Sign in to follow this  
nunavilan

ஈரான் விமானத்தைச் சுட்டு வீழ்த்தியதற்கு, அப் பிரதேசத்தில் அமெரிக்காவின் நடவடிக்கையும் ஒரு காரணம் – ட்றூடோ

Recommended Posts

ஈரான் விமானத்தைச் சுட்டு வீழ்த்தியதற்கு, அப் பிரதேசத்தில் அமெரிக்காவின் நடவடிக்கையும் ஒரு காரணம் – ட்றூடோ

 

 

” மத்திய கிழக்கில் அமெரிக்காவின் படைநடவடிக்கைகள் மேற்கொள்ளப்படாமல் இருந்திருந்தால் அந்த யூக்கிரேனிய விமானத்தில் பயணம் செய்தவர்கள் அனைவரும் தங்கள் வீடுகளுக்குச் சென்றிருப்பார்கள்”

– கனடியப் பிரதமர் ட்றூடோ
Justin-Trudeau.jpg
கனடிய பிரதமர் ஜஸ்ரின் ட்றூடோ

சுட்டு வீழ்த்தப்பட்ட யூக்கிரேனிய விமானத்தில் பயணம்செய்து உயிரிழந்த அனைவருக்குமான ஞாபகார்த்த நிகழ்வு இன்று நடைபெற்றது. அதில் கலந்துகொண்டு பேசும்போது கனடிய பிரதமர் ஜஸ்ரின் ட்றூடோ மேற்கண்டவாறு தெரிவித்தார்.

ஜனவரி 8 இல் நடைபெற்ற இச் சம்பவத்தின்போது, 57 கனடியர்கள் உட்பட 176 பேர் கொல்லப்பட்டிருந்தார்கள்.

ஏவுகணைகள் ஏவப்படும் காணொளி

“யூக்கிரேனிய விமானம் சுட்டுவீழ்த்தப்பட்ட சம்பவம் ஒரு பக்க விளைவாக (collateral damage) என நீங்கள் நினைக்கிறீர்களா? என ஊடகவியலாளர் கேட்டதற்கு ” அப் பிரதேசத்தில் சமீபத்தில் இராணுவ நடவடிக்கைகள் அதிகரிக்கப்படாமல் இருந்திருப்பின் அத்தனை கனடியர்களும் இன்று அவர்கலது குடும்பங்களுடன் இருந்திருப்பார்கள் என நான் எண்ணுகிறேன்” என அவர் பதிலளித்திருந்தார்.

“நடைபெற்றது மிகத் துயரமான சம்பவம், மன்னிக்கப்பட முடியாத தவறு” என ஈரான் குற்றத்தை ஒத்துக்கொண்டதுடன் மன்னிப்பும் கோரியிருந்தது. ஈரானிய தளபதி சொலைமானியின் கொலையைத் தொடர்ந்து ஈராக்கிலுள்ள அமெரிக்கப் படை முகாம்கள் மீது ஏவுகணைத் தாக்குதல்களை நடத்தியிருந்தது. இதற்குப் பழிவாங்கும் முயற்சியாக 52 ஈரானிய கலாச்சார நிலையங்கள் மீது தாக்குதல் நடத்துவேன் என அமெரிக்க ஜனாதிபதி டொனால்ட் ட்றம்ப் எச்சரித்திருந்ததைத் தொடர்ந்து ஈரான் தனது விமான எதிர்ப்பு நிலைகளை உசார் நிலையில் வைத்திருந்தது.

சுட்டு வீழ்த்தப்படுவதற்கு முன் யூக்கிரெயின் விமானம் ஈரானிய இராணுவத் தளத்துக்கு மிக அண்மையாகப் பறந்ததெனவும் அவ்வேளையில் தகவல் தொடர்பு சாதனங்கள் வேண்டுமென்றே குழப்பநிலையில் (jamming) வைக்கப்பட்டிருந்ததனால் விமானியுடன் தொடர்புகொள்ள முடியவில்லை எனவும் இதனால் அவ் விமானம் அமெரிக்க ஏவுகணையெனத் தவறாகக் கருதப்பட்டு சுட்டு வீழ்த்தப்பட்டது எனவும் ஈரான் கூறுகிறது.

இன்றய செய்திகளின்படி விமானத்தை நோக்கி இரண்டு ஏவுகணைகள் ஏவப்பட்டதற்கான காணொளிகள் வெளியிடப்பட்டுள்ளனவெனவும் அவற்றைப் படம் பிடித்தவருட்பட மேலும் சிலர் கைதுசெய்யப்பட்டுள்ளனர் எனவும் ஈரான் கூறுகிறது.

அதே வேளை, ஈரானியத் தளபதி சொலைமானியைக் கொல்வதென அமெரிக்கா எடுத்த முடிவு பற்றி, நட்பு நாடு என்ற ரீதியில் கனடாவுக்கு அறிவிக்கப்படவில்லை என கனடிய பிரதமர் ஜஸ்ரின் ட்றூடோ தெரிவித்திருக்கிறார்.

https://marumoli.com/ஈரான்-விமானத்தைச்-சுட்டு/?fbclid=IwAR2U_YSINNVoML8X6grw2FC1zxKNSErB5dq7hYJ-PfPooFkUGOypcatjFsY

Share this post


Link to post
Share on other sites

உண்மையை உரக்க சொல்லி இருக்கிறார் 
 

  • Like 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • தமிழீழ விடுதலைப் புலிகளின் சர்வதேச விவகார மற்றும் சொத்துக்களுக்குப் பொறுப்பாக இருந்த கே.பி என்று அழைக்கப்படும் குமரன் பத்மநாதன் ஏன் இன்னும் தண்டிக்கப்படவில்லை என்று ஜே.வி.பியின் தேசிய மக்கள் சக்தி கேள்வி எழுப்பியுள்ளது. கே.பியைப் போன்று அர்ஜுன மகேந்திரனையும் அழைத்துவருவதாக ஸ்ரீலங்கா அரசாங்கம் கூறினாலும் அது சாத்தியமாகாது என்று தேசிய மக்கள் சக்தியின் நாடாளுமன்ற தேர்தல் வேட்பாளரான சட்டநிபுணர் லால் விஜேநாயக்க தெரிவித்துள்ளார். கண்டியில் உள்ள தனது இல்லத்தில் நடைபெற்ற ஊடகவியலாளர் சந்திப்பில் உரையாற்றிய போதே அவர் இதனைக் கூறினார். இதன்போது பேசிய அவர், கே.பி என்கின்ற குமரன் பத்மநாதனை அழைத்துவந்த முறை எமக்கு நன்றாகத் தெரியும். இது சூழ்ச்சி மூலமாக இடம்பெற்றது. மலேசியாவிலிருந்து கைது செய்து அழைத்துவந்ததுபோல அர்ஜுன மகேந்திரனை அழைத்துவர முடியாது. இப்போது கே.பிக்கு என்ன ஆனது? நீதிமன்றத்தில் அவர் ஆஜர்படுத்தப்பட்டரா? தண்டிக்கப்பட்டாரா? அவருக்கு சிறந்த வீடு வழங்கப்பட்டுள்ளது. சொகுசு வாழ்க்கை ஏற்படுத்திக்கொடுக்கப்பட்டுள்ளது. இது முற்றுமுழுதாக அரசியல் ரீதியிலான டீல் ஆகும். எமது நாட்டுப் பிரஜை ஒருவர் எந்த அளவில் குற்றம் செய்திருந்தாலும் இந்தியா போன்ற வெளிநாடுகள் அவரைக் கேட்டால் வெறுமனே கொடுத்துவிடுவார்களா? இல்லை. விடுதலைப் புலிகளின் பணம் உள்ளிட்ட சொத்துக்களை அரசாங்கம் என்ன செய்தது என்று தெரியாது. அவருடைய சொத்துக்களும் மூடிமறைக்கப்பட்டுள்ளன. இன்றும் அவர் மகிழ்ச்சியாக உள்ளார். அவர் சட்டரீதியாக மலேசியாவிலிருந்து அழைத்துவரப்படவில்லை என்றார். https://www.ibctamil.com/srilanka/80/144616?ref=home-imp-parsely
    • கொழும்பில் இன்று முதல் டெங்கு ஒழிப்பு நடவடிக்கை In இலங்கை     June 4, 2020 9:32 am GMT     0 Comments     1143     by : Jeyachandran Vithushan கொழும்பு மாநகர சபையின் எல்லைக்குள் டெங்கு ஒழிப்பு நடவடிக்கை இன்றும் நாளை மற்றும் 06, 07ஆம் தினங்களில் முன்னெடுக்கப்படவுள்ளது. இதன்போது ஒவ்வொரு பிரதேசங்களையும் உள்ளடக்கிய வகையில் அனைத்து சுற்றாடல் பகுதிகளும் பரிசோதனைக்கு உட்படுத்தப்படவுள்ளதாகவும் இந்த இடங்களை பரிசோதனை செய்யும் பணியில் பொது மக்கள் சுகாதார அதிகாரியொருவருடன் பொலிஸார் ஒருவரும் கழிவு முகாமைத்துவத்தைச் சேர்ந்த ஊழியர் ஒருவரும் இடம்பெறுவர். இதற்கமைவாக நகரத்தில் அனைத்து வடிகான் கட்டமைப்பு, இயற்கை கழிவுப்பகுதி மற்றும் சாக்கடைப் புழை (Manhole) ஆகியன பரிசோதனை செய்யப்பட்டு சுத்தம் செய்வதற்கு ஏற்பாடுகள் மேற்கொள்ளப்பட்டுள்ளன. சம்பந்தப்பட்ட சுற்றாடல் பகுதிகள் பரிசோதனை செய்யப்படும் சந்தர்ப்பத்தில் அந்த இடத்தில் டெங்கு நுளம்புகள் பெருகக் கூடிய இடங்கள் அடையாளங் காணப்பட்டால் அது தொடர்பில் சட்ட நடவடிக்கை மேற்கொள்ளப்படும் என்றும் மேலும் அறிவிக்கப்ட்டுள்ளது. கொழும்பு நகரம் டெங்கு நுளம்பு அற்ற வலயமாக முன்னெடுப்பதற்கு தேவையான ஒத்துழைப்பை வழங்குமாறு கொழும்பு மாநகர ஆணையாளர் கேட்டுக் கொண்டுள்ளார். http://athavannews.com/கொழும்பில்-இன்று-முதல்-ட/
    • இந்திய-சீன ராணுவம் இடையே 6-ந் தேதி பேச்சுவார்த்தை Posted on June 4, 2020 by தென்னவள்  10 0 இந்திய-சீன எல்லையில் பதற்றத்தை தணிப்பதற்காக இரு நாட்டு ராணுவ உயர் அதிகாரிகள இடையே 6-ந் தேதி பேச்சுவார்த்தை நடக்கிறது. இந்தியா-சீனா இடையிலான 3 ஆயிரத்து 488 கி.மீ. நீள எல்லையில் பல்வேறு இடங்களில் எல்லை பிரச்சனை நிலவி வருகிறது. லடாக் யூனியன் பிரதேசத்தில், நடைமுறை எல்லைக்கோடு அருகே பன்காங் ஏரி பகுதியிலும், கல்வான் பள்ளத்தாக்கு பகுதியிலும் இந்தியா சாலைகள் அமைத்து வருகிறது. இந்த சாலைகள் கட்டப்பட்டால், எல்லைக்கு இந்தியா எளிதாக படையினரையும், ஆயுத தளவாடங்களையும் அனுப்பி வைக்க முடியும். எனவே, இந்த சாலைகள் அமைப்பதற்கு சீனா எதிர்ப்பு தெரிவித்து வருகிறது. பன்காங் ஏரி அருகே, அனுமதிக்கப்பட்ட இடம்வரை இந்திய ராணுவம் ரோந்து செல்வது வழக்கம். ஆனால், கடந்த மாதம் 5-ந்தேதி, அந்த இடத்துக்கு 5 கி.மீ.க்கு முன்பே அவர்களை சீன ராணுவம் தடுக்க முயன்றது. அப்போது இருதரப்புக்கும் இடையே மோதல் நடந்தது. இதில் சிலர் காயமடைந்தனர். இதைத்தொடர்ந்து, இரு நாட்டு ராணுவத்தினரும் படைகளை குவித்ததால், அங்கு சுமார் ஒரு மாதமாக பதற்றம் நிலவுகிறது. இதற்கு தீர்வு காண கடந்த 2-ந் தேதி, மேஜர் ஜெனரல் அந்தஸ்துள்ள அதிகாரிகள் இடையே பேச்சுவார்த்தை நடைபெற்றது. அதில் எந்த முடிவும் எடுக்கப்படவில்லை. இதையடுத்து, வருகிற 6-ந் தேதி உயர்மட்ட பேச்சுவார்த்தைக்கு ஏற்பாடு செய்யப்பட்டுள்ளது. லடாக்கில் சுசுல் மோல்டோ என்ற இடத்தில் இந்த பேச்சுவார்த்தை நடக்கிறது. கமாண்டர் அந்தஸ்து கொண்ட இரு நாட்டு ராணுவ உயர் அதிகாரிகளும் பேச்சுவார்த்தைகளில் ஈடுபடுகிறார்கள். எல்லையில் பதற்றத்தை தணிக்கும் நோக்கத்தில் பேச்சுவார்த்தை நடக்கிறது. இதை ராணுவ மந்திரி ராஜ்நாத்சிங் உறுதிப்படுத்தினார். இதற்கிடையே, இந்திய-சீன எல்லையில் பதற்றம் நிலவுவதால், காஷ்மீரில் பயங்கரவாதிகளுக்கு எதிரான நடவடிக்கைகளில் எந்த பாதிப்பும் இல்லை என்று ராணுவ உயர் அதிகாரி செங்குப்தா தெரிவித்தார். மேலும், ஸ்ரீநகர்-ஜம்மு தேசிய நெடுஞ்சாலையை ஒட்டி 3½ கி.மீ. நீள விமான தளம் போர்க்கால அடிப்படையில் கட்டப்பட்டு வருகிறது.https://www.kuriyeedu.com/?p=259763