Sign in to follow this  
nunavilan

ஆப்கானிஸ்தானுக்கு எதிராக மேற்கிந்திய தீவுகள் இலகு வெற்றி

Recommended Posts

ஆப்கானிஸ்தானுக்கு எதிராக மேற்கிந்திய தீவுகள் இலகு வெற்றி

 
297381-696x464.jpg
©AFP

ஆப்கானிஸ்தான் மற்றும் மேற்கிந்திய தீவுகள் அணிகள் இடையிலான டெஸ்ட் போட்டியில் மேற்கிந்திய தீவுகள் அணி 9 விக்கெட்டுக்களால் இலகு வெற்றியினை பதிவு செய்திருக்கின்றது. 

இந்தியாவிற்கு சுற்றுப் பயணம் மேற்கொண்டுள்ள ஆப்கானிஸ்தான், மேற்கிந்திய தீவுகள் ஆகிய அணிகள் தமது சுற்றுப் பயணத்தில் ஒருநாள், T20 தொடர்கள் நிறைவடைந்த பின் தற்போது ஒரு போட்டி கொண்ட டெஸ்ட் தொடரில் ஆடுகின்றன.  

அந்தவகையில், ஆப்கானிஸ்தான், மேற்கிந்திய தீவுகள் அணிகள் மோதும் டெஸ்ட் போட்டி இந்தியாவின் லக்னோ நகரில் கடந்த புதன்கிழமை (29) ஆரம்பமானது. போட்டியின் நாணய சுழற்சியில் வென்ற மேற்கிந்திய தீவுகள் அணியின் தலைவர் ஜேசன் ஹோல்டர் முதலில் துடுப்பாடும் சந்தர்ப்பத்தை ஆப்கான் வீரர்களுக்கு வழங்கினார். 

அதன்படி முதலில் துடுப்பாடிய ஆப்கானிஸ்தான் கிரிக்கெட் அணி மேற்கிந்திய தீவுகளின் ரஹீம் கோர்ன்வால் உடைய சுழல் பந்துவீச்சை சமாளிக்க முடியாமல் முதல் இன்னிங்ஸில் 187 ஓட்டங்களை மாத்திரமே பெற்றது. 

ஆப்கானிஸ்தான் அணியின் துடுப்பாட்டம் சார்பில் ஜாவேத் அஹ்மடி 39 ஓட்டங்கள் பெற்று தனது தரப்பில் அதிகபட்ச ஓட்டங்கள் பதிவு செய்ய, ரஹீம் கோர்ன்வால் 75 ஓட்டங்களுக்கு 7 விக்கெட்டுக்கள் கைப்பற்றி டெஸ்ட் போட்டிகளில் தனது சிறந்த பந்துவீச்சினை பதிவு செய்திருந்தார். அதேவேளை ஜேசன் ஹோல்டர் 2 விக்கெட்டுக்களை சுருட்டியிருந்தது குறிப்பிடத்தக்கது.  

பின்னர் தமது முதல் இன்னிங்ஸில் துடுப்பாடிய மேற்கிந்திய தீவுகள் அணி 277 ஓட்டங்களைக் குவித்துக் கொண்டது. மேற்கிந்திய தீவுகள் அணியின் துடுப்பாட்டம் சார்பில் சாமர் புரூக்ஸ் தனது கன்னி சதத்துடன் 15 பௌண்டரிகள் ஒரு சிக்ஸர் அடங்கலாக 111 ஓட்டங்களைப் பெற்றார். அதேநேரம், ஜொன் கெம்பல் 55 ஓட்டங்களை எடுத்திருந்தது குறிப்பிடத்தக்கது. 

மறுமுனையில் ஆப்கானிஸ்தான் அணியின் பந்துவீச்சு சார்பில் இடதுகை சுழல்வீரரான அமீர் ஹம்சா 5 விக்கெட்டுக்களைச் சாய்க்க ஆப்கானிஸ்தான் அணியின் தலைவர் ரஷீட் கான் 3 விக்கெட்டுக்களை சுருட்டியிருந்தது குறிப்பிடத்தக்கது.

தொடர்ந்து 90 ஓட்டங்கள் பின்தங்கியவாறு தமது இரண்டாம் இன்னிங்ஸ் துடுப்பாட்டத்தை ஆரம்பித்த ஆப்கானிஸ்தான் அணி இம்முறை 120 ஓட்டங்களை மாத்திரமே பெற்று அனைத்து விக்கெட்டுக்களையும் பறிகொடுத்தது. ஆப்கானிஸ்தான் அணியின் துடுப்பாட்டம் சார்பில், ஜாவேத் அஹ்மடி போராட்டமான ஆட்டத்தை வெளிக்காட்டி 62 ஓட்டங்கள் பெற்றார். 

அதேநேரம், ஆப்கானை மிரட்டிய மேற்கிந்திய தீவுகள் அணியின் பந்துவீச்சு சார்பில் ரஹீம் கோர்ன்வால், ரொஸ்டன் சேஸ் மற்றும் ஜேசன் ஹோல்டர் ஆகியோர் தலா 3 விக்கெட்டுக்கள் வீதம் சாய்த்திருந்தது குறிப்பிடத்தக்கது. 

ஆப்கான் அணியின் இரண்டாம் இன்னிங்ஸ் துடுப்பாட்டத்தை அடுத்து போட்டியின் வெற்றி இலக்காக 30 ஓட்டங்கள் மாத்திரமே நிர்ணயம் செய்யப்பட்டது.

இந்த வெற்றி இலக்கினை அடைய பதிலுக்கு துடுப்பாடிய மேற்கிந்திய தீவுகள் கிரிக்கெட் அணி தமது இரண்டாம் இன்னிங்ஸில் 33 ஓட்டங்களுடன் போட்டியின் வெற்றி இலக்கினை அடைந்தது. மேற்கிந்திய தீவுகள் அணியின் வெற்றியினை ஜோன் கெம்பல் 19 ஓட்டங்களுடன் உறுதி செய்திருந்தார். 

போட்டியின் ஆட்டநாயகனாக இப்போட்டியில் மொத்தமாக 10 விக்கெட்டுக்களைக் கைப்பற்றிய ரஹீம் கோர்ன்வால் தெரிவு செய்யப்பட்டிருந்தார். 

போட்டியின் சுருக்கம்

ஆப்கானிஸ்தான் (முதல் இன்னிங்ஸ்) – 187 (68.3) ஜாவேத் அஹ்மடி 39, ரஹீம் கோர்ன்வால் 75/7, ஜேசன் ஹோல்டர் 22/2 

மேற்கிந்திய தீவுகள் (முதல் இன்னிங்ஸ்) – 277 (83.3) சாமர் புரூக்ஸ் 111, ஜோன் கெம்பல் 55, ஷேன் டோவ்ரிச் 42, அமீர் ஹம்ஸா 74/5, ரஷீட் கான் 114/3

ஆப்கானிஸ்தான் (இரண்டாம் இன்னிங்ஸ்) – 120 (43.1) ஜாவேத் அஹ்மடி 62, ரொஸ்டன் சேஸ் 10/3, ஜேசன் ஹோல்டர் 20/3, ரஹீம் கோர்ன்வால் 46/3

மேற்கிந்திய தீவுகள் – 33/1 (6.2) ஜோன் கெம்பல் 19*, அமீர் ஹம்ஸா 5/1(2.2)

முடிவு – மேற்கிந்திய தீவுகள் 9 விக்கெட்டுக்களால் வெற்றி 

http://www.thepapare.com/afghanistan-vs-west-indies-2019-only-test-roundup-tamil/

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • ஆல்டா நகருக்கு அருகே சக்திவாய்ந்த நிலச்சரிவுக்குப் பின்னர் நோர்வேயில் எட்டு வீடுகள் கடலில் அடித்துச் செல்லப்பட்டுள்ளன. நிலச்சரிவை ஒரு உள்ளூர் குடியிருப்பாளரான ஜான் எகில் பக்கெடால் படமாக்கியுள்ளார் - இழந்த வீடுகளில் ஒன்று அவருக்கு சொந்தமானது - மேல் உள்ளது அவரின் ஒளி தொகுப்பு . இணைப்பு பெருமாள் https://www.theguardian.com/world/video/2020/jun/04/landslide-in-norway-sweeps-houses-into-the-sea-video?CMP=fb_gu&utm_medium=Social&utm_source=Facebook&fbclid=IwAR2iz_dBalPoyA48ZVC3TbZWT8bPKzklIxAe5UGcwrSy4FZRZVu4VXhExIo#Echobox=1591308230
    • Excellent Post Praba.  Much appreciated.  I will bother you in the future if I need any help. 
    • Tholar Balan 16 நிமிடங்கள்  ·    •கேட்பவன் கேணையன் என்றால் காட்டெருமை ஏரோப்பிளேன் ஓட்டுது என்று சொல்வார்கள்! செய்தி - புத்தரின் போதனைகள் மூலம் கொரோனோவை வெற்றி கொண்டுள்ளோம் - பிரதமர் மகிந்த ராஜபக்சா. நம்பிட்டோம் பிரதமர் அவர்களே! அப்படியே அந்த கிளிநொச்சிவரை வந்தவிட்ட வெட்டுக்கிளி கூட்டத்தையும் புத்தரின் போதனைகள் மூலம் விரட்டிவிடுங்கள். அடுத்து, மலையகத்தில் நேற்றும் ஒரு பெண் குளவிக்கடியால் இறந்துள்ளார். அந்த குளவிகளையும் கொஞ்சம் புத்தரின் போதனைகள் மூலம் கலைத்து விடுங்கள். தமிழர்களின் கிழக்கு மண்ணில் தொல்பொருள் ஆய்வு செயலணி நியமித்துள்ளீர்கள். அதில் ஒரு தமிழருக்குகூட இடமளிக்கவில்லை. அதற்கும்கூட புத்தரின் போதனைகள்தான் காரணமா பிரதமர் அவர்களே? அடுத்தமுறை இந்தியா சென்று திருப்பதி வெங்கடஜலபதியை வணங்கும்போது உங்கள் நண்பர் மோடிக்கும் புத்தர் போதனைகள் சிலவற்றை கூறிவிடுங்கள். ஏனெனில் அவர் இந்தியாவில் கொரோனோவுக்கு கை தட்டுங்கள் விளக்கு பிடியுங்கள் என்று உளறிக் கொண்டிருக்கிறார். இப்ப கடைசியாக கொரோனோவுடன் வாழப் பழகிக்கொள்ளுங்கள் என்கிறார்.             Tholar Balan 8 மணி நேரம்  ·    கடந்த வருடம் வவுனியாவில் காணாமல் ஆக்கப்பட்டவர்களின் தாயார் ஒருவர் சுமந்திரனுக்கு செருப்பு காட்டினார். அப்போது அதை அரசியல் நாகரீகம் அற்றது என்று கூறி கண்டித்தவர்கள் இப்போது சுந்தரவள்ளி “அறுத்திடுவேன்” என்று பொதுவெளியில் பேசியதை அறச்சீற்றம் என்று பாராட்டுகிறார்கள். சம்பந்தர் ஜயாவிடம் தேசியக்கொடி பற்றி நிருபர் ஒருவர் கேள்வி கேட்டதையே தவறு என்று கூறியவர்கள் அமெரிக்காவில் போராட்டத்தில் தேசியகொடி எரிக்கப்படுவதை பாராட்டுகிறார்கள். இந்த அரசியல் நாகரீகம் என்பதுகூட ஈழத் தமிழருக்கு ஒரு வரையறை, உலகத்திற்கு இன்னொரு வரையறை என்பதை நாம் தெரிந்துகொண்ட நாள் இன்று.                
    • நிதர்சனம்.👍 எனது சகோதரன் இராணுவத்தால் கைது செய்யப்பட்டு ஏறக்குறைய ஐந்து வருடங்கள் உள்ளே இருந்து வந்தவர். அவர்,  இராணுவத்தால் கைது செய்யப்பட்ட பின்னர் இராணுவத்திற்கு ஒத்துழைப்பு வழங்குவோரை அவர்கள் நாய்கள் போன்றுதான் நடாத்துவார்களாம். காட்டிக் கொடுக்காத, ஒத்துழைக்காத தமிழரை எவ்வளவு சித்திரவதை செய்தாலும், கடுமையாகத் துன்புறுத்தினாலும் மிகுந்த மரியாதை தருவார்களாம். அதிலும் குறிப்பாக, அதிகாரிகள் மட்டத்திலிலுள்ளோர், இயக்கத்திலிருந்தவர்களுக்குத் தனி மரியாதை செலுத்துவார்கள் என்று கூறுவார்.  இது எனது அனுபவமும் கூட. 🙂