• advertisement_alt
  • advertisement_alt
  • advertisement_alt
Sign in to follow this  
nunavilan

றொஹிங்யா இனப்படுகொலை | குற்றவியல் நீதிமன்றத்திற்குத் தயாராகும் ஒங் சான் சூ சீ

Recommended Posts

றொஹிங்யா இனப்படுகொலை | குற்றவியல் நீதிமன்றத்திற்குத் தயாராகும் ஒங் சான் சூ சீ

சர்வதேச குற்றவியல் நீதிமன்றம் விசாரணைக்கு அங்கீகாரம் வழங்கியுள்ளது
ICC approves probe into Myanmar's alleged crimes against Rohingya
துரத்தப்பட்டு இரண்டாவது வருடத்தை வங்காள தேசத்தில் கொக்ஸ் பஜாரில் நினைவுகூரும் றொஹிங்யா அகதிகள் – படம்: ரஹ்மான் / ராய்ட்டர்ஸ்

மியான்மாரில் (பர்மா) ரொஹிங்யா சிறுபான்மையினருக்கு எதிராக இனவழிப்பு நடவடிக்கைகளில் ஈடுபட்டதாக அந் நாட்டின் அரசு மற்றும் இராணுவத்தினர் மீது மனித உரிமை அமைப்புகள் நீணடகாலமாகக் குற்றஞ்சாட்டி வந்தன. அந்நாட்டின் தலைவர் ஓங் சான் சூ சி இக்குற்றங்களை மறுத்தது மட்டுமல்லாது அதுபற்றிய விசாரணைகளை மேற்கொள்ளவும் மறுத்து வருகிறார். அகிம்சை முறையில் ஜனநாயகத்தை மீட்கப் போராடியவர் எனக்கூறி இவருக்கு 1991 இல் நோபல் பரிசு வழங்கப்பட்டது.

இன்று (வியாழன், நவம்பர் 14, 2019) சர்வதேச குற்றவியல் நீதிமன்றத்தின் நீதிபதிகள் 2017 இல் மியான்மார் அதன் சிறுபான்மையினரான றொஹிங்க்யா முஸ்லிம்கள் மீது மேற்கொண்ட தாக்குதல்களின் போது, மனிதகுலத்துக்கெதிரான குற்றங்களைப் புரிந்துள்ளது என்பதை அங்கீகரித்த்துடன் அது தொடர்பான முழு விசாரணைக்கும் உத்தரவிட்டுள்ளார்கள்.

நேற்று ஆர்ஜன்ரீனாவில் றொஹிங்யா முஸ்லிம்ளின் இனப்படுகொலைக் குற்ற வழக்கொன்றும் மியன்மார் தலைவர் ஒங் சான் சு சி மீது பதியப்பட்டுள்ளது.

மியான்மாரிலிருந்து பலவந்தமாக விரட்டப்பட்ட 740,000 க்கும் அதிகமான றொஹிங்யா முஸ்லிம்கள் பங்களாதேசத்தில் வசதிகளற்ற முகாம்களில் தங்கவைக்கப்பட்டுள்ளார்கள். இவர்கள் மீது ஏவப்பட்ட வன்முறை இனப்படுகொலைக்குச் சமமாகும் என ஐ.நா. விசாரணைக்குழு தீர்ப்பளித்துள்ளது.

உலகில் இழைக்கப்படும் மிகக் கொடுமையான குற்றங்களை விசாரிப்பதற்கென 2002 இல் நிறுவப்பட்ட ஹேக் கைத் தளமாகக் கொண்ட சர்வதேச குற்றவியல் நீதிமன்றம் மியன்மார் தொடர்பாக விசாரணைகளைத் தொடங்குமாறு அதன் வழக்குத் தொடுநருக்கு உத்தரவிட்டுள்ளது.

இதே வேளை கம்பியா வும் 57 நாடுகள் அங்கம் வகிக்கும் இஸ்லாமிய ஒத்துழைப்புக்கான அமைப்பு சார்பில் மியன்மார் மீது இனப்படுகொலைக்கான வழக்கொன்றை நீதிக்கான சர்வதேச நீதிமன்றத்தில் (International Court of Justice (ICJ)) தொடுத்துள்ளது. அடையாளப்படுத்தத்தக்க இனம், மதம் என்ற அடிப்படையில் றொஹிங்யா மக்கள் தனிமைப்படுத்தப்பட்டு அவர்கள் மீது ஒழுங்கமைக்கப்பட்ட வன்முறை, நாடுகடத்தல், துன்புறுத்தல் ஆகிய குற்றங்கள் இழைக்கப்பட்டன என அவ் வழக்கில் குற்றஞ்சாட்டப்பட்டுள்ளது.

றொஹிங்யா மாக்கள் மீது இனப்படுகொலையோ அல்லது இனச்சுத்திகரிப்போ நிகழ்த்தப்படவில்லை என மியன்மார் பல காலமாகச் சொல்லிவருகிறது.

மியன்மார் சர்வதேச குற்றவியல் நீதிமன்றத்தில் ஒரு அங்கத்தவராக இல்லாது போனாலும், துரத்தப்பட்ட அகதிகள் தங்கியிருக்கும் வங்களாதேசம் அங்கத்தவராக இருக்கின்ற படியால் இவ் விசாரணையை மேற்கொள்வதற்கு அதற்கு அதிகாரமுண்டு என சர்வதேச குற்றவியல் நீதிமன்றம் கூறியுள்ளது.

சர்வதேச குற்றவியல் நீதிமன்றத்தின் முதன்மை வழக்குத் தொடுநர் ஃபற்றூ பென்சூடா மியான்மார் மீதான ஆரம்ப விசாரணைகளை செப்டம்பர் 2018 இல் ஆரம்பித்திருந்தாராயினும் இந்த வருடம் ஜூலையில் முழுமையான விசாரணை ஒன்றைத் தொடன்குவற்கு விண்ணப்பித்திருந்தார். இந்த வாரம் அவ் விசாரணைக்கான அனுமதி வழங்கப்பட்டுள்ளது.

கம்பியாவினால் தொடரப்பட்ட வழக்கின் மீதான விசாரணைகள் வரும் டிசம்பரில் ஆரம்பமாகவுள்ளது. நீதிக்கான சர்வதேச நீதிமன்றம் பொதுவாக நாடுகளுக்கிடையேயான எல்லைப் பிரச்சினைகள் போன்றவற்றையே விசாரித்து வந்தாலும் தற்போது தான் இனப்படுகொலை, பயங்கரவாதம் போன்ற விடயங்களில் ஐ.நா. விதிமுறைகள் (UN Conventions) மீறப்படுவதை விசாரிக்கத் தொடங்கியுள்ளது.

அதே வேளை, சர்வதேச குற்றவியல் நீதிமன்றம் நாடுகள் மீதல்லாது தனிப்பட்டவர்கள் சம்பந்தப்படும் குற்றவியல் நடவடிக்கைகளை மட்டுமே விசாரித்து அவர்களைக் கைது செய்வதற்கான பிடியாணைகளை வழங்கும். அந்த வகையில் மியன்மாரின் இராணுவத் தலைவர்கள் குறிவைக்கப்படுவதற்கான சாத்தியங்கள் உண்டு.

ஓங் சான் சு சி விடயத்தில், மியன்மாரின் உயர் அதிகாரிகளில் ஒருவர் என்ற வகையில், றொஹிங்யா மக்கள் மீது ஏவப்பட்ட வன்முறைகள் மனிதத்துக்கு எதிரானவை எனக்கூறி ஆர்ஜென்ரீனாவில் புதன் கிழமை வழக்குத் தொடரப்பட்டுள்ளது. உலகளாவிய அதிகார வரம்பு தத்துவத்தின் கீழ் (principle of universal jurisdiction) லத்தின் அமெரிக்க மனித உரிமைகள் அமைப்புகள் இவ் வழக்கைத் தொடர்ந்துள்ளன.

இவ் வழக்கில் பெரும்பான்மை இனமொன்றினால் சிறுபான்மை இனமொன்றின் இருப்பு அச்சுறுத்தப்படுகின்றது எனவும் அதற்குக் காரணமான மின் ஓங்க் ஹிளெயிங் உட்பட்ட இராணுவத் தலைவர்களும், ஓங் சான் சு சி உட்பட்ட சிவிலியன் தலைவர்களும் நீதியை எதிர்கொள்ள வேண்டுமெனவும் கோரி வழக்குத் தாக்கல் செய்யப்பட்டுள்ளது.

உலகளாவிய அதிகார வரம்பு தத்துவத்தின் கீழ், ஆர்ஜென்ரீன நீதிமன்றங்கள் பல வழக்குகளை ஏற்கெனவே நடத்தியிருக்கின்றன. அவற்றில் ஸ்பெயினில் சர்வாதிகாரி ஃபிரான்சிஸ்கோ ஃபிராங்கோவின் ஆட்சி, சீனாவின் ஃபலுன் கொங் அமைப்பு ஆகியன விசாரிக்கப்பட்டிருந்தன.

Rohingya men kneel as members of Myanmar's security forces stand guard in Inn Din village in September 2017 [Reuters]
செப்டம்பர் 2017 இல் இன் டின் கிராமத்தில் இராணுவத்தினரால் முழங்காலில் நிறுத்திவைக்கப்பட்டிருக்கும் றொஹிங்யா முஸ்லிம்கள் – படம்: ராய்ட்டர்ஸ்
‘இனப்படுகொலை’

2017 இல் மியான்மார் இராணுவத்தினால் றொஹிங்யா முஸ்லிம்கள் மீது நடத்தப்பட்ட வன்முறைகள் ‘இனப்படுகொலை’ என ஐ.நா. விசாரணைக்குழு அடையாளப்படுத்தி ஐ.நா. பாதுகாப்புச் சபை (UN Security Council) இவ் விடயத்தை சர்வதேச குற்றவியல் நீதிமன்றத்துக்கு (International Criminal Court (ICC)) விசாரணையொன்றுக்காகப் பரிந்துரைக்கும்படி கேட்டிருந்தது. ஆனால் அதற்குத் தேவையே இல்லாமல் சர்வதேச குற்றவியல் நீதிமன்றம் தானாகவே விசாரணையொன்றை ஆரம்பித்துள்ளது.

இம் மூன்று வழக்குகள் தொடர்பாகவும் மியன்மார் இதுவரை அறிக்கையெதையும் வெளியிடவில்லை. தனது உள்ளக விசாரணைக் குழு, சொல்லப்படும் குற்றங்களை விசாரிக்கும் தகைமையைக் கொண்டிருக்கிறது என மியன்மார் அரசு முன்னர் இக் கோரிக்கையை நிராகரித்திருந்தது.

மியன்மாரின் பெரும்பான்மையினர் 2017 இல் நடைபெற்ற இராணுவ அட்டூழியங்களுக்குப் பெரும்பாலும் ஆதரவு தருவதாலும், முஸ்லிம் சிறுபான்மையினர் மியன்மாரின் குடியுரிமை கொண்டவர்களல்ல என அவர்கள் கருதுவதாலும் இராணுவ, சிவில் தலைமைகள் தொடர்ந்தும் கடும் போக்கையே கைக்கொண்டு வருகின்றனர்.

https://marumoli.com/றொஹிங்யா-இனப்படுகொலை-கு/?fbclid=IwAR0IOSc0Lqgssw8z-2yoBr9DaLtZOXARvcY0Js7SXCrzxRMJgAfat2AEKu0

Share this post


Link to post
Share on other sites


ஒரு சமாதானத்திற்காக நோபல் பரிசை வென்றவர் இந்த அம்மையார்.  எவ்வளவுதூரம் சர்வதேச குற்றவியல் நீதிமன்றத்தின் முன்னராக இவரோ இல்லை இவர் தளபதிகளோ நிறுத்தப்படுவார்கள் என தெரியவில்லை.   

அதேவேளை பல தலைவர்கள் நிறுத்தப்பட்டும் உள்ளார்கள். 


 

Share this post


Link to post
Share on other sites
1 hour ago, ampanai said:


ஒரு சமாதானத்திற்காக நோபல் பரிசை வென்றவர் இந்த அம்மையார்.  எவ்வளவுதூரம் சர்வதேச குற்றவியல் நீதிமன்றத்தின் முன்னராக இவரோ இல்லை இவர் தளபதிகளோ நிறுத்தப்படுவார்கள் என தெரியவில்லை.   

 

இதுதான் பெரும்பாலான இடங்களில் யதார்த்தமாகவுள்ளது.

அடக்குமுறைக்கு எதிராக போராடுவோர் தங்களுக்கு இன்னொரு குழுமத்தை அடக்கும் சந்தர்ப்பம் கிடைத்தால் எந்த அடக்குமுறைக்கு எதிராக போராடினார்களோ அதை விட மோசமாக செய்யத் தயங்குவதில்லை.

ஈழத்தமிழர் விடயத்திலும் பல உதாரணங்கள் உள்ளன. 

  • Like 1

Share this post


Link to post
Share on other sites
5 hours ago, nunavilan said:

2017 இல் மியான்மார் இராணுவத்தினால் றொஹிங்யா முஸ்லிம்கள் மீது நடத்தப்பட்ட வன்முறைகள் ‘இனப்படுகொலை’ என ஐ.நா. விசாரணைக்குழு அடையாளப்படுத்தி ஐ.நா. பாதுகாப்புச் சபை (UN Security Council) இவ் விடயத்தை சர்வதேச குற்றவியல் நீதிமன்றத்துக்கு (International Criminal Court (ICC)) விசாரணையொன்றுக்காகப் பரிந்துரைக்கும்படி கேட்டிருந்தது. ஆனால் அதற்குத் தேவையே இல்லாமல் சர்வதேச குற்றவியல் நீதிமன்றம் தானாகவே விசாரணையொன்றை ஆரம்பித்துள்ளது.

ஆனால் இதை விட மோசமான இனப்படுகொலை நிகழ்த்தப்பட்ட இலங்கையில்.. ஏன் இந்த நடவடிக்கை இல்லை...??!

எல்லாம் எம்மவர்களின்.. மறப்போம்.. மன்னிப்போம்.. செயற்பாடுகளின் விளைவே. 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • திருச்சியில்  குழந்தைகளின் ஆபாசப்படங்களை தரவிறக்கம் செய்த குற்றத்திற்காக கிறிஸ்தோபர் என்ற நபர் கைது செய்யப்பட்டுள்ளதை தொடர்ந்து பல அதிர்ச்சி தகவல்கள் வெளியாகியுள்ளன. இணையத்தில்; சிறுவர் சிறுமியர்களின் ஆபாசப்படங்ளை தரவிறக்கம் செய்து பார்ப்பவர்களின் எண்ணிக்கை திருச்சியிலேயே அதிகம் என அமெரிக்க அதிகாரிகள் இந்திய அதிகாரிகளிற்கு தகவல் வழங்கியுள்ளனர். அமெரிக்க அதிகாரிகளிடமிருந்து கிடைத்த தகவலை தொடர்ந்து ஆபாசப்படங்கள் குறிப்பாக குழந்தைகளின் ஆபாசப்படங்களை தரவிறக்கம் செய்து பார்ப்பவர்களை தமது கண்காணிப்பின் கீழ் கொண்டு வந்த காவல்துறையினர் இது தொடர்பில் திருச்சியை சேர்ந்த கிறிஸ்தொபர் என்பவரை கைது செய்துள்ளனர். குறிப்பிட்ட நபரின் கையடக்க தொலைபேசியை ஆராய்ந்தவேளை பல அதிர்ச்சிகர தகவல்கள் வெளியாகியுள்ளன. அவரின் கையடக்க தொலைபேசியை ஆராய்ந்தவேளை அவர் போலி பெயரில் முகநூல் ஆரம்பித்து  அதில் குழந்தைகள் சிறுமிகள் தொடர்பான ஆபாசப்படங்களை பகிர்ந்துகொண்டுள்ளமை தெரியவந்துள்ளது. அவரது முகநூலில் ஆயிரக்கணக்கான படங்களும்  வீடியோக்களும் காணப்பட்டுள்ளன. கிறிஸ்டொபர் கடந்த நான்கு வருடங்களாக இதனை செய்துள்ளதுடன் அவர் 150 பேருடன் தொடர்பில் இருந்துள்ளார்.  இவர் திருச்சி உட்பட பல்வேறு பகுதிகளில் சிறுமிகளை ஏமாற்றி படமெடுத்து வெளிநாட்டுக்கு அனுப்பியுள்ளார் என்ற சந்தேகம் எழுந்துள்ளது என காவல்துறையினர் தெரிவித்துள்ளனர். இவருக்கு பல அரசியல்வாதிகளுடன் தொடர்புள்ளது என காவல்துறையினர் தெரிவித்துள்ளனர் திருச்சியில் அரசியல்வாதிகள் உட்பட 30ற்கும் அதிகமானவர்களை கைதுசெய்து காவல்துறையினர் விசாரணைகளை மேற்கொண்டுள்ளனர் https://www.virakesari.lk/article/70993
    • (செ.தேன்மொழி) கறுப்பு நிற ஆடையில் சிலாபம் பிரேதச சபை கூட்டத்தில் கலந்துகொள்வதற்கு அனுமதியில்லை என்று சிலாபம் பிரதேச சபை உறுப்பினர் ஜே. கோகிலநாத் சிங்கிற்கு ஸ்ரீலங்கா பொதுஜன பெரமுனவின் பிரதேச சபை உறுப்பினர் ஜே.என். ஜனித்த தேவப்பிரிய எதிர்ப்பு தெரிவித்துள்ளார். சிலாபம் பிரதேச சபையின் 21 ஆவது அமர்வு நேற்று இடம்பெற்றது. இத் கூட்டத்தொடரில் கலந்துக் கொள்வதற்காக சென்ற பிரதேச சபை உறுப்பினருக்கே இவ்வாறு எதிர்ப்பு தெரிவிக்கப்பட்டுள்ளது. இதன்போது கூட்டத்தெடரில் கலந்துக் கொள்ளாமல் வெளியேறியுள்ள குறித்த உறுப்பினர் புத்தளத்திலுள்ள சர்வமத குழுவின் தலைவர் சுந்தரம் குருக்களிடம் முறைபாடொன்றையும் அளித்துள்ளார். சம்பவம் தொடர்பில் பாதிக்கப்பட்ட பிரதேசசபை உறுப்பினர் கூறுகையில்,  14 வருடங்களாக ஐயப்ப தரிசனம் மேற்கொண்டுவருகின்றேன் ,கடந்தவருடமும் ஐயப்பன் தரிசனத்தை மேற்கொள்ள மாலை அணிந்திருந்தேன் . அப்போது நான் கறுப்பு நிற ஆடைகளை அணிந்தே பிரதேச அமர்வுகளில் கலந்துக் கொண்டேன். ஆனால் அப்போது எனக்கு எவ்வித எதிர்புகளும் தெரிவிக்கப்படவில்லை. ஜனாதிபதி தேர்தல் முடிவுகளின் பின்னரான முதல் அமர்வே நேற்று வியாழக்கிழமை இடம்பெற்றது.இதன்போது நான் கறுப்பு நிற ஆடையில் வந்திருப்பதினால் எனுக்கு அனுமதியில்லை என்று  ஸ்ரீலங்கா பொதுஜன பெரமுனவின் பிரதேச சபை உறுப்பினர் ஜே.என். ஜனித்த தேவப்பிரிய தெரிவித்தார்.  பின்னர் நான் அமர்வில் கலந்துக் கொள்ளாது அங்கிருந்து வந்து விட்டேன். இந்த சம்பவம் தொடர்பில் புத்தளம் சர்வஜன மத குழுவின் புத்தளம் பகுதி தலைவரிடமும் முறைப்பாடளித்துள்ளேன். எதிர்வரும் திங்கட்கிழமை குருணாகல் பிரதேசத்தின் தேர்தல் ஆணைக்குழுவிடமும் முறைப்பாடளிக்க தீர்மானித்துள்ளளேன்.https://www.virakesari.lk/article/71007
    • படத்தின் காப்புரிமை BEDMACHINE/UCI/BAS Image caption டென்மென் பனிப்பாறை பகுதி பூமியின் நிலப்பரப்பில் மிக ஆழமான பகுதி எது என கண்டறியப்பட்டுள்ளது. கிழக்கு அண்டார்டிகாவில் டென்மென் பனிப்பாறைக்கு கீழே கிட்டத்தட்ட 3.5 கிலோமீட்டர் (கடல்மட்டத்தில் இருந்து 11,500 அடி ஆழம்) உள்ள பள்ளத்தாக்குதான் பூமியின் நிலப்பரப்பில் மிக ஆழமான இடம் என்று கண்டறியப்பட்டுள்ளது. கடல்கள் மற்றும் சமுத்திரங்களில் மட்டும் தான் இதை விட ஆழமான பகுதிகள் உள்ளன. இந்த பகுதி 20 கிலோமீட்டர் அகலமும், 100 கிலோமீட்டர் நீளமும் கொண்டதாக உள்ளது. இந்த இடம் பனிக்கட்டிகளால் நிரப்பப்பட்டு மிக அடர்த்தியாகவும், இருட்டு பிரதேசமாகவும் காட்சியளிப்பதாக இது குறித்த ஆராய்ச்சியில் நீண்டநாள் ஈடுபட்டிருந்த அறிவியலாளர் மார்லிகம் தெரிவித்தார். அதேவேளையில், நீர்பரப்பையும் உள்ளடக்கிய பூமியின் ஆழமான இடம் டெட் ஸியின் (Dead Sea) மையப்பகுதிக்கு அருகே உள்ள இடம் என்று சுட்டிக்காட்டப்படுகிறது. இந்த இடம் கடல் மட்டத்தில் இருந்து 1355 அடி ஆழத்தில் உள்ளதாக கூறப்படுகிறது.   https://www.bbc.com/tamil/global-50768711
    • படத்தின் காப்புரிமை Getty Images பெண்கள் மற்றும் சிறுமிகளுக்கு எதிரான பாலியல் வல்லுறவு மற்றும் அமில வீச்சு போன்ற கொடூரமான குற்றச் செயல்களில், அசைக்க முடியாத ஆதாரங்கள் இருந்தால் குற்றவாளிகளுக்கு 21 நாட்களுக்குள் மரண தண்டனை விதிக்க வகை செய்யும் புதிய சட்டம் ஆந்திரப் பிரதேச சட்டப்பேரவையில் நிறைவேற்றப்பட்டுள்ளது. ஆந்திரப் பிரதேசம் திஷா சட்ட மசோதா 2019 (ஆந்திரா குற்றவியல் சட்டத் திருத்த மசோதா 2019) என்றழைக்கப்படும் இந்த சட்டத்துக்கு ஆந்திரப் பிரதேச அமைச்சரவை நேற்று (வியாழக்கிழமை) ஒப்புதல் வழங்கிய நிலையில், இன்று (வெள்ளிக்கிழமை) அது அம்மாநில சட்டப்பேரவையில் நிறைவேற்றப்பட்டுள்ளது. தெலங்கானாவில் `திஷா' எனும் புனை பெயரால் அழைக்கப்படும் பெண் கால்நடை மருத்துவர் கடந்த மாதம், பாலியல் வல்லுறவு செய்யப்பட்டு, எரித்துக் கொல்லப்பட்ட சம்பவம் நாடு முழுவதும் அதிர்வலைகளை எழுப்பியிருந்தது. இது தொடர்பாக ஆந்திரப் பிரதேச சட்டமன்றத்தில் பேசிய அம்மாநில முதல்வர் ஜெகன்மோகன் ரெட்டி, இந்தச் சம்பவம் அண்டை மாநிலத்தில் நடந்திருந்தாலும், இதை முக்கியமானதாக தமது அரசு எடுத்துக் கொண்டுள்ளது என்று கூறினார். தற்போது ஆந்திரப் பிரதேச சட்டப்பேரவையில் நிறைவேற்றப்பட்டுள்ள இந்த சட்டம், குடியரசுத் தலைவரின் ஒப்புதலுக்காக அனுப்பப்படவுள்ளதாகவும், அதன் மூலம் இந்த சட்டத்தின் அவசியம் குறித்து மற்ற மாநிலங்களுக்கும் விழிப்புணர்வு கிடைக்கும் என்றும் ஜெகன்மோகன் ரெட்டி கூறியுள்ளார். படத்தின் காப்புரிமை Getty Images இந்த புதிய சட்டத்தின்படி, பாலியல் வல்லுறவு வழக்குகளில் அசைக்க முடியாத ஆதாரங்கள் இருந்தால், குற்றவாளிகளுக்கு நீதிமன்றம் 21 நாட்களுக்குள் மரண தண்டனை விதிக்கும். காவல் துறையினர் 7 நாட்களுக்குள் விசாரணையை முடிக்க வேண்டும். அடுத்த 14 நாட்களுக்குள் நீதிமன்ற விசாரணையை முடிக்க வேண்டும். மொத்தத்தில் 21 நாட்களில் அந்த வழக்கில் தீர்ப்பு வழங்கப்பட்டுவிடும். முன்னதாக, `திஷா' சட்டத்துடன் சேர்த்து, இந்திய தண்டனைச் சட்ட நடைமுறைகளில் 354 (e) மற்றும் 354 (f) பிரிவுகளைச் சேர்க்கவும் அமைச்சரவை ஒப்புதல் வழங்கியுள்ளது. குழந்தைகளை பாலியல் துன்புறுத்தலுக்கு ஆளாக்கியதாகக் குற்றஞ்சாட்டப்பட்ட நபர்களுக்கு 10 முதல் 14 ஆண்டுகள் வரை சிறைத் தண்டனை விதிக்க 354 (f) பிரிவு வகை செய்யும். அதுமட்டுமின்றி, கொடும் குற்றச் செயல்களுக்கு ஆயுள் சிறை விதிக்கவும் இது வழிவகை செய்கிறது. இப்போதுள்ள நிலையில், இதுபோன்ற குற்றச் செயல்களுக்கு போக்ஸோ சட்டத்தின் கீழ் 3 முதல் 5 ஆண்டுகள் வரை சிறைத் தண்டனை விதிக்கப்படுகிறது. இ-மெயில், சமூக வலைத்தளம் மற்றும் பிற இணையதளங்களில் பெண்களின் கண்ணியத்துக்கு இழுக்கு ஏற்படுத்தும் வகையில் தகவல்கள் பதிவிட்டால், 354 (e) பிரிவின் கீழ் கடுமையான தண்டனை விதிக்கப்படும். முதல் முறையாக குற்றஞ்சாட்டப்படும் நபருக்கு இரண்டு ஆண்டுகள் சிறைத் தண்டனை விதிக்கப்படும். இரண்டாவது முறையாக அதே குற்றத்தைச் செய்தால் நான்காண்டுகள் சிறைத் தண்டனை விதிக்கப்படும். விரைவான நீதி கிடைக்க தொடக்க நிலை நடவடிக்கைகள் ஆந்திரப் பிரதேச `திஷா' சட்டம் 2019 உருவாக்கும் முடிவுக்கு திரைப்பட நடிகரும், முன்னாள் மத்திய அமைச்சருமான சிரஞ்சீவி வரவேற்பு தெரிவித்துள்ளார். "பாலியல் துன்புறுத்தல்களால் பாதிக்கப்படும் பிரிவினராக உள்ள பெண்கள் மற்றும் குழந்தைகளுக்குத் தேவையான நம்பிக்கை மற்றும் பாதுகாப்பைத் தருவதாக இந்தச் சட்டம் இருக்கும் என்ற நம்பிக்கை எனக்கு உள்ளது. `திஷா' சம்பவம் நம் அனைவரையும் அதிர்ச்சி அடையச் செய்துவிட்டது. அந்தச் சம்பவத்தைத் தொடர்ந்து ஏற்பட்ட உணர்வுகள், உடனடி நீதி தேவை என்ற அவசியத்தை உணர்த்தின. உடனடி நீதி என்பதைவிட, விரைவான நீதி என்பது மிகவும் பயனுள்ளதாக இருக்கும் என்று எல்லோரும் நம்புகின்றனர். இந்நிலையில், ஆந்திரப் பிரதேச அரசு எடுத்துள்ள இந்த நடவடிக்கை மிகவும் பாராட்டுக்குரியது'' என்று தன்னுடைய அறிக்கையில் சிரஞ்சீவி கூறியுள்ளார். படத்தின் காப்புரிமை VAMSIKAKA / TWITTER Image caption சிரஞ்சீவி ``4 மாதங்களுக்கும் மேல் என இருந்த விசாரணை காலத்தை 21 நாட்கள் குறைப்பது, சிறப்பு நீதிமன்றங்கள் அமைப்பது, மற்ற கட்டமைப்பு வசதிகளை உருவாக்குவது முதலிய முயற்சிகளை பாராட்டுகிறேன். குற்றம் செய்யக் கூடிய சூழ்நிலையில் இருப்பவர்களின் மனதில் அச்சத்தை ஏற்படுத்தும் வகையில் சட்டங்களை உருவாக்கும் அரசுக்கு முழு மனதுடன் பாராட்டுகளை தெரிவித்துக் கொள்கிறேன். இந்த நடவடிக்கைகளைத் தொடர்ந்து, பெண்கள் சுதந்திரமாக, அச்சமின்றி வாழ முடியும் என நம்புகிறேன்'' என்றும் அவர் குறிப்பிட்டுள்ளார். `பிரச்சனையின் வேரை தொடவில்லை' பெண்களுக்கு எதிரான வன்முறைகளுக்கு முடிவுகட்டத் தேவையான நடவடிக்கைகளை எடுக்காமல், உணர்ச்சிகளின் அடிப்படையில் சட்டங்களை உருவாக்குவது புத்திசாலித்தனமானது அல்ல என்று ஆந்திரப் பிரதேச பார் கவுன்சில் உறுப்பினர் முப்பல்ல சுப்பாராவ் கூறியுள்ளார். பிபிசி செய்தியாளரிடம் பேசிய அவர், விரைவான நீதி வழங்குவது தொடர்பாக பல ஆணையங்கள் மற்றும் நாடாளுமன்ற கமிட்டிகளின் ஏராளமான பரிந்துரைகள் உள்ளதாகத் தெரிவித்தார். ``10 லட்சம் மக்கள் தொகைக்கு குறைந்தது 50 நீதிபதிகள் இருக்க வேண்டும் என்று தேசிய சட்ட ஆணையம் பரிந்துரை செய்துள்ளது. ஆனால் இப்போது 13 பேர் என்ற நிலைதான் உள்ளது. அதிலும்கூட, பல இடங்கள் காலியாக உள்ளன. ஆந்திரப் பிரதேச உயர்நீதிமன்றத்தில் 24 நீதிபதிகள் இருக்க வேண்டும். ஆனால் 13 பேர் மட்டுமே உள்ளனர். நிலைமை இப்படி இருக்கும் போது 21 நாட்களுக்கு தீர்ப்பளிக்க வேண்டும் என்பது எப்படி சாத்தியமாக இருக்கும்'' என்று அவர் சந்தேகங்கள் எழுப்பினார். Image caption நாடு முழுக்க ஒவ்வொரு ஆண்டும் குற்றச் செயல்களின் எண்ணிக்கை அதிகரித்துக் கொண்டே வருவதாக தேசிய குற்ற ஆவணக் காப்பகத்தின் தரவுகள் தெரிவிக்கின்றன. ``பாலியல் பலாத்கார குற்றம் நடந்தால், தடயவியல் துறையின் அறிக்கையைப் பெறுவதற்கே பல நாட்கள் ஆகும். இந்த நிலையில், இதுபோன்ற வழக்குகளில் ஒரு வாரத்திற்குள் குற்றப் பத்திரிகை தாக்கல் செய்ய வேண்டும் என்று மசோதா கூறுகிறது. அது எப்படி சாத்தியம்? இந்த மசோதாவை மறுபரிசீலனை செய்வது நல்லது'' என்று அவர் கருத்து தெரிவித்தார். `நடவடிக்கைகள் தேவையின் அடிப்படையில் அமையவில்லை' ``குற்றத்தின் தன்மைக்கு ஏற்ப தண்டனை வழங்க வேண்டியது அவசியம். ஆனால், அதை செயல்படுத்தத் தேவையான அமைப்புகள் பற்றி மசோதாவில் எதுவும் கூறப்படவில்லை'' என்று அனைத்திந்திய ஜனநாயக மாதர் சங்கத்தின் (AIDWA) தேசியச் செயலாளர் டி. ரமாதேவி கூறியுள்ளார். ``100 என்ற அவசர தொலைபேசி எண்ணுக்குத் தொடர்பு கொண்டால், பதில் அளிப்பதற்கு போதிய அலுவலர்கள் கிடையாது. இதுபோன்ற விஷயங்களுக்கு முன்னுரிமை அளிக்க வேண்டும். நீதித் துறையில் உள்ள காலிப் பணியிடங்கள் பற்றி குறிப்பிட்டுச் சொல்ல வேண்டியதில்லை. தேவைக்கு ஏற்ப பட்ஜெட் ஒதுக்கீடு செய்யப்பட வேண்டும். பெண்கள் கடத்தப்படும் குற்றச் செயல்களின் பட்டியலில் ஆந்திரப் பிரதேசம் 4வது இடத்தில் உள்ளது. இவற்றில் எதுவுமே இந்த மசோதாக்களில் குறிப்பிடப்படவில்லை'' என்று அவர் கூறினார். ``கௌரவக் கொலைகளை ஒழிப்பதற்கான நடவடிக்கைகள் பற்றி இந்த மசோதாக்களில் எதுவும் இல்லை. அவர்களை ஏன் இந்த அரசு புறக்கணித்துள்ளது? பெண்களுக்கு எதிரான குற்றங்களைத் தடுப்பதற்கான நடவடிக்கைகள் பற்றியும் மசோதாக்களில் எதுவும் குறிப்பிடவில்லை'' என்று ரமாதேவி கருத்து தெரிவித்தார். https://www.bbc.com/tamil/india-50782421
    • பல்லா சதீஷ் பிபிசி       ``சாலையில் ஒரு செருப்பு கிடந்தது. அங்கிருந்து சற்று தூரத்தில் அந்தப் பெண் விற்பனைக்கு பொருள்கள் எடுத்துச் செல்லும் பை கிடந்தது. அதற்கும் சற்றுத் தள்ளி, ஒட்டுத் துணிகூட இல்லாமல் அந்தப் பெண்ணில் உடல், முழுக்க ரத்தம் பூசியது போல் இருந்தது. சம்பவம் நடந்தபோது அவர் மாதவிலக்காகி ரத்தப்போக்கில் இருந்தார். யாரோ பிடித்து இழுத்ததைப் போல முடிகள் இருந்தன. மார்பில் கை விரல் நகத்தால் கீறிய காயத்தில் இருந்து ரத்தம் வந்து கொண்டிருந்தது. உள்ளங்கைகளிலும், விரல்களிலும் ரத்தம் கசித்து கொண்டிருந்தது. கண்கள் வெளியே வந்திருந்தன, தலையில் அடித்து இழுத்ததைப் போல தெரிந்தது. உடல் நலிந்து இருந்த நிலையில், ரத்தம் மெல்ல மெல்ல கருப்பாக மாறிக் கொண்டிருந்தது. தொண்டையில் அறுத்து அந்தப் பெண் கொலை செய்யப்பட்டிருக்கிறார்.'' ஆசிபாபாத் கூட்டு பாலியல் பலாத்காரம் மற்றும் கொலையில் உயிரிழந்த பெண்ணின் உடல் இந்த நிலையில் தான் இருந்துள்ளது. உடலைப் பார்த்த அவருடைய கணவரின் மூளையில் இந்த நினைவுகள் பதிந்துவிட்டன. சம்பவம் நடந்து 15 நாட்களுக்குப் பின் அவருடைய கணவர் விவரித்த காட்சி இது. தாம் பார்த்த போது, மனைவியின் உடல் எந்த நிலையில் கிடந்தது என்பதை அவர் விவரித்திருந்தார். ``அது ஒரு பெண்ணின் உடல் என்பதைப் போலகூட இல்லை. ஒரு பொம்மையை வைத்து விளையாடுவதைப் போல என் மருமகளுடன் அவர்கள் விளையாடி இருக்கிறார்கள்'' என்று கண்ணீருடன் அவருடைய மாமியார் கூறினார். என்ன நடந்தது? நிர்மல் மாவட்டம் கானாபுர் மண்டலத்தில் உள்ள ஒரு கிராமத்தைச் சேர்ந்த தம்பதியினர், ஆசிபாபாத் மாவட்டம் ஜெய்னுரு மண்டலில் ஒரு கிராமத்தில் சில காலம் தங்கியிருந்தனர். வீடு வீடாகச் சென்று பலூன்கள், ஹேர்பின்கள் விற்பது, தலைமுடிகளை வாங்கிக் கொண்டு பாத்திரங்கள் தருவது ஆகியவை தான் அவர்களின் தொழிலாக இருந்தது. ஜெய்னுரு மற்றும் லிங்கபுர் பகுதியில் உள்ள ஓரிரு கிராமங்களுக்கு தினமும் சென்று தொழில் செய்து வந்தனர். தங்கள் வசதிக்காக குழந்தைகளை கானாபூரில் உள்ள அவர்களின் பாட்டி வீட்டில் விட்டுவிட்டு, ஜெய்னுருவில் ஓர் அறை எடுத்து தங்கியிருந்தனர். மனைவியை ஒரு கிராமத்தில் இறக்கிவிட்டு, கணவர் இன்னொரு கிராமத்துக்குச் செல்வது தினசரி வழக்கமாக இருந்தது. அவர் திரும்பி வரும் போது மனைவியை அழைத்துச் செல்வார். நவம்பர் 24 ஆம் தேதியும் அதுவேதான் நடந்தது. ஒரு கிராமத்தில் மனைவியை இறக்கிவிட்டு சென்றார். ``நாங்கள் காலை 6 மணிக்கு வீட்டில் டீ குடித்துவிட்டு, ஜெய்னுருவில் இருந்து 25 கிலோ மீட்டர் தொலைவில் உள்ள கிராமத்துக்குப் புறப்பட்டோம். 10 - 15 நாட்களுக்கு ஒருமுறை ஒரு கிராமத்துக்கு மீண்டும் நாங்கள் செல்வோம். பிறகு அடுத்த கிராமத்துக்குச் செல்வோம். காலை சுமார் 6.30 மணிக்கு அந்தக் கிராமத்தில் மனைவியை இறக்கிவிட்டு, அங்கிருந்து 10 கிலோ மீட்டர் தொலைவில் உள்ள வேறொரு கிராமத்துக்கு நான் சென்றேன். பிற்பகல் 1 மணிக்கு மனைவியை இறக்கிவிட்ட கிராமத்துக்குத் திரும்பிச் சென்றேன். அவருடைய செல்போன் ஸ்விட்ச் ஆப் செய்யப்பட்டிருந்தது. அங்கு விசாரித்தபோது 10.30 மணிக்கே சென்றுவிட்டதாகத் தெரிவித்தனர். நாங்கள் தங்கியுள்ள அறைக்கு போன் செய்தேன். என் மனைவி அங்கே இல்லை என்று கூறினர். மறுபடியும் அந்தக் கிராமத்திற்கு திரும்பிச் சென்றேன். 10.30 மணிக்கே சென்றுவிட்டார் என்று எல்லோருமே கூறினர். அவரைப் பற்றி தகவல் தெரிந்தால் எனக்கு தெரிவியுங்கள் என்று கேட்டுக்கொண்டு, என் செல்போன் நம்பரை அவர்களிடம் கொடுத்துவிட்டு வந்தேன். பிறகு ஜெய்னுரு சென்று, பொருட்களை போட்டுவிட்டு, வேறு சிலருடன் சென்று தேட ஆரம்பித்தேன். ஆனால், மனைவியைப் பற்றிய தடயம் எதுவும் கிடைக்கவில்லை. நான் இல்லாமல் அவர் எங்கும் செல்ல மாட்டார். தீவிரமாகத் தேடியும் கிடைக்காததால் என் தம்பிக்கு போன் செய்தேன். அண்ணியைக் காணவில்லை என்று சொல்லி, நமக்கு தெரிந்தவர்களை அழைத்து வருமாறு கூறினேன்'' என்று அன்றைய தினம் நடந்த சம்பவங்களை அவருடைய கணவர் விவரித்தார். உயிரிழந்தவரின் கிராமத்தில் இருந்து உறவினர்களும் நண்பர்களும் சென்று தேடிப் பார்த்தனர். அவரைக் கண்டுபிடிக்க முடியாமல் போனதால் காவல் நிலையத்தில் அன்றிரவு புகார் கொடுத்தனர். உறவினர்களுடன் சேர்ந்து காவல் துறையினரும் தேடுதல் பணியில் ஈடுபட்டனர். அந்தப் பெண்ணுக்கு ஏதாவது நடந்திருந்தால் உடலை தூக்கி வீசியிருக்கலாம் என்ற சந்தேகம் இருந்ததால், அவர்கள் குழுக்களாகப் பிரிந்து சுற்றுப்புற கிராமங்களில் தேடினர். Image caption ``அது ஒரு பெண்ணின் உடல் என்பதைப் போலகூட இல்லை. ஒரு பொம்மையை வைத்து விளையாடுவதைப் போல என் மருமகளுடன் அவர்கள் விளையாடி இருக்கிறார்கள்'' என்று கண்ணீருடன் அவருடைய மாமியார் கூறினார். ``காலையில் மீண்டும் நாங்கள் தேடினோம். உள்ளூர் கிராமவாசிகளும் தேடுவதற்கு உதவினர். இதற்கிடையில், சாலையில் ஒரு செருப்பு கிடப்பதை இளைஞர் ஒருவர் பார்த்திருக்கிறார். சற்று தொலைவில், ஒரு பையில் சில பொருள்கள் கிடந்துள்ளன. இன்னும் சற்றுத் தள்ளி மரங்களுக்கு இடையே ஒரு சடலம் கிடந்தது. அண்ணா உடல் கிடக்கிறது என அவர் கூச்சல் போட்டார். எல்லோரும் அங்கே சென்றோம்'' என்றும் கணவர் கூறினார். கொடூரமான செயல் தாம் பார்த்தபோது உடல் எப்படிக் கிடந்தது என்பதைக் கூறிய அவருடைய கணவர், ``அது ரொம்பவும் கொடூரமானது. அவர்கள் மிகக் கொடூரமாக நடந்து கொண்டிருக்கிறார்கள். அப்போது அவளுக்கு மாதவிலக்காகி ரத்தப் போக்கு ஏற்பட்டிருக்கிறது. கைகளிலும், கால்களிலும் நகக் கீறல்கள் இருக்கின்றன. தொண்டையை அறுத்திருக்கிறார்கள். விரல்களை வெட்டியிருக்கிறார்கள். வலியால் உடல் துடித்திருப்பதைப் போல தெரிகிறது. உடலில் துணி எதுவும் இல்லை. அவளைக் கொடுமைப்படுத்தி கொன்றிருக்கிறார்கள். ரத்த வெள்ளத்தில் உடல் கிடந்தது. தலைமுடியைப் பிடித்து இழுத்துச் சென்றதற்கான அடையாளங்கள் இருந்தன. மார்பிலும் உடலிலும் நகத்தால் கீறிய அடையாளங்கள் இருந்தன. உடலில் இருந்து தோல் உரிந்து போயிருந்தது. உடல் தளர்ந்து போய், ரத்தம் மெல்ல கருப்பாக மாறிக் கொண்டிருந்தது. உடல் உப்பிவிட்டது. அவள் தாக்கப்பட்டிருக்கிறாள். கல்லால் அடித்து மண்டை ஓட்டை உடைத்திருக்கிறார்கள். கண்கள் வெளியே வந்துவிட்டன. தன்னை விடுவித்துக் கொள்ள போராடியதன் அடையாளமாக அவளுடைய கால்கள் குறுக்கே இருந்தன. கழுத்து, தொடைகள் மற்றும் உடலின் அடிப்பகுதிகளில் இருந்து ரத்தம் கசிந்து கொண்டிருந்தது. வெறும் கைகளால் கத்தியை அவள் பிடுங்கியபோது நரம்பு அறுபட்டிருக்கிறது'' என்று கூறினார். சோகத்துடன் இவற்றை அவர் தெரிவித்தார். ``ரத்த வெள்ளத்தில் அவளுடைய உடலை போட்டிருக்கின்றனர். அவளுடைய கைகளை உடைத்திருக்கிறார்கள். உடல் முழுக்கவே கருப்பாகிவிட்டது. துணிகள் எதுவும் இல்லை. தொண்டையை அறுத்திருக்கிறார்கள். தன் தலைமுடியை அவள் இழுத்துக் கொண்டிருக்கிறாள். வேதனையில் துடித்திருக்கிறாள். ஆனால் தொண்டையை அறுத்த நிலையில் அவளால் என்ன செய்ய முடியும்? ஒரு பொம்மையை வைத்து விளையாடுவதைப் போல என் மருமகளை வைத்து அவர்கள் விளையாடி இருக்கிறார்கள். இதையெல்லாம் பார்த்து நான் வேதனையில் துடித்தேன். தலைமுடி அலங்கோலமாக இருந்தது. அது ஒரு பெண்ணின் உடலைப் போலவே இல்லை. ஒரு பிசாசின் உடலைப் போல இருந்தது'' என்று அவருடைய மாமியார் அழுதபடி கூறினார்.   இறந்தவருக்கு இரண்டு மகன்கள் உள்ளனர். அவர்கள் பாட்டி வீட்டில் தங்கி 6 மற்றும் 8 ஆம் வகுப்பு படித்து வருகிறார்கள். ``அவர்களை நான் எப்படி வளர்க்கப் போகிறேன்? அவள் உயிரோடு இருந்திருந்தால், குடும்பத்துக்கு தைரியம் தருபவளாக இருந்திருப்பாள். ஆனால் இப்போது அந்த தைரியம் போய்விட்டது'' என்று மாமியார் குறிப்பிட்டார். ``என் மகனும், மருமகளும் எப்போதும் ஒன்றாகத்தான் இங்கே வருவார்கள். எங்கேயும் அவர்கள் தனியாகச் சென்றது கிடையாது. பொருள்கள் விற்க ஏதாவது கிராமத்துக்கு மருமகள் சென்றாலும், கணவன் வரும் வரை காத்திருப்பாள். ஆட்டோ பிடித்து போய்விட மாட்டாள்'' என்றும் அவர் நினைவுகூர்ந்தார். ``ஒரு வெற்றிடத்தை அவள் விட்டுச் சென்றிருக்கிறார். என்ன செய்வது என எங்களுக்குத் தெரியவில்லை. குழந்தைகள் இப்போது அநாதைகளாகிவிட்டனர். என் மகனும் மருமகளும் ஒன்றாக வேலைக்குச் சென்று வந்தனர். அந்தப் பகுதியில் நல்ல வியாபாரம் இருந்தது. ஆனால் என்னால் அங்கு செல்ல முடியாது. அவளுடைய நினைவுகள் எனக்கு வந்து கொண்டே இருக்கும். அவள் இருந்திருந்தால், குடும்பத்தைப் பாதுகாத்திருப்பாள்'' என்று அவருடைய கணவர் கூறினார். குற்றஞ்சாட்டப்பட்டவர்கள் கைது இந்தச் சம்பவத்தில் தொடர்புடையதாக மூன்று பேரை காவல் துறையினர் கைது செய்துள்ளனர். இப்போது அவர்கள் ஆதாரங்களைத் திரட்டி வருகின்றனர். ``நவம்பர் 24 ஆம் தேதி இரவு 8 மணிக்கு வழக்குப் பதிவு செய்யப்பட்டுள்ளது. முதலில் ஆள் காணாமல் போன வழக்கு என்று பதிவு செய்தோம். பிறகு, உடல் மீட்கப்பட்டதும், அது பாலியல் பலாத்காரம் மற்றும் கொலை வழக்காக மாற்றப்பட்டது. அந்தப் பெண் தாழ்த்தப்பட்ட சமூகத்தைச் சேர்ந்தவர் என்பதால் தாழ்த்தப்பட்ட, பழங்குடியினர் வன்கொடுமை தடுப்புச் சட்டப் பிரிவுகளும் இதில் சேர்க்கப்பட்டுள்ளன. குழுக்களுடன் சேர்ந்து காவல் துறையினரும் தேடுதல் பணியில் ஈடுபட்டனர். ஆதாரங்கள் திரட்டுவதற்காக சிறப்பு காவல் குழுக்களையும் நாங்கள் பணியில் ஈடுபடுத்தினோம். விசாரணை அறிக்கை மற்றும் உடற்கூறு ஆய்வறிக்கை மூலம் அவருடைய உடலில் இருந்த தடயங்கள், ஆதாரங்களின் விவரங்களை சேகரித்தோம். குற்றஞ்சாட்டப்பட்டவர்களை நாங்கள் நீதிமன்றத்தில் ஆஜர்படுத்தினோம். தடயவியல் துறை அறிக்கைக்காக காத்திருக்கிறோம். மற்ற விசாரணைகள் எல்லாம் ஏறத்தாழ முடிந்துவிட்டன. இன்னும் இரண்டு, மூன்று நாள்களில் தடயவியல் அறிக்கை கிடைத்ததும் நாங்கள் குற்றப் பத்திரிகை தாக்கல் செய்துவிடுவோம். அதாவது 20 நாட்களுக்குள் நாங்கள் குற்றப்பத்திரிகை தாக்கல் செய்கிறோம். விரைவு நீதிமன்றம் ஒன்றை அமைக்க வேண்டும் என்று அரசுக்கு நாங்கள் கடிதம் எழுதியுள்ளோம். அது உருவாக்கப்பட்டால், சட்டத்தின்படி கடுமையான தண்டனைகளைப் பெற்றுத் தர எங்களால் இயன்ற அளவுக்கு தீவிர முயற்சிகளை எடுப்போம்'' என்று ஆசிபாபாத் காவல் கண்காணிப்பாளர் எம். மல்லா ரெட்டி பிபிசியிடம் தெரிவித்தார். Image caption சம்பவ இடம் ``இந்தச் சம்பவத்தில் குற்றஞ்சாட்டப்பட்டவர்களில் ஒருவர் மீது மோட்டார் சைக்கிள் திருட்டு வழக்கு ஒன்று நிலுவையில் உள்ளது. இந்த மூன்று பேரின் மனைவியரும், அவர்களைப் பிரிந்து வாழ்கிறார்கள். சட்டவிரோதமாக மூங்கில் கடத்தும் தொழிலில் இவர்கள் ஈடுபட்டிருந்ததாக கிராமவாசிகள் தெரிவித்தனர். இப்போது அவர்கள் நீதிமன்ற காவலில் உள்ளனர். அந்தப் பெண்ணின் தொண்டையை அறுத்தபோது, இவர்களுடன் வேறு இரண்டு பேர் அந்தப் பெண்ணை பிடித்துக் கொண்டிருந்தனர். குற்றஞ்சாட்டப்பட்டவர்கள் எப்போதும் கத்தி வைத்திருப்பார். விசாரணை நடந்த போது, இவர்கள் குற்றத்தை ஒப்புக்கொண்டனர்'' என்று ஆசிபாபாத் காவல் துணை கண்காணிப்பாளர் சத்யநாராயணா தெரிவித்தார். முரண்பாடு ஹைதராபாத்தில் திஷா சம்பவம் நடந்ததற்கு மூன்று நாட்களுக்கு முன்னதாக இந்தச் சம்பவம் நடந்துள்ளது. இருந்தபோதிலும் இரு சம்பவங்களும் ஒரே காலக்கட்டத்தில் நடந்துள்ளன என்றாலும், இந்த சம்பவத்தை அரசும், அரசியல் தலைவர்களும், காவல் துறையினரும், ஊடகத்தினரும் புறக்கணித்திருக்கிறார்கள் என்று தலித் அமைப்புகள் குற்றஞ்சாட்டுகின்றன. ``இதர சமூகத்தைச் சேர்ந்த ஒரு பெண் ஹைதராபாத்தில் பாலியல் பலாத்காரம் செய்து கொல்லப்பட்டிருக்கிறார், ஆசிபாபாத்தில் தாழ்த்தப்பட்ட ஒரு பெண் பாலியல் பலாத்காரம் செய்து கொல்லப்பட்டிருக்கிறார். ஆசிபாபாத் சம்பவத்தில் குற்றஞ்சாட்டப்பட்டவர்கள் இன்னும் தண்டிக்கப்படவில்லை. விரைவு நீதிமன்றமும் இல்லை. ஆனால் ஆசிபாபாத் சம்பவத்துக்குப் பிறகு நிகழ்ந்த, ஹைதராபாத் சம்பவத்திற்கு விரைவு நீதிமன்றம் அமைக்கப்பட்டது. விரைவு நீதிமன்றம் தீர்ப்பு வழங்குவதற்காக ஏன் இரண்டு மாதங்கள் காத்திருக்க வேண்டும் என்று நினைத்ததாலோ என்னவோ, குற்றஞ்சாட்டப்பட்ட நபர்களை வெளியில் அழைத்து வந்து `என்கவுண்டரில்' சுட்டுக் கொன்றுவிட்டார்கள். தெலங்கானாவில் பிற்படுத்தப்பட்ட வகுப்பினர், தாழ்த்தப்பட்ட மற்றும் பழங்குடி வகுப்பினர் பெண்கள் நிறைய பேர் பாலியல் பலாத்காரத்துக்கு ஆளாகின்றனர். ஆனால் இந்த வழக்குகளில் நீதி கிடைப்பது என்பது கானல் நீராகவே உள்ளது. நான்கு குழந்தைகளைக் கொலை செய்த சீனிவாச ரெட்டி இன்னும் சிறையில் இருக்கிறார். எந்த சமுதாயத்தினராக இருந்தாலும் பாதிக்கப்பட்ட பெண்களுக்கு குரல் கொடுக்கும் மடிகா இடஒதுக்கீடு போராட்ட சமிதி (எம்.ஆர்.பி.எஸ்.) ஆறுதல் கூறி, அவர்களுக்காக போராடி வருகிறது. இருந்தபோதிலும், ஹைதராபாத் சம்பவத்தில், பாதிக்கப்பட்ட பெண்ணின் சமுதாயத்தைச் சேர்ந்த தலைவர்கள் அவரைப் பற்றி மட்டுமே பேசினர். நாடாளுமன்றத்திலும்கூட அந்தப் பெண்ணைப் பற்றி மட்டுமே பேசினர். இது பாகுபாடு இல்லையா'' என்று அந்த அமைப்பின் நிறுவனர் மன்டா கிருஷ்ணா கேள்வி எழுப்புகிறார். ஆசிபாபாத் சம்பவத்தில் கொல்லப்பட்டவரின் குடும்பத்தினருக்கு நீதி கிடைக்க வேண்டும் என்று வலியுறுத்தி அந்தப் பகுதியில் பல்வேறு அமைப்புகள் போராட்டங்கள் நடத்தியுள்ளன. 3 மண்டலங்களில் முழு அடைப்புப் போராட்டம் நடைபெற்றது. குற்றஞ்சாட்டப்பட்ட ஒருவரின் மோட்டார் சைக்கிளை, போராட்டக்காரர்கள் தீயிட்டுக் கொளுத்தினர். தலித் அமைப்புகளின் தலைவர்கள், கொல்லப்பட்ட பெண்ணின் குடும்பத்தினரை சந்தித்து ஆறுதல் கூறியுள்ளனர். ``பழங்காலத்தின்படி நியாயம் வழங்குங்கள் என்று நாங்கள் கேட்கவில்லை. அரசியல்சட்டத்துக்கு உள்பட்டும், சட்டத்தின் ஆட்சிக்கு உட்பட்டும் நீதி கிடைக்க வேண்டும் என்று தான் நாங்கள் வலியுறுத்துகிறோம்.ஹைதராபாத் சம்பவத்தில் குற்றஞ்சாட்டப்பட்ட நபர்களை விவரித்துக் கூறிய ஊடகத் துறையினர், ஆசிபாபாத் சம்பவத்தில் குற்றஞ்சாட்டப்பட்டவர்கள் என்று மட்டுமே கூறுகின்றனர். ஹைதராபாத் சம்பவத்தில் உயிரிழந்தவரின் குடும்பத்தினருக்கு ஆறுதல் கூற நாங்களும் சென்றிருந்தோம். ஆனால் ஊடகங்களின் செய்திகளில் வரவில்லை. இப்போதும்கூட ஹைதராபாத் சம்பவம் பற்றி, புதிய புதிய கட்டுரைகள் வெளியாகிக் கொண்டிருக்கின்றன. ஆசிபாபாத் சம்பவம் தொடர்பாக இவை எல்லாம் காணாமல் போனது ஏன்?''என்று கிருஷ்ணா கேட்கிறார். விரைவு நீதிமன்றம் இனிமேல் தான் அமைக்கப்பட வேண்டும். ஆனால் ஆசிபாபாத் சம்பவத்துக்குப் பிறகு நடந்த ஹைதராபாத் சம்பவம் தொடர்பாக விரைவு நீதிமன்றத்தை அரசு அமைத்துவிட்டது என்கிறார் கிருஷ்ணா. இதுபற்றி சமூக ஊடகங்களில் பலர் விவாதிக்கத் தொடங்கிவிட்டனர். சாதி வித்தியாசம் காரணமாகத்தான் இந்த இரு சம்பவங்களை அணுகிய நடைமுறைகளிலும் வித்தியாசம் இருக்கிறது என்பதை விவாதங்கள் வெளிப்படுத்தியுள்ளன. இதன்விளைவாக 15 நாட்களுக்குப் பிறகு, காங்கிரஸ் மற்றும் பாஜக தலைவர்கள், பாதிக்கப்பட்ட குடும்பத்தினரை சந்தித்துள்ளனர். உதவி தாழ்த்தப்பட்டோர், பழங்குடியினர் வன்கொடுமை தடுப்புச் சட்ட விதிகளின்படி ரூ.8.25 லட்சம் உதவித் தொகை வழங்குவதாக மாவட்ட நிர்வாகம் உறுதியளித்துள்ளது. ரூ.4.25 லட்சம் ஏற்கெனவே, அந்தப் பெண்ணின் கணவரிடம் ஒப்படைக்கப் பட்டுள்ளது. அது தவிர, குடும்பத்தில் ஒருவருக்கு வேலை, மூன்று ஏக்கர் நிலம், இரண்டு படுக்கை அறைகள் கொண்ட அடுக்குமாடி வீடு ஆகியவை வழங்குவதாக வாக்குறுதி தரப்பட்டிருப்பதாக பெண்ணின் கணவர் தெரிவித்தார். இரு குழந்தைகளையும் தெலங்கானா மாடல் பள்ளியில் சேர்க்க மாவட்ட காவல் துறை ஏற்பாடு செய்துள்ளது. https://www.bbc.com/tamil/50784007