• advertisement_alt
  • advertisement_alt
  • advertisement_alt
Sign in to follow this  
பிழம்பு

`உடல்தான் சிறையிலிருந்து வெளியே வர வேண்டும்!'- பாலியல் வழக்கில் தஞ்சை நீதிமன்றம் தீர்ப்பு

Recommended Posts

கும்பகோணத்தில் வடமாநில இளம்பெண்ணை பாலியல் வன்கொடுமை செய்யப்பட்ட வழக்கில் நான்கு இளைஞர்களுக்கு வாழ்நாள் சிறைத் தண்டனையும், மேலும் இந்த வழக்கில் தொடர்புடைய ஆட்டோ டிரைவருக்கு 7 ஆண்டுச் சிறைத் தண்டனையும் விதித்து தஞ்சாவூர் மகளிர் நீதிமன்றம் இன்று பரபரப்பான தீர்ப்பு வழங்கிள்ளது.

டெல்லியைச் சேர்ந்தவர் 27 வயது நிரம்பிய இளம்பெண். இவருக்குக் கும்பகோணத்தைத் தலைமையிடமாகக் கொண்டு இயங்கும் தனியார் வங்கியில் வேலை கிடைத்தது. இதன் பயிற்சிக்காக டெல்லியிலிருந்து சென்னை வந்தவர் பின்னர் திருச்செந்தூர் எக்ஸ்பிரஸ் ரயில் மூலம் சென்னையிலிருந்து கும்பகோணத்திற்கு 2018-ம் ஆண்டு டிச 1-ம் தேதி வந்தார். ரயில் இரவு 11 மணியளவில் தாமதமாக கும்பகோணம் வந்தடைந்துள்ளது. ரயிலை விட்டு இறங்கிய அந்தப் பெண், இன்னும் சற்று நேரத்தில் அறைக்கு வந்து விடுவதாக தனது தோழிக்கு போன் செய்து கூறிவிட்டு ஆட்டோ ஏற்றியுள்ளார்.

 
குற்றவாளிகள்
 
குற்றவாளிகள்

ஆனால், ஆட்டோ டிரைவர் இளம்பெண் கூறிய இடத்திற்குச் செல்லாமல் அந்தப் பெண்ணை பைபாஸ் சாலை பகுதிக்கு அழைத்துச் சென்றுள்ளார். அப்போது அந்தப் பெண் ஆட்டோ டிரைவரிடம் நீண்ட நேரம் செல்கிறீர்கள் எனக் கேட்டுவிட்டு, சந்தேகமடைந்து ஆங்கிலத்தில் பேசி விட்டு ஹெல்ப் ஹெல்ப் எனக் கத்தியிருக்கிறார். இதனால் பயந்துபோன ஆட்டோ டிரைவர் அந்தப் பெண்ணை அங்கேயே இறக்கிவிட்டுவிட்டுச் சென்று விட்டார்.

இரவு நேரம் ஆள் நடமாட்டம் வேறு இல்லாததால் என்ன செய்வது எனத் தெரியாமல் தவித்தபடி அந்தப் பெண் தன்னுடைய டிராலி பேக்கை இழுத்துக்கொண்டு செட்டிமண்டபம் பைபாஸ் சாலை வழியாக நடந்தார். அப்போது அவ்வழியாக வந்த இளைஞர் ஒருவரிடம் லிப்ட் கேட்க அந்த இளைஞரும் அந்தப் பெண்ணை மோட்டார் சைக்கிளில் ஏற்றிக்கொண்டு சென்றார். இளைஞரின் நண்பர் ஒருவரும் பின்னாலேயே வந்தார்.

பின்னர் அந்தப் பெண்ணை நாச்சியார்கோயில் பைபாஸ் சாலை அருகே இருட்டான பகுதிக்கு இளம் பெண்ணை வலுக்கட்டாயமாக இழுத்துச் சென்று பாலியல் வன்கொடுமை செய்துள்ளனர். பின்னர் அவர்கள், மேலும் தன்னுடைய நண்பர்கள் இரண்டு பேரை வரவழைத்தனர். அவர்களும் அந்தப் பெண்ணைப் பாலியல் வன்கொடுமை செய்துள்ளனர்.

   

அவர் என்னை விட்டு விடுங்கள் எனக் கூச்சலிட்டபடி சத்தம் போட அதற்கு அந்த இளைஞர்கள் அடித்துக் கொலை செய்து விடுவோம் என மிரட்டியிருக்கின்றனர். அதன் பிறகு அந்தப் பெண் மயக்க நிலைக்குச் சென்று விட்டார். பின்னர், அந்த இளைஞர்கள் மெயின் ரோட்டிற்கு வந்து ஆட்டோ பிடித்து அந்தப் பெண்ணை ஏற்றியதுடன் அவரை இறக்கிவிடுவதற்காக ஒரு இளைஞரும் ஏறிக் கொண்டு சென்று அந்தப் பெண் செல்ல வேண்டிய இடத்தில் இறக்கிவிட்டுள்ளார்.

ஆட்டோவிலிருந்து இறங்கும் போது அந்த இளம் பெண் ஆட்டோவின் பதிவு எண்ணைக் குறித்து வைத்துக்கொண்டார். பின்னர் தன் தோழிகளிடம் நடந்த சம்பவத்தைக் கூறி கதறியிருக்கிறார். இந்தத் தகவல் வங்கி நிர்வாகத்திற்கும் சென்றது. இதையடுத்து டெல்லியில் உள்ள பெற்றோர்களிடமும் கூறி அவர்களை வரவழைத்தார். பின்னர் இது தொடர்பாகக் காவல் நிலையத்தில் புகார் அளிக்கப்பட்டது. அதன்பின்னர் வெளிச்சத்துக்குவந்த இந்தச் சம்பவம் தமிழகத்தில் அதிர்வலைகளை ஏற்படுத்தியது.

வங்கி நிர்வாகம் தரப்பிலும் போலீஸாரிடம் விரைவில் விசாரணை செய்யுமாறும் குற்றவாளிகள் யாரும் தப்பிக்கக்கூடாது எனவும் அழுத்தம் தரப்பட்டது. விசாரணையில் தினேஷ், வசந்த்குமார், புருஷோத்தமன், அன்பரசு மற்றும் இதற்குக் காரணமான ஆட்டோ டிரைவர் குருமூர்த்தி ஆகிய 5 பேரும் கைது செய்யப்பட்டு விசாரிக்கப்பட்டனர். இதில் அந்த நான்கு இளைஞர்களும் இளம் பெண்ணை மிரட்டி பாலியல் வன்கொடுமை செய்தது உறுதியானது.

   

விசாரணையின்போது அந்தப் பெண் எனக்கு நடந்ததுபோல் இனி எந்தப் பெண்ணுக்கும் நடக்கக் கூடாது. அவர்களுக்குக் கிடைக்கக்கூடிய தண்டனை ஒரு எடுத்துக்காட்டாக இருப்பதுடன் இனி யாரும் இது போன்ற சம்பவங்களைச் செய்வதற்கு அச்சப்பட வேண்டும் எங்கு வந்து வேண்டுமானாலும் சாட்சி சொல்கிறேன் என ஆதங்கத்துடன் போலீஸாரிடம் தெரிவித்திருந்தார்.

 

இந்த வழக்கின் விசாரணை தஞ்சாவூர் மகிளா நீதிமன்றத்தில் நடைபெற்று வந்தது. இதில் போலீஸார் 700 பக்க குற்றப்பத்திரிகையைத் தாக்கல் செய்தனர். மேலும் அரசு தரப்பு சாட்சியாக 33 பேரிடம் விசாரிக்கப்பட்டது. இதையடுத்து இந்த வழக்கு இன்று காலை விசாரணைக்கு வந்தது. அப்போது நீதிபதி எழிலரசி, ``அரசு தரப்பு சாட்சியங்கள் அனைத்தும் சந்தேகமின்றி நிரூபணம் செய்யப்பட்டுள்ளதால் 5 பேரும் குற்றவாளி'' எனத் தீர்ப்பளித்தார்.

   

இதைத் தொடர்ந்து குற்றவாளிகளான தினேஷ், வசந்தகுமார், புருஷோத்தமன், அன்பரசு ஆகிய நான்கு பேருக்கும் சாகும் வரை சிறைத் தண்டனை விதித்தார். அத்துடன் அவர்களின் உடல்தான் சிறையிலிருந்து வெளியே வர வேண்டும் எனவும் குறிப்பிட்டார். மேலும் இதில் தொடர்புடைய ஆட்டோ டிரைவருக்கு 7 ஆண்டுக் கடுங்காவல் சிறைத் தண்டனையும் விதித்து தீர்ப்பளிக்கப்பட்டது. இதைக் குற்றவாளிகள் ஏக காலத்தில் அனுபவிக்க வேண்டும் என்றும் குறிப்பிடப்பட்டது. இந்தத் தீர்ப்பு தஞ்சையில் பெரும் பரபரப்பை ஏற்படுத்தியுள்ளது.

ttps://www.vikatan.com/news/crime/tanjore-courts-awards-life-sentence-to-4-in-sexual-harassment-case

Share this post


Link to post
Share on other sites
13 hours ago, பிழம்பு said:

கும்பகோணத்தில் வடமாநில இளம்பெண்ணை பாலியல் வன்கொடுமை செய்யப்பட்ட வழக்கில் நான்கு இளைஞர்களுக்கு வாழ்நாள் சிறைத் தண்டனையும், மேலும் இந்த வழக்கில் தொடர்புடைய ஆட்டோ டிரைவருக்கு 7 ஆண்டுச் சிறைத் தண்டனையும் விதித்து தஞ்சாவூர் மகளிர் நீதிமன்றம் இன்று பரபரப்பான தீர்ப்பு வழங்கிள்ளது.

தமிழ் பெண்களுக்கு.... பொள்ளாச்சியில் நடந்த வன் கொடுமைகளுக்கும்,
விரைவில் தீர்ப்பை கொடுங்கள். 

Share this post


Link to post
Share on other sites
On 1/14/2020 at 5:17 AM, தமிழ் சிறி said:

தமிழ் பெண்களுக்கு.... பொள்ளாச்சியில் நடந்த வன் கொடுமைகளுக்கும்,
விரைவில் தீர்ப்பை கொடுங்கள். 

 தமிழ்சிறி இங்கு தமிழ் பெண்ணோ வேறு இனப் பெண்ணோ என்பது முக்கியமல்ல. ஒரு  பெண் அவள் எந்த இனத்தை சேர்ந்தவரானாலும் அவர்கள் மீது  இவ்வாறான அக்கிரமங்களை செய்வோர் தண்டிக்க்கப்படல் வேண்டும்.  ஆனால் இந்த இரு சம்பவங்களிலும் ஈடுபட்ட குற்றவாளிகள் தமிழர்களே. 

  • Like 1

Share this post


Link to post
Share on other sites
On 1/16/2020 at 10:33 AM, tulpen said:

 தமிழ்சிறி இங்கு தமிழ் பெண்ணோ வேறு இனப் பெண்ணோ என்பது முக்கியமல்ல. ஒரு  பெண் அவள் எந்த இனத்தை சேர்ந்தவரானாலும் அவர்கள் மீது  இவ்வாறான அக்கிரமங்களை செய்வோர் தண்டிக்க்கப்படல் வேண்டும்.  ஆனால் இந்த இரு சம்பவங்களிலும் ஈடுபட்ட குற்றவாளிகள் தமிழர்களே. 

ஆம், உண்மை... ருல்பன்,
உங்கள் கருத்தை, மனப்பூர்வமாக ஏற்றுக் கொள்கின்றேன்.  

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • அக்கா இர‌ண்டு கிழ‌மையால் ( இல‌ங்கை காசுக்கு 35ஆயிர‌ம் அனுப்பி விடுகிறேன் ) இப்போது என்னால் இவ‌ள‌வு தான் உத‌ முடியும் அக்கா /
    • மட்டக்களப்பு மாவட்டத்தில் நேசக்கரம் அமைப்பினால் 2013ம் ஆண்டு சித்த ஆயள்வேத தோட்டம் நிறுவப்பட்டது. 2ஏக்கர் நிலத்தில் உருவான ஆயர்வேத நிலமானது செங்கலடி பிரதேசசெயலர் பிரிவில் பலாச்சோலை எனும் இடத்தில் அமைந்துள்ளது. அருகிவரும் தமிழ் பாரம்பரிய சித்த வைத்தியத்தை மேம்படுத்திப் பேணும் வகையிலும் ஆங்கில வைத்தியத்தால் குணப்படுத்த முடியாத நோய்களைக் குணப்படுத்தும் நோக்கிலும் தமிழ் மாணவர்களுக்கு சித்த வைத்தியப் பயற்சியை வழங்கவும் எம்மால் உருவாக்கப்பட்டதே சித்த ஆயர்வேத மூலிகைத் தோட்டமாகும். ஆயுர்வேத வைத்திய நிலையத்தை உருவாக்கிக் கொள்வதன் மூலம் எமது மருத்துவத்துறையை விருத்தி செய்யக்கூடிய வாய்ப்பினையும் உருவாக்க முடியும். முழுமையாக அழிந்து வரும் சித்த ஆயுர்வேத வைத்தியத்தினை எமது மக்கள் சரியான வகையில் பெற்றுக் கொள்ளும் வாய்ப்பினையும் இம்முயற்சி மூலம் உருவாக்கியுள்ளோம். இயற்கையோடு இணைந்த வாழ்வும் அதன் அவசியமும் இந்நிலம் மூலம் உருவாக வேண்டுமென்ற நம்பிக்கையோடு நகர்கிறோம். முதற்கட்டம் தேவைப்பட்ட நிதியுதவி - 436000.00ரூபா. மூலிகைத் தோட்ட உருவாக்கத்திற்கு தங்கள் பங்களிப்பை நல்கியவர்கள்:- பேரம்பலம் - 600யூரோ. பிரித்தானிய Tamil Community Centre Hillingdon   நிறுவனத்தினர் 52310.00 ரூபா யாழ்கவி 33780.00 ரூபா கொக்குவிலான் 560யூரோ. கனடாவிலிருந்து சுரேஸ் , ரவி - 157350.00ரூபா ஆரம்பகட்ட உதவிகளின் பின்னர் உதவிகள் எதுவும் கிடைக்கப்பெறவில்லை. அதன் பின்னர் பிரித்தானியாவில் வாழும் உறவு பேரம்பலம் ஐயா அவர்களது பங்களிப்பும் எனது பங்களிப்போடும் தொடர்ந்து மூலிகைத் தோட்டம் பராமரிக்கப்பட்டு வந்தது. இக்கால இடைவெளியில்  ஒரு வைத்தியரை உருவாக்கத் தேவையான நிதியுதவியில் ஒரு பகுதியை பேரம்பலம் ஐயா அவர்கள் தந்துதவினார். குறித்த வைத்தியத்தின் மேலதிக கற்கைக்கு குறித்த நபரை 3மாதம் இந்தியாவிற்கு பயிற்சிக்காக அனுப்பியிருந்தோம். 2017ம் ஆண்டு வசதிகள் பெருமளவு இல்லாத நிலையில் எம்மால் உருவாக்கப்பட்ட  மூலிகைகளைக் கொண்டு வைத்தியம் செய்யத் தொடங்கினோம். தற்போது சனி ஞாயிற்றுக்கிழமைகளில் வைத்தியசேவை நடைபெற்று வருகிறது. எனினும் சிகிச்சை பெற வருவோருக்கான தங்கிடம் மலசலகூடம் வைத்தியம் செய்வதற்கான கட்டட வசதிகள் இல்லாத போதிலும் மரங்களின் கீழ் பயனாளிகளை வைத்து வைத்தியசேவை நடைபெற்று வருகிறது. வாரம் தோறும் 60பேர் வரையில் சிகிச்சை பெற்று வருகிறார்கள். சிகிச்சை வழங்கப்படும் நோய்கள் வரிசை வருமாறு :- நீரிழிவு , கொலஸ்ரோல்     வாதங்கள்    80 வாதங்கள், (முடக்கு வாதம், திமிர் வாதம், கிரந்திவாதம் ) இதயக்கோளாறுகள்    இதய இரத்தக்குளாய் அடைப்புகள், இதய பலவீனம் கிரந்தி வகைகள்    புடர்தாமரை, சோரியாசிஸ்,வாரி,ஆறாத காயங்கள். ஓவ்வாமை முறிவு தறிவு    எலும்பு முறிவுகள், முள்ளந்தண்டு கோளாறுகள், சில்லு விலகல்கள் கண்நோய்    கண் கிரந்தி, பார்வை குறைவு சுவாச நோய்கள்    ஆஸ்மா, காசம், வறட்டு இருமல் தலை நோய்கள்    தலை வலி, ஒற்றை தலைவலி, தலையில் நரம்பு அடைப்புக்கள் உன்மந்தம்    16வகையான மனநோய்களுக்கான வைத்தியம். புற்றுநோய் . ஏழுவருட முயற்சியின் வளர்ச்சியை இவ்வளவே எம்மால் கொண்டுவர முடிந்துள்ளது. இதுவொரு நீண்டகால திட்டமாகும். சித்தஆயுர்வேத நிலத்தில் மலசலகூடம் , தண்ணீர் வசதி , மருத்துவக் கொட்டகை , தூரத்திலிருந்து சிகிச்சைக்கு வருவோருக்கான தங்கிடம் போன்றவற்றை அமைக்க வேண்டிய தேவையிருக்கிறது. அத்தோடு 10மாணவர்களை ஆயுர்வேத கற்கையை கற்பதற்காக தெரிவு செய்துள்ளோம். இம்மாணவர்கள் பாடசாலைக்கல்வியை தொடர்ந்தபடி ஆயுர்வேத மருத்துவத்தையும் கற்கவுள்ளனர். இரண்டுவருட கற்றல் நெறிக்கான கற்றலில் இணையும் ஒரு மாணவருக்கான மாதாந்தம் செலவு 8ஆயிரம் இலங்கை ரூபாய். இவர்களது குடும்ப பொருளாதார நிலமையானது வறுமைக்கோட்டின் கீழ் இருப்பதால் கல்வியில் கெட்டிக்காரர்களாக இருந்தும் குடும்ப நிலமை இவர்களை கூலித்தொழிலாளர்களாக மாற்றும் நிலமையே காணப்படுகிறது. இம்மாணவர்களுக்கான சிறந்த கல்வியைக் கொடுக்கும் சமநேரம் ஆயுர்வேத வைத்தியத்தையும் கற்பிக்க விரும்புகிறோம். ஓரு பிள்ளையைப் பொறுப்பேற்று கல்விக்காக நீங்கள் உதவும் உதவியானது ஒரு சந்ததியின் முன்னேற்றத்திற்கான வழியை ஏற்படுத்திக் கொடுக்கும். உதவ விரும்புவோர் என்னுடன் தொடர்பு கொள்ளுங்கள். சாந்தி நேசக்கரம் யேர்மனி தொலைபேசியிலக்கம் 0049 1521 6758149 (whatsapp & viber) Email : - nesakkaram@gmal.com  
    • நாட்டின் எதிர்காலம் கொரோனாவின் கையில் மொஹமட் பாதுஷா   / 2020 மார்ச் 27 நாடாளுமன்றத் தேர்தல் ஒத்திவைக்கப்படுவதாகத் தேர்தல்கள் ஆணைக்குழுவின் தவிசாளர் மஹிந்த தேசப்பிரிய, சில தினங்களுக்கு முன்னர் அறிவித்தபோது, “அப்படியென்றால், வாக்கெடுப்பு எப்போது நடைபெறும்?” என்று, ஊடகவியலாளர் தரப்பில் வினாத் தொடுக்கப்பட்டது. அப்போது அவர்,  “தேர்தல் எப்போது நடக்க வேண்டும் என்பதைக் கொரோனா வைரஸ்தான் தீர்மானிக்கும்” என்று சொல்லியிருந்தார்.    சுருக்கமாகச் சொன்னால், இதுதான் இந்த நாட்டினது நிலைமையாகும். கொரோனா என்ற, கண்ணுக்குப் புலப்படாத வைரஸ்தான் நமது அரசியல், பொருளாதார, சமூக ஸ்திரத் தன்மையையும் எதிர்காலத்தையும் தீர்மானிக்கப் போகின்றது என்பதில் இருவேறு நிலைப்பாடுகள் இல்லை.    உலக வரைபடத்தில், ஒரு கண்ணீர் துளிபோல இருக்கின்ற இலங்கையில் மட்டுமல்ல, அனைத்து உலக நாடுகளின் தலைவிதியும் ஒரு வைரஸின் கைகளிலேயே தங்கியிருக்கக் காண்கின்றோம்.   விஞ்ஞானமும் அறிவியலும் கதிகலங்கி நிற்கின்றன; மருத்துவத்துறை என்னசெய்வதெனத் தெரியாமல் குழம்பிப் போயிருக்கின்றது; வளர்ச்சியடைந்த நாடுகள் சுருண்டு கிடக்கின்றன; உலக பொலிஸ்காரர் முதல், நாட்டாமை வரையான அனைவரது ஆட்டத்தையும் இயற்கை அல்லது, இறைவன் அடக்கி வைத்திருக்கின்றான்.  உலக சரித்திரத்தில், ஒரேகாலத்தில் இப்படியொரு நிலைமை ஏற்பட்டதாக, வரலாற்றுக் குறிப்புகளில் காணக் கிடைக்கவில்லை.   இன்று (27) இப்பத்தி எழுதி முடிக்கப்படும் வரை, சுமார் 195 இற்கு மேற்பட்ட நாடுகளில், கொரோனா வைரஸ் பரவியுள்ளது; அல்லது, அச்சுறுத்தலுக்கு உள்ளாகியுள்ளது. அதன்படி பார்த்தால், ஆபிரிக்க கண்டத்தில் ஓரிரு நாடுகளும், கியூபா போன்ற தேசங்களிலுமே இன்றைய நிலைவரப்படி, கொரோனா வைரஸ் பரவவில்லை எனலாம்.   இதன்படி, உலகெங்கும் 24 ஆயிரத்துக்கும் மேற்பட்டோர், இவ்வைரஸ் தொற்றால் உயிரிழந்திருக்கின்றனர். ஐந்து இலட்சத்து 30ஆயிரம் பேர் கொரோனா வைரஸ் தொற்றுக்குள்ளாகி, சிகிச்சை பெறுகின்றனர். சுமார் 124,000 பேர் இதிலிருந்து குணமடைந்துள்ளதாகத் தகவல்கள் தெரிவிக்கின்றன.  ஆனால், கொவிட்-19 இனால் பாதிக்கப்படுவோர், மரணிப்போரின் தொகை, ஒவ்வொரு நொடியும் அதிகரித்துக் கொண்டிருக்கின்றது என்பதே ஆபத்தான, கவலைதரும் அறிகுறியாகும்.   இலங்கை நிலைவரம்   இலங்கை, இதுவரைக்கும் ஓரளவுக்கு சிறப்பாக இந்த வைரஸ் பரவலைக் கட்டுப்பாட்டுக்குள் வைத்திருக்கின்றது என்று சொல்லலாம். இதற்கு, அரசாங்கத்தின் உறுதியான தீர்மானமும் வைத்தியர்கள்,  சுகாதாரப் பணியாளர்கள், பாதுகாப்புத் தரப்பினரின் அர்ப்பணிப்புமிக்க சேவையும் முக்கிய காரணம் என்பதில் எவ்வித சந்தேகமும் இல்லை.  அந்த வகையில், அரசாங்கத்தைப் பாராட்டுவதுடன், உயிர்களைக் காப்பாற்ற அயராது உழைக்கும் மருத்துவர்கள், தாதியர்கள் உள்ளிட்ட சுகாதாரப் பணியாளர்களுக்கும், பொலிஸார்,  முப்படையினர் உள்ளடங்கலான அரச அதிகாரிகளுக்கு, நாட்டு மக்கள் தலைவணங்குகின்றார்கள் எனலாம்.   இப்பத்தி எழுதி முடிக்கப்படும் தருவாயில், இலங்கையில் தற்போது 106 கொரோனா வைரஸ் நோயாளிகள் சிகிச்சை பெற்று வருகின்றனர். ஆறு பேர் குணமடைந்து, வைத்தியசாலையை விட்டு வெளியேறியுள்ளனர். இதுதவிர, வெளிநாட்டுப் பிரஜைகள் ஐந்து பேர் உட்பட, 237 பேர் இன்னும் மருத்துவக் கண்காணிப்பில் இருக்கின்ற சமகாலத்தில், வெளிநாடுகளில் இருந்து திரும்பியவர்கள், கொரோனா வைரஸ் நோயாளிகளுடன் நெருங்கிப் பழகியவர்கள் எனப் பல நூற்றுக்கணக்கானோர் நாட்டின் அனைத்துப் பாகங்களிலும் தனிமைப்படுத்தப்பட்டுள்ளனர்.   மக்களில் பெரும்பகுதியினர், வைத்தியர்களின் அறிவுரைகளையும் அரசாங்கத்தின் ஒழுங்குவிதிகளையும் கடைப்பிடிக்கின்ற போதிலும், ஒரு குறிப்பிட்டளவானோர் அதனைப் பொருட்படுத்தாமல் நடந்து கொள்கின்றனர்.  குறிப்பாக, தமிழ், முஸ்லிம் பிரதேசங்களில் ஊரடங்கை மதிக்காமல் சிலர், அவிழ்த்துவிட்ட ‘எதையோ’ போன்று, தெருக்களில் நடமாடுவதைக் காண முடிகின்றது. அத்துடன், ‘சமூக இடைவெளியை’ப் பேணாமல், மக்கள் சந்தைப் பகுதிகளில் முண்டியடிக்கின்றனர். இந்த நோயின் பாரதுரம் பற்றிய அறியாமையே, இதற்கு அடிப்படைக் காரணம் எனலாம்.   இது இவ்வாறிருக்க, நமக்குள் சில கொரோனா வைரஸ் நோய்க்காவிகள், மறைந்து கொண்டு இருக்கின்றார்கள்; அல்லது, மறைந்திருந்து நோயைப் பரப்பிக் கொண்டிருக்கின்றார்கள் என்ற விடயமும் இப்போது தெரியவந்து, நம்மை அச்சுறுத்தத் தொடங்கி இருக்கின்றது.  குறிப்பாக, 11ஆம் இலக்க நோயாளி எனப்படும் மக்கொன பிரதேசத்தைச் சேர்ந்த மாணிக்கக்கல் வியாபாரி, பொலிஸ் புகைப்படம் வெளியிட்ட ஒரு நோயாளி, கேகாலைப் பகுதியைச் சேர்ந்த உள்ளூராட்சி சபை உறுப்பினர், மட்டக்களப்பில் பதிவான, இலண்டனில் இருந்து வந்த நபர், யாழ்ப்பாணத்தில் வழிபாடு நடத்தி, பலருக்குக் கொரோனா வைரஸைப் பரவச் செய்த சுவிஸ் போதகர் என, இந்தப் பட்டியல் நீள்கின்றது.   இலங்கையில் கடந்த புதனன்று, புதிய நோயாளிகள் யாரும் அடையாளம் காணப்படவில்லை. இந்தப் பின்னணியில், கொரோனா வைரஸ் கட்டுப்பாட்டில் இருப்பது போன்று நமக்குத் தோன்றினாலும், பொறுப்புவாய்ந்த மருத்துவ நிபுணர்கள் அதற்கு மாற்றமான நிலைப்பாட்டையே கொண்டிருக்கின்றனர். “இலங்கையில் இனிவரும் நாள்களில் நிலைமைகள் மோசமடையலாம்” என்று, அச்சம் வெளியிட்டுள்ள அவர்கள், நாட்டைத் தொடர்ந்தும் முற்றாக மூட வேண்டும் என்றே சிபாரிசு செய்து வருகின்றனர். அதுகுறித்து, அரசாங்கம் கடுமையாகப் பரிசீலித்து வருகின்றது.   அரசுக்கு நெருக்கடி   இந்த வைரஸ் தொற்றின் காரணமாகவும் அதைக் கட்டுப்படுத்துவதில் ஆட்சியாளர்கள் விட்ட தவறின் எதிர் விளைவாகவும் உலகப் பொருளாதார ஜாம்பவான் நாடுகளே இன்று பெரும் பின்னடைவைச் சந்தித்துள்ளன. சீனா, இத்தாலி, ஸ்பெயின், அமெரிக்கா, ஐக்கிய இராச்சியம் என, கடந்த மாதம் வரை, நாம் பார்த்து வியந்த நாடுகள் இன்று, மற்றைய நாடுகளிடம் உதவி கோரும் நிலைக்கு வந்திருக்கின்றன. உலகமே ஒட்டுமொத்த பொருளாதார வீழ்ச்சியையும் அரசியல் பின்னடைவையும் சந்தித்து நிற்கின்ற ஓர் இக்கட்டான காலமாக, இதைக் குறிப்பிடலாம்.   இந்தப் பின்னணியில் நோக்கினால், இலங்கை அரசாங்கத்துக்கும் இது ஒரு நெருக்கடியான காலமாகவே தெரிகின்றது. கொரோனா வைரஸைக் கட்டுப்படுத்துவதிலேயே நமது நாட்டின் சமூக, பொருளாதார ஸ்திரத்தன்மை மட்டுமன்றி, அரசியல் ஸ்திரத்தையும் உறுதிப்படுத்திக் கொள்ளக் கூடியதாக இருக்கும். அதைவிடுத்து, ‘விடுதலைப் புலிகளை அழித்தொழித்த எங்களால் இந்த வைரஸை அடக்க முடியாதா?’ என்று முழங்காலுக்கும் மொட்டைத்தலைக்கும் முடிச்சுப் போட்டு பேசிக் கொண்டிருப்பதால் எதுவும் நடக்கப் போவதில்லை.   கொவிட்-19 பரவுவதை, உள்நாட்டில் கட்டுப்படுத்தினாலேயே நாட்டு மக்களின் உயிர்களைக் காப்பாற்றலாம். அத்துடன், இந்த அரசாங்கத்தின் செயற்றிறனும் வெளிப்படும். இது, ராஜபக்‌ஷ அரசாங்கம் பற்றிய நல்ல அபிப்பிராயத்தை உள்நாட்டிலும் வெளிநாட்டிலும் ஏற்படுத்தும்.  இதனால், கொவிட்-19 இலிருந்து, பாதுகாப்புப் பெற்ற நாடாக,  இலங்கை மாறுவது என்பது, நாட்டுக்குப் பொருளாதார, அரசியல் அனுகூலங்களைக் கொண்டு வரும். அதனூடாக, சமூக நன்மைகள் கிடைக்க வாய்ப்பிருக்கின்றது.   கொரோனா வைரஸிடம் தோல்வியடைந்தால் இவ்வரசாங்கம் பற்றிய பிரக்ஞை அல்லது தோற்றப்பாடு சிதைவடைந்து விடும். அது அரசியல் உட்பட, எல்லா விடயங்களிலும் நீண்டகால அடிப்படையில் இன்னுமொரு விதமான வைரஸ்போல, பாதிப்பை ஏற்படுத்திக் கொண்டே இருக்கும். ஆகவே, இலங்கையில் கொவிட்-19 இனைக் கட்டுப்படுத்துவது, அரசாங்கத்தின் பொறுப்பு மட்டுமன்றி, அதற்குப் பின்னால் வேறுபல பலாபலன்களும் இருக்கின்றன.   அந்தவகையில், கொரோனா வைரஸ் பரவலைத் தடுப்பதற்கு, அரசாங்கம் முற்படுகின்ற போது, சில நடவடிக்கைகளுக்கு மக்கள் மத்தியில் எதிர்ப்பும் விமர்சனங்களும் எழுவதைக் காணக் கூடியதாக இருக்கின்றது.  சில முன்னெடுப்புகளுக்கு, ஒரு குறிப்பிட்ட வகுதியினர் ஆதரவளிக்காமல் இருப்பதையும் எதிர்க்கட்சியினர் விமர்சனங்களை முன்வைப்பதையும் அவதானிக்க முடிகின்றது. எனவேதான், கிட்டத்தட்ட இருமுனைக் கத்தியைப் போன்ற இவ்விவகாரத்தை, மிகவும் நுட்பமான முறையில் கையாள வேண்டியிருக்கின்றது.   கொரோனா வைரஸை அரசாங்கம் கட்டுப்படுத்துவதில் பெற்றுக் கொள்கின்ற அடைவு, வெற்றி என்பன, இந்த நாடாளுமன்றத் தேர்தலின் முடிவுகளில் கணிசமான இடத்தை வகிக்கும் எனலாம். அதாவது, கொரோனா வைரஸைக் கட்டுப்படுத்தி விட்டு, ‘கொவிட்-19 இல்லாத’ என்ற அடையாளத்தோடு, ராஜபக்‌ஷக்கள் இந்தத் தேர்தலை எதிர்கொள்வார்கள் என்றால், பொதுஜன பெரமுனவுக்கான ஆதரவு அதிகரிக்கும்.  ஒருவேளை, அதில் அரசாங்கம் தோல்வி காணுமாக இருந்தால், உயிர்த்த ஞாயிறு தாக்குதலை வைத்தே, மைத்திரி-ரணில் ஆட்சி வீழ்த்தப்பட்டது போன்ற நிலையே, இந்த ஆட்சிக்கும் ஏற்பட்டாலும் ஏற்படலாம் என்பதை, நினைவில் வைத்துக் கொள்ள வேண்டும்.   எனவேதான், இந்த விடயத்தை ஜனாதிபதி கோட்டாபய ராஜபக்‌ஷவும், பிரதமர் மஹிந்த ராஜபக்‌ஷவும் மிகவும் சரியாகப் புரிந்து கொண்டிருப்பதாகவே தெரிகின்றது. கொரோனா வைரஸைக் கட்டுப்படுத்துவதில் ஆரம்பத்தில் சில தாமதங்கள், தவறுகள் இடம்பெற்றிருந்தாலும் கூட, மார்ச் இரண்டாம் வாரத்தில் இருந்து, அரசாங்கம் எடுத்த தீர்க்கமான தீர்மானங்கள், அதிரடியான அறிவிப்புகள், மூன்று வலயங்களாக நாட்டைப் பிரித்து, நடைமுறைப்படுத்தப்படும் நாடு தழுவிய ஊரடங்கு போன்ற விடயங்கள், கொவிட்-19 இனை,  அரசாங்கம் குறைமதிப்பீடு செய்யவில்லை என்பதைப் புலப்படுத்துகின்றன.   தேர்தல் தள்ளிப்போகும்   எது எப்படியிருப்பினும், நாடாளுமன்றத் தேர்தல் மிகக் கிட்டிய காலத்தில் நடைபெறப் போவதில்லை. நாட்டில் ஒரு ஸ்திரத்தன்மையை ஏற்படுத்தாமல், தேர்தல் ஒன்றை நடத்துவது சாத்தியமில்லை.  அதுமட்டுமன்றி, மேலும் ஊரடங்கை நீடிப்பதற்கும், நாட்டை மூடுநிலையில் வைத்திருப்பதற்கும் சிபாரிசு செய்யப்படுகின்ற நிலையில், தேர்தலை நடத்தி, மக்களை வீதிக்கு இறக்குவதற்கும் வாக்கெடுப்பை நடத்துவதற்குமான ஆரோக்கியமற்ற முடிவொன்றை அரசாங்கம் எடுக்காது என்றே, அனுமானிக்க முடிகின்றது.   ஜனாதிபதித் தேர்தலில் பெற்ற வெற்றியின் அதிர்வுகள் அடங்குவதற்கு இடையில், நாடாளுமன்றத் தேர்தலையும் நடத்தி, நாடாளுமன்றப் பெரும்பான்மையை உறுதி செய்ய வேண்டும் என்றே, முன்னர் அரசாங்கம் நினைத்தது.  ஆனால், ‘ஒரு’ வைரஸ் எல்லாவற்றையும் தலைகீழாகப் புரட்டிப் போட்டிருக்கின்ற சூழலில், தேர்தலை நடத்துவதற்கு அரசாங்கம் அவசரப்படவில்லை என்றே தெரிகின்றது. அத்துடன், மே 14ஆம் திகதிக்குப் பிறகு, நாடாளுமன்ற தேர்தலுக்கான வாக்கெடுப்பு தினம் அறிவிக்கப்படும் எனத் தேர்தல்கள் ஆணைக்குழு குறிப்பிட்டிருந்த போதும், அது இன்னும் தள்ளிப்போகும் சாத்தியம் இருக்கின்றது.   நாடாளுமன்றம் கலைக்கப்பட்டு, மூன்று மாதங்களில் புதிய நாடாளுமன்றத்தைக் கூட்டியாக வேண்டும் என்ற அடிப்படைச் சட்டத் தேவைப்பாடு காணப்படுகின்ற போதிலும், நாட்டில் ஏற்பட்டுள்ள அவசர கால நிலையைக் கருத்திற் கொண்டு, ஜூன் மாதத்துக்கும் அப்பால் தேர்தலை ஒத்தி வைப்பதற்குச் சட்டத்தில் ஏதேனும் சூட்சுமமான ஏற்பாடுகள் இருக்கின்றனவா என்பது குறித்து, அரசாங்கம் ஆராய்ந்து வருகின்றது.   இது தொடர்பாகக் கட்சித் தலைவர்கள் கூட்டத்திலும் பேசப்பட்டுள்ளது. இந்த இக்கட்டான காலத்திலும், முகநூலில் முஸ்லிம் அரசியல்வாதிகளுக்காக சண்டையிட்டுக் கொள்ளும் முகநூல் போராளிகளைப் போல, ஒரு பொறுப்புவாய்ந்த அரசாங்கம் செயற்படவும் முடியாது.   எனவே, இப்போதைக்குத் தேர்தல் அவசரமாக நடைபெறப் போவதில்லை என்பதைக் கருத்திற் கொண்டு, முஸ்லிம், தமிழ் அரசியல்வாதிகள் தேர்தல் பிரசாரங்களை நிறுத்திக் கொள்வதுடன், தங்களைப் பாதுகாப்பது மட்டுமன்றி மக்களுக்கு முடியுமான சேவைகளைச் செய்வதற்கான வழிவகைகளைத் தேட வேண்டும். அரசியல் இலாபம் தேடாமல், தனிமைப்பட்டிருக்கும், தமக்கு வாக்களித்த மக்களின் அடிப்படைத் தேவைகளை நிவர்த்தி செய்யத் தம்மாலான முயற்சிகளைச் செய்ய வேண்டும்.   எது அத்தியாவசியம்?   கொவிட்-19ஐக் கட்டுப்படுத்துவதற்காக அரசாங்கம் எடுத்துவரும் நடவடிக்கைகள் சிறப்பானவை என்றாலும் இதை இன்னும் ஒழுங்குபடுத்தி. பொறிமுறைப்படுத்த வேண்டிய அவசியம் காணப்படுகின்றது. குறிப்பாக, ஊரடங்கு காலத்தில் சில துறை சார்ந்தோருக்கு வீதியில் நடமாடுவதற்காக அனுமதி வழங்கப்பட்டுள்ள நிலையில், அதை வேறு சிலர் துஷ்பிரயோகம் செய்கின்றனர். இவ்வாறானவர்கள் சட்டத்தின் முன் நிறுத்தப்பட வேண்டும்.   ஊரடங்கு தளர்த்தப்படும் போது, அத்தியாவசிய தேவைகளுக்காக வர்த்தக நிலையங்கள் திறக்கப்படும் போது, அத்தியாவசியமற்ற பொருள்களை விற்கும் கடைகளும் சில இடங்களில் திறக்கப்படுவதாகவும் அங்கு தேவையற்ற மக்கள் கூட்டம் அலைமோதுவதாகவும் அறிய முடிகின்றது. இது தடுக்கப்பட வேண்டும்.  அதிக விலைக்குப் பொருள்களை விற்போர் மீது, சட்ட நடவடிக்கை எடுக்கப்படுவதுடன், அத்தியாவசிய பொருள் கொள்வனவுக்காக ஊரடங்கு தளர்த்தப்படுவது, சில மணித்தியாலங்களே என்பதால், சனநெரிசல் ஏற்படுகின்றது. இதைத் தணிப்பதற்கான பொறிமுறையை அரசாங்கம் உருவாக்க வேண்டியுள்ளது.   அதேபோல், ஊரடங்கு நேரத்தில் மருந்துக் கடைகள் இயங்குவதற்கும், மீனவர், விவசாயிகள் தங்களது நடவடிக்கைகளில் ஈடுபடுவதற்கும் சலுகை வழங்கப்பட்டுள்ளது. இந்த வரிசையில், வேறு சில அத்தியாவசிய பொருள்கள் விற்பனை நிலையங்களும் திறக்கப்படலாம். ஆனால், ஊரே அடங்கிப் போயிருக்கின்ற நேரத்தில் இவ்வாறு கடைகள், வங்கிகள் திறக்கப்படுவது மக்களுக்காக என்றபடியால், அதற்கு மக்கள் சென்று வருவதற்கான முறையான ஏற்பாடுகள் செய்யப்பட வேண்டும்.   மக்களின் பொறுப்பு   அரசாங்கம் ஊரடங்கு உத்தரவைப் பிறப்பிக்கின்றது; மக்களைத் வீட்டிலிருக்குமாறு அறிவிக்கின்றது; பாதுகாப்புத் தரப்பினர் சட்டம், ஒழுங்கை நிலைநாட்டப் பாடுபடுகின்றனர். மறுபுறத்தில், வைத்தியர்களும் தாதியர்களும் இரவுபகல் பாராது, கொரோனா வைரஸுடன் போராடிக் கொண்டிருக்கின்றனர்.  வளர்ச்சியடைந்த நாடுகளின் செல்வந்தர்களுக்கும் கொரோனா வைரஸ் தொற்றியுள்ளது. கனடா பிரதமரின் மனைவி பாதிக்கப்பட்டுள்ளார். ஹங்கேரி நாட்டுக்கான, பிரிட்டனின் பிரதித் தூதுவர் இதனால் பலியாகியுள்ளார். ஏன், உலகையே ஆட்சிசெய்த சக்கரவர்த்தி பரம்பரையில் வந்த இளவரசர் சார்ள்ஸூக்குக் கூட கொவிட்-19 தொற்றியுள்ளது என்றால், ஒவ்வொருவரும் சிந்திக்க வேண்டும்.   எனவே, வீடுகளை விட்டு வெளியேறாமல் இருப்பதுடன், பொது இடங்களில் சமூக இடைவெளியைப் பேண வேண்டும். மறுஅறிவித்தல் வரை, சுகாதார அறிவுறுத்தல்களைப் பேண வேண்டியது நமது பொறுப்பாகும். அத்துடன், மக்களுக்குள் மறைந்து கொண்டிருக்கும் கொரோனா வைரஸ் தொற்றாளர்கள்,  வெளிநாட்டில் இருந்து திரும்பிய சந்தேகத்துக்கு இடமான நபர்கள் தொடர்பில் உரிய தரப்பினருக்கு அறிவிக்க வேண்டும். மிக முக்கியமாக, முஸ்லிம், தமிழ் சமூகம், ஊரடங்கு போன்ற ஒழுங்குவிதிகளுக்கு முழுமையாகக் கட்டுப்பட வேண்டும்.   எனவே, அரசாங்கமும், வைத்திய துறையினரும், பாதுகாப்புத் தரப்பினரும் மட்டுமன்றி ஒவ்வொரு பொதுமகனும் கூட்டிணைந்து பணியாற்றினால் மாத்திரமே, கொரோனா வைரஸில் இருந்து தப்பித்துக் கொள்வதுடன், இலங்கைத் தேசம் தற்போது வேண்டிநிற்கின்ற அரசியல், பொருளாதார, சமூக ஸ்திரத்தன்மையையும் ஏற்படுத்திக் கொள்ளக் கூடியதாக இருக்கும்.     இல்லாதோரையும் நினைப்போம் ‘வெளியே வந்துபார், போதும் போதும் என்றே, நம்மில் பலரின் தேவைகள் உண்மையில், அளவுக்கதிகமாக பூர்த்தி செய்யப்பட்டிருப்பதைக் காண்பாய்...’   - இது, பிறமொழிக் கவிதையொன்றின் வரிகளாகும்.   உண்மைதான், நாம் இருக்கின்றது போதும் போதும் என்று சொல்லிச் சொல்லியே, ஏழை மக்களை விடக் கொஞ்சம் வசதியாகத்தான் வாழ்ந்து கொண்டிருக்கின்றோம் என்பதை, நாம் பல நேரங்களில் மறந்து விடுகின்றோம். ஆனால், நாட்டில் கொவிட்-19 பரவி, ஊரடங்குச் சட்டம் பிறப்பிக்கப்பட்டுள்ள இந்தத் தருணத்திலாவது வசதியில்லாத, அன்றாடங்காய்ச்சிகளான மக்களை நினைத்துப் பார்க்க வேண்டிய ஒரு தார்மீகப் பொறுப்பு நம்மீது உள்ளது.   கொரோனா வைரஸைகக் கட்டுப்படுத்துவதற்காக, அரசாங்கம் நாட்டின் எல்லா மக்களையும் வீடுகளில் இருத்தியுள்ளது. அத்தியாவசியச் சேவைத் துறையினர் தவிர, அரச ஊழியர்களும் வீட்டில் இருந்து பணிசெய்கின்றார்கள். தனியார்துறை நிறுவனங்களும் விடுமுறைச் சலுகைகளை வழங்கியுள்ளன.   இவர்களில் அநேகமானோருக்கு இதுவரை வருமானம் ஒரு பிரச்சினையாகத் தெரியவில்லை. தமது சம்பளத்தை எடுத்துக் கொண்டு சென்று, ஊரடங்குச் சட்டம் தளர்த்தப்பட்ட வேளைகளில் பொருள்களைக் கொள்வனவு செய்கின்றனர். பணம் படைத்தோருக்கும் ஒரு பிரச்சினையில்லை.   ஆனால், வறிய குடும்பங்கள், கூலித் தொழிலாளிகள், நாள் சம்பளத் தொழிலில் தங்கி வாழ்வோர்கள், வீதிவீதியாகத் தள்ளுவண்டியில் வியாபாரம் நடத்துவோர், ஓட்டோ ஓட்டுநர்கள், நடைபாதை வியாபாரிகள், சுமைதூக்குவோர், பிறரின் உதவியையே நம்பி வாழ்கின்ற யாசகரின்  நிலைமைகள் படுமோசமானதாகக் காணப்படுகின்றது.   நாம் வீடுகளுக்குள் இருந்து, சாப்பிட்டு, பாதுகாப்புத் தேடும் இந்தத் தறுவாயில் நமது குடும்பத்தில் உள்ள, நமது பிரதேசத்தில் வாழ்கின்ற வறிய குடும்பங்கள் உள்ளடங்கலாக மேற்குறிப்பிட்ட வகையான மக்கள் பிரிவினருக்கு உதவ வேண்டிய கடமையை இறைவனால் நமக்கு தரப்பட்டுள்ளது.   அந்த வகையில், சில சமூக நலஅமைப்புகள் நன்கொடைகளைப் பெற்று, உலர் உணவுப் பொருள்களை விநியோகிக்கின்றன. பல தனிநபர்கள், தம்மால் முடியுமான எல்லா உதவிகளையும் ‘தேவையுள்ளோருக்கு’ வழங்குவதில் முன்மாதிரியாகத் திகழ்கின்றனர். இவ்வாறானவர்களைப் பாராட்டுகின்றோம்.   அதேநேரத்தில், மனிதர்கள் என்ற வகையில், இந்த இக்கட்டான காலத்தில், ஏனைய அனைத்து மக்களும் இதுபோல நம்மைச் சுற்றிப் பசியோடும், உதவி கேட்பதற்கு வெட்கத்தோடும் வாழ்கின்ற குடும்பங்களை, தனிநபர்களைப் பற்றி ஒரு கணம் சிந்தித்து, முடியுமான உதவிகளைச் செய்ய முன்வர வேண்டும் என்று மனிதாபினமானத்தின் பெயரால் கேட்டுக் கொள்கின்றோம்.       http://www.tamilmirror.lk/சிறப்பு-கட்டுரைகள்/நாட்டின்-எதிர்காலம்-கொரோனாவின்-கையில்/91-247513
    • கொரோனா முகமூடிக்குள் கோழைத்தனம் கே. சஞ்சயன்   / 2020 மார்ச் 27 நாடு முழுவதும் கொரோனா பீதியில் அல்லோலகல்லோலப்பட்டுக் கொண்டிருக்கின்ற சூழ்நிலையில், மிருசுவில் படுகொலை வழக்கில் குற்றவாளியாகக் காணப்பட்டு, மரணதண்டனை தீர்ப்பளிக்கப்பட்ட ஸ்ராவ் சார்ஜன்ட் சுனில் ரத்நாயக்கவுக்குப் பொதுமன்னிப்பு அளித்து, விடுதலை செய்திருக்கிறார் ஜனாதிபதி கோட்டாபய ராஜபக்‌ஷ.    ஜனாதிபதியிடம் இருந்து நேற்றுமுன்தினம் விடுக்கப்பட்ட உத்தரவை அடுத்து, சுனில் ரத்நாயக்க, வெலிக்கடை சிறைச்சாலையில் இருந்து நேற்று (26) விடுதலை செய்யப்பட்டிருக்கிறார்.    கொரோனா பீதிக்கு மத்தியில், நாடு கலங்கிப் போயிருந்த சந்தர்ப்பத்தைப் பயன்படுத்திக் கொண்டு, ஜனாதிபதி கோட்டாபய ராஜபக்‌ஷ இந்த முடிவை எடுத்திருக்கிறார்.    ஜனாதிபதித் தேர்தல் பிரசாரங்களின் போது, “சிறைகளில் அடைக்கப்பட்டுள்ள இராணுவத்தினரை, 48 மணி நேரத்தில் விடுதலை செய்வேன்” என்று கோட்டாபய வாக்குறுதி அளித்திருந்தார்.   எனினும், அந்த வாக்குறுதியின்படி அவரால் செயற்பட முடியவில்லை. நீதிமன்றத்தில் வழக்குகள் நடந்து கொண்டிருந்த, தீர்ப்புகள் அறிவிக்கப்படாத இராணுவத்தினரை அவரால் விடுவிக்க முடியவில்லை.    அதேவேளை, மிருசுவிலில் எட்டு பொதுமக்களைப் படுகொலை செய்த வழக்கில், குற்றம் நிரூபிக்கப்பட்டு, மரணதண்டனை விதிக்கப்பட்டிருந்த சுனில் ரத்நாயக்கவை, ஜனாதிபதி கோட்டாபய ராஜபக்‌ஷ விடுவிக்கப் போகிறார் என்று, ஏற்கெனவே பலமுறை செய்திகள் வெளியாகின.  அவரை, ஜனாதிபதி கோட்டாபய, இரகசியமாக விடுவித்து விட்டார் என்று கூட, சில வாரங்களுக்கு முன்னர், ஊடகங்களில் பரபரப்பாகச் செய்திகள் வெளியிடப்பட்டன.    மரணதண்டனைக் கைதியான சுனில் ரத்நாயக்கவை, பொதுமன்னிப்பு அளித்து விடுதலை செய்யும் திட்டத்துக்கு, மனித உரிமை அமைப்புகளும் தமிழ்த் தேசியக் கூட்டமைப்பு உள்ளிட்ட தமிழ்க் கட்சிகளும் அப்போது கடும் எதிர்ப்பை வெளியிட்டன.    இந்த விவகாரம் குறித்து, ஜனாதிபதியிடம் கேள்வி எழுப்பிய போது, நேரடியாக எந்தப் பதிலையும் கூறாமல் நழுவியிருந்தார். ‘புலி வருது, புலி வருது’ என்று ஏமாற்றியவரை, கடைசியில் புலி வந்த போது, காப்பாற்ற யாரும் இல்லாமல் இருந்த நிலை போலத்தான், சுனில் ரத்நாயக்க விடுவிக்கப்படவுள்ளார்; விடுவிக்கப்பட்டுள்ளார் என்று பொய்யான செய்திகளை வெளியிட்டு, ‘பூச்சாண்டி’ காட்டி விட்டு, ஒரேயடியாக அவர் விடுவிக்கப்பட்டிருக்கிறார்.    சுனில் ரத்நாயக்கவின் சிறைக் கதவுகளை, ஜனாதிபதி சந்தடியின்றித் திறந்து விட்ட பின்னர் தான், அநீதி, அநியாயம் என்று கண்டனங்கள் கிளம்பியிருக்கின்றன.    மரண தண்டனை விதிக்கப்பட்ட கைதிகளை மாத்திரமன்றி, ஆயுள் தண்டனைக் கைதிகளையும் ஏனைய தண்டனைக் கைதிகளையும் கூட, பொதுமன்னிப்பு அளித்து விடுதலை செய்வதற்கு, அரசமைப்பில் ஜனாதிபதிக்கு அதிகாரம் அளிக்கப்பட்டிருக்கிறது.    இந்தச் சிறப்புரிமையைப் பயன்படுத்தியே, ஒரு படுகொலைக் குற்றவாளியான இராணுவ அதிகாரியைப் பொதுமன்னிப்பு அளித்து, விடுதலை செய்திருக்கிறார் ஜனாதிபதி.    முன்னதாக, பாரத லக்ஸ்மன் பிரேமசந்திர கொலை வழக்கில், மரணதண்டனை விதிக்கப்பட்டுள்ள முன்னாள் நாடாளுமன்ற உறுப்பினர் துமிந்த சில்வாவைப் பொதுமன்னிப்பில் ஜனாதிபதி விடுவிக்கப் போகிறார் என்று செய்திகள் வெளியாகின. ஆனால், கடைசியில் அவ்வாறு எதுவும் நடக்கவில்லை.    அவரை விடுதலை செய்வது, ஆளும்கட்சியின் அரசியல் செல்வாக்குக்குப் பாதிப்பை ஏற்படுத்தக் கூடிய நிலை இருந்தது. ஆனால், சுனில் ரத்நாயக்கவின் விடுதலை, சிங்கள மக்கள் மத்தியில் ஆளும்கட்சிக்குச் செல்வாக்கைப் பெற்றுத் தரக் கூடியது. எனவேதான், ஜனாதிபதி,  இவரது விடுதலைக்கு முன்னுரிமையும் முக்கியத்துவமும் கொடுத்திருக்கிறார்.    சிறைச்சாலைகளிலும் கொரோனா வைரஸ் பரவுகின்ற ஆபத்து உள்ளது. அநுராதபுர சிறையில், ஒருவருக்கு கொரோனா வைரஸ் தொற்று கண்டுபிடிக்கப்பட்டதை அடுத்து, அங்கிருந்த கைதிகள் மத்தியில் அமைதியின்மை ஏற்பட்டது. இதன்போது, அதிரடிப்படையினர் சுட்டதில், இரண்டு கைதிகள் கொல்லப்பட்டனர்; மேலும் சிலர் காயமடைந்தனர். இதுபோன்று, உலகின் பல நாடுகளில், சிறைகளில் அமைதியற்ற நிலை தோன்றி வருகிறது.    இந்த நிலையைக் கருத்தில் கொண்டும், கொரோனாவைக் கட்டுப்படுத்தும் நோக்கிலும், சிறிய குற்றங்களைச் செய்து தண்டனை விதிக்கப்பட்டவர்களையும் பிணைப் பணம் செலுத்த முடியாமல் சிறைகளில் இருப்பவர்களையும் விடுவிப்பதற்கான திட்டம் குறித்தே அரசாங்கத்தால் பரிசீலிக்கப்பட்டது.    ஆனால், அவர்களை விடுதலை செய்வதை விட, ஒரு படுகொலைக் குற்றவாளிக்குப் பொதுமன்னிப்புக் கொடுத்து, விடுதலை செய்து, ஜனாதிபதி கோட்டாபய ராஜபக்‌ஷ அதிர்ச்சியைக் கொடுத்திருக்கிறார். ஜனாதிபதியின் இந்த முடிவு ஆச்சரியத்துக்குரியதொன்று அல்ல.    நாடு, அனர்த்த சூழ்நிலைக்கு முகம் கொடுத்திருக்கின்ற நிலையில், மக்களின் கவனம் முழுவதும் அதனை நோக்கியே திரும்பியிருக்கின்ற நிலையில், இந்தப் பொதுமன்னிப்பை அளித்திருப்பது தான், அதிர்ச்சியைக் கொடுத்திருக்கிறது.    இந்த விடுதலையின் மூலம், கொரோனாவைத் தடுப்பதில்,  கட்டுப்படுத்துவதில் ஜனாதிபதி கவனம் செலுத்துகிறாரா அல்லது, படுகொலைக் குற்றவாளிகளைக் காப்பாற்றுவதில் கவனம் செலுத்துகிறாரா என்ற கேள்வியையே எழுப்ப வைத்திருக்கிறது.    பாதிக்கப்பட்ட தரப்பினரான தமிழ் மக்கள், ஒரு பக்கத்தில் நீதிக்காக போராடிக் கொண்டிருக்கின்ற நிலையில், நீதிமன்றத்தின் மூலம் அளிக்கப்பட்ட நீதியைக் கூடத் தடம் புரளச் செய்திருக்கிறது ஜனாதிபதியின் இந்த உத்தரவு.    சுனில் ரத்நாயக்கவுக்கு, ஜனாதிபதி பொதுமன்னிப்பு அளித்து விடுவித்திருப்பது, தமிழ் மக்கள் மத்தியிலும் சர்வதேச மனித உரிமை அமைப்புகள் மத்தியிலும் கடுமையான அதிர்ச்சியை ஏற்படுத்தியிருக்கிறது.    சர்வதேச மன்னிப்புச் சபையின் தெற்காசியப் பிரிவுக்கான இயக்குநர் பிராஜ் பட்நாயக் வெளியிட்டுள்ள கண்டன அறிக்கையில், பயங்கரமான குற்றங்களை இழைத்த படையினர், நீதிமன்றத்தால் தண்டிக்கப்பட்டாலும் கூட, பொதுமன்னிப்பு அளித்து விடுதலை செய்யப்படுவார்கள் என்ற கவலை தரும் செய்தி, இந்த விடுதலையின் மூலம் வெளிப்படுத்தப்படுகிறது என்று குறிப்பிட்டிருக்கிறார். அத்துடன், பாரிய தொற்றுநோய் அபாயமுள்ள சூழலைப் பயன்படுத்திக் கொண்டு, பயங்கரமான குற்றங்களை இழைத்தவர்கள் விடுவிக்கப்படுவது, கண்டனத்துக்குரியது என்றும் அவர், தனது அறிக்கையில் குறிப்பிட்டுள்ளார்.    ஜனாதிபதி கோட்டாபய ராஜபக்‌ஷ, இந்த முடிவை எடுப்பார் என்பது எதிர்பார்க்கப்பட்டது தான். ஏனென்றால், அவர் ஏற்கெனவே இதற்கான வாக்குறுதியைக் கொடுத்திருக்கிறார். அதைவிட, போர்க்காலத்தில் நிகழ்ந்த மீறல்கள் எவையும், தண்டனைக்கு உரியவையல்ல என்ற நிலைப்பாட்டைக் கொண்டிருப்பவர் அவராவார். அவ்வாறான ஒருவர், ஜனாதிபதியாக இருக்கின்ற நிலையில், தனது சிறப்பு அதிகாரத்தைக் கொண்டு, எந்தளவுக்குப் படையினரைக் காப்பாற்ற முடியுமோ, அந்தளவுக்கு அவர்களைக் காப்பாற்றவே முயற்சிப்பார்.    அவர், அதனை வெளிப்படையாகவும் சாதாரணமான ஒரு சூழலிலும் தான் முன்னெடுப்பார் என்றே பரவலாக எதிர்பார்க்கப்பட்டது. ஏனென்றால், ‘வெளிப்படையாகச் செயற்படுபவர்’ என்று, வடக்கின் முன்னாள் முதலமைச்சர் சி.வி.விக்னேஸ்வரன் போன்றவர்களால் கூடப் பாராட்டப்பட்டவர் ஜனாதிபதி கோட்டாபய ராஜபக்‌ஷ.    ஆனால், அவர் கொரானா முகமூடிக்குப் பின்னால் நின்று கொண்டு, இந்த விடுதலையைச் செய்திருப்பது, துணிச்சலை வெளிப்படுத்தவில்லை; கோழைத்தனமாகவே தெரிகிறது.   ஜனாதிபதியாக, கோட்டாபய பதவியேற்று நான்கு மாதங்களுக்கு மேலாகி விட்டது. முன்னதாக அவர், தனது அதிகாரத்தைப் பயன்படுத்தி, இந்த முடிவை எடுத்திருக்கலாம். ஐ.நா மனித உரிமைகள் பேரவையின் கூட்டத்தொடர் போன்ற சர்வதேச அழுத்தங்களைக் கவனத்தில் கொண்டு, அந்த முடிவை எடுப்பதற்குத் தள்ளிப் போட்டு வந்த ஜனாதிபதி, கொரோனா ஆபத்துச் சூழலுக்கு, நாடு முகம் கொடுத்துள்ள நிலையில் இந்த முடிவை எடுத்திருக்கிறார்.    கொரோனா தொற்றுச் சூழலை, அரசாங்கம் திறமையாகக் கையாளுகிறது என்ற பாராட்டுதல்களுக்கு மத்தியில், இதுபோன்ற சின்னத்தனமான, அரசியல் இலாபம் தேடுகின்ற காரியங்களும் நடந்து கொண்டிருக்கின்றன.    மாகாண சபைகள், நாடாளுமன்றம், நீதிமன்றங்கள் எல்லாமே முடங்கிப் போயுள்ள இந்தச் சூழ்நிலையில், இராணுவத்தை முன்னிலைப்படுத்தும் ஓர் ஆட்சி முறையை நோக்கியும், அவர் நாட்டைத் தள்ளிச் சென்று கொண்டிருக்கிறார். ஏற்கெனவே முன்னாள் படை அதிகாரிகளுக்கு, நிர்வாகத் துறையில் முக்கிய பதவிகள் அளிக்கப்பட்டு வந்த நிலையில், இப்போது மேல் மாகாண ஆளுநராக முன்னாள் விமானப்படைத் தளபதி மார்ஷல் ஒவ் த எயர்போர்ஸ் ரொஷான் குணதிலகவையும் நியமித்திருக்கிறார். ஆக மொத்தத்தில், இராணுவ பாணியிலான ஓர் ஆட்சி முறைக்குள், நாடு மெல்ல மெல்லத் தள்ளப்பட்டுக் கொண்டிருக்கிறது.    கொரோனா வைரஸ் தொற்று, ஒட்டுமொத்த உலகத்தையும் பீதிக்குள்ளாக்கி இருக்கின்ற நிலையில், உள்நாட்டு மக்களினதும் சர்வதேச கவனிப்பும் கண்காணிப்பும் அதன் மீது திரும்பியுள்ள சூழ்நிலையைப் பயன்படுத்திக் கொண்டு, ஜனாதிபதி கோட்டாபய, இராணுவ நலன் சார்ந்த முடிவுகளையும் அரசியல் நலன்சார்ந்த முடிவுகளையும் எடுத்துக் கொண்டிருக்கிறார்.    கொரோனா விவகாரத்தைக் கையாளுவதில் திறமையாகச் செயற்படுகிறார் ஜனாதிபதி என்று பெற்றுக் கொள்ளும் நற்பெயர் கூட, இதுபோன்ற சின்னத்தனமான காரியங்களால், கெட்டுவிடும் சூழ்நிலையே காணப்படுகிறது.       http://www.tamilmirror.lk/சிறப்பு-கட்டுரைகள்/கொரோனா-முகமூடிக்குள்-கோழைத்தனம்/91-247514