ஏராளன்

Jio GigaFiber நொடிக்கு ஒரு ஜிபி: அசாத்திய வேகத்துக்கு காரணம் என்ன? #TechBlog

Recommended Posts

Jio GigaFiber நொடிக்கு ஒரு ஜிபி: அசாத்திய வேகத்துக்கு காரணம் என்ன? #TechBlog

சாய்ராம் ஜெயராமன்,பிபிசி தமிழ்
Jio GigaFiber நொடிக்கு ஒரு ஜிபி வேகம்: அசாத்திய வேகத்துக்கு காரணம் என்ன?படத்தின் காப்புரிமைGETTY IMAGES

தனது நிறுவனம் தொடங்கப்பட்டு மூன்றாண்டுகளுக்கு பிறகு மீண்டும் இந்தியாவை மட்டுமல்ல, உலகை திரும்பி பார்க்க வைத்துள்ளது தொலைத்தொடர்புத்துறை நிறுவனமான ஜியோ.

2016ஆம் ஆண்டு செப்டம்பர் மாதம், முன்னெப்போதுமில்லாத வகையில் பல்வேறு சலுகைகளுடன் தனது வணிகரீதியிலான பயணத்தை ஆரம்பித்தது, ரிலையன்ஸ் இண்டஸ்ட்ரீஸ் குழுமத்தின் தொலைத்தொடர்பு நிறுவனமான ஜியோ.

முதலில் 4ஜி தொழில்நுட்பத்துடன் கூடிய அலைபேசி சேவையை வழங்கிய ஜியோ, வெறும் மூன்றே ஆண்டுகளில் வருவாய் அடிப்படையில் இந்தியாவின் மிகப் பெரிய தொலைத்தொடர்பு நிறுவனமாகவும், சந்தாதாரர்கள் அடிப்படையில் இரண்டாவது மிகப் பெரிய நிறுவனமாகவும் விளங்குகிறது. டிராய் அமைப்பின் சமீபத்திய தரவின்படி, 30 கோடிக்கும் அதிகமான சந்தாதாரர்களுடன் ஏறுமுகத்தில் சென்றுக்கொண்டிருக்கும் ஜியோ. அடுத்தக்கட்டம் தொடர்பாக, கடந்த திங்கட்கிழமை நடந்த ரிலையன்ஸ் நிறுவனத்தின் ஆண்டுப் பொதுக்கூட்டத்தில் அந்நிறுவனத்தின் அத்தலைவர் முகேஷ் அம்பானி வெளியிட்ட அறிவிப்புகள் தொலைத்தொடர்புத்துறையை அதிர வைத்துள்ளன.

Jio GigaFiber எனும் பெயரில் கண்ணாடி ஒளி இழை (Optical Fiber) தொழில்நுட்பத்தை அடிப்படையாக கொண்ட அகண்ட அலைவரிசை (Broadband) சேவையின் வணிகரீதியிலான திட்டத்தை அறிவித்துள்ளது அந்நிறுவனம்.

Jio GigaFiber நொடிக்கு ஒரு ஜிபி வேகம்: அசாத்திய வேகத்துக்கு காரணம் என்ன?படத்தின் காப்புரிமைGETTY IMAGES

குறைந்தபட்சமாக மாதம் 700 ரூபாய் சந்தா கட்டினால், அனைத்து சந்தாதாரர்களுக்கும் 100 எம்பிபிஎஸ் வேகத்தில் சேவையை வழங்க இருப்பதாகவும், மாதத்திற்கு 10,000 ரூபாய் வரை செல்லும் மற்ற திட்டங்களில் அதிகபட்சமாக 1 ஜிபிபிஎஸ் வேகத்தை வழங்குவதற்கு திட்டமிட்டுள்ளதாகவும் ஜியோ நிறுவனம் அறிவித்துள்ளது.

இந்தியாவைப் பொறுத்தவரை, 4ஜி தொழில் நுட்பத்தில் சராசரியாக 40 எம்பிபிஎஸ் வேகம் கிடைப்பதாக ஆய்வறிக்கைகள் தெரிவிக்கும் நிலையில், அதைவிட சுமார் 25 மடங்கு அதிக வேகத்துக்கு உறுதியளிக்கிறது ஜியோ நிறுவனம்.

கண்ணாடி ஒளியிழை தொழில்நுட்பம்

குறைந்தபட்சம் 100 எம்பிபிஎஸ் மற்றும் அதிகபட்சம் 1 ஜிபிபிஎஸ் வேகம் வரையிலான அசாத்திய இணையதள சேவையை அளிப்பதாக ஜியோ உறுதியளிப்பதற்கு பின்னால் இருப்பது கண்ணாடி ஒளியிழை (Optical Fiber) எனும் இணையதள வேகத்தை உறுதிசெய்வதில் உலகளவில் புரட்சியை ஏற்படுத்திய தொழில்நுட்பம்தான்.

குறிப்பாக, சொல்லப்போனால், ஜியோ நிறுவனம், வீட்டிற்கு கண்ணாடி ஒளியிழை (Fiber to the Home) என்னும் தொழில்நுட்பத்தைதான் பயன்படுத்த இருக்கிறது.

அகண்ட அலைவரிசை சேவை (Broadband), நிலவழி தொலைபேசி இணைப்பு, தொலைக்காட்சி கேபிள் உள்ளிட்ட பல்வேறு சேவைகளில் இந்தியா மட்டுமின்றி உலகின் பெரும்பாலான நாடுகளில் செப்பு கம்பியை முதலாக கொண்ட இணைப்புகளே அதிகம் பயன்படுத்தப்படுகின்றன.

இலங்கை இலங்கை

கொடுக்கப்படும் தரவை/ கட்டளையை எலெக்ட்ரான்களாக மாற்றி அதை மற்றொரு முனைக்கு கொண்டு செல்லும் செப்பு கம்பிகளால் ஒரு குறிப்பிட்ட அளவுக்கு மேல் திறம்பட செயல்பட முடியாமல் அதன் வேகம் குறைந்துவிடுகிறது. பல்வேறு குறைபாடுகளை கொண்ட இந்த தொழில்நுட்பத்தை மிஞ்சுவதற்கு வந்ததுதான் கண்ணாடி ஒளியிழை தொழில்நுட்பம்.

இதன் பெயரை கொண்டே அது எப்படி செயல்படுகிறது என்பதை ஓரளவுக்கு யூகித்துவிடலாம். ஆம், கண்ணாடியாலான கம்பிக்குள் தமது தரவை ஒளியலைகளாக மாற்றி அதை மற்றொரு மூலையை நோக்கி பயணிக்கவைப்பதே கண்ணாடி ஒளியிழை தொழில்நுட்பத்தின் அடிப்படை. சத்தத்தை விட மிகவும் வேகமாக பயணிக்கக் கூடிய ஒளியே இங்கு அடிப்படை. ஒளியின் அதிவேகப் பயணத்துக்கு எவ்வித இடையூறும் ஏற்படாமல் இருப்பதை மனிதரின் மயிரிழையை விட சற்றே தடிமனான கண்ணாடி இழை உறுதி செய்கிறது.

Jio GigaFiber நொடிக்கு ஒரு ஜிபி வேகம்: அசாத்திய வேகத்துக்கு காரணம் என்ன?படத்தின் காப்புரிமைAFP

அதுமட்டுமின்றி, ஒளி தொடர்ந்து அதிவேகத்தில் பயணிப்பதற்கு தேவையான மின்சாரத்தை அதற்கு மேலுள்ள மற்றொரு அடுக்கும், தரவும், மின்சாரமும் சிதறாமல் பாதுகாப்பாக இருப்பதை அதற்கு மேலுள்ள அடுத்தடுத்த அடுக்குகளும் உறுதி செய்கின்றன.

ஜியோவுக்கு முன்னதாகவே இந்தியாவில் பல்வேறு நிறுவனங்கள் கண்ணாடி ஒளியிழை தொழில்நுட்பத்தை பயன்படுத்தி சேவையை வருகின்றன. ஆனால், அவற்றில் எல்லா சேவைகளும் முற்றிலும் இந்த தொழில்நுட்பத்தை அளிப்பதில்லை. அதாவது, ஒரு குறிப்பிட்ட இடம் வரை கண்ணாடி ஒளியிழை பயன்படுத்தப்பட்டு, அதன் பிறகு சேவையை பெறும் வீட்டிற்கு சாதாரண செப்பு கம்பி இணைப்பு கொடுக்கப்பட்டு வருகிறது. இதன் காரணமாக, பயன்பாட்டாளர்களால் கண்ணாடி ஒளியிழை தொழில்நுட்பத்தின் முழுப் பயனை பெற முடியாமல் போகிறது.

இலங்கை இலங்கை

இந்நிலையில், ஒரு குறிப்பிட்ட புள்ளியிலிருந்து, இணைப்பை பயன்படுத்தும் கடைசி இடம் வரை முற்றிலும் கண்ணாடி ஒளியிழை கம்பியை பயன்படுத்தும் 'வீட்டிற்கு கண்ணாடி ஒளியிழை' (FTTH) எனும் தொழில்நுட்பத்தை பயன்படுத்தப் போவதாக ஜியோ நிறுவனம் தெரிவித்துள்ளது.

எந்த விதத்தில் மேம்பட்டது?

கற்றையகலம் (Bandwidth):

ஒலி சார்ந்த தொடர்பாடலுக்காக உருவாக்கப்பட்டததுதான் செப்பு கம்பிகள் அடிப்படையிலான தொழில்நுட்பம். எனவே, அவற்றால் குறைந்த அளவு தரவை மட்டுமே எடுத்துச்செல்ல இயலும். ஆனால், கண்ணாடி ஒளியிழை தொழில்நுட்பத்திலோ, மிக அதிகளவிலான தரவையும் பாய்ச்ச முடியும்.

பதிவிறக்க/ பதிவேற்ற வேகம் (Upload/Download Speed):

ஒளி அலைகளை அடிப்படையாக கொண்டு செயல்படும் கண்ணாடி ஒளியிழை தொழில்நுட்பம் மூலம் செப்பு கம்பிகளை விட மிக அதிவேக இணையதள பதிவிறக்க/ பதிவேற்ற வேகத்தை தங்குதடையின்றி கொடுக்க முடியும். இதன் காரணமாகவே ஜியோவால் நொடிக்கு 1 ஜிபிபிஎஸ் வேகம் என்ற உறுதிமொழியை கொடுக்க முடிந்துள்ளது.

தொலைவு: சில மீட்டர் தூரத்திலேயே தனது வேகத்தை இழக்கும் செப்பு கம்பிகளுடன் ஒப்பிட்டால், கண்ணாடி ஒளியிழை கம்பிகளால் பல கிலோமீட்டர் தூரத்துக்கு தங்குதடையின்றி தரவை எடுத்துச்செல்ல முடியும். குறிப்பாக, உலக நாடுகளுக்கிடையேயான தொடர்பாடல் வேகம் அதிகரித்து வருவதற்கு கடலுக்கடியில் பதிக்கப்பட்டுள்ள கண்ணாடி ஒளியிழை கம்பிகளே காரணம். அவை உலக நாடுகளை ஒன்றிணைக்கிறது.

பாதுகாப்பு மற்றும் நம்பகத்தன்மை: பல்வேறுபட்ட அடுக்குகளை கொண்ட கண்ணாடி ஒளியிழை கம்பிகள் மிகவும் உறுதியானது மட்டுமல்ல பாதுகாப்பானதும் கூட. ஆம், அவற்றிலுள்ள பல்வேறு அடுக்குகள் கம்பிகளை இடைமறித்து தரவு திருட்டு மேற்கொள்ளப்படும் அபாயத்திலிருந்து தடுக்கிறது. அதுமட்டுமின்றி, செப்பு கம்பிகளை விட பல மடங்கு வலிமையான கண்ணாடி ஒளியிழை கம்பிகள், செப்பு உள்ளிட்ட மற்ற வகை கம்பிகளை விடவும் உறுதியானது.

Jio GigaFiber நொடிக்கு ஒரு ஜிபி வேகம்: அசாத்திய வேகத்துக்கு காரணம் என்ன?படத்தின் காப்புரிமைGETTY IMAGES

செலவு:

செப்பு கம்பிகளுடன் ஒப்பிடும்போது, கண்ணாடி இழை, ஒளியிழை கம்பிகளின் விலை மிகவும் அதிகமானதுதான். ஆனால், நீடித்து உழைக்கக் கூடியது மட்டுமின்றி, குறைந்த பராமரிப்பு, உறுதித்தன்மை, நிலையான வேகம் போன்றவை நீண்டகால அடிப்படையில் பார்க்கும்போது செய்யும் முதலீட்டிற்கு லாபகரமான ஒன்றே என்று தொழில்சார் வல்லுநர்கள் தெரிவிக்கின்றனர்.

இவ்வளவு குறைந்த விலை எப்படி சாத்தியம்?

ஜியோ அளிக்கும் வேகத்தையும், பயன்படுத்தும் தொழில்நுட்பத்தையும் அதன் சேவையுடன் தொடர்புபடுத்தி பார்த்தோமானால் ஆச்சரியமே ஏற்படுகிறது. ஆம், உலகளவில் கண்ணாடி ஒளியிழை தொழில்நுட்பத்தை அடிப்படையிலான இணைய சேவை வழங்கும் முன்னணி நிறுவனங்களின் மாத சந்தாவுடன் ஒப்பிட்டு பார்க்கும்போது ஜியோவின் குறைந்தபட்ச கட்டணம் அவற்றில் பத்தில் ஒரு மடங்குதான் இருக்கிறது. இதை, அறிமுக விழாவில் முகேஷ் அம்பானியும் தெரிவித்திருந்தார்.

இந்நிலையில், அலைபேசி குரல்வழி அழைப்பு முதல் 4ஜி இணைய சேவை வரை குறைவான கட்டணத்தில் அளித்த ஜியோவால் எப்படி ஒப்பீட்டளவில் செலவுமிக்க கண்ணாடி ஒளியிழை தொழில்நுட்பத்தையும் குறைவான கட்டணத்தில் அளிப்பது சாத்தியமாகிறது என்று அமெரிக்காவை சேர்ந்த தொழில்நுட்பவியலாளர் மணி மணிவண்ணனிடம் கேட்டபோது, "கண்ணாடி ஒளியிழை கம்பிகளின் விலை எவ்வளவு அதிகமோ அதைவிட அவற்றை நிலத்தில் பதித்து தொலைதூரத்திலிருந்து கொண்டுவருவதற்கு அரசிற்கு அளிக்க வேண்டிய தொகை மிகவும் அதிகம்.

ஆனால், இந்தியாவை பொறுத்தவரை, ஜியோ உள்ளிட்ட நிறுவனங்களுக்கு அதற்கான அனுமதியை கொள்கைரீதியாகவே மத்திய அரசு இலவசமாக வழங்குவது உள்ளிட்ட பல்வேறு சலுகைகளை காட்டுகின்றன. அதுவே, குறைந்த விலையை அளிப்பதற்கான ரகசியத்தின் அடிப்படை.

அதற்கடுத்து பார்த்தோமானால், சந்தையில் தங்களுக்கென தனி இடத்தை பெறுவதற்கு மூன்றாண்டுகளுக்கு முன்பு கடைபிடித்த அதே பாணியை மீண்டும் ஜியோ கடைபிடித்துள்ளதாக கூறலாம். அதாவது, தங்களது சேவையின் தனித்துவத்தை சுட்டிக்காட்டி மக்களை ஈர்ப்பது மட்டுமின்றி, சந்தை விலையை விட குறைவான விலையை நிர்ணயிக்கும் அலைபேசி சந்தையில் பயன்படுத்திய பாணியை தற்போது இங்கும் ஜியோ நீட்டித்துள்ளது எனலாம்" என்று அவர் கூறுகிறார்.

'ஜியோவை கட்டுப்பாடின்றி வளர விட கூடாது'

அடுத்த மாதம் ஐந்தாம் தேதி வணிகரீதியாக தொடங்கப்படவுள்ள தங்களது கண்ணாடி ஒளியிழை இணைய சேவையை பெறுவதற்கு 15 மில்லியன் மக்கள் முன்பதிவு செய்துள்ளதாக முகேஷ் அம்பானி கூறியுள்ளார். இது இந்திய தொலைத்தொடர்புத்துறையில் முன்னெப்போதும் இல்லாத மிகப் பெரிய எண்ணிக்கை என்று கருதப்படுகிறது.

இந்திய தொலைத்தொடர்புத் துறையில் அதீத வளர்ச்சி பெற்று வரும் ஜியோவின் போக்கு ஒருவகையில் 20ஆம் நூற்றாண்டில் அமெரிக்காவின் தொலைத் தொடர்புத்துறையை தன்னந்தனியாக கட்டுப்படுத்திய ஏடி&டி (American Telephone & Telegraph) எனும் கூட்டு நிறுவனத்தை நினைவுப்படுத்துகிறது என்கிறார் மணிவண்ணன்.

"அமெரிக்காவின் தொலைத்தொடர்புத்துறையில் நீண்ட நெடிய வரலாற்றை கொண்ட நிறுவனம்தான் ஏடி&டி. தொழில்நுட்பம் வளரவளர அதனுடன் சேர்ந்து அபரிதமாக வளர்ந்து வந்த இந்நிறுவனம் ஒருகட்டத்தில் அமெரிக்காவின் தொலைத்தொடர்புத்துறையில் அசைக்க முடியாத பெரும் நிறுவனமாக உருவாகி, போட்டியாளர்களுக்கு இடமளிக்காமல், ஒட்டுமொத்த சந்தையையும் கட்டுப்படுத்த தொடங்கியது.

Jio GigaFiber நொடிக்கு ஒரு ஜிபி வேகம்: அசாத்திய வேகத்துக்கு காரணம் என்ன?படத்தின் காப்புரிமைGETTY IMAGES

இதுதொடர்பாக நாடு முழுவதும் அதிருப்திகள் எழவே, 1984ஆம் ஆண்டு ஏடி&டி நிறுவனத்தின் ஏகபோக செயல்பாட்டை மட்டுப்படுத்தி, அதை எட்டு தனிப்பட்ட நிறுவனங்களாக பிரித்தது அமெரிக்க அரசு.

அதைத்தொடர்ந்தே, அமெரிக்க தொலைத்தொடர்புத்துறையில் மீண்டும் நல்ல போட்டிமிக்க சூழல் உருவாகியது. ஆனால், இடைப்பட்ட காலத்தில் மீண்டும் வளர்ச்சியை காட்டிய ஏடி&டி, இதே வேகத்தில் சென்றால் மீண்டும் அரசின் நடவடிக்கைக்கு உட்படுத்தப்படலாம் என்ற நிலை நிலவுகிறது."

குறிப்பிட்ட சந்தையை தன்மயமாக்கும் வகையிலான நிறுவனங்களின் ஏகபோக செயல்பாட்டை கட்டுப்படுத்தும் சட்டங்கள் இந்தியாவில் உள்ளதா என்று அவரிடம் கேட்டபோது, "கிட்டத்தட்ட அமெரிக்காவை ஒத்த சட்டம் இந்தியாவிலும் உள்ளது. ஆனால், அதை காலத்துக்கு ஏற்றவாறு மேம்படுத்தி வைத்திருப்பது சிறந்தது. இணையதள சேவை மட்டுமின்றி, தரவுப் பகுப்பாய்வியல் (Data Analytics), செயற்கை அறிவு (Artificial Intelligence), பொருள்களின் இணையம் (Internet of Things) போன்ற பல்வேறு விடயங்களில் மைக்ரோசாஃப்ட் உள்ளிட்ட நிறுவனங்களோடு சேர்ந்து கால்பதிக்கப் போவதாகவும் ஜியோ அறிவித்திருக்கிறது.

ஒரே நிறுவனத்திடம் கோடிக்கணக்கான மக்களின் தனிப்பட்ட தரவுகள் சென்று குவிவது எப்போதுமே நல்லதல்ல. அதை கட்டுப்படுத்துவதற்கு, முறைப்படுத்துவதற்கு தேவையான அனைத்து நடவடிக்கைகளையும் இந்திய அரசு உடனடியாக மேற்கொள்ள வேண்டும். இதன் தேவை இப்போது இல்லாதது போன்றிருக்கலாம்; ஆனால், எதிர்காலம் குறித்து இப்போது சிந்தித்து முடிவெடுக்க வேண்டியது அவசியம்" என்று எச்சரிக்கை விடுக்கிறார் தொழில் நுட்பவியலாளர் மணி மணிவண்ணன்.

https://www.bbc.com/tamil/science-49338327

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Topics

  • Posts

    • சபாநாயகருக்கு இரு கடிதங்கள்..! ஐ.தே.கட்சிற்குள் குழப்பம் ஐக்கிய தேசியக் கட்சியின் தலைவராக சஜித் பிரேமதாஸவை நியமிக்குமாறு கோரி ஐக்கிய தேசியக் கட்சியின் பெரும்பான்மை உறுப்பினர்கள் சபாநாயகர் கரு ஜயசூரியவுக்கு கடிதமொன்றை அனுப்பி வைத்துள்ளனர். இக் கடிதத்தில் ஐக்கிய தேசியக் கட்சியின் சிரேஸ்ட அங்கத்தவர்களான முன்னாள் தவிசாளர் கபீர் ஹாசிம், ரஞ்சித் மத்தும பண்டார உள்ளிட்ட 45 பேர் கையொப்பம் இட்டுள்ளனர். ஐக்கிய தேசியக் கட்சியின் தலைமை பொறுப்பு மற்றும் எதிர்க் கட்சித் தலைமை பதவியை சஜித் பிரேமதாஸவிற்கு வழங்குமாறு ஐக்கிய தேசியக் கட்சியின் பெரும்பான்மை உறுப்பினர்கள் அழுத்தம் கொடுத்து வருகின்றமை குறிப்பிடத்தக்கது. இதேவேளை பிரதமர் பதவியை இராஜினாமா செய்துள்ள ஐக்கிய தேசியக் கட்சியின் தலைவர் ரணில் விக்ரமசிங்கவை எதிர்க்கட்சித் தலைவராக நியமிக்குமாறு வலியுறுத்தி ஐக்கிய தேசியக் கட்சியின் பொதுச் செயலாளரும் அமைச்சருமான அகிலவிராஜ் காரியவசம் சபாநாயகர் கருஜயசூரியவுக்கு கடிதம் மூலம் கோரிக்கை விடுத்துள்ளார். இதனால் ஐக்கிய தேசியக் கட்சிக்குள் தற்போது குழப்ப நிலை ஏற்பட்டுள்ளது. https://www.virakesari.lk/article/69435
    • (ஆர்.யசி) எதிர்க்கட்சி தலைவர் யார் என்பதை பாராளுமன்றத்தில் சபாநாயகரால் தீர்மானிக்க முடியாது. இது  ஐக்கிய தேசியக் கட்சிக்குள் தீர்க்கப்பட வேண்டிய உட்கட்சி விவகாரம், இதனை பாராளுமன்ற அலுவல்கள் பற்றிய குழுவில் பேச அவசியமில்லை என  சபாநாயகர் கரு ஜயசூரிய தெரிவித்துள்ளார்.  எதிர்க்கட்சியில் பெரும்பான்மையான உறுப்பினர்கள் உள்ள கட்சியில் பாராளுமன்றக் குழுத் தலைவரே எதிர்க்கட்சித் தலைவராக ஏற்றுக்கொள்ளப்படுவார் எனவும் சபாநாயகர் சுட்டிக்காட்டியுள்ளார்.  பாராளுமன்ற அலுவல்கள் பற்றிய குழுக் கூட்டம் இன்று காலை சபாநாயகர் கரு ஜெயசூரிய தலைமையில் கூடியது.  அடுத்த பாராளுமன்ற அமர்வுகளை கூட்டும் காலம், அடுத்ததாக ஆளும் மற்றும் எதிர் கட்சிகளின் ஆசன ஒதுக்கீடுகள் குறித்து இந்தக் கூட்டத்தில் அதிகமாக பேசப்பட்டது. இக்கூட்டத்திற்கு பாராளுமன்ற உறுப்பினர்களான லக்ஷ்மன் கிரியல்ல, டலஸ் அழகப்பெரும, ரவூப் ஹக்கீம், ரவி கருணாநாயக்க, தினேஷ் குணவர்த்தன, மஹிந்த அமரவீர, டக்ளஸ் தேவானந்தா, விமல் வீரவன்ச, நிமல் சிறிபால.டி.சில்வா, அமீர் அலி, அஜித்.பி.பேரேரா ஆகியோர் கலந்துகொண்டிருந்தனர். இதன்போது எதிர்க்கட்சி தலைவர் பதவிக்கு ஐக்கிய தேசிய கட்சிக்குள் இருந்தே ரணில் விக்கிரமசிங்க மற்றும் சஜித் பிரேமதாச ஆகிய இரு நபர்களின் பெயர்கள் பரிந்துரை செய்யப்பட்ட நிலையில் இருவரின் பெயர்களும் சபாநாயகர் கரு ஜெயசூரியவிற்கு அனுப்பிவைக்கப்பட்டுள்ளது. இது குறித்து இன்று பாராளுமன்றத்தில் கூடிய  பாராளுமன்ற அலுவல்கள் பற்றிய குழுக் கூட்டத்தில் கலந்துரையாடப்பட்டிருந்தது.   இந்நிலையில் எதிர்க்கட்சி தலைவர் குறித்த சர்ச்சையும் இதன்போது எழுப்பப்பட்டது. ஐக்கிய தேசிய கட்சி பிரதான எதிர்கட்சியாக மீண்டும் பாராளுமன்றத்தில் அமரவுள்ள நிலையில் எதிர்க்கட்சி தலைவர் பதவிக்கு ரணில் விக்கிரமசிங்கவின் பெயரை ஒரு தரப்பினரும் சஜித் பிரேமதாசவின் பெயரை இன்னொரு தரப்பினரும் ஐக்கிய தேசிய கட்சியின் சார்பில் முன்வைத்தனர். எதிர்க்கட்சித் தலைவர் பதவிக்கு ரணில்  - சஜித் என்ற  இருவருடைய பெயர்கள் சபாநாயகரிடம் கையளிக்கப்பட்டது.  எனினும் இதன்போது பாராளுமன்ற அலுவல்கள் பற்றிய குழுக் கூட்டத்தில் கருத்துக்களை முன்வைத்த சபாநயகர் கரு ஜெயசூரிய எதிர்க்கட்சி தலைவர் யார் என்பது குறித்தும் யாரை தெரிவுசெய்ய வேண்டும் என்பது குறித்தும்  பாராளுமன்ற அலுவல்கள் பற்றிய குழுவில் பேசி அர்த்தமில்லை. இந்த விடயமானது குழுவின் விடயப்பரப்புக்கு உட்பட்டதும் அல்ல.  ஐக்கிய தேசிய கட்சி எதிர்க்கட்சியாக பாராளுமன்றத்தில் அமரவுள்ள நிலையில் யார் எதிர்க்கட்சி தலைவர் என்பது  ஐக்கிய தேசியக் கட்சிக்குள் தீர்க்கப்பட வேண்டிய உட்கட்சி விவகாரம், இதனை பாராளுமன்ற அலுவல்கள் பற்றிய குழுவில் பேச அவசியமில்லை என  சபாநாயகர் கரு ஜயசூரிய தெரிவித்தார். https://www.virakesari.lk/article/69455
    • 2014 செய்தியில், ஏற்கனவே இந்தியாவுக்கு உறுதியளிக்கப்பட்டபடி தமிழர் பிரச்சினைக்கு அரசமைப்பின் 13 ஆவது திருத்தத்துக்கும் அப்பால் சென்று அதிகாரங்களைப் பகிர்ந்தளிக்கும் நடவடிக்கையை இனிமேலும் தாமதிக்காமல் முன்னெடுக்கவேண்டும்.  - மோடி https://yarl.com/forum3/topic/140659-பிரத்தியேக-செய்தி-மஹிந்தவிடம்-மோடி-கூறியவை-என்ன/
    • இதுவரை நடைமுறைப்படுத்தப்பட்டு வந்த எரிபொருள் விலைச்சூத்திரத்தை இரத்துச்செய்ய நிதியமைச்சு தீர்மானித்துள்ளது. ஜனாதிபதி கோட்டாபய ராஜபக்ஷவின் அறிவுரைக்கு அமைய இந்த நடவடிக்கை முன்னெடுக்கப்பட்டுள்ளது.   இதற்கமைய, ஒவ்வொரு மாதமும் 10 ஆம் திகதி மேற்கொள்ளப்படும் எரிபொருட்களில் விலை மாற்றம் இனிமேல் முன்னெடுக்கப்பட மாட்டாது என தெரிவிப்பட்டுள்ளது. http://www.tamilmirror.lk/செய்திகள்/எரபரள-வலசசததரம-இரதத/175-241316    
    • ஜெய்ஷங்கரின் வருகை: ’அரசியல் ரீதியில் மிகவும் முக்கியமானது’ -எம்.றொசாந்த் ஜனாதிபதியாக கோட்டாபய ராஜபக்‌ஷ பதவி ஏற்ற மறுநாளே இந்திய வெளிநாட்டமைச்சர் சுப்பிரமணியம் ஜெய்ஷங்கர் கொழும்பு வந்து சந்தித்து சென்றிருக்கின்றமை அரசியல் ரீதியில் மிகவும் முக்கியமானது என்றே தான் கருதுவதாக, வடக்கு மாகாண முன்னாள் முதலமைச்சர் சி.வி.விக்னேஸ்வரன் தெரிவித்தார்.  “இந்திய வெளிநாட்டமைச்சர் இலங்கைக்கு விஜயம் செய்து புதிய ஜனாதிபதி கோட்டாபய ராஜபக்ஸவை சந்தித்து சென்றிருப்பது குறித்தும் இந்த சந்திப்பின் பின்னர் கோட்டாபய இந்தியாவுக்கு விஜயம் செய்யவுள்ளதாக அறிவிக்கப்பட்டிருப்பது குறித்தும் உங்களின் கருத்து என்ன?” என்ற கேள்விக்கு பதிலளிக்கும் போதே, அவர் இவ்வாறு தெரிவித்தார். இது குறித்து தொடர்ந்துரைத்த அவர், தெற்காசிய பிராந்தியத்தில் அமைதி, பாதுகாப்பு மற்றும் பொருளாதாரம் போன்ற விடயங்களில் இந்தியாவுக்கு பலத்த கரிசணை உண்டெனவும் அதன் நிகழ்ச்சித் திட்டங்களில் இலங்கையின் ஒத்துழைப்பைப் பெற்றுக்கொள்வதில் இந்தியா கொண்டிருக்கும் ஆர்வத்தை இது தெளிவாக எடுத்துக்காட்டுகிறதெனவும் தெரிவித்தார். அதேவேளை, இலங்கையில் தமிழ் மக்களின் இன பிரச்சினை தொடர்பில் ஏற்றுக்கொள்ளக்கூடிய தீர்வு ஒன்றைக் கொண்டுவருவதில் இந்தியா தனக்கு இருக்கும் கடப்பாட்டை புரிந்துகொண்டுள்ளதெனத் தெரிவித்த அவர், அதன் காரணமாக புதிய ஜனாதிபதிக்கும் புதிய அரசாங்கத்துக்கும் ஆலோசனைகளை இந்தியா கொடுக்கும் என்று தான் ஆழமாக நம்புவதாகவும் கூறினார். ஜனாதிபதி கோட்டாபய ராஜபக்‌ஷ, இந்தியாவுக்கு விஜயம் மேற்கொள்ளும்போது இனப் பிரச்சினைக்கான தீர்வு குறித்து இந்தியா பிரஸ்தாபிக்கும் என்பது தனது எதிர்பார்ப்பெனத் தெரிவித்த அவர், இணைந்த வடக்கு கிழக்கில் சுயநிர்ணய உரிமைகள் அடிப்படையிலான தீர்வு ஒன்றை இந்தியா ஏற்படுத்த வேண்டும் என்பதே தமிழ் மக்களின் எதிர்பார்ப்பெனவும் கூறினார். “ஏற்படுத்தப்படும் எந்த ஒரு தீர்வும் நிலையானதாகவும் தமிழ் மக்களுக்கு நம்பிக்கை அளிக்கக்கூடியதாகவும் இருக்கவேண்டும். குறிப்பாகத் தமிழ் மக்கள் தமது பூர்வீகப் பகுதிகளில் தமது பாரம்பரியம், அடையாளம் மற்றும் பொருளாதார வளம் ஆகியவற்றைத் தாங்களே நிர்வகிக்கும் வகையில் காணி மற்றும் பொருளாதார விடயங்களில் முழுமையான அதிகாரங்களைக் கொண்டிருக்கும் வகையில் தீர்வு அமையவேண்டும்” என்றார். “தனி ஒரு மதத்துக்கு முன்னுரிமையையும் சிறப்பு சலுகையையுங் கொடுப்பது எந்தளவுக்கு ஏனைய சமூகங்களின் மனித உரிமைகள் மற்றும் கலாசாரங்களைப் பாதிக்கும் என்பவை எல்லாம் கவனத்தில் கொள்ளப்படவேண்டும். “ஆகவே, இறுதி தீர்வு  தொடர்பில் எல்லா தமிழ் கட்சிகள் மத்தியிலும் கருத்து ஒற்றுமையை ஏற்படுத்தும் பொருட்டு கலந்துரையாடல்கள் நடைபெற வழி வகுப்பப்பட வேண்டும். ஐந்து கட்சிகளும் தற்போதும் 13 கோரிக்கைகளை வலியுறுத்துவதாக அறிவித்தால் எம்முள் ஒருவர் எமது கருத்தொற்றுமையை புதிய அரசாங்கத்திடமும் இந்தியாவிடமும் வலியுறுத்தலாம்” எனவும் அவர் தெரிவித்தார். http://www.tamilmirror.lk/யாழ்ப்பாணம்/ஜயஷஙகரன-வரக-அரசயல-ரதயல-மகவம-மககயமனத/71-241312