மதரசாக்களை கல்வி அமைச்சின் கீழ் கொண்டுவருவதற்கான பேச்சுக்கள் இடம்பெறுகின்றன – அமைச்சர்

[தமிழ் சிறி]

மதரசாக்களை கல்வி அமைச்சின் கீழ் கொண்டுவருவதற்கான பேச்சுக்கள் இடம்பெறுகின்றன – அமைச்சர்

மதரசா பாடசாலைகளை கல்வி அமைச்சின் கீழ் கொண்டுவருவதற்கான நடவடிக்கைகள் எடுக்கப்பட்டு வருவதாக கல்வி அமைச்சர் அகில விராஜ் காரியவசம் தெரிவித்துள்ளார்.

இன்று (செவ்வாய்க்கிழமை) இடம்பெற்ற நாடாளுமன்ற அமர்வில், நாடாளுமன்ற உறுப்பினர் ஆனந்த அழுத்தகமே எழுப்பிய கேள்விக்கு பதிலளிக்கும்போதே அவர் மேற்கண்டவாறு கூறினார்.

அந்தவகையில் இந்த விடயம் தொடர்பாக முஸ்லிம் மத மற்றும் கலாசார விவகார அமைச்சருடன் பேச்சுவார்த்தை நடைபெற்று வருவதாகவும் அமைச்சர் கரியவாசம் இதன்போது தெரிவித்தார்.

அத்தோடு முன்மொழியப்பட்ட புதிய தேசிய கல்வி சட்டமூலமானது சர்வதேச பாடசாலைகளையும் ஒழுங்குபடுத்துவதற்கான சட்டங்களை விதிக்கும் என்றும் அவர் கூறினார்.

http://athavannews.com/மதரசாக்களை-கல்வி-அமைச்சி/

[ampanai]

இலங்கை அரசு மத சுதந்திரங்களில் தலையிடக்கூடாது 🙂  

சவூதி பணம் வேண்டும்!  

இந்த மதராசுகளுக்கும், ஷரியா பல்கலைக்கழகங்களுக்கும்   தொடர்ந்தும் சவூதி பணம் வந்தால் தானே அந்நிய செலாவணி கிடைக்கும் 😎

[vanangaamudi]

மதராசாக்களை அரசுடைமையாக்குவதற்கு பேச்சு நடைபெறுகிறது என்பதிலிருந்தே இதில் சவுதி போன்ற முஸ்லிம் நாடுகளின் தலையீடு உள்ளது என்பது புலனாகின்றது. முறைப்படி பார்த்தால் இது  சிங்கள அரசின் இனவாத  கலாச்சாரத்துடனும் சிறுபான்மை இனங்களின் விடயத்தில் அரசு இன்றுவரை நடந்து கொண்டு வரும்  அடாத்தாக பறித்தெடுக்கும் நடைமுறைக்கும் ஒத்துப்போகவில்லை.

முஸ்லிம் அரசியல்வாதிகளின் இன விசுவாசமும் அவர்களுக்கு புன்புலத்திலிருந்து செயற்படும் செல்வாக்குள்ள முஸ்லிம் நாடுகளும் சிங்கள அரசின் இந்த இளகிய போக்கிற்கு காரணமாய் அமைந்திருக்கலாம்.
இதுவே தமிழர் சம்பந்தமான ஒரு விடயமாயிருந்தால் மூச்சு பேச்சு இல்லாமல் இதுவரைக்கும் பாடசாலைகள் பறிக்கப்பட்டிருக்கும் எமது அரசியல்வாதிகளும் சிறிது கூச்சலிட்டபின் அடங்கிவிடுவார்கள்.