டிரம்புக்கு, இரண்டு மில்லியன் அமெரிக்க டாலர் அபராதம் விதித்த பெண் நீதிபதி

[ampanai]

அமெரிக்க அதிபர் டிரம்புக்கு, பெண் நீதிபதி ஒருவர் இரண்டு மில்லியன் அமெரிக்க டாலர் அபராதம் விதித்துள்ளார்.

அமெரிக்க அதிபர் டிரம்ப், 'டொனால்ட் டிரம்ப் பவுண்டேஷன்' எனும் அறக்கட்டளையை நடத்தி வருகிறார். இந்த அறக்கட்டளையின் நிதியை டிரம்ப் தனது சொந்தசெலவுகளுக்கு பயன்படுத்துவதாக குற்றச்சாட்டு எழுந்தைதையடுத்து, கடந்த 2018ஆம் ஆண்டு அந்த அறக்கட்டளை மூடப்பட்டது.

இது தொடர்பாக நடந்து வரும் வழக்கில் டிரம்ப் மீதான குற்றச்சாட்டு நிரூபிக்கப்பட்டு அவரக்கு அபராதம் விதிக்கப்பட்டுள்ளது.
அதிபர் டிரம்ப் தனது அறக்கட்டளையின் நிதியை முறைகேடான வகையில், தேர்தல் செலவுகளுக்கு பயன்படுத்தியதற்காக நியூயார்க் நீதிமன்றம் அவருக்கு இரண்டு மில்லியன் அமெரிக்க டாலர், அதாவது இந்திய ரூபாய் மதிப்பில் சுமார் 14 கோடி அபராதம் விதித்துள்ளது.

முன்னாள் ராணுவத்தினருக்காக வசூலிக்கப்பட்ட பணம், 2016ஆம் ஆண்டில் தேர்தல் தொடர்பான நடவடிக்கைக்கு முறைகேடாக பயன்படுத்தப்பட்டது என்று நீதிபதி சேலியன் ஸ்கார்புலா ((Saliann Scarpulla)) தெரிவித்துள்ளார்.

டிரம்ப் அபராதமாக செலுத்தும் பணம், அவருடன் தொடர்பில்லாத வேறு எட்டு தொண்டு நிறுவனங்களுக்கு பகிர்ந்து வழங்கப்பட வேண்டும் என்று உத்தரவிடப்பட்டுள்ளது.

https://www.polimernews.com/dnews/87984/டிரம்புக்கு,-இரண்டுமில்லியன்-அமெரிக்க-டாலர்அபராதம்-விதித்த-பெண்நீதிபதி