• advertisement_alt
  • advertisement_alt
  • advertisement_alt
Sign in to follow this  
பெருமாள்

சர்வதேசத்தின் கண்களை உறுத்தத் தொடங்கியிருக்கும் கோட்டாபயவின் நகர்வுகள்!

Recommended Posts

அரச புலனாய்வு சேவையின் பணிப்பாளராக பிரிகேடியர் துவான் சுரேஷ் சாலே நியமிக்கப்பட்ட செய்தி சர்வதேச ஊடகங்களில் கடந்த வாரம் அதிக முக்கியத்துவத்தை பிடித்திருந்தது.

இலங்கையின் புலனாய்வுப் பிரிவு ஒன்றுக்கான பணிப்பாளர் நியமனம் இதற்கு முன்னர் இந்த அளவுக்கு சர்வதேச முக்கியத்துவம் பெற்றிருந்தது கிடையாது.

அரச புலனாய்வு சேவையின் பணிப்பாளராக இராணுவ அதிகாரி ஒருவர் நியமிக்கப்பட்டிருப்பது இதுதான் முதல் முறை. அது மாத்திரமே இந்த அளவுக்கு சர்வதேச கவனம் ஈர்க்கப்பட்டமைக்கு காரணமல்ல.

புதிய ஜனாதிபதி கோட்டாபய ராஜபக்ஷ தனக்கு நெருக்கமான படை அதிகாரிகளுக்கு அளித்து வரும் உயர் பதவிகள், கடந்த ஏப்ரல் 21ஆம் திகதி நடத்தப்பட்ட குண்டுத் தாக்குதல்களின் பின்னரான சூழல், பிரிகேடியர் துவான் சுரேஷ் சாலேயின் பின்னணி ஆகியனவும் கூட இந்தளவு கவனயீர்ப்புக்கு காரணம் தான்.

ஆட்சி மாற்றத்திற்கு பின்னர் அரச பாதுகாப்பு துறைகளில் புதிய அரசாங்கத்துக்கு நம்பிக்கையானவர்கள் உயர் பதவிகளில் நியமிக்கப்பட்டு வருகிறார்கள்.

இது ஒவ்வொரு அரசாங்கம் பதவிக்கு வரும் போதும் நிகழுகின்ற மாற்றம் தான். கோட்டாபய ராஜபக்ஷ அரசாங்கம் பதவிக்கு வந்த பின்னர் அவருக்கு நெருக்கமான இராணுவ அதிகாரிகளுக்கே முக்கியத்துவம் அளிக்கப்பட்டு வருகிறது. உயர் பதவிகள் வழங்கப்பட்டு வருகின்றன. இதற்காக சேவையில் இருந்து விலகிய அதிகாரிகள் பலரும் கூட மீண்டும் சேவைக்கு அழைக்கப்பட்டிருக்கிறார்கள்.

ஓய்வு பெற்ற மேஜர் ஜெனரல் கமால் குணரத்ன பாதுகாப்பு செயலாளராக நியமிக்கப்பட்டார். அதையடுத்து தற்போது அவருக்கு தொலைத்தொடர்பு ஒழுங்குபடுத்தல் ஆணைக்குழுவின் தலைவர் பதவியும் அளிக்கப்பட்டுள்ளது.

ஜனாதிபதி செயலக முன்னாள் இராணுவ அதிகாரியான கே.பி.எகொடவெல நியமிக்கப்பட்டிருக்கிறார்.

தேசிய புலனாய்வுப் பிரிவின் தலைவராக முன்னாள் இராணுவ அதிகாரி மேஜர் ஜெனரல் ஜகத் அல்விஸ் நியமிக்கப்பட்டிருக்கிறார்.

அதையடுத்து பிரிகேடியர் சுரேஷ் சாலே, எஸ் ஐ எஸ் எனப்படும் அரச புலனாய்வு சேவையின் பணிப்பாளராக நியமிக்கப்பட்டிருக்கிறார்.

துறைமுக அதிகார சபையின் தலைவராக முன்னாள் இராணுவத் தளபதி ஜெனரல் தயா ரத்நாயக்க நியமிக்கப்பட்டிருக்கிறார்.

அரச நிர்வாக கட்டமைப்பில் இராணுவ அதிகாரிகள், முன்னாள் இராணுவ அதிகாரிகளின் ஆதிக்கம் அதிகரித்து வருகிறது என்பதையே இந்த நியமனங்கள் எடுத்துக் காட்டுகின்றன.

கோட்டாபய ராஜபக்ஷ ஒரு முன்னாள் இராணுவ அதிகாரி என்பதாலும், அவர் இராணுவ பாணியிலான ஆட்சியை நடத்த விரும்புவதாலும், தனக்கு நம்பிக்கையானவர்களையே வைத்துக் கொள்ள முனைவதாலும், அரசியல்வாதிகள், அரசு அதிகாரிகள் மீது அவர் அதிகம் நம்பிக்கை கொண்டிருக்காததாலும்தான் அவர் சீருடை அதிகாரிகளை அதிகளவில் நியமித்து வருகிறார். இது இராணுவ ஆட்சியின் சாயலை அரசாங்கத்துக்க ஏற்படுத்தி வருகிறது.

கோட்டாபய ராஜபக்ஷவினால் புலனாய்வுப் பிரிவுகளின் தலைவர்களாக நியமிக்கப்பட்டுள்ள மேஜர் ஜெனரல் ஜகத் அல்விஸ், பிரிகேடியர் சுரேஷ் சாலே ஆகிய இருவரும் மகிந்த ராஜபக்ச ஆட்சிக்காலத்தில் கோட்டாபய ராஜபக்ஷ பாதுகாப்புச் செயலாளராக இருந்தபோது இராணுவ புலனாய்வுப் பிரிவின் உயர்மட்டப் பதவிகளில் இருந்தவர்கள்.

2016 ஆம் ஆண்டு நவம்பர் 2 ஆம் திகதி இராணுவப் புலனாய்வுப் படைப் பிரிவின் பிரதானியாக இருந்த மேஜர் ஜெனரல் ஜகத் அல்விஸ் உம், இராணுவப் புலனாய்வுப் பிரிவின் பணிப்பாளராக இருந்த பிரிகேடியர் சுரேஷ் சாலேவும், மைத்திரிபால சிறிசேன அரசாங்கத்தின் இடமாற்றம் செய்யப்பட்டனர்.

இராணுவப் புலனாய்வுப் பிரிவினருக்கு எதிராக நீதிமன்றங்களில் தொடரப்பட்ட வழக்குகள் குறித்த விசாரணைகளுக்கு தேவையான தகவல்களை பொலிசாருக்கு கொடுத்து ஒத்துழைப்பு வழங்கத் தவறியதால் இவர்களை இராணுவப் புலனாய்வுப் பிரிவில் இருந்து நீக்க வேண்டும் என்று சிவில் சமூக அமைப்புகள் அப்போதைய ஜனாதிபதி மைத்திரிபால சிறிசேனவுக்கு அழுத்தம் கொடுத்திருந்தன .

அத்துடன் அந்தக் காலகட்டத்தில் யாழ்ப்பாணத்தில் ஆவா குழுவின் அட்டகாசங்களும் அதிகரித்திருந்தன. ஆவா போன்ற வாள்வெட்டுக் குழுக்களின் பின்னணியில் இராணுவப் புலனாய்வுப் பிரிவு இருப்பதாகவும் அப்போது குற்றச்சாட்டுக்கள் சுமத்தப்பட்டன.

இந்த இரண்டு காரணிகளின் பின்னணிகள் மேஜர் ஜெனரல் ஜகத் அல்விஸ் பிரிகேடியர் சுரேஷ் சாலே ஆகிய இருவரும் இராணுவ புலனாய்வுப் பிரிவில் இருந்து நீக்கப்பட்டிருந்தனர்.

அதன் பின்னர் மேஜர் ஜெனரல் ஜகத் அல்விஸ் ஓய்வு பெற்றிருந்தார். பிரிகேடியர் சாலே மியன்மாரில் இலங்கை தூதரகத்திலும் இராணுவ தலைமையகத்திலும் பணியாற்றினார். அத்துடன் வெளிநாட்டு கற்கை நெறியிலும் பங்கேற்றிருந்தார்.

பிரிகேடியர் சுரேஷ் சாலே ஜனாதிபதி கோட்டாபய ராஜபக்ஷவுக்கு நெருக்கமானவர். அவரது நம்பிக்கையை பெற்றவர் அதனால்தான் அவர் 2016இல் இராணுவப் புலனாய்வுப் பிரிவில் இருந்து முன்னைய அரசாங்கத்தினால் நீக்கப்பட்டார். இப்போது அரச புலனாய்வு சேவையின் பணிப்பாளராக நியமிக்கப்பட்டிருக்கிறார்.

இலங்கை புலனாய்வு சேவைகளில் அரச புலனாய்வு சேவை, தேசிய புலனாய்வுப் பணியகம், இஇராணுவப் புலனாய்வுப் பணியகம் ஆகியன முக்கியமானவை.

இதில் அரச புலனாய்வு சேவை பெரும்பாலும் பொலிஸ் சேவையில் உள்ள அதிகாரிகளை கொண்டது. இராணுவ புலனாய்வுப் பணியகம் முற்றிலும் இராணுவ அதிகாரிகளை கொண்டது. தேசிய புலனாய்வுப் பணியகம் பொலிஸ், முப்படைகள் என்பனவற்றின் அதிகாரிகளை கலவையாக கொண்டது.

மகிந்த ராஜபக்ஷ ஆட்சிக் காலத்தில் தேசிய புலனாய்வுப் பணியகமும் இராணுவப் புலனாய்வு பணியகமுமே முக்கியத்துவம் வாய்ந்த புலனாய்வு அமைப்புக்களாக செயற்பட்டிருந்தன.

பாதுகாப்பு செயலாளர் கோட்டாபய ராஜபக்ஷ இந்த இரண்டு அமைப்புகளின் மீது அதிக நம்பிக்கை வைத்திருந்தார். மேஜர் ஜெனரல் ஹெந்தவிதாரண, தேசிய புலனாய்வு பணியகத்தின் தலைவராகவும் இராணுவ புலனாய்வு பணிப்பாளராக பிரிகேடியர் சுரேஷ் சாலேவும் அப்போது பதவி வகித்தனர்.

ஆனால் 2011ஆம் ஆண்டில் இருந்து இராணுவ புலனாய்வு பணிப்பாளராக இருந்த பிரிகேடியர் சுரேஷ் சாலே அந்த பதவியிலிருந்து நீக்கப்பட்ட போது இராணுவப் புலனாய்வுப் பிரிவில் அவருக்கு கீழ் இருந்த இரண்டு படைப்பிரிவுகளும் கலைக்கப்பட்டன.

இராணுவப் புலனாய்வுப் பிரிவுக்கு புலனாய்வுப் பிரிவை சாராத அதிகாரிகள் பணிப்பாளராக நியமிக்கப்பட்டனர். தேசிய புலனாய்வுப் பிரிவின் தலைவராக சேவை நீடிப்பு வழங்கப்பட்ட பொலிஸ் புலனாய்வு அதிகாரியான சிசிர மெண்டிஸ் நியமிக்கப்பட்டார்.

அரச புலனாய்வு சேவைக்கு கூடுதல் முக்கியத்துவம் அளிக்கப்பட்டு முதன்மையான புலனாய்வு அமைப்பாக மாற்றப்பட்டது. இது பொலிஸ் மற்றும் சிவில் புலனாய்வாளர்கள் கொண்டது.

மைத்திரி ரணில் கூட்டு அரசாங்கம் இராணுவப் பின்னணி அல்லாத சிவில் ஆட்சி நடப்பதாக காட்டுவதற்கு விரும்பியது. அதற்காகவே இந்த மாற்றம் செய்யப்பட்டது.

கடந்த ஈஸ்டர் தின தாக்குதல்கள் நடக்கும் வரை இந்த நிலைதான் காணப்பட்டது. ஈஸ்டர் தின தாக்குதல் அரசாங்க புலனாய்வு அமைப்புகளின் நிலையை கேள்விக்குள்ளாக்கியது.

அரச புலனாய்வு சேவைக்கு முன்கூட்டியே தகவல் அளிக்கப்பட்டு இருந்தபோதும் உரிய பாதுகாப்பு முன்னேற்பாடுகள் மேற்கொள்ளப்படவில்லை. அதன் விளைவாகவே குண்டுத் தாக்குதல் நடத்தப்பட்டு பெரும் பாதிப்புகள் ஏற்பட்டன.

இந்த தாக்குதலை அடுத்து ஜனாதிபதியாக இருந்த மைத்திரிபால சிறிசேன, பாதுகாப்பு செயலாளராக இருந்த ஹேமஸ்ரீ பெர்னாண்டோவை பதவி விலகச் செய்தார்.

பொலிஸ் மா அதிபராக இருந்த பூஜித ஜயசுந்தர பதவி விலக மறுத்ததால் அவரை இடை நிறுத்தினார்.

தேசிய புலனாய்வு பணிப்பாளராக இருந்த சிசிர மெண்டிசுக்கு சேவை நீடிப்பு வழங்காமல் அந்த பதவியில் இருந்து நீக்கினார். ஆனாலும் அரச புலனாய்வு பணிப்பாளராக இருந்த நிலந்த ஜெயவர்தனவுக்கு எதிராக எந்த நடவடிக்கையும் எடுக்கவில்லை.

இந்த தாக்குதல் குறித்து விசாரித்த ஆணைக்குழுக்கள், முதன்மையாக குற்றம் சாட்டியிருந்தது அரச புலனாய்வு சேவையின் மீது தான்.

அரச புலனாய்வு சேவைக்கு தான் இந்திய புலனாய்வு அமைப்பிடம் இருந்து பல முன்னெச்சரிக்கை அறிவிப்புகள் கொடுக்கப்பட்டிருந்தன.

அதனை அரச புலனாய்வு சேவை பணிப்பாளராக இருந்த நிலந்த ஜெயவர்தன உரிய முறையில் கையாண்டு இருந்தால் தாக்குதல்களை தடுத்து இருக்கலாம்.

அவர் தனக்கு கிடைத்த தகவலை ஜனாதிபதி மைத்திரிபால சிறிசேனவிற்கு தெரியப்படுத்தினாரா என்ற சந்தேகம் உள்ளது. தனக்கு எந்த தகவலும் தெரிவிக்கப்படவில்லை என்று தான் மைத்திரிபால சிறிசேன சாட்சியமளித்தார்.

ஆனாலும் தனக்கு தகவல் அளிக்கத் தவறிய ஏனைய அதிகாரிகள் மீது நடவடிக்கை எடுத்த மைத்திரிபால சிறிசேன அரச புலனாய்வு சேவை பணிப்பாளராக இருந்த நிலந்த ஜெயவர்த்தனவை காப்பாற்ற முற்பட்டது ஏன் என்பது இன்னமும் மர்மமாகவே உள்ளது.

ஈஸ்டர் தின தாக்குதல்களுக்குப் பொறுப்புக்கூற வேண்டிய நிலையில் இருந்த அரச புலனாய்வுச் சேவையில் மாற்றங்கள் செய்யப்படாமல் இருந்த நிலையில் தான் அதன் பணிப்பாளராக பிரிகேடியர் சுரேஷ் சாலே நியமிக்கப்பட்டிருக்கின்றார்.

பிரிகேடியர் சுரேஷ் சாலே இந்தப் பதவிக்கு நியமிக்கப்பட்டதை அடுத்து சிவில் புலனாய்வு அமைப்பில் இராணுவ ஆதிக்கம் ஏற்பட்டுள்ளதாக குற்றச்சாட்டுக்கள் எழுந்துள்ளன.

அதேவேளை, கோட்டாபய ராஜபக்ஷ இராணுவப் புலனாய்வுப் பிரிவுக்கே முக்கியத்துவம் அளிப்பார் என்ற எதிர்பார்ப்பும் மாற்றமடைந்துள்ளது. பிரிகேடியர் சுரேஷ் சாலே அரச புலனாய்வுச் சேவையின் தலைவராக நியமிக்கப்பட்டுள்ள நிலையில் அதனை வலுப்படுத்தவே அவர் முனைகிறார் என்பது உறுதியாகியிருக்கின்றது.

ஆக அரச புலனாய்வுச் சேவை தொடர்ந்தும் முதன்நிலை புலனாய்வு அமைப்பாக செயற்படும் வாய்ப்புக்கள் உள்ளன. பிரிகேடியர் சுரேஷ் சாலே புலனாய்வுப் பிரிவில் நீண்ட காலம் பணியாற்றிய அனுபவத்தைக் கொண்டவர். பிரான்சில் உள்ள இலங்கைத் தூதரகத்தில் பணியாற்றிய போது புலிகளின் செயற்பாடுகளை முடக்குவதில் இவர் முக்கிய பங்காற்றியவர்.

மலேசியாவில் இருந்து விடுதலைப் புலிகள் இயக்கத்திற்கு மீளுயிர் கொடுக்க முனைந்த கே.பி எனப்படும் செல்வராசா பத்மநாதனை கைது செய்து கொழும்புக்கு கொண்டு வந்ததிலும் இவர் முக்கிய பங்காற்றியுள்ளார்.

அவர் அரச புலனாய்வுச் சேவை பணிப்பாளராக நியமிக்கப்பட்டுள்ளதானது சாதகமாகவும், பாதகமாகவும் பார்க்கப்படுகின்ற நிலையே உள்ளது.

அதேவேளை, கோட்டாபய ராஜபக்ச அரசாங்கத்தில் இராணுவ ஆதிக்கம் அதிகரித்து வருவது சர்வதேசத்தின் கண்களை அதிகம் உறுத்தத் தொடங்கியிருக்கின்றது. பிரிகேடியர் சாலேயின் நியமனத்துக்குக் கிடைத்திருக்கின்ற கூடுதல் வெளிச்சம் அதனைத் தான் உணர்த்தியிருக்கின்றது.

https://www.tamilwin.com/articles/01/233828?ref=home-top-trending

 

Share this post


Link to post
Share on other sites

 "கோட்டாபய ராஜபக்ச அரசாங்கத்தில் இராணுவ ஆதிக்கம் அதிகரித்து வருவது சர்வதேசத்தின் கண்களை அதிகம் உறுத்தத் தொடங்கியிருக்கின்றது."

கோத்தாவின் ஆட்சியில் மகிந்தாவின் தாக்கம் இருக்கும், இராணுவம் / புலநாய்வை தவிர ( காரணம் தானே அதை சிறப்பாக செய்ய முடியும் என எண்ணுகிறார்). 

அடுத்த ஐந்தாண்டுகள் மட்டும்தானா இல்லை அதையும் கடந்து அடுத்த பத்து ஆண்டுகளுக்கு அரியணையில் இவர்கள் இருந்தால் அது சீனா சார்பாக மாறிவிடும் என்ற பயமே அதிகமாக இந்தியாவிற்கும் மேற்குலகத்திற்கும் இருக்கும்.    

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • இரண்டு கூட்டமும் நன்றாக கொள்ளையடித்திருக்கிறார்கள்। நிவர்ட் கப்ரால் இப்போது புதுப்புது கதைகள் சொல்லுகிறார்। ஏன் வெளிநாட்டிடம் கொடுத்து கணக்கு வழக்கை சரி பார்த்தீர்கள், 2015 ஆம் ஆண்டுக்குமுதல் கணக்கு வழக்கை நாங்கள் கேட்கவில்லைதானே, அப்படி இப்படி என்று துள்ளிக்கொண்டு இருக்கிறார்। இப்போது அரசும் ஆப்பிழுத்த குரங்கு மாதிரி இறுகிப்போய் இருக்கிறது। நல்லதோர் விவாதத்தை இனி பார்க்கலாம்।
    • இலங்கை நீதியரசர்களையும், நீதியரசராக இருந்தவர்களையும் பற்றி ரஞ்சன் லீக்கை கேட்பதன்மூலம் அறிந்து கொள்ளலாம்।
    • நீங்கள் என்னதான் தலை கீழாக நின்றாலும் கிளிநொச்சி வன்னி பிரதேசத்துடன் சேர்ந்த இடமில்லை। வன்னி பிரதேசம் என்பதும் வன்னி தொகுதியாதான் குறிக்கிறது। அதாவது மன்னர் மாவடடம் , வவுனியா  மாவடடம் , முல்லைத்தீவு மாவடடம்। அதேபோலத்தான் யாழ்   மாவட்டம்  , கிளிநொச்சி மாவட்டத்தை ஒரு தொகுதியாக/பிரதேசமாக  குறிக்கிறது ।  புலுடா விட வேண்டிய அவசியமில்லை। நீங்கள் பிடித்த முயலுக்கு மூன்று கால் என்றால் நாங்கள் ஒன்றும் செய்ய  முடியாது ராஜேஷ் அவர்களே। 
    • கீழே....  மல்லிகை சி.குமார்  என்ற  பதிவை, இளையத்தில் கண்டேன். இருவரும் ஒருவரா? என்பதை என்னால் உறுதிப்படுத்த முடியவில்லை. தெரிந்தவர்கள் கூறினால் நல்லது.   ////// மல்லிகை சி. குமார்"டீச்சர் இன்னிக்கும் அந்த மானைப் பார்த்திட்டு வந்தீங்களா?"அந்த சிறுமி தன் மழலைக் குரலில் என்னைப் பார்த்து கேட்க,"ஆமா பார்த்திட்டு தான் வந்தேன். உன்னப் போல அந்த மானும் என்னை விழிச்சி விழிச்சு பார்திச்சு" - என்றேன் நான்."அப்ப எங்களுக்கும் அந்த மானப் பார்க்க ஆசையா இருக்கு டீச்சர்...""ஆமா... டீச்சர், எங்களையும் கூட்டிக் கொண்டு போய் அந்த மானக் காட்டுங்களே..." - மாணவர்களின் ஏகோபித்த குரல்கள்."சரி.... சரி.... எல்லாரும் அமைதியா இருங்க. உங்க எல்லாத்தையும் மானைப் பார்க்கக் கூட்டிக் கிட்டுப் போறேன்" என்று ஆறுதலாக சொன்னேன்."எப்ப டீச்சர் கூட்டிக்கிட்டுப் போவீங்க?" ஒருத்தி ஆசையாகக் கேட்டாள்.மானைப் பார்க்க வேண்டும் என்ற அவர்களின் ஆசையும் ஆர்வமும் என்னை நெம்பி எடுப்பது போல இருந்தது. அவர்களின் ஆசையை நிவர்த்தி செய்ய வேண்டும் என்ற உந்துதல் என்னுள் எழுந்தது."ந்தாப் பாருங்க இன்றைக்குப் பின்னேரம் மழை இல்லாவிட்டால் உங்களை மான் பார்க்கக் கூட்டிக்கிட்டுப் போறேன்" என்றேன்."ஹய்ய்யா.... அப்படின்னா மழ வராது" எல்லாரும் கைகளை உயர்த்தி ஆரவாரம் செய்தனர்."டீச்சர் அப்படினா நாங்க அந்தி வரைக்கும் இங்கேயே இருக்கணுமா?" - ஒரு சிறுமி சந்தேகத்தோடு கேட்டாள்."இல்ல மத்தியானம் உங்களை எல்லாம் கூட்டிக்கிட்டுப் போக உங்க வீட்டிலிருந்து யாராவது வருவார்கள் தானே... அவுங்களோடு நீங்க வீட்டுக்குப் பொயிட்டு பின் நேரம் மூன்று மணிக்கு திரும்பவும் இங்க வாங்க. அதன்பிறகு நாம மான் பார்க்கப் போவோம். அந்தி நேரத்திலும் மான் அங்க வரும். உங்களைக் கூட்டிக்கிட்டுப் போகவரும் உங்க வீட்டுக்காரர்களிடம் நான் விபரமாகச் சொல்லுறேன்" என்றேன் நான்."ஹய்யா... நாம எல்லாம் மான் பார்க்கப் போறோம்.." அவர்களிடம்தான் எவ்வளவு குதுகளிப்பு!"டீச்சரம்மா... இன்னிக்கு இவுங்களுக்கெல்லாம் கடலைதான் சாப்பாடு... இப்ப நேரம் சரி... எல்லாருக்கும் சாப்பாட்டை கொடுத்திடுவோமா? என்று சமையல்கார ஆயா வந்து என்னிடம் சொல்லவும், சிறுவர்களுக்கு உணவு கொடுப்பதில் மும்முரமானோம். அவர்கள் வரிசையாக ஒழுங்காகப் போய் தங்கள் கைகளை சுத்தம் செய்துவிட்டு வந்து தங்கள் கதிரைகளில் அமர்ந்தார்கள். ஆயா எல்லாச் சிறுவர்களுக்கும் உணவைப் பரிமாறினாள்.சிறுவர் முன்பள்ளியும் சிறுவர் அபிவிருத்தி நிலையமும் ஒரே இடத்தில் இருப்பதால்... சிறுவர் அபிவிருத்தி நிலைய ஆயாவும் வந்து உதவி செய்தாள்.சிறுவர்களுக்கு உணவு, பால் என்பன கொடுப்பதோடு மற்றும் சுத்தம் செய்வதெல்லாம் இந்த ஆயாக்களின் பொறுப்பாக இருப்பதால் நான் போய் என் ஓய்வு அறையில் அமர்ந்தேன்.மேக மலை....இயற்கை சூழ்ந்த மலையடிவார இடம். பசுந் தேயிலைக் குன்றுகள். அதையடுத்து காடும் மலைகளுமான தொடர்கள். தேயிலைத் தோட்டத்தையடுத்து அடர்ந்த காடுகள் இருப்பதால்... அக்காடுகளிலிருந்து மான், பன்றி, மரை, குரங்கு.... ஏன் சிறுத்தைகள்கூட தேயிலைத் தோட்டத்திற்குள் நுழையும்.நான் இந்த மேகமலை எஸ்டேட்டில் உள்ள சிறுவர் முன்பள்ளிக்கு ஆசிரியையாக வந்து மூன்று மாதங்களாகி விட்டன. தினமும் டயகம டவுனிலிருந்துதான் இங்கு வருகின்றேன். டயகம டவுனிலிருந்து மேற்கு திசையில் சிறிது தூரத்திற்கு அப்பால் உள்ள தமிழக் கொல்லை என்ற இடம்தான் என் சொந்த இடம். என் அப்பா ஒரு அங்காடி வியாபாரி, ஆற்றங்கரை ஓரமாக எங்களுக்கு வீடும் சிறிது நிலமும் இருந்தது. ஆற்றை ஒட்டியே அந்த சிறு விவசாய நிலமும் இருப்பதால்...மழை காலத்தில் ஆறு பெருக்கெடுத்தால் பயிரெல்லாம் தேசமாகி விடும். போனமுறை லீக்ஸ் போட்டிருந்தோம். புரண்டு வந்த வெள்ளத்தில் எதுவுமே மிஞ்சவில்லை. இதில் அப்பாவைவிட அம்மாவுக்குத்தான் கவலை அதிகம். ஏனென்றால் அந்த நிலத்தில் எல்லா வேலையும் செய்வது அம்மாதான். என் படிப்பும் அந்த நிலம் போலத்தான். குடும்பத்தில் அடிக்கடி ஏற்படும் வறுமை வெள்ளத்தால் எனக்கு படிப்பும் ஒழுங்காக வரவில்லை. இலவசமாக சீருடை, பாட நூல்கள் கிடைத்தாலும் கொப்பிகள் வாங்குவதற்கும், டியூசன் வகுப்புகளுக்குப் போவதற்கும் கஷ்டப்படுவேன். எனக்கு கீழ் இரண்டு தங்கச்சிமார்களும் ஒரு தம்பியும் இருக்கிறார்கள். அப்பாவின் தொழிலிலும் ஒரு விருத்தியில்லை.எப்படியோ ஓஃஎல் வரைக்கும் படித்தேன். தகுந்த தகுதி இல்லாததினால் மேற்கொண்டு படிப்பதில் சிரமம் ஏற்பட்டது. எப்படியோ அப்பாவுக்குத் தெரிந்த ஒரு மெடத்தின் மூலம் பாலர் முன்பள்ளியில் எனக்கு இந்த வேலை கிடைத்தது. இதுவும் சுளையாக கிடைக்கும் மாத சம்பளமில்லை. இந்த முன்பள்ளியில் எத்தனை பிள்ளைகளின் பெற்றோர்களும் மாதாமாதம் மனசு வச்சிக் கொடுக்கும் ஒரு சிறு தொகைதான் எனக்குச் சம்பளம். ஆனால் இந்தத் தோட்டத்தைப் பொறுத்தவரை நான் ஒரு டீச்சர். அனைவரும் என்னை டீச்சர் என்றுதான் அழைக்கிறார்கள். அது எனக்குப் பெருமையாக இருக்கிறது. இங்கு வேலைக்கு வந்தப்பிறகு தோட்ட நிர்வாகத்தின் மூலம் - ஒரு தொண்டர் நிறுவனம் நடத்திய பயிற்சி முகாமுக்கும் போய் வந்தேன்.சனி, ஞாயிறு தவிர.... ஏனைய நாட்களில் நான் காலை எட்டு மணிக்கு முன் டயகம டவுனுக்கு வந்துவிட வேண்டும் டவுனிலிருந்து மேக மலைக்கு போகும் மினி பஸ் எட்டு மணிக்கெல்லாம் புறப்பட்டு விடும். காலை நேரத்தில் சன்னல் ஓரமாக அமர்ந்து பயணிப்பது எனக்கு ரொம்பப் பிடிக்கும்.நான் பாடசாலையில் படிக்கும்போதே சுமாராக ஓவியம் தீட்டுவேன். படிப்பை நிறுத்திவிட்டு வீட்டில் இருந்தப் போது கூட ஓவியத்தில் ஈடுபாடாகத்தான் இருந்தேன். இப்பொழுது கூட இந்த சிறுவர்களுக்கு ஏற்ற ஓவியங்களை வரைந்து இங்கே மாட்டி வைத்திருக்கின்றேன். புதிதாக நான் இங்கே வரைந்து வைத்திருப்பது அதோ அந்த கூட்டமான புள்ளி மான்கள் படம்தான். என் மாணவர்கள் இதை பெரிதாக ரசித்தார்கள்.நான் ஒவ்வொரு நாளும் அந்த மினி பஸ்ஸில் டயகம நகரிலிருந்து மேகமலைக்கு வரும்போது சில நாட்களில் அந்த பஸ் சந்திரகாமம் பாடசாலையோடு நின்றுவிடும். அப்படிப்பட்ட நாட்களில் நான் சந்திரகாம தோட்டத்திலிருந்து மேகமலைக்கு நடந்துதான் போவேன். சந்திரகாமத்திற்கும் மேகமலைக்குமிடையே வனப்பகுதி. நன்றாக வெயில் அடித்தாலும் பாதை ஈரப்பசையாக நிழல் கட்டித்தான் இருக்கும்.சாலை ஓரத்தில் அழகான போரஸ்ட் பங்களா. அதிலிருந்து சிறிது தூரம் சென்றால் ஒரு சந்தி. வான மலை என்ற ஆன மலைக்கும் தேசிய கால்நடைப் பண்ணைக்கும் அந்த சந்தியிலிருந்து தான் பாதைகள் பிரிகின்றன. உலக முடிவு (வேல்ட்ஸ் என்ட்) என்ற இடத்திற்கும் இங்கிருந்து போகலாம். நான் நடந்து வரும்போது எத்தனையோ முறை இந்த வன எல்லையில் மான்களைப் பார்த்திருக்கிறேன். நான் இவ்வழியில் வரும் போதெல்லாம் ஏதாவது ஒரு மானையாவது பார்க்கத் தவறுவதில்லை. அதேபோல பின்நேரம் நான் மேக மலையிலிருந்து திரும்பும் போதும் மான் என் கண்களுக்கு தென்படும். குறிப்பாகச் சொன்னால் அந்திவேளையில் அந்த ஒற்றை புள்ளிமான்! பெரும்பாலும் அந்தி நேரத்தில் மேக மலையிலிருந்து டவுனுக்குப் போக வாகனங்கள் கிடைக்காது. நான் நடந்துதான் போவேன்.தனிமையில் நடக்கும்போது மனம் ரம்யமாகவே இருக்கும். "டீச்சரம்மா அந்தி நேரத்தில் இங்கிருந்து நடந்து போறீங்க. சில நேரம் வனப்பகுதியில இருந்து சிறுத்த வந்தாலும் வரும். போன வாரம் நம்ம தோட்டத்து ஆளுங்க சிறுத்தையைக் கண்டிருக்காங்க. நாய்களையும் சிறுத்த கொன்னு போட்டிருக்கு. ஏதுக்கும் பார்த்தே போங்க" ன்னு யார் யாரோ என்னிடம் சொல்லியும் இருக்காங்க. நானும் அந்த அச்சமெல்லாம் தவிர்த்துதான் நடக்கின்றேன். ஆனா இதுவரைக்கும் மான் என் கண்களில் தென்பட்டது போல ஒரு சிறுத்தைகூட என் கண்களில் தென்படவில்லை.ஏற்கனவே அந்த வனத்தில் உள்ள சிறுத்தைகளில் ஒன்று தேயிலைக் காட்டுக்குள் நடமாடுவதாக பேச்சும் அடிபடுகிறது. அதை பொதுமக்களும் நம்புகிறார்கள். சிறுத்தை மனிதர்களையும் அடித்து விடுமோ என்ற பயம் அவர்களுக்கு. இதனால் இந்த முன்பள்ளியிலுள்ள மாணவர்களின் பெற்றோர்கள் மான் பார்க்க தன் பிள்ளைகளை வனப் பகுதிக்கு அனுப்புவார்களா?மத்தியானம்சிறுவர்களை வீட்டிற்கு அழைத்துப்போக வந்த பெற்றோர்களிடம் நான் என் திட்டத்தை விளக்கமாகச் சொன்னேன். சில பெற்றோர்கள் மறுப்புத் தெரிவித்து விட்டனர். சிலரோ,"அதுக்கென்னாங்க டீச்சர் நீங்க எங்க பிள்ளைகளைக் கூட்டிக்கொண்டு போய் மானைக் காட்டுங்க. ஆனா... நீங்கப் போற அந்த நேரத்தில மான் அங்க வந்து மேயுமாங்கிறதுதான் சந்தேகம். நாம நெனைக்கிற நேரமெல்லாம்... நமக்காக மானு அங்க வராது. ஆனா ஒங்க ஆசையை நாங்க கெடுக்கல்ல. எங்க பிள்ளைகளை கூட்டிக்கிட்டுப் போங்க..." என்றனர்.மாலை மூன்று மணி.பெற்றோர்கள் அனுமதித்த பிள்ளைகள் எல்லாரும் முன்பள்ளிக்கு வந்து விட்டனர். அவர்களோடு சற்று வயதான ஒருவரும் வந்திருந்தார்."டீச்சரம்மா நானும் ஒங்களோட வனப்பகுதிக்கு வர்றேன். காட்டப்பத்தி எனக்கு எல்லாமே தெரியும். அதோட நானும் இந்த ரெண்டு மூணு நாளா போரஸ்ட் பங்களாப் பக்கம் ஒரு மானு மேயிறதைப் பார்த்துக்கிட்டுதான் இருக்கேன். முன்னயெல்லாம் இந்த தோட்டத்தில உள்ள கொஞ்சப் பேரு மான் வேட்டை, மரை, பன்றி வேட்டைன்னு மிருகங்களை வேட்டையாடி வந்து அதுங்க இறைச்சிகளை விற்பனை செய்வாங்க. நான் அப்பவே அந்த விலங்கு வேட்டைக்கு எதிர்ப்பு தெரிவிச்சவன்."எதுக்கிடா இந்த வாயில்லா ஜீவன்களை கொன்னு அது எறச்சியை வித்து வாழுறீங்க! பாவண்டா விலங்குகளை கொல்லாதீங்க!ன்னு அப்பவே சொல்லுவேன். இப்ப அரசாங்கமே பார்த்து அந்த மிருக வேட்டைக்கு தடைப் போட்டிறிச்சி. இல்லாட்டிப் போனா மானு, மரைன்னு கொன்னுக்கிட்டுத்தான் இருப்பானுங்க" என்றார் அவர்."அட இந்த காடுகள் சூழ்ந்த இடத்திலேயும் இப்படி ஒரு ஜீவகாருண்ணிய போதகரா?" என்று அந்த முதியவரைப் பார்த்து நான் வியந்தேன்.மூன்று மணிக்குப் பிறகு...நாங்கள் அங்கிருந்து காட்டுப் பங்களா பக்கம் எங்கள் பயணத்தைத் தொடங்கினோம். அந்த முதியவரும் எங்களோடு வந்தார்."டீச்சர் ஒரு மான் மட்டுமா வரும்?""அதுக்கு கொம்பு இருக்குமா?""நீங்க வரைஞ்சி வைச்சிருக்கிற மாதிரி அது மேல புள்ளிகள் இருக்குமா?"என்று பலவித கேள்விகளை அந்த நாலுக்கும் - ஆறுக்கும் இடைப்பட்ட வயதுள்ள சிறுவர்கள் என்னை நோக்கிக் கேட்டபடி வந்தனர். நாங்கள் தேயிலைச் செடிகளைக் கடந்து வனப்பகுதி தொடங்கும் காட்டுப் பங்களாவை அண்மித்தோம்.கலர்...கலர் துணிகளில் கொடி எல்லாம் கட்டி இருந்தார்கள். காலையில் நான் இந்த வழியாக போன போது இந்தக் கொடிகளெல்லாம் இல்லை. ஆனால் இப்பொழுது...?"ஏங்கய்யா இந்த போரஸ்ட் பங்களாவில் ஏதும் விசேஷம்மா?" என்று எங்களுடன் வந்த பெரியவரை நோக்கிக் கேட்டேன்."டீச்சரம்மா... ராவைக்கித்தான் விடிய விடிய விசேஷம் நடக்கப்போவுது. யாரோ ஒரு மந்திரியோட மகன் தன் கூட்டாளிமார்களோடு வந்து இங்க கும்மாளம் அடிக்கப் போறானாம். டான்ஸ் நிகழ்ச்சி எல்லாம் நடக்குமின்னு, இங்க பூஞ்செடி தோட்டத்தில வேலை செய்யும் என் சொந்தக்காரன் ஒருத்தன் நேத்து அந்திக்கே ஏங்கிட்ட சொல்லிட்டான். இந்தப் பங்களாவில அடிக்கடி ராவு நேரத்தில் ஏதாவது களியாட்டம் நடக்குமாம்.ஏஞ் சொந்தக்காரனும் ஏம் மாதிரிதான். விலங்குகளை வதை செய்வதை தாங்கிக்க மாட்டான். ரொம்ப இரக்கக் குணம் உள்ளவன். இந்த பங்களாவில உள்ளவனுங்க காட்டு சேவலை அடிச்சி சமைச்சாலும்... ஏஞ் சொந்தக்காரன் தொட்டுக்கூடப் பார்க்க மாட்டான். விலங்குகளை வேட்டையாடுவது அவனுக்கும் பிடிக்காது..." என்ற முதியவர்,"வாங்கம்மா... இன்னும் கொஞ்சந்தூரம் போய் பார்ப்போம். மான் எப்படியும் தென்படும். ரோட்டு ஓரமா வந்து மான் புல் மேயும்" என்றார்."மானை சிறுத்த கண்டா கொன்னுப்புடும்ன்னு சொல்லுறாங்களே.... சிறுத்த மானைக் கொல்லுமா?" மற்றொரு சிறுமி சிறிது பயத்தோடு கேட்டாள்."அட... எந்த சிறுத்தையும் இங்க வராது" என்ற பெரியவர் தன் வலது கையை காட்டுப் பக்கம் நீட்டி, "சிறுத்தையெல்லாம் அதோ தெரியுதே அந்த ஆனைமலைக் காட்டுலதான் திரியும். இங்க இந்த ரோட்டுப் பக்கமெல்லாம் சிறுத்த வராது. நீ தைரியமாக இரு. பயப்படக்கூடாது" என்றார்."அப்ப ஏன் மானை இன்னும் காணோம். அந்த மானை சிறுத்தை கொன்னிருக்குமோ?" என்று ஒரு சிறுவன் சொல்லிக் கொண்டிருக்கும் போதே வேகமாக ஒரு கறுப்பு நிற வாகனம் எதிர் பக்கமிருந்து வந்துகொண்டிருந்தது. "எல்லாரும் ஒதுங்கியே நில்லுங்க. அங்க வருவது மந்திரி மகனோட வாகனமாகத்தான் இருக்கும்" என்றார் முதியவர்."ஐயா மந்திரியோட மகன் வர்றதால இன்னிக்கி மான் இந்தப் பக்கம் வராது" என்று நான் சிரித்தபடியே சொல்லிவிட்டு சிறுவர்களை நோக்கினேன். என் வார்த்தைக்குப் பின் அவர்களின் முகமெல்லாம் வாடியது.இன்றைக்கு இவர்களுக்கு மானைக் காட்ட முடியாமல் ஏமாற்றத்தோடுதான் திரும்பிப் போக நேருமோ...? என்று ஒரு அவநம்பிக்கையும் எனக்குத் தோன்றியது. வாகனம் அருகில் வந்த போதுதான் தெரிந்தது அது பொலீஸ் வாகனமென்று.வேகமாக வந்த வாகனம் காட்டுப் பங்களாவின் முகப்பில் போய் நின்றது. வாகனத்திலிருந்து அவசரம் அவசரமாக குதித்த பொலீஸ்காரர்கள் பங்களாவின் உள்ளும் புறமுமாக ஓடினார்கள்."என்னா பெரியவரே.... மந்திரியோட மகன் வரப்போறான்னு இப்பவே அவனுக்கு பொலீசு பாதுகாப்பெல்லாம் தடப்புடலா வந்திருச்சே" என்றேன்."அது இல்லம்மா வேற ஏதோ விபரீதம் நடந்திருச்சிப் போல..." என்று சொல்லிக் கொண்டே முதியவர் பங்களாப் பக்கம் நெருங்கிப் போக நானும் சற்று பங்களாப் பக்கம் முன்னேறிப் போய் நின்றேன். சிறிது நேரத்திற்கெல்லாம்... பங்களாவின் பின்பக்க காம்பிராவிலிருந்து ரத்தம் கொட்ட கொட்ட உடம்பில் பாதி வரைக்கும் தோல் உரிக்கப்பட்ட பரிதாப நிலையில் ஒரு மானின் உடலை சுமந்து வந்த இரு பொலிஸார் அதை வண்டிக்குள் போட்டதைப் பார்த்த எனக்கு மயக்கம் வருவது போல இருந்தது. உடம்பே நடுங்கியது. இதைத் தொடர்ந்து ரத்தக்கறை படிந்த உடுப்போடுள்ள ரெண்டு மூன்று ஆசாமிகளை அடித்து தர.... தர... வென்று இழுத்துக்கொண்டு வந்த சில பொலிஸார் அந்த ஆசாமிகளையும் வண்டிக்குள் தள்ள இன்னும் ரெண்டு பொலிஸ்காரர்கள் இரத்தக்கறைபட்ட ஆயுதங்களோடு வந்தனர்.இதை எல்லாம் பார்த்துக்கொண்டிருந்த முதியவர் என் பக்கம் திரும்பி..."டீச்சரம்மா இந்தக் கொலக்காரப் பாதகணுங்க ரவ்வு நடக்கப்போகும் களியாட்டத்துக்காக வாயில்லாத புள்ளிமான கொன்னு விருந்துப்போட எத்தணிச்சானுங்க.. ஆனா... இப்ப கையும் களவுமா பொலிஸ்காரங்க கையில மாட்டிக்கிட்டானுங்க. இந்த மான் எறைச்சிக்கு ஆசப்பட்ட அந்த மந்திரியோட மகனையும் உள்ளுக்குத் தள்ளணும். அவன்தான் அம்ப எய்து விட்டவனா இருக்கணும்" என்றவர்,"இந்தக் கொலகார பாதக செயல அவசரமா டவுன்ல உள்ள பொலிசுக்கு தெரியப்படுத்தியது நிச்சயமா என் சொந்தக்காரனாதான் இருக்கணும். அவனால இந்த மாதிரி கொடூரத்தை எல்லாம் பார்த்துக்கிட்டு சும்மா இருக்க முடியாது. எப்பவும் அவன் கிட்ட செல்போனும் இருகு;கும். அவனால இந்த கொலைகாரன்களை தட்டித்தடுக்க முடியாவிட்டாலும் பொலிசுக்கு தகவல் சொல்லும் அளவுக்கு அவன் கிட்ட தைரியம் இருக்கு" என்றார் முதியவர்."டீச்சர் இன்னிக்கி மான் வராதா...?" சற்று தூரத்தில் நிற்கும் சிறுவர்களில் ஒருவன் காட்டுப்பகுதியை பார்த்தபடி கேட்க..."மான் இனிமே இங்க வராதுடா தம்பி. ரெண்டு கால் உள்ள கொடூர மனித சிறுத்தைங்க அந்த இளமான இறைச்சிக்காக கொன்னு கொதறிப்புடுச்சிங்க..." வேதனையோடு சொன்னார் பெரியவர்."அப்ப மானு செத்துப் பொயிருச்சா?" கண் கலங்க கேட்டாள் ஒரு சிறுமி... "செத்துப் போவுல... அதை சாவடிச்சிட்டானுங்க" என்ற பெரியவரின் குரல் சோகமாக ஒலித்தது. சிறிது நேரத்திற்கெல்லாம் அந்த மானின் உடலையும் சுமந்து கொண்டு அந்தக் காட்டுப் பங்களாவிலிருந்து கிளம்பியது காவல்துறை வண்டி.(கற்பனையும் உண்டு) //////
    • கிடைக்கவில்லை Kapithan. ஆனால் அவர் ஓவியம் வரையும் ஒரு படம் இருக்கிறது