விலகுகிறார் சிவாஜிலிங்கம்

[nunavilan]

விலகுகிறார் சிவாஜிலிங்கம்

 

 

டெலோ கட்சி தொடர்ந்து தன்மீது முன்வைக்கும் நிபந்தனைகளை ஏற்றுக்கொள்ள தான் தயாரில்லை என்பதனால் கட்சியிலிருந்து விலகி சுயேட்சை உறுப்பினராக அரசியலில் செயற்பட தீர்மானித்துள்ளதாக ஜனாதிபதி வேட்பாளர் எம்.கே.சிவாஜிலிங்கம் தெரிவித்துள்ளார்.

கட்சியின் செயலாளரை சந்தித்து தனது இராஜினாமா கடிதத்தை கையளிக்கவுள்ளதாகவும் அவர் தெரிவித்துள்ளார்.

யாழ்ப்பாணம் வல்வெட்டித்துறை பிரதேசத்தில் அமைந்துள்ள எம்.கே.சிவாஜிலிங்கத்தின் அலுவலகத்தில் ஊடகவியலாளர்களிடம் கருத்து தெரிவிக்கும் போதே அவர் இதனை தெரிவித்துள்ளார்.

தான் அரசியலுக்கு பிரவேசித்தது தமிழ் மக்களின் உரிமைகளை வென்றெடுப்பதற்கே அன்றி பணம் சம்பாதிப்பதற்கு அல்ல என தெரிவித்த அவர் மக்களுக்கு சேவையாற்றுவதற்காக கட்சி தேவை இல்லை எனவும் தெரிவித்துள்ளார்.

தற்போது வரைக்கும் வடகிழக்கு தமிழர்களுக்காக பேசுவதற்கு எந்தவொரு ஜனாதிபதி வேட்பாளரும் இல்லாததன் காரணமாக எதிர்வரும் தினங்களில் தான் அந்த நடவடிக்கையை முன்னெடுக்கவுள்ளதாகவும் அவர் தெரிவித்துள்ளார்.

தமிழ் இனத்தவர் ஒருவர் ஜனாதிபதி வேட்பாளராக உள்ளமை தொடர்பில் அனைத்து தமிழ் கட்சிகளும் மகிழ்ச்சியடைய வேண்டும் எனவும் ஆனால் தற்போது அனைவருமே தன்னை குற்றஞ்சாட்டுவதாகவும் அவர் குறிப்பிட்டுள்ளார்.

அரசியல் இலாபத்தில் பணம் சம்பாதிப்பதற்காகவும் பதவிகளை பெற்றுக்கொள்வதற்காகவும் முயற்சிக்கும் வேளையில் தனது அரசியல் செயற்பாடு அவர்களுக்கு பெரிதும் தடையாக இருப்பதாக ஜனாதிபதி வேட்பாளர் எம்.கே.சிவாஜிலிங்கம் மேலும் தெரிவித்துள்ளமை குறிப்பிடத்தக்கது

http://www.dailyceylon.com/190858/

[ampanai]

அரசியல் இலாபத்தில் பணம் சம்பாதிப்பதற்காகவும் பதவிகளை பெற்றுக்கொள்வதற்காகவும் முயற்சிக்கும் வேளையில் தனது அரசியல் செயற்பாடு அவர்களுக்கு பெரிதும் தடையாக இருப்பதாக ஜனாதிபதி வேட்பாளர் எம்.கே.சிவாஜிலிங்கம் மேலும் தெரிவித்துள்ளமை குறிப்பிடத்தக்கது

மக்களை கோமாளிகாக எண்ணுவதும் அவர்களை ஏமாற்றுவதும் இன்றைய தமிழ் முதன்மை அரசியல் தலைவர்களின் கடமை 😞