அமெரிக்க வரலாற்றில் மிக அதிகமானோரை கொலைசெய்த முதியவர் – குற்றத்தை ஒப்புக் கொண்டார்!

[தமிழ் சிறி]

அமெரிக்க வரலாற்றில் மிக அதிகமானோரை கொலைசெய்த முதியவர் – குற்றத்தை ஒப்புக் கொண்டார்!

அமெரிக்காவின் ரெக்ஸாஸைச் சேர்ந்த முதியவர் ஒருவர் அந்த நாட்டின் வரலாற்றில் அதிகளவான கொலைகளை செய்தவர் என்று அறியப்பட்டுள்ளார். 79 வயதான சாமுவெல் லிட்டில் (Samuel Little) என்ற குறித்த முதியவர் 93 பேரை கொலை செய்துள்ளதாக ஒப்புக்கொண்டுள்ளார்.

1970 க்கும் 2005 க்கும் இடைப்பட்ட காலத்திலேயே அவர் இந்த கொலைகளைச் செய்ததாக தெரியவந்துள்ளது. அவரால் கொலை செய்யப்பட்டவர்களில் பெரும்பாலோர் பெண்களாவர்.

அவர் கொலை செய்ததாகக் கூறப்பட்ட பெண்களின் உயிரிழப்புகள் போதைப்பொருள் காரணமாகவும் விபத்துகளால் நிகழ்ந்ததாக வகைப்படுத்தப்பட்டிருந்தன.

2014 ஆம் ஆண்டில் அவர் மூன்று கொலைகளுடன் தொடர்புபட்டிருந்த நிலையில், ஆயுள்தண்டனை பெற்றுள்ளார்.

சாமுவேல் லிட்டிலால் நேர்ந்த ஒவ்வொரு கொலைக்கும் தண்டனை விதிக்கப்பட வேண்டும் என்று புலனாய்வுத்துறை அறிவுறுத்தியுள்ளது.

முன்னாள் குத்துச்சண்டை வீரரான சாமுவெல் லிட்டில் 2012 ஆம் ஆண்டு போதைப்பொருள் பாவனை மற்றும் விநியோகம் தொடர்பில் கைதுசெய்யப்பட்டார்.

அதன்பின்னர் இடம்பெற்ற தீவிர விசாரணைகளின் அடிப்படையில் அவரால் மேற்கொள்ளப்பட்ட படுகொலைகள் குறித்து தெரியவந்துள்ளது.

http://athavannews.com/அமெரிக்க-வரலாற்றில்-மிக/

[ampanai]

அன்று டி.என்.ஏ. மற்றும் தகவல் பரிமாற்றம் இல்லாதபடியால் இவரால் இவ்வளவு கொலைகளையும் செய்யக்கூடியதாக இருந்தது.