Sign in to follow this  
ampanai

அரசியல் கைதிகள் விடுதலை: அமைச்சரவை பத்திரம் தயார்

Recommended Posts

அரசியல் கைதிகள் விடுதலை: அமைச்சரவை பத்திரம் தயார்

Kamal   / 2019 நவம்பர் 09 , பி.ப. 12:53 - 0      - 67

 

அரசியல் கைதிகளை விடுப்பது தொடர்பான அமைச்சரவை பத்திரம் தற்போதும் தயார் நிலையில் இருப்பதாக தெரிவிக்கும் அமைச்சர் மனோ கணேசன், சஜித் ஆட்சியில் அந்த பத்திரத்தை சமர்பிக்கவுள்ளதாகவும் தெரிவித்தார். 

அதேபோல், எதிர்காலத்தில் தமிழ்த் தேசியக் கூட்டமைப்பு அரசாங்கத்துக்குள் இருந்து ஆதரவளிப்பது குறித்து சிந்திக்க வேண்டும் என்பதோடு, அமைச்சு பதவிகளையும் பெற்றுகொள்ள வேண்டுமெனவும் கோரிக்கை விடுத்தார். 

மட்டக்களப்பு களுதாவலை பொது மைதானத்தில் இன்று (09) நடைபெற்ற புதிய ஜனநாயக முன்னணியின் பிரசார கூட்டத்தில் கலந்துகொண்டு மேலும் கருத்துரைத்த அவர், 

யுத்தத்தால் கிழக்கு மாகாண தமிழர்கள் பெரும் இழப்புகளை சந்தித்துள்ளதாகவும், ஜனாதிபதியை உருவாக்கிவிட்டு தமிழ் வேடிக்கை பார்க்கும் நிலைமை வேண்டாம் எனவும், தமிழ் மக்களுக்கும் சகல சலுகைகளும் கிடைக்க வேண்டும் என்றார். 

தமிழர்களின் வாக்குகளை பெற்றுகொடுத்துவிட்டுத்த  தமிழர்களுக்கு உரிய சலுகைகள் கிடைக்காதிருப்பதை வேடிக்கை பார்க்க விரும்பவில்லை எனத் தெரிவித்த அவர், அரசாங்கத்திடம் சண்டையிட்டாவது சலுகைகயை பெற்றுகொடுப்போம் என்றார். 

அதேபோல் எதிர்காலத்தில் கிழக்கு மாகாணத்தின் சனத்தொகையை பொருத்தே மாகாணத்துக்கான ஆளுநரை அமைச்சர் சஜித் நியமிப்பார் எனவும், கிழக்கு மக்கள் இழந்தவைகளை ஈடு செய்து சுபீட்சமான வாழ்வாதாரத்தை உருவாக்கிகொடுக்க வேண்டும் என்றார். 

அதேபோல் அண்மையில் கூறியதுபோன்று அரசியல் கைதிகளை விடுவிப்பது தொடர்பான அமைச்சரவை பத்திரம் தயார் நிலையில் உள்ளதெனவும், தேர்தல் வந்துவிட்ட காரணத்தால் அதனை நாடாளுமன்றத்தில் சமர்பிக்க முடியாதுள்ளதாகவும் தெரிவித்தார். 

எவ்வாறாயினும் சஜித் பிரேமதாஸவின் ஆட்சியில் தான் அமைச்சராக இருக்க போவது உறுதியெனவும் அந்த அரசாங்த்தில் மேற்படி அமைச்சரவை பத்திரத்தை சமர்பிக்கவுள்ளதாகவும் தெரிவித்தார். 

அத்துடன், மட்டக்களப்பு மாவட்டத்திலிருந்து எதிர்காலத்தில் ஒரு தமிழ் அமைச்சர் ஒருவரை தெரிவு செய்யபோவதாகவும் வாக்குறுதியளித்தார்.

http://www.tamilmirror.lk/பிரசித்த-செய்தி/அரசயல-கதகள-வடதல-அமசசரவ-பததரம-தயர/150-240858

Share this post


Link to post
Share on other sites

பதவிக்காலம் முடிவடைவதற்குள் ஜூட் அந்தோனிக்கு பொது மன்னிப்பு வழங்கிய ஜனாதிபதி

கொழும்பு ராஜகிரிய றோயல் பார்க் வீடமைப்பு தொகுதியில் யுவான்னே ஜோன்சன் என்ற 19 வயதான யுவதியை கொலை செய்த சம்பவத்தின் குற்றவாளியான ஜூட் அந்தோனி ஜயமஹா என்பவருக்கு ஜனாதிபதி பொது மன்னிப்பு வழங்கியுள்ள நிலையில் அவரை விடுதலை செய்தவற்கான ஆவணங்களிலும் கையெழுத்திட்டுள்ளார்.

jude.jpg

கடந்த 2012ஆம் ஆண்டு இடம்பெற்ற இந்த கொலை சம்பந்தமான வழக்கில் ஜூட் அந்தோனி ஜயமஹாவுக்கு நீதிமன்றம் மரண தண்டனை விதித்திருந்தது.

இந் நிலையிலேயே ஜனாதிபதி மைத்திரிபால சிறிசேன குறித்த வழக்கிலிருந்து அவரை விடுவித்துள்ளதுடன், அதற்கான ஆவணங்களிலும் கையெழுத்திட்டுள்ளார்.

ஜானதிபதி கையெழுத்திட்ட இந்த ஆவணங்கள் தற்போது சிறைச்சாலை அதிகாரிகளிடம் ஒப்படைக்கப்பட்டுள்ளது.

ஜனாதிபதியின் பதவிக்காலம் முடிவடைதற்கு இன்னும் 7 நாட்கள் உள்ள நிலையில் ஜூட் அந்தோணி ஜயமஹாவுக்கு பொது மன்னிப்பு வழங்கியுள்ளமை குறிப்பிடத்தக்கது.

https://www.virakesari.lk/article/68610

Share this post


Link to post
Share on other sites
23 hours ago, ampanai said:

அரசியல் கைதிகளை விடுப்பது தொடர்பான அமைச்சரவை பத்திரம் தற்போதும் தயார் நிலையில் இருப்பதாக தெரிவிக்கும் அமைச்சர் மனோ கணேசன், சஜித் ஆட்சியில் அந்த பத்திரத்தை சமர்பிக்கவுள்ளதாகவும் தெரிவித்தார். 

 

16 hours ago, ampanai said:

கொழும்பு ராஜகிரிய றோயல் பார்க் வீடமைப்பு தொகுதியில் யுவான்னே ஜோன்சன் என்ற 19 வயதான யுவதியை கொலை செய்த சம்பவத்தின் குற்றவாளியான ஜூட் அந்தோனி ஜயமஹா என்பவருக்கு ஜனாதிபதி பொது மன்னிப்பு வழங்கியுள்ள நிலையில் அவரை விடுதலை செய்தவற்கான ஆவணங்களிலும் கையெழுத்திட்டுள்ளார்.

மரண தண்டனை விதிக்கப்பட்டவர் இன்று விடுதலையானார். ஆனால், நல்லடசியால் அரசியல் கைதிகளை விடுதலை செய்ய முடியவில்லை. தமிழ் அரசியல் கைதிகளை வைத்து அரசியல் செய்யும் ஈனர்கள். 

Share this post


Link to post
Share on other sites

இலங்கையில் வெளிநாட்டு பெண்ணை கொன்ற நபருக்கு பொது மன்னிப்பு - சர்ச்சையில் சிக்கிய மைத்திரிபால சிறிசேன

இவோன் ஜோன்சன்படத்தின் காப்புரிமைCAROLINE JONSSON-BRADLEY FACEBOOK

சுவீடன் நாட்டு பெண் ஒருவரை கொலை செய்த குற்றம் நிரூபிக்கப்பட்டு, மரண தண்டனை விதிக்கப்பட்ட கைதியொருவரை ஜனாதிபதி மைத்திரிபால சிறிசேன பொது மன்னிப்பின் கீழ் விடுதலை செய்துள்ளது பாரிய சர்ச்சையை ஏற்படுத்தியுள்ளது.

ஜனாதிபதி மைத்திரிபால சிறிசேனவின் பதவிக் காலம் நிறைவடைவதற்கு ஒரு வாரம் மாத்திரமே எஞ்சியுள்ள நிலையில், கொலை குற்றவாளியொருவரை பொதுமன்னிப்பின் கீழ் விடுதலை செய்துள்ளார்.

 

இவோன் ஜோன்சன் என்ற இளம் பெண்ணை கொலை செய்த வழக்கின் குற்றவாளியாக அடையாளம் காணப்பட்ட ஜுட் ஷரமந்த ஜெயமஹா என்ற இளைஞர் கைது செய்யப்பட்ட அவருக்கு மரண தண்டனை விதிக்கப்பட்டது.

 

இவோன் ஜோன்சன் கொலை மற்றும் நீதிமன்றத் தீர்ப்பு

ரோகர் ஜோன்சன் என்ற சுவீடன் நாட்டைச் சேர்ந்த தந்தைக்கும், ஷமல்கா ஜோன்சன் என்ற இலங்கையைச் சேர்ந்த தாய்க்கும் மகளாக பிறந்தவரே இவோன் ஜோன்சன்.

இவோன் ஜோன்சன் லண்டனில் கல்வி கற்றதுடன், தனது சகோதரியுடன் கொழும்பின் புறநகர் பகுதியான ராஜகிரிய பகுதியிலுள்ள ரோயல் பார்க் நட்சத்திர அடுக்குமாடி குடியிருப்பில் வசித்து வந்துள்ளனர்.

இந்த நிலையில், 19 வயதான இவோன் ஜோன்சன் 2005ஆம் ஆண்டு ஜுன் மாதம் 30ஆம் தேதி கொலை செய்யப்பட்டார்.

விருந்து உபசாரமொன்றிற்கு ஜோன்சன் சகோதரிகள் இருவரும் சென்றிருந்தபோது, அவர்களுடன் சென்றிருந்த நண்பரான ஜுட் ஷரமந்த ஜெயமஹா, இவோன் ஜோன்சனின் சகோதரியுடன் வாக்குவாதத்தில் ஈடுபட்டுள்ளார்.

இதன்போது, இவோன் ஜோன்சன் தலையீடு செய்துள்ளதாக விசாரணைகளின் ஊடாக தெரியவந்துள்ளது.

இந்த பிரச்சனையின் பின்புலமாகவே இவோன் ஜோன்சன் கொல்லப்பட்டிருக்கலாம் என போலீசார் கூறுகின்றனர்.

ஆடையொன்றில் கழுத்து நெரிக்கப்பட்டு, இவோன் ஜோன்சனின் தலையை தரையில் மோதி இந்த கொலை இடம்பெற்றுள்ளமை விசாரணைகளின் மூலம் தெரியவந்துள்ளது.

ஜுட் ஷரமந்த ஜெயமஹா Image captionஜுட் ஷரமந்த ஜெயமஹா

இந்த கொலை சம்பவம் தொடர்பில் ஜுட் ஷரமந்த ஜெயமஹா கைது செய்யப்பட்டிருந்தார்.

இந்த வழக்கு மீதான விசாரணைகள் கொழும்பு மேல் நீதிமன்றத்தில் 2005ஆம் ஆண்டு முதல் தொடர்ச்சியாக இடம்பெற்று வந்த நிலையில், 2012ஆம் ஆண்டு இந்த வழக்கிற்கான தீர்ப்பு அறிவிக்கப்பட்டது.

இதன்படி, குற்றவாளியாக நிரூபிக்கப்பட்ட ஜுட் ஷரமந்த ஜெயமஹாவிற்கு 12 ஆண்டுகள் கடூழிய சிறைத் தண்டனை விதிக்கப்பட்டது.

இந்த தீர்ப்புக்கு எதிராக முறைப்பாட்டாளர் தரப்பு 2012ஆம் ஆண்டு மேல்முறையீட்டு நீதிமன்றத்தில் வழக்கொன்றை தாக்கல் செய்தது.

இதன்படி, ஜுட் ஷரமந்த ஜெயமஹாவிற்கு மேல்முறையீட்டு நீதிமன்றம் மரண தண்டனை விதித்து தீர்ப்பு வழங்கியது.

குற்றவாளி தரப்பினர் இந்த தீர்ப்பை எதிர்த்து உயர் நீதிமன்றத்தில் வழக்கு தொடர்ந்திருந்தனர்.

இந்த மனுவை விசாரணைக்கு எடுத்துக் கொண்ட உயர் நீதிமன்றம், மரண தண்டனை விதிக்கப்பட்ட தீர்ப்பை 2014ஆம் ஆண்டு ஜுன் மாதம் 9ஆம் தேதி உறுதிப்படுத்தியது.

எவ்வாறாயினும், 2016ஆம் ஆண்டு ஜுட் ஷரமந்த ஜெயமஹாவிற்கு வழங்கப்பட்ட மரண தண்டனை, ஜனாதிபதி பொதுமன்னிப்பின் கீழ் ஆயுள் தண்டனையாக குறைக்கப்பட்டது.

 

ஜுட் ஷரமந்த ஜெயமஹா பொதுமன்னிப்பின் கீழ் விடுதலை

குற்றவாளியாக உயர் நீதிமன்றத்தினாலும் அடையாளம் காணப்பட்ட ஜுட் ஷரமந்த ஜெயமஹா ஜனாதிபதி பொதுமன்னிப்பின் கீழ் நேற்றைய தினம் ( நவம்பர் 09) விடுதலை செய்யப்பட்டார்.

 

அவரை விடுதலை செய்வதற்காக ஜனாதிபதியின் பொதுமன்னிப்பு கிடைக்கப் பெற்றதாக சிறைச்சாலைகள் ஆணையாளர் நாயகம் டி.எம்.ஜே.டபிள்யூ.தென்னக்கோன் தெரிவிக்கின்றார்.

இதன்படி, ஜுட் ஷரமந்த ஜெயமஹா இரத்தினபுரி - குருவிட்ட சிறைச்சாலையின் சிறை வைக்கப்பட்ட நிலையில், நேற்று மாலை அவர் சிறைச்சாலையிலிருந்து வெளியேறியுள்ளார்.

 

இவோன் ஜோன்சன் சகோதரியின் கேள்வி

தனது சகோதரி கொலை செய்யப்பட்ட விதத்தை அறிந்தும், குற்றவாளியான ஜுட் ஷரமந்த ஜெயமஹாவை மன்னிக்க தகுதியானவரா என அவரது சகோதரியான கேரோலின் ஜோன்சன் கேள்வி எழுப்பியுள்ளார்.

தனது ஃபேஸ்புக் பக்கத்தில் வெளியிட்டுள்ள பதிவொன்றிலேயே அவர் இதனைக் குறிப்பிட்டுள்ளார்.

தனது சகோதரி கொலை செய்யப்பட்ட விதத்தையும் அவர் இந்த பதில் விவரித்துள்ளதுடன், அந்த விடயத்தை அடிப்படையாகக் கொண்டே இந்த கேள்வியை எழுப்பியுள்ளார்.

கொலையாளி தனது சகோதரியை கொலை செய்ததன் பின்னரும், இவோன் ஜோன்சனின் தலையை தரையில் 64 தடவைகள் அடித்து தாக்குதல் நடத்தியுள்ளதாக அவர் சுட்டிக்காட்டியுள்ளார்.

இவ்வாறு தாக்குதல் நடத்தப்பட்டதன் பின்னர் இரத்த சாட்சியங்களை நீச்சல் தடாகத்தில் கழுதி, சாட்சியங்கள் அனைத்தையும் இல்லாது செய்வதற்கான முயற்சிகளையும் மேற்கொண்டுள்ளதாக அவர் குற்றஞ்சுமத்தியுள்ளார்.

குற்றவாளி தப்பிச் செல்லும் நோக்குடன் விமான டிக்கெட் ஒன்றையும் அப்போதே கொள்வனவு செய்திருந்ததாக கேரோலின் ஜோன்சன் கூறியுள்ளார்.

தனது சகோதரி மது அருந்தியதாக குற்றச்சாட்டு முன்வைக்கப்பட்ட போதிலும், பிரேத பரிசோதனைகளில் அந்த குற்றச்சாட்டு உறுதிப்படுத்தப்படவில்லை என அவர் நினைவுக்கூறினார்.

சகோதரியின் கொலைக்கான நீதியை கோரி தொடர்ந்தும் போராடுவதாகவும் இவோன் ஜோன்சன் சகோதரியான கேரோலின் ஜோன்சன் கூறியுள்ளார்.

https://www.bbc.com/tamil/sri-lanka-50366627

Share this post


Link to post
Share on other sites

 

Sri Lanka's president has pardoned a death-row prisoner who murdered a Swedish teenager just a week before he leaves office, officials said Sunday, in a move that sparked national outrage.
 
Convicted killer Jude Jayamaha, from a wealthy, high-profile family, walked out of Welikada prison Saturday following the highly unusual amnesty granted by President Maithripala Sirisena.
   
Sirisena, who is stepping down after Saturday's presidential election at which he is not a candidate, announced last month he was considering a request to grant Jayamaha a pardon.
   
Victim Yvonne Jonsson, who was holidaying in Sri Lanka, was beaten to death at a high-rise apartment in Colombo in 2005 after she and Jayamaha had an argument. The court had been told her skull was fractured into 64 pieces
   
Jayamaha was initially sentenced to 12 years in prison. He appealed to a higher court, which rejected his plea and instead sentenced him to death, which was reaffirmed by the Supreme Court in 2014.
   
Jonsson's sister Caroline wrote in a Facebook post about her concerns over Jayamaha's pardon before the amnesty announcement.
   
"He showed and continues to show absolutely no remorse for what he has done," she wrote. "We've worked hard to rebuild our lives and here we are, going into 15 years, still fighting for justice. Unfortunately, we now have to prepare ourselves for the worst possible outcome, the pardon of my sister's murderer."
 
   
Many Sri Lankans took to social media to condemn Sirisena.

Share this post


Link to post
Share on other sites

யார் தடுத்தாலும் மரண தண்டனையை அமுல் படுத்துவேன் என்று முழக்கமிட்ட இந்த மைத்திரி, ஒரு மரணதண்டனை கைதியையே விடுதலை செய்துள்ளார். 

இப்படியான சிங்கள தலைவர்கள், குற்றவாளிகள் மத்தியில் நீதியை எதிர்பார்க்க முடியாது. 

தமிழ் அரசியல் கைதிகளை விடுதலை செய்யவும் மாட்டார்கள். 

 

Share this post


Link to post
Share on other sites

ஜனாதிபதி பொது மன்னிப்பு வழங்கியதன் பின்னனி என்ன ? - பணப் பரிமாற்றமா ? ராஜபக்ஷவினருக்கான நன்றிக்கடனா?  : பிமல்

ஒரு பெண்ணை கொலை செய்த குற்றவாளி ஒருவருக்கு ஜனாதிபதி பொதுமன்னிப்பு வழங்கியதன் பின்னணியின் பண பரிமாற்றலா உள்ளது? அல்லது ராஜபக்ஷவினருக்கு செய்யும் நன்றிக்கடனா? அல்லது அந்த குற்றவாளி ஜனாதிபதியின் உறவினரா? என சபையில் கேள்வி எழுப்பிய ஜே.வி.பியின் உறுப்பினர் பிமல் ரத்நாயக ஜனாதிபதி செய்த காரியமானது அனைத்து பெண்களையும் அவமதிக்கும் செயல் மட்டுமல்லாது சட்டம் நீதியை மீறும் செயற்பாடு எனவும் சுட்டிக்காட்டினார்.

BIMAL.jpg

பாராளுமன்றத்தில் இன்று தேசிய புத்தாக்க முகவராண்மை சட்டமூலம் மீதான விவாதத்தில் உரையாற்றும் போதே அவர் இதனைக் குறிப்பிட்டார். அவர் இதில் மேலும் கூறுகையில். 

ஜனாதிபதி பொதுமன்னிப்பின் கீழ் ஜனாதிபதி மைத்திரிபால சிறிசேனவினால் சிறைக் கைதி ஒருவர் விடுவிக்கப்பட்டார். இளம் பெண் ஒருவரை கொலை செய்த குற்றத்தில் அவர் கைது செய்யப்பட்டு சிறையில் அடைக்கப்பட்டார். 

அவரையே இப்பொது ஜனாதிபதி விடுதலை செய்துள்ளார். இந்த சம்பவத்தில் நாடாக நாம் பாரிய பின்னடைவை சந்திக்கின்றோம். நாட்டின் சட்ட- நீதித்துறை மீதான நம்பிக்கை இல்லமால் போயுள்ளமை  மட்டும் அல்லாது சர்வதேச ரீதியிலும் நாம் பாரிய அழுத்தங்களை சந்திக்க நேரும்.

ஏனெனில் கொல்லப்பட்ட அந்த பெண்  ஸ்வீடன் நாட்டை சேர்ந்த பெண் என்பதால் இது சர்வதேசத்தின் கவனத்தை ஈர்த்த விடயமாகவும் உள்ளது. ஆகவே ஜனாதிபதி முன்னெடுத்த இந்த செயற்பாடு காரணமாக  சர்வதேச மட்டத்தில் இலங்கைக்கு பாரிய அவமானமான செயற்பாடாகும். 

கொலை செய்யப்பட்ட பெண்ணின் தங்கையினால் ஒரு கடிதம் எழுதப்பட்டுள்ளது அந்த கடிதத்தை வாசித்தால் இதயமே வெடித்து சிதறுவது போன்ற உணர்வு ஏற்படுகின்றது.

ஜனாதிபதி ஏன் இவ்வாறான ஒரு செயற்பாட்டை செய்தார். விடுதலை செய்யப்பட்ட அந்த நபர் ஜனாதிபதியின் உறவினரா? அல்லது மஹிந்த ராஜபக்ஷவிற்கு செய்யும் நன்றிக்கடனா? அல்லது வேறு பண பரிமாற்றல்கள் உள்ளனவா? பண பரிமாற்றல் இதில் இடம்பெற்றதாக கதைகள் வெளிவருகின்றது.

பொதுமன்னிப்பு வழங்க வேண்டிய பலர் இன்னும் சிறையில் உள்ளனர் அவர்களை விடுத்து ஏன் இவ்வாறான கொலையாளிக்கு பொது மன்னிப்பு கொடுத்தார். தூக்கு மேடை கொண்டுவருவதாக கூறும் ஜனாதிபதி இறுதியாக நீதிமன்றத்தில் முறையாக வழக்கு விசாரணைகளை நடத்தி குற்றவாளி என உறுதிப்படுத்தப்பட்ட நபரை ஏன் விடுவித்தார்.

இது குறித்து ஜனாதிபதியின் செயற்பாடுகள் குறித்து அரசாங்கம் ஏன் எதிர்ப்பை விடுவிக்கவில்லை. அனுரகுமார திசாநாயக மட்டுமே இது குறித்து எதிர்ப்பை தெரிவித்துள்ளார். ஒவ்வொரு சந்தர்ப்பத்திலும் இலங்கையை கேவலப்படுத்தும் வேலையையே நீங்கள் அனைவரும் செய்கிறீர்கள். 

உண்மையில் இது பெண்களுக்கு செய்யும் பாரிய அவமதிப்பு. நீதிமன்றமே குற்றவாளி என அடையாளபடுத்திய ஒரு குற்றவாளியை விடுவிக்க ஜனாதிபதிக்கு உள்ள அதிகாரம் என்ன. தாரிமீக உரிமை என்ன. சட்டத்தில் என்ன இருந்தாலும் மனிதாபிமாம் இல்லாது கீழ்த்தரமாக ஜனாதிபதி செயற்படுவது மோசமானது என்றார்.   

இதன்போது ஒழுங்குப் பிரச்சினை எழுப்பிய அமைச்சர் அஜித் பி.பெரேரா கூறுகையில் :- ஜனாதிபதி மூலமாக கைதி ஒருவருக்கு பொது மன்னிப்பு கொடுக்கும் போது அரசியல் அமைப்பில் பின்பற்ற வேண்டிய விதிமுறைகள் உள்ளது. குறித்த வழக்கை விசாரித்த நீதிபதி, சட்டமா அதிபர் மற்றும் நீதி அமைச்சரின் அறிக்கையை பெற்றுக்கொள்ள வேண்டும். அவ்வாறு ஆராய்ந்தே விடுவிக்க வேண்டும். ஆனால் ஜனாதிபதி செய்தது தவறான முன்னுதாரணம் என்பதை நாம் ஏற்றுக்கொள்கிறோம் என்றார். 

https://www.virakesari.lk/article/68719

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • (எம்.எப்.எம்.பஸீர்) தமிழீழ விடுதலை புலிகளின் முன்னாள் உப தலைவரும் முன்னாள் பிரதி அமைச்சருமான கருணா அம்மான் என அறியப்படும் மினாயகமூர்த்தி முரளிதரன் முஸ்லிம்களை இலக்கு வைத்து வெளியிட்டதாக கூறப்படும் கருத்துக்கள் தொடர்பில் விஷேட விசாரணைகள் ஆரம்பிக்கப்பட்டுள்ளன.  பொலிஸ் தலைமையகத்துக்கு தேர்தல்கள் ஆணைக் குழுவின் ஆணையாளர்களில் ஒருவரான பேராசிரியர் ரத்னஜீவன் ஹூல்  அனுப்பியுள்ள முறைப்பாட்டுக்கு அமைய இந்த விசாரணைகள் ஆரம்பிக்கப்பட்டுள்ளன. அதன்படி குறித்த முறைப்பாடு தொடர்பில் விசாரணைகளை முன்னெடுக்கும் பொறுப்பு பொலிஸ் தலைமையகத்தினால் குற்றப் புலனாய்வுப் பிரிவுக்கு ஒப்படைக்கப்பட்டுள்ளதாகவும் பொலிஸ் தலைமையகத்தின் உயர் அதிகாரி ஒருவர் தெரிவித்தார். https://www.virakesari.lk/article/69202
    • பட்டது + படிச்சது + பிடித்தது - 202   தமிழரை வாட்டும் மூடுமந்திரம்??   எல்லாமே திட்டமிட்டபடி...?? மகிந்த ஐனாதிபதி இடையில் புகுந்து மகிந்தவின் வளர்ப்பு மைத்திரி ஐனாதிபதி மகிந்தவின் தம்பி கோத்தபாய ஐனாதிபதி அடுத்தது அனைத்து அதிகாரங்களையும் கொண்ட பிரதமர் மகிந்த இன்னொரு கால் நூற்றாண்டுக்கு ராஐபக்சக்களே ஆட்சி   இதை அறியாமல் உணராமல் தமிழர்களுக்கு வாழ்வில்லை   இனியாவது அடுத்த கட்டங்களை உணர்ந்து ஆதரிக்காவிட்டாலும் தவிர்த்து செல்வதே வாழ வழி.   சிறுபான்மை இனம் என்பது முதலில் தன்னை தங்கவைக்கணும். இருப்பதையாவது காப்பாற்றணும்.   தமிழினம் இதைத்தான் கூட்டமைப்பினரிடமும் சரி வடமாகாண முதலமைச்சராக இருந்த விக்கினேசுவரனிடமும் சரி எதிர்பார்த்தது. ஆனால் அவர்கள் தத்தமது அரசியலை அல்லது பிரபாகரனாலேயே முடியாது போன போராட்டத்தை செய்கிறார்களே தவிர.....????????????   ஆனால் எம்மவர்கள் எம்மவர் ஒருத்தர் எடுத்த முடிவை மற்றவர் குளப்ப அல்லது அதற்கு மாற்றாக செயற்படுத்தும் செயல்களுக்கு கொடுக்கும் முக்கியத்துவத்தை மக்களுக்கு தாம் செய்யவேண்டிய காலத்தின் பணி சார்ந்து சிந்திப்பதே இல்லையே... இதிலிருந்து தமிழருக்கு விடிவு எப்பொழுது????
    • ஜனாதிபதியாக பதவி ஏற்றுள்ள கோத்தாபயவுக்கு 100 நாட்கள் நாம் அவகாசம் வழங்குகின்றோம். நூறாவது நாள் முடிவதற்குள் தமிழர் இனப் பிரச்சனைக்கு தீர்வுக்கான உறுதியான நடவடிக்கையை எடுக்க வேண்டும். அதனை எடுக்க தவறினால் சர்வதேச ரீதியாக ஐ.நாவின் உதவியுடன் வடக்கு கிழக்கு பிராந்திய பகுதியில் பொதுசன வாக்கெடுப்பு நடத்துமாறு நாம் பகிரங்கமாக கோருவோம் என முன்னாள் பாராளுமன்ற உறுப்பினர் எம்.கே.சிவாஜிலிங்கம் தெரிவித்தார். யாழ்ப்பாணம் நல்லூரில் அமைந்துள்ள யாழ்.பாடி விருந்தினர் விடுதியில் இன்று நடைபெற்ற ஊடகவியாளர் சந்திப்பிலேயே அவர் இதனை தெரிவித்தார். அவர் மேலும் தெரிவிக்கையில், தமிழ் மக்கள் மீது இனப்படுகொலைகளில் ஈடுபட்ட போர்க் குற்றத்தில் ஈடுபட்ட ஓர் போர் குற்றவாளியால் இனப் பிரச்சனைக்கு சரியான தீர்வு நீதி கிடைக்கும் வரை எம்மால் வாழ்த்துக் கூற முடியாது.முன்னாள் பாதுகாப்பு செயலரின் வெற்றிக்காக வாழ்த்துகளை கூறும் மன நிலையில் தமிழ் மக்கள் இல்லை.நானும் அந்த மன நிலையில் இல்லை. ஓர் ஜனநாயக நாட்டிலே நாட்டின் ஜனாதிபதி ஆனதும் முதல் நூறு நாட்கள் வழங்கப்படும். அந்த நாட்காளில் அவருக்கு எதிரான பாரதுரமான போராட்டங்களோ, கருத்துக்களோ, விமர்சனங்களோ முன்வைக்கப்படுவதில்லை. ஆகவே தற்போது ஜனாதிபதியாக பதவி ஏற்றுள்ள கோத்தாபயவுக்கும் நூறு நாட்கள் நாம் வழங்குகின்றோம்.நூறாவது நாள் முடிவதற்குள் தமிழர் இனப் பிரச்சனைக்கு தீர்வுக்கான உறுதியான நடவடிக்கையை எடுக்க வேண்டும். அதனை எடுக்க தவறினால் சர்வதேச ரீதியாக ஐ.நாவின் உதவியுடன் வடக்கு கிழக்கு பிராந்திய பகுதியில் பொதுசன வாக்கெடுப்பு நடத்துமாறு நாம் பகிரங்கமாக கோரி இலங்கையிலும் சர்வதேச ரீதியாகவும் அழுத்தங்களை கோருவோம்.எந்த தடை வந்தாலும் சந்திக்க தயார்.ஆகக் குறைந்தது இணைப்பாட்சி,சமஸ்டியை கொண்டதான தீர்வையாவது ஐக்கிய இலங்கைக்குள் வழங்க முன்வரவேண்டும். பௌத்த மதம் ஆழமாக வேர் ஊன்றிய இடத்தில் வைத்து புதிய ஜனாதிபதி தனது பதவியை ஏற்றுள்ளார்.அனுராதபுரத்தில் துட்டகைமுனு நினைவுசின்னத்துக்கு முன்பாக பதவி ஏற்றுள்ளார். இதன் ஊடாக நவீன துட்டகைமுனுவாக மாறப் போகின்றாரா?அல்லது வாக்களித்தாலும் வாக்களிக்காது விட்டாலும் அனைத்து மக்களுக்கும் ஜனாதிபதியாக இருக்கப் போகின்றாரா?என்பதை பொறுத்திருந்தே பார்க்க வேண்டும் என்றார். https://www.virakesari.lk/article/69199
    • பெருமளவான தமிழ்மக்களால் கோத்தாபய ராஜபக்ஷ நிராகரிக்கப்பட்டாலும் இன்னுமொரு பெரும்பான்மை இனத்தை சேர்ந்தவருக்கே தமிழ் மக்கள் வாக்களித்திருந்தார்கள். இது அரசியல் ரீதியான முடிவே தவிர இன ரீதியானதல்ல என்பதை புதிய ஜனாதிபதி புரிந்து கொண்டு ஒட்டுமொத்த நாட்டின் ஜனாதிபதி என்பதனை ஏற்றுக்கொண்டு எதிர்காலத்தில் நடவடிக்கைகளை மேற்கொள்ள வேண்டும் என்று தமிழ் ஈழ விடுதலை இயக்கத்தின் தலைவர் பாராளுமன்ற உறுப்பினர் செல்வம் அடைக்கலநாதன் தெரிவித்திருக்கிறார்.  இன்று அவர் வெளியிட்டுள்ள விஷேட ஊடக அறிக்கையிலேயே அவர் இதனைத் தெரிவித்துள்ளார்.  நிறைவடைந்த ஜனாதிபதித் தேர்தலில் முன்னாள் பாதுகாப்பு செயலாளர் கோத்தாபய ராஜபக்ச பெரும்பான்மை வாக்குகளினால் வெற்றி பெற்று ஏழாவது ஜனாதிபதியாகத் தெரிவாகியுள்ளார்.  இத்தேர்தலின் முடிவுகள் தமிழ் மக்கள் தமது ஜனநாயகக் கடைமையை ஒற்றுமைப்பட்டு வெளிப்படுத்தியுள்ளமையையும் , என்னென்ன காரணங்களுக்காக சஜித் பிரேமதாசாவுக்கு வாக்களிக்க வேண்டுமென தமிழ் ஈழ விடுதலை இயக்கம் (தமிழ்த் தேசியக் கூட்டமைப்பு) மக்களை உரிமையோடு கேட்டுக் கொண்டதோ அக்காரணங்கள் அனைத்தும் மக்களால் ஏற்றுக் கொள்ளப்பட்டதையும் வெளிப்படுத்தியுள்ளது.  தமிழ் மக்களில் மிகப்பெரும்பான்மையானவர்களின் உணர்வுகளும் உள்ளக்கிடக்கைகளும் ஒவ்வொரு வாக்குகளினாலும் உலகத்துக்கு உணர்த்தப்பட்டுள்ளது. எமது மக்களின் நீண்டகால அபிலாசைகள், தீர்த்து வைக்கப்படாத அன்றாட பிரச்சினைகள், கேள்விகளுக்குள்ளாக்கப்பட்டுள்ள எதிர்கால வாழ்வு என இவையெல்லாம் ஏமாற்றங்களாக தொடர்வதின் நீட்சியே வாக்குகளுடாக பிரதிபலிக்கப்பட்டுள்ளது. இதேவேளை பெரும்பானமை சிங்கள மக்களின் நிலைப்பாடானது தமிழ் மக்களின் நிலைப்பாட்டிலிருந்து வேறுபட்டு நிற்கின்றது. காலம் காலமாக சிங்கள தலைமைகள் தமிழ் மக்களின் உணர்வுகளையும், கோரிக்கைகளையும் ஏமாற்றிக் கொண்டிருப்பதும் உதாசீனப்படுத்துவதும் தெரிந்தும் பெரும்பான்மை இனம் துணை நிற்பது வருத்தமானதே.  சிங்கள தலைமைகள் சிங்கள பெரும்பான்மை இன மக்களை தவறாக வழிநடத்திக் கொண்டு அரசியல் நன்மைகளை அனுபவிக்கவே விரும்புகின்றார்கள். ஒன்றுபட்ட இலங்கைக்குள் சிங்கள தேசம் அனுபவிக்கின்ற அனைத்து உரிமைகளையும் தமிழ் மக்களும் அனுபவிக்க வேண்டும், என கோருவதில் தவறொன்றும் காணமுடியாது.  புதிதாக தெரிவு செய்யப்பட்டுள்ள ஜனாதிபதி கோத்தாபய ராஜபக்சவும் சிங்கள மக்களும் இதை புரிந்து கொள்ள வேண்டும். தமிழ் மக்களதும் தெற்கின் சிங்கள மக்களதும் சம காலத்து தேவைகள் வேறு வேறானவை என்பது தேர்தல் முடிவுகளில் பிரதிபலிக்கின்றது. வெவ்வேறான பார்வைகளினூடாகவும், அணுகுமுறைகளினூடாகவுமே தமிழ் சிங்கள மக்களின் பிரச்சினைகள் ஆராயப்பட்டு தீர்க்கப்பட வேண்டும்.  புதிய ஜனாதிபதி தனது 5 வருட பதவிக்காலத்தில் இயலுமான வரை கடந்த அரசாங்கங்கள் விட்ட தவறுகளை பாடமாக்கி கொண்டு திருத்தங்களுடன் பயணித்தால் நாட்டின் ஒவ்வொரு பிரஜைக்கும் வாழ்வுண்டு என கருதுவதாகவும் அவர் அந்த அறிக்கையில் சுட்டிக்காட்டியுள்ளார். https://www.virakesari.lk/article/69198
    • அப்படித்தான் நானும் நினைக்கிறேன். ரணில், சஜித் ஜனாதிபதியாக வருவதை விட கோத்தபாய ஜனாதிபதியாக வருவதை விரும்பியவர். எனவே பாராளுமன்றத்தை கலைத்து உடனே பாராளுமன்ற தேர்தலை நடத்தவும் சம்மதிக்கலாம். தேர்தலின் பின் ரணில் எதிர்க்கட்சி தலைவராவார் என நினைக்கிறேன்.