Sign in to follow this  
கிருபன்

மோடியா, சோனியாவா? மீண்டும் சூடுபிடிக்கும் இந்தியத் தேர்தல் களம்

Recommended Posts

மோடியா, சோனியாவா? மீண்டும் சூடுபிடிக்கும் இந்தியத் தேர்தல் களம்

எம். காசிநாதன் / 2019 செப்டெம்பர் 17 செவ்வாய்க்கிழமை, பி.ப. 06:44

பொருளாதார தேக்க நிலைமை பற்றி, அகில இந்திய அளவில், போராட்ட அழைப்பை காங்கிரஸ் கட்சி வெளியிட்டிருக்கிறது.   

மாநிலங்களின் அனைத்து காங்கிரஸ் தலைவர்களையும் அழைத்து விவாதித்துள்ள சோனியா காந்தி, இது தொடர்பாகக் காங்கிரஸ் தீவிரமாக உழைக்க வேண்டும் என்று, கட்டளை பிறப்பித்திருக்கிறார்.   

நாள்கள் நகர நகர, பா.ஜ.க., காங்கிரஸ் கட்சி ஆகிய இரண்டும், கடுமையான பிரசாரத்தில் ஈடுபடும் பரபரப்பான காட்சிகள், ‘வெள்ளித்திரை’யில் காணலாம் என்பது போல், தற்போது தேசிய அளவில், அரசியல் மீண்டும் சூடுபிடித்துள்ளது. சோனியா காந்தி தலைவராக மீண்டும் பொறுப்பேற்ற பிறகு, இந்தக் காட்சிகள் அரங்கேறும் களம் தயார் செய்யப்படுவதை உணரமுடிகிறது.  

காஷ்மீர், ரபேல், மதவாதம் போன்ற எல்லா விடயங்களிலும், மத்தியில் ஆட்சியில் இருக்கும் பாரதிய ஜனதா கட்சியிடம், படுதோல்வி அடைந்து விட்டது காங்கிரஸ் கட்சி. அதன் தலைவராகப் பணியாற்றிய ராகுல் காந்தி, கடைப்பிடித்த பாதை, கரடு முரடானது என்பதை, 2019 நாடாளுமன்றத் தேர்தலும் அரங்கேற்றி விட்டது.   

அதனால், காங்கிரஸ் கட்சியின் தலைவர் பதவியிலிருந்து விலகி விட்ட ராகுலுக்குப் பதிலாக, சோனியா காந்தியே தலைமைப் பொறுப்பை ஏற்றுக் கொண்ட பிறகு அவர், பா.ஜ.கவின் வலையில் விழுந்து விடாமல், வேறு பக்கம் தன் பிரசாரத்தை முன்னெடுத்துச் செல்ல வேண்டும் என்ற நிலைப்பாட்டை எடுத்திருக்கிறார்.   

“எமக்குக் கிடைத்த மக்கள் ஆதரவை, ஒரு போதும் அரசியல் பழிவாங்கலுக்குக் காங்கிரஸ் கட்சி பயன்படுத்தியதில்லை” என்று, சோனியா முதலில் குரல் எழுப்பினார். 

இப்போது, மாநிலங்களின் அனைத்து காங்கிரஸ் தலைவர்களையும் அழைத்துப் பேசிய பிறகு,  காங்கிரஸை வளர்க்கும் திட்டங்கள் குறித்து விவாதித்த சோனியா காந்தி, “கிடைத்த மக்கள் வாக்குகளை, ஜனநாயகத்துக்கு மிகவும் ஆபத்தான வழியில், பா.ஜ.க பயன்படுத்துகிறது” என்று கடுமையாகத் தாக்குதல் நடத்தியிருக்கிறார்.   

“மாநிலங்களின் அனைத்து காங்கிரஸ் தலைவர்களும், சமூக வலைதளங்களை மட்டும் நம்பியிருக்க வேண்டியதில்லை. இனி, மக்கள் பிரச்சினைகளுக்காக, மந்தமாகியுள்ள பொருளாதாரத்தை, மக்களுக்கு விளக்கும் வகையில், தீவிர போராட்டத்தில் ஈடுபட வேண்டும்” என்று சோனியா காந்தி அறிவுறுத்தியுள்ளார். 

காங்கிரஸ் கட்சியைப் பொறுத்தவரை, பத்தாண்டு காலம் ஆட்சியில் இருந்த போது, கட்சி வளர்ச்சியை முற்றிலும் மறந்தார்கள்.   

அதன் பலனை 2014, 2019 பொதுத் தேர்தல்களில் அறுவடை செய்து விட்டார்கள். தொடர்ந்து, எதிர்க்கட்சித் தலைவர் அந்தஸ்தை, நாடாளுமன்றத்தில் பெற முடியாத தோல்வியை, காங்கிரஸ் கட்சி பெற்றிருப்பதை, சோனியா, ராகுல் ஆகிய இரு தலைமைகளுக்கும் கிடைத்த தோல்வியாகவே பார்க்க வேண்டிய சூழ்நிலை உள்ளது. 

முழுக்க முழுக்க, பா.ஜ.க ஒரு மதவாதக் கட்சி என்ற பிரசாரத்தை மட்டுமே முன்னிறுத்தி, மற்ற எதிர்க்கட்சிகளை ஒருங்கிணைப்பதில் கோட்டை விட்ட காங்கிரஸ் கட்சிக்கு, இனி அடுத்து வரும் மஹாராஷ்டிரா, ஹரியானா சட்டமன்றத் தேர்தல்கள் மிகப்பெரிய சவாலாகவே பார்க்கப்படுகிறது.   

அதனால்தான், முதலில் மஹாராஷ்டிர மாநிலத்தில் கூட்டணி அமைப்பது குறித்த பேச்சுவார்த்தையை, சோனியா காந்தியே சரத்பவாருடன் தொடங்கியிருக்கிறார்.அடுத்த மாதம் நடைபெறவிருக்கும் ஹரியானா,  மஹராஷ்டிரா மாநிலத் தேர்தல்கள், இந்திய அரசியலில் மிகுந்த முக்கியத்துவம் பெறும் என்பதற்கான முன்னோடி திட்டங்கள் இவை.  

2019 நாடாளுமன்றத் தோல்விக்குப் பிறகு, நடைபெறவுள்ள முதல் சட்டமன்றத் தேர்தல் இது என்பதோடு, காங்கிரஸ் கட்சி ஆட்சி புரிந்த மாநிலங்கள் இவை என்பதும், வெற்றி பெறும் வலுக் கொண்ட மாநிலங்கள் என்பதும் குறிப்பிடத்தக்கது. 

ஆகவே மஹாராஷ்டிரா, ஹரியானா சட்டமன்றத் தேர்தல்களில், காங்கிரஸ் கட்சியை, தற்போது வெற்றிப்பாதையில் பயணிக்க வைக்க சோனியாவால் இயலவில்லை என்றால், ‘இனி காங்கிரஸ் பிழைக்காது’ என்ற எண்ணம், அனைத்து வாக்காளர் மத்தியிலும் ஏற்பட்டுவிடும்.   

ஏன், அரசியல் கட்சிகளுக்கும் இந்த எண்ணம் ஏற்பட்டு, ‘இனி காங்கிரஸுடன் கூட்டணி வைத்துப் பயனில்லை’ என்ற முடிவுக்கு வரலாம். இந்த இரட்டை ஆபத்துகளை, சோனியா காந்தி உணர்ந்திருக்கிறார். அதையொட்டியே, சமீபத்தில் மாநிலங்களின் அனைத்துக் காங்கிரஸ் கட்சியின் தலைவர்களையும் அழைத்துப் பேசி விட்டு, ‘போராட்ட அழைப்பு’ விடுத்துள்ளார். 

இந்த அழைப்புக்கு ‘வீரியம்’ கிடைக்குமா என்பது கேள்விக்குறி. வழக்குகளிலும் தோல்விகளிலும் சிக்கித் துவண்டு போயிருக்கும் காங்கிரஸ் தலைவர்களில் எத்தனை பேர், இந்தப் போராட்ட அழைப்பைத் தீவிரமானதாக எடுத்துக் கொள்ளப் போகிறார்கள்? 

ஒரு பக்கம் திகார் சிறையில், ப. சிதம்பரம் அடைக்கப்பட்டுள்ளார். கர்நாடக மாநில காங்கிரஸ் தலைவர் சிவக்குமார் அமலாக்கப்பிரிவால் கைது செய்யப்பட்டு,  அத்துறையின் காவலில் வைக்கப்பட்டுள்ளார். மத்திய பிரதேச காங்கிரஸ் கட்சியின் முதலமைச்சர் கமல்நாத்துக்கு எதிராகக் கட்சிக்குள்ளேயே பனிப்போர் வெடித்து, மத்திய பிரதேச காங்கிரஸ் ஆட்சிக்கு, எந்த நேரத்தில் ஆபத்து நேரிடும் என்ற கேள்வியை எழுப்பியுள்ளது.   

காஷ்மீர் பிரச்சினையில், காங்கிரஸ் கட்சியால் போரிட முடியாத அளவுக்குத் ‘தேசபக்தி துருப்புச் சீட்டை’ அக்கட்சிக்கு எதிராக, வெற்றிகரமாக பா.ஜ.க திருப்பி விட்டுள்ளது. ஆந்திராவில், காங்கிரஸ் கட்சி கரைந்து போய் விட்டது.   

உத்தரபிரதேசத்தில், பிரியங்கா காந்தியே காங்கிரஸைப் பொறுப்பேற்றும், அங்கு முதலமைச்சராக இருக்கும் யோகி ஆதித்யநாத்தின் அதிகாரத்தைச் சமாளிக்க முடியாமல் திணறுகிறது. 

இப்படி அடுக்கடுக்கான சோதனைகளில் மாட்டிக் கொண்டுள்ள, மாநில அளவில் உள்ள காங்கிரஸ் தலைவர்கள், சோனியாவின் போராட்ட அழைப்பை ஏற்று, மத்தியில் உள்ள பா.ஜ.க அரசாங்கத்துக்கு எதிராகப் போராட்டம் நடத்துவார்களா என்ற சந்தேகம் ஏற்பட்டுள்ளது.   

ஆனால், சோனியாவின் புதிய போராட்ட அழைப்புக்குப் பின்னணியில், இந்தியாவின் பொருளாதார தேக்க நிலைமை, வலுவான அங்கமாக இருக்கிறது என்பது உண்மை.  முன்னாள் பிரதமர் மன்மோகன் சிங், இது தொடர்பாக, அரசாங்கத்தைத் தொடர்ந்து குறைகூறி, விமர்சித்து வருகிறார். “பொருளாதார தேக்க நிலைமை ஏற்பட்டுள்ளது என்பதை, அரசாங்கம் முதலில் ஒப்புக் கொள்ள வேண்டும். அதற்கு ஏற்ற நடவடிக்கைகளை எடுத்துப் பொருளாதார தேக்க நிலைமையைப் போக்க வேண்டும்” என்று கூறியிருக்கிறார்.  

 பா.ஜ.கவின் கூட்டணிக் கட்சியான சிவசேனா கூட, “மன்மோகன் பேச்சைக் கேளுங்கள்; நாட்டு நலனுக்காக, அவரை அழைத்துப் பேசுங்கள்” என்று கூறியிருக்கிறது. நாட்டில் வேலை வாய்ப்பின்மை, வாகன உற்பத்தித் தொழிலில் ஏற்பட்டுள்ள தேக்க நிலைமை, சிறு தொழில் நிறுவனங்களுக்கு ஏற்பட்டுள்ள பாதிப்பு ஆகிய அனைத்துக்கும் ‘பண மதிப்பிழப்பு’ நடவடிக்கையும் ‘சரக்கு மற்றும் சேவை வரிச்சட்டமும்’ தான் காரணம் என்று எதிர்க்கட்சிகள் கடுமையாக் குற்றம் சாட்டி வருகின்றன. ஏன், பொருளாதார நிபுணர்களும் கூட, விமர்சனம் செய்கின்றார்கள். திகார் சிறையில் இருக்கும் சிதம்பரம் கூட, ‘பொருளாதாரத்தைச் சரி செய்ய, என்ன திட்டம் கைவசம் வைத்துள்ளீர்கள்’ என்று தன் குடும்பத்தினர் வாயிலாக, டுவிட்டரில் கேள்வி எழுப்பியிருக்கிறார். திகாருக்குச் செல்லும் முன்பு, அவர் கைவிரித்துக் காட்டிய ‘5 சதவீதம்’ என்ற இந்தியப் பொருளாதார வளர்ச்சி பற்றிய ‘விமர்சனம்’ சமூக வலைதளங்களில், உச்ச அளவில் பகிரப்பட்டுள்ளது. இது போன்ற சூழ்நிலைகளால், இரண்டாவது முறையாக ஆட்சிக்கு வந்துள்ள பிரதமர் மோடியின் அரசாங்கத்துக்கு முதல் நூறு நாளில், மக்கள் மத்தியில் ‘மதிப்பெண்’ குறைந்துள்ளது என்று, எதிர்க்கட்சிகள் நம்புகின்றன.ஆகவேதான் இந்தத் தருணத்தில், பா.ஜ.க அரசாங்கத்துகக்கு எதிரான, போராட்ட அழைப்பை சோனியா காந்தி விடுத்திருக்கிறார்.  

இதைச் சமாளிக்க, பிரதமர் மோடி ஏற்கெனவே தயாராகி விட்டார். பொருளாதார தேக்க நிலைமை இல்லை என்பதைத் தன் அமைச்சர்கள் மூலம், வெளிப்படுத்தி வரும் மோடி, “பயங்கரவாதத்தைச் சமாளிக்க இந்தியாவுக்குத் தெரியும். பசு என்றாலே சிலருக்கு ஷொக் அடிக்கிறது” என்று தனது பிரசார பாதையை வகுத்து விட்டார்.  

 “காஷ்மீரில் மிகப்பெரிய சாதனை நிகழ்த்தியிருக்கிறோம்” என்பதைப் பிரதமர், உள்துறை அமைச்சர் அமித்ஷா உள்ளிட்ட பா.ஜ.க தலைவர்கள் அனைவரும், ஏற்கெனவே பிரசாரத்தை மக்கள் மனதில் கொண்டு போய்ச் சேர்த்து விட்டார்கள். 

இந்தப் பிரசாரம், காங்கிரஸின் போராட்ட அழைப்பையும் சமாளிக்கும்; ஹரியானா,  மஹாராஷ்டிரா மாநில சட்டமன்றத் தேர்தல்களிலும் கை கொடுக்கும் என்பது பா.ஜ.க தலைவர்களின் கணிப்பாகும்.   

ஆகவே, இந்திய பொருளாதார தேக்க நிலைமை, இரு மாநில தேர்தல்களில், காங்கிரஸின் பிரசார ஆயுதம் என்றால், பயங்கரவாதம், பசு ஆகியவை, பா.ஜ.கவின் பிரசாரமாக இருக்கும் என்பதை, இப்போதே எதிர்பார்க்க முடிகிறது.   

இராமர் கோவில் கட்டப்படுவது தொடர்பான வழக்கு, உச்சநீதிமன்றத்தில் தீவிர விசாரணையில் இருக்கின்ற நேரத்தில், மீண்டும் இந்த ஹரியானா, மஹாராஷ்டிரா தேர்தல் களம், பா.ஜ.கவுக்குச் சாதகமாக இருப்பதற்கான வாய்ப்புகள், நிறைய இருப்பது போலவே தெரிகிறது. 

 

http://www.tamilmirror.lk/சிறப்பு-கட்டுரைகள்/மோடியா-சோனியாவா-மீண்டும்-சூடுபிடிக்கும்-இந்தியத்-தேர்தல்-களம்/91-238716

 

Share this post


Link to post
Share on other sites

எவை நடக்கணும் என்று விரும்பினமோ அவைகள் நன்றாகவே நடக்கின்றன வாழ்த்துக்கள் இரண்டு கட்சிக்கும் .

  • Like 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • (நா.தனுஜா) பெண்களின் உரிமைகளை உறுதிசெய்யும் நோக்கிலான கொள்கைகள் மற்றும் அவர்களின் தேவைகளைப் பூர்த்தி செய்வதற்கான செயற்திட்டங்கள் அடங்கிய சமூக ஒப்பந்தம் ஒன்றில் புதிய ஜனநாயக முன்னணியின் ஜனாதிபதி வேட்பாளர் சஜித் பிரேமதாச பகிரங்கமாகக் கைச்சாத்திட்டார். புதிய ஜனநாயக முன்னணியினால் ஏற்பாடு செய்யப்பட்டிருந்த பெண்கள் மாநாடு இன்று கொழும்பிலுள்ள சுகததாச உள்ளக அரங்கில் நடைபெற்றது.  இந் நிகழ்வில், பெண்களின் உரிமைகள் மற்றும் அவர்களின் தேவைகளை உறுதிப்படுத்துவது தொடர்பான கொள்கைகள் மற்றும் அவற்றுக்காக நிறைவேற்றப்பட வேண்டிய செயற்திட்டங்கள் அடங்கிய சமூக ஒப்பந்தத்தில் அனைவரின் முன்னிலையிலும் ஜனாதிபதி வேட்பாளர் சஜித் பிரேமதாச கையெழுத்திட்டார்.  அவரால் கையெழுத்திடப்பட்ட சமூக ஒப்பந்தம் சிங்கள, தமிழ், முஸ்லிம் மற்றும் கத்தோலிக்க இனங்களைச் சேர்ந்த பெண் பிரதிநிதிகளிடம் கையளிக்கப்பட்டது. நாட்டில் சுமார் 12 இலட்சம் பெண் தலைமைத்துவக் குடும்பங்கள் உள்ளன. அப்பெண்களின் துன்பங்களைப் போக்குதல், அவர்களை வன்முறைகள் மற்றும் துஷ்பிரயோகங்களிலிருந்து பாதுகாத்தல் உள்ளிட்டவற்றுக்கான செயற்திட்டங்களை உருவாக்குவோம்.  எமது புதிய அரசாங்கத்தில் பாலின அசமத்துவத்தைப் போக்கி, அனைத்துத் துறைகளிலும் ஆண்களுக்கு நிகராக பெண்கள் சமஇடத்தைப் பெறக்கூடியதொரு நிலையைக் கட்டியெழுப்புவோம். அதற்குரிய திட்டத்தை நான் ஜனாதிபதியாகப் பதவியற்றதைத் தொடர்ந்துவரும் நாளிலிருந்து நடைமுறைப்படுத்துவதாகவும் இதன்போது அமைச்சர் சஜித் பிரேமதாச சுட்டிக்காட்டினார்.   https://www.virakesari.lk/article/67310
    • ஜேவிபி வெல்லாது என்பதால் அனைத்தையும் ஏற்றுக்கொள்வதாக கூட வாக்குறுதி கொடுக்க முடியும். 😂 13 கோரிக்கைகளும் என்னென்ன என்பதை இதில் பார்க்கலாம்.
    • (ஆர்.யசி) ஜனாதிபதி தேர்தலை அடிப்படையாக வைத்து தமிழ்க் கட்சிகள் முன்வைத்த 13 அம்சக் கோரிக்கைகளில் பலவற்றை ஏற்றுக்கொள்வதாக தெரிவித்த மக்கள் விடுதலை முன்னணி, எனினும் வடக்கு கிழக்கு இணைப்பு என்ற கோரிக்கையை மாத்திரம் ஏற்றுகொள்ள முடியாது என்றும் சுட்டிக்காட்டியுள்ளது. மக்கள் விடுதலை முன்னணியின் கட்சி தலைமை அலுவலகத்தில் இன்று இடம்பெற்ற செய்தியாளர் சந்திப்பில் கலந்துகொண்ட  ஜே.வி.பியின் ஊடகப் பேச்சாளர் விஜித ஹேரத் எம்.பி  இதனைக் குறிப்பிட்டார்.  வடக்கு கிழக்கின் தமிழ் தரப்பு 13 கோரிக்கைகளை ஜனாதிபதி வேட்பாளர்களிடம்  முன்வைத்துள்ளனர். இதில் வடக்கு கிழக்கு தனி அழகாக்கும் கோரிக்கைக்கு நாம் இணங்கவில்லை. வடக்கு கிழக்கு தமிழர் தாயகம்  ஆகவே அதனை எமக்கு தாருங்கள் என்பதே அவர்களின் கோரிக்கையாக உள்ளது. கிழக்கில் முஸ்லிம் மக்கள் அதிகமாகவும் சிங்களவர்கள் ஓரளவு வாழ்கின்றனர். திருகோணமலையை எடுத்துக்கொண்டாலும் யாழ்பாணத்தை எடுத்துக்கொண்டாலும் அங்கு சிங்களவர்கள் வாழ்கின்றனர். ஆகவே அவர்களை நிராகரித்து வடக்கை தனி அலகாக அங்கீகரிக்க முடியாது.  எனினும் தமிழர் தரப்பு முன்வைத்த  பல கோரிக்கைகள் நியாயமானதாக உள்ளது. வடக்கின் தனியார் நிலங்களை மீண்டும் அவர்களுக்கு கொடுக்க வேண்டும், இதில் மாற்றுக்கருத்துக்கு இடமில்லை. பயங்கரவாத தடைச்சட்டம் நீக்கப்பட வேண்டும் என்பதும் நியாயமாது.இப்போது இவ்வாறான மோசமான சட்டம் தேவையில்லை. அதேபோல் இப்போது கொண்டுவரும் சட்டமும் மோசமானது அதனை நாமும் எதிர்கின்றோம்.  மேலும் வடக்கு கிழக்கு இளைஞர்களுக்கு வேலை வாய்ப்புக்களை உருவாக்க வேண்டும். அவர்களை பாதுகாக்க வேண்டும் என்பதில் மாற்றுக்கருத்து இல்லை. ஆகவே தமிழ் கட்சிகளின் 13 கோரிக்கைகளில் பிரதான காரணிகளுடன் நாம் முரண்படவில்லை. ஆனால் வடக்கு கிழக்கு இணைப்பு மாத்திரம் ஏற்றுக்கொள்ளக் கூடியதாக இல்லை என்றும் சுட்டிக்காட்டினார். https://www.virakesari.lk/article/67307
    • படத்தின் காப்புரிமை Jeff J Mitchell அதிக எடை மற்றும் உடல் பருமனான நபர்களின் நுரையீரலில் கொழுப்பு திசுக்களை ஆராய்ச்சியாளர்கள் முதன்முறையாக கண்டறிந்துள்ளனர். 52 பேரின் நுரையீரல் மாதிரிகளை ஆஸ்திரேலிய ஆராய்ச்சியாளர்கள் ஆராய்ந்தபோது, பிஎம்ஐ எனப்படும்உயரத்துக்கு ஏற்ற எடை கணக்கின்படி, நுரையீரலில் கொழுப்பின் அளவு அதிகரித்திருப்பதை கண்டறிந்தனர்.  உடல் எடை கூடி இருப்பவர்கள் அல்லது உடல் பருமனாக இருப்பவர்களுக்கு ஏன் ஆஸ்துமா அபாயம் அதிகரிக்கிறது என்பதையும், இந்த கண்டுபிடிப்பு மூலம் விளக்க முடியும் என்கிறார்கள் ஆராய்ச்சியாளர்கள். உடல் எடையை குறைப்பதன் மூலம் இவர்களின் உடல் நிலையை சீராக மாற்றியமைக்க முடியுமா என்பதையும் கண்டறிய ஆராய்ச்சியாளர்கள் ஆர்வம் காட்டுகின்றனர். அதிகரிக்கும் ஆபத்து... ஐரோப்பாவில் உடலின் சுவாச அமைப்பு குறித்து வெளியிடப்பட்ட ஆய்வில், தானமாக வழங்கப்பட்ட நுரையீரலின் பிரேத பரிசோதனை மாதிரிகளை ஆராய்ச்சியாளர்கள் ஆராய்ந்ததில் பதினைந்து பேருக்கு ஆஸ்துமா பாதிப்பு இல்லை என்றும், 21 பேருக்கு ஆஸ்துமா இருந்தது என்றும் கண்டறிந்தனர். மேலும், அவர்கள் பிற காரணங்களால் இறந்ததும் கண்டறிப்பட்டது. சுமார் 16 பேர் ஆஸ்துமா பாதிப்பாலேயே இறந்துள்ளனர். படத்தின் காப்புரிமை Getty Images நுண்ணோக்கி மற்றும் சாயங்களை பயன்படுத்தி நுரையீரல் மாதிரிகளிலிருந்து கிட்டத்தட்ட 1,400 சுவாசவழிப் பாதைகள் குறித்து விரிவான பகுப்பாய்வுகளை விஞ்ஞானிகள் மேற்கொண்டனர். பிஎம்ஐ அளவு அதிகமாக இருந்த பலருக்கு சுவாசப்பாதைகளின் சுற்றுப்புறத்தில் கொழுப்பு திசுக்கள் இருப்பதை ஆராய்ச்சியாளர்கள் கண்டறிந்தனர்.  கொழுப்பு அதிகரித்தால் சுவாசவழிப்பாதைகள் இயல்பான நிலையிலிருந்து மாறி   நுரையிரலை வீக்கமடைய செய்யும். இதுவே அதிக எடை அல்லது உடல் பருமனாக இருப்பவர்களுக்கு ஆஸ்துமா அபாயம் இருப்பதை விளக்குகிறது.  நேரடி அழுத்தத்துக்கு உள்ளாகும் நுரையீரல் அதிக எடை மற்றும் உடல் பருமனாக இருப்பவர்களுக்கு நிச்சயம் ஆஸ்துமா பாதிப்பு இருப்பதற்கான வாய்ப்பு உள்ளது அல்லது மோசமான ஆஸ்துமா அறிகுறிகள் இருக்கும் என  இந்த ஆய்வில் பணிபுரிந்த பெர்த்தில் வெஸ்டர்ன் ஆஸ்திரேலியா பல்கலைக்கழகத்தில் உள்ள இணை பேராசிரியர் டாக்டர் பீட்டர் நோபல் கூறுகிறார்.  படத்தின் காப்புரிமை SEBASTIAN GOLLNOW அதிக எடை காரணமாக நுரையீரலில் ஏற்படும் நேரடி அழுத்தம் அல்லது அதிக எடையால் பொதுவாகவே நுரையீரல் வீக்கம் அடைந்துருக்கலாம் என்று ஆராய்ச்சியாளர்கள் விவரிக்கின்றனர். ஆனால், இவர்களின் ஆராய்ச்சி மற்றொரு செயல்முறையையும் விளக்குகிறது என்று கூறுகிறார் டாக்டர் பீட்டர் நோபல். நுரையீரலுக்கு உள்ளேயும் வெளியேயும் காற்றின் வேகத்தை கட்டுப்படுத்தும் காற்றுப்பாதைகள் வீக்கமாக இருப்பதே ஆஸ்துமா ஏற்படுவதற்கான அறிகுறிகளின் அதிகரிப்புக்கு விளக்கம் தருகிறது என நம்புவதாக தெரிவிக்கிறார் டாக்டர் பீட்டர் நோபல். அதிக முக்கியத்துவம்... உடல் எடைக்கும், சுவாச நோய்க்கும் இடையே உள்ள தொடர்பில் இது ஒரு முக்கியமான கண்டுபிடிப்பாக பார்க்கப்படுகிறது. ஏனெனில், அதிக எடை அல்லது உடல் பருமனாக இருப்பது ஆஸ்துமா நோயாளிகளுக்கு எவ்வளவு மோசமான அறிகுறி என்பதை இது காட்டுகிறது என்று ஐரோப்பிய ரெஸ்பிரேட்டரி சொசைட்டியின் தலைவர் தியரி ட்ரூஸ்ட்டர்ஸ் கூறுகிறார். உடல் பருமன் உள்ள நோயாளிகள் மூச்சுப்பயிற்சி மற்றும் ஏதேனும் ஒரு செயல்பாட்டின் மூலம்தான் சுவாசிக்க முடியும் என்ற எளிய கவனிப்புக்கு அப்பாற்பட்டு இந்த ஆராய்ச்சி செல்கிறது.  உடல் பருமனுடன் தொடர்புடைய உண்மையான காற்றுப்பாதை மாற்றங்களையும் இந்த ஆராய்ச்சி சுட்டிக்காட்டுகிறது. படத்தின் காப்புரிமை Getty Images உடல் எடையை குறைப்பதன் மூலம் கொழுப்பு திசுக்களின் இந்த கட்டமைப்பை மாற்றியமைக்க முடியுமா என்பதை அறிய கூடுதலாக ஆராய்ச்சி செய்ய வேண்டிய தேவை இருக்கிறது. பிரிட்டிஷ் தொராசிக் சொசைட்டி என்ற அறிவியல் குழுமதத்தின் தலைவர் டாக்டர் எலிசபெத் சாபே, உடல் எடை நுரையீரலில் உள்ள காற்றுப்பாதைகளின் கட்டமைப்பை பாதிக்கும் என்று சுட்டி காட்டப்படுவது இதுவே முதல் முறை என்கிறார். தேசிய மற்றும் உலகளவில் உடல் பருமன் பிரச்சனை அதிகரித்துவரும் சூழலில், ஆஸ்துமா ஏன் ஒரு பெரிய சுகாதாரப் பிரச்சனையாக இருக்கிறது என்பதைப் புரிந்துகொள்வதற்கும் ஆஸ்துமா சிகிச்சையை மேம்படுத்துவதற்கான புதிய வழிகளை அடையாளம் காண்பதற்கும் இந்த ஆய்வு மிகவும் முக்கியத்துவம் வாய்ந்ததாக அமையும் என்கிறார் டாக்டர் எலிசபெத் சாபே. மேலும், இது ஒரு சிறிய ஆய்வு என்றும், பெரியளவில் நோயாளிகளிடமும் பிற நுரையீரல் நோய்களிலும் இந்த மதிப்பீட்டை ஆராய்ந்து பார்க்க வேண்டும் என்றும் டாக்டர் சபே கூறுகிறார். https://www.bbc.com/tamil/global-50118175
    • தினத்தந்தி: "எந்த பொத்தானை அழுத்தினாலும் பா.ஜனதாவுக்குதான் ஓட்டு விழும்" - பா.ஜ.க வேட்பாளர் ஹரியாணா மாநில சட்டசபைக்கு இன்று (திங்கள்கிழமை) வாக்குப்பதிவு நடைபெறும் நிலையில், அங்குள்ள கர்னால் மாவட்டத்தில் போட்டியிடும் பா.ஜனதா வேட்பாளர் பக்‌ஷிஷ் சிங் விர்க் பேசிய வீடியோ ஒன்று சமூக வலைத்தளங்களில் வேகமாக பரவி வருகிறது. அதில் அவர் பேசும்போது, 'இன்று நீங்கள் ஒரு தவறு செய்தால், அடுத்த 5 ஆண்டுகளுக்கு துயரப்படுவீர்கள். நீங்கள் யாருக்கு ஓட்டளிக்கிறீர்கள் என்பது எங்களுக்கு தெரியும். மோடிஜியும், மனோகர்ஜியும் (முதல்-மந்திரி) மிகவும் உஷாரானவர்கள். வாக்குப்பதிவு எந்திரத்தில் நீங்கள் எந்த பொத்தானை வேண்டுமானாலும் அழுத்துங்கள். ஆனால் உங்கள் வாக்கு பா.ஜனதாவுக்குத்தான் விழும். அதற்கேற்றவாறு நாங்கள் எந்திரங்களை மாற்றியமைத்து விட்டோம்' என்று கூறினார். இந்த வீடியோ பதிவு மாநிலம் முழுவதும் பெரும் அதிர்ச்சியை ஏற்படுத்தி உள்ளது. இது தொடர்பாக ஜனனாயக் ஜன்டா கட்சி தேர்தல் ஆணையத்தில் புகார் அளித்து உள்ளது. மேலும் மாநில காங்கிரஸ் முன்னாள் தலைவர் அசோக் தன்வரும் கண்டனம் தெரிவித்து உள்ளார். https://www.bbc.com/tamil/india-50118613