• advertisement_alt
  • advertisement_alt
  • advertisement_alt
ampanai

மகளிரின் பாதுகாவலன் காவலன் செயலி...

Recommended Posts

சென்னையில் அடுக்குமாடி குடியிருப்பில் தனியாக இருந்த பெண்களிடம் அத்துமீற முயன்றதாகக் கூறப்படும் இருவர், காவலன் செயலி மூலம் சில நிமிடங்களிலேயே கைது செய்யப்பட்டுள்ளனர். இந்த செயலி மூலம் நடைபெற்றுள்ள முதல் கைது நடவடிக்கை இது என்று கூறப்படும் நிலையில், செயலியின் செயல்பாடுகள் மற்றும் பயன்பாடுகள் குறித்து தற்போது காணலாம்....

சென்னை ஆர்.கே. நகர் காவல் நிலையத்துக்கு உட்பட்ட சி.பி. ரோடு (CB road) பகுதியில் உள்ள “ஓஸ்வால் கார்டன்” (oswal garden) அடுக்குமாடி குடியிருப்பில் அனிதா சுரானா என்பவரும் அவரது மருமகள் பிரீத்தியும் வசித்து வருகின்றனர். வெள்ளிக்கிழமை இரவு 8.30 மணியளவில் இவர்களது வீட்டின் கதவு தட்டப்படவே,பிரீத்தி சென்று கதவை திறந்துள்ளார். அப்போது அவரை நெட்டித் தள்ளிவிட்டு 2 மர்ம நபர்கள் உள்ளே நுழைய முயன்றதாகக் கூறப்படுகிறது.

இதனைக் கண்ட அனிதா சுரானா, உடனடியாக தனது மொபைலில் இன்ஸ்டால் செய்துவைத்திருந்த காவலன் செயலியை திறந்து அதிலிருந்த எஸ்.ஓ.எஸ். பொத்தானை அழுத்தியிருக்கிறார். பின்னர் இருவரும் சேர்ந்து மர்ம நபர்களை வெளியேற்ற போராடியுள்ளனர். அடுத்த சில நிமிடங்களிலேயே அங்கு ஆர்.கே. நகர் காவல்துறையினர் அதிரடியாக நுழைந்து மர்ம நபர்கள் இருவரையும் மடக்கிப் பிடித்துள்ளனர்.

முதற்கட்ட விசாரணையில் பிடிபட்ட இருவரில் ஒருவரது பெயர் சலீம் என்பதும் மற்றவர் பெயர் தாவூத் என்பதும் தெரியவந்தது. பிடிபட்டபோது இருவருமே மது போதையில் இருந்ததாகக் கூறப்படும் நிலையில், தொடர்ந்து அவர்களிடம் விசாரணை நடைபெற்று வருகிறது. காவலன் செயலி மூலம் நடைபெற்றுள்ள முதல் கைது நடவடிக்கை இது என்று கூறப்படுகிறது.

கடந்த ஓராண்டுக்கு முன் தமிழ்நாடு காவல்துறையால் அறிமுகம் செய்யப்பட்ட இந்த காவலன் செயலி குறித்து பல்வேறு கட்டங்களாக மக்கள் மத்தியில் போலீசார் விழிப்புணர்வை ஏற்படுத்தி வருகின்றனர். அப்படி ஒரு விழிப்புணர்வு நிகழ்வில் பங்கேற்ற பின்னர்தான் காவலன் செயலியை தனது மொபைலில் பதிவிறக்கம் செய்துள்ளார் அனிதா சுரானா.

சனிக்கிழமையன்று சென்னை அரசு ஸ்டான்லி மருத்துவமனையில் மருத்துவ மாணவிகளுக்கு செயலி குறித்து வண்ணாரப்பேட்டை துணை ஆணையர் சுப்புலட்சுமி விளக்கினார்.

காவலன் செயலியை அனைத்து வகையான ஆண்ட்ராய்டு மற்றும் ஐ.ஓ.எஸ் இயங்குதளங்களிலும் பதிவிறக்கம் செய்துகொள்ளலாம். அதில் தங்களது மொபைல் எண், பிறந்த தேதி, முகவரி உள்ளிட்ட விவரங்களையும் ஏதேனும் 3 முக்கியமான உறவினர்களின் மொபைல் எண்களையும் பதிவு செய்துகொள்ள வேண்டும்.

ஆபத்துக் காலங்களில் செயலியில் SOS என்று பொறிக்கப்பட்டுள்ள சிகப்பு நிற பொத்தானை அழுத்தியவுடன், உடனடியாக அதில் பதிவு செய்யப்பட்ட எண்களுக்கும் காவல் கட்டுப்பாட்டு அறைக்கும் தகவல் சென்றுவிடுகிறது.

காவல் கட்டுப்பாட்டு அறையிலிருந்து அருகிலுள்ள காவல் நிலையத்துக்கும் ரோந்துப் பணியில் ஈடுபட்டிருக்கும் போலீசாருக்கும் தகவல் சென்றுவிடுகிறது. அதிகபட்சம் 5 அல்லது 6 நிமிடங்களுக்குள் போலீசார் குறிப்பிட்ட இடத்தை அடைந்துவிடுகின்றனர்.

இண்டெர்நெட் இல்லாத பகுதிகளாக இருந்தாலும் குறுஞ்செய்தி மூலமாக இந்த அவசரச் செய்தி சென்றுவிடும் என்கின்றனர் போலீசார். இந்த செயலியை தமிழ், ஆங்கிலம் என 2 மொழிகளிலும் பயன்படுத்திக் கொள்ளலாம்.

பள்ளி, கல்லூரி மாணவிகள், வேலைக்குச் செல்லும் பெண்கள், வீட்டில் தனியாக இருக்கும் பெண்கள் என அனைத்து தரப்பு பெண்களுக்குமே காவலன் செயலி ஓர் ஆபத்பாந்தவனாக, வரப்பிரசாதமாக வந்துள்ளது என்றால் அது மிகையில்லை.....

https://www.polimernews.com/dnews/91797/மகளிரின்-பாதுகாவலன்-காவலன்செயலி...

Share this post


Link to post
Share on other sites

“காவலன்” செயலியை உபயோகிப்பது எப்படி..?

பொதுமக்களின், குறிப்பாக பெண்களின் பாதுகாப்பை கருத்தில் கொண்டு தமிழக காவல்துறையால் அறிமுகம் செய்யப்பட்ட காவலன் செயலியை ஆண்டிராய்டு மற்றும் ஐபோனில் எளிமையாக பதிவிறக்கம் செய்துகொள்ளலாம்.

ஆண்டிராய்டு பிளே ஸ்டோரிலும், ஐபோன் “ஆப் ஸ்டோரிலும்” காவலன் செயலியை பதிவிறக்கம் செய்யலாம்.... மொபைல் எண், பிறந்த தேதி, முகவரியையும் ஏதேனும் 3 முக்கியமான மொபைல் எண்களையும் பதிவு செய்துகொள்ள வேண்டும்.

ஆபத்தை எதிர்கொள்ள நேரிட்டால், செயலியில் SOS என்று பொறிக்கப்பட்டுள்ள சிகப்பு நிற பொத்தானை தொட்டவுடன், 5 விநாடிகளில் பதிவு செய்யப்பட்ட எண்களுக்கும் காவல் கட்டுப்பாட்டு அறைக்கும் தகவல் சென்றுவிடும்.அடுத்த 5 நிமிடங்களில் போலீசார் சம்பவ இடத்திற்கு வந்து விடுவார்கள்.

https://www.polimernews.com/dnews/91805/“காவலன்”-செயலியைஉபயோகிப்பது-எப்படி..?

Share this post


Link to post
Share on other sites

அட போங்கப்பா,

கூகிள் ப்ளே ஸ்டோரில் போய் பார்த்தால் ஏகப்பட்ட  'காவலன் SOS' செயலிகள் வருது. 

தமிழ் நாடு காவல் துறைக்கு எந்த செயலியை தெரிவு செய்வது..?

வழக்கமான் அரசாங்க வேலைகளின் உள்ளது போல குழப்பமே மிஞ்சுகிறது. காவலன் SOS   செயலிக்கு நேரடி இணைப்பு எந்த இணையத்திலும் இல்லையே?

https://eservices.tnpolice.gov.in/CCTNSNICSDC/KavalanMobAppInformation

இவ்வளவு விளக்கம் கொடுக்கும் காவல் துறை, ஏன் தன் இணையத்தில் குறிப்பிட்ட செயலிக்கு நேரடி இணைப்பு கொடுக்கக் கூடாது?

Edited by ராசவன்னியன்

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Topics

  • Posts

    • குண்டுவைக்க முயன்ற ஐ.எஸ் ஆதரவாளர் குற்றத்தை ஒப்புக்கொண்டார்   by : S.K.Guna ஐஸ்ஐஸ் ஆதரவாளர் சஃபியா ஷேய்க், செயின்ற் போல்ஸ் தேவாலயம் (St Paul’s Cathedral) மீது தன்னைத் தானே வெடிக்கவைத்து குண்டுத் தாக்குதல் மேற்கொள்ள முயன்றதாக ஒப்புக் கொண்டார். மேற்கு லண்டன், ஹேய்ஸைச் சேர்ந்த சஃபியா ஷேய்க், குண்டினை வெடிக்க வைப்பதற்காக நட்சத்திர விடுதிகள் உட்பட லண்டனின் முக்கியமான இடங்களில் உளவு பார்த்தார். சதி நடவடிக்கையில் ஈடுபட்டபோது 36 வயதான சஃபியா ஷேய்க் ரகசியப் பொலிஸாரால்  கைது செய்யப்பட்டார். ஓல்ட் பெய்லி நீதிமன்றத்தில் நடைபெற்ற விசாரணையின்போது சஃபியா ஷேய்க், தான் பயங்கரவாதச் செயலுக்கு சதி செய்ததாக, குற்றத்தினை ஒப்புக்கொண்டார். இந்நிலையில் அவருக்கான தண்டனை மே மாதம் வழங்கப்படவுள்ளது. கடந்த ஆண்டு ஒக்ரோபர் மாதம், ஷேய்க் கைதுசெய்யப்படுவதற்கு இரண்டு மாதங்களுக்கு முன்னர், இரண்டு ரகசிய அதிகாரிகளுடன் தொடர்பை வளர்த்துக்கொண்டார். அந்த அதிகாரிகள் இருவரும் தீவிரவாத ஆதரவுள்ள கணவன், மனைவியாக தம்மை அடையாளப்படுத்தினர் என்று தெரிவிக்கப்பட்டுள்ளது. அவர்களில் ஒருவருக்கு சமூக ஊடகத்தின் மூலம் ஷேய்க் தகவல்களை அனுப்பினார். நான் ஏராளமானவர்களைக் கொல்ல விரும்புகிறேன். அதற்காக தேவாலயத்தினைத் தெரிவுசெய்ய விரும்புகிறேன். கிறிஸ்ற்மஸ் அல்லது ஈஸ்ரர் போன்ற நாளில் ஏராளமானவரைக் கொல்லலாம் என்று அதிகாரிக்குத் தகவல் அனுப்பினார். நான் எப்போதும் அச்சுறுத்தல்களை அனுப்புகிறேன்.ஆனால் அந்த அச்சுறுத்தல்களை உண்மையானதாக மாற்ற விரும்புகிறேன். சஃபியா ஷேய்க் செயின்ற் போல்ஸ் தேவாலயத்தின் படத்தை அதிகாரிக்கு அனுப்பியதுடன் நான் நிச்சயமாக இந்த இடத்தைத் தெரிவுசெய்ய விரும்புகிறேன். நான் குண்டினை வெடிக்கவைக்க விரும்புகிறேன். இறக்கும் வரை சுட விரும்புகிறேன். அந்த இடத்தையும் காஃபிர்களையும் (ஐ.எஸ்ஸின் எதிரிகள்) அழிக்க விரும்புகிறேன். ஹோட்டலிலும், பின்னர் தேவாலயத்திலும் குண்டினை வெடிக்கவைப்பேன். நான் இறக்கும்வரை கொல்லுவேன் என்று குறிப்பிட்டிருந்தார். ஒரு வாரத்திற்குப் பின்னர் அவர் செயின்ற் போல்ஸ் தேவாலயத்தைப் பார்வையிட்டதுடன் அது தொடர்பான வீடியோக்களையும் அனுப்பினார். வெடிகுண்டுகளைத் தயார்செய்வதற்காக பெண் ரகசிய அதிகாரியிடம் ஷேய்க் இரண்டு பைகளைக் கொடுத்ததாக வழக்குரைஞர்கள் நீதிமன்றத்தில் தெரிவித்தனர். அயலவர்களால் ஈர்க்கப்பட்ட சஃபியா ஷேய்க், 2007 இல் இஸ்லாத்திற்கு மாறினார். ஆனால் பின்னர் தனிமைப்படுத்தப்பட்டு பிரதான இஸ்லாத்தை நிராகரித்தார். 2016 ஆம் ஆண்டில் இருந்து ஐ.எஸ் மற்றும் ஏனைய ஜிஹாதிக் குழுக்களின் தீவிரவாத வன்முறைச் சித்தாந்தத்தைப் பின்பற்றத் தொடங்கினார். வழிபாட்டாளர்களும் இமாம்களும் தனது தீவிரவாதக் கருத்துக்களைப் பற்றி கவனத்தில்கொள்வார்கள் என்ற அச்சத்தில், சஃபியா ஷேய்க் மசூதிகளில் கலந்துகொள்வதை நிறுத்தினார். ஏற்கனவே அவர் குறித்து, அரசாங்கத்தின் பயங்கரவாதத் தடுப்புத் திட்டத்திற்கும் முறைப்பாடு தெரிவிக்கப்பட்டிருந்தது. பயங்கரவாதச் செயல்களுக்குத் திட்டம் தீட்டியது மற்றும் பயங்கரவாதக் கருத்துக்களைப் பரப்புவது ஆகிய குற்றங்களை சஃபியா ஷேய்க் ஒப்புக் கொண்டார். மே 12 ஆம் திகதி தண்டனை வழங்குவதற்கு முன்னதாக தண்டனை அறிக்கைகளை தயார் செய்யுமாறு நீதிபதி ஜஸ்ரிஸ் ஸ்வீனி (Justice Sweeney) உத்தரவிட்டார். நன்றி bbc.co.uk
    • இதை பற்றி ஏன் இப்படி அலட்டிக்கொள்கிறோம்? அடிப்படையில் மனிதன் ஒரு விலங்கு. பூனை முதல் சிங்கம் வரை தன் டி என் ஏ யை முடிந்தளவு அகலமாக விதைக்கவே எல்லா ஆண் உயிரிகளும் முனைகிறன. சொல்லப்போனால் - ஒரு ஆண் விலங்கின் பிறப்பின் அர்த்தமே அதன் விந்தணுவை எங்கே எல்லாம் பரப்ப முடியுமோ அங்கே எல்லாம் பரப்பி வம்சத்தை விருத்தி செய்வதுதான். இது தன்னியல்பாக அமைந்த கூர்ப்பின் முனைப்பு.  இதை அடக்கி, வன்முறையை பாவிக்காமல் இருக்க வைப்பது எம் மனித இனத்தின் மன, விழுமிய விருத்தியால் ஏற்பட்டது. இது மட்டுமே எமக்கும் சிங்கத்துக்கும் உள்ள வித்தியாசம். பிகு 1: அப்பாவி ஆண்கள் என்று யாரும் இல்லை. ஒன்றில் நடிக்கிறாகள் அல்லது வேறு ஈடுபாடு கொண்டிருக்கிறாகள். பிகு2: இந்த போய் பெஸ்டியாக போய், தருணம் பார்த்து கரணம் அடிப்பதில் எனக்கும் ஆர்வமில்லை. இது நரிகள் வேட்டையாடும் முறை. சிங்கம் வேட்டையாடும் முறை வேறு 😂  
    • படத்தின் காப்புரிமை A Pavendhan காமன் டின்சில் (common tinsel) என்ற அரியவகை பட்டாம்பூச்சி முதல்முறையாக தமிழகத்தின் கிழக்கு தொடர்ச்சி மலையில் கண்டறியப்பட்டுள்ளது. யானை, புலி உள்ளிட்ட பெரிய விலங்குகளுக்குக் கிடைக்கும் முக்கியத்துவத்தைப் போலவே, பட்டாம்பூச்சிகளுக்கும் கிடைக்கவேண்டும் என்பதற்காக புதிதாக கண்டறியப்பட்ட பட்டாம்பூச்சி குறித்த விழிப்புணர்வை சேலம் மாவட்ட வனத்துறையோடு சேர்ந்து, சுற்றுச்சூழல் ஆர்வலர்கள் ஏற்படுத்திவருகின்றனர். இந்தியாவில் மேற்குத் தொடர்ச்சி மலை பகுதிகள் மீது செலுத்தப்படும் கவனத்தில் பாதியளவு கூட கிழக்கு தொடர்ச்சி மலை பகுதிகள் மீது செலுத்தப்படுவதில்லை என்கிறார்கள் சூழலியல் செயற்பாட்டாளர்கள். ஒடிஷாவில் தொடங்கி, ஆந்திர பிரதேசம், தமிழகத்தில் சேலம், பழனி வரை நீண்டுள்ளது கிழக்கு தொடர்ச்சி மலை. இங்குள்ள வனப்பகுதிகளில் காணப்படும் புதிய பூச்சிகள், பறவைகள், விலங்குகள் பற்றிய விழிப்புணர்வை கடந்த மூன்று ஆண்டுகளாக ஏற்படுத்திவருகிறார்கள் சூழலியல் செயற்பாட்டாளர்கள். சேலம் மாவட்ட வனத்துறை மற்றும் சேலம் இயற்கை கழகம் இணைந்து பிப்ரவரி மாதம் மூன்று நாட்கள் நடத்திய ஆய்வில், கிழக்குத் தொடர்ச்சி மலையின் தமிழக பகுதியில், டின்சில் பட்டாம்பூச்சி இருப்பது முதல்முறையாக புகைப்பட ஆதாரத்தோடு பதிவுசெய்யப்பட்டுள்ளது என்கிறார்கள் ஆய்வாளர்கள். மிகவும் அரிதானதாக கருதப்படும் டின்சில் பட்டாம்பூச்சி ஏற்காடு மலையில் சுமார் 1400 மீட்டர் உயரத்தில் கண்டறியப்பட்டது என்கிறார்கள். பிபிசி தமிழிடம் பேசிய சேலம் இயற்கை கழகத்தின் தலைவர் வ.கோகுல், மாணவர்கள், வனத்துறை அதிகாரிகள் மற்றும் சுற்றுச்சூழல் செயற்பாட்டாளர்கள் உள்ளிட்டோரைக் கொண்ட 17 குழுக்கள் சேலம் வனப்பகுதியை ஆய்வு செய்தபோது டின்சில் பட்டாம்பூச்சி இருப்பதை கண்டறிந்ததாகக் கூறுகிறார். ''பொதுவாக டின்சில் பட்டாம்பூச்சி, மேற்குத் தொடர்ச்சி மலை மற்றும் இந்தியாவின் வடகிழக்கு மாநிலங்களில்தான் தென்படும். சேலம் வனப்பகுதியில் இந்த பட்டாம்பூச்சி இருப்பதால், இங்குள்ள வனப்பகுதி வளமுடன் உள்ளது என்பதை உறுதிப்படுத்துகிறது. நீலன்கள்(Blue family) குடும்பத்தைச் சேர்ந்த இந்த டின்சில் பட்டாம்பூச்சியின் மேல்புறம் நீலவண்ணமும், அடிப்பகுதி சாம்பல் நிறத்திலும் காணப்படும்,''என்றார். டின்சில் உள்ளிட்ட 136 பட்டாம்பூச்சிகள் சேலம் வனப்பகுதியில் இருப்பதாகவும், 214 பறவை இனங்கள் இருப்பதாகவும் கூறுகிறார் கோகுல். ''மூன்று நாட்கள் நடத்திய ஆய்வில், பட்டாம்பூச்சிகள் மற்றும் பறவைகளுக்கு சிறப்பு கவனம் கொடுத்து படங்கள் பதிவு செய்தோம். உள்ளூர்களில் உள்ள பூச்சிகள், பறவைகள் பற்றிய புத்தகங்களை அரசுப்பள்ளி மாணவர்களுக்குக் கொடுத்துவருகிறோம். இதுபோன்ற ஆய்வில் வெளியாகும் கண்டுபிடிப்புகள் பற்றி மாணவர்கள் தெரிந்துகொண்டதால், ஞாயிற்றுக் கிழமைகளில் பறவைகளை உண்டிவில் கொண்டு அடிப்பதை நிறுத்திவிட்டு, பல குழந்தைகள் இந்த உயிரிகளை அடையாளம் கண்டுசொல்கிறார்கள் என்பது இந்த ஆய்வின் வெற்றியாகப் பார்க்கிறோம்,''என்கிறார் சேலம் மாவட்ட வனத்துறை அதிகாரியான பெரியசாமி பிபிசி தமிழிடம் பேசும்போது, சேலம் வனப்பகுதியில் விதவிதமான உயிரிகள் உள்ளன என்பதற்கு ஆதாரமாக டின்சில் உள்ளிட்ட பட்டாம்பூச்சிகள் உள்ளன என்றார். ''வனத்தில் உயிர் பன்முகத்தன்மை (Biodiversity) தேவை. பலவிதமான விலங்குகள், பூச்சிகள் இருந்ததால்தான் அந்த வனப்பகுதி வளமுடன் இருப்பதாக கருதப்படும். ஆங்கிலேயர் ஆட்சிக்காலத்தில் சந்தன மரங்களுக்காக கிழக்கு தொடர்ச்சி மலை பாதுகாக்கப்பட்டது. ஆனால் சுதந்திரத்திற்குப் பிறகு, மரங்களுக்கு அளிக்கப்பட்ட முக்கியத்துவம் வனவிலங்குகளுக்கு மாற்றப்பட்டது. புலி, யானை என பெரிய விலங்குகள் அதிகம் காணப்படும் மேற்குத் தொடர்ச்சி மலைகளுக்கு அதிக கவனம் கிடைத்தது. தற்போது கிழக்கு தொடர்ச்சி மலையில் உயிர் பன்முகத்தன்மை இருப்பதால், இங்குள்ள வனப்பகுதிகளும் பாதுகாக்கப்படவேண்டும் என்பதற்கு ஆய்வுகள் மிகவும் பயன்தரும்,''என்கிறார். காமன் டின்சில் சேலத்தில் காணப்பட்டதற்கு வேறு காரணங்கள் உள்ளனவா என கேட்டபோது, ''இதுநாள் வரை மேற்குத் தொடர்ச்சி மலைப்பகுதிகளில் அதிகமாகக் காணப்பட்ட ஓர் உயிரி முதல்முறையாக தமிழகத்தில் கிழக்கு தொடர்ச்சி மலையில் தென்படுகிறது என்பதால், இங்குள்ள வனப்பகுதி ஆரோக்கியமாக உள்ளது என்பதை உணர்த்தும் அடையாளமாக இந்த பட்டாம்பூச்சியை கருதலாம். சேலம் மாவட்டத்தில் பாதுகாக்கப்பட்ட வனப்பகுதிகள்(protected areas) இல்லை. ஆனாலும் இதுபேன்ற புதிய உயிரிகள், பலவிதமான உயிரிகள் இருப்பதை தொடர்ந்து ஆதாரங்களுடன் பதிவு செய்தால், பாதுகாக்கப்பட்ட வனப்பகுதிகளுக்கு கிடைக்கும் அங்கீகாரத்தை சேலம் வனப்பகுதிகளுக்கும் கிடைக்கும். பாதுகாப்பிற்காக புதிய திட்டங்களை கொண்டுவர இந்த ஆய்வு உதவும்,'' என்றார் பெரியசாமி. https://www.bbc.com/tamil/science-51551671  
    • (எம்.எப்.எம்.பஸீர்) 21/4 உயிர்த்த ஞாயிறன்று இலங்கையில் இடம்பெற்ற தொடர் தற்கொலை குண்டுத் தாக்குதல்களை பின்னணியிலிருந்து வழி நடத்தியதாக நம்பப்படும் நான்கு மாலை தீவு பிரஜைகளைக் கைது செய்ய சி.ஐ.டி.யின் தனிப்படையொன்று சிறப்பு விசாரணைகளை ஆரம்பித்துள்ளது. இவர்களில் இருவரை அடையாளம் கண்டுள்ள சி.ஐ.டி., சர்வதேச பொலிஸாருடன் இணைந்து அவர்களைக் கைது செய்ய தேவையான நடவடிக்கைகளை முன்னெடுத்துள்ளதுடன், ஏனைய இருவர் குறித்த தகவல்களையும் சர்வதேச பொலிஸாரின் தகவல் கட்டமைப்பு ஊடாக பகிர்ந்து தேடி வருகின்றனர். இந்த நான்கு மாலை தீவு பிரஜைகளும் கடந்த வருடம் இடம்பெற்ற உயிர்த்த ஞாயிறு தாக்குதல் காலத்தில், அல்லது அதனை அண்மித்த நடகளில் இந்த தாக்குதல்களை முன்னெடுத்த சஹ்ரானின் பயங்கரவாத கும்பலுடன் மிக நெருங்கிய தொடர்புகளை பேணியுள்ளமை தொடர்பில், கைது செய்யப்பட்ட சந்தேக நபர்களிடம் இருந்து தகவல்கள் வெளிப்படுத்தப்பட்டுள்ளமை குறிப்பிடத்தக்கது. https://www.virakesari.lk/article/76170
    • (செ.தேன்மொழி) ஜெனீவா பிரேரணையிலிருந்து விலகுவதாக அரசாங்கம் எடுத்திருக்கும் தீர்மானத்தினால் சர்வதேசத்தின் எதிர்ப்பை இலங்கை சந்திக்க நேரிடுமோ என்ற அச்சம் ஏற்பட்டுள்ளதாக தெரிவித்த ஐக்கிய தேசியக் கட்சியின் பாராளுமன்ற உறுப்பினர் சமன் ரத்னபிரிய , இதன்காரணமாக சர்வதேசத்திடமிருந்து கிடைக்கப்பெறும் உதவிகளுக்கும் பாதிப்பு ஏற்படக்கூடிய வாய்ப்பு இருப்பதாகவும் கூறினார்.         ஐக்கிய தேசியக் கட்சியின் தலைமையகத்தில் இன்று இடம்பெற்ற ஊடகவியளாலர் சந்திப்பில் இதனை தெரிவித்த அவர் மேலும் கூறியதாவது, அரசாங்கம் இடைக்கால கணக்கறிக்கையை சமர்ப்பித்து அதில் கிடைக்கும் நிதியை தேர்தல் நடவடிக்கைகளுக்கு பயன்படுத்த முயற்சித்ததோ என்று சந்தேகம் எழுந்துள்ளது. கடந்த அரசாங்கத்தில் வெளியிடப்பட்ட வரவு - செலவு திட்டத்தில் அரச செலவுகளுக்காக எதிர்வரும் ஏப்ரல் மாதம் வரை நிதி ஒதுக்கீடு செய்யப்பட்டிருந்த போதிலும் அரசாங்கம் தமக்கு மேலும் 367 ரூபா பில்லியன் நிதியை பெற்றுக் கொடுக்குமாறு குறிப்பிட்டே கணக்கறிக்கையை தயார் செய்தது. அரசாங்கத்தினால் புதிய செயற்திட்டங்கள் கொண்டுவரப்படாத நிலையில் இந்த நிதிக்கான அவசியம் என்ன? அரசாங்கம் இதிலுள்ள சிக்கல்களை கருத்திற் கொண்டுதான் அதனை சபையில் சமர்ப்பிக்காமல் இருந்துள்ளது.அவ்வாறு சமர்ப்பித்திருந்தாலும் அது பாராளுமன்றத்தால் நிராகரிக்கப்பட்டிருக்கும். இந்நிலையில் எதிர்வரும் பொதுத்தேர்தலை இலக்கு வைத்துதான் அரசாங்கம் இந்த இடைக்கால கணக்கறிக்கையை தயார் செய்திருக்குமா என்பது தொடர்பில் எமக்கு சந்தேகம் எழுந்துள்ளது. எனவே அந்த விடயம் தொடர்பில் அரசாங்கம் விளக்கமளிக்க வேண்டும். கடந்த அரசாங்கத்தில் மக்களின் நலன் கருதி பல சலுகைகள் பெற்றுக் கொடுக்கப்பட்டிருந்த போதிலும் , தற்போதைய அரசாங்கம் அதனை செய்யாது இருக்கின்றது. தேர்தல் பிரசாரங்களின் போது மக்களுக்கு வழங்கிய வாக்குறுதிகளைக் கூட அரசாங்கம் நிறைவேற்றாது இருக்கின்றது. பெறுமதிசேர் வரியை குறைத்துள்ளதாக அரசாங்கம் அறிவித்தது. ஐக்கிய தேசியக் கட்சி அதிக வருமானம் ஈட்டும் நபர்களிடமிருந்தே வரியை அறவிட்டது.ஆனால் தற்போதைய அரசாங்கம் வற்வரியை குறைத்து அவர்களுக்கு சலுகையை பெற்றுக்கொடுத்துள்ளது. பெருந்தோட்ட தொழிலாளர்களுக்கு 1000 ரூபாய் சம்பளத்தை பெற்றுக் கொடுப்பதாக ஜனாதிபதி வாக்குறுதி வழங்கினார். இந்த விடயம் தொடர்பில் இதுவரையில் எந்த முயற்சியையாவது எடுத்துள்ளாரா? ஜெனீவா பிரேரணையிலிருந்து விலகுவதாக அரசாங்கம் அறிவித்துள்ளது. இதனால் சர்வதேசத்திடமிருந்து எமக்கு கிடைக்கும் உதவிகளுக்கும் பாதிப்பு ஏற்படக்கூடிய வாய்ப்பிருக்கின்றது. சர்வதேசத்திடம் ஒத்துழைத்து செயற்பட வேண்டும் என்பதற்காகவே ஜெனீவாவின் பிரேணைக்கு இணை அனுசரணை வழங்கப்பட்டது. அரசாங்கத்தின் இந்த செயற்பாட்டால் சர்வதேசத்தின் எதிர்ப்பை இலங்கை சந்திக்க நேரிடும். 2015 ஆம் ஆண்டுக்கு முன்னரான ஆட்சிக்காலத்தில் இடம்பெற்ற குற்றச் செயல்கள் தொடர்பில் தகவல்கள் வெளிவருகின்ற நிலையில் விசாரணைகள் முன்னெடுக்கப்பட்டு வருகின்றன. இந்நிலையில் உரிய விசாரணைகளை முன்னெடுத்து பாதிக்கப்பட்ட தரப்பினருக்கு நியாயத்தை பெற்றுக் கொடுக்க வேண்டும் என அவர் இதன்போது தெரிவித்தார். https://www.virakesari.lk/article/76169