காணாமல் போனோரை, நினைவுகூறும் இடங்கள் அமைக்கப்பட வேண்டும் – ஐ.நா.

[தமிழ் சிறி]

காணாமல் போனோரை, நினைவுகூறும் இடங்கள் அமைக்கப்பட வேண்டும் – ஐ.நா.

காணாமல்போனோரை நினைவுகூறத்தக்க இடங்கள் அரசாங்கத்தின் அனுசரணையில் உடனடியாக அமைக்கப்பட வேண்டும் என வலியுறுத்தப்பட்டுள்ளது.

ஐக்கிய நாடுகள் சபையின் காணாமல்போனோர் மற்றும் பலவந்தமாக காணாமலாக்கப்பட்டோர் தொடர்பான ஐக்கிய நாடுகளின் செயற்குழு இந்த விடயத்தை வலியுறுத்தியுள்ளது.

42ஆவது மனித உரிமைகள் பேரவையின் மாநாடு ஜெனீவாவில்  இடம்பெற்று வருகிறது. இந்த பேரவையில் குறித்த செயற்குழு முன்வைத்துள்ள அறிக்கையிலேயே இந்தவிடயம் தெரிவிக்கப்பட்டுள்ளது.

கடந்த காலங்களில் இந்த குழு இலங்கைக்கு விஜயம் செய்து ஆய்வுகளை நடத்தி இருந்தது.

குறித்த ஆய்வுகளின்படி இலங்கையில் காணாமலாக்கப்பட்டோரை நினைவுகூறுவதற்கான போதிய ஏற்பாடுகள் இல்லை என அந்த குழு சுட்டிக்காட்டியுள்ளது.

இந்தநிலையில் அரசாங்கத்தின் அனுசரணையுடன் காணாமல்போனோரை நினைவுகூறத்தக்க இடங்கள் அமைக்கப்பட வேண்டும் என வலியுறுத்தப்பட்டுள்ளது.

http://athavannews.com/காணாமல்போனோரை-நினைவுகூற/

[ampanai]

இவ்வாறான தூபிகளை அமைக்க சிங்கள பேரினவாதம் இன்றைய அரசியல் சூழலில் ஒத்துக்கொள்ளாது.

ஆனால், புலம்பெயர் தேசங்களில் கூட இதுவரை எமது இனத்தின் படுகொலையை நினைவுகூரும் (தமிழகத்தை தவிர) மற்றும் அடுத்த தலைமுறைக்கு சொல்லும் எந்த அடையாளமும் உருவாக்கப்படவில்லை என்பது கவலைக்குரியது.