Jump to content
  • advertisement_alt
  • advertisement_alt
  • advertisement_alt

தோழன் புஸ்ப்பராஜாவுக்கு வ.ஐ.ச.ஜெயபாலன்.


Recommended Posts

  • கருத்துக்கள உறவுகள்
புஸ்பராசாவுடன் 1970ல் இருந்து 1980 வரை எனக்கு பழக்கம் இருந்தது. அப்ப அவர் தமிழரசு வாலிபர் முன்னணியிலும் பின்னர் தமிழ் மாணவர் பேரவையிலும் செயல்ப்பாட்டாளராக இருந்த காலத்தில் நான் சாதி ஒடுக்குதலுக்கு எதிரான வன்முறையாளனாக செயல்பட்டுக்கொண்டிருந்தேன். பின்னர் தொடர்பு அற்றுப் போய்விட்டது. பின்னர் 20 வருடங்களின் பின்னர் 2000 ஆயிரங்களின் ஆரம்பத்தில் பிரான்சில் சந்தித்து பேசினேன். அதன்பிறகு மீண்டும் தொடர்பு அறுந்துபோனது.
.
 
தோழன் புஸ்ப்பராஜாவுக்கு வ.ஐ.ச.ஜெயபாலன்.
.
Image may contain: one or more people, beard and close-up
 
2006 ஆரம்பத்தில் நான் நோர்வேயில் இருந்தேன், திடீரென ஒருநாள் தொலைபேசியில் வந்த புஸ்பராசா தான் மரணித்துக்கொண்டிருக்கும் சேதியை சொல்லக் கேட்டு அதிர்ந்துபோனேன், மனைவியோடு இந்தியா போவதாக சொன்னார். நேரில் பார்க்க இந்தியா வருவதாக சொல்லிவிட்டு இக் கவிதையை எழுதினேன்.
*
கவிதை பிரசுரமானபோது ஒரு அலுவலாக வன்னிக்குப் போயிருந்தேன்., கவிதை வாசித்ததாக தயாமாஸ்ட்டர் சொன்னார். சரியன்றேன். ’எலோரும் வாசித்தார்கள்’ என மீண்டும் சொன்னார். பொதுவாக நான் விமர்சித்து விட்டு வன்னிக்குப் போகும்போது “எல்லோரும் வாசித்தோம்” என்பார்கள். கருணா பிரிந்தபோது ”கிழக்கு மாகாண போராளிகளை சுட பிரபாகரனுக்கு மக்கள் ஆணை இல்லை. போராளிகளை வீடுகளுக்கு செல்ல சொல்லுங்கள்” என சர்வதேச ஊடக நண்பன்  குருபரன் (Nadarajah Kuruparan) மூலம் சூரியன் எப் எம்மிலும் ஞாயிறு வீரகேசரியிலும் அறிக்கை விட்டுவிட்டு நண்பர்கள் அழுது மண்டாடி மறிக்க மறிக்க வன்னிக்குப் போனேன். (https://www.facebook.com/nadarajah.kuruparan.33) அப்பவும் ”உங்கள் பேட்டியை எலோரும் கேட்டோம்” என்று சொன்னார்கள். பின்னர் முக்கியமான விடயங்கள் பேசினோம். ”தோழன் புஸ்பராசாவுக்கு” கவிதை நன்றாக இருப்பதாக தோழர் பாலகுமாரன் சொன்னார்,
****
தோழன் புஸ்ப்பராஜாவுக்கு வ.ஐ.ச.ஜெயபாலன்.
.
காத்திரு நண்ப
கட்டாயம் நான் வருவேன்.
.
பரிசில் வெய்யிலா.
இனி வசந்தம் ஆனாலும்
இங்கே துருவத்தில்
இன்னும் கொடுங்கூதிர்.
.
சன்னலின் வெளியே
பறவைகளும் பாடவில்லை.
புல்வெளியிலும்
இலையுதிர்ந்த தோப்புகளிலும்
வெண்பனியாய் வானம்
வெறுப்பை உமிழ்கிறது.
என்னுடைய பட்டாம் பூச்சி மனசும்
வீட்டுச் சிறையுள் முடங்கிச் சிடு சிடுக்கும்.
.
கழுத்துக்கு மேலோர் கத்தி
நூலிழையில் ஆட
எப்போது விசாரணையுள் வாழ்ந்தமடா.
வாழ்வை ஒருபோதும்
விசாரித்தோம் இல்லையடா.
துப்பாக்கி காவலர்கள் வந்து
எழடா இனி எல்லாம் முடிந்தது
என்றிட்ட போதெல்லாம்
எங்கிருந்தோ ஒருவன் வருவான்
இரு என்பான்
எம் கிண்ணத்தும் மதுவார்ப்பான்.
யார் அது
இந்த மதுக்கடையின் விதி என்ன
இன்னும் வருவானா?
.
கொண்டாட்டம் எப்பவோ முடிந்துவிட்டது.
மாலை தோரணங்களும் குப்பையில்.
பிரதம விருந்தாளி ஆயினும்
நண்பனே நாம்
விடைபெற்றே ஆகவேண்டும்.
.
முன்னொருநாள்
மானுடத்தைக் காதலித்ததாலே
கனவாளித் தோழர்களும் நாமும்
போராளிகளாய் முடிந்தோம்.
யாரும் வரலாற்றை ஆரம்பித்ததுமில்லை.
அது யாரோடும் முடிகிறதுமில்லை
ஆனாலும் வரலாற்றுப் பாதையிலோர்
சிறு சுவடாய் நாமும் இருந்தோம்.
இன்று புதியவர்கள்.
,
சிதறிவிட்டோம் நண்ப.
தோழர்பலர் தாய் மண்ணுள்.
தம்மிடையே கருத்துக்கள் முரண்பட்டு
காட்டாறாய்ப் பாய்ந்தாலும்
நட்பென்னும் பாலம் எப்போதும் உயர்ந்தபடி.
.
இந்தியா செல்கின்றேன் என்றாய்
மகிழ்ச்சி நண்ப.
தமிழ்நாடு நம்முடைய தாய்க்கும்தாய்.
தயவான சித்தத்தாள்.
அன்னைமடி இழந்த நமக்கெல்லாம்
வள் மடியே பொன்னம்பலமாகும்.
.
சென்னையில் உன் காதல் மனைவியுடன்
எஞ்சிய திருக்கள் அனைத்தையும் முழுசாக
வாழ்ந்துவிடு நண்பா.
விடை சொல்ல வருகின்றேன்.
- 2006.
Edited by poet
Link to post
Share on other sites
  • 2 weeks later...
On 11/6/2019 at 11:15 PM, poet said:

நட்பென்னும் பாலம் எப்போதும் உயர்ந்தபடி.

இமயத்தை தொட்டுவிடுமோ?

  • Like 1
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...

Important Information

By using this site, you agree to our Terms of Use.