கடல் கொந்தளிப்பால் தனுஷ்கோடியில் உருவாகியுள்ள புதிய தீடை..!

[ampanai]

கடல் கொந்தளிப்பு காரணமாக தனுஷ்கோடி அரிச்சல்முனை கடல் பகுதியில் புதிய மணல் தீடை உருவாகியுள்ளது. இதை, சுற்றுலாப் பயணிகள் ஆர்வமுடன் கண்டு ரசித்தனர்.

ராமநாதபுரம் மாவட்டம் ராமேஸ்வரத்தில் இருந்து 25 கி.மீ. தொலைவில் உள்ள தனுஷ்கோடி அரிச்சல்முனை கடற்கரைக்கும், இலங்கைக்கும் இடையேயுள்ள கடல் பகுதியில் 13 மணல் தீடைகள் உள்ளன.

இதில் 5ஆவது தீடையுடன் இந்திய கடல் எல்லை முடிவடைகிறது. இந்த மணல் தீடைகள், பகல் முழுவதும் கடல்நீர் வற்றிய நிலையிலும், இரவு நேரங்களில் கடல்நீர் சூழ்ந்தும் காணப்படுவது வழக்கம். 

 

 

இந்நிலையில், சமீபத்தில் ஏற்பட்ட வட கிழக்கு பருவக் காற்றால் தனுஷ்கோடி அரிச்சல்முனை கடலில் கொந்தளிப்பு ஏற்பட்டு, இராட்சத அலைகள் எழுந்தன.

இதனால் வெளியேறிய கடல்நீரால் அங்குள்ள தேசிய நெடுஞ்சாலை ரவுண்டானாவின் சுற்றுச் சுவர் சேதமடைந்தது. அத்துடன், ரவுண்டானாவைச் சுற்றி 100 மீற்றர் துாரத்தில் இருந்த மணல் பரப்பும் மூடப்பட்டது. 

இந்நிலையில் நேற்று, திடீரென ரவுண்டானா அருகில் புதிய மணல் தீடை உருவானது. இதில் கடல் புறாக்கள் கூட்டம் கூட்டமாக வந்து அமர்ந்தன.

புதிய மணல் தீடை மற்றும் கடல் புறாக்களை டெலஸ்கோப் மூலம் சுற்றுலாப் பயணிகள் ஆர்வமுடன் கண்டு ரசித்தனர்.

“கடலில் ஏற்படும் நீரோட்ட மாற்றத்தினால், இன்னும் ஒரிரு நாளில்  இந்த மணல் தீடை முழுமையாக மூடப்பட்டு விடும்” என, அப்பகுதி மீனவர்கள் தெரிவித்தனர்.

https://www.virakesari.lk/article/69434

[பெருமாள்]

சும்மாவே அந்தபகுதியில் கடல் நீர்ஓட்டம் சலங்கை கட்டி பரதநாட்டியம் ஆடும் மாரிகாலத்தில் சொல்லவே வேண்டாம் இதுக்குள்ள சொல்ல சொல்ல இலங்கை இந்திய கடல்பகுதியை ஆழம் ஆக்குரம் என்று ஒரு கூட்டம் கிளம்பியது பலருக்கு மறந்து போயிருக்கும் .