வடக்கு கிழக்கு மக்களின் வலியை புரிந்து கொள்கிறோம் _கெஹெலிய

[பிழம்பு]

யுத்தம் நிறைவடைந்த பின்னர் பாரிய அபிவிருத்தியை வடக்கில் செய்தோம்.ஆயினும் வடக்கு கிழக்கு மக்கள் எமது வேட்பாளரை ஆதரிக்கவில்லை.
வடக்கு கிழக்கு மாகா­ணங்­களில் தேர்தல் முடி­வு­களை பார்க்­கும்­போது தமிழ் மக்­களின் வேதனை எங்­க­ளுக்கு புரி­கின்­றது. அந்த மக்­களின் உட­னடி தேவை என்ன என்­பது குறித்து நாங்கள் நிச்­சயம் ஆராய்ந்து பார்ப்போம் என்று ஐக்­கிய மக்கள் சுதந்­திர முன்­ன­ணியின் நாடாளுமன்ற உறுப்­பினர் கெஹெ­லிய ரம்­புக்­வெல தெரி­வித்தார். தேர்தல் முடி­வுகள் மற்றும் எதிர்­கால செயற்­பா­டுகள் தொடர்பில் கருத்து வெளி­யி­டு­கை­யி­லேயே அவர் இதனை குறிப்­பிட்டார்.

அவர் இந்த விடயம் குறித்து மேலும் குறிப்­பி­டு­கையில்

நடந்து முடிந்த ஜனா­தி­பதி தேர்­தலில் எமது தரப்பு வேட்­பாளர் கோத்­த­பாய ராஜ­பக்ச அமோக வெற்­றி­யீட்­டி­யுள்ளார். இது­வொரு வர­லாற்று ரீதி­யான வெற்­றி­யாகும். ஐக்­கிய தேசிய கட்­சியை மக்கள் நிரா­க­ரித்­துள்­ளனர்.
ஆனால் வடக்கு கிழக்கு மாகா­ணங்­களில் தமிழ் மக்கள் அதி­க­ளவு எமது வேட்­பா­ள­ருக்கு வாக்­க­ளிக்­க­வில்லை. எனினும் வடக்கு கிழக்கு தமிழ் மக்­களின் வலியை நாங்கள் புரிந்­து­கொள்­கின்றோம்.
வடக்கு கிழக்கு தமிழ் மக்கள் யுத்­தத்­தினால் பாதிக்­கப்­பட்டு இழப்­புக்­களை சந்­தித்­த­வர்கள். எனவே அவர்­க­ளுக்கு அந்த வலி இருக்கும். அதனால் தமிழ் மக்கள் தேர்­தல்­களில் தமது எதிர்ப்பை பதிவு செய்­கின்­றனர்.
உதா­ர­ண­மாக எனது மகன் ஒரு தரப்­பி­னரால் தண்­டிக்­கப்­பட்டால் என்னால் பொறுத்­துக்­கொள்ள முடி­யாமல் போகும். எனது மகன் தவறு செய்­தி­ருந்­தாலும் கூட என்னால் அவர் தண்­டிக்­கப்­ப­டு­வதை தாங்­கிக்­கொள்ள முடி­யாது. அந்த தரப்­பினர் பின்னர் என்­னிடம் ஆத­ரவு கேட்டு வந்தால் நானும் ஆத­ரவு வழங்க மாட்டேன். அதன்­போது என்­னு­டைய உணர்வு புரிந்­து­கொள்­ளப்­ப­ட­வேண்­டி­யது அவசியம்.”என்று தெரிவித்தார்.

https://newuthayan.com/வடக்கு-கிழக்கு-மக்களின்/

[ஏராளன்]

முதலைக் கண்ணீர்!

[nunavilan]

உந்தாள் சொன்ன பொய்களின் அளவை அளவிட முடியாது. மீண்டும் வேதாளம்…………………...

[குமாரசாமி]

Quote

வடக்கு கிழக்கு மக்களின் வலியை புரிந்து கொள்கிறோம் _கெஹெலிய 

உந்தாள் கொத்தாரை(கோத்தபாய) விட மோசமான ஆளெல்லோ? அவுஸ்ரேலியாவிலை தண்ணியடிச்சுப்போட்டு பிரண்டு விழுந்ததாலை மண்டை ஏதும் லூசாய்ப்போச்சுது போல..😎

[ஈழப்பிரியன்]

11 minutes ago, குமாரசாமி said:

உந்தாள் கொத்தாரை(கோத்தபாய) விட மோசமான ஆளெல்லோ? அவுஸ்ரேலியாவிலை தண்ணியடிச்சுப்போட்டு பிரண்டு விழுந்ததாலை மண்டை ஏதும் லூசாய்ப்போச்சுது போல..😎

தண்ணியில் விழுந்ததாக கூறினாலும்

யன்னலால் பக்கத்து அறைக்கு தாவும் போதே விழுந்ததாக கூறினார்கள்.பக்கத்து அறை யாரோ பெண்மணிக்கு ஒதுக்கப்பட்டிருந்ததாம்.
எனினும் இந்த செய்தியை உறுதிப்படுத்த முடியவில்லை.

[satan]

அடுத்த தேர்தலுக்கு வாக்குச் சேர்க்கும் தந்திரம்

[போல்]

வெறும் வார்த்தை ஜாலங்களால் துன்பங்களை அனுபவிக்கும் தமிழர்களை, ஏமாறும் மனநிலையில் உள்ள தமிழர்களை இலகுவில் ஏமாற்றிவிடலாம் என்ற நம்பிக்கையில் கெஹெலிய மட்டுமல்ல சம்மந்தன்-சுமந்திரன்-மாவை கும்பலும் அரசியல் செய்து  வருகின்றனர்.