இன்று, ஆசிரியர் தினம். (05.09.2019)

[தமிழ் சிறி]

தாய், தந்தையருக்கு.... அடுத்த இடத்தில்  மதிக்கப் படுபவர்கள் ஆசிரியர்கள்.
இன்று நாம்... உலகத்தை புரிந்து கொள்ளவும்,  சமூகத்தில்  நல் மதிப்புள்ள மனிதராக வாழவும்...
அவர்கள் கற்றுத் தந்த படங்களே... வழி காட்டியாக உள்ளன.
எம்மை... இந்த நிலைக்கு, கொண்டு வந்த.. ஆசிரிய பெரு மக்களை, இந்த நாளில் நினைவு கூருவோம்.

உங்களுக்கும், ஆசிரியருக்கும் இடையில் நடந்த... சுவையான,  சம்பவங்களையும் எழுதுங்களேன். 

[suvy]

நான் படிக்கும்போது சாதாரணமாக வகுப்பு எடுத்த ஆசிரியர்கள் பலர் பின்னாளில் அதே பாடசாலையில் அடுத்தடுத்து அதிபர்களாகி விட்டார்கள். அதனால் அங்கங்கே அவ்வப்போது  நடந்த நகைச்சுவையான சம்பவங்களை எழுத முடியாது தவிக்கிறேன்......!   🤔

[விசுகு]

இன்றைக்கு வாத்தியார் தினம். வாழ்த்துக்கள் சொல்லணும். பலருக்கு.

நாமெல்லாம் மனுசரா இன்று உலாவுகின்றோம் என்றால்

எம்மை நல்வழிப்படுத்தியவர்கள் முதற்கொண்டு

இளம் வயதில் நாம் கொடுத்த இம்சைகளை சகித்துக்கொண்டவர்கள் வரை

நன்றி சொல்லணும்.

அந்தவைகையில்

நான் மகாவித்தியாலயத்தில் அதிவிசேட சித்திகளைப்பெற

என்னை தயாராக்கிய எமது சீதா ரீச்சர், (வர்த்தகம்)

தாமோதரம்பிள்ளை ஆசிரியர் (சங்கீதம்),

சிவகுரு ஆசிரியர் (தமிழ் சைவம்) ,

சண்முகநாதன் ஆசிரியர் (சமூக கல்வி),

மகேசுவரி ஆசிரியை (விஞ்ஞானம்), கணிதம் ஆங்கிலம் என அத்தனை பேரும்

இன்று என் கண்முன்னே வந்து போனார்கள்.

பின்னர் உயர்தரத்தில் பம்பலப்பிட்டிய இந்துவில்

C class என்றாலே குளப்படியாளர்களின் கூடாரம் என்பதை மாற்றி

நண்பனுக்கு நண்பனாக ஆசிரியனுக்கு ஆசிரியனாக

தேசவிரும்பிகளாக என்னை நல்வழிப்படுத்திய

கணக்கியலுக்கு கடவுளாக வந்து எம்மை கரை சேர்த்த Raja Master மற்றும்

Pure math Miss. Indu ரீச்சர், பொருளியல் Miss. மகேசுவரி ரீச்சர்,

வர்த்தகம் இந்திரயித் ஆசிரியர் என அத்தனை பேரும் இன்று என் கண்முன்னே வந்து போனார்கள்.

இவர்களில் வர்த்தகம் இந்திரயித் ஆசிரியர் அவர்கள்

இன்னொரு வடிவத்தில் மறக்கமுடியாதவர்.

வகுப்புக்கு வரும் போதெல்லாம்

குட் மோர்னிங் சொல்வாரோ இல்லையோ

Pungs புகையில வியாபாரமெல்லாம் எப்படி போகுது?

ஏனப்பா முருகனை கோவணத்தோட மலையில விட்டினீங்க? என

என்னை எனது ஊர்ப்பற்றாளனாக மாற்றியவர்.

எல்லோருக்கும் வணக்கங்களும் வாழ்த்துக்களும்.

 

[வாதவூரான்]

ஊரிலை அடுத்த மாதம் 6ம் திகதிதான் ஆசிரியர் தினம்

[குமாரசாமி]

இப்படியான ஆசிரியர்கள் நிறைய வேண்டும்.