• advertisement_alt
  • advertisement_alt
  • advertisement_alt
  • ×   Pasted as rich text.   Paste as plain text instead

      Only 75 emoji are allowed.

    ×   Your link has been automatically embedded.   Display as a link instead

    ×   Your previous content has been restored.   Clear editor

    ×   You cannot paste images directly. Upload or insert images from URL.

  • Topics

  • Posts

    • டேவிட் வோர்னரின் போராட்டம் வீண், தொடரை சமப்படுத்தியது தென்னாபிரிக்கா     By Akeel Shihab     ICC   தென்னாபிரிக்க பந்துவீச்சாளர்களின் இறுதி நேர அபாரத்தால் அவுஸ்திரேலிய அணிக்கெதிரான இரண்டாவது டி20 சர்வதேச போட்டியில் தென்னாபிரிக்க அணி 12 ஓட்டங்களினால் வெற்றி பெற்று தொடரை 1-1 என்ற அடிப்படையில் சமநிலைப்படுத்தியுள்ளது.  அவுஸ்திரேலிய – தென்னாபிரிக்க அணிகளுக்கிடையிலான 3 போட்டிகள் கொண்ட டி20 சர்வதேச தொடரின் முதல் போட்டியில் அவுஸ்திரேலிய அணி 107 ஓட்டங்களினால் அபார வெற்றி பெற்றிருந்த நிலையில், இரு அணிகளுக்குமிடையிலான இரண்டாவது டி20 சர்வதேச போட்டி இன்று (23) போர்ட் எலிசபெத்தில் நடைபெற்றது.  முதல் போட்டியில் வெற்றி பெற்ற அவுஸ்திரேலிய அணி இரண்டாவது போட்டிக்காக எந்தவித மாற்றங்களையும் மேற்கொள்ளாத நிலையில் படுதோல்வியடைந்த தென்னாபிரிக்க அணி 3 மாற்றங்களை மேற்கொண்டிருந்தது. ரீஸா ஹென்ட்ரிக்ஸ், டுவைன் பிரிடோரியஸ் மற்றும் அண்ரிச் நோட்ரியா ஆகியோர் அணிக்குள் கொண்டுவரப்பட ஜொன் ஜொன் ஸ்மட்ஸ், அண்டில் பெஹ்லுக்வாயோ மற்றும் டேல் ஸ்டெய்ன் ஆகியோர் அணியிலிருந்து தூக்கப்பட்டனர்.  போட்டியில் நாணய சுழற்சியில் வெற்றி பெற்ற தென்னாபிரிக்க அணி முதலில் துடுப்பெடுத்தாடும் சந்தர்ப்பத்தை பெற்றுக்கொண்டது. அதன்படி ஆரம்ப துடுப்பாட்ட வீரர்களாக களமிறங்கிய அணித்தலைவர் குயின்டன் டி கொக் மற்றும் ரீஸா ஹென்ட்ரிக்ஸ் ஆகியோர் அணிக்கு சிறந்த ஆரம்பத்தை பெற்றுக்கொடுத்தனர்.  குயின்டன் டி கொக் அதிரடியாக ஆட முதல் பவர்-பிளே ஓவர்கள் நிறைவில் தென்னாபிரிக்க அணி விக்கெட் இழப்பின்றி 59 ஓட்டங்களை குவித்தது. இந்நிலையில் 7ஆவது ஓவரில் ஆரம்ப துடுப்பாட்ட வீரரான ரீஸா ஹென்ட்ரிக்ஸ் 14 ஓட்டங்களுடன் ஆட்டமிழந்து வெளியேறினார். அதன் பின்னர் ஆடுகளம் நுழைந்த முன்னாள் அணித்தலைவர் பாப் டு ப்ளெஸிஸ் 15 ஓட்டங்களுடன் ஏமாற்றமளித்தார்.  மறுமுனையில் அதிரடியாக துடுப்பெடுத்தாடி வந்த அணித்தலைவர் குயின்டன் டி கொக் 31 பந்துகளில் டி20 சர்வதேச அரங்கில் தனது 6ஆவது அரைச்சதத்தை பூர்த்தி செய்த நிலையில் 15ஆவது ஓவரில் 4 சிக்ஸர்கள், 5 பௌண்டரிகளுடன் மொத்தமாக 70 ஓட்டங்களை குவித்து ஆட்டமிழந்தார். அதனை தொடர்ந்து அதிரடியாக ஆடிவந்த ரைஸ் வென் டர் டைஸன் 2 சிக்ஸர்கள், 2 பௌண்டரிகளுடன் மொத்தமாக 37 ஓட்டங்களை பெற்று 19ஆவது ஓவரில் ஆட்டமிழந்தார்.  ஆரம்பத்தில் முதல் பவர்-பிளே ஓவர்களில் கிடைத்த ஓட்டவீதம் பின்னர் கிடைக்காத காரணத்தினால் இறுதியில் நிர்ணயிக்கப்பட்ட 20 ஓவர்கள் நிறைவில் தென்னாபிரிக்க அணி 4 விக்கெட்டுக்களை இழந்து 158 ஓட்டங்களை பெற்றுக்கொண்டது. ஆடுகளத்தில் டேவிட் மில்லர் 11 ஓட்டங்களுடனும், பைட் வென் பில்ஜொன் 7 ஓட்டங்களுடனும் ஆட்டமிழக்காதிருந்தனர்.  அவுஸ்திரேலிய அணியின் பந்துவீச்சில் கேன் ரிச்சர்ட்சன் 21 ஓட்டங்களுக்கு 2 விக்கெட்டுக்களையும், பெட் கம்மிண்ஸ் மற்றும் அடம் ஸம்பா ஆகியோர் தலா ஒவ்வொரு விக்கெட் வீதம் வீழ்த்தினர். 159 என்ற வெற்றியிலக்கை நோக்கி துடுப்பெடுத்தாட ஆரம்பித்த அவுஸ்திரேலிய அணிக்கு ஓரளவு சிறந்த ஆரம்பம் கிடைத்தது.  ஐந்தாவது ஓவரில் அணித்தலைவர் ஆரேன் பிஞ்ச் 14 ஓட்டங்களுடன் ஆட்டமிழந்தாலும், முதல் பவர்-பிளே ஓவர்கள் நிறைவில் அவுஸ்திரேலிய அணி 1 விக்கெட் இழப்பிற்கு 54 ஓட்டங்களை குவித்தது. அதனை தொடர்ந்து இரண்டாவது விக்கெட் இணைப்பாட்டமாக ஆரம்ப துடுப்பாட்ட வீரர் டேவிட் வோர்னர் மற்றும் ஸ்டீவ் ஸ்மித் ஆகியோருக்கிடையில் 50 ஓட்டங்கள் பகிரப்பட்டது.  இவ்வேளையில் நிதானமாக துடுப்பெடுத்தாடி வந்த ஸ்டீவ் ஸ்மித் 29 ஓட்டங்களுடன் ஆட்டமிழந்தார். அதன் பின்னர் ஆடுகளம் நுழைந்த விக்கெட் காப்பாளர் அலெக்ஸ் கேரி 14 ஓட்டங்களுடன் ஆட்டமிழக்க அவுஸ்திரேலிய அணி இக்கட்டான நிலைக்கு உள்ளானது. தொடர்ந்து 18ஆவது ஓவரில் மிட்செல் மார்ஷ் 6 ஓட்டங்களுடன் ஆட்டமிழக்க போட்டி விறுவிறுப்பு கட்டத்தை எட்டியது.    இறுதி 2 ஓவர்களில் 6 விக்கெட்டுக்கள் மீதமிருக்க அவுஸ்திரேலிய அணியின் வெற்றிக்கு 21 ஓட்டங்கள் தேவைப்பட்டன. மெத்யூ வேட் வந்த வேகத்திலேயே 18ஆவது ஓவரில் ஆட்டமிழந்து வெளியேறினார். பின்னர் இறுதி ஓவரில் அஸ்டன் அகார் 5 பந்துகளை எதிர்கொண்டு வெறும் 1 ஓட்டத்துடன் ஆட்டமிழக்க இறுதியில் தென்னாபிரிக்க அணி 12 ஓட்டங்களினால் வெற்றியை தனதாக்கியது.  மறுமுனையில் டேவிட் வோர்னர் டி20 சர்வதேச அரங்கில் தனது 16ஆவது சதத்தை பூர்த்தி செய்து ஆட்டமிழக்காது 67 ஓட்டங்களை பெற்றுக்கொண்டாலும் அவர் 56 பந்துகளை எதிர்கொண்டமை குறிப்பிடத்தக்கது. தென்னாபிரிக்க அணியின் பந்துவீச்சில் லுங்கி ங்கிடி 41 ஓட்டங்களுக்கு 3 விக்கெட்டுக்களையும், அண்ரிச் நோட்ரியா, ககிஸோ ரபாடா, மற்றும் டுவைன் பிரிடோரியஸ் ஆகியோர் தலா ஒவ்வொரு விக்கெட் வீதம் வீழ்த்தினர்.  போட்டியின் ஆட்டநாயகனாக அதிரடி துடுப்பாட்டத்தை வெளிப்படுத்திய தென்னாபிரிக்க அணித்தலைவர் குயின்டன் டி கொக் தெரிவானார். தென்னாபிரிக்க அணியின் இவ்வெற்றியின் மூலம் 3 போட்டிகள் கொண்ட டி20 சர்வதேச தொடர் 1-1 என்ற அடிப்படையில் சமநிலை பெற்றுள்ளது. இரு அணிகளுக்குமிடையிலான தொடர் வெற்றியாளரை தீர்மானிக்கும் இறுதி டி20 சர்வதேச போட்டி எதிர்வரும் புதன்கிழமை (26) கேப்டவுணில் நடைபெறவுள்ளது. 
    • சுற்றுலா இந்தியா மற்றும் நியூசிலாந்து அணிகள் இடையிலான முதல் டெஸ்ட் போட்டியில், நியூசிலாந்து அணி 10 விக்கெட்டுக்களால் அபார வெற்றி பெற்றிருக்கின்றது.  நியூசிலாந்து சென்றிருக்கும் இந்திய கிரிக்கெட் அணி அங்கே 5 T20 போட்டிகள், 3 ஒருநாள் போட்டிகள் கொண்ட தொடர்களில் ஆடிய பின்னர் தற்போது இரண்டு போட்டிகள் கொண்ட டெஸ்ட் தொடரில் விளையாடுகின்றது.  ஐ.சி.சி. உலக டெஸ்ட் சம்பியன்ஷிப்பின் அங்கமாக அமைகின்ற இந்த டெஸ்ட் தொடரின் முதல் போட்டி கடந்த வெள்ளிக்கிழமை (21) வெலிங்டன் நகரில் ஆரம்பமானது. போட்டியின் நாணய சுழற்சியில் வென்ற நியூசிலாந்து கிரிக்கெட் அணியின் தலைவர் கேன் வில்லியம்சன் முதலில் துடுப்பாடும் சந்தர்ப்பத்தினை இந்திய அணிக்கு வழங்கினார்.  தொடர்ந்து நாணய சுழற்சிக்கு அமைவாக போட்டியில் முதலில் துடுப்பாடிய இந்திய கிரிக்கெட் அணியினர் நியூசிலாந்து வேகப்பந்துவீச்சாளர்களை சமாளிக்க முடியாமல் 68.1 ஓவர்களுக்கு அனைத்து விக்கெட்டுக்களையும் பறிகொடுத்து 165 ஓட்டங்களை மாத்திரமே பெற்றனர். இந்திய கிரிக்கெட் அணியின் துடுப்பாட்டம் சார்பாக அஜிங்கியா ரஹானே 46 ஓட்டங்களுடன் தனது தரப்பில் கூடிய ஓட்டங்கள் பெற்ற வீரராக மாற, நியூசிலாந்து தரப்பின் பந்துவீச்சில் வேகப்பந்துவீச்சாளர்களான டிம் சௌத்தி மற்றும் கைல் ஜேமிசன் ஆகியோர் தலா 4 விக்கெட்டுக்கள் வீதம் சாய்த்திருந்தனர்.  இதனையடுத்து, தமது முதல் இன்னிங்ஸில் துடுப்பாடிய நியூசிலாந்து கிரிக்கெட் அணியினர் 100.2 ஓவர்களில் அனைத்து விக்கெட்டுக்களையும் பறிகொடுத்து 348 ஓட்டங்களைப் பெற்றுக் கொண்டனர்.  நியூசிலாந்து அணியின் துடுப்பாட்டம் சார்பில், அதன் தலைவர் கேன் வில்லியம்சன் 153 பந்துகளுக்கு 11 பௌண்டரிகள் அடங்கலாக 89 ஓட்டங்களைப் பெற்றார். அதேநேரம், கைல் ஜேமிசன் மற்றும் ரொஸ் டெய்லர் ஆகியோர் தலா 44 ஓட்டங்கள் வீதம் பெற்றிருந்தது குறிப்பிடத்தக்கது.  இந்திய அணியின் பந்துவீச்சில் இஷாந்த் சர்மா 5 விக்கெட்டுக்களையும், ரவிச்சந்திரன் அஷ்வின் 3 விக்கெட்டுக்களையும் சுருட்டியிருந்தனர்.  தொடர்ந்து, 183 ஓட்டங்கள் பின்தங்கியவாறு இரண்டாம் இன்னிங்ஸ் துடுப்பாட்டத்தை தொடங்கிய இந்திய கிரிக்கெட் அணியினர் மீண்டும் நியூசிலாந்து வேகப்பந்துவீச்சாளர்களை சமாளிக்க முடியாமல் 191 ஓட்டங்களுக்கு அனைத்து விக்கெட்டுக்களையும் பறிகொடுத்தனர்.  இந்திய கிரிக்கெட் அணியின் துடுப்பாட்டம் சார்பில் போராட்டம் காண்பித்த மயாங்க் அகர்வால் அரைச்சதம் தாண்டி 58 ஓட்டங்களைப் பெற்றிருந்தார்.  இதேநேரம் நியூசிலாந்து கிரிக்கெட் அணியின் பந்துவீச்சு சார்பில் டிம் சௌத்தி 5 விக்கெட்டுக்களைச் சாய்க்க, ட்ரென்ட் போல்ட் 4 விக்கெட்டுக்களை சுருட்டியிருந்தார்.  இந்திய அணியின் மோசமான இரண்டாம் இன்னிங்ஸ் துடுப்பாட்டம் காரணமாக போட்டியின் வெற்றி இலக்காக 9 ஓட்டங்கள் மாத்திரமே நிர்ணயம் செய்யப்பட்டது.  இந்த வெற்றி இலக்கினை அடைய பதிலுக்கு இரண்டாம் இன்னிங்ஸில் துடுப்பாடிய நியூசிலாந்து கிரிக்கெட் அணியினர், போட்டியின் வெற்றி இலக்கினை 1.4 ஓவர்களில் விக்கெட் எதனையும் பறிகொடுக்காமல் அடைந்தனர்.  இப்போட்டியில் அடைந்து கொண்ட தோல்வி மூலம் இந்திய கிரிக்கெட் அணி, ஐ.சி.சி. உலக டெஸ்ட் சம்பியன்ஷிப்பில் முதல் முறையாக தோல்வியினை பதிவு செய்து கொள்கின்றது. போட்டியின் ஆட்டநாயகனாக நியூசிலாந்து அணியின் வேகப்பந்துவீச்சாளர் டிம் சௌத்தி தெரிவு செய்யப்பட்டார். இனி, நியூசிலாந்து – இந்திய அணிகள் மோதும் டெஸ்ட் தொடரின் இரண்டாவதும் கடைசியுமான போட்டி எதிர்வரும் சனிக்கிழமை (29) கிறைஸ்ட்சேர்ச் நகரில் ஆரம்பமாகின்றது.  போட்டியின் சுருக்கம்
    • இது பொய்யான தகவல்.சீனாவில் இப்போது எவ்வளவோ கட்டுப்படுத்தப்பட்டுவிட்டது. தென் கொரியாவில் தான் ஒரு கிறித்தவ மதமாற்றுக்  குழுவினரால் திட்டமிட்டு பல பகுதிகளில் பரப்பப்பட்டுக்கொண்டிருக்கிறது. பலரை கைததுசெய்தாலும் கூட இன்னும்பலரைக் கைது செய்ய முடியவில்லை என்பது உண்மையான செய்தி.
    • ஆர்சனல், யுனைடட் அணிகளுக்கு வெற்றி: வெளியேற்றப்பட்டார் நெய்மார்     By Mohamed Shibly -     இங்கிலாந்து ப்ரீமியர் லீக் மற்றும் பிரான்ஸ் லீக் 1 தொடர்களின் முக்கிய சில போட்டிகள் ஞாயிற்றுக்கிழமை (23) நடைபெற்றன. அந்தப் போட்டிகளின் விபரம் வருமாறு, மன்செஸ்டர் யுனைடட் எதிர் வட்போர்ட் ப்ரூனோ பெர்னாண்டோ தனது புதிய கழகத்திற்காக முதல் கோலை பெற்ற நிலையில் வட்போர்ட் அணிக்கு எதிரான போட்டியில் மன்செஸ்டர் யுனைடட் 3-0 என்ற கோல்கள் வித்தியாசத்தில் இலகு வெற்றியீட்டியது.  இதன்மூலம் முதல் நான்கு இடங்களுக்கு சவால் விடுக்கும் வகையில் மன்செஸ்டர் யுனைடட் ப்ரீமியர் லீக் புள்ளிப்பட்டியலில்  5 ஆவது இடத்திற்கு முன்னேற்றம் கண்டது. நான்காவது இடத்தில் இருக்கும் செல்சியை விடவும் மன்செஸ்டர் யுனைடட் 3 புள்ளிகளாலேயே பின்தங்கி உள்ளது.  மறுபுறம், கடந்த டிசம்பரில் மன்செஸ்டர் யுனைடட்டை வீழ்த்தியபோதும் வட்போர்ட் இந்த தோல்வியினால் தகுதி இழப்பு நிலையான 19 ஆவது இடத்தில் நீடிக்கிறது. கடந்த நான்கு போட்டிகளில் அந்த அணி எந்த வெற்றியையும் பதிவுசெய்யவில்லை.        எனினும் இந்தப் போட்டியை மன்செஸ்டர் யுனைடட் தடுமாற்றத்துடனேயே ஆரம்பித்தது. போட்டியின் ஆரம்பத்திலேயே வட்போர்ட் முன்கள வீரர் ட்ரோய் டீனிக்கு கோல் பெற பொன்னான வாய்ப்பு ஒன்று கிட்டியபோதும் அதனை அவர் தவறவிட்டார்.  இந்நிலையில் 42 ஆவது நிமிடத்தில் பெனால்டி பெட்டிக்குள் வட்போர்ட் கோல்காப்பாளர் பென் பொஸ்டர் கீழே வீழ்த்தியதால் கிடைத்த ஸ்பொட் கிக்கை பெர்னாண்டஸ் கோலாக மாற்றினார். பெர்னாண்டஸ் கடந்த ஜனவரியில் ஸ்போர்டிங் லிபோன் அணியில் இருந்து மன்செஸ்டர் யுனைடட்டிற்கு 47 மில்லியன் பௌண்ட்களுக்கு ஒப்பந்தமானார் என்பது குறிப்பிடத்தக்கது.       இரண்டாவது பாதியின் ஆரம்பத்தில் வட்போர்ட் சார்பில் டீனி பந்தை மன்செஸ்டர் யுனைடட் வலைக்கு செலுத்தியபோதும் அது வீடியோ நடுவர் உதவி நாடப்பட்டது. அப்போது பந்து கிரேக் டோசனில் கைகளில் பட்டது உறுதியானதை அடுத்து கோல் நிராகரிக்கப்பட்டது.   இந்நிலையில் 58 ஆவது நிமிடத்தில் அன்தோனி மார்சல், யுனைடட் சார்பில் இரண்டாவது கோலை புகுத்தினார். தொடர்ந்து போட்டி முடிவதற்கு 15 நிமிடங்கள் இருக்கும்போது மேசன் கிரீன்வூட் மேலும் ஒரு கோலை பெற்று யுனைடட்டின் வெற்றியை இலகுவாக்கினார்.    கடந்த திங்கட்கிழமை நடைபெற்ற போட்டியில் செல்சியை 2-0 என தோற்கடித்த யுனைடட் அணி இந்தப் பருவத்தில் ப்ரீமியர் லீக் போட்டிகளில் அடுத்தடுத்து இரண்டு வெற்றிகளை பெறுவது இது மூன்றாவது தடவையாகும்.  ஆர்சனல் எதிர் எவர்டன் பெர்ரி எமரிக் அபுமயங்கின் இரட்டை கோல் உதவியுடன் எவர்டர் அணிக்கு எதிரான போட்டியில் ஆர்சனல் 3-2 என்ற கோல் வித்தியாசத்தில் வெற்றியீட்டியது.  போட்டியின் முதல் நிமிடத்திலேயே சிறப்பாக வழங்கப்பட்ட ப்ரீ கிக்கை ஆர்சனல் தடுக்கத் தவறியதால் டொமினிக் கெல்வேர்ட் லுவிஸ் தலையால் முட்டி எவர்டன் அணியை முன்னிலை பெறச் செய்தார்.  ஆரம்ப நிமிடங்களிலேயே காயமுற்ற சீட் கொலசினக்கிற்கு பதில் வீரராக அனுப்பப்பட்ட பதின்ம வயது புகாவோ சகா வந்த விரைவிலேயே பரிமாற்றிய பந்தைக் கொண்டு எட்வர்ட் நிகடியா ஆர்சனல் சார்பில் பதில் கோல் திருப்பினார்.   இந்நிலையில் அபுமயங் 33 ஆவது நிமிடத்தில் பெற்ற கோல் மூலம் ஆர்சனல் போட்டியில் முன்னிலை பெற்றபோதும் ரிச்சார்ல்சன் பதில் கோல் திருப்ப மீண்டும் பரபரப்பு ஏற்பட்டது.   முதல் பாதி ஆட்டம் 2-2 என முடிவுற்ற நிலையில் இரண்டாவது பாதியின் முதல் நிமிடத்திலேயே நிகொலஸ் பபே உதைத்த பந்தை ஆறு யார்ட் பெட்டிக்கு சற்று வெளியில் நின்று தலையால் முட்டிய அபுமயங் கோலாக மாற்றினார்.   ஆர்சனல் ஒரு வாரத்திற்குள் நியூகாசில் யுனைடட்டிற்கு எதிராக 4-0 என ப்ரீமியர் லீக் வெற்றி மற்றும் ஐரோப்பிய லீக்கில் ஒலிம்பிக்காவுக்கு எதிராக 1-0 என வெற்றி என்று அடுத்தடுத்து மூன்றாவது வெற்றியை பெற்றுள்ளது.  இதன்படி, ஐந்து போட்டிகளில் ஆர்சனல் பெறும் நான்காவது வெற்றி இதுவென்பதோடு 2020இல் தோல்வியுறாத அணியாக நீடித்து வருகிறது. ப்ரீமியர் லீக்கில் ஒன்பதாவது இடத்தில் நீடிக்கும் ஆர்சனல் சம்பியன்ஸ் லீக்கிற்கு தகுதி பெறும் முதல் நான்கு இடங்களை பிடிக்க ஏழு புள்ளிகளால் பின்தங்கியுள்ளது.   மறுபுறம் 36 புள்ளிகளுடன் 11 ஆவது இடத்தில் நீடிக்கு எவர்டன் கடந்த 24 ஆண்டுகளில் ஆர்சனல் அணியை வென்றதில்லை என்பது குறிப்பிடத்தக்கது.   பரிஸ் செயின்ட் ஜெர்மைன் எதிர் போர்டியுக்ஸ் போர்டியுக்ஸ் அணியை 4-3 என தோற்கடித்த பரிஸ் செயின்ட் ஜெர்மைன் லீக் 1 புள்ளிப்பட்டியலில் 13 புள்ளிகள் வித்தியாசத்துடன் முதலிடத்தில் ஆதிக்கம் செலுத்துகிறது. எனினும், அந்த அணியின் நட்சத்திர வீரர் நெய்மார் சிவப்பு அட்டை பெற்று வெளியேறினார்.  மார்குயின்ஹோஸ் இரட்டை கோல் பெற எடிசன் கவானி PSG சார்பில் 200 ஆவது கோலை பெற கிலியன் ம்பப்பே 65 ஆவது நிமிடத்தல் மற்றொரு கோலை பெற்றதன் மூலம் பரிஸ் செயின்ட் ஜெர்மைன் தனது வெற்றியை உறுதி செய்துகொண்டது.  இதன்மூலம் PSG 26 போட்டிகளில் 65 புள்ளிகளை பெற்று முதலிடத்தில் ஆதிக்கம் செலுத்துகின்றபோதும் அந்த அணியின் தலைவர் தியாகோ சில்வா காயம் காரணமாக விளையாட முடியாதிருப்பதோடு நெய்மார் போட்டியின் மேலதிக நேரத்தில் வைத்து இரண்டாவது மஞ்சள் அட்டை பெற்றது அந்த அணிக்கு பின்னடைவாகும்.    மறுபுறம் போர்டியுக்ஸ் அணி ஹ்வாங் உயி ஜோ, பப்லோ மற்றும் ரூபன் மூலம் கோல்கள் பெற்று கடைசி நிமிடம் வரை எதிரணிக்கு சவால் கொடுத்தது. அந்த அணி தற்போது 35 புள்ளிகளுடன் 12 ஆவது இடத்தில் உள்ளது.   http://www.thepapare.com/international-football-roundup-for-23rd-of-february-2020-tamil/