• advertisement_alt
  • advertisement_alt
  • advertisement_alt
Sign in to follow this  
கிருபன்

தமிழ் கல்விச் சமூகமும் பிள்ளைகளின் கனவும்!

Recommended Posts

தமிழ் கல்விச் சமூகமும் பிள்ளைகளின் கனவும்!

இலங்கையில் தற்போது கல்விப் பொதுத் தராதர முடிவுகள் வெளியாகியுள்ள நிலையில் சமூக வலைத் தளங்களில் பலரும் சிறந்த பெறுபேறுகளைப் பெற்றவர்களைப் பாராட்டி மகிழ்வதைக் கண்டிருப்பீர்கள். இது நல்ல ஒரு விடயம்தான்.

ஆனால் அவர்களைவிடவும் இந்த நேரத்தில் ஊக்கப்படுத்த வேண்டியது பல்கலைகழகம் நுழையத் தவறியவர்களைத்தான். அவர்களுள்தான் எமது  எதிர்கால ஆசிரியர்கள், தொழில் முனைவர்கள், தாதிகள், உற்பத்தியாளர்கள், எழுத்தாளர்கள், ஊடகவியலாளர்கள், தொழில்நுட்ப விற்பன்னர்கள், நிர்வாகிகள், சமூக சேவகர்கள் போன்றோர் இருக்கிறார்கள். 

அவர்களின் திறமைகளை விரைவாகவும் முறையாகவும் வெளிக்கொணர என்ன பொறிமுறையை நாம் ஏற்படுத்தியிருக்கிறோம்? Career Guidance மற்றும் Mentoring போன்ற சேவைகள் எவ்வளவு தூரம் இலங்கை போன்ற நாடுகளில் வளர்ச்சியடைந்துள்ளன? Paid placement மற்றும் unpaid Placement போன்ற வாய்ப்புகளும் இலங்கையில் போதுமான அளவு இல்லை என்பதும் மறுக்க முடியாத ஒரு விடயமாகும்.

இவ்வாறான சேவைகளை வளப்படுத்தி மாணவர்களை காலம் தாழ்த்தாது உரிய பாதையில் செல்ல வழிகாட்டுவதற்கு முக்கியமான தடையாக இருப்பது எமது “கல்விச் சமூகத்தின் தவறான முன்மாதிரிகளால்” பிழையாக வழிநடத்தப்பட்டு வரும் பெற்றோரே. ஏனைய தடைகளெல்லாம் இலகுவாகத் தகர்க்கக் கூடியவையே.

எமது பிள்ளைகள் தாமே தமது துறையைத் தெரிவுசெய்யவும் அவர்களின் கனவை நனவாக்கவும் எமது பங்களிப்பை வழங்கத் நாம் தயாராகும்வரை உள்நாட்டிலும் சரி வெளிநாட்டிலும் சரி, எமது சமூகம் தொடர்ந்தும் பெற்றோரின் கனவை பிள்ளைகள்மேல் திணிக்கும் சமூகமாகவே இருக்கப்போகிறது. 

பிள்ளைகளும் முட்டி மோதிக் காலத்தையும் பணத்தையும் வீணடித்துத்தான் தொழிற்சந்தையில் தம்மை நிலைநிறுத்தப் போகிறார்கள்.

இதன் மறுபக்கத்தில் இலங்கையில் பல்கலைக்கழக அனுமதி பெறாத மாணவர்கள் உயர் கல்வியை பெறும் பொருட்டு அல்லது  தொழில் தேவைகளை கருதி இலங்கையை விட்டு இடம்பெயர்ந்து செல்லுவதும் ஒவ்வொரு முறையும் நிகழ்கிறது. 

இது சிறுபான்மைச் சமூகமான எமது மனிதவளத்தில் பற்றாக்குறையை ஏற்படுத்துவதோடு Brain Drain என்று சொல்லப்படும் அறிவாளிகளின் வெளியேற்றம் தொடரத்தான் போகிறது. தேசியம், தமிழர் தாயகம் என்று பேசுவோர் முதலில் இதுபற்றிக் விரைவாகக் கவனத்தில் எடுக்க வேண்டியது அவசியமாகிறது.


https://www.facebook.com/101881847986243/posts/114852020022559/?d=n
 

  • Like 1

Share this post


Link to post
Share on other sites
5 hours ago, கிருபன் said:

எமது பிள்ளைகள் தாமே தமது துறையைத் தெரிவுசெய்யவும் அவர்களின் கனவை நனவாக்கவும் எமது பங்களிப்பை வழங்கத் நாம் தயாராகும்வரை உள்நாட்டிலும் சரி வெளிநாட்டிலும் சரி, எமது சமூகம் தொடர்ந்தும் பெற்றோரின் கனவை பிள்ளைகள்மேல் திணிக்கும் சமூகமாகவே இருக்கப்போகிறது. 

உண்மை

Share this post


Link to post
Share on other sites

அது என்ன தமிழ் கல்விச் சமூகம். யாரேனும் தெளிவுபடுத்த முடியுமா ?

Share this post


Link to post
Share on other sites
On 1/2/2020 at 8:23 PM, Kapithan said:

அது என்ன தமிழ் கல்விச் சமூகம். யாரேனும் தெளிவுபடுத்த முடியுமா ?

தமிழர்களில் கல்விச் செயற்பாட்டில் ஈடுபடுபவர்கள். ஆசிரியர்கள்,  கல்வித் திணைக்கள அதிகாரிகள், கொள்கை வகுப்பாளர்கள், சமூக சிந்தனையுடைய தனிநபர்கள் என்று பலரையும் அடக்கலாம்.

சமூகத்தில் ஆசிரியர்களின் பங்கினைத் தெளிவாக்கி அதனை மேலும் தரமுயர்த்தவும், சமூக விளைவுகளுக்கு தகுந்த கற்றலை ஊக்குவிக்கவும் முயல்பவர்கள். தனியே எஞ்சினியர்கள், டொக்டர்கள், அக்கவுண்டண்ட்கள் மாத்திரம் ஒரு சமூகத்தைக் கட்டியெழுப்பமுடியாது என்பதனை உணரச் செய்பவர்கள்!

  • Like 1

Share this post


Link to post
Share on other sites
4 hours ago, கிருபன் said:

தமிழர்களில் கல்விச் செயற்பாட்டில் ஈடுபடுபவர்கள். ஆசிரியர்கள்,  கல்வித் திணைக்கள அதிகாரிகள், கொள்கை வகுப்பாளர்கள், சமூக சிந்தனையுடைய தனிநபர்கள் என்று பலரையும் அடக்கலாம்.

சமூகத்தில் ஆசிரியர்களின் பங்கினைத் தெளிவாக்கி அதனை மேலும் தரமுயர்த்தவும், சமூக விளைவுகளுக்கு தகுந்த கற்றலை ஊக்குவிக்கவும் முயல்பவர்கள். தனியே எஞ்சினியர்கள், டொக்டர்கள், அக்கவுண்டண்ட்கள் மாத்திரம் ஒரு சமூகத்தைக் கட்டியெழுப்பமுடியாது என்பதனை உணரச் செய்பவர்கள்!

அப்படி ஒர் தெளிவான நோக்கை எமது கல்விச் சமூகம் கொண்டிருந்ததா அல்லது கொண்டிருக்கிறதா ? தெளிவாகக் கூறுங்கள்.

Share this post


Link to post
Share on other sites
5 hours ago, கிருபன் said:

தமிழர்களில் கல்விச் செயற்பாட்டில் ஈடுபடுபவர்கள். ஆசிரியர்கள்,  கல்வித் திணைக்கள அதிகாரிகள், கொள்கை வகுப்பாளர்கள், சமூக சிந்தனையுடைய தனிநபர்கள் என்று பலரையும் அடக்கலாம்.

சமூகத்தில் ஆசிரியர்களின் பங்கினைத் தெளிவாக்கி அதனை மேலும் தரமுயர்த்தவும், சமூக விளைவுகளுக்கு தகுந்த கற்றலை ஊக்குவிக்கவும் முயல்பவர்கள். தனியே எஞ்சினியர்கள், டொக்டர்கள், அக்கவுண்டண்ட்கள் மாத்திரம் ஒரு சமூகத்தைக் கட்டியெழுப்பமுடியாது என்பதனை உணரச் செய்பவர்கள்!

தமிழ் கல்விச் சமூகம் பற்றி விளக்கம் அளித்தமைக்கு நன்றி.

On 1/1/2020 at 4:18 PM, கிருபன் said:

மாணவர்களை காலம் தாழ்த்தாது உரிய பாதையில் செல்ல வழிகாட்டுவதற்கு முக்கியமான தடையாக இருப்பது எமது “கல்விச் சமூகத்தின் தவறான முன்மாதிரிகளால்” பிழையாக வழிநடத்தப்பட்டு வரும் பெற்றோரே.

கல்வியில் சிறந்து விளங்கும் யாழ் மக்கள் என்று சொல்லபடுகிறவர்களை  வழிநடத்தி வருபவர்கள்   இவர்கள் தானா?:rolleyes: 

Tution master  பிள்ளைகளுக்கு வைத்திருக்காத ஈழத்து பெற்றோர்களை, வெளிநாடானாலும் இலங்கையானாலும் காண்பது மிகவும் குறைவு. tution master ராக இருப்பது வருமானம் மிகவும் அதிகம் பெற கூடிய தொழில்.

Share this post


Link to post
Share on other sites
Posted (edited)
20 hours ago, Kapithan said:

அப்படி ஒர் தெளிவான நோக்கை எமது கல்விச் சமூகம் கொண்டிருந்ததா அல்லது கொண்டிருக்கிறதா ? தெளிவாகக் கூறுங்கள்.

இல்லை. பல்கலைக் கழகங்களுக்கு தெரிவு செய்யப்பட்டவர்களையும், சாதனை படைத்தவர்களையும் மெச்சுவதோடு நின்றுவிடுகின்றார்கள். பல்கலைக் கழகங்களிக்கு தெரிவு செய்யப்படாதவர்களுக்கு மேற்படிப்புக்கும், தொழில்சார் கற்றல்களுக்கும், சுயதொழிலில் ஈடுபடவும் தேவையான செயற்பாடுகளைச் செய்வதில்லை. இதனால் பல்கலைக்கழகங்களுக்கு தெரிவு செய்யப்படாத  18-19 வயது இளையோர் ஒரு cliff edge இல் நிற்கவைக்கப்படுகின்றார்கள்.

சுயமுயற்சியும், ஊக்கமும் உள்ளவர்கள் படிப்பைக் கைவிடாது திறந்த பல்கலைக்கழகம், மென்பொருள் துறை என்று சென்று நல்ல நிலைக்கு வந்துள்ளார்கள். எனது நண்பர்களில் சிலர் தமது துறையில் விடாமுயற்சியுடன் முன்னுக்குவந்து இன்று நல்ல நிலையில் இருக்கின்றார்கள். ஆயினும் 22- 25 வயதுகளில் முடிக்கவேண்டிய கல்வியை 20களின் இறுதியிலேயேதான் முடித்தார்கள். சரியான வழிநடத்துதல் இருந்தால் இந்த நீண்டகால கல்விச்செயற்பாட்டைக் குறைத்து வேலையை 25 வயதுக்கு முன்னரே ஆரம்பிக்கலாம்.

18 hours ago, விளங்க நினைப்பவன் said:

Tution master  பிள்ளைகளுக்கு வைத்திருக்காத ஈழத்து பெற்றோர்களை, வெளிநாடானாலும் இலங்கையானாலும் காண்பது மிகவும் குறைவு. tution master ராக இருப்பது வருமானம் மிகவும் அதிகம் பெற கூடிய தொழில்.

உண்மைதான். தரப்படுத்தல் முறை மூலம் பல்கலைக் கழகங்களுக்கு தெரிவு செய்யப்படுவதில் பாகுபாடு காட்டப்பட்டதால் படிப்பில் போட்டி ஏற்பட்டது. பலகலைக் கழகம் போகாவிட்டால் எதிர்காலமே இல்லையென்ற நிலையும் இருந்தது. இவைதான் தனியார் வகுப்புக்கள் பிரபலமாகக் காரணம். இப்போது மாற்றங்கள் உருவாகி இருந்தாலும் பாடசாலைக் கல்வியில் மாத்திரம் தங்கியிருக்கும் அளவிற்கு நம்பிக்கை பெற்ரோரிடம் வரவில்லை.

Edited by கிருபன்

Share this post


Link to post
Share on other sites
3 hours ago, கிருபன் said:

இல்லை. பல்கலைக் கழகங்களுக்கு தெரிவு செய்யப்பட்டவர்களையும், சாதனை படைத்தவர்களையும் மெச்சுவதோடு நின்றுவிடுகின்றார்கள். பல்கலைக் கழகங்களிக்கு தெரிவு செய்யப்படாதவர்களுக்கு மேற்படிப்புக்கும், தொழில்சார் கற்றல்களுக்கும், சுயதொழிலில் ஈடுபடவும் தேவையான செயற்பாடுகளைச் செய்வதில்லை. இதனால் பல்கலைக்கழகங்களுக்கு தெரிவு செய்யப்படாத  18-19 வயது இளையோர் ஒரு cliff edge இல் நிற்கவைக்கப்படுகின்றார்கள்.

சுயமுயற்சியும், ஊக்கமும் உள்ளவர்கள் படிப்பைக் கைவிடாது திறந்த பல்கலைக்கழகம், மென்பொருள் துறை என்று சென்று நல்ல நிலைக்கு வந்துள்ளார்கள். எனது நண்பர்களில் சிலர் தமது துறையில் விடாமுயற்சியுடன் முன்னுக்குவந்து இன்று நல்ல நிலையில் இருக்கின்றார்கள். ஆயினும் 22- 25 வயதுகளில் முடிக்கவேண்டிய கல்வியை 20களின் இறுதியிலேயேதான் முடித்தார்கள். சரியான வழிநடத்துதல் இருந்தால் இந்த நீண்டகால கல்விச்செயற்பாட்டைக் குறைத்து வேலையை 25 வயதுக்கு முன்னரே ஆரம்பிக்கலாம்.

உண்மைதான். தரப்படுத்தல் முறை மூலம் பல்கலைக் கழகங்களுக்கு தெரிவு செய்யப்படுவதில் பாகுபாடு காட்டப்பட்டதால் படிப்பில் போட்டி ஏற்பட்டது. பலகலைக் கழகம் போகாவிட்டால் எதிர்காலமே இல்லையென்ற நிலையும் இருந்தது. இவைதான் தனியார் வகுப்புக்கள் பிரபலமாகக் காரணம். இப்போது மாற்றங்கள் உருவாகி இருந்தாலும் பாடசாலைக் கல்வியில் மாத்திரம் தங்கியிருக்கும் அளவிற்கு நம்பிக்கை பெற்ரோரிடம் வரவில்லை.

எங்கள் தமிழ் சமூகத்தின் கல்வி செயற்பாடு அல்லது கல்வி கொள்கை , கொழுத்த சீர்தனம் மற்றும்  அரசாங்க வேலை (ஓய்வூதியத்தை இலக்காகக் கொண்ட ) இரண்டையும் மட்டுமே இலக்காகக் கொண்டது. தமிழ் கல்விச் சமூகம் இந்த இரண்டு இலக்குகளுக்குமே சேவை செய்வதாக நான் நம்புகிறேன்.

நீங்கள்  ?

Share this post


Link to post
Share on other sites
On 1/5/2020 at 1:31 PM, Kapithan said:

எங்கள் தமிழ் சமூகத்தின் கல்வி செயற்பாடு அல்லது கல்வி கொள்கை , கொழுத்த சீர்தனம் மற்றும்  அரசாங்க வேலை (ஓய்வூதியத்தை இலக்காகக் கொண்ட ) இரண்டையும் மட்டுமே இலக்காகக் கொண்டது. தமிழ் கல்விச் சமூகம் இந்த இரண்டு இலக்குகளுக்குமே சேவை செய்வதாக நான் நம்புகிறேன்.

நீங்கள்  ?

இது காலங்காலமாக மாறாமல் உள்ளதுதான்! ஆனால் மாற்றவேண்டும்.

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • மன்செஸ்டர் யுனைடட் அணிக்கு அதிர்ச்சி தோல்வி By Mohamed Shibly -     இங்கிலாந்து ப்ரீமியர் லீக் தொடரின் முக்கிய சில போட்டிகள் புதன்கிழமை (22) நடைபெற்றன. அந்தப் போட்டிகளின் விபரம் வருமாறு,  மன்செஸ்டர் யுனைடட் எதிர் பர்ன்லி மன்செஸ்டர் யுனைடட் தனது சொந்த மைதானமான ஓல்ட் ட்ரபர்டில் பர்ன்லி அணிக்கு எதிராக 2-0 என அதிர்ச்சித் தோல்வி ஒன்றை சந்தித்தது. பர்ன்லி ஓல்ட் ட்ரபர்டில் ப்ரீமியர் லீக்கில் பெற்ற முதலாவது வெற்றி இதுவாகும்.  லிவர்பூலிடம் கடந்த ஞாயிற்றுக்கிழமை 2-0 என தோல்வியுற்ற மன்சஸ்டர் யுனைடட் தொடர்ச்சியாக இரண்டாவது தோல்வியை பெற்று புள்ளிப்பட்டியலில் முதல் நான்கு இடங்களை நெருங்கும் வாய்ப்பை தவறவிட்டது. அந்த அணி நான்காவது இடத்தில் இருக்கும் செல்சியை விடவும் 6 புள்ளிகள் பின்தங்கி ஐந்தாவது இடத்தில் உள்ளது. சொந்த ரசிகர்களுக்கு முன் சிறந்த ஆரம்பத்தை பெற்றபோதும் ஆரொன் வான் பிசிக்கா பரிமாற்றிய இரண்டு கோல் வாய்ப்புகளை அன்தோனி மார்ஷல் மற்றும் ஜுவான் மார்டா வலைக்குள் செலுத்த தவறினர்.  இந்த வீணடிப்புகளை தமக்கு சாதகமாக பயன்படுத்திக்கொண்ட பர்ன்லி 39 ஆவது நிமிடத்தில் வைத்து ஆஷ்லி வெஸ்ட்வுட்டின் ப்ரீ கிக்கை கிறிஸ் வூட் கோலாக மாற்றனார்.   தொடர்ந்து இரண்டாவது பாதியின் 56 ஆவது நிமிடத்தில் மேல் மூலையில் இருந்து ஜே ரொட்குஸ் அபார கோல் ஒன்றை பெற்று பர்ன்லி அணியின் வெற்றியை உறுதி செய்தார்.   1962 ஆம் ஆண்டு மன்செஸ்டர் யுனைடட்டை  5-2 என தோற்கடித்த பின் ஓல்ட் டிரபர்ட்டில் பர்ன்லி அவ்வணிக்கு எதிராக பெறும் முதல் வெற்றியும் இதுவாகும். டொட்டன்ஹாம் ஹொட்ஸ்பர் எதிர் நோர்விச் சிட்டிி ப்ரீமியர் லீக்கில் கடைசி இடத்தில் இருக்கும் நோர்விச் சிட்டி அணியை 2-1 என்ற கோல் வித்தியாசத்தில் தோற்கடித்து டொட்டன்ஹாம் ஹொட்ஸ்பர் வெற்றி வழிக்கு திரும்பியுள்ளது.  கடைசி நான்கு லீக் போட்டிகளில் வெற்றிபெறத் தவறிய டொட்டன்ஹாம், கடைசி மூன்று போட்டிகளில் ஒரு கோலைக் கூடப் பெறாத நிலையில் கடைசி நிமிடங்களில் சொன் ஹியுங் மின் தலையால் முட்டி பெற்ற கோல் மூலம் வெற்றி பெற்றது. குறிப்பாக, ஹரி கேன் காயமுற்று ஆடாத நிலையில் கோல் ஒன்றை பெற போராடி வரும் ஹொட்ஸ்பர் அணி சார்பில் டெலி அலி முதல் பாதியில் கோல் ஒன்றை பெற்றார். 2020 ஆம் ஆண்டில் அந்த அணி பெற்ற முதல் லீக் கோலாக இது இருந்தது.    எனினும், இரண்டாவது பாதியில் கிடைத்த பெனால்டி ஒன்றை கோலாக மாற்றிய டீமு புக்கி நோர்விச் அணிக்கு பதில் கோல் திருப்பினார்.  இந்நிலையில் 79 ஆவது நிமிடத்தில் நெருக்கமான தூரத்தில் இருந்து அலி பரிமாற்றிய பந்தை கொண்டு சொன், ஹொட்ஸ்புரின் வெற்றி கோலை பெற்றார்.  இந்த வெற்றியுடன் ஹொட்ஸ்புர் 24 போட்டிகளில் 34 புள்ளிகளை பெற்று 6 ஆவது இடத்திற்கு முன்னேற்றம் கண்டது.  http://www.thepapare.com/international-football-roundup-for-22nd-of-january-2020-tamil/
    • ஹொங்கொங் செல்லும் இலங்கை அணியில் இடம்பிடித்த தர்ஜினி By Mohammed Rishad -   ஹொங்கொங்கில் அடுத்த மாதம் நடைபெறவுள்ள நான்கு நாடுகளுக்கு இடையிலான வலைப்பந்தாட்டப் போட்டித் தொடருக்காக அறிவிக்கப்பட்டுள்ள 15 பேர் கொண்ட இலங்கை வலைப்பந்தாட்ட அணியில் வடக்கின் நட்சத்திர வீராங்னையான தர்ஜினி சிவலிங்கம் இடம்பிடித்துள்ளார்.   உலக தரநிலைப்படுத்தும் வலைப்பந்தாட்டப் போட்டித் தொடர் மற்றும் தென்கொரியாவில் நடைபெறவுள்ள ஆசிய வலைப்பந்தாட்டப் போட்டித் தொடர்களை இலக்காகக் கொண்டு இலங்கை வலைப்பந்தாட்ட சம்மேளனத்தினால் ஏற்பாடு செய்யப்பட்ட விசேட தேர்வுப் போட்டிகள் நேற்று (22) கொழும்பு சுகததாச உள்ளக அரங்கில் நடைபெற்றது.  இறுதியாக நடைபெற்ற உலகக் கிண்ண வலைப்பந்தாட்டத் தொடர் மற்றும் ஆசிய கிண்ண வலைப்பந்தாட்டத் தொடர்களில் விளையாடிய பெரும்பாலான வீரர்கள் 15 பேர் கொண்ட இந்தக் குழாத்தில் இடம்பிடித்துள்ளமை சிறப்பம்சமாகும்.    இதில், அண்மைக்காலமாக இலங்கை வலைப்பந்தாட்ட அணிக்காக விளையாடிவரும் வடக்கின் நட்சத்திர வீராங்கனையும், இங்கிலாந்தில் கடந்த வருடம் நடைபெற்ற உலகக் கிண்ண வலைப்பந்தாட்டத் தொடரில் அதிக கோல்களைப் போட்டு சாதனை படைத்தவருமான தர்ஜினி சிவலிங்கம் இலங்கை அணியில் இடம்பிடித்துள்ளார்.  இந்த நிலையில், வடக்கின் இளம் வலைப்பந்தாட்ட வீராங்கனையான எழிலேந்தினி சேதுகாவலவருக்கு இந்தத் தொடரில் பங்குபற்றும் வாய்ப்பு கிடைக்கவில்லை.  எனினும், தயார்நிலை வீராங்கனைகள் பட்டியலில் அவரை இணைத்துக்கொள்ள நடவடிக்கை எடுக்கப்பட்டுள்ளது. அத்துடன், இலங்கை அணியின் அனுபவமிக்க வீராங்கனையான திசாலா அல்கம, நீண்ட இடைவெளியின் பிறகு இலங்கை வலைப்பந்தாட்ட அணியில் இடம்பிடித்துள்ளார். ஹொங்கொங்கில் நடைபெறவுள்ள இந்தத் தொடரில் வரவேற்பு அணியான ஹொங்கொங், இலங்கை, தாய்லாந்து மற்றும் கென்யா ஆகிய நாடுகள் பங்குபற்றவுள்ளன.  இலங்கை வலைப்பந்தாட்ட குழாம் 
    • தமிழ்த் தேசியக் கூட்டமைப்பின் தற்போதைய தலைமைத்துவம் மாற்றப்பட வேண்டும்   தமிழ்த் தேசியக் கூட்டமைப்பின் தற்போதைய தலைமைத்துவம் மாற்றப்பட வேண்டும் என்பதே தனது நிலைப்பாடு எனவும் மாறாக அந்த தலைமைத்துவத்தை தனக்குத் தாருமாறு கேட்பது அல்ல என தமிழ் மக்கள் கூட்டணியின் செயலாளர் நாயகம் சி.வி.விக்னேஸ்வரன் தெரிவித்துள்ளார். வாரம் ஒரு கேள்விக்கு பதிலளித்து அவர் அனுப்பி வைத்துள்ள மின்னஞ்சலில் இந்த விடயம் தெரிவிக்கப்பட்டுள்ளது. மேலும், சர்வதேச மத்தியஸ்தத்துடனேயே இனப் பிரச்சினைக்கான பேச்சு வார்த்தை முன்னெடுக்கப்பட்ட வேண்டும் என வட மாகாண முன்னாள் முதலமைச்சரும், தமிழ் மக்கள் கூட்டணியின் செயலாளர் நாயகமுமான சி.வி.விக்னேஸ்வரன் தெரிவித்தார். அத்துடன் இலங்கை பூராகவும் உள்ள தமிழ்ப் பேசும் மக்களுக்கு வரவிருக்கும் கெடுதிகளை தமிழ்த் தேசியக் கூட்டமைப்பு உணர மறுப்பதாகவும் அவர் குறிப்பிட்டுள்ளார். கூட்டமைப்பின் அனைத்து பாராளுமன்ற உறுப்பினர்களும் இதுவரை மக்கள் பிரச்சினைகளை மறந்தது போல் தமிழ் மக்களின் எதிர்காலத்தை கஞ்சிப் பானைக்கு காலப்போக்கில் விற்று விடுவார்கள் எனவும அவர் சாடியுள்ளார். சேர்.பொன்னம்பலம் இராமநாதன் தொடக்கம் இன்றுவரையான சகல தமிழர் தலைவர்களும் சட்டத்தரணிகளாகவே இருந்து வந்துள்ளதாக தெரிவித்துள்ள அவர் ஆகவே அவர்கள் மக்களை ஒன்று சேர்த்து ஒரு குடைக்கீழ் கொண்டு வருவார்கள் என்பது சந்தேகம் எனவும் கூறியுள்ளார். இலங்கை ஒரு சிங்கள பௌத்த நாடென்று உருமாற்ற எடுக்கப்படும் நடவடிக்கைகளைக் கண்டும் காணாதது போல் தமிழ் தலைமைகள் செயற்படுவது வேதனைக்குரியது எனவும் வட மாகாண முன்னாள் முதலமைச்சர் தெரிவித்துள்ளார். அதிகாரத்தை தம் கைகளுள் வைத்திருக்க வேண்டும் என்ற தமிழ் தலைமைகளின் பலவீனத்தை புரிந்துக் கொண்டு மத்திய அரசாங்கம் அவர்களை தம்வசப்படுத்தி வருவதாகவும் தமிழ் மக்கள் கூட்டணியின் செயலாளர் நாயகம் சி.வி.விக்னேஸ்வரன் மேலும் தெரிவித்துள்ளார். எதிர்வரும் பொதுத்தேர்தலில் தமிழ் தேசிய கூட்டமைப்புடன் இணைந்து போட்டியிட முன்வருமாறு ரெலோவின் தலைவர் செல்வம் அடைகலநாதன் அண்மையில் விக்னேஸ்வரனுக்கு அழைப்பு விடுத்திருந்தார். அவரின் அழைப்புக்கு பதில் அளிக்கும் வகையிலேயே தமிழ் மக்கள் கூட்டணியின் செயலாளர் நாயகம் சி.வி.விக்னேஸ்வரன் இதனை தெரிவித்துள்ளார்.   http://tamil.adaderana.lk/news.php?nid=124891  
    • 5 இறுவட்டுக்களை பாராளுமன்றில் கையளித்த ரஞ்சன்!   அரசியலமைப்புச் சபை நாளை (24) பிற்பகல் 1.30 க்கு சபாநாயகர் கரு ஜயசூரிய தலைமையில் கூடவுள்ளதாக பாராளுமன்ற தொடர்பாடல் திணைக்களம் அறிவித்துள்ளது. இந்த குழுவில் 10 உறுப்பினர்கள் அடங்குவதுடன், பிரதமர் மற்றும் எதிர்க்கட்சித் தலைவர் ஆகியோர் இதில் பிரதான பங்கை வகிப்பர். 19 வது அரசியல் அமைப்பு திருத்தத்திற்கு இணங்க பொலிஸ் ஆணைக்குழு, இலஞ்ச ஊழல் அணைக்குழு, தேர்தல்கள் ஆணைக்குழு போன்ற சுயாதீன ஆணைக்குழுக்களுக்காக உறுப்பினர்களை நியமிக்கும் பொறுப்பு அரசியலமைப்புச் சபைக்கே உள்ளது. அதேபோல் கட்சி தலைவர்கள் கூட்டமும் நாளை இடம்பெறவுள்ளது. மத்திய வங்கி பிணைமுறி மோசடி தொடர்பாக இலங்கை மத்திய வங்கியால் தயாரிக்கப்பட்ட தடயவியல் கணக்காய்வு அறிக்கை நேற்று (22) சபையில் முன்வைக்கப்பட்டது. இந்த நிலையில் குறித்த அறிக்கை தொடர்பாக விவாதிக்க நாட்களை ஒதுக்கிக்கொள்வது குறித்து கலந்துரையாடுவது நாளைய கட்சித் தலைவர்கள் கூட்டத்தின் பிரதான நோக்கமாகும். குறித்த தடயவியல் கணக்காய்வு அறிக்கை தொடர்பில் விவாதம் நடத்தப்பட வேண்டும் என எதிர்க் கட்சி உறுப்பினர்கள் கோரிய நிலையில் கட்சித் தலைவர்கள் கூட்டத்தை கூட்டி அதற்கான தினம் ஒதுக்கப்படும் என சபாநாயகர் அறிவித்துள்ளார். இதேவேளை நேற்று சபையில் சமர்பிக்கப்பட்ட தடயவியல் கணக்காய்வு அறிக்கை தொடர்பில் உரையாற்றிய பாராளுமன்ற உறுப்பினர் ஹர்ஸ டீ சில்வா முழுமைபடுத்தப்படாத அறிக்கையே சமர்பிக்கப்பட்டுள்ளதாக குற்றம் சுமத்தினர். இதேவேளை பாராளுமன்ற உறுப்பினர் ரஞ்சன் ராமநாயக்க நேற்று தமது குரல் பதிவுகள் அடங்கிய ஐந்து இறுவட்டுகளை பாராளுமன்றத்திடம் கையளித்துள்ளார். இந்த இறுவட்டுக்கள் பாராளுமன்றில் ஹென்சாட் தயாரிக்கும் உத்தியோகத்தரிடம் கையளிக்கப்பட்டதாக பாராளுமன்ற சிரேஸ்ட பேச்சாளர் ஒருவர் தெரிவித்துள்ளார். இந்த குரல் பதிவுகள் தொடர்பில் நேற்றும் (23) பாராளுமன்றத்தில் கருத்துக்கள் தெரிவிக்கப்பட்டன. அதற்கமைய இராஜாங்க அமைச்சர் ஜனக்க வக்கும்புர குறித்த விடயம் தொடர்பில் உரையாற்றினார். அதற்கு எதிர்க் கட்சி உறுப்பினர் ஹர்ஸ டீ சில்வா பதிலளித்த நிலையில் இராஜாங்க அமைச்சர் மஹிந்த யாப்பா அபேவர்தனவும் அந்த விவாதத்தில் இணைந்துக்கொண்டார்.   http://tamil.adaderana.lk/news.php?nid=124864&mode=lead