Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

டிக்டாக் செயலி: அமெரிக்கப் பயனர்களின் தகவல்களைத் திருடி சீனாவுக்குத் தருகிறதா? - வழக்குப் பதிவு


Recommended Posts

  • கருத்துக்கள உறவுகள்

டிக்டாக் செயலி: அமெரிக்கப் பயனர்களின் தகவல்களைத் திருடி சீனாவுக்குத் தருகிறதா? - வழக்குப் பதிவு

டிக் டாக்படத்தின் காப்புரிமைGETTY IMAGES

டிக் டாக் செயலி தன்னுடைய பயனாளர்களின் பெரும்பாலான தகவல்களைச் சீனாவிடம் கொடுக்கிறது என அமெரிக்காவில் வழக்கு பதிவு செய்யப்பட்டுள்ளது.

இந்த நிறுவனம் பயனாளர்களின் அனுமதியின்றி ரகசியமாகத் தகவல்களை எடுக்கிறது என வழக்கில் குற்றம் சுமத்தப்பட்டுள்ளது.

பைட்டான்ஸ் என்ற சீன நிறுவனத்தைத் தாய் நிறுவனமாகக் கொண்ட டிக்டாக் அமெரிக்காவில் நிறையப் பயனாளர்களைக் கொண்டுள்ளது.

உலகம் முழுதும் அரை பில்லியன் பயனாளர்களைக் கொண்ட டிக்டாக் செயலி ஏற்கனவே அமெரிக்கத் தகவல்களைச் சீன சர்வர்களில் சேகரித்து வைப்பதை மறுத்துள்ளது.

இந்த செயலியின் தகவல் சேகரிப்பு மற்றும் தணிக்கை முறையைக் கொண்டு வட அமெரிக்காவில் பல்வேறு அழுத்தங்களைச் சந்தித்து வருகிறது.

டிக் டாக் நிறுவனம் .படத்தின் காப்புரிமைGETTY IMAGES

கலிஃபோர்னியாவில் பதிவு செய்யப்பட்ட வழக்கில் டிக்டாக் செயலி ரகசியமாகப் பயனாளர்களின் பெரும்பாலான தனிப்பட்ட மற்றும் தனிநபரை அடையாளம் காணும் வகையான தகவல்களைச் சீனாவுக்கு அனுப்புகிறது எனக் கூறப்பட்டுள்ளது.

இந்த தகவல்கள் அமெரிக்காவில் இருப்பவர்களை இப்போதோ அல்லது பிற்காலத்திலோ அடையாளம் கண்டு அவர்களைக் கண்காணிக்க உதவலாம் எனக் கூறப்படுகிறது.

வழக்குப்பதிவு செய்த மிஸ்டி ஹாங் என்னும் கலிஃபோர்னியா பல்கலைக்கழகத்தைச் சேர்ந்த மாணவி தான் டிக்டாகை பதிவிறக்கம் செய்ததாகவும் அதில் எந்த கணக்கும் தொடங்கவில்லை என வழக்கில் குறிப்பிட்டிருந்தார்.

சில மாதங்களுக்குப் பிறகு தன்னுடைய பெயரில் நிறுவனமே கணக்கு தொடங்கியிருந்ததாகவும் தான் பதிவிடாமல் வைத்திருந்த காணொளியை எடுத்துக் கொண்டதாகவும் கூறியுள்ளார்.

இந்த தகவல்களை டன்செண்ட் மற்றும் அலிபாபா ஆகிய இரண்டு சீன சர்வர்களுக்கு அனுப்பியுள்ளனர்.

``மிகப் பெரிய இலக்குடனும் விளம்பர வருவாய் மற்றும் இலாபங்களை" பெறத் தனியார் தரவுகளைப் பயன்படுத்துவதன் மூலம் டிக்டாக் நியாயமற்ற லாபத்தை ஈட்டுகிறது எனச் சட்டம் வாதிடுகிறது.

மேலும் கருத்துக்களைப் பதிவு செய்வதற்கான கோரிக்கைகளுக்கு டிக்டாக் உடனடியாக பதிலளிப்பதில்லை.

டிக் டாக் நிறுவனம் .படத்தின் காப்புரிமைGETTY IMAGES

டிக் டாக் என்றால் என்ன ?

இந்த ஆன்லைன் செயலி சமீப ஆண்டுகளில், மிகவும் பிரபலம் ஆகியுள்ளது. அதிலும் 20 வயதுக்கு உட்பட்டவர்கள் இந்த செயலியின் மூலம் பாடல்கள் மற்றும் நகைச்சுவை காட்சிகளுக்கு தங்கள் உதடுகளை அசைத்து நடித்து வெறும் 15 வினாடிகளுக்கு மட்டுமே ஒரு காணொளி தயாரித்து சமூக வலைத்தளங்களில் பகிருகின்றனர். அந்த செயலியில் உள்ள அசாதாரண எடிட்டிங் தந்திரங்களையும் பலர் விரும்புகின்றனர்.

டிக் டாக் செயலியின் விரைவான விரிவாக்கத்துடன், பயனர்களின் தனியுரிமையைச் சமரசம் செய்வதற்கான சாத்தியக்கூறுகள் இருப்பதாலேயே அமெரிக்காவில் இந்த செயலி குறித்த கவலைகள் அதிகரித்துள்ளன.

சீனா அரசு டிக் டாக் செயலியைக் கவனிக்கிறார்கள் என்ற குற்றச்சட்டை விசாரித்துத் தீர்க்க வேண்டும் என அமெரிக்க நாடாளுமன்ற உறுப்பினர்கள் டிக் டாக் நிறுவனத்திற்கு அழுத்தம் கொடுத்து வருகின்றனர்.

ஆனால் இந்த குற்றச்சாட்டுகளுக்கு எதிர்வினையாற்றும் வகையில் அரசாங்கத்தின் தலையீட்டால் எந்த காணொளியையும் நீக்கவில்லை என்று டிக் டாக் நிறுவனம் பதில் அளித்துள்ளது.

மேலும் டிக் டாக் நிறுவனம், இதே போல சீனாவுக்கு ஏற்றவாறு டௌயின் என்ற தனி செயலியை இயக்குகிறது. அமெரிக்கப் பயன்பாட்டாளர்களின் தரவுகளை அமெரிக்காவிலும் சிங்கப்பூரிலும் சேகரித்து வருவதாக டிக் டாக் நிறுவனம் கூறுகிறது.

இருப்பினும் கடந்த வாரம், வீகர் முஸ்லீம்களை சீனா கையாண்ட விதம் குறித்து அமெரிக்க இளைஞர் ஒருவர் பதிவிட்ட காணொளி மிகவும் பெரிய அளவில் பரவியதால், அந்த இளைஞருக்கு டிக் டாக் நிறுவனம் தடை விதித்தது. பிறகு தடையை நீக்கி, அமெரிக்க இளைஞரிடம் மன்னிப்பு கேட்க வேண்டிய நிலைக்கு டிக் டாக் நிறுவனம் தள்ளப்பட்டுள்ளது.

https://www.bbc.com/tamil/global-50645943

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • ஐ.நாவில் ஈழத்து பெண்ணுக்கு கிடைத்த மிகப்பெரும் கெளரவம் யுனிசெஃப் இன் 75வது ஆண்டு பொன்விழா சர்வதேச மாநாட்டில் இளம் தலைமுறையின் முன்னுதாரண தலைமைத்துவ விருந்தினர் பேச்சாளராக ஈழத்து பெண் செல்வி. G.சாதனா (G. Sadhana) தமிழ் டயஸ்போறா அலையன்ஸ் Tamil Diaspora Alliance சார்பாக உரையாற்றுகிறார். Tamil Diaspora Alliance என்ற அமைப்பை புலம் பெயர் சமூகங்களின் இளைய தலைமைத்துவ அமைப்பாக இந்த சர்வதேச மாநாட்டுக்கு அழைப்பு ஐக்கிய நாடுகளின் சிறுவர் நிதியம் (UNICEF) விடுத்திருக்கிறது. மேலும், இந்த சர்வதேச மாநாட்டில் பிரதிநிதியாக அமைப்பின் செயல் திட்டக்குழு பிரதி இயக்குனர் G.சாதனா (G. Sadhana) கலந்துகொள்கிறார். ஐக்கிய நாடுகள் சபையின் செயலாளர் உட்பட ஐ. நா சபையின் பல அங்கத்துவ அமைப்பின் இயக்குனர்களும் உரையாற்றவுள்ளனர். இதேவேளை, புலம்பெயர் தமிழர் அமைப்பு ஒன்று சிறந்த தலைமைத்துவத்திற்காக சர்வதேச மாநாட்டிற்காக கலந்து கொள்ள அழைக்கப்படுவது இதுவே முதல்முறை என்று தெரியவந்துள்ளது. மேலும், வெவ்வேறு அமர்வுகளாக நடக்கும் இந்த மாநாட்டில் வரும் 7ஆம் திகதி G.சாதனா உரையாற்றுகிறார் என்று யுனிசெஃப் இன் இணையப் பக்கத்தில் தெரிவிக்கப்பட்டிருக்கிறது.     https://www.thaarakam.com/news/191b5e2c-0096-4d83-a0fd-4a2953565e24
    • இலங்கையில் அரசியல் தீர்வுக்கு அழுத்தம் கொடுக்குமாறு வலியுறுத்தி அமெரிக்க பிரதிநிதிகள் அமெரிக்க இராஜாங்க செயலாளருக்கு கடிதம் இலங்கையில் அரசியல் தீர்வுக்கு அழுத்தம் கொடுக்குமாறு வலியுறுத்தி அமெரிக்க பிரதிநிதிகள் கிரிகோரி டபிள்யூ. மீக்ஸ் மற்றும் மைக்கல் மெக்கால் ஆகியோர் அமெரிக்க இராஜாங்க செயலாளருக்கு கடிதம் அனுப்பியுள்ளனர்.இலங்கை மக்களின் கோரிக்கையை முன்னெடுத்துச் செல்லும் அதே வேளையில், இந்த முயற்சியை ஆதரிக்கவும் அதற்கான வசதியை ஏற்படுத்தி கொடுக்கவும் அமெரிக்கா தயாராக உள்ளது என்பதை திணைக்களம் தெளிவுபடுத்த வேண்டும் என்றும் கேட்டுக்கொண்டுள்ளனர். இறுதியில், எடுக்கப்படும் எந்தவொரு முடிவும் தமிழ் , முஸ்லிம் மக்கள் உட்பட இலங்கை பிரஜைகள் அனைவரினதும் தேவைகளையும் பூர்த்தி செய்யும் வகையில் இருக்க வேண்டிய அவசியத்தையும் அவர்கள் வலியுறுத்தியுள்ளனர்.உள்நாட்டுப் போர் முடிவுக்கு வந்து ஏறக்குறைய 30 ஆண்டுகாலம் நிறைவடைந்துள்ள நிலையில் பிரிக்கப்படாத இலங்கையில் அர்த்தமுள்ள அதிகாரப் பகிர்வு உட்பட அரசியல் தீர்வு உள்ளிட்ட விடயங்களுக்கான அவசியம் குறித்தும் அவர்கள் வலியுறுத்தியுள்ளனர். ஆகவே அத்தகைய தீர்வுகளைக் காண தமிழ் மற்றும் முஸ்லிம்கள் உட்பட எதிர்க்கட்சிகளுடன் அரசாங்கத்தின் ஈடுபாட்டை வலியறுத்துமாறும் அமெரிக்க இராஜாங்க திணைக்களத்தை அவர்கள் கேட்டுக்கொண்டுள்ளனர்.கணிசமான மற்றும் நீடித்த அரசியல் தீர்வின் முக்கியத்துவத்தை வலியுறுத்தும் வகையில் இலங்கையில் அதன் முயற்சிகளில் மீண்டும் கவனம் செலுத்துமாறு அவர்கள் அண்டனி பிளிங்கனிடம் கோரிக்கை விடுத்துள்ளனர்.(15)     http://www.samakalam.com/இலங்கையில்-அரசியல்-தீர்வ/
    • தமிழ்த் தேசியக் கூட்டமைப்பின் தூதுக் குழுவொன்று அடுத்த வாரம் இந்தியாவுக்கு விஜயம் செய்யவுள்ளது இந்தியப் பிரதமர் நரேந்திர மோடியுடன் சந்திப்பொன்றை ஏற்படுத்தித் தருமாறு தமிழ்த் தேசியக் கூட்டமைப்பு கடந்த சிலகாலமாகக் கோரிக்கை விடுத்து வந்தது.இந்நிலையில் தமிழ்த் தேசியக் கூட்டமைப்பின் தூதுக் குழுவொன்று அடுத்த வாரம் இந்தியாவுக்கு விஜயம் செய்யவுள்ளதாக தகவல் வெளியாகியுள்ளது.இந்த குழுவில் இரா சம்பந்தனுடன் செல்வம் அடைக்கலநாதன், சித்தார்த்தன் மற்றும் எம். ஏ.சுமந்திரன் ஆகியோரும் செல்லவுள்ளதாகத் தெரிவிக்கப்படுகிறது. இதுதொடர்பாக இந்திய உயர்ஸ்தானிகரகம் தமிழ்த் தேசியக் கூட்டமைப்பின் தலைவர் இரா.சம்பந்தனுடன் கடந்த தினம் பேச்சுவார்த்தை நடத்தியுள்ளதாகத் தகவல்கள் தெரிவிக்கின்றன.இதனடிப்படையில் எதிர்வரும் ஓரிரு தினங்களில் இரா.சம்பந்தன் தலைமையிலான தூதுக் குழுவொன்று இந்தியாவுக்குச் செல்லவிருப்பதாகத் தெரிவிக்கப்படுகிறது.(15)   http://www.samakalam.com/தமிழ்த்-தேசியக்-கூட்டமை-41/  
    • கடலில் நீராடிக் கொண்டிருந்த இரு சிறுவர்கள் நீரில் மூழ்கி உயிரிழப்பு December 4, 2021 திருகோணமலை – ஈச்சிலம்பற்று காவல்துறைப் பிரிவிலு ள்ள வாழைத்தோட்டம் கடலில் நீராடிக் கொண்டிருந்த இரண்டு சிறுவர்கள் நீரில் மூழ்கி உயிரிழந்துள்ளனா். நேற்று (03) மாலை இடம்பெற்ற இந்த சம்பவத்தில் உயிாிழந்த இரு சிறுவா்களினதும் உடல்கள் ஈச்சிலம்பற்று பிரதேச வைத்தியசாலையில் வைக்கப்பட்டு நேற்றிரவு திருகோணமலை பொது வைத்தியசாலைக்கு அனுப்பி வைக்கப்பட்டுள்ளது. பாடசாலை விட்டுச் சென்ற நான்கு சிறுவர்கள் வாழைத்தோட்டம் கடலில் நீராடிய போது குறித்த இரண்டு சிறுவர்களும் நீரில் அடித்துச் செல்லப்பட்டு நீரில் மூழ்கியுள்ளனர். உயிர் தப்பிய ஏனைய சிறுவர்கள் இருவரும் பிரதேச மக்களிடம் சம்பவம் குறித்து தெரிவித்ததையடுத்து கடலில் தேடுதல் மேற்கொண்ட போது இரு சிறுவர்களதும் உயிரிழந்த உடல்கள் மீட்கப்பட்டுள்ளன. தரம் 09 இல் கல்வி கற்கும் யோகேந்திர ராசா லக்சன் வயது (14), தரம் 06 இல் கல்வி கற்கும் டினேஸ்காந்த் நிம்ரோசன் வயது (12) ஆகிய மாணவர்களே உயிரிழந்துள்ளனர். சம்பவம் தொடர்பில் மேலதிக விசாரணைகளை ஈச்சிலம்பற்று காவல்துறையினா் மேற்கொண்டு வருகின்றனர்.   https://globaltamilnews.net/2021/169823  
    • பாகிஸ்தானில் இலங்கையர் கொல்லப்பட்டமை – நூற்றுக்கும் மேற்பட்டோர் கைது December 4, 2021 பாகிஸ்தானில் இலங்கையர் ஒருவர் இஸ்லாமுக்கு எதிராக மத நிந்தனை செய்ததாக தொிவித்து கொடூரமான முறையில் எாித்துக் கொலை செய்யப்பட்ட சம்பவம் தொடா்பில் முக்கிய குற்றவாளிகள் உள்பட நூற்றுக்கும் மேற்பட்டோர் கைது செய்யப்பட்டுள்ளதாக பாகிஸ்தான் காவல் துறையினர் தெரிவித்துள்ளனா். பாகிஸ்தானின் பஞ்சாப் மாநிலம் சியல்கோட்டில் உள்ள தொழிற்சாலை ஒன்றில் மேலாளராக இருந்த இலங்கையரான 40 வயதான பிரியந்த குமார தியவடன என்பவா் கொடூரமான முறையில் தாக்கப்பட்டு பின்னா் உயிருடன் எரிக்கப்பட்டு கொல்லப்பட்டிருந்தாா். சிசிடிவி காணொளிகளை வைத்து பிரியந்த குமார தியவடனவின் கொலை தொடர்பாக முக்கிய குற்றவாளிகள் உள்பட நூற்றுக்கும் மேற்பட்டோர் கைது செய்யப்பட்டுள்ளதாகவும் மேலும் சிலர் தேடப்பட்டு வருவதாகவும் பாகிஸ்தான் காவல் துறையினர் தெரிவித்துள்ளனா். வெளிநாட்டைச் சேர்ந்த மேலாளருக்கு எதிராக வெள்ளிக்கிழமை காலை முதலே செய்திகள் பகிரப்பட்டு வந்தாலும், முன்கூட்டியே பாதுகாப்பு நடவடிக்கைகள் எதுவும் எடுக்கப்படவில்லை என சியால்கோட்டில் உள்ள உள்ளூர் ஊடகவியலாளர் யாசிர் ராசா பிபிசி உருது மொழி சேவையிடம் தெரிவித்துள்ளார் எனத் தொிவிக்கப்பட்டுள்ளது   https://globaltamilnews.net/2021/169820
×
×
  • Create New...

Important Information

By using this site, you agree to our Terms of Use.