Jump to content
  • advertisement_alt
  • advertisement_alt
  • advertisement_alt

2020-ஐ மாற்றப்போகும் டெக்னாலஜி புரட்சி!


Recommended Posts

  • கருத்துக்கள உறவுகள்

2020-ஐ மாற்றப்போகும் டெக்னாலஜி புரட்சி!

 

17.jpg

சி.இ.எஸ் எனப்படும் கன்ஸ்யூமர் எலெக்ட்ரானிக் ஷோ, லாஸ் வேகாஸ் மாகாணத்தில் நடைபெற்று வருகிறது. இதில் பல விநோதமான நவீன கண்டுபிடிப்புகள் காட்சிக்கு வெளியாகியுள்ளன. அவற்றில் சில வித்தியாசமான மற்றும் காண்போரை ஆச்சரியப்படுத்தும் டெக்னாலஜி பற்றிய தொகுப்பைப் பார்ப்போம்.

சாம்சங் - நியான்

17a.jpg

சாம்சங் கொண்டுவந்திருக்கும் இந்த டெக்னாலஜியில் எது உண்மையான மனிதன், எது கணினியால் சித்திரிக்கப்பட்டது என்று கண்டறிவதற்கே பல மணிநேரம் ஆகும். ஆர்டிஃபிசியல் ஹியூமனாய்டு டெக்னாலஜி கொண்டு உருவாக்கப்பட்டிருக்கும் இந்த நியான் புராஜெக்ட் மனிதர்களின் முக பாவனைகள், பேசும் விதங்கள் அனைத்தையும் விர்ச்சுவல் வடிவத்தில் உருவாக்கி நமக்கு அசல் மனிதர்களைப் போலவே காட்டும் திறன் கொண்டது. இதனுடைய கண்டுபிடிப்பாளர் இந்தியாவைச் சேர்ந்த பிரணவ் மிஸ்ட்ரி. சிக்ஸ்த் சென்ஸ், சாம்சங் கியர் போன்ற பிரமிக்க வைக்கும் பல்வேறு கண்டுபிடிப்புகளுக்கு இவர் பெயர் பெற்றவர். அதுமட்டுமின்றி சாம்சங் ஸ்டார் நிறுவனத்தின் தலைவர் மற்றும் தலைமை நிர்வாக அதிகாரி இவர் என்பது குறிப்பிடத்தக்கது.

புதிய அவதாரம்

17b.jpg

சி.இ.எஸ் 2020இல் அவதார் படத்தின் இரண்டாம் பாகத்துக்கான சில படங்களை அந்தப் படக்குழு வெளியிட்டுள்ளது. ஜனவரி 2009ஆம் ஆண்டு முதல் ஜூலை 2019ஆம் ஆண்டு வரை உலக அரங்கில் அதிக வசூல் செய்த படமாக திகழ்ந்தது அவதார். அவதாரின் இரண்டாம் பாகம் 2021ஆம் ஆண்டில், டிசம்பர் 17ஆம் தேதி வெளியாகும் என்று அதிகாரபூர்வமான செய்தி வெளியானது. அதன் பிறகு இந்தப் படத்தில் வரும் சில கிராபிக்ஸ் காட்சிகளைப் படக்குழுவினர் சி.இ.எஸ் 2020இல் வெளியிட்டுளார்கள். அதுமட்டுமின்றி மெர்ஸிடெஸ் நிறுவனம், அவதார் படத்தில் வரும் மிருகங்கள் போல் இருக்கும் கான்செப்ட் கார் ஒன்றைக் காட்சிக்கு வெளியிட்டுள்ளது. இந்த சி.இ.எஸ் 2020இல் ஹோண்டா, சோனி, ஆடி, BMW, ஃபியட் போன்ற எண்ணற்ற நிறுவனங்கள் தங்களுடைய கான்செப்ட் கார்களை அறிமுகப்படுத்தியுள்ளது குறிப்பிடத்தக்கது.

ஒன் ப்ளஸ் நிறுவனத்திற்கு இன்னும் ஒரு ப்ளஸ்

17c.jpg

ஸ்மார்ட்போன் நிறுவனத்தின் சந்தையில் சிம்மசொப்பனமாக திகழும் ஒன் ப்ளஸ் நிறுவனம், தற்போது 'ஒன் ப்ளஸ் எக்ஸ் மெக்ளேரன்' எனப்படும் கான்செப்ட் ஸ்மார்ட்போனை அறிமுகப்படுத்தியுள்ளது. மொபைலின் பின்புறம் அமைக்கப்பட்டிருக்கும் கேமரா தானாகவே மறையும் படியாக புதிய முயற்சியில் இந்த ஸ்மார்ட்போன் தயாரிக்கப்பட்டுள்ளது குறிப்பிடத்தக்கது.

வேறு பரிமாணம்

17d.jpg

கண்களுக்கு சேதம் விளைவிக்காத வகையில் ஆர்கானிக் எல்இடி ஒளியை வெளியிடும் சுருட்டக்கூடிய தொலைக்காட்சியை LG நிறுவனம் அறிமுகப்படுத்தியுள்ளது. பார்ப்பதற்கு வித்யாசமான கடல் அலை வடிவில் இருக்கும் இந்த டிவி, காண்போரை வேறு உலகிற்கு கொண்டு செல்லும் அளவிற்கு மிகவும் அழகான காட்சிகளை காட்டுகிறது. இதற்கிடையே சாம்சங் நிறுவனம் செல்ஃபி கேமரா மூலம் கைகளை ஸ்கேன் செய்து மொபைல் திரையை தொடாமலே செய்திகளை உள்ளிடக்கூடிய கீபோர்டையும் காட்சிக்கு அறிமுகப்படுத்தியுள்ளது. லெனோவா, டெல் போன்ற நிறுவனங்கள் ஆர்கானிக் எல்இடி திரையுடன் மடக்கக்கூடிய மடிக்கணினியை அறிமுகப்படுத்தியுள்ளார்கள்.

செல்லப்பிராணியாக மாறிய சூட்கேஸ்

17e.jpg

சீனாவை சேர்ந்த 'ஃபார்வர்டு எக்ஸ் ரோபோடிக்ஸ்' நிறுவனத்தின் சூட்கேஸ் ஓவிஸ், நவீன அல்காரிதம் மூலம் புரோகிராம் செய்யபட்டுள்ளது. முகத்தை ஸ்கேன் செய்வது, யார்மேலும் மோதாமல் நகர்வதற்கு ஏற்ற சென்சார்களின் மூலம் நாம் போகும் இடெமெல்லாம் வீட்டு செல்லப் பிராணி போல் பின்தொடர்வது என அட்டகாசமான வசதிகளுடன் இந்த ஓவிஸ் உருவாக்கப்பட்டிருக்கிறது. GPS பொறுத்தப்பட்டிருப்பதால் வெகு தொலைவில் இருந்ததாலும் மொபைல் பயன்படுத்தி ஓவிஸ் இருக்கும் இடத்தை கண்டறிய முடியும்.

கூகுள் அசிஸ்டன்ட் புதிய அப்டேட்

இனி ஸ்மார்ட்ஃபோன் திரையில் படிக்கத் தேவையில்லை. கூகுள் அசிஸ்டன்டின் புதிய அப்டேட் நமக்கு திரையில் இருப்பவற்றை படித்துக்காட்ட வருகிறது. ஸ்மார்ட்ஃபோன் திரையில் இருப்பவற்றை "ஹே கூகுள். ரீட் திஸ்" என்று சொன்னால் கூகுள் அசிஸ்டன்ட் அதனை மினிமைஸ் செய்த பிறகும் படித்துக்கொண்டே இருக்கும். மேலும் காலண்டரில் குறித்திவைத்துள்ள முக்கிய நிகழ்வுகளை நமக்கு ஒலி வாயிலாக நினைவூட்டும். இந்த அப்டேட் அடுத்து வரப்போகும் ஸ்மார்ட்ஃபோன்களில் சேர்க்கப்படும் என்று எதிர்பார்க்கப்படுகிறது.

சோனியின் PS5

வீடியோ கேம்ஸ் விளையாடுவதை வியாபார ரீதியாகவும், தொழில்நுட்ப ரீதியாகவும் அடுத்தக் கட்டத்திற்கு கொண்டுசென்ற சோனி நிறுவனம் தற்பொழுது PS5 எனும் புதிய கேமிங் டிவைஸை அறிமுகப்படுத்தியுள்ளது. 3D ஆடியோ, மேம்படுத்தப்பட்ட கிராபிக்ஸ், கேமிங் அனுபவம் தடைபடாமல் இருக்க வேகப்படுத்தப்பட்ட ப்ராசஸர் பொறுத்தப்பட்டு விரைவில் வெளியாகவுள்ளது.

இனி ரத்தப்பரிசோதனை இல்லை

நீரிழிவு நோய் இருப்பவர்கள் இனி பரிசோதனைகளுக்கு ரத்தத்தை கொடுக்கத் தேவையில்லை. இதயத் துடிப்பை வைத்து ஒருநாளைக்கு எத்தனை தூரம் ஓடியிருக்கிறீர்கள் என்று சொல்லும் டெக்னாலஜி அறிமுகமாகியிருக்கிறது. கையில் பிரேஸ்ட்லெட் போல் மாட்டக்கூடிய "ஏ டயபெடிக்ஸ் பிரேதலைஸர்" எனப்படும் இந்த கருவி, ரத்தத்தின் சக்கரை அளவை இதய துடிப்பை வைத்துக் கண்டறியக்கூடியது.

 

https://minnambalam.com/entertainment/2020/01/09/17/ces-technology-future-gamechangers-industry-revolution

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • *அரசியலமைப்பில் குறிப்பிட்டிருக்கும் நடைமுறையை மீறும் செயல் ஒன்று நடைபெற்றுக் கொண்டிருந்தது என்பதை பாராளுமன்ற உறுப்பினர்களில் எவருமே புரிந்துக் கொண்டிருக்கவில்லை. -கலாநிதி நிஹால் ஜெயவிக்ரம- சர்ச்சைக்குரிய, அரசியலமைப்புக்கான 20ஆவது திருத்தச் சட்ட மூலம் கடந்த வாரம் பாராளுமன்ற ஒழுங்கு பத்திரத்தில் இடம்பெற்று முதலாவது வாசிப்புக்காக நீதியமைச்சரினால் முன்மொழியப்பட்டபோது பாராளுமன்றத்தினூடான பயணத்தை அது தொடங்கியது. அரசியலமைப்பில் குறிப்பிட்டிருக்கும் நடைமுறையை மீறும் செயல் ஒன்று நடைபெற்றுக் கொண்டிருந்தது என்பதை பாராளுமன்ற உறுப்பினர்களில் எவருமே புரிந்துக் கொண்டதாக தெரியவில்லை. இந்த சட்டமூலத்தின் 41ஆவது பிரிவு தற்போதைய அரசியலமைப்பின் 17Aயில் உள்ள 154R  உறுப்புரையை திருத்தும் நோக்கத்தை கொண்டிருக்கிறது. அந்த உறுப்புரை மாகாண சபைகளின் தேவைகளை நிறைவேற்றுவதற்கான நோக்கத்துக்கு வருடாந்த பட்ஜெட்டிலிருந்து நிதி ஒதுக்கப்படுவதை விதந்துரைக்கும் நிதி ஆணைக்குழு ஒன்றை அமைப்பதற்கான ஏற்பாடுகளை கொண்டிருக்கிறது. அரசியலமைப்பு பேரவையின் விதந்துரையின் பெயரில் ஜனாதிபதியினால் நியமிக்கப்படுகின்ற அந்த ஆணைக்குழு மூன்று உறுப்பினர்களை கொண்டிருக்கும். அந்த உறுப்பினர்கள் மூன்று பிரதான சமூகங்களை பிரதிநிதித்துவம் செய்பவர்களாகவும் ஒவ்வொருவரும் நிதி, சட்டம், நிர்வாகம், வர்த்தகம் அல்லது கல்வி ஆகிய துறைகளில் புலமை கொண்டவர்களாகவும் உயர் பதவிகளை வகித்தவர்களாகவும் இருக்க வேண்டும். புதிய சட்டமூலத்தின் 41ஆவது பிரிவு அரசியலமைப்பு பேரவை என்று குறிப்பிடுவதை நீக்குவதன் மூலமாக இந்த நியமனங்களை ஜனாதிபதி தானாகவே செய்வதற்கு வழிவகை செய்ய வேண்டும். 17A  அத்தியாயத்தில் உள்ள எந்தவொரு ஏற்பாட்டையும் நீக்குவதற்கு அல்லது திருத்துவதற்கான எந்தவொரு சட்டமூலமும் வர்த்தமானியில் பிரசுரிக்கப்பட்டு பாராளுமன்ற ஒழுங்கு பத்திரத்தில் இடம்பெறச் செய்வதற்கு முன்னதாக ஒவ்வொரு மாகாண சபைக்கும் அவற்றின் அபிப்பிராயங்களை பெறுவதற்காக ஜனாதிபதியால் அனுப்பப்பட வேண்டும். அனுப்பப்படாத பட்சத்தில் அது சட்டமாக வர முடியாது. சகல மாகாண சபைகளினதும் பதவி காலங்கள் முடிந்த காரணத்தால் அவ்வாறு செய்யப்படவில்லை. புதிய மாகாண சபைகளும் இன்னமும் தெரிவு செய்யப்படவில்லை. அதனால் கடந்தவாரம் 20ஆவது திருத்த சட்டமூலம் ஒழுங்கு பத்திரத்தில் இடம்பெறச் செய்யப்பட்டமை அரசியலமைப்பின் உறுப்புரை 154Gக்கு முரணானதாகும். மேலும், தெரிவு செய்யப்பட்ட மாகாண சபைகளுடன் கலந்தாலோசனை செய்ய தவறியமை மக்களின் வாக்குரிமையையும் பாதிப்பதாகும். மக்களின் வாக்குரிமை என்பது அரசியலமைப்பின் உறுப்புரை 3இனால் பாதுகாக்கப்படுகின்ற மக்களின் இறையாண்மையுடன் சம்பந்தப்பட்ட அம்சமாகும். சாதாரணமாக இந்தப் பிரச்சினைக்கான தீர்வு ஒழுங்கு பத்திரத்திலிருந்து 20ஆவது திருத்த சட்டமூலத்தை வாபஸ் பெற்று அதிலிருந்து அதன் 41ஆவது பிரிவை நீக்கிவிட்டு மீண்டும் ஒழுங்கு பத்திரத்தில் இடம்பெறச் செய்வதாகும். ஆனால், அத்தகையதொரு நடவடிக்கை எடுப்பது பிரச்சினையை தீர்க்கப்போவதில்லை. உறுப்புரை 154R அதன் தற்போதைய வடிவிலேயே அரசியலமைப்பில் தொடர்ந்து இருக்கும் வரை அரசியலமைப்பு பேரவையும் இருக்க வேண்டியது அவசியமாகும். ஏனென்றால் அந்த பேரவையின் ஆலோசனையின் பேரிலேயே நிதி ஆணைக்குழுவுக்கான நியமனங்களை ஜனாதிபதி செய்யலாம். ஆனால், 20ஆவது அரசியலமைப்பு திருத்த சட்ட மூலம் அரசியலமைப்பு பேரவையை நீக்குவதை நோக்காகக் கொண்டிருக்கிறது. இங்கு தான் பெரும்பாலும் எளிதில் கையாள முடியாத பிரச்சினை இருக்கிறது. 20ஆவது திருத்த சட்ட மூலத்தை வரைந்த அநாமதேய நபர் அரசியலமைப்பின் 17A அத்தியாயத்தின் அவசியத்தை கவனிக்க தவறிவிட்டார் போலும். சட்டமூலத்தின் முதலாவது வாசிப்பை முன்மொழிந்த நீதியமைச்சரும் அரசியலமைப்பின் உறுப்புரை 154G(2) இன் அவசியத்தை அலட்சியம் செய்துவிட்டார் போலும். இந்த இருவரும் சேர்ந்துதான் இந்த திரிசங்கு நிலையை தீர்த்து வைக்க வேண்டியது அவசியமாகும். https://www.virakesari.lk/article/91030
    • இது ஊமை குத்தில்ல அக்னி இருட்டு அறையில் முரட்டு குத்து🤣 ஆனா நீங்கள் எங்ககிட்ட கனக்க எதிர்பாக்கிறியள். நாங்கள் சும்மா இங்க வந்து எழுதுறது, சீமானின் பின்னால திரியுறது இப்படித்தான் செய்வம்.  இதுக்கு மேல எதுவும் செய்யமாட்டம், ஏன்னா முடியாது🤣 சீமானை எதிர்ப்பதும் ஆதரிப்பதும் இப்படி வம்பு கதைக்கத்தான் நாங்கள் சரி: ஆனால் இதனால் ஊரில் இருக்கும் மக்களுக்கு பிரச்சனை இல்லை. அவர்களுக்குதான் பிள்ளையான் போன்ற பல திறமையான தலைவர்கள் இருக்கிறார்களே?
    • கண்டுபிடிப்புகளை நடத்தியவர்களும், விஞ்ஞானிகளும்,எல்லா அறிவாளிகளும் உங்களைப்போல் அடிமுட்டாள் நாத்தீகர்கள் என ஆதாரத்துடன் நிரூபிக்க முடியமா? நீங்கள் கண்டுபிடித்த மின்சார சக்தியை பற்றி நான் கேட்கவில்லை.
    • ஜஸ்ரின் அண்ணா, நானும் நாதம் போலதான் welfare state இன் முழு ஆதரவாளன். ஆனால் சுத்துமாத்தை செய்யும் போது கடுப்பாகும். அதுவும் இப்படி செய்தால் நாங்கள் வயசாகும் காலத்தில் எல்லாத்தையும் புடுங்கி விடுவார்கள் என்ற சுயநலமும்தான்.
    • இல்லை ரகு இது திலீபன்  சார்ந்த போராட்டம் இனி  இங்கே  வேசங்கள் வேண்டாம் முகங்களை  களைவோம்
×
×
  • Create New...

Important Information

By using this site, you agree to our Terms of Use.