான‌ த‌ள‌ப‌தி ராயூ அண்ணா 🙏 / எம் போராட்ட‌த்துக்காக‌ இர‌வு ப‌க‌ல் என்று பாராம‌ல் அய‌ராது பாடு ப‌ட்ட‌ த‌ள‌ப‌தி ராயூ அண்ணா 🙏/ புற்றுநோய் வ‌ந்த‌ போதும் உயிரை ப‌ற்றி யோசிக்காம‌ போராட்ட‌த்தை நேசித்த‌ த‌ள‌ப‌தி ராயூ அண்ணா 😓 ராயூ அண்ணாவை நேரில் பார்க்கும் ச‌ர்ந்த‌ப்ப‌ம் என‌க்கு கிடைக்க‌ல‌ , ராயூ அண்ணா  அருகில் நின்ற‌ அவ‌ரின்  த‌ம்பிக‌ள் இப்ப‌வும் மெள‌வுன‌மாய் இருக்கின‌ம் ,  ஆம் அவ‌ரின் த‌ம்பிக‌ள் அவ‌ரிட‌ம் இருந்து க‌ற்று கொண்ட‌ அனுப‌வ‌ங்க‌ளை அவ‌ர்க‌ள் ம‌ற‌க்க‌ வில்லை 🙏🤞/ ராயூ அண்ணாவை இன்னும்  உயிருக்கு உயிராக‌ நேசிக்கும் த‌ம்பி மார்க‌ள் ப‌ல‌ர் இருக்கின‌ம் புல‌ம் பெய‌ர் நாட்டிலும் ம‌ற்றும் த‌மிழீழ‌த்திலும்  🤞/ ராயூ அண்ணா பிற‌ந்த‌ எங்க‌ ஊரில் , கால‌ம் நேர‌ம் கூடி வ‌ரும் போது ராயூ அண்ணாவின் பெய‌ரில் ஏழாலையில் பெரிய‌ அழ‌கான‌ பூங்கா ஒன்று க‌ட்டி அத‌ ராயூ அண்ணாவுக்கு ச‌ம‌ர்ப்பிக்க‌ உள்ளோம் 🙏🤞 பொறுத்தார் பூமி ஆள்வார் , எங்க‌ளின் க‌ன‌வு ஒரு நாள் ந‌ன‌வாகும் 🙏/ ப‌திவு பைய‌ன்26 🙏
    • எவரொருவர் இன்டர்நெட் இனுள் நுழைந்த கணத்தில் இருந்து அவரது செயல்பாடுகள் எல்லாமே பதிவு செய்யப்படுகிறது.  விடயம் தெரிந்த வேறு எவரொருவராலும் இந்த செயல்பாடுகளை பெற்றுக் கொள்ள  முடியும். பலான விடயங்களை தேடும் போது  ஆகக் குறைந்தது உங்கள் கணனியின் கமெராவையாவது  மறைத்து விடுங்கள்.  இல்லாவிடில் நீங்கள் தேடுவதை உங்கள் கணனியின் காமராவிலேயே படம் பிடித்து உங்களுக்கே அனுப்பி - நீங்கள் சஞ்சாரம் செய்து கொண்டிருந்த வளைத்த தள விபரங்கள் உட்பட - பயமுறுத்தல் செய்தி அனுப்புவார்கள்;   கப்ப அழைப்பு கூட வரும்.  ,கவனிக்க விட்டால் கணணியை பிரீஸ் பண்ணி விடுவார்கள். un-freeze   பண்ணுவதற்கு கணனியின் root- டிரேக்டரி க்கு போய் சில கோப்புகளை சில விநாடித் துளிகள் அவகாசத்தில்  கொல்ல வேண்டியிருக்கும். அப்பாவி மனிதர்களுக்கு இந்த உலகத்தில்  தான் எவ்வளவு பிரச்சனைகள் ….  
    • கா  ஜமுனாதேவி பொன்னம்பலத்துக்கு ‘சிறீலங்கா திலக’ விருது!   பாதிக்கப்பட்ட பெண்களின் மேம்பாட்டிற்காக உழைத்ததற்காக ஜனாதிபதியால் கெளரவிக்கப்பட்டார் புங்குடுதீவு உணவு தாயாரிப்பாளர் சங்கத்தின் செயலாளரும் (Pungudutivu Food Manufacturers Society) யாழ். பனம் கைவினைப் பொருட்கள் உத்தரவாதம் நிறுவனத்தின் (Jaffan Palmyrah Handicrafts Guarantee Ltd.) தலைவருமான செல்வி ஜமுனாதேவி பொன்னம்பலத்துக்கு ‘தேசிய கெளரவம் – 2019’ (National Honors 2019) என்ற நிகழ்வில் வைத்து ஜனாதிபதி சிறீசேன ‘சிறீலங்கா திலகா’ விருதை வழங்கிக் கெளரவித்தார். நாடு முழுவதிலிருந்தும் 70 பேர் தெரிவுசெய்யப்பட்டு விருது வழங்கப்பட்டார்கள். வடமாகாணத்தில் பாதிக்கப்பட்ட பெண்களின் மேம்பாட்டிற்காகப் பணியாற்றிவருவதற்காக செல்வி ஜமுனாதேவி ஜனாதிபதியால் மதிப்பளிக்கப்பட்டார். Pungudutivu Food Manufactures Society புங்குடுதீவு உணவு தயாரிப்பாளர் சங்கமும் யாழ். பனம் கைவினைப் பொருட்கள் உதரவாதம் லிமிற்றட் நிறுவனமும் ஐ.நா. அபிவிருத்தித் திட்டத்தினால் (UNDP) ஆதரிக்கப்பட்டு கனடிய அரசின் நிதியாதரவைப் பெறும் அமைப்புகளாகும். புங்குடுதீவு உணவு தயாரிப்பாளர் சங்கம் (PFM) செல்வி ஜமுனாதேவியும் இன்னும் சிலரும் சேர்ந்து 2007ம் ஆண்டில் ஆரம்பிக்கப்பட்டது. போரினால் பாதிக்கப்பட்ட பெண்களுக்கு தொழில் திறன்களைக் கற்பித்து வேலைவாய்ப்புகளைப் பெற்றுக்கொள்வதற்கு உதவும் நோக்கத்துடன் இச் சங்கம் ஆரம்பிக்கப்பட்டது. உள்ளூர் வளங்களான பனம் பொருட்கள் மற்றும் மூலிகைகள் இவர்கள் தயாரிக்கும் உணவுப் பொருட்களின் மூலப்பொருட்களாகும். 2018 இல் ஐ.நா. அபிவிருத்தித் திட்டத்தின் (UNDP) ஆதரவுடன் கனடிய அரசின் நிதி உதவியோடு அதன் விவசாய பொருளாதார அபிவிருத்தித் திட்டத்தின் ( Agro Economic Development Project (ADP)) கீழ், புங்குடுதீவு உணவு தயாரிப்பாளர் சங்கம் அரிசி மாவு, மிளகாய்த்தூள் போன்ற மேலும் பல விவசாயம் சார்ந்த உணவு வகைகளையும் தயாரித்து வருமானத்தைப் பெருக்க வழிசெய்யப்பட்டது. இன்று போரினால் பாதிக்கப்பட்ட 15 பெண்களுக்கு இச் சங்கம் வேலைவாய்ப்பளிப்பதோடு அதன் வருமானத்தையும் பல்மடங்கு அதிகரித்துள்ளது. Jaffna Palmyrah Handycrafts யாழ் பனம் கைவினைப் பொருட்கள் உத்தரவாத லிமிட்டட் ஐ.நா.அ.தி. யின் ஆதரவில் இயங்கும் விவசாய வாழ்வாதார மீள்கட்டுமானத் திட்டத்தின் (Rebuilding Agri Livelihood Project (RALP) கீழ் 2012இல் ஆரம்பிக்கப்பட்டது. இங்கு தயாரிக்கப்படும் பல்வேறு பனம் கைவினைப் பொருட்கள் உள்நாட்டிலும் வெளிநாடுகளிலும் விற்பனையாகிறது. 2019 இல் இந்நிறுவனம் 25 பெண்களுக்கு வேலைவாய்ப்பளிக்கிறது. சிறிய உற்பத்திக் குழுக்களாக ஆரம்பித்து இன்று பாதிக்கப்பட்ட பல உள்ளூர்ப் பெண்களுக்கு வேலைவாய்ப்புகளை வழங்கக்கூடிய நிறுவனங்களாக வளர்ச்சியடைந்திருக்கின்றன. தொடங்கிய நாளிலிருந்தே, செல்வி ஜமுனாதேவி மேலும் அதிகமாகச் செய்யவேண்டுமென்று விரும்புபவர். அவரின் முயற்சிகளுக்கு மதிப்பளித்து, சமூகத்துக்கு அளப்பரிய சேவைகளைச் செய்பவர்களை மதிப்பளித்துக் கெளரவிக்கும் இவ் வருடாந்த ‘தேசிய கெள்ரவம் 2019’ நிகழ்வில் ‘சிறீலங்கா திலக’ என்ற விருது வழங்கப்பட்டது. http://marumoli.com/ஜமுனாதேவி-பொன்னம்பலத்து/?fbclid=IwAR2EJ2kURzi8R0cktvyidX0iW4ah0E3Uvc7hYkLG-mg2tUddawwFRCtGVTI
    • மிண்டும் இந்த சிறுவன் இன்றும் கார் ஓடி விபத்துக்கு உள்ளனதாக உள்ளூர் செய்திகள் தெரிவிக்கின்றன
    • மாவீரர்களுக்கு வீர வணக்கங்கள்...