ராஜீவ் காந்தி கொலை வழக்கு; சீமானையும் விசாரணையில் சேர்க்கவேண்டும் என காங்கிரஸ் மனு

[தமிழ் சிறி]

ராஜீவ் காந்தி கொலை வழக்கு; சீமானையும் விசாரணையில் சேர்க்கவேண்டும் என காங்கிரஸ் மனு

ராஜிவ் காந்தி கொலை வழக்கை விசாரித்துவரும் சி.பி.ஐ., சீமானையும் வழக்கில் சேர்த்து விசாரிக்கவேண்டும் என கோரி காங்கிரஸ் சார்பில் மனு தாக்கல் செய்யப்பட்டுள்ளது.

இன்று காங்கிரஸ் சார்பில் சி.பி.ஐ. அலுவலகத்தில் முறைப்பாடு அளிக்கப்பட்டது. அந்த முறைப்பாட்டில்கூறப்பட்டுள்ளதாவது. “ராஜீவ் காந்தி கொலை வழக்கில் சி.பி.ஐ. புலன் விசாரணை நடத்தியது.

ஏராளமானோர் குற்றம் சாட்டப்பட்டு விசாரிக்கப்பட்டு, பலர் தண்டிக்கப்பட்டனர். இந்த வழக்கு உயர் நீதிமன்றம், உச்சநீதிமன்றத்தில் ஏற்றுக்கொள்ளப்பட்டது.

இந்தச் சூழ்நிலையில் சீமான் கடந்த 11-ம் திகதி விக்கிரவாண்டி இடைத்தேர்தல் கூட்டத்தில் பேசும்போது பகிரங்கமாக முன்னாள் பிரதமர் ராஜீவ் காந்தியை கொன்று புதைத்தோம் என பெருமையுடன் குறிப்பிட்டு பேசியுள்ளார். இதையடுத்து அவர் அளித்த பேட்டியிலும் அதை உறுதிப்படுத்தி தனது பேச்சிலிருந்து பின்வாங்கப் போவதில்லை என்று தெரிவித்துள்ளார்.

ராஜிவ் கொலையை நாங்கள் தான் செய்தோம் என்று சீமான் பகிரங்கமாக தெரிவித்திருக்கும் நிலையில் சீமான் மீது 302 பிரிவின் கீழ் கொலை வழக்கு பதிவு செய்து விசாரணை நடத்தவேண்டும்” என காங்கிரஸ் தெரிவித்துள்ளது.

விக்கிரவாண்டி இடைத்தேர்தல் பிரச்சாரத்தில் பேசிய நாம் தமிழர் கட்சியின் ஒருங்கிணைப்பாளர் சீமான் கோட்சே காந்தியை சுட்டதை சரி என்கிறார்கள். “நாங்கள்தான் ராஜிவ் காந்தியை கொன்றோம்.

ஒரு காலம் வரும் வரலாறு திருப்பி எழுதப்படும். என் இனத்தை இந்திய இராணுவம் அமைதிப்படை என்கிற அநியாயப்படையை அனுப்பி என் இன மக்களை கொன்று குவித்த ராஜீவ் காந்தி என்கிற என் இனத்தின் எதிரியை, தமிழர் தாய் நிலத்தில் கொன்று புதைத்தோம் என்கிற வரலாறு எழுதப்படும்” என்று பேசியிருந்தார்.

இந்தப்பேச்சுக்கு பலத்த எதிர்ப்பு உருவானதை அடுத்து அனைத்து அரசியல் கட்சித் தலைவர்களும் கண்டனம் தெரிவித்தனர். ஆனால் தான் பேசியதில் பின் வாங்கப்போவதில்லை என்று சீமான் பேட்டி கொடுத்தார்.

இந்நிலையில் விக்கிரவாண்டி பொலிஸார் பிரிவு 153 மற்றும் 504-ன் கீழ் சீமான் மீது வழக்குப்பதிவு செய்தனர். காங்கிரஸ் சார்பில் டி.ஜி.பி. மற்றும் தமிழக தலைமை தேர்தல் அதிகாரியிடம் முறைப்பாடு வழங்கப்பட்டமையும் குறிப்பிடத்தக்கது.

http://athavannews.com/ராஜீவ்-காந்தி-கொலை-வழக்க/

[ampanai]

"ராஜிவ் காந்தி கொலை வழக்கை விசாரித்துவரும் சி.பி.ஐ., சீமானையும் வழக்கில் சேர்த்து விசாரிக்கவேண்டும் என கோரி காங்கிரஸ் சார்பில் மனு தாக்கல் செய்யப்பட்டுள்ளது".

காங்கிரஸ், இந்த நான்காவது உறுப்பினர்

[அருள்மொழிவர்மன்]

பல ஆண்டுகளாகியும் இன்னும் நம் போராளிகள் சிறையில் இருப்பது வருத்தமளிக்கும் நிலையில், இது போன்ற வீண் பேச்சுக்கள் அவர்கள் விடுதலையை மேலும் தாமதிக்கும் அல்லது முற்றிலும் பாதிக்கும். இதுபோன்ற உணர்ச்சிவயப்பட்ட பேச்சுகள் ஒருபோதும் உதவாது.

சீமானின் பேச்சு ஒரு சில தருணங்களில் நியாயமானதாகத் தோன்றியுள்ளது. ஆனால் இவ்விடயத்தை அரசியலாக்கி அதன்மூலம் ஆதரவைப் பெற நினைப்பது வரவேற்கத்தக்கதல்ல..இதற்கு பதிலாக போராளிகளின் விடுதலைக்கு ஏதாவது செய்திருந்தால் வரவேற்கப்பட்டிருக்கும்.