தேசியப் பட்டியலுக்காக காத்திருக்கும் சம்பந்தன், மாவை

[Gowin]

தமிழ்த் தேசியக் கூட்டமைப்பின் தலைவர் இரா.சம்பந்தன், நாடாளுமன்ற உறுப்பினர் மாவை சேனாதிராசா ஆகிய இருவரும் நாடாளுமன்றத் தேர்தலில் போட்டியிட்டால் தாம் இருவரும் தோல்வி அடைந்து விடுவோம் என்ற அச்சத்தின் காரணமாக இருவரும் கூட்டமைப்பிற்கு கிடைக்கும் தேசியப் பட்டியல் நாடாளுமன்ற பிரதிநிதித்துவமூடாக நாடாளுமன்ற உறுப்பினராக வர இருப்பது கூட்டமைப்புக்குள்ளும் பங்காளி கட்சிகளுக்குள்ளும் பலத்த சலசலப்பை ஏற்படுத்தியுள்ளது.

கூட்டமைப்பின் தலைவர் அண்மையில் ஒரு அறை கூவலை விடுத்திருந்தார். அந்த அறைகூவலில் இளைஞர்களுக்கும், படித்தவர்களுக்கும் நாடாளுமன்ற தேர்தலில் முன்னுரிமை வழங்க இருப்பதாக தெரிவித்திருந்தார்.

சம்பந்தன் கடந்த 43 வருடங்களாக நாடாளுமன்ற அரசியலில் இருந்து 87 வயதைக் கடந்துள்ள நிலையில், இதுவரை காலமும் சம்பந்தனினதும், அவரது கட்சியினரதும் அரசியல் இராஜதந்திரம் படு தோல்வி அடைந்துள்ளது.

தேர்தல் காலத்தில் மட்டும் இளைஞர்களும், படித்தவர்களும் அரசியலிற்கு வரவேண்டும் என்று போலித்தனமான அறைகூவலை விடுத்து வருகின்றார்.

சம்பந்தன் கடந்த நான்கு நாடாளுமன்ற தேர்தலில் தேசியப் பட்டியல் மூலம் புத்திஜீவிகள், துறைசார்ந்த நிபுணர்களில் ஒருவரைக் கூட நியமிக்கவில்லை. அதுமட்டுமல்லாமல், தாம் அரசியலில் இருந்து ஒதுங்கப் போவதாக பொய்யான செய்திகளை கசிய விட்டுக்கொண்டு மறுபக்கத்தில் தேசியப் பட்டியல் மூலம் தள்ளாத வயதிலும் நாடாளுமன்றம் செல்ல ஆசைப்படுகின்றார்.

கொழும்பில் இதுவரை காலமும் தமிழ் மக்களினுடைய பிரதிநிதியாக தெரிவு செய்யப்பட்ட மனோ கணேசனை அரசியல் அரங்கில் இருந்து ஒதுக்குவதென தமிழரசுக் கட்சியினர் கங்கணம் கட்டிக்கொண்டு இருக்கின்றார்கள்.

குறிப்பாக சுமந்திரன் அந்தப் பணியில் தீவிரமாக ஈடுபட்டுக் கொண்டிருக்கின்றார்.

அதற்கான முக்கிய காரணம் கூட்டமைப்பிற்கு இவ் முறை நாடாளுமன்றத் தேர்தலில் இரண்டு தேசியப் பட்டியல் ஆசனம் கிடைக்கப் போவதில்லை. சம்பந்தனைத் தவிர மாவை சேனாதிராசா தேசியப்பட்டியல் மூலம் வரமுடியாது அதற்காகவே கொழும்பில் கூட்டமைப்பு போட்டியிடுவதற்கு தயாராகி வருகின்றது.

இரண்டாவது காரணம் புதிய அரசியல் யாப்பு சீர் திருத்தத்தில் சுமந்திரன், சம்பந்தனுடைய இரட்டை வேடங்களை (பௌத்த மதத்திற்கு முன்னுரிமை கொடுத்தல், ஒற்றையாட்சியை ஏற்றுக் கொள்ளல்) போன்ற விடயங்களில் மனோ கணேசன் ஆளுங்கட்சி அமைச்சராக இருந்து கொண்டு அதை ஊடகங்களுக்கு பகிரங்கமாக கருத்து தெரிவித்தமையே சுமந்திரன், மனோ கணேசன் ஆகிய இருவருக்கும் இடையிலான விரிசலுக்கு காரணம்.

இந்நிலையில் படித்தவர்கள், கொள்கைப் பற்றுடையவர்கள், ஜனநாயகப் போராட்டதில் துணிச்சலுடன் ஈடுபடக் கூடியவர்கள், இளைஞர்கள், துறைசார்ந்த நிபுணர்களுக்கும் தேசியப் பட்டியல் ஊடாக நாடாளுமன்ற பிரதிநிதித்துவத்தை வழங்க சம்பந்தன், மாவை, சுமந்திரன் தயாரா?

https://www.tamilwin.com/politics/01/235932?ref=home-feed

[போல்]

பொதுத்தேர்தலில் மாவை.சேனாதிராஜா களமிறங்குவது உறுதி!

எதிர்வரும் பொதுத் தேர்தலில் நாடாளுமன்ற உறுப்பினர் மாவை சேனாதிராஜா களமிறங்கமாட்டார் என்ற செய்தியானது பொய்யானது என்று வடக்கு மாகாண சபையின் அவைத் தலைவரும் தமிழரசுக் கட்சியின் துணைப் பொதுச் செயலாளருமான சி வி கே சிவஞானம் தெரிவித்தார்

எதிர்வரும் பொதுத் தேர்தலின் போது தமிழரசு கட்சியின் தலைவர் மாவை சேனாதிராஜா தேர்தலில் போட்டியிட மாட்டார் என்ற போலிப் பிரசாரம் சிலரால் முன்னெடுக்கப்பட்டு வருகின்றது அந்த செய்தியில் எந்தவிதமான உண்மையும் இல்லை.

அனுபவம்மிக்க நீண்ட அரசியல்வாதியான மாவை சேனாதிராஜா இம்முறை பொதுத் தேர்தலில் களமிறங்குவது உறுதி எனவும் அவர் தெரிவித்தார்.

https://www.ibctamil.com/srilanka/80/134967