Aamhi Doghi - The both of us

[P.S.பிரபா]

Aahmi Doghi - The both us

2018  ஆண்டு  வெளிவந்த  ஒரு  மாரத்திய  மொழிப்படம்.  கெளரி தேஷ்பாண்டேயின்  “ பாஸ் அலா  மேத்தா” என்ற  நாவலை  மையமாக  கொண்டு உருவாகிய படம். இதன்  கதாசிரியர்கள்: Pratima Joshi & Bhagyashree Jadhav , தயாரிப்பு: Puja Chhabria, நெறியாள்கை: Pratima Joshi என இந்தபடத்தின் பெரும்பகுதி பெண்களால்  உருவாக்கப்பட்டது.

சாவித்திரியின்  flashback  கதையாகவே இந்தப்படம்  ஆரம்பிக்கிறது.

படத்தில்  மட்டுமே  தாயைப்  பார்த்து வேலையாட்களின்  கவனிப்பில்  வளரும்  கதாநாயகி  சாவித்திரி, 

“ We aren’t emotional fools, we are practical” எனக்கூறியே  மகளை வளர்க்கும்  ஊரில்  மிகவும் பிரபல்யமான வக்கீல்  தந்தை,  சாவித்திரியின் பதினைந்தாவதுவயதில்,  தந்தை மறுமணம்  செய்து  அழைத்து  வரும் ஆம்லா.  இவர்களின்  வாழ்கையில்  வரும் மாற்றங்களின்  கதையே  இந்தப்படம்..

உணர்வுகளை  வெளிக்காட்டாத, அட்டவனைப்படி  வாழும்  தந்தைக்கும் மகளுக்கும்  இடையிலான வாக்குவாதங்கள், அவர்கள் இருவருக்குமிடையிலான  உறவின்தன்மை.  

அதிப்புத்திசாலியும் பிடிவாதமும்  உடைய சாவித்திரிக்கும்,  அமைதியான, படிப்பறிவில்லாத கைநாட்டு  சித்திக்கும் படிப்படியாக  உருவாகும் பிணைப்பு. மென்மையான உள்ளம்கொண்ட ராமுக்கும் முற்போக்குசிந்தனை உடைய சாவித்திரிக்கும் உள்ள காதல் என கதை நகர்கிறது.

ஆரவாரம் இல்லாத இசை, இரண்டே பாடல்கள் மட்டும், அதிக மேக்கப் இல்லாத சாதாரனமனிதர்களாகவே இருக்கும கதாபாத்திரங்கள், கதாபாத்திரம் அறிந்த நடிப்பு, கற்பனை கலக்காத வாழ்விடங்கள், முற்போக்குசிந்தனைகள், யோசிக்க வைக்கும் தற்போதைய சமூக விடயங்கள் என இந்தப்படத்தின் கதை அமைந்துள்ளது.

அரவனைப்பும், பாசமும் தேவைப்படும் நேரத்தில் அதை காட்டாமல் தள்ளியே இருந்தால், அது எந்தஉறவாக இருந்தாலும்சரி, அங்கே இயல்பானபிணைப்பு இருக்கமாட்டாது. பின்பு அதை உணரும்போது காலமும் உறவுமும் எங்களுக்காக நிற்காது ஓடிவிடும்.

இன்று சாவித்திரியைபோல வாழும் பெண்கள் எங்களிடையே அதிகம் உள்ளனர்.

வேற்று  மொழிப்படம் பார்க்க விரும்புவோர், மசாலாப்படங்களை பார்க்க விருப்பமில்லாதவர்கள் இந்தப்படத்தை பார்க்க விரும்பினால் பார்க்கலாம்..