Jump to content
  • advertisement_alt
  • advertisement_alt
  • advertisement_alt
Sign in to follow this  
nunavilan

ஹரி ஆனந்தசங்கரி 21,241 வாக்குகளால் அமோக வெற்றி

Recommended Posts

ஹரி ஆனந்தசங்கரி 21,241 வாக்குகளால் அமோக வெற்றி

gary-anandasangaree-300x200.jpg

கனேடிய நாடாளுமன்றத் தேர்தலில் ஒன்றாரியோ மாகாணத்தில், ஸ்காபரோ ரூஜ்பார்க் தொகுதியில் இரண்டாவது முறையாகப் போட்டியிட்ட ஹரி ஆனந்தசங்கரி  21,241 வாக்குகள் வித்தியாசத்தில் அமோக வெற்றி பெற்றுள்ளார்.

ஆளும் லிபரல் கட்சியின் சார்பில் போட்டியிட்ட ஹரி ஆனந்தசங்கரிக்கு இந்தமுறை 62.3  வீத வாக்குகள் கிடைத்துள்ளதாக இறுதி முடிவுகளில் இருந்து தெரியவந்துள்ளது.

ஸ்காபரோ ரூஜ்பார்க் தொகுதியில் கட்சிகளும் அவற்றின் வேட்பாளர்களும் பெற்ற வாக்குகள் விபரம் –

  • ஹரி ஆனந்தசங்கரி – லிபரல் கட்சி     –    31,339 – 62.3 %
  • பொப்பி சிங் – கொன்சர்வேட்டிவ் கட்சி   – 10,088 – 20.1 %
  • கிங்ஸ்லி வோக் – புதிய ஜனநாயக கட்சி – 5,735 – 11.4 %
  • ஜெசிக்கா ஹமில்டன் – கிறீன் கட்சி      –    2,324    – 4.6 %
  • டிலானோ சாலி – மக்கள் கட்சி               –   466 –  0.9 %
  • மார்க் தேடோரூ – கிறிஸ்தவ பாரம்பரிய கட்சி –  353     – 0.7 %
  • பதிவு செய்யப்பட்ட வாக்காளர்கள் – 76,408
  • அளிக்கப்பட்ட மொத்த வாக்குகள்  – 50,305
  • http://www.puthinappalakai.net/2019/10/22/news/40761

Share this post


Link to post
Share on other sites

கனடா தேர்தலில் வென்ற இலங்கை தமிழர்: யார் இந்த கெரி ஆனந்தசங்கரி?

கனடா நாடாளுமன்ற தேர்தலில் இலங்கை தமிழரான கெரி ஆனந்தசங்கரி 21,241 வாக்குகள் வித்தியாசத்தில் வென்றுள்ளார்.

கனடாவின் ஒன்டாரியோ மாகாணத்தில் ஸ்காபரோ ரூஜ்பார்க் தொகுதியில் பெரும்பான்மை வாக்கு வித்தியாசத்தில் இரண்டாவது முறையாக அந்நாட்டு எம்பியாகியுள்ளார் இலங்கை தமிழரான கெரி ஆனந்தசங்கரி.

ஆளும் லிபரல் கட்சி சார்பில் போட்டியிட்ட கெரி ஆனந்த சங்கரி, இந்த தேர்தலில் 62.3 சதவீத வாக்குகள் பெற்று வென்றுள்ளார்.

அவரை எதிர்த்து கன்சவேடிவ் கட்சி சார்பில் போட்டியிட்ட லெஸ்லின் லூயிஸ் மற்றும் கனேடிய தமிழரான என்.டி.பி கட்சி வேட்பாளர் காந்தரட்ணம் சாந்தகுமார் ஆகியோர் போட்டியிட்டுள்ளனர்.

ஸ்காபரோ ரூஜ்பார்க் தொகுதியில் 2015-ஆம் ஆண்டு நடைபெற்ற நாடாளுமன்றத் தேர்தலில் போட்டியிட்ட கெரி ஆனந்தசங்கரி, 34.8 வீத வாக்குகளை பெற்று வெற்றியை தன்வசப்படுத்திக் கொண்டார்.

யார் இந்த கெரி ஆனந்தசங்கரி?

இலங்கையின் மூத்த தமிழ் அரசியல்வாதியான தமிழர் விடுதலைக் கூட்டணியின் செயலாளர் நாயகம் வீ.ஆனந்த சங்கரியின் இளைய புதல்வரே கெரி ஆனந்தசங்கரி.

கனடா தேர்தலில் வென்ற இலங்கை தமிழர்படத்தின் காப்புரிமைLENOVO TWITTER

இலங்கையில் காணப்பட்ட யுத்த சூழ்நிலையை அடுத்து, தனது 13ஆவது வயதில் புலம்பெயர்ந்து அவர் கனடா சென்றார்.

கனடாவில் தமிழ் இளைஞர்கள் மத்தியில் ஏற்படும் வன்முறைகளை தீர்த்து வைக்கும் வகையில், கனடாவில் இளைஞர்கள் சேவை நிலையமொன்றை அவர் ஆரம்பித்துள்ளார்.

கனடாவில் வாழ்கின்ற தமிழ் இளைஞர்களிடம் காணப்படும் முரண்பாடுகளை தீர்ப்பதற்காக முன்னின்று செயற்படுபவராக கெரி ஆனந்தசங்கரி திகழ்கின்றார்.

கனடா தமிழ்ச் சங்கத்தின் செயற்பாடுகளிலும் அவர் பெரும் பங்களிப்பை வழங்கியுள்ளதாக தெரிவிக்கப்படுகின்றது,

அத்துடன், கனேடிய தமிழ்க் காங்கிரஸ் அமைப்பின் வளர்ச்சிக்காகவும் அவர் முன்னின்று செயற்பட்டுள்ளார்.

கனடாவில் வழக்கறிஞராக செயற்பட்ட கெரி ஆனந்தசங்கரி, பின்னர் சிறந்த அரசியல்வாதியாகவும் பெயரெடுத்துள்ளார்.

கனடா தேர்தலில் வென்ற இலங்கை தமிழர்படத்தின் காப்புரிமைTWITTER

லிபரல் கட்சியின் வளர்ச்சிக்காக செயற்பட்டவர்களில் கெரி ஆனந்தசங்கரிக்கு பெரிய பங்களிப்பு உள்ளதாக கூறப்படுகின்றது.

கனடாவில் இந்த முறை நடைபெற்ற நாடாளுமன்றத் தேர்தலில் மூன்று கட்சிகளை பிரதிநிதித்துவப்படுத்தி, நான்கு தமிழர்கள் போட்டியிட்டுள்ளது குறிப்பிடத்தக்கது.

இலங்கையில் அரசியலில் தான்கொண்டுள்ள கொள்கையை தனது மகனும் கொண்டுள்ளதால் மகிழ்ச்சி அடைவதாக தமிழர் விடுதலை கூட்டணியின் செயலாளர் நாயகமும், கெரி ஆனந்தசங்கரியின் தந்தையுமான வீரசிங்கம் ஆனந்தசங்கரியும் தெரிவித்தனர்.

பிபிசி தமிழுக்கு வழங்கிய செவ்வியிலேயே வீரசிங்கம் ஆனந்தசங்கரி இதனைக் குறிப்பிட்டார்.

தமிழ் மக்களுக்கு உதவி செய்ய வேண்டும் என்ற நிலைப்பாட்டில் கனேடிய நாடாளுமன்றத்தில் பெரும்பான்மையுடன் வெற்றி பெற்றிருப்பதால் பெருமிதம் கொள்வதாகவும் அவர் குறிப்பிட்டார்.

https://www.bbc.com/tamil/sri-lanka-50148789

Share this post


Link to post
Share on other sites

வாழ்த்துக்கள் ஹரி ஐயா

Share this post


Link to post
Share on other sites
33 minutes ago, தனிக்காட்டு ராஜா said:

வாழ்த்துக்கள் ஹரி ஐயா

விட மாட்டீங்களே. தேர்தல்ல ஒருவர் வெண்டால் உடனையே ஐயா போட தொடங்கிவிடுவீங்களே. 

Share this post


Link to post
Share on other sites

மச்சான் ஹரி வாழ்த்துக்கள் டா...

  • Haha 4

Share this post


Link to post
Share on other sites

வாழ்த்துக்கள் சன் ......!   💐

Share this post


Link to post
Share on other sites

நான் அறிந்தவரையில் ஈழத்தில் இவருடைய அப்பா செய்யும் அரசியலைவிடப் புலத்தில் இவர் செய்யும் அரசியல் மிகவும் வேறுபாடாக
இருக்கின்றது.
அந்தவகையில் புலம்பெயர்ந்த தமிழர்களின் ஒரு நட்சத்திரமாக இப்போது இவர் இருக்கின்றார்
அவருடைய வளர்ச்சி அவருடைய  கைகளிலும் அவர் சார்ந்த கட்சியிலும்
தங்கியிருக்கின்றது.
காலம் தான் பதில் சொல்லவேண்டும்

வாழ்த்துக்கள்

Share this post


Link to post
Share on other sites
1 hour ago, Sasi_varnam said:

மச்சான் ஹரி வாழ்த்துக்கள் டா...

tenor.gif

  • Like 1

Share this post


Link to post
Share on other sites

நுணா... உண்மையில் நானும் ஹரியும் நண்பர்கள் தான் ...நம்புங்க தல 😉

Share this post


Link to post
Share on other sites
8 minutes ago, Sasi_varnam said:

நுணா... உண்மையில் நானும் ஹரியும் நண்பர்கள் தான் ...நம்புங்க தல 😉

நம்பீட்டன் தல.

Share this post


Link to post
Share on other sites

கனடிய தேர்தல்கள் | வற்றாத நீலக்கண்ணீர்…

சிவதாசன்

திருவிழா ஒருவாறு முடிந்துவிட்டது. முடிவு எதிர்பார்த்தது தான். பங்குகாரர்கள் சண்டை இனிமேல்தான். ட்ரூடோவின் சாதகத்தில் வியாழ பகவான் பத்தாம் இடத்துக்குப் போகாமல் பலமான எச்சரிக்கையைக் கொடுத்துவிட்டு வக்கிரப்பட்டுத் திரும்பிவிட்டார். இனி எல்லாம் அவர் கைகளில்.

images-1-4.jpg
கனடிய தேர்தல் முடிவுகள்

ஆசனங்களை இழந்தாலும் லிபரலும், புதிய ஜனநாயகக் கட்சியும் வெற்றி பெற்றுள்ளன. புளக் கியூபெக்குவா கட்சிக்கும் ஒரு வகையில் வெற்றிதான், ஆயுதங்கள் வழங்கப்பட்ட ‘ஆவா’ குழுபோல யாரும் எப்போதும் ‘hire’ பண்ணலாம்.

இதில் கன்சர்வேட்டிவ் கட்சி, கூடிய ஆசனங்களைப் பெற்றிருந்தாலும், தோல்வியுற்ற ஒன்றுதான். தன்னோடு சேர்த்து அல்பேர்ட்டா, சஸ்கச்செவான் மாகாணங்களையும் குழிக்குள் இழுத்து விழுத்தியிருக்கிறது.

லிபரல் கட்சிக்கு, இரண்டாவது தவணை ஆட்சியமைக்கும் சந்தர்ப்பம் கிடைத்தமைக்கு அப்பால், அதைத் திருத்திக்கொள்ள மக்கள் ஒரு சந்தர்ப்பம் கொடுத்திருக்கிறார்கள். என்னதான் செய்தாலும், கன்சர்வேட்டிவ் கட்சியின் தலைமை பீற்றர் மக்கேயுக்குப் போகுமானால், லிபரல் கட்சிக்கு இந்தத் தவணையே முற்றுப்புள்ளி.

லிபரல் கட்சிக்கு எண்ணை மாகாணங்களால் (அல்பேர்ட்டா, சஸ்கச்சேவன்) இரட்டைத் தலையிடி. ஒருபக்கம் சூழலியலாளர், சுதேசிகள் மறுபக்கம் பஞ்சத்தில் வாடும் எண்ணைத் தொழிலாளர்கள். ஒரு காலத்தில் எண்ணை பொங்கி வழிந்தபோது அத்லாந்திக் மாகாணங்களை வழித்துத் துடைத்த அல்பேர்ட்டா கொழுப்பேறித் தன் எல்லாப் பொன் முட்டைகளையும் ஒரே எண்ணைக் கூடைக்குள் போட்டுவந்தனர். அவர்களின் மிகப்பெரிய வாடிக்கையாளரான அமெரிக்காவில் ஒபாமா 8 வருடங்களாக எண்ணை தோண்டிச் சுய நிறைவுக்கு வருமட்டும், அதன் பிறகு ‘அமெரிக்கா முதல்’ என்ற கோசம் போடும் துரும்பர் 4 வருடங்களை நிறைவு செய்யுமட்டும் வெள்ளி பார்த்துக்கொண்டிருந்தது அல்பேர்ட்டா. வெனிசுவேலா மக்களின் வயித்திலடித்த பலன் தான் அம்மாகாண மக்களின் வயிறுகளையும் எரிக்கிறது.

லிபரல் கட்சியை முற்றாக நிராகரித்ததனால் அல்பேர்ட்டாவும், சஸ்கச்சேவனும் தமது தலையில் தான் எண்ணையை அள்ளிக் கொட்டியிருக்கிறார்கள். அல்பேர்ட்டாவின் எண்ணையைக் கொண்டு சென்று விற்பதற்கென்று குழாய்களைப் போடுவதற்கு லிபரல் கட்சி சூழலியலாளருடனும், சுதேசிகளுடனும் போராட வேண்டியிருந்தது. பொறுப்புள்ள அரசின் கடமையதுவெனினும் அல்பேர்ட்டா வாக்கு வங்கியும் அவர்களுக்குத் தேவையாக இருந்தது. முற்றாக நிராகரிக்கப்பட்ட நிலையில் இம் மாகாணங்களுக்கு உதவவேண்டுமென்ற ட்ரூடோவின் ஆர்வம் தளர்ச்சியடைய வாய்ப்புண்டு.

இந்தா ‘தனி நாட்டுக் கோரிக்கையை முன்வைக்கப் போகிறேன்’ என்று அல்பேர்ட்டாவின் முதலமைச்சர் கெனி தினவெடுக்கலாம். துறைமுகமில்லாத நாடொன்றை (land locked) உருவாக்கிய பின், விமானங்களில் எண்ணை விற்கும் நாடாக வேண்டுமானால் அல்பேர்ட்டாவை விட்டு விடலாம்.

அக்டோபர் 1970 இல் தான் தந்தையார் ட்ரூடோ கியூபெக் பிரிவினைவாதிகளுடன் ‘போரிட்டு’ நாட்டைக் காப்பாற்ற வேண்டி ஏற்பட்டது. அக்டோபர் 2019 இல், கிட்டத்தட்ட 50 வருடங்களில், மகன் ட்ரூடோ அல்பேர்ட்டா பிரிவினைவாதிகளுடன் போரிடவேண்டி ஏற்பட்டிருக்கிறது. வரலாறு சுழலத்தானே வேண்டும்.

எப்படியிருந்தாலும், எண்ணைக் குழாய் விடயத்தில் இருந்த சுமையை இறக்கி விட்டு ‘நீங்க இல்லாமலேயே ஆட்சியமைக்க என்னால் முடியும்’ என்ற திமிரை ட்ரூடோவின் தோளில் அல்பேர்ட்டா, சஸ்கச்சேவன் மாகாணங்கள் ஏற்றியிருக்கின்றன. அது லிபரலின் வெற்றி.

ஜக்மீட் சிங் தலைமையில் புதிய ஜனநாயகக் கட்சி ஆசனங்களைப் பறிகொடுத்திருந்தாலும் அதற்கு ஒரு ‘அதிரடிப்படை’ ஸ்தானத்தைக் கொடுத்ததன் மூலம் ட்ரூடோவைக் காவல் புரியும் பணியை அக் கட்சி எடுத்துக்கொண்டுள்ளது ஒரு வகையில் அதற்கு வெற்றி. ஆட்சியில் அமராமலே தனது கொள்கைகள் சிலவற்றையேனும் அமுல்படுத்த அக் கட்சிக்குச் சந்தர்ப்பம் கிடைத்திருக்கிறது. அந்த வகையில் புதிய ஜனநாயகக் கட்சிக்கும் இத் தேர்தல் வெற்றியைத்தான் கொடுத்துள்ளது.

கியூபெக் மாகாணத்தைப் பொறுத்தவரை அவர்களுக்கு அமெரிக்கா அருகில் இருப்பதும், துறைமுகங்கள் இருப்பதும் வர்த்தகத்துக்கு மிக அனுகூலமானது. Energy East Pipeline விடயத்தில் லிபரல் அரசுக்கு அழுத்தம் கொடுத்து அத்திட்டத்தை நிறுத்தியதற்கு கியூபெக் மாகாண அரசும் ஒரு காரணம் என்றொரு குற்றச்சாட்டும் உண்டு. சூழலியலாளரின் அழுத்தத்தின் பேரில் ட்ரூடோ தேசிய ஆற்றல் சபையின் (National Energy Board) கட்டுப்பாடுகளை இறுக்கியதும் ஒரு காரணம். ஆனால் அதை விட முக்கியமானது இந்த எண்ணைக்குழாய்த் திட்டத்தின் சொந்தக்காராரான Trans Canada Pipeline என்ற நிறுவனம், எண்ணை விலைகளில் ஏற்பட்ட சரிவினால் நட்டமடைய நேரிடும் என்ற வியாபாரக் காரணத்தால் இத் திட்டத்திலிருந்து மெதுவாக நழுவிவிட்டதே பிரதான காரணி என்றும் பேசப்பட்டது. என்ன இருந்தாலும் கியூபெக் மாகாணத்திற்கு இத் திட்டத்தால் எதுவித பலனுமில்லை. லிபரல் கட்சியைக் கட்டுப்பாட்டில் வைத்திருக்கும் பணியை இத் தேர்தல், புளக் கியூபெக்குவாவுக்குக் கொடுத்ததன் மூலம் அதுவும் வெற்றியையே பெற்றிருக்கிறது.

இத் தேர்தலில் தோல்வியைத் தழுவியது கன்சர்வேட்டிவ் கட்சியின் தலைவர் அன்ட்ரூ ஷியர் தான். அவரது தீவிர வலதுசாரிக் கொள்கைகள் காலத்துக்கும், இன்றய கனடியர்களுக்கும் ஏற்பானது அல்ல என்பதை அவர் புரிந்துகொள்ளும் நிலையில் இருக்கவில்லை. ட்ரூடோ என்னதான் திமிர் கொண்டிருந்தாலும், பொருளாதாரம் பலமாக இருந்தது. வேலைவாய்ப்பு உயர்வாக இருந்தது. கடனைப் பட்டு மக்களை அவர் மகிழ்வாக வைத்திருந்த நடைமுறையும், வயிற்றைக் கட்டி, வேலைகளைக் குறைத்து பணத்தை மிச்சம்பிடித்து ஆள முயன்ற ஒன்ராறியோ மாகாணத்தின் ஆட்சி முறையும் ஏககாலத்தில் மக்கள் முன் வைக்கப்பட்டன. ஒன்ராறியோவின் ஆட்சிமுறையையே அண்ட்ரூ ஷியரும் பின்பற்றப் போகிறார் என்ற பயம் மக்களைப் பிடித்திருந்தது. அந்த வகையில் பழமைவாதத்தை இறுகப்பிடித்திருந்த கட்சிக்கு இத் தேர்தல் ஒரு பாடம் கற்பித்திருக்கிறது. அண்ட்ரூ ஷியரின் தலைமைக்கு அச்சுறுத்தல் அருகே வந்திருக்கிறது. அதுவே ட்ரூடோவுக்காகவும் காத்திருக்கலாம்.

மற்றும்படி, இத் தேர்தல் மரம் சில பழையவர்களை உலுப்பி விழுத்தியிருக்கிறது. கன்சர்வேட்டிவ் கட்சியின் உபதலைவி லிசா ரெயட் வென்றிருக்க வேண்டியவர். தலைவரில் இல்லாத முறுக்கும், பேச்சும் அவரிடமிருந்தது. SNC Lavalin விவகாரத்தின்போது அவர் மிளிர்ந்தார். அவர் தலைவராக இருந்திருந்தால் சில வேளைகளில் ஆட்சி மாற்றம் நிகழ்ந்திருக்கும். ஜோடி வில்சன்-றேபோல்ட் வென்றது மகிழ்ச்சி. ட்ரூடோ ஜோடியின் முகத்தில் தினமும் விழிப்பதுவும் தேவையான ஒன்றுதான். ஆனால் ஜோடியின் தோழி ஜேன் பில்பொட் தோற்றது கொஞ்சம் பாரமாகத்தான் இருக்கிறது.

நம்ம ஆட்களில், கெரி ஆனந்தசங்கரியின் வெற்றி போன தவணையே தீர்மானிக்கப்பட்ட ஒன்று. மற்றவர்கள்? ம்…உங்கள் கருத்துடன் உடன்படுகிறேன்!

https://marumoli.com/கனடிய-தேர்தல்கள்-வற்றாத/?fbclid=IwAR1RrCTxRMHJpiS5Kn2YtF-9ulgtdu1t7mahvUIRD5ezlxRzcnCSe8r9gNg

  • Thanks 1

Share this post


Link to post
Share on other sites

வாழ்த்துக்கள் ஹரி 💐

Share this post


Link to post
Share on other sites
11 hours ago, tulpen said:

விட மாட்டீங்களே. தேர்தல்ல ஒருவர் வெண்டால் உடனையே ஐயா போட தொடங்கிவிடுவீங்களே. 

என்னில் வயதில் மூத்தவர்களை ஐயா என்பேன் அல்லது அண்ணன் இதில் ஏதும் தவறுகள் உள்ளதோ ??

Share this post


Link to post
Share on other sites

அப்பர் ஈழத்தில் சொந்த இனத்தைக் காட்டிக்கொடுக்க கடிதம் அறிக்கை எழுதிப் பிழைக்கிறார். மகன் கனடாவில் என்ன செய்கிறார்.. கடந்த தேர்தலிலும் வென்றார்.. என்ன செய்து முடித்தார்.. என்று யாராவது சொல்லுங்களன். அதற்குப் பிறகு தீர்மானிப்போம்.. வாழ்த்துவதா இல்லையா என்று.

அதுசரி.. அந்த ராதிகா அம்மையார் என்னானார்..??! 

Share this post


Link to post
Share on other sites
6 hours ago, nedukkalapoovan said:

அதுசரி.. அந்த ராதிகா அம்மையார் என்னானார்..??! 

கனகாலம் கேள்விப்பட்டன் இப்பவும் ஆள் இருக்காவோ என்ன ராதிகா 

Share this post


Link to post
Share on other sites
12 hours ago, தனிக்காட்டு ராஜா said:

என்னில் வயதில் மூத்தவர்களை ஐயா என்பேன் அல்லது அண்ணன் இதில் ஏதும் தவறுகள் உள்ளதோ ??

தப்பா நினைக்கதேங்கோ  நான் ஜோக்கா தான் சொன்னேன். 

  • Haha 1

Share this post


Link to post
Share on other sites

74612377_10157089559314130_5769256077807

முன்னாள் கனேடிய பிரதமர்,இந்நாள் கனேடிய பிரதமர்.

Share this post


Link to post
Share on other sites

92unc-CdWFakK2hQx7xokXqIMGf1_0jaLKbNxwlV

இந்நாள் கனேடிய பிரதமர். பிடல் காஸ்ரோ

Share this post


Link to post
Share on other sites
13 hours ago, nedukkalapoovan said:

அப்பர் ஈழத்தில் சொந்த இனத்தைக் காட்டிக்கொடுக்க கடிதம் அறிக்கை எழுதிப் பிழைக்கிறார். மகன் கனடாவில் என்ன செய்கிறார்.. கடந்த தேர்தலிலும் வென்றார்.. என்ன செய்து முடித்தார்.. என்று யாராவது சொல்லுங்களன். அதற்குப் பிறகு தீர்மானிப்போம்.. வாழ்த்துவதா இல்லையா என்று.

அதுசரி.. அந்த ராதிகா அம்மையார் என்னானார்..??! 

அரசியலிலும் சொந்த வாழ்க்கையிலும் அப்பாவுக்கும் மகனுக்கும் வேறுபாடு உண்டு.

Share this post


Link to post
Share on other sites

 

Share this post


Link to post
Share on other sites
1 hour ago, இணையவன் said:

அரசியலிலும் சொந்த வாழ்க்கையிலும் அப்பாவுக்கும் மகனுக்கும் வேறுபாடு உண்டு.

அரசியலில் அவர் தான்சார்ந்த கட்ச்சியின் வரம்பிட்குள் நின்று முடிந்த அளவு செயட்படுவதாகத்தான் அறிகிறேன்.  தனிப்பட்ட வாழ்க்கை சம்பந்தமாக நான் கருத்து கூற கூடாது (ஆனாலும் கூறுகிறேன்,  அவர் தகப்பனை விட 100 மடங்கு ஒழுகுகமானவர் என அறியமுடிகிறது  ) அரசியலுக்கு வருவதட்க்காக canadian tamil congress இக்குள் பலபேரை வெட்டி ஓடியதாக கூறப்படுகிறது.  இதனை இவரது திறமையாகக்கூட கூறலாம். அக்கக்காலப்பகுதியில் பல திறமையானவர்க்ள் congress ஐ  விட்டு வெளியேறியதாக அறிந்தேன்.  

Share this post


Link to post
Share on other sites

ஹரிக்கு கனெடியத்தமிழ்சமூகத்திற்குள் தனியான மதிப்பு இருக்கிறது. விடுதலையின் பெயரால் இயங்கும் (தாயகத்தின் ஜாம்பவான்கள் தாங்கள் என்று மார்தட்டிக்கொள்ளும்) அமைப்புகள்  2009 இற்குப் பின்னரான காலப்பகுதியில் நிறையவே சேறடித்தார்கள். சேறடித்தவர்களே மண்கவ்வினார்கள். ஹரி போன்ற ஒழுக்கமான பண்புகள் நிறைந்த மனிதர்கள் மக்களால் வாழவைக்கப்படுவார்கள்.

 

தயவு செய்து அவருடைய தகப்பனாரோடு இணைத்து கொச்சைப்படுத்தாதீர்கள்.

வாழ்த்துக்கள் ஹரி இன்றுபோல் என்றும் பண்புடன் மேன்மையுற வாழ்த்துகிறேன்.

  • Like 1

Share this post


Link to post
Share on other sites

கார்த்திகை 20ஆம் திகதி புதிய அமைச்சரவை பதவி  ஏற்கும்.

கரிக்கு குறைந்தது ஒரு துணை அமைச்சர் பதவி கிடைக்கலாம்.  

Share this post


Link to post
Share on other sites

பதவி ஏற்பு நிகழ்வு 

படம் இதைக் கொண்டிருக்கலாம்: ஒன்று அல்லது அதற்கு மேற்பட்ட நபர்கள், கூட்டம் மற்றும் உட்புறம்

 

படம் இதைக் கொண்டிருக்கலாம்: 3 பேர், புன்னகைப்பவர்கள்

 

படம் இதைக் கொண்டிருக்கலாம்: 2 பேர், பலர் நின்றுக்கொண்டிருக்கின்றனர் மற்றும் சூட்

Share this post


Link to post
Share on other sites

ஹரி எண்ட பெயரிலை  இஞ்சை யாழ்களத்திலை ஒருத்தர் இருந்தவர். அவர்தான் உவரோ?

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • „நாளைக்கு நான் பத்திரிகையில் வருவேன்” இப்படி தனது அயல் வீட்டுக்காரனுக்குச் சொல்லிவிட்டுச் சென்ற  Maurice (29), சொன்னபடியே இன்று ஊடகங்களில் முக்கிய இடம் பிடித்திருக்கிறான். 19.02.2020 அன்று இளவயதிலான ஒன்பது குர்தீஸ் இனத்தவர்களதும் இரண்டு யேர்மனியர்களது ம் மரணம் நிகழ்ந்திருக்கிறது. அந்த அதிர்ச்சியில் இருந்து மீண்டு வருவதற்கு இடையில் இன்னும் ஒரு அனர்த்தம் யேர்மனியில் நடந்திருக்கிறது. இந்த இரண்டு சம்பவங்களும் Hessen மாநிலத்திலேயே நடந்திருக்கிறது என்பது  இன்னும் ஒரு  அதிர்ச்சியான செய்தி. ஒரு வாரம் பாடசாலை விடுமுறை. இந்த விடுமுறையில்தான் Rosenmontag என்ற யேர்மனியரின் கார்னிவேல்(Carnivel) நடைபெறுகிறது. விதவிதமான உடைகள், அரிதாரங்களுடன்  தங்களை அலங்கரித்து யேர்மனியர்கள் வீதிகளில் ஊர்வலம் வருவார்கள். இந்த விழாவில் பெரியவர்களும் சிறியவர்களுமாக மாறி மாறி   ஆடிப்பாடிக் கொண்டாடி குதூகலிப்பார்கள். அரசியல்வாதிகளைக் கிண்டலடிக்கும் விதமாக கேலியான பொம்மைகளை வடிவமைத்து  வாகனங்களில் வைத்து ஊர்வலம் வருவார்கள். பார ஊர்தியில் தங்கள் நிறுவனங்களின் விளம்பரங்களை வைத்துக் கொண்டு யேர்மனிய நிறுவனங்களின் முதலாளிகளும் தொழிலாளர்களும் கையசைத்து வருவார்கள். அப்படி அவர்கள் வரும் போது  வீதியில் நிற்பவர்களுக்கு  வாகனங்களில் இருந்து இனிப்பு மழை பொழிவார்கள். இந்த இனிப்பு வகைகளைச் சேகரிப்பதற்ககாகவே சிறுவர்கள்  Rosenmontagஇல் நடைபெறும் ஊர்வலங்களில் ஆர்வத்துடன் கலந்து கொள்வார்கள். நேற்று Hessen மாநிலத்தில் இருக்கும்  Volkmarsen என்ற சிறிய நகரில் Rosenmontag வீதி விழாவில் வாகனங்களில் இருந்து அள்ளி வீசப்படும் இனிப்புவகைகளைச் சிறார்கள் சேகரித்துக் கொண்டிருக்கும் போது  அந்தச் சிறார் கூட்டத்தின் மீது வேகமாக வந்து மோதியது Maurice இன் கார். இந்தத் தாக்குதலில், முதற் கட்டமாக30 பேர் வரையில் காயப்பட்டதாக அறிவித்த Frankfurt காவற்துறை இன்று காயப்பட்டவர்களது எண்ணிக்கை 50 பேருக்கு மேல் என்றும் அதில் சிலர் ஆபத்தான நிலையில் இருப்பதாகவும் அறிவித்திருக்கிறது. வேகமாக கார் ஓட்டி வந்த Maurice நிறைந்த போதையில் இருந்ததாகவும், மோதலின் போது அவனது தலையில் ஏற்பட்ட காயத்தால் அவனிடம் முழுமையான விசாரணையை இன்னமும் நடத்த முடியவில்லை எனவும் கிடைக்கப் பெற்ற சாட்சியங்களின் அடிப்படையில் இந்த விபத்து வேண்டும் என்றே நடத்தப் பட்டிருக்கின்றது என்பது தெரிகிறது  எனவும் காவற்துறையின் அறிக்கை சொல்கிறது. Hanau நகரில் குர்தீஸ் இளைஞர்களின் மீதான தாக்குதலுக்கு வலதுசாரி இனவாதிகள்தான் காரணம் என்பது நிரூபிக்கப் பட்டிருக்கின்றது. அந்தத் தாக்குதலுக்குப் பிறகு கடந்த ஞாயிற்றுக்கிழமை நடந்த ஹம்பேர்க் மாநிலத் தேர்தலில் ஆளும் கட்சி பெரும் பின்னடைவு அடைந்து மூன்றாவது இடத்துக்கு தள்ளப் பட்டும் தீவிர இனவாதக் கட்சியான AFD, அந்தத் தேர்தலில் சென்ற முறையைவிட 0,88வீத வாக்குகளை குறைவாகப்பெற்றதும் கவனிக்கப்பட வேண்டிய விடயம். Rosenmontag அன்று நடந்த தாக்குதலுக்கு தாக்குதல்தாரி ஒரு மனநோயாளி என்றுதான் அறிக்கை வெளிவரப் போகிறது. இனவாதிகள், மனநோயாளிகள் நடுவேதான் இப்பொழுது வாழ்க்கை போய்க் கொண்டிருக்கிறது. அதற்கிடையில், “கொரோனா வைரஸ் இத்தாலியில் தாக்கி இருக்கிறது. அது யேர்மனிக்கு வர அதிக  காலம் பிடிக்காது. தயாராக இருங்கள்" என யேர்மனிய சுகாதார அமைச்சர் Jens Spahn நேற்று தொலைக்காட்சியில் வந்து பயத்தை இன்னும் அதிகரித்துவிட்டுப் போயிருக்கிறார்.
    • நல்லாய்தான் கதைக்கிறியள்.  இப்பிடியான பிரச்சனையளுக்கு  தாயின்ரை பங்கு மிக முக்கியம் கண்டியளோ? தகப்பன் பிசியாய் வேலை வேலை எண்டு திரியேக்கை தாய்  பிள்ளையளுக்கு சொல்லி  காரணங்களை சொல்லி வளர்க்க வேணும். தகப்பன் என்னத்துக்கு இப்பிடி ஓடி ஓடி வேலை செய்யுறார் எண்டு...தாய் முதலில் கணவனுக்கு மரியாதை குடுக்க வேணும். அதை பார்த்து பிள்ளையளும் பார்த்து மரியாதை குடுப்பினம்.அதே மாதிரித்தான் தகப்பனும் தாய்க்கு மரியாதை குடுக்க வேணும். ஒரு நேரமாவது குடும்பமாய் கூடியிருந்து கதைத்து பேசி உணவு உண்ண வேண்டும்.கூடுதலான குடும்பங்களிலை தாய் கணவனுக்கு மரியாதை குடுப்பதேயில்லை. பிள்ளையள் விடயத்தில் தாயே எல்லா இடத்திலும் முடிவெடுக்கிறார்.இந்த இடத்தில் அப்பாவையும் கேட்க வேணும் என்று தாய் பிள்ளைகளுக்கு சொல்லுவதேயில்லை.இதனால் தகப்பனின் முக்கியத்துவம் பிள்ளைகளுக்கு தெரியாமலே போகின்றது.சில இடங்களில் பிள்ளைகளுக்கு தகப்பன் வீட்டுக்கு வீட்டுக்கு வருவதும் தெரியாது.போவதும் தெரியாது.ஏன் சில தாய்மாருக்கும் தெரியாது. இன்னுமொரு முக்கியமான விடயம் வீட்டுக்குள் ஆன்மீகம் முக்கியம்.
    • நட்சத்திர வீரர்களுக்கான ரி-20 தொடர்: ஆசிய- உலக பதினொருவர் அணிகள் விபரம் அறிவிப்பு!     by : Anojkiyan ஒட்டுமொத்த கிரிக்கெட் இரசிகர்களையும் கொண்டாட வைக்கும் வகையில், ஆசிய பதினொருவர் நட்சத்திர அணிக்கும் உலக பதினொருவர் நட்சத்திர அணிக்குமிடையிலான போட்டித் தொடரொன்றை நடத்த, பங்களாதேஷ் கிரிக்கெட் சபை திட்டமிட்டுள்ளமை யாவரும் அறிந்த விடயமே. இந்த நிலையில், பெரும் எதிர்பார்ப்புக்கு மத்தியில் நடைபெறவுள்ள இத்தொடரில் விளையாடவுள்ள இரு அணிகளின் விபரங்களையும் பங்களாதேஷ் கிரிக்கெட் சபை அறிவித்துள்ளது. இதற்கான ஆசிய பதினொருவர் நட்சத்திர அணியில், ஆறு இந்திய வீரர்கள் இடம்பெற்றுள்ளனர். ஆசியா பதினொருவர் அணியில் பெயரிடப்பட்ட ஆறு இந்திய வீரர்களில் விராட் கோஹ்லியும் உள்ளார். கே.எல்.ராகுலும் ஒரு போட்டியில் பங்கேற்க உள்ளார். ஷிகர் தவான், ரிஷாப் பந்த், குல்தீப் யாதவ், முகமது ஷமி ஆகியோரும் அணியில் சேர்க்கப்பட்டுள்ளனர். இதேபோல, ஆசிய பதினொருவர் அணியில், இலங்கை அணியின் வீரர்களான லசித் மாலிங்க மற்றும் திசர பெரேரா ஆகியோர் இடம்பெற்றுள்ளார். தொடரை நடத்தும் பங்களாதேஷ் அணியில், முஸ்தாபிஸூர் ரஹ்மான், தமீம் இக்பால், முஷ்பிகூர் ரஹீம், லிட்டன் தாஸ், ஆகியோர் இடம்பெற்றுள்ளனர். ஆப்கானிஸ்தானின் ரஷித் கான் மற்றும் முஜிப் உர் ரஹ்மான், நேபாளத்தின் சந்தீப் லமேச்சேன் ஆகியோர் இடம்பெற்றுள்ளனர். எனினும், இந்த அணிக்கு தலைவர் நியமிக்கப்படவில்லை. …………… உலக பதினொருவர் நட்சத்திர அணியை பொறுத்தவரை அணித்தலைவராக தென்னாபிரிக்காவின் டு பிளெஸிஸ் நியமிக்கப்பட்டுள்ளார். இங்கிலாந்து வீரர்களான அலெக்ஸ் ஹேல்ஸ், ஜோனி பேயர்ஸ்டொவ், அடில் ராஷித் ஆகியோர் உலக பதினொருவர் அணியில் இடம்பெற்றுள்ளனர். மேற்கிந்திய தீவுகள் அணியின் வீரர்களான, கிறிஸ் கெய்ல், நிக்கோலஸ் பூரான், கிரன் பொலார்ட், செல்டோன் கொட்ரெல், ஆகியோர் உலக பதினொருவர் அணியில் இடம்பெற்றுள்ளனர். நியூஸிலாந்து அணியில் மிட்செல் மெக்லிகனும், தென்னாபிரிக்கா அணியில் லுங்கி ங்கிடியும், சிம்பாப்வே அணியில் பிரெண்டன் டெய்லரும் உலக பதினொருவர் அணியில் இடம்பெற்றுள்ளனர். ரி-20 போட்டியாக நடைபெறவுள்ள இத்தொடரில் இரண்டு போட்டிகள் நடைபெறவுள்ளன. இத்தொடரின் முதல் போட்டி எதிர்வரும் மாதம் 21ஆம் திகதி டாக்கா மைதானத்தில் நடைபெறவுள்ளது. இரண்டாவது ரி-20 போட்டி 22ஆம் திகதி டாக்கா மைதானத்தில் நடைபெறவுள்ளது. பங்களாதேஷ் நாடானது 1971ஆம் ஆண்டு மார்ச் மாதம் 26 ஆம் திகதி பாகிஸ்தானிலிருந்து பிரிந்து ஒரு தனி நாடாக உருவாகுவதற்கு முக்கிய காரணமாக திகழ்ந்தவர் ஷேக் முஜீபுர் ரஹ்மான் எனும் தனி மனிதனாகும். 1920ஆம் ஆண்டு மார்ச் மாதம் 17 ஆம் திகதி பிறந்த இவர் பங்களாதே{க்கு தனியான சுதந்திரத்தை பெற்றுக்கொடுத்துவிட்டு 1975ஆம் ஆண்டு தனது 55 ஆவது வயதில் காலமானார். இந்நிலையில் அடுத்த வருடம் ஷேக் முஜீபுர் ரஹ்மான் எனும் சுதந்திர போராட்ட வீரர் பிறந்து 100 ஆண்டுகள் நிறைவு பெறுகின்றது. எனவே 100 ஆண்டுகள் நிறைவு நிகழ்வை மிகவும் கோலாகலமான முறையில் நடாத்துவதற்கு பங்களாதேஷ் அரசு நடவடிக்கைகளை மேற்கொண்டு வருகின்றது. இதன் ஒரு கட்டமாகவும். அரசின் வேண்டுகோளுக்கு இணங்கவும் பங்களாதேஷ் கிரிக்கெட் சபையானது இவ்வாறு ஷேக் முஜீபுர் ரஹ்மான் அவர்களின் 100 ஆவது பிறந்த நாளை முன்னிட்டு இரு போட்டிகள் கொண்ட கிரிக்கெட் தொடரை ஏற்பாடு செய்துள்ளது. ஆசிய பதினொருவர் அணி என்பது, சர்வதேச கிரிக்கெட் சபையினால் அந்தஸ்து பெற்று கிரிக்கெட் விளையாட்டில் ஈடுபடுகின்ற ஆசிய அணிகளான இலங்கை, இந்தியா, பாகிஸ்தான், பங்களாதேஷ் மற்றும் ஆப்கானிஸ்தான், நோபளம் போன்ற அனைத்து அணிகளிலிருந்தும் திறமைவாய்ந்த 11 வீரர்களை கொண்டமைந்த அணியாகும் அதே போன்று உலக பதினொருவர் அணி என்பது சர்வதேச கிரிக்கெட் சபையினுடைய அந்தஸ்து கொண்டுள்ள ஆசிய அணிகள் தவிர்ந்த ஏனைய அனைத்து அணிகளினுடைய 11 வீரர்களை கொண்டமைந்த அணியாகும். டெஸ்ட், ஒருநாள், ரி-20, ஒவ்வொரு நாடுகளுக்குமான தனித்துவமான ரி-20 தொடர், 10 ஓவர்கள் கொண்ட போட்டி என பல்வேறு போட்டிகளை பார்த்து இரசித்த இரசிகர்களுக்கு, இப்போட்டித் தொடர் புதுவிதமான அனுபவத்தை கொடுக்கவுள்ளது. http://athavannews.com/நட்சத்திர-வீரர்களுக்கான/
    • சிரியாவில் கிளர்ச்சியார்கள் மீது உக்கிர தாக்குதல்: மூன்று பகுதிகளை கைப்பற்றியது அரசுப்படை!     by : Anojkiyan சிரியாவில் கிளர்ச்சியாளர்கள் கட்டுப்பாட்டின் கீழ் இருந்த மூன்று முக்கிய பகுதிகளை அரசுப் படைகள் கைப்பற்றியுள்ளன. கிளர்ச்சியாளர்கள் கட்டுப்பாட்டின் கீழ் இருந்த மூன்று முக்கியப் பகுதிகளான அல் நக்யார், அர நபியா, அல் டையிர் ஆகிய பகுதிகளே இவ்வாறு கைப்பற்றப்பட்டுள்ளன. இதனைத் தொடர்ந்து, சிரிய அரசுப் படைகளால் தங்கள் வசம் உள்ள பகுதிகள் கைப்பற்றப்படுவதைத் தவிர்ப்பதற்காக, மீதமுள்ள ஜிஹாதி கிளர்ச்சியாளர்கள் மேற்கு நோக்கி பின்வாங்கியுள்ளதாக கூறப்படுகின்றது. அரசுப் படைகள் ரஷ்யாவின் உதவியுடன் சிரியாவின் வடமேற்குப் பகுதியில் தாக்குதல் நடத்தி வருகிறது. இதில் அரசுப் படைகளுக்குப் பல இடங்களில் வெற்றி கிடைத்துள்ளது. இதனால் சிரிய படைகள் வலுவடைந்துள்ளன. முன்னதாக, சிரியாவில் ஜனாதிபதி பஷார் அல் ஆசாத்துக்கும் ஐ.எஸ். தீவிரவாதிகளுக்கும் இடையே கடந்த ஆறு ஆண்டுகளாக உள்நாட்டுப் போர் நடந்து வருகிறது. இதில், கடந்த டிசம்பர் மாதம் முதல் சுமார் 90,000 பேர் சிரியாவிலிருந்து வலுக்கட்டாயமாக வெளியேற்றப்பட்டுள்ளதாக ஐக்கிய நாடுகள் சபையின் அறிக்கையொன்று தெரிவிக்கின்றது. http://athavannews.com/சிரியாவில்-கிளர்ச்சியார/
    • யாழ் பல்கலைகழக பகிடி வதை விசாரணை  அறிக்கை தொடர்பாக - வ.ஐ.ச.ஜெயபாலன் ’ யாழ் பல்கலைக் கழக கிழிநொச்சி வளாகத்தில் 2020ம் ஆண்டு புதிய மாணவர்களுக்கான வரவேற்பும் பகிடி வதையும்  குற்றச் செயல்மட்டத்துக்கு சீர்குலைத அதிற்ச்சிதரும் செய்திகள் 06.02.2020 அன்று வெளியாகி நமக்கெல்லாம் பேரதிற்சியை ஏற்படுத்தியது. மேற்படி சம்பவங்கள் தொடர்பான விசாரணை ஆரம்ப அறிக்கை யாழ் பல்கலைக் கழப் பதிவாளரால் 24.02.2020 வெளியிடபட்டுள்ளது.  விசாரணைகள் யாழ் பல்கலைக்ழக மாண்புக்கேற்ப பாதிக்கப்பட்ட மாணவர்களுக்கான நீதிக்கும் அதேசமயம் சம்பந்தபட்ட  மாணவர்களின் திருந்திய எதிர்காலத்தையும் உறுதிப்படுத்தும் வகையிலும் இடம்பெறுவது மகிழ்ச்சி தருகிறது. இதற்க்காக பழைய மணவன், முன்னைநாள் மாணவர் தலைவன் என்கிற வகையில் மகிழ்ச்சியும் நன்றியும் தெரிக்கிறேன்.   யாழ்ப்பாண பல்கலைக் கழக நிர்வாகம் மிகுந்த பொறுப்புணர்வோடும் நிதானத்தோடும் விசாரணைகளை நடத்துவது நிம்மதி தருகிறது. பாதிக்கப் பட்ட மாணவ மாணவிகளின் நலன்களை கவனத்தில் கொண்டு அவர்களது பெற்றோர்கள் முன்வைத்த கோரிக்கைகளை விசாரணைக்குழு ஏற்றுக்கொண்டு செயல்படுவது சரியான நடைமுறையாகும்.  சந்தேகத்துக்கிடமில்லாமல் தவறு நிரூபிக்கப் படுகிற இடத்து தண்டனைகள் வளங்கபடும். எனினும் மாணவர்களுக்கு  தண்டணைகள் வளங்கும்போது  ஒத்திவைக்கப்பட்ட தண்டனையாக வளங்கிட வேண்டுமென கேட்டுக்கொள்கிறேன். ஏனெனில் பல்கலைக் கழக பகுடிவதைக் குற்றச்செயல்களை தடுக்கும் நோக்கத்துக்கு நிறைவேற்றபடும் தண்டனையைவிட ஒத்திவைக்கபட்ட தண்டணைகளே பெரியும் பயனுள்ளதாக அமையும். இதனையும் பல்கலைக்கழக விசாரணைக்குழு கவனத்தில் கொள்ளவேண்டும் என வேண்டுகிறேன்.  ஒத்திவைக்கப்பட்ட தண்டனைகள் தவறு செய்த மாணவர்களுக்கு கால்கட்டாகவும் அதேசமயம் மீண்டும் தவறிளைத்தால் தப்பமுடியாது என்ற  கடுமையான எச்சரிக்கையாகவும் அமையும்.  அதே சமயம் சம்பந்தப்பட்ட மாணவர்கள் நல்வழிப்படவும் கல்வியை பூர்த்தி செய்யவும் நல்ல குடிம்மகனாக மேம்படவும் ஒரு வாய்ப்பளிப்பதாகவும்  அமையும். பாதிக்க பட்ட மாணவ மாண்விகளுக்கும் குற்ற உணர்வை ஏற்படுத்தாத தீர்பாகவும் ஒத்திவைக்கபட்ட தண்டனைகள் அமையும் என்பதை வலியுறுத்த விரும்புகின்றேன். யாழ் பல்கலைக் கழகத்துக்கு நன்றிகளும் பாராட்டுக்களும். - வ.ஐ.ச.ஜெயபாலன்
×
×
  • Create New...