செல்போனை தவிர்த்துவிட்டு குடும்பத்தினருடன் மனம்விட்டு பேசுங்கள் - போப் பிரான்சிஸ்

[ampanai]

செல்போன்களை தவிர்த்துவிட்டு குடும்பத்தினருடன் உரையாடுங்கள் என்று போப் ஆண்டவர் பிரான்சிஸ் அறிவுரை வழங்கியுள்ளார்.

உலகையே கைக்குள் அடக்கிவிட்ட உணர்வை தரும் செல்போனை பயன்படுத்துவதில் குழந்தைகள் முதல் பெரியவர்கள் வரை அனைவருமே ஆர்வம் காட்டி வருகின்றனர். இந்நிலையில், செல்போனை தூர வைத்துவிட்டு குடும்பத்திடருடன் உரையாடுங்கள் என்று போப் ஆண்டவர் பிரான்சிஸ் அறிவுரை வழங்கியதுடன் ஏசு கிறிஸ்து, மேரி, ஜோசப் ஆகியோரை மேற்கோள் காட்டினார்.

இயேசு கிறிஸ்து, மேரி, ஜோசப் ஆகியோர் உரையாடினார்கள், உழைத்தார்கள், வழிபட்டார்கள் அதையே நீங்களும் செய்யுங்கள்.

மேலும், குடும்பத்தினருடன் ஒன்றாக அமர்ந்து உணவு உண்ணும் நேரத்திலாவது செல்போனை தவிர்த்து விட்டு அவர்களுடன் மனம் விட்டு பேசுங்கள் என்றும் போப் கூறியுள்ளார்.

"தந்தைகள், பெற்றோர்கள், குழந்தைகள், தாத்தா, பாட்டி, சகோதர, சகோதரிகளே, ஒருவருக்கொருவர் மனம்விட்டு பேசும் புனித செயலை உடனே மேற்கொள்ளுங்கள் என போப் அழைப்பு விடுத்துள்ளார்.

https://www.polimernews.com/dnews/95013/செல்போனை-தவிர்த்துவிட்டுகுடும்பத்தினருடன்மனம்விட்டு-பேசுங்கள்---போப்பிரான்சிஸ்

[ampanai]

4 hours ago, ampanai said:

மேலும், குடும்பத்தினருடன் ஒன்றாக அமர்ந்து உணவு உண்ணும் நேரத்திலாவது செல்போனை தவிர்த்து விட்டு அவர்களுடன் மனம் விட்டு பேசுங்கள் என்றும் போப் கூறியுள்ளார்.

இது என்னவோ நூறு வீதம் (99.9999%) சரியாக தெரிகின்றது.

[ராசவன்னியன்]

நீங்க வேறை, டாய்லெட்டிற்கும், துணையுடன் கட்டிலுக்கும் செல்போனுடன் செல்லும் இளசுகளே இப்பொழுது அதிகம்.

இருபது வருடங்களுக்கு முன்பு, விமான நிலையதில் காத்திருக்கும்போதோ, ரயிலில் பயணம் செய்யும்போதோ சக பயணிகளுடன் பேசி உறவாட, நட்புடன் மனிதம் வளர வாய்ப்பிருந்தது.

இப்பொழுது  குதிரைக்கு கடிவாளம் கட்டிவிட்ட மாதிரி யாரும் எவரோடும் அருகில் உட்கார்ந்தாலே பேசுவதில்லை. பெரும்பாலும் அனைவரும் காதில் எயர் போனுடன் செல்போனில் அரட்டை அல்லது மும்முரமாக நோண்டிக்கொண்டிருப்பது. செகிட்டில் ஓங்கி அறையலாம் போல் தோன்றும்..!

என்ன மின்னெந்திரத்தனமான வாழ்க்கை..?

[ampanai]

அண்மையில் ஆங்கில மொழி ஊடான கலந்துரையாடலை வானொலியில் கேட்ட பொழுது ஒரு தகப்பனார் சொன்னார் தனது மகளின் ஆண் நண்பரை விருந்துக்கு அழைத்து அவர்கள் உணவு உண்டு மகிழ்ந்தார்கள். தான் கூறிய ஒரே ஒரு வேண்டுகோள் உங்களின் செல்லிடைதொலைபேசிகளை மேசைக்கு கொண்டுவர வேண்டாம் என்பதாகும்.

அதையும் மீறி அந்த ஆண் நண்பர் இரகசியமாக மேசைக்கு கீழே அதை பாவித்ததாகவும் தான் அவரை வீட்டை விட்டு வெளியேற கேட்டதாயும் அதன் பின்னர் அவர் 'மாறி விட்டதாயும்' கூறினார்.

 

[தமிழ் சிறி]

இந்த... செல்போன்  வியாதி, மனிதரை... எங்கு கொண்டு போய் விடப் போகுதோ....