• advertisement_alt
  • advertisement_alt
  • advertisement_alt
Sign in to follow this  
ampanai

90ஸ் கிட்ஸ் பாவம் சும்மா விடாது.. பெண் கொடுக்க 100 நிபந்தனைகள்..!

Recommended Posts

சென்னையில் வசிக்கின்ற நடுத்தர குடும்பத்தை சேர்ந்த பட்டதாரி இளைஞர்களுக்கு வேலையிருந்தும், சொந்தமாக வீடு இல்லாததால், பெண் கிடைப்பது குதிரைக் கொம்பாகி வருகின்றது. 30 வயதை எட்டிப்பிடிக்க இருக்கும் நிலையில் பெண் வீட்டாரின் நிபந்தனைகளால் விழிபிதுங்கி நிற்கும் "நைண்டீஸ் கிட்ஸ்"களின் பரிதாபம் குறித்து விவரிக்கின்றது இந்த செய்தி...

திருமணம்.. பெற்றோர் ஆசியுடன் இருமனம் இணையும் மகிழ்ச்சி மிக்க வைபவம்..! உற்றார் உறவினர் மற்றும் நண்பர்களின்  நேரடி வாழ்த்துக்களுடன் கெட்டிமேளச்சத்தை மண மேடையில் அமர்ந்து கேட்பது என்பதே  சென்னையில் நடுத்தர வர்க்க பட்டதாரி இளைஞர்களுக்கு சவாலான நிகழ்வாக மாறி வருகின்றது.

மதுபழக்கம் இல்லாமல், நல்ல வேலைக்கு சென்று வந்தாலும் ஜாதியில் தொடங்கி சென்னையில் சொந்தவீடு இருக்க வேண்டும், மார்க்கெட்டிங் மாப்பிள்ளையா வேலை நிரந்தரம் கிடையாது, குறைந்த பட்சம் மாப்பிள்ளை 1 லட்சம் சம்பளம் பெற வேண்டும், மத்திய மாநில  அரசுப்பணி என்றால் ஓகே என்று பெண் வீட்டார் போடும் பலவித கட்டளைகளால் தங்கள் திருமணம் தடைபட்டு நிற்பதாக வேதனை தெரிவிக்கின்றார் முகம் காட்ட வெட்கப்படும் இந்த முரட்டு சிங்கிள்..!

வரதட்சணையும் வேண்டாம், ஜாதியும் வேண்டாம், தங்கள் குடும்பத்துக்கு ஏற்ற பெண்ணாக இருந்தால் போதும் என்று இறங்கி வந்தால், பெண்ணுக்கு சமைக்க தெரியாது, வேலைக்கு ஆள் வைத்துக் கொள்ளுங்கள், பையனையும் பெண்ணையும் தனிக்குடித்தனம் அனுப்பி விடுங்கள், என்று அடுத்த பட்டியல் நீள்வதால் இதுவரை 40 பெண்கள் பார்த்தும் தனது மகனுக்கு பெண் கிடைக்கவில்லை என்று ஆதங்கப்படுகின்றார் இந்த தாய்..

அதே நேரத்தில் நிரந்தமாக சொந்த வீடு கூட இல்லையென்றால் எப்படி பாதுகாப்பாக வசிக்க முடியும் ? என்று எதிர் கேள்வி எழுப்பும் பெண் ஒருவர், திருமணத்திற்கு பின்னர் பெரும்பாலான ஆண்கள் தங்கள் மனைவியை பணிக்கு அனுப்புவதில்லை அப்படி இருக்க நகரத்தில் ஒருவர் மட்டும் வேலைக்கு சென்று குடும்பத்தை நல்லபடியாக நடத்த அதிக அளவு பணம் தேவைப்படும் அல்லவா ? அதனால் தான் நிரந்தர வேலையுடன் அதிக சம்பளம் பெறும் மாப்பிள்ளையாக பார்ப்பதாக சுட்டிக்காட்டுகின்றனர் பெண்கள்
6 மாதத்திற்கு ஒரு வீடு என்று கையில் பொருட்களை தூக்கிக் கொண்டு அலைந்து கொண்டிருந்தால் சரியாக இருக்காது என்பதால் சொந்த வீடு இல்லாத மாப்பிள்ளைகளை பெற்றோர் ஏற்றுக் கொள்வதில்லை என்றும் சுட்டிக்காட்டுகின்றனர்.

கடந்த 5 ஆண்டுகளில் தான் பெண் வீட்டாரின் எதிர்பார்ப்பு எகிறிவிட்டதாக தெரிவிக்கும் திருமண தரகர்கள், முன்பு போல அல்லாமல் அனைத்து பெண்களும் படித்தவர்களாக இருப்பதால், 5 சிறப்பான வரன்களின் விவரம் கையில் இருந்தாலும் அதற்கு மேல் ஒரு நல்ல மாப்பிள்ளை தங்கள் மகளுக்கு அமையவேண்டும் என்பதே இந்த நிலைக்கு காரணம் என்கின்றனர்.

இந்த நிலைமையை பார்த்து சில நைண்டீஸ் கிட்ஸ், ஏதாவது ஒரு பெண்ணை காதலித்து திருமணம் செய்து கொள்ளலாம் என்று முயன்றால், காலம் கடந்து விட்டதால் காதலிக்க நேரமோ, பெண்ணோ கிடைப்பதில்லை என்பது தான் பரிதாபத்தின் உச்சம்..!

நைண்டீஸ் கிட்சை வேடிக்கையாக பார்ப்பதை விட, நைண்டீஸ் கிட்ஸ்சோடு வாழ்ந்து பாருங்க அப்ப தான் அவங்க படுற கஷ்டம் புரியும் ..!

https://www.polimernews.com/dnews/93420/90ஸ்-கிட்ஸ்-பாவம்-சும்மாவிடாது..-பெண்-கொடுக்க-100நிபந்தனைகள்..!

  • Sad 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • உங்களுக்கு இனப்பிரச்சினையின் அடிப்படையே தெரியாதபோது இப்படித்தான் பேசுவீர்கள்। எனவே உங்களை நாங்கள் பிழையாக நினைக்கவில்லை , பரிதாபப்படுகிறோம்। அமெரிக்கா மனித உரிமை மீறல்களில் ஈடுபட்டதாகவும் , அவர்களுக்கு உங்களை தடை செய்ய உரிமை இல்லை என்று கூறுகிறீர்கள்। அப்படி என்றால் நீங்களும் அவர்களை தடை செய்யலாம் , நடவடிக்கை எடுக்கக்கலாம் உங்களால் முடியுமென்றால்। அவர் மீது உள்ள குற்றச்சாட்டுக்கள் நிரூபிக்க முடியவில்லை என்று கூறுகிறீர்கள்। அப்படி என்றால் நீங்கள் ஒரு தீர்ப்பாயத்தை அமைத்து அப்படி அவர் செய்யவில்லை என்று நிற்பிக்கலாம்தானே।நீங்கள் ஒன்றுமே செய்ய மாடீர்கள், செய்பவனாயும் குற்றம் சாட்டிக்கொண்டிருப்பீர்கள்। எனவே உங்கள் வீடடை   சுத்தப்படுத்திவிட்டு மற்றவன் வீடடை சுத்தப்படுத்த முயட்சியுங்கள்।
    • 30 வருட கால யுத்தம் தமிழ் மக்களுக்கு எதிரானது அல்ல – சுதர்ஷனி! 30 வருட கால யுத்தம் தமிழ் மக்களுக்கு எதிரானது அல்ல என நாடாளுமன்ற உறுப்பினர் சுதர்ஷனி பெர்ணான்டோபுள்ளே தெரிவித்துள்ளார். கொழும்பில் நேற்று(புதன்கிழமை) இடம்பெற்ற ஊடகவியலாளர் சந்திப்பின் போதே அவர் இவ்வாறு குறிப்பிட்டுள்ளார். இதன்போது அங்கு தொடர்ந்தும் கருத்து வெளியிட்ட அவர், ‘நாட்டின் இறையாண்மையை பாதுகாப்பதற்காகவே இராணுவ தளபதி சவேந்திர சில்வா யுத்தவெற்றிக்கு பாரிய பங்களிப்பு வழங்கினார். 30 வருட கால யுத்தம் இலங்கை வாழ் தமிழ் மக்களுக்கு எதிராக முன்னெடுக்கப்பட்டது அல்ல. உலகில் தடை செய்யப்பட்ட பயங்கரவாத அமைப்பான விடுதலை புலிகள் அமைப்பினை முற்றாக இல்லாதொழிக்க வேண்டிய தேவை இலங்கை அரசாங்கத்திற்கு காணப்பட்டது இது சாதாரண விடயம். ஒரு நாட்டின் இறையான்மைக்கு பாதிப்பு ஏற்படுத்தும் அமைப்புக்களுக்கு எந்த நாடுகளும் ஆதரவு வழங்காது இதில் இலங்கை மாத்திரம் விதிவிலக்கல்ல. விடுதலை புலிகள் அமைப்பின் நோக்கங்களை கருத்திற் கொண்டு அமெரிக்கா இராணுவ தளபதி சவேந்திர சில்வாவிற்கு பயணத்தடையினை விதித்துள்ளது. பல மனித உரிமை மீறல் தொடர்பான குற்றச்சாட்டுக்கள் அமெரிக்காவின் மீது சுமத்தப்பட்டள்ளன. ஆகவே எமது நாடு தொடர்பாக தீர்மானங்களை தன்னிச்சையாக எடுக்கும் அதிகாரம் அமெரிக்காவிற்கு கிடையாது. இராணுவத் தளபதி சவேந்திர சில்வா மீது அரசியல் நோக்கங்களை அடிப்படையாகக் கொண்டு சுமத்தப்பட்ட குற்றச்சாட்டுக்கள் ஏதும் இதுவரையில் ஆதார பூர்வமாக நிரூபிக்கப்படவில்லை. இவ்வாறான நிலையில் எவ்வித முன்னறிவித்தல், பேச்சுவார்ததைகளுமின்றி அமெரிக்க பயணத்தடை விதித்துள்ளமை கடுமையாக கண்டனத்திற்குரியவை. இந்த நெருக்கடியை அரசாங்கம் வெற்றிக் கொள்ளும்’ எனக் குறிப்பிட்டுள்ளார். http://athavannews.com/30-வருட-கால-யுத்தம்-தமிழ்-மக/
    • திருப்பூர் சாலையில் கோர விபத்து – உயிரிழப்புக்களின் எண்ணிக்கை 21ஆக அதிகரிப்பு அவினாசி அருகே இடம்பெற்ற கோர விபத்தில் உயிரிழந்தோரின் எண்ணிக்கை 21 ஆக அதிகரித்துள்ளது. பெங்களூரில் இருந்து கேரள மாநிலம் எர்ணாகுளம் நோக்கி பயணித்த கேரள மாநில அரசு சொகுசு பேருந்தும் கோவையிலிருந்து சேலம் நோக்கி டைல்ஸ் கற்கள் ஏற்றிக்கொண்டு பயணித்த, கண்டெய்னர் லொரியும் திருப்பூர் மாவட்டம் அவினாசி அருகே உள்ள தேசிய நெடுஞ்சாலையில் மோதிக்கொண்டன. இந்த விபத்தில், பேருந்து முற்றிலும் சிதைவடைந்ததுடன், பேருந்தில் இருந்த பயணிகள் இடிபாடுகளில் சிக்கி உடல் உறுப்புகளை இழந்தனர் என்பதோடு, பலர் உயிரிழந்தனர். விபத்து குறித்து அதிகாரிகளுக்கும் தீயணைப்பு துறையினருக்கும் தகவல் வழங்கப்பட்டதைத் தொடர்ந்து, சம்பவ இடத்திற்கு விரைந்த தீயணைப்பு துறையினர் மீட்பு பணியில் ஈடுபட்டுள்ளனர். இந்த விபத்தில் 13 பேர் சம்பவ இடத்திலேயே உயிரிழந்தனர். பலத்த காயமடைந்தவர்கள் மீட்கப்பட்டு வைத்தியசாலையில் அனுமதிக்கப்பட்டனர். வைத்தியசாலையில் அனுமதிக்கப்பட்டவர்களில் சிகிச்சைப் பலனளிக்காது, மேலும் 8 பேர் உயிரிழந்தனர். இதனால் உயிரிழப்புக்களின் எண்ணிக்கை 21 ஆக உயர்ந்தது. மேலும் பலர் தீவிர சிகிச்சைப் பிரிவில் அனுமதிக்கப்பட்டுள்ளனர் என்பதோடு, மீட்பு பணிகள் தொடர்ந்து நடைபெற்று வருகின்றமை குறிப்பிடத்தக்கது. http://athavannews.com/திருப்பூர்-சாலையில்-கோர/
    • சென்னையில் இருவருக்கு கொரோனா அறிகுறி சென்னை வந்த கப்பலில் சீனர்கள் 2 பேருக்கு கொரோனா வைரஸ் தாக்கத்திற்கான அறிகுறி இருந்ததால் ரத்த மாதிரி சேகரிக்கப்பட்டு சோதனைக்கு அனுப்பப்பட்டுள்ளது. இதுகுறித்து சென்னை துறைமுக கழகம் வெளியிட்ட செய்திக்குறிப்பில், 18ஆம் திகதி வந்த எம்.வி. மேக்னட் கப்பலில் 19 சீனர்கள் இருந்ததாகவும் அவர்களிடம் துறைமுக மருத்துவ குழுவினர் நடத்திய சோதனையில் 2 பேருக்கு லேசான காய்ச்சல் இருந்தது கண்டுபிடிக்கப்பட்டதாகவும் கூறப்பட்டுள்ளது. இதனால் கப்பலிலேயே 2 பேரும் தனிமைபடுத்தப்பட்டு, கடற்பகுதியில் இருந்து சிறிது தொலைவில் கப்பல் நிறுத்தப்பட்டுள்ளதாகவும் தெரிவிக்கப்பட்டுள்ளது. மேலும் இன்று காலை குறித்த இருவரிடமும் ரத்த மாதிரி சேகரிக்கப்பட்டு கிண்டி கிங்ஸ் நிறுவனத்துக்கு பரிசோதனைக்கு அனுப்பியிருப்பதாகவும் அதன் முடிவு இன்று கிடைக்கும் என எதிர்பார்ப்பதாகவும் சென்னை துறைமுக கழகம் வெளியிட்டுள்ள செய்திக்குறிப்பில் குறிப்பிடப்பட்டுள்ளது. http://athavannews.com/சென்னையில்-இருவருக்கு-கொ/