Sign in to follow this  
Kavi arunasalam

வாழ்த்தத்தான் நினைத்தார்கள்

Recommended Posts

Posted (edited)

7-EAA8441-9-B44-468-F-993-A-E46-BD44-FA7
யேர்மனியில் Krefeld
நகரத்தைச் சேர்ந்த மூன்று பெண்கள் நல் வாழ்த்துக்களுடன் 2020 ஆம் ஆண்டை வரவேற்க விரும்பினார்கள். ஆனால் அவர்களது அந்த  விருப்பம் Krefeld மிருகக் காட்சிச் சாலைக்கு ஒரு  பேரழிவைத் தரும் என்று அவர்கள் நினைத்திருக்க மாட்டார்கள். 

2020 புத்தாண்டு தினத்தில் Krefeld நகரில் உள்ள மிருகக் காட்சிச்சாலையில் ஏற்பட்ட தீ விபத்தில் 30 குரங்குகள் இறந்து போயின. அந்த தீ விபத்துக்கான காரணம் இப்பொழுது வெளியே வெளிவந்திருக்கிறது.

அறுபது வயது ஒரு தாயும் அவரின் நடுத்தர வயது இரு மகள்களும்  ஐந்து வெளிச்சக் கூடுகளை இணையத்தளத்தில் வாங்கி புது வருடத்தில் வாழ்த்துக்களை இணைத்து வெளிச்சக் கூடுகளை அவர்கள் வானத்தில் பறக்க விட்டிருக்கிறார்கள். அதில் ஒரு  வெளிச்சக் கூடு மிருகக் காட்சிச்சாலையின் கூரையில் விழ அந்தக் கட்டிடம் தீப்பற்றிக் கொண்டது. 1975இல் கட்டப்பட்ட அந்தக் கட்டிடத்துக்கு அபாய எச்சரிக்கைக் கருவிகள் எதுவும் பொருத்தப் பட்டிருக்கவில்லை. தாமதமாகவே தீயணைப்பு நிலையத்துக்கு அறிவிப்பு கிடைத்திருக்கின்றது. அவர்கள் சம்பவ இடத்துக்கு வரும் போது தீ முற்றாகவே பரவிவிட்டிருந்தது.

33-C54439-39-AE-4-D81-9-A79-499-DAF34-A1

விபத்துக்குப் பின்னர் அந்த மூன்று பெண்களும் தாங்களாகவே பொலீஸ் நிலையத்துக்கு வந்து தங்களால்தான் அந்த விபத்து ஏற்பட்டிருக்க வேண்டும் என்று அறிவித்திருக்கிறார்கள்

இந்த வெளிச்சக் கூடுகள் (Kong-Ming-Laternen) சீன நாட்டின் ஒரு கண்டு பிடிப்பு. 2000ம் ஆண்டுகளுக்கு முன்னர் போர்கள்  நடக்கும் காலங்களில் செய்திகளை படைகளுடன் பரிமாறிக் கொள்வதற்காக சீனா இவ்வகையான வெளிச்சக் கூடுகளைப் பயன் படுத்தியது.

2000ம் ஆண்டின் தொடக்கத்தில்தான் இந்த வெளிச்சக் கூடுகள் ஐரோப்பியச் சந்தைக்கு விற்பனைக்கு வந்தன. 2009 ம் ஆண்டு Nordrhein-Westfalen மாநிலத்தில் உள்ள Siegen என்ற நகரத்தில் ஒரு அடுக்குமாடிக் குடியிருப்பின் மேல் ஒரு வெளிச்சக் கூடு விழுந்து கட்டிடம் தீப்பற்றிக் கொண்டதால் பத்து வயதுச் சிறுவன் ஒருவன் உயிரிழந்தான். அப்பொழுது விழித்துக் கொண்ட யேர்மனிய அரசு இந்த வெளிச்சக் கூடுகளின் தன்மையை ஆராய்ந்து  இந்த வெளிச்சக்கூடுகளை ஆகாயத்தில் மிதக்கவிட்டு வேடிக்கை பார்ப்பதை  முடிவுக்கு கொண்டு வந்தது.

தீ  விபத்துக்கள் மட்டுமன்றி இந்த வெளிச்சக் கூடுகள் 5000 மீற்றர் வரை உயரத்துக்குச் செல்லக் கூடியவை என்பதால் விமானப் போக்குவரத்துக்கும் ஆபத்தானவை என்பதையும் கருத்தில் கொண்டு 2009 இல் இவற்றை வானத்தில் பறக்கவிடுவதற்கு யேர்மனியில் தடை வந்தது.

வெளிச்சக் கூடுகள்  உருளை வடிவமாக இருக்கும் அவை 30 முதல் 40 சென்டிமீட்டர் விட்டம் கொண்ட அளவில் வெளிப்புறம் ரிசு (Tissue) கடுதாசியால் வடிவமைக்கப் பட்டிருக்கும்.

67-F34-C9-A-2938-41-CE-BA9-C-F829-D75967

 

வெளிச்சக் கூட்டின் உள்ளே எரிபொருள் களிம்பு(Paste)டன் கூடிய விளக்கு பொருத்தப் பட்டிருக்கும். இந்த விளக்கு எரியும் போது கூட்டின் உள்ளே உள்ள காற்று வெப்பமாக வெளிச்சக்கூடு கைட்ரஜன் பலூன் போலே மேல் எழுகிறதுதங்களுடை விருப்பங்களை வெளிச்சக் கூட்டில் வைத்து வானத்துக்கு அனுப்பினால் அந்த விருப்பம் நிறைவேறும் என்ற நம்பிக்கையிலேயே இதை  யேர்மனியர்கள் பயன்படுத்தினார்கள்.

இதில் ஒரு சிக்கல் இருக்கிறது. யேர்மனியில்  வெளிச்சக்கூடுகளை  விற்பனை செய்வது தடைசெய்யப்படவில்லை. ஆனால் அவற்றை வானில் பறக்கவிடத்தான்  அனுமதி மறுக்கப்பட்டிருக்கிறது. ஆகவே பொருளை விற்றவருக்கு எந்தத் தண்டனையும் வரப் போவதில்லை. பறக்க விட்ட தாய்க்கும் அவரது  இரு மகள்களுக்கும்தான் தண்டனை கிடைக்கப் போகிறது. அவர்களுக்கு தலா ஐந்து வருட சிறைத் தண்டனை கிடைக்கலாம் என சட்ட வல்லுனர் தெரிவித்திருக்கிறார்.

ஒரு துயரச் சம்பவம் நடந்த தன் பின்னர் சோகத்தில் மட்டும் வீழ்ந்து விடாமல் அடுத்த நிலைக்கு உடனடியாக வந்து விடுவதற்கு யேர்மனியர்கள் ஒரு சான்று. இழந்து போன உயிர்களைத் திரும்பப் பெற முடியாது என்றாலும், அழிந்து போன மிருக காட்சிச் சாலையை மீண்டும் கட்டி எழுப்ப தொலைக்காட்சிகள், வானொலிகள், தன்னார்வு நிறுவனங்கள்  வேண்டுகோள் விடுத்திருக்கிறார்கள் யேர்மனியர் பெருமளவு நிதி வழங்க ஆரம்பித்திருக்கிறார்கள்.

Edited by Kavi arunasalam
  • Like 5
  • Thanks 1

Share this post


Link to post
Share on other sites

வல்வெட்டித்துறையில் இந்திரவிழாவின்போதும் புகைக்கூண்டுகளைப் பறக்கவிடுவார்கள். அவை கடலுக்குள் போவதால் இதுபோன்ற தீப்பிடிக்கும் பிரச்சினைகள் வருவதில்லை என்று நினைக்கின்றேன்.

  • Like 1

Share this post


Link to post
Share on other sites
3 minutes ago, கிருபன் said:

வல்வெட்டித்துறையில் இந்திரவிழாவின்போதும் புகைக்கூண்டுகளைப் பறக்கவிடுவார்கள். அவை கடலுக்குள் போவதால் இதுபோன்ற தீப்பிடிக்கும் பிரச்சினைகள் வருவதில்லை என்று நினைக்கின்றேன்.

ஏகாம்பர மாஸ்ரரைத் தெரிகிறது. வல்வெட்டித்துறை புகைக் கூண்டு தெரிகிறது. ஆகவே இப்போ உங்களை எனக்குத் தெரிகிறது

  • Haha 1

Share this post


Link to post
Share on other sites
4 minutes ago, கிருபன் said:

வல்வெட்டித்துறையில் இந்திரவிழாவின்போதும் புகைக்கூண்டுகளைப் பறக்கவிடுவார்கள். அவை கடலுக்குள் போவதால் இதுபோன்ற தீப்பிடிக்கும் பிரச்சினைகள் வருவதில்லை என்று நினைக்கின்றேன்.

அங்கு கடற்காத்து சரியான முறையில் வீடுகளை நோக்கி வீசாததால் இருக்கலாம்......!   🤔

Share this post


Link to post
Share on other sites
13 minutes ago, Kavi arunasalam said:

ஏகாம்பர மாஸ்ரரைத் தெரிகிறது. வல்வெட்டித்துறை புகைக் கூண்டு தெரிகிறது. ஆகவே இப்போ உங்களை எனக்குத் தெரிகிறது

இந்தத் திரியில் எனது ஊரையும், இளவயது பட்டம் விடும் அனுபவங்களையும் முன்னர் எழுதியிருக்கின்றேன். 😎

 

16 minutes ago, suvy said:

அங்கு கடற்காத்து சரியான முறையில் வீடுகளை நோக்கி வீசாததால் இருக்கலாம்......!   🤔

 

புகைக்கூண்டு விடும் நேரத்தைப் பொறுத்து அதன் திசை இருக்கும். ஆனாலும் நான் பார்த்த போதெல்லாம் அவை கடலுக்கு மேலால்தான் போயிருந்தன!

Share this post


Link to post
Share on other sites

தாங்களாகவே நேர்மையுடன் வந்து ஒத்துக்கொண்டதால் அந்தப் பெண்களுக்குத் தண்டனை கொடுக்காது விடவேண்டும். 

Share this post


Link to post
Share on other sites

இந்த நகரம் எனக்கு மிகவும் பழக்கப்பட்டது. ஜேர்மனிக்கு முன்பு வரும் போது நண்பர்களை சந்திக்க வருவதுண்டு. 

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • சரியான முறையில் மாஸ்க்கைப் பயன்படுத்தவில்லையென்றால் அது தொற்றுநோய்க்கான ஆதாரமாகவும் மாறும். உடல்நிலையில் கவனம்கொள்ள வேண்டியவர்கள் மட்டுமே உபயோகித்துக்கொண்டிருந்த மாஸ்க், தற்போது உலகளவில் அனைவராலும் பயன்படுத்தப்படுகிறது. கொரோனா வைரஸிடமிருந்து தங்களைத் தற்காத்துக்கொள்வதற்காக, சிறியவர்கள் முதல் வயதானவர்கள்வரை அனைவரும் மாஸ்க் அணிந்துகொள்கிறார்கள். டிமாண்ட் அதிகமானதால், ஐந்து ரூபாய்க்குச் சாதாரணமாகக் கடைகளில் கிடைத்துக்கொண்டிருந்த மாஸ்க், இப்போது ரூ.50 வரை விற்கப்படுகிறது. இந்நிலையில் சில நாள்களுக்கு முன்பு, 'காய்ச்சல், இருமல், அல்லது மூக்கு ஒழுகுதல் போன்ற சுவாசப் பிரச்னை அறிகுறிகள் இல்லாதவர்கள், மாஸ்க் அணியத் தேவையில்லை. ஆரோக்கியமாக இருக்கும் மக்கள் மாஸ்க் அணிவதால் அவர்களுக்கு எந்தப் பலனும் இல்லை. மேலும், சரியான முறையில் மாஸ்க்கைப் பயன்படுத்தவில்லையென்றால் அது தொற்றுநோய்க்கான ஆதாரமாகவும் மாறும்' என்று அமெரிக்க சர்ஜன் ஜெனரல் மற்றும் உலக சுகாதார அமைப்பு அறிக்கை வெளியிட்டது. ஆனால், கொரோனாவால் பாதிக்கப்படுபவர்களின் எண்ணிக்கையைக் குறைப்பதில், மாஸ்க்குக்கு எந்தளவுக்குப் பங்கிருக்கிறது என்பது குறித்து எந்தவோர் ஆராய்ச்சியும் அதுவரை செய்யப்படவில்லை என்பதே நிதர்சனம். இந்நிலையில் 'முகக்கவசம் அணிவதால் நோய்த்தொற்றை எந்தளவுக்குக் குறைக்க முடியும்?' என்பது குறித்த ஆராய்ச்சியை மேற்கொண்டு அதன் முடிவை வெளியிட்டிருக்கிறது maskssaveslife இணையதளம். அவர்களின் ஆய்வு முடிவில், 'ஆசிய நாடுகளுடன் ஒப்பிடும்போது மேற்கத்திய நாடுகளே கொரோனாவின் நோய்த்தொற்றால் அதிக பாதிப்படைந்து வருகின்றன. அதற்குக் காரணம் அவர்கள் முகக்கவசம் அணிவதில் காட்டிய அலட்சியம்தான். உலகளவில் இந்த வைரஸ் பரவலைக் கட்டுப்படுத்த, உலக மக்கள் அனைவரும் முகக்கவசம் அணியவேண்டும்' என்று குறிப்பிட்டிருக்கின்றனர். மேலும், 'பொதுவாகவே மாஸ்க் அணியும் கலாசாரத்தைப் பின்பற்றுபவர்கள் ஜப்பானியர்கள். இவர்கள், உலகளவில் கொரோனா நோய்த்தொற்றால் பாதிப்படைந்தவர்களில், மிகக் குறைந்த விகிதத்தைக் கொண்டிருக்கிறார்கள். இங்கு, மக்கள் தொகையில் வயதானவர்கள் அதிகம் என்பதால் நோய்த்தொற்று எளிதாகப் பரவுவதற்கு அதிகம் வாய்ப்புண்டு. ஆனால், தொற்று மற்றும் இறப்பு விகிதம் உலகிலேயே மிகக் குறைவாக இருப்பது ஜப்பானில்தான். இங்கு கொரோனாவால் பாதிக்கப்பட்டவர்களின் எண்ணிக்கை 1,387. சீனாவில் கொரோனா வைரஸ் பரவிய அதே நேரத்தில்தான் இங்கும் நோய்த்தொற்று பரவ ஆரம்பித்தது. மார்ச் 18 முதல் செக் குடியரசு, மக்கள் பொதுவெளியில் இருக்கும்போது முகக்கவசம் அணிவதைக் கட்டாயமாக்கியது. அங்கு இதுவரை, கொரோனா வைரஸால் பாதிக்கப்பட்டவர்களின் எண்ணிக்கை 2,942, மற்றும் 23 இறப்புகள் மட்டுமே பதிவாகியுள்ளன. மற்ற ஐரோப்பிய நாடுகளை ஒப்பிடும்போது பாதிப்பு விகிதம் இங்கு மிகவும் குறைவு. இதற்குக் காரணம் அங்கு அமல்படுத்தப்பட்ட கட்டாய முகமூடி அணியும் சட்டம்தான்' என்கின்றனர் ஆராய்ச்சியாளர்கள். "முன்பு காய்ச்சல், சளி இருப்பவர்கள் மட்டுமே மாஸ்க் பயன்படுத்த அறிவுறுத்தினோம். தற்போது நம்மிடம் இருக்கும் ஆதாரங்களின் அடிப்படையில் அந்த நிலைப்பாட்டை மெல்ல மெல்ல மாற்றிவருகிறோம். என்றாலும், மாஸ்க் அணிவதன் மூலம் 100% நோய்த்தொற்றைக் கட்டுப்படுத்திவிடலாம் என்றும் சொல்லிவிட முடியாது. மாஸ்க் உபயோகம் முழுக்க முழுக்க தனிமனிதப் பாதுகாப்புக்காக மட்டுமே. எனவே, மாஸ்க் அணிவதில் எந்தப் பிரச்னையும் இல்லை. ஆனால், எந்த மாஸ்க் அணியவேண்டும் என்பதில் கவனம் தேவை. அதைச் சரியாகப் பராமரிப்பதும் அவசியம். N95, சர்ஜிக்கல் மற்றும் துணி என மூன்று வகையான மாஸ்க்குகள் மார்க்கெட்டில் இருக்கின்றன. பொதுமக்கள் நிச்சயம் N95 மாஸ்க்குகளைப் பயன்படுத்தக்கூடாது. நோய்த்தொற்று உள்ளவர்களைக் கவனித்துக்கொள்ளும் மருத்துவப் பணியாளர்கள் மட்டுமே N95 மாஸ்க்குகளை பயன்படுத்தவேண்டும். சாதாரணமாகக் கடைகளில் கிடைக்கும் சர்ஜிக்கல் மாஸ்க்கை, நோய்த்தொற்றாளர்களிடமிருந்து பாதுகாத்துக்கொள்ள வேண்டிய சூழலிலிருக்கும் பொதுமக்கள் பயன்படுத்தலாம். அதைச் சரியான முறையில் அணியவும், அப்புறப்படுத்தவும் வேண்டும். சர்ஜிக்கல் மாஸ்க் இல்லாத பட்சத்தில், சுத்தமான, தரமான பருத்தித் துணியில் தயாரித்த மாஸ்க்குகளை உபயோகப்படுத்தலாம்" என்றவர், ''மாஸ்க் அணிவதால் கொரோனா நோய்த்தொற்றிலிருந்து தப்பிவிடலாம் என்பதற்கு எந்த உத்தரவாதமும் இல்லை. கண்கள் வழியாகவும் பரவக்கூடும். மேலும், ஏரோசால்ஸ் (aerosols) எனும் சிறிய வைரஸ் துகள்கள் மாஸ்க்கிலும் ஊடுருவக்கூடும். இருப்பினும், கொரோனா வைரஸின் முக்கியப் பரிமாற்றப் பாதையாக இருக்கும் நீர்த்துளிகளைத் தடுப்பதில் மாஸ்க்குகள் பயனுள்ளதாக இருக்கும். எனவே, சரியான மாஸ்க்கை முறையாகப் பயன்படுத்துவது சிறந்தது'' என்றார் டாக்டர். https://www.vikatan.com/news/healthy/less-corona-prevalence-in-asian-countries-compared-to-western-countries  
    • தாய்மையை மறந்து தாய் நிலத்தை சிந்தையில் கொண்டு தன்னுடைய இரண்டு வயது பெண் குழந்தையை அருகிலிருந்தவர்களிடம் ஒப்படைத்து விட்டு தன் தளபதி பிரிகேடியர் விதுஷா அக்காவிற்கு துணையாக ஆனந்தபுர முற்றுகைக்குள் களம் புகுந்தவள் தான் எம் தமிழ்ச்செல்விஅக்கா...!!! இதே போல் ஆயிரம் ஆயிரம் மாவீரர்களின் தியாக வரலாறு வார்த்தைகளால் வர்ணிக்க முடியாத அளவிற்கு கண்ணீராலும் செந்நீராலும் எழுதப்பட்டும், பலரின் தியாகங்கள் வெளிஉலகிற்கு தெரியாமலேயே புதைந்தது இறுதியில்! மறந்தும் மறவாதே தமிழினமே எமக்காய் மாண்டவர்களையும் போராடியவர்களையும்!!!!!  
    • மதம் மாறியவர்கள், அந்த நினைப்பில் வாழ்கிறார்கள் என்று எப்படி கண்டுபிடித்தீர்கள்? வெளி நாட்டுக்கு போக இயலாதவர்கள் அந்த நினைப்பில் இருந்துவிட்டு போகட்டுமே. அதில் உங்களுக்கு என்ன நட்டம்? சோற்றுக்கு வழியில்லை என்கிறீர்கள், சாதியில் தாழ்ந்ததால் மாறினார்கள் என்கிறீர்கள். இன்னும் எவ்வளவுக்கு அவர்களை தாழ்த்துவீர்கள்?  ஆக, இன்னொரு அடிமையை, என் அதிகாரத்தினால் ஏற்படுத்தி, போட்டி திருவிழா நடத்தி பழிவாங்கல் நாடகம் நடக்க வேண்டும்.  ஒரு கருத்தைத்தான் சுற்றி சுற்றி வருகிறீர்கள்.  என்னை நானாக எனது குறைகளுடனும், இயலாமையுடனும் ஏற்றுக்கொள்ளும் சமுதாயத்தில் இருப்பதே எனக்கு சவுகரியமானது, நிலையானது. "என்நிலைக்கு நீ ஏறிவா, அப்போ நான் உன்னை எனக்கு சமமாக ஏற்றுக்கொள்கிறேன்." என்று ஒரு சமுதாயம் சொல்லுமானால், அது எனக்குரிய சமுதாயமல்ல. எனது படிப்பை, பதவியை மட்டும் ஏற்றுக்கொள்ளும் சமுதாயமே  தவிர என்னையல்ல. எனக்குப்பின்னால் "பதவி, படிப்பு வந்தாப்போல் தாங்கள் ஏதோ பெரிய சாதிகாரர் என்ற நினைப்பு." என்று சொல்லாது என்று என்ன நிட்சயம்? இல்லை எனது பதவி கைவிட்டுப் போனால் அதே சம உரிமை கிடைக்குமா? அதற்குள் எனது சந்ததி அழிக்கப்பட்டு விடும்.     நீங்கள் சொல்வது போல் நடக்க வேண்டுமென்றால் நாங்கள் வெளிநாட்டுக்கு போக வேண்டும் என்கிறீர்கள். வெளி நாட்டுக்கு போய்  கோயில் வைத்தாற்போல் பெரிய சாதிகாரர் என்று நினைப்பு என்று சொல்லி விட்டால்? வெளிநாட்டுக்காரி நீங்கள் அப்பிடி ஒரு வார்த்தையை விட்டுட்டீங்களே?  சுத்தி வளைக்காமல் பதில் தர வேண்டும். சோத்துப்பாசலுக்காக அவர்கள் மதம் மாறவில்லை என்பதை ஏற்றுக்கொள்கிறீர்களா? 
    • நூறு வருடங்களுக்கு முன் கொரோனாவுக்கு போட்டியாக வந்த நோய் இற்றைக்கு நூறு ஆண்டுகளுக்கு முன் இதேபோன்றதொரு மார்ச் மாதத்தில் தொடங்கி உலகையே உலுக்கிய ஒரு பாண்டிமிக் நோய்த் தொற்று பற்றி உங்களுக்கு தெரியுமா? இலங்கை நாடும் தனது ஆறு லட்சம் மக்களை பறிகொடுத்த அந்த வரலாறு இதே போன்று தான் அன்றும் ஆரம்பித்தது. மீட்டப்படும் அந்து வரலாறு எது? தொற்று நோய்கள் குறித்து நாம் அஜாக்கிரதையாக இருந்தால் விளைவுகள் எப்படியிருக்கும் என்பதற்கு மீட்டப்படும் இந்த வரலாறு நல்லதோர் எடுத்துக்காட்டு. #SpanishFlu #ஸ்பானிஷ்காய்ச்சல். இன்றைக்கு நூறு ஆண்டுகளுக்கு முன்பு முதலாம் உலகப் போரின் இறுதி நாட்களில் உலகம் அமைதிக்கு மெது மெதுவாக திரும்பிக் கொண்டிருந்த காலத்தில் தான் இந்த அனர்த்தம் நடைபெற்றது. ஒரு புது வகைக் காய்ச்சல் மக்களை துரத்தித் துரத்தி கொலை செய்தது. உலகை ஒரு கலக்குக் கலக்கி ரவுண்டு கட்டி அடித்தது. அற்றை நாட்களில், குறிப்பான வகையில் ஆபத்தான ஒரு வகை நியுமோனியா நோய் தொற்றுக்குள்ளான பேஸன்ட்களால் வைத்தியசாலைகள் நிரம்பி வழியத் தொடங்கின. அதைத் தொடர்ந்து இந்த புது வகை நோய் பற்றிய அறிக்கையிடல்கள் மருத்துவ இதழ்களில் வெளி வரவும், உலகம் முழுவதும் வைத்தியர்கள் மத்தியில் பேசு பொருளாகவும் தொடங்கின. நோய்த்தொற்றுக்கு உள்ளானோர் மூச்சுத்திணறலினால் அவதியுற்றனர். இரத்தத்தில் ஒக்ஸிஜன் குறைபாட்டால் வெளிர் நீல நிறமாக மாறினர். இறுதியில் சிகிச்சை பலனின்றி, இரத்தம் கக்கிச் செத்துப் போயினர். என்ன துரதிஷ்டமோ தெரியாது நோய் வாய்ப்பட்டவர்கள், இறந்தவர்கள் என எல்லோருமே 20 தொடக்கம் 40 வயதுக்குட்பட்ட இள வயதினராகவே இருந்தனர். இதில் பெரும்பாலானவர்கள் திடகாத்திரமான ஆண்கள். உலக மகா யுத்தத்தில் சகாசங்கள் புரிந்து உயிர் தப்பிய இராணுவ வீர்கள், அல்லது கைதிகளாக பிடிக்கப்பட்டு வதை முகாம்களில் வாழ்ந்த எதிரணிச் சிப்பாய்கள் அல்லது புரட்சி செய்த பொது மக்கள். சீனாவில் முதன் முதலாக தோன்றியதாக நம்பப்படும் (ஆஹா இதுவும் சீனாவுல தானா!) பெயர் தெரியாத, ஊர் தெரியாத, கருப்பா! வெள்ளையா! என்று தெரியாத இந்த நோய் காட்டுத் தீ போல உலகெங்கும் வியக்க வைக்கும் வேகத்துடன் பரவத் தொடங்கியது. ஒரே சுற்றில் இந்தியாவை மூழ்கடித்து ஆஸ்திரேலியா மற்றும் தொலை தூர பசிபிக் தீவுகளை சென்றடைந்தது. வெறும் 18 மாதங்களில் மூன்று சுற்றுக்களில் உலக மக்கள் தொகையில் மூன்றில் ஒரு பகுதியினரை வாட்டி எடுத்த இந்த நோய் சுமார் 50 மில்லியனிலிருந்து 100 மில்லியனுக்கும் அதிகமான இறப்புகளை ஏற்படுத்தியது. சுருங்கக் கூறின் இந்த நோயினால் கொல்லப்பட்டவர்களின் எண்ணிக்கை இரண்டு உலகப் போர்களிலும் ஒட்டு மொத்தமாக கொல்லப்பட்டவர்களின் எண்ணிக்கையிலும் அதிகம் என்பது தான் இதன் விஷேடமாக இருக்கிறது. முதலாம் உலகப் போரை தொடர்ந்து உலகெங்கும் மீடியாக்களுக்கு; குறிப்பாக பத்திரிகைகளுக்கு கடும் கட்டுப்பாடுகளும், தணிக்கைகளும் விதிக்கப்பட்டு இருந்தன. இதனால் இந்த நோய், அதன் கடுமை, அதன் பரவல் பற்றிய செய்திகள் ; அதிலும் குறிப்பாக இராணுவ வீரர்களின் இறப்புகள் பற்றி செய்திகள் அரசாங்கங்களால் மூடி மறைக்கப்பட்டன, அல்லது தடை செய்யப்பட்டன. இந்த நாட்களில் முழு மீடியா பிரீடமும் வழங்கப்பட்ட ஒரே ஒரு நாடாக ஸ்பெயின் மாத்திரமே இருந்தது. ஏனெனில் உலகப் போரில் ஸ்பெயினின் வகிபாகம் மிகக் குறைந்த அளவே இருந்தது. இதனால் இந்த நோய் பற்றிய தகவல்கள் ஸ்பானிய மொழியில் பத்திரிகைகளில் தொடர்ந்தும் வெளி வந்த காரணத்தால் இந்த நோய் ஸ்பானிஷ் ப்ஃளு என்ற பெயரை தனதாக்கிக் கொண்டது.(யாரோ பெத்த புள்ளக்கி யாரோ பெயர் வெச்ச கதை போல). என்ன தான் இருந்தாலும் இறுதியில் ஸ்பெயின் அரசருக்கும் இந்த நோய் தொற்றிக் கொண்டதும் வேறு கதை. மார்ச் 1918 இல் முதன் முதலில் கன்சாஸ் அமெரிக்க படைத் தளத்தில் கோரத் தாண்டவமாடிய இந்த நோய் எண்ணி ஆறு வாரங்களுக்குள் உலகெங்கிலும் பரவி பல இலட்சம் உயிர்களை காவு கொண்டது. இந்த நோய் உலகின் எந்தப் பகுதியையும் தீண்டாமல் விட்டுவைக்கவில்லை எனும் அளவுக்கு அதன் தாக்கம் இருந்தது. பெரிய பிரிட்டனில் 228,000 பேர் இறந்தனர். அமெரிக்கா 675,000 மக்களை இழந்தது. ஜப்பான் சுமார் 400,000 பேரையும் ,தெற்கு பசிபிக் தீவான மேற்கு சமோவா அதன் மக்கள் தொகையில் ஐந்தில் ஒரு பகுதியை இழந்தது. இந்தியாவில் மட்டும் 12 முதல் 17 மில்லியனுக்கும் அதிகமான இறப்புகள் ஏற்பட்டன. நமது இலங்கையும் அதன் மக்கள் தொகையில் 6% இழந்ததாக கணிப்புகள் சொல்கின்றன. இறப்புகளின் எண்ணிக்கை பற்றிய சரியான தகவல்கள் இன்னும் மழுப்பலாகவே உள்ளன, ஆனால் உலகளாவிய இறப்பு புள்ளிவிவரங்கள் படி இந்த காய்ச்சலால் பாதிக்கப்பட்டவர்களில் 10 முதல் 20 சதவிகிதம் பேர் (Case fatality rate) இறந்ததாக மதிப்பிடப்பட்டுள்ளது. இன்றைய பேசு பொருளான கொரோனாவின் CFR அண்ணளவாக 2% -3.5% ஆகவே இன்று வரை காணப்படுகிறது. உலகம் முழுவதும் இந்த நோயின் தாக்கத்தால் பாடசாலைகள், திரையரங்குகள், சந்தைகள் என மக்கள் கூடும் எல்லா பொது இடங்களும் இன்றைய சீனாவைப் போல இழுத்து மூடப்பட்டன. நகரங்கள் தனிமைப்படுத்தப்பட்டன. எனினும் மக்கள் இது குறித்து அதிகம் கரிசனை கொள்ளவில்லை. குறைந்த மருத்துவ அறிவு, நோய் பரவும் முறை பற்றிய தெளிவின்மை, அதிகரித்த செறிந்த இராணுவப் புழக்கம், சிப்பாய்கள் கப்பல்கள் மூலமாக நாடு விட்டு நாடு சென்றது போன்ற காரணிகள் நோய் வீரியமாகவும் இலகுவாகவும் பரவுவதற்கு காரணமாக அமைந்ததன. அதிஷ்டவசமாக உலகம் முழுவதும் பரவிய இந்த நோயிலிருந்து விரல் விட்டு எண்ணக் கூடிய சில தீவுகளும், பின் தங்கிய கிரமாப்புறங்களும் உயிர் தப்பின. அவை Escape Community என அடையாளப்படுத்தப்பட்டன. அவைகளுள் விவசாயக் கிராமமான Fletcher மற்றும் Gunnison, Colorado, பின் தங்கிய Rocky Mountains மலைக் கிராமமும், போலாந்து நாட்டின் பல பிரதேசங்களும் குறிப்பிடத் தக்கவை. இதற்கான காரணம் இந்த கிராமங்கள் எல்லைகளை அடைத்து, வீதிகளை மறித்து, யாரையும் உள்ள வர விடாமலும், எவரையும் வெளியே செல்ல விடமாலும் அச்சுப்பிசகாமல் தங்களை quarantine செய்து கொண்டதே என்பதாகவும் கண்டறியப்பட்டது. என்னதான் பின் தங்கிய, படிப்பறிவில்லாத சமூகமாக இருந்தாலும் தமது தலைவர்களின் சொல் கேட்டு, கொரண்டீன் செய்து உயிர் தப்பிய அந்த மக்கள் பாராட்டுக்குரியவர்களே.💐 இவ்வளவு கோரத் தாண்டவம் ஆடிய இந்த ஸ்பானிஷ் ப்ஃளு; என்ன இது? எதனால் வந்தது? கருப்பா? சிவப்பா? ஆணா? பெண்ணா? பேயா? பிசாசா? வைரஸா? பாக்டீரியாவா? போன்ற கேள்விகளுக்கு 1997 ஆம் ஆண்டு வரையும் விடை தெரியாமலேயே இருந்தது. முப்பது ஆண்டுகள் இந்த நோய் பற்றி ஆராய்ச்சி செய்த டாக்டர் Johan Hultin இறுதியாக FBI இன் உதவியுடன் இந்த நோயினால் இறந்து போனவர்கள் மொத்தமாக அடக்கம் செய்யப்பட்ட பனிப்பிரதேசத்தில் உள்ள Brevig Mission கல்லறைகளில் இருந்து உடல்களை தோண்டி எடுத்தார். உறை பனியில் ஒரு பெண்ணின் உடல் பழுது படாமல் அப்படியே இருந்தது விஞ்ஞானத்துக்கு கிடைத்த பேரதிஷ்டமாகவே அமைந்தது. அந்தப் பெண்ணின் தொண்டை குழாயிலும், நுரையீரல்களிலும் இருந்து எடுக்கப்பட்ட திரவங்களில் இருந்து அந்த வைரஸ் அடையாளப்படுத்தப்பட்டது. அது இன்றைய நவீன கொரணாவின் குடும்பத்து உறவான Influenza வைச் சேர்ந்த H1N1ஆக அறியப்பட்டது.‌ சாதாரணமாக பறவைகளில் நோயை ஏற்படுத்திய இந்த இன்புளுவன்சா அதில் ஏற்பட்ட மரபுனுப் பிறழ்வு காரணமாக( Genetic Mutation) அப்படியே மாற்றம் அடைந்து, இரத்த வெறி பிடித்த காட்டேரியாகி, ஒரு வீரியம் மிக்க வைரஸாக மாற்றமடைந்து இப்படி ஒரு நரபலி கேட்கும் நிலையை அடைந்தாக இறுதியில் அறியப்பட்டது. 18 மாதங்கள் தொடர் பேயாட்டம் ஆடிய இந்த வைரஸ் அதன் மரபணுவில் தொடர்ச்சியாக ஏற்பட்டு வந்த ஜெனடிக் மியுடேஷன்ஸ்கள் காரணமாக (Antigen Shift and Antigen Drift ) மூலமாக தொடர்ந்தும் மாற்றம் அடைந்து கொண்டு சென்று ஒரு நிலையில் தனது பலத்தை அப்படியே இழந்து போனது. அப்படியே அடங்கியும் போனது. மக்களும் இதற்கு எதிராக மெதுவாக நோய் எதிர்ப்பு சக்தியையும் கால ஓட்டத்தில் பெற்றுக் கொண்டனர். இந்த ஸ்பானிஷ் ப்ஃளு போல நவீன #COVID உம் மக்களை கொல்லுமா? அல்லது வலுவிழந்து பலமற்றுப் போகுமா? வரலாறு மீட்டப்படுமா? பொறுத்திருந்துதான் பார்க்க வேண்டும். Dr PM Arshath Ahamed MBBS MD PAED குழந்தை நல மருத்துவ நிபுணர்