Sign in to follow this  
கிருபன்

காணாமல் ஆக்கப்பட்டோர் என்றொரு இனம்

Recommended Posts

காணாமல் ஆக்கப்பட்டோர் என்றொரு இனம்

tamil_2009_vavuniya_kathikamr_refugees.j

ஈழத் தமிழர்களின் இன விடுதலைப் போராட்டத்தை சிதைக்க நினைத்த சிங்கள அரசு அவர்களுக்கு இனப் பேரழிவை உண்டு பண்ணி, வரலாறு முழுதும் மீள முடியாத இனமாக ஆக்க நினைத்தது. ஈழப் போரின் இறுதியில் சிறிதும், தயக்கமின்றி ஈழத் தமிழ் இனத்தை வேட்டையாடியது சிங்கள அரசு. அதற்கான உலகின் இடமளிப்புத்தான் சரணடைந்தவர்களும்  கையளிக்கப்பட்டவர்களும் காணாமல் போய் விட்டனர் என்று கைவிரிக்கும் பெரும் தைரியத்தை சிங்கள அரசுக்கு கொடுத்தது.  இது ஈழத் தமிழ் இனத்தையே காணாமல் ஆக்கும் தைரியத்தையும் கொடுத்திருக்கிறது.

இலங்கேஸ்வரன் என்பது இலங்கையை ஆண்ட தமிழ் மன்னர்களுக்கு சூட்டப்படும் பெயர் என்று வரலாற்று பத்தி எழுத்தாளர் கலாநிதி த. ஜீவராசா எழுதியிருந்தார். அந்த அடிப்படையில்தான் இராவணனை இலங்கேஸ்வரன் என்கிறோம். கம்பராமாயணமும் அப்படிச் சித்திரிக்கிறது. ஒரு காலத்தில் இலங்கேஸ்வரர்களாக ஈழத்தை ஆண்ட தமிழினம் பின்னர், சிறுபான்மை இனமானது. இலங்கையில் இரண்டு சம அந்தஸ்துள்ள நாடுகள் அமையக் கூடிய சூழல் பிரித்தானிய வெளியேற்றத்தின்போது ஏற்பட்டபோதும் நல்லிணக்கம் பேசி அவ் வாய்ப்பு தவறவிடப்பட்டது.

வடக்கு கிழக்கு சிறுபான்மை தமிழர்கள் ஆக்கப்பட்ட ஈழத் தமிழ் மக்கள், இன்றைக்கு வடக்கு தமிழர்கள் என்கின்ற அளவில் கிழக்கின் சிங்கள மற்றும் இஸ்லாமியவாதக் குடியேற்ற சூழல்கள் தள்ள முற்படுகின்றன. தமிழீழமே இன்றைக்கு சுருங்கிப் போயிருப்பதைப் போன்றதொரு தோற்றம் ஏற்படுத்தப்படுகின்றது. தமிழீழ விடுதலைப்புலிகளின் காலத்தில் தமிழீழம் குறித்துப் பேசும் ஒரு சிங்களப் பேரினவாதிகூட வடக்கு கிழக்கிற்கு அதிகாரம் தரமாட்டோம் என்று சொல்லுவார். இன்று வடக்கிற்கு அதிகாரத்தை தர ஒருபோதும் இடமிளிக்கோம் என்று பேசப் பார்க்கிறார்.Maithripala-Sirisena-295x300.jpg

தமிழீழ விடுதலைப்புலிகளின் காலத்தில் இருந்த பெரும்பாலான நிலங்கள் இன்று காணாமல் ஆக்கப்பட்டுவிட்டன. எமது தலைமைகள் ஆளும் சிங்கள அரசைக் காப்பாற்றுகின்றன. மைத்திரிபால சிறிசேனவை ஆட்சியில் அமர்த்தினோம். அவரது ஆட்சியைத் தொடர்ந்து பாதுகாக்க உதவுகிறோம். சர்வதேசத்தை துணைக்கு அழைத்துவிட்டு, அதன் பிடியிலிருந்து தப்பவும் நாமே உதவிக் கொண்டிருக்கிறோம். மைத்திரியுடன் ரணிலுக்கு முரண்பாடு. ரணிலை நாம் காப்பாற்றுகிறோம். ரணில் அரசு இன்றைக்குத் தமிழ் பாராளுமன்ற உறுப்பினர்களால்தான் காப்பாற்றப்பட்டிருக்கிறது.

ஒருபுறத்தில் தமிழ் தலைமைகளின் ஆதரவைப் பெற்றுக் கொண்டு மறுபுறத்தில் தமிழர்களின் உரிமைகளையும் பண்பாட்டு அம்மசங்களையும் திருடும், காணாமல் ஆக்கும் வேலையை சிங்கள அரசும் அதன் தலைவரும், பிரதமரும் செய்து கொண்டிருக்கின்றனர். இந்த நாளின் பெரும் சூத்திரதாரிகளும் இந்த நாளின் எதிரிகளுமே இலங்கை ஆட்சியாளர்களைப் போன்றவர்கள்தான். மணலாறு என்ற ஈழத் தமிழர்களின் பிரதேசத்தைக் காணாமல் ஆக்கி, வெலி ஓயா உருவாக்கப்பட்டது. இத்தகைய செயல்களுக்காகவே ஈழத் தமிழர்கள் ஆயுதம் ஏந்திப் போராடும் சூழலே ஏற்பட்டது.

ஆனால், இன்றைக்கு வந்து இலங்கை ஜனாதிபதி மைத்திரிபால சிறிசேன, ஆமையன் குளம் என்ற தமிழ் குளத்தைக் காணாமல் ஆக்கிவிட்டு, அதை சிங்களக் குளமாக்கி திறந்து வைத்துச் செல்கிறார். ஈழ இன விடுதலைக்கான போராட்டம் இலங்கைத் தீவில் நடந்தது. அதனைச் சிதைக்க தமிழ் இன அழிப்பை சிங்கள அரசு மேற்கொண்டது. இவ்வளவு நடந்த பின்னரும், வவுனியா ஒதியமலையை அண்டிய பகுதியில் நாளும் பொழுதும் ஒரு சிங்களக் குடி குடியேறிக் கொண்டிருக்கின்றது. யாரோ ஒரு பிக்கு வந்து புத்தர் சிலையுடன் குடி ஊன்றிக் கொண்டிருக்கிறார்.

செம்மலையில் இந்து ஆலய வளாகத்தை அடாத்தாகப் பிடித்து, பௌத்த சிங்களப் பிக்கு பாரிய புத்தர் சிலை கட்டி விகாரை அமைக்கிறார். வடக்கு கிழக்கில் ஆயிரம் இடங்களில் புத்தர் சிலைகளை அமைக்க ஜனாதிபதி சிறிசேனதான் திட்டம் தீட்டியவர். இதனால்தான் கன்னியாவில் பாரிய நெருக்கடி உருவாகியது. அங்குள்ள இந்து ஆலய நிலத்தில், விகாரை அமைக்க முயற்சிகள் மேற்கொள்ளப்பட்டன. நீதிமன்றத்தால் அந்த முயற்சி தடுக்கப்பட்டாலும் அரசாணைப்படியும் அதிகாரபூர்வமற்ற முறையிலும் குடியேற்ற முயற்சிகள் வேறு இடங்களில் நடந்துகொண்டுதான் இருக்கின்றன.

ஒன்று மாத்திரம் நன்றாகப் புலப்படுகின்றது. முள்ளிவாய்க்கால் இறுதிப் போரில் ராணுவத்தை நோக்கிச் சென்று சரணடைந்தவர்கள் மாத்திரம் காணாமல் ஆக்கப்படவில்லை. போர் முடிவுக்கு வந்த பின்னர், அருட்தந்தை பிரான்சிஸ் அடிகளாருடன் கையளிக்கப்பட்ட பல நூற்றுக்கணக்கான போராளிகள் மற்றும் அவர்களின் குடும்பங்கள் மாத்திரம் காணாமல் ஆக்கப்படவில்லை. காணாமல் ஆக்கப்பட்டவர்களுக்காகப் போராடிய உறவுகளும் காணாமல் ஆக்கப்படுகிறார்கள். மெல்ல மெல்ல அவர்களும் இந்த மண்ணுக்குள் காணாமல் தொலைக்கப்படுகிறார்கள்.

ரணிலும் மைத்திரியும் முரண்படுகின்றனர். ரணிலும் மகிந்தவும் முரண்படுகின்றனர். மைத்திரியும் கோத்தாவும் முரண்டுகின்றனர். ஆனால் இவர்கள் யாரும் காணாமல் ஆக்கப்பட்டவர்கள் தொடர்பில் வாய் திறப்பதில்லை. சிங்கள ராணுவத்தின், சிங்கள அரசுகளின் இனப்படுகொலைக் குற்றங்களைப் பாதுகாப்பதில் மிக கச்சிதமாக, மிக ஒற்றுமையாக செயற்பட்டு வருகின்றனர். காணாமல் ஆக்கப்பட்டவர்களின் தாய்மார்கள், தந்தையர்கள் போராடுவது பற்றி அவர்களுக்கு எந்தக் கவலையும் இல்லை. துளியும் குற்றமில்லை.

அவர்கள் இதைத்தான் எண்ணுகின்றனர் போலும். காணாமல் ஆக்கப்பட்டவர்களுக்காகப் போராடுகின்ற தாய் – தந்தையர்களும் மெல்ல மெல்ல காணாமல் ஆகிப் போவார்கள். அப்போது கேள்வி எழுப்ப எவரும் இருக்க மாட்டார்கள் என்று. இதே விசயத்தைதான் எல்லா இடத்திலும் சிங்கள அரசு பிரயோகிக்கிறது. நாம் நிலத்தின் அதிகாரத்தைக் கேட்கிறோம். அவர்கள் தொடர்ந்து நிலத்தைக் காணாமல் ஆக்கிக் கொண்டிருக்கிறார்கள். நாம் நமது கடலைக் கோருகிறோம். அவர்கள் கடலைக் காணாமல் ஆக்குகிறார்கள். நாம் நமது காட்டைக் கோருகிறோம் அவர்கள் காட்டை காணாமல் ஆக்குகிறார்கள். அவர்கள் எல்லாவற்றையும் காணாமல் ஆக்குவதைத்தான் தீர்வாகக் கொண்டுள்ளனர்.

இப்போது நாங்கள் ஆலயத்திற்குப் பெரிதாகச் செல்வதில்லை. நல்ல தருணம். அவர்கள் ஆலயங்களைக் காணாமல் ஆக்கி புத்த விகாரைகளைக் கட்டுகிறார்கள். நாம் பண்பாட்டு உணர்வு உரிமையை மறந்துவிடுகிறோம். அவர்கள் அதனையும் காணாமல் ஆக்குகிறார்கள். எங்களை பக்கத்தில் வைத்திருந்தபடி, எங்களைத் துணையாக்கிக் கொண்டே எங்களைக் காணாமல் ஆக்கிக் கொண்டிருக்கிறார்கள்.

இன்றைக்கு ஒன்றுபட்ட இலங்கையைப் பேசிக் கொண்டு ஈழ விடுதலைப் போராட்டத்தைக் காணாமல் ஆக்கிக் கொண்டிருக்கிறார்கள். இதே நிலைமை தொடர்ந்தால், எதிர்வரும் காலத்தில் இந்த நாளில் ஒட்டுமொத்தமாகக் காணாமல் போனோர் என்றொரு இனமாக ஈழத் தமிழரையும் நினைவுகூர வேண்டிய நிலை வரும். இதே நிலை தொடர்ந்தால் ஈழம் என்றொரு காணாமல்போன நிலத்தையும் நினைவுகூர வேண்டி வரும். காணாமல் போன ஒரு தாயின் வலியை உணர்தலும் அதற்காய் இயங்குதலும்தான் இந்த நிலையை இல்லாமல் செய்யும் முதல் புள்ளியாய் இருக்கும்.

 

https://uyirmmai.com/article/காணாமல்-ஆக்கப்பட்டோர்-என/

 

  • Sad 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • இலங்கை தமிழரும் இந்தியாவும் - வ.ஐ.ச.ஜெயபாலன்.                                                                     . இலங்கை தேர்தல் முடிவுகள் : யாருக்கு சாதகம்? யாருக்கு பாதகம்? | கேள்வி நேரம். நியூஸ் 7. தொலைக்காட்ச்சி விவாதம்.                                              .    
    • இலங்கையின் ’இரும்பு மனிதன்` கோட்டாபய ராஜபக்‌ஷ தமிழர்களை அரவணைப்பாரா? ஒடுக்குவாரா? நிலாந்தன்அரசியல் விமர்சகர் 58 நிமிடங்களுக்கு முன்னர் இதை பகிர ஃபேஸ்புக்கில்   இதை பகிர Messenger   இதை பகிர டுவிட்டரில்   இதை பகிர மின்னஞ்சல்   பகிர்க படத்தின் காப்புரிமைGETTY IMAGES Image captionகோட்டாபய (கட்டுரையில் தெரிவிக்கப்பட்டுள்ளவை கட்டுரையாளரின் கருத்துகள். இவை பிபிசி தமிழின் கருத்துகள் அல்ல - ஆசிரியர்) இலங்கைத் தீவின் ஏழாவது அரசுத் தலைவராக கோட்டாபய ராஜபக்ஷ தெரிவு செய்யப்பட்டிருக்கிறார். தேர்தல் முடிவுகள் தொடர்பில் கருத்து தெரிவித்த சிராஜ் மஷூர் இலங்கைத்தீவு இப்பொழுதும் இனரீதியாக பிளவுபட்டிருக்கிறது என்று கூறியுள்ளார். சிராஜ் மஷூர் கிழக்கு மாகாணத்தைச் சேர்ந்தவர். நல்லாட்சிக்கான தேசிய முன்னணியின் தலைவர். நடந்து முடிந்த தேர்தலில் மூன்றாவது தரப்பாகிய ஜே.வி.பி.யோடு கூட்டுச் சேர்ந்த அமைப்பு இது. தேர்தல் முடிவுகளை இலங்கைத் தீவின் வரைபடத்தில் நிறந்தீட்டிப் பார்த்தால் இந்த இனரீதியான பிளவு தெரியவரும். ஒப்பீட்டளவில் வாக்களிப்பு வீதம் முன்னைய தேர்தலை விட அதிகமாக இருக்கும் பகுதிகளை நிறம்தீட்டினால் அது தமிழ் மக்களால் தாயகம் என்று அழைக்கப்படும் பகுதியாகவே காணப்படும். அதுபோலவே சஜித் பிரேமதாசவுக்கு அதிகமாக வாக்களித்தவர்கள் யார் என்று பார்த்தாலும் அதுவும் பெரும்பாலும் தமிழ்ப் பகுதிகளாகவே இருக்கும். அதேசமயம் கோட்டாபாய ராஜபக்ஷவை யார் தேர்ந்தெடுத்திருக்கிறார்கள் என்று பார்த்தால் அது பெருமளவுக்கு சிங்கள மக்களின் வாக்குகளாகவே இருக்கும். அதாவது இலங்கைத் தீவின் ஏழாவது ஜனாதிபதியை பெருமளவுக்கு தனி சிங்கள வாக்குகளே தீர்மானித்திருக்கின்றன. அந்த ஜனாதிபதியை பெருமளவுக்கு சிறுபான்மை மக்கள் நிராகரித்திருக்கிறார்கள். அச்சுறுத்திய வெள்ளை வேன் சாட்சியங்கள் தமிழ்ப் பகுதிகளில் வாக்களிப்பு வீதம் அதிகமாக இருந்தமைக்கும் சஜித் பிரேமதாஸவுக்கு அதிகமாக வாக்களிக்கப்பட்டமைக்கும் காரணம் என்ன? காரணம் மிகவும் எளிமையானது. தமிழ் மக்கள் ராஜபக்ஷ குடும்பத்தை தோற்கடிக்க விரும்புகிறார்கள். அதோடு கடந்த ஐந்தாண்டுகளாக தாங்கள் அனுபவித்து வந்த சிறிய ஜனநாயக வெளியும் இல்லாமல் போய்விடுமோ என்ற அச்சம் ஒரு காரணம். தேர்தல் பரப்புரையின் கடைசி கட்டத்தில் அரசாங்கத்தின் ஓர் அமைச்சராகிய ராஜித சேனாரட்ன ஓர் ஊடக சந்திப்பை ஒழுங்கு செய்தார். வெள்ளை வேனில் வந்து ஆட்களை கடத்திச் சென்றது கோட்டாபயவின் உத்தரவின் பேரிலேயே என்று நிரூபிக்கும் சாட்சிகளை அதில் பேசவைத்தார். அந்த ஊடகவியலாளர் சந்திப்பு சிங்கள மக்கள் மத்தியில் சலசலப்பை ஏற்படுத்தியதோ இல்லையோ தமிழ் மக்கள் மத்தியில் பயத்தைக் கூட்டியது. இதுபோன்ற பல பயங்கள் சேர்ந்துதான் கோட்டாபயவுக்கு எதிராக வாக்குகளாக விழுந்தன. படத்தின் காப்புரிமைGETTY IMAGES Image captionகோட்டாபய மற்றும் மஹிந்த (கோப்புப் படம்) எனவே தமிழ்ப் பகுதிகளில் சஜித்துக்கு விழுந்த வாக்குகளை அவருடைய கொள்கைக்கு விழுந்த வாக்குகளாகவோ அல்லது அவருக்கு வாக்களிக்குமாறு கேட்ட கூட்டமைப்புக்கு விழுந்த வாக்குகளாகவோ எடுத்துக் கொள்ளத் தேவையில்லை. அவை கோட்டாபயவுக்கு எதிரானவை. ஆகக் குறைந்தது உயிர் வாழ்வதற்கான அற்ப ஜனநாயக வெளிக்காகப் போடப்பட்டவை. "ஜனநாயக மீட்சிக்கு வழியேதும் இல்லை" "தமிழர் தரப்பு நிபந்தனையற்ற ஆதரவை 'வலுக்குறைந்த தீமைக்கு' தெரிவிப்பதே அவர்களின் கடமை என்றும் வேறு மாற்றுக்களை அல்லது நிபந்தனைகளை முன்வைத்துப் பேசுவது 'பெரிய தீமைக்கு' வழிகோலிவிடும் என்றும் தென்னிலங்கை தாராளவாத முற்போக்கு சக்திகள் பரிந்துரைப்பது இந்த நாட்டில் ஜனநாயக மீட்சிக்கு வழியேதும் இல்லை என்பதை பட்டவர்த்தனமாக வெளிப்படுத்துகிறது" என்றும் தமிழ் சிவில் சமூக அமையம் அதன் அறிக்கையில் குறிப்பிட்டுள்ளது. இம்முறை தமிழ்ப் பகுதிகளில் கோட்டாபயவோடு இணைந்து நின்ற டக்ளஸ் தேவானந்தா, அங்கஜன், பிள்ளையான் போன்ற தமிழ் அரசியல் வாதிகளின் வாக்கு வங்கியும் சரிந்திருக்கிறது. தேர்தலில் தமிழ் மக்கள் அதிகபட்சம் இன ரீதியாக சிந்தித்து வாக்களித்திருக்கிறார்கள் என்பதனை அது காட்டுகிறது. 'நல்லாட்சி'யின் இயலாமையும், ஈஸ்டர் குண்டும் சிங்கள மக்களும் அப்படித்தான். இனிமேல் ஓர் அரசுத் தலைவரை தெரிவு செய்வதற்கு சிறுபான்மை மக்களின் வாக்குகள் தேவை இல்லை என்பதனை இத்தேர்தல் நிரூபித்திருக்கிறது. கடந்த 2015ம் ஆண்டு தமிழ், முஸ்லிம், மலையக வாக்குகளே பெருமளவுக்கு மஹிந்தவை தோற்கடித்தன. படத்தின் காப்புரிமைGETTY IMAGES Image captionசஜித் பிரேமதாஸ அதன்பின் இனி எப்பொழுதும் அப்படி ஒரு நிலை வரக்கூடாது என்று முடிவெடுத்து ராஜபக்ஷ அணி கடுமையாக உழைத்தது. "நல்லாட்சி" அரசாங்கத்தின் இயலாமைகளும் கடந்த ஆண்டு நிகழ்ந்த ஈஸ்டர் குண்டுவெடிப்பும் அவர்களுக்கு சாதகமாக நிலைமைகளைத் திருப்பியது. நாட்டுக்கு ஓர் இரும்பு மனிதன் தேவை என்ற உணர்வை அது சிங்கள மக்கள் மத்தியில் அதிகப்படுத்தியது. ஹிட்லர் போன்ற எதேச்சதிகாரி தேவை என்று சொன்ன பௌத்த பிட்சு ராஜபக்ஷ குடும்பத்திற்கு ஆதரவான அஸ்கிரிய பீடத்தின் அனுநாயக்க தேரர் அதே தொனியில் கருத்து தெரிவித்திருந்தார். நாட்டுக்கு ஹிட்லரை போன்ற ஓர் எதேச்சாதிகாரி வேண்டுமென்று அவர் கருத்து கூறியிருந்தார். இதனால் நடந்து முடிந்த தேர்தலானது ஓர் இரும்பு மனிதரை தெரிவு செய்வதற்கான போட்டியாக அமைந்தது. இதில் லிபரல் ஜனநாயக வாதிகளாக கருதப்பட்ட அநேகர் ஓரங்கட்டப்பட்டார்கள். கடந்த 2015இல் நடந்த அரசுத் தலைவருக்கான தேர்தலில் ஒருவிதமான மாற்றத்திற்கான அலை வீசியது. அது தொடர்பில் தமிழ் மக்களுக்கு சந்தேகங்கள் இருந்தன. எனினும் மேற்கத்தைய லிபரல் ஜனநாயக நோக்குநிலையில் அது மாற்றத்துக்கான ஒரு லிபரல் அலையாகப் பார்க்கப்பட்டது. அமரர் மாளுவ சோபித தேரர் போன்ற மதகுருக்கள் 'சிவில் சமூகங்கள்', 'புத்திஜீவிகள்', 'கருத்துருவாக்கிகள்', அரசியல், சமூக. மனித உரிமை செயற்பாட்டாளர்கள் போன்றோர் அந்த அலையைக் கூட்டாக சேர்ந்து உருவாக்கினார்கள். ஆனால் இம்முறை தேர்தலில் ஒருவித இனவாத அலைதான் வீசியது. இரும்பு மனிதருக்கான போட்டி என்பது இலங்கைத் தீவில் அதன் பிரயோக நிலையில் ஒருவித இனவாத அலைதான். அந்த அலை லிபரல் ஜனநாயகவாதிகளை ஓரம்கட்டியது. நாட்டைப் பாதுகாக்க வல்ல இரும்பு மனிதர் யார் என்பதை நிரூபிக்கும் போட்டியாக அது மாறியது. Image captionகோட்டாபய பதவியேற்பு. குறிப்பாக ரணில் விக்கிரமசிங்க அவருடைய கட்சிக்குள்ளேயே தலைமைத்துவத்தை பாதுகாப்பதற்காக போராட வேண்டியிருந்தது. அப்போராட்டத்தின் முடிவில் சஜித் பிரேமதாச அரசுத் தலைவருக்கான வேட்பாளராக மேலெழும் அளவுக்கே நிலைமைகள் இருந்தன. இப்படியாக ரணில், சந்திரிகா போன்றவர்களை ஒதுக்கிவிட்டு இரும்பு மனிதர்களுக்கான போட்டி உருவாகியது. யுத்தத்தை வெற்றிகரமாக முடித்த இரும்பு மனிதர் இப்போட்டியின் முடிவில் வெற்றி பெற்றிருக்கிறார். தமிழர்களின் கூட்டு மன நிலை அவரைத் தோற்கடிக்க வேண்டும் என்று தமிழ் தேசியக் கூட்டமைப்பு கேட்டுக் கொண்டதால்தான் தமிழ் மக்கள் அவ்வாறு வாக்களித்தார்கள் என்பதில்லை. மாறாக 2009 மே மாதம் விடுதலைப் புலிகள் இயக்கம் தோற்கடிக்கப்பட்டு ஆயுதப் போராட்டம் நசுக்கப்பட்ட பின் தமிழ் மக்களின் தேர்தல்கால கூட்டு மனோநிலை எனப்படுவது அப்படித்தான் காணப்படுகிறது. அது ராஜபக்ஷ குடும்பத்திற்கு எதிரானது. கடந்த பத்தாண்டுகளாக மாறாது காணப்படும் அக்கூட்டு மனோ நிலைதான் இந்தமுறையும் வெளிப்பட்டிருக்கிறது. சிங்கள பௌத்த வாக்குகளால் மட்டுமே ஜனாதிபதி ஆனேன்: பதவியேற்பு விழாவில் கோட்டாபய பேச்சு கோட்டாபய அனுராதபுரத்தில் பதவியேற்பது ஏன்? அந்த பௌத்த விஹாரையின் சிறப்பு என்ன? இப்படிப் பார்த்தால் ஜனாதிபதி தேர்தலில் இரண்டாவது தடவையாக தமிழ் மக்கள் ராஜபக்ஷ குடும்பத்தை நிராகரித்திருக்கிறார்கள். இந்நிலையில் புதிய அரசுத் தலைவரான கோட்டபாய தமிழ் மக்களைத் எப்படி அணுகப் போகிறார் என்பதில்தான் தமிழ் மக்களின் எதிர்காலம் மட்டுமல்ல சிங்கள மக்களின் எதிர்காலம் மட்டுமல்ல இலங்கைதீவின் எதிர்காலம் மட்டுமல்ல இப்பிராந்தியத்தின் எதிர்கால அரசியல் சுற்றோட்டங்களும் தங்கியிருக்கின்றன. இரும்புக் கரம் கொண்டு நசுக்குவாரா? தமிழ் மக்களை அவர் இரும்புக் கரம் கொண்டு நசுக்குவாரா? அல்லது இரண்டு தேர்தல்களில் கிடைத்த தோல்விகளில் இருந்து பாடங்களைக் கற்றுக்கொண்டு தமிழ் மக்களின் பயங்களைப் போக்குவாரா? அவருடைய தேர்தல் அறிக்கைகளின்படி அவர் தமிழ் மக்களுக்கு 13-வது திருத்தத்தைத் தாண்டி எதையும் கொடுக்கப் போவதில்லை என்றே தெரிகிறது. 13-வது திருத்தம் எனப்படுவது இந்திய இலங்கை உடன்படிக்கையின் கீழ் உருவாக்கப்பட்ட மாகாண சபைகளுக்கான சட்டமாகும். அச்சட்டத்திலும் அவர் காணி அதிகாரம், போலீஸ் அதிகாரம் போன்றவற்றைத் தரப்போவதில்லை என்று ஏற்கனவே கூறியிருக்கிறார். அவருக்கு முன்பிருந்த அரசுத் தலைவர்களும் அந்த அதிகாரங்களை தமிழ் மக்களுக்கு இன்றுவரை வழங்கவில்லை. அது மட்டுமல்ல 2015ம் ஆண்டு செப்டம்பர் மாதம் ஐ.நா மனித உரிமைகள் பேரவையில் நிறைவேற்றப்பட்ட முப்பத்தின் கீழ் ஒன்று தீர்மானத்தை தாம் கைவிடப் போவதாகவும் கோட்டபாய கூறியிருக்கிறார். அந்தத் தீர்மானமானது இலங்கைத் தீவில் நிலைமாறுகால நீதியை நிறுவுவதற்கு உரியது. நிலைமாறுகால நீதி எனப்படுவது சாராம்சத்தில் பொறுப்புக்கூறல்தான். ஆனால் கோட்டபாய ராஜபக்ஷ தமிழ் மக்களுக்கும் உலக சமூகத்துக்கும் பொறுப்புக்கூறப் போவதில்லை என்று கூறுகிறார். அவருடைய தேர்தல் பரப்புரைகளில் அவர் தேசத்துக்கு பொறுப்பு கூறுவார் என்று வர்ணிக்கப்படுகிறது. அப்படியென்றால் யாருக்கு பொறுப்புக்கூறப் போகிறார்? தனி சிங்கள மக்களுக்கு மட்டும்தானா? ஓர் இரும்பு மனிதனாக வெற்றி பெற்றிருக்கும் அவர் உலக சமூகத்துக்கும் தமிழ் மக்களுக்கும் பொறுப்பு கூறுவாரா இல்லையா என்பதில்தான் அவருடைய ஐந்தாண்டு கால ஆட்சியின் வெற்றி தங்கியிருக்கிறது. வளர்ச்சி சாத்தியமா? அவர் நாட்டின் தலையாய பிரச்சனையாக தேசியப் பாதுகாப்பையும் அபிவிருத்தியையும் முன்வைக்கிறார். தேசியப் பாதுகாப்பு எனப்படுவது இனப் பிரச்சினையோடு தொடர்புடையது. அதாவது பொறுப்புக்கூறலோடு தொடர்புடையது. அது தீர்க்கப்படாத வரை முழு அளவில் முழுநிறைவான அபிவிருத்தியை முன்னெடுப்பது கடினம். அவர் வெற்றி பெற்றது பெருமளவிற்கு தனிச் சிங்கள வாக்குகளால்தான். ஆனால் அந்த வெற்றியின் தொடர்ச்சியை தக்கவைப்பது என்பது தமிழ் மக்களையும் முஸ்லீம் மக்களையும் அரவணைத்துக் கொள்வதில்தான் தங்கியிருக்கிறது. அதாவது முழு நாட்டுக்கும் பொறுப்பு கூறுவதில்தான் தங்கியிருக்கிறது. https://www.bbc.com/tamil/sri-lanka-50455796
    • ஏற்கனவே எதிர்வு கூறியது தான் அண்ணை  தமிழர் முஸ்லிம்களின் வாக்குகளுக்கு வேலை இல்லாமல் கோத்தா வென்றால் உங்கள் அரசியல் என்ன என்பதுதான் நான் கேட்டது  ...? இப்போது வெள்ளை வானை அனுப்பி வாயிலேயே குத்தப்போறான் குத்தலை பொத்திக்கிட்டு வாங்க வேண்டியதுதான் , கும்மானுக்கும் பிள்ளையானுக்கும்  அமலுக்கும் பின்னாடி  காவடி தூக்க வச்சிட்டானுகளே  கூத்தமைப்பானுகள்