• advertisement_alt
  • advertisement_alt
  • advertisement_alt
பெருமாள்

வேட்டி, சேலையுடன் நோபல் பரிசு பெற்ற தம்பதி!

Recommended Posts

46.jpg
 

அமெரிக்க வாழ் இந்தியரான அபிஜித் விநாயக் பானர்ஜி, இந்தியாவின் பாரம்பரிய உடையான வேட்டி அணிந்து வந்து பொருளாதாரத்துக்கான நோபல் பரிசைப் பெற்றுக்கொண்டார். அதேபோல, அவரது மனைவி எஸ்தர் டூஃப்லோ சேலை அணிந்து கொண்டு பொருளாதாரத்துக்கான நோபல் பரிசைப் பெற்றுக் கொண்டார்.

பொருளாதார நிபுணர்கள் அபிஜித் விநாயக் பானர்ஜி, எஸ்தர் டூஃப்லோ, மைக்கேல் கிரெமர் ஆகியோர் இந்த ஆண்டு பொருளாதாரத்துக்கான நோபல் பரிசுக்குத் தேர்வு செய்யப்பட்டனர்.

வறுமையை ஒழிப்பதற்கான முன்னோடித் திட்டங்களை வகுத்ததற்காக 3 பேருக்கும் நோபல் பரிசு அறிவிக்கப்பட்டது.

இந்நிலையில் சுவீடனில் நடந்த நோபல் பரிசளிப்பு விழாவில் இந்தியப் பாரம்பரிய உடையான வேட்டி அணிந்து வந்து அபிஜித் விநாயக் பானர்ஜி நோபல் பரிசைப் பெற்றுக்கொண்டார். மேலும், பொருளாதாரத்துக்கான நோபல் பரிசை வென்ற மற்றொரு வெற்றியாளரும், அபிஜித் விநாயக் பானர்ஜியின் மனைவியுமான எஸ்தர் டூஃப்லோ சேலை அணிந்துகொண்டு தனது பரிசைப் பெற்றுக் கொண்டார்.

1576046116355-300x211.jpgமேலும் நோபல் பரிசு அறிவிக்கப்பட்ட பிறகு நேர்காணல் ஒன்றில் பேசிய அபிஜித் , “இந்தியப் பொருளாதாரம் மோசமான நிலையில் சென்று வருகிறது. பொருளாதாரத்தில் ஏதோ பிரச்சினை இருக்கிறது என்பதை அரசு உணர்வதும் அதிகரித்து வருகிறது. என்னைப் பொறுத்தவரை இந்தியாவின் பொருளாதாரம் மோசமாகத்தான் இருக்கிறது” என்று கருத்து தெரிவித்திருந்தார்.

சிறந்த பொருளாதார வல்லுநரான அபிஜித் பானர்ஜி, போர்ட் ஃபவுண்டேஷன் சார்பில் செயல்படும் மசசூட்ஸ் இன்ஸ்டிடியூட் ஓஃப் டெக்னோலஜியில் பொருளாதாரப் பேராசிரியராகப் பணியாற்றி வருகிறார் என்பது குறிப்பிடத்தக்கது.

http://www.pagetamil.com/93258/

  • Like 1
  • Thanks 1

Share this post


Link to post
Share on other sites
1 hour ago, பெருமாள் said:

சேலை அணிந்துகொண்டு தனது பரிசைப் பெற்றுக் கொண்டார்.

1576046116355-300x211.jpg

சேலை அணிந்து நோபல் பரிசைப் பெற்றுக்கொண்டாலும் சிறீலங்கா இவரை அழைத்து வாழ்த்திப் பாராட்ட முடியாது பெண்மணி பொட்டுவைத்துள்ளார். 🤔

  • Haha 1

Share this post


Link to post
Share on other sites

" இந்நிலையில் சுவீடனில் நடந்த நோபல் பரிசளிப்பு விழாவில் இந்தியப் பாரம்பரிய உடையான வேட்டி அணிந்து வந்து அபிஜித் விநாயக் பானர்ஜி நோபல் பரிசைப் பெற்றுக்கொண்டார். மேலும், பொருளாதாரத்துக்கான நோபல் பரிசை வென்ற மற்றொரு வெற்றியாளரும், அபிஜித் விநாயக் பானர்ஜியின் மனைவியுமான எஸ்தர் டூஃப்லோ சேலை அணிந்துகொண்டு தனது பரிசைப் பெற்றுக் கொண்டார். "

எமது புலம்பெயர் வாழ் சந்ததிக்கும் தங்கள் கலாச்சாரம், உடை, மொழி மீது உள்ள காதலை புதுப்பிக்க இவ்வாறானவர்களின் முன்னுதாரணம் உதவும்

Share this post


Link to post
Share on other sites
39 minutes ago, ampanai said:

" இந்நிலையில் சுவீடனில் நடந்த நோபல் பரிசளிப்பு விழாவில் இந்தியப் பாரம்பரிய உடையான வேட்டி அணிந்து வந்து அபிஜித் விநாயக் பானர்ஜி நோபல் பரிசைப் பெற்றுக்கொண்டார். மேலும், பொருளாதாரத்துக்கான நோபல் பரிசை வென்ற மற்றொரு வெற்றியாளரும், அபிஜித் விநாயக் பானர்ஜியின் மனைவியுமான எஸ்தர் டூஃப்லோ சேலை அணிந்துகொண்டு தனது பரிசைப் பெற்றுக் கொண்டார். "

எமது புலம்பெயர் வாழ் சந்ததிக்கும் தங்கள் கலாச்சாரம், உடை, மொழி மீது உள்ள காதலை புதுப்பிக்க இவ்வாறானவர்களின் முன்னுதாரணம் உதவும்

புலம்பெயர் பிள்ளைகளை நினைக்கும்போது எதிர்காலம் பயங்கரமானதாய் உள்ளது எந்த ஒரு மாற்று  தலைமையும் இன்றி புலம்பெயர் சமூகம் எங்கள்  கண்முன்னே மேட்குலகின் பிளாக் ஹோல் போன்ற சமூக பழக்க வழக்கம்களில் விழுந்து காணாமல் போக போகின்றனர் .

Share this post


Link to post
Share on other sites

வழங்கப்பட்டது பொருளாதாரதிற்கான நோபல் நினைவு பரிசு. இது நோபல் பரிசு அல்ல. நோபல் பரிசு என்பது மறைந்த அல்பிரட் நோபல் அவர்கள் 1895 இல் தனது உயிலில் எழுதி வைத்தபடி 1901 ஆம் ஆண்டில் இருந்து வழங்கப்படும் பரிசுகள்.

பொருளாதாரத்துக்கு தனது பரிசை வழங்கும்படி நோபல் தனது உயிலில் எங்கும்  குறிப்பிடவில்லை. சமாதானம், இலக்கியம், இரசாயனம், பெளதிகம், விஞ்ஞானம் அல்லது மருத்துவம் ஆகிய ஐந்து துறைகளுக்குமே நோபல் பரிசு வழங்கப்படவேண்டும் என்று அவரது உயிலில் கூறப்பட்டிருந்தது. 

பொருளாதாரத்திற்கான நோபல் நினைவு பரிசு என்பது சுவீடன் நாட்டின் தேசிய  வங்கியால் நோபல் நிறுவனத்தின் அனுசரணையுடன் பிற்காலத்தில் (1968) தான் உருவாக்கப்பட்டது. இதற்கான செலவையும் பரிசு பணத்தையும்  சுவீடன் நாட்டின் தேசிய வங்கி  நோபல் நிறுவனத்திற்கு வருடாவருடம் செலுத்தி வருகிறது.

இவ்வாண்டு பொருளாதரத்திற்கான நோபல் நினைவு பரிசை வெல்பவர்களில் ஒருவர் திரு அபிஜித் பனர்ஜியின் துணைவியார் எஸ்தர் டூப்லோ பிரான்ஸ் நாட்டை பூர்வீகமாக கொண்டு பின் அமெரிக்காவில் குடியேறியவர் என்பதும் இங்கு குறிப்பிடத்தக்கது.

Edited by vanangaamudi
  • Thanks 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.