Jump to content

லிவர்பூலுக்கு மற்றொரு வெற்றி: மெஸ்ஸி கோலால் வென்றது பார்சிலோனா


Recommended Posts

லிவர்பூலுக்கு மற்றொரு வெற்றி: மெஸ்ஸி கோலால் வென்றது பார்சிலோனா
 
Untitled-1-409-696x464.jpg
 

இங்கிலாந்து ப்ரீமியர் லீக் மற்றும் ஸ்பெயின் லா லிகா தொடர்களின் முக்கிய சில போட்டிகள் ஞாயிற்றுக்கிழமை (19) நடைபெற்றன. அந்தப் போட்டிகளின் விபரம் வருமாறு, 

லிவர்பூல் எதிர் மன்செஸ்டர் யுனைடட்

அன்பீல்டில் நடைபெற்ற மன்செஸ்டர் யுனைடட் அணிக்கு எதிரான போட்டியில் கடுமையாக போராடி 2-0 என வெற்றியீட்டிய லிவர்பூல் அணி 30 ஆண்டுகளின் பின் ப்ரீமியர் லீக் பட்டத்தை வெல்லும் வாய்ப்பை மேலும் அதிகரித்துக் கொண்டுள்ளது. புள்ளிப் பட்டியலில் முதலிடத்தில் இருக்கும் லிவர்பூல் அணி இந்தப் போட்டியில் வென்றதன் மூலம் 16 புள்ளிகள் இடைவெளியுடன் முன்னணியில் உள்ளது. 

தனது சொந்த மைதானத்தில் உத்வேகத்துடன் போட்டியை ஆரம்பித்த லிவர்பூல் அணி 14 ஆவது நிமிடத்திலேயே கோல் புகுத்தியது. ட்ரென்மட் அலெக்சாண்டர்-ஆர்னோல்டின் கோனரை யுனைடட் வீரர்களின் அவதானத்தை பெறாத நிலையில் வான் டிஜ்க் தலையால் முட்டி கோலாக மாற்றினார்.  

ரொபார்டோ பர்மினோ இரண்டாவது கோல் ஒன்றை பெற்றதாக எதிர்பார்க்கப்பட்டபோதும் வான் டிஜ்க் இழைத்த தவறு வீடியோ நடுவர் உதவி மூலம் கண்டறியப்பட்டதை அடுத்து அது நிராகரிக்கப்பட்டது. தொடர்ந்து லிவர்பூல் மீண்டும் பந்தை வலைக்குள் செலுத்தியபோது அது ஓப் சைடாக இருந்தது. 

யுனைடட் அணி பெரிதாக எதிரணி கோல் கம்பத்தை ஆக்கிரமிக்காதபோதும் அன்ட்ரிஸ் பெரைராவின் பொன்னான கோல் வாய்ப்பு ஒன்று தவறிப்போனது. 

இரண்டாவது பாதியின் ஆரம்பத்தில் பரபரப்பான நேரத்தில் மொஹமட் சலாஹ்வுக்கு நெருக்கமான தூரத்தில் கிடைத்த கோல் பெறும் வாய்ப்பு தவறிப்போனது. 

கடைசி நேரத்தில் பதில் கோல் திருப்பும் அவசரத்தில் மன்செஸ்டர் யுனைடட் வீரர்கள் எதிரணி கோல் பகுதியை ஆக்கிரமிக்க முயன்றபோது லிவர்பூல் கோல்காப்பளர் அலிசன் பெக்கர் நீண்ட தூரத்தில் இருக்கும் சலாஹ்வுக்கு பந்தை வழங்க அவர் அதனை மேலதிக நேரத்தில் கோலாக மாற்றினார்.  

இந்த போட்டியில் தோற்றபோதும் மன்செஸ்டர் யுனைடட் புள்ளிப்பட்டியலில் தொடர்ந்து இரண்டாவது இடத்தில் நீடிக்கியது. 

பார்சிலோனா எதிர் கிரனடா

பத்து வீரர்களுடன் ஆடிய கிரனடா அணிக்கு எதிராக இரண்டாவது பாதியில் லியோனல் மெஸ்ஸி பெற்ற கோல் மூலம் பார்சிலோன அணி லா லிகாவில் ரியல் மெட்ரிட்டை பின்தள்ளி மீண்டும் முதலிடத்திற்கு முன்னேற்றம் கண்டது.

அதேபோன்று, பார்சிலோனாவின் புதிய பயிற்சியாளர் குயிக் செட்டியனின் முதல் போட்டியிலேயே அந்த அணி வெற்றி பெற்றமை குறிப்பிடத்தக்கது. 

பார்சிலோனா தனது பயிற்சியாளர் எர்னஸ்டோ வல்வெர்டேவை கடந்த வாரம் திடீரென பணி நீக்கிய நிலையிலேயே அந்த அணி மீண்டும் அரங்கு திரும்பியது. 

 

தனது சொந்த மைதானமான கெம்ப் நூவில் நடைபெற்ற இந்தப் போட்டியின் 80 வீதமான நேரம் பந்து பார்சிலோனா வீரர்களின் கால்களில் இருந்தபோதும் அவர்கள் கோலை நோக்கி செலுத்துவதில் அதிக வேகம் காட்டவில்லை. இதனால் முதல் பாதி ஆட்டம் கோலின்றி முடிவுற்றது. 

இந்நிலையில் 69 ஆவது நிமிடத்தில் மெஸ்ஸி மீது தவறிழைத்த ஜெர்மனி வீரரான சான்செஸ் இரண்டாவது மஞ்சள் அட்டை பெற்று வெளியேறியது பார்சிலோனாவுக்கு சாதகமாக இருந்தது. இதற்கு 7 நிமிடங்களின் பின் மெஸ்ஸி பார்சிலோனாவின் வெற்றி கோலை புகுத்தினார்.  

அணியாக பந்தை சிறப்பாக பரிமாற்றி எதிரான கோல் நிலையை நோக்கி கொண்டுவர மின்னல் வேகத்தில் அதனை கோலாக மாற்றினார் மெஸ்ஸி. 

http://www.thepapare.com/international-football-roundup-for-19th-of-january-2020-tamil/

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.