மதுரையில் களைகட்டும் புத்தக கண்காட்சி.!

[புரட்சிகர தமிழ்தேசியன்]

இளைஞர்களின் இணைய மோகத்தை குறைத்து, வாசிப்பு தாகத்தை அதிகரிக்கும் புத்தகக்கண்காட்சி..!

சென்னைக்கு அடுத்தபடியாக அதிக வாசகர்களை கொண்ட மதுரையில், புத்தகக்கண்காட்சி நடைபெறுவது வாசகர்களிடையே மிகுந்த எதிர்பார்ப்பை ஏற்படுத்தியுள்ளது.  

மதுரை மாநகர் மக்களுக்கு வாசிப்பின் மீதான நேசத்தை அதிகரிக்க வாய்ப்பு ஏற்படுத்திக் கொடுத்துள்ளது அங்கு நடைபெற்று வரும் புத்தகக்காட்சி. அரங்குகளுடன் பிரம்மாண்டமாக அமைந்துள்ள புத்தகக் காட்சியில், ஒரு லட்சம் தலைப்புகளில் 50 லட்சம் புத்தகங்களுடன் 11 நாட்களுக்கு களைகட்டுகிறது புத்தகக் காட்சி.

கண்காட்சியில், வாசிப்பை நேசிப்பவர்களை கவர்ந்திழுக்கும் வகையில் தினந்தோறும் கவிஞர்கள், எழுத்தாளர்களின் சிறப்பு சொற்பொழிவுக்கும் நிகழ்ச்சி ஒருங்கிணைப்பாளர்கள் ஏற்பாடு செய்துள்ளனர்.

மாணவர்களை ஈர்ப்பதற்கு முக்கியத்துவம் அளித்திருப்பதாக கூறுகிறார் தென்னிந்திய புத்தக விற்பனையாளர்கள் மற்றும் பதிப்பாளர் சங்க செயலாளர் வெங்கடாசலம்.

சென்னைக்கு அடுத்தபடியாக, மதுரையில் ஏராளமான புத்தக வாசிப்பாளர்கள் இருப்பதாகவும் புத்தகக் காட்சிக்கு வரும் வாசகர்களின் எண்ணிக்கையும் அதிகரிக்கும் என ஏற்பாட்டாளர்கள் தெரிவிக்கின்றனர்.

புத்தகக் காட்சி ஏற்பாட்டாளர்களின் எதிர்பார்ப்புக்கிணங்க, ஏராளமான வாசகர்கள் நாள்தோறும் படையெடுத்து வருகின்றனர். மொழி, வரலாறு மற்றும் சிறுவர் இலக்கியங்களை வாசகர்கள் அதிகளவில் வாங்கிச் செல்கின்றனர்.

நாள்தோறும் பள்ளி குழந்தைகளுக்கு இடையே போட்டிகள் நடத்துவதாலும், புத்தக கண்காட்சியில் வாங்கும் புத்தகங்களுக்கு 10 சதவீதம் தள்ளுபடி வழங்கப்படுவதாலும் புத்தகக்காட்சிக்கு வருவோரின் எண்ணிக்கை அதிகரித்து, பதிப்பாளர்கள் மற்றும் விற்பனையாளர்களுக்கு மனநிறைவை அளித்துள்ளது.

https://ns7.tv/ta/tamil-news/tamilnadu/3/9/2019/book-launch-reduce-youths-internet-cravings-and-increase-reading?fbclid=IwAR2jd9olhg-iKegedNyHJ-osH3k-DsENn5LyxNZLCaAIhHvTbse2iQz98_8

 

[ampanai]

இவ்வாறான கண்காட்சிகளை தமிழீழ பிரதேசங்களிலும் மலையகத்திலும் நடாத்த வேண்டும். 

இதன் மூலம் அங்கு வாழும் தமிழை வளர்க்கலாம் அவர்களுக்கும் தமிழ் இலக்க்கியம் அறிவியல் பற்றிய அறிவூட்டிடம் இருக்கும்.