எப்போதும் சம்பந்தன்தான் கூட்டமைப்பின் தலைவர்.!

[புரட்சிகர தமிழ்தேசியன்]

எப்போதும் சம்பந்தன்தான் கூட்டமைப்பின் தலைவர்.! – மாற்றுக் கருத்துக்கு இடமில்லை என்று சுமந்திரன் திட்டவட்டம் .!

“இரா.சம்பந்தன், கட்சியை வழிநடத்தக்கூடிய ஆற்றல் இருக்கும் வரைக்கும் – சுகதேகியாக இருக்கும் வரைக்கும் தமிழ்த் தேசியக் கூட்டமைப்பின் தலைவராக அவரே செயற்படுவார். அதில் எந்தவிதமான மாற்றுக் கருத்துக்களும் கிடையாது. அவருக்குரிய ஆற்றலும் அனுபவமும் இப்போது வேறு எவரிடமும் இல்லை.”

– இவ்வாறு தமிழ்த் தேசியக் கூட்டமைப்பின் பேச்சாளர் எம்.ஏ.சுமந்திரன் தெரிவித்தார்.

‘சக்தி’ தொலைக்காட்சியில் இடம்பெற்ற ‘மின்னல்’ நிகழ்ச்சியில் கலந்துகொண்டு கருத்துத் தெரிவிக்கும்போதே அவர் மேற்கண்டவாறு கூறினார்.

அவர் மேலும் தெரிவித்ததாவது:-

“இரா.சம்பந்தனுக்குப் பின்னர் தமிழ்த் தேசியக் கூட்டமைப்பின் தலைமைப் பொறுப்பை ஏற்கவேண்டும் என்ற எண்ணத்துடன்தான் சி.வி.விக்னேஸ்வரனைக் கூட்டமைப்புக்குள் கொண்டு வந்தோம். அவரை வடக்கு மாகாண முதலமைச்சராக்கினோம். அவர் தன்னுடைய முதலமைச்சர் பதவிக்காலம் முடிவடையும் வரைக்கும் கூட்டமைப்பின் உறுப்பினராகவே இருந்தார். பதவிக்காலம் முடிந்து மறுநாள் கூட்டமைப்பிலிருந்து வெளியேறி புதிய கட்சியை ஆரம்பித்தார். புதிய கட்சிக்கான ஆயத்தங்களை அவர் முதலமைச்சர் பதவியில் இருக்கும்போதே செய்திருந்தார்.

அப்படியான ஒருவரான விக்னேஸ்வரன் தமிழ்த் தேசியக் கூட்டமைப்பின் தலைமைத்துவம் மாறினால் கூட்டமைப்புடன் தான் மீண்டும் இணைவேன் என்று கூறுவதில் எந்தவித அர்த்தமும் கிடையாது. எனினும், தமிழ்த் தேசியக் கூட்டமைப்பின் கதவுகள் திறந்தே இருக்கின்றன. எவரும் வரலாம்; போகலாம். ஆனால், இரா.சம்பந்தனே தலைவராக இருப்பார். அவர், கட்சியை வழிநடத்தக்கூடிய ஆற்றல் இருக்கும் வரைக்கும் – சுகதேகியாக இருக்கும் வரைக்கும் தமிழ்த் தேசியக் கூட்டமைப்பின் தலைவராகச் செயற்படுவார்” – என்றார்.

http://puthusudar.lk/2020/01/29/tna-leader-sampanthan-3/

[satan]

தேர்தல் முடிந்தபின்னும் இதே முடிவில் இருப்பாரா? இப்பவே தான் தலைவர் என்று அறிவித்தால் ஒருவரும் வாக்குப் போட மாட்டார்கள் என்பது புரிந்திருக்கும். 

[Paanch]

1 hour ago, புரட்சிகர தமிழ்தேசியன் said:

“இரா.சம்பந்தனுக்குப் பின்னர் தமிழ்த் தேசியக் கூட்டமைப்பின் தலைமைப் பொறுப்பை ஏற்கவேண்டும் என்ற எண்ணத்துடன்தான் சி.வி.விக்னேஸ்வரனைக் கூட்டமைப்புக்குள் கொண்டு வந்தோம். அவரை வடக்கு மாகாண முதலமைச்சராக்கினோம். அவர் தன்னுடைய முதலமைச்சர் பதவிக்காலம் முடிவடையும் வரைக்கும் கூட்டமைப்பின் உறுப்பினராகவே இருந்தார். பதவிக்காலம் முடிந்து மறுநாள் கூட்டமைப்பிலிருந்து வெளியேறி புதிய கட்சியை ஆரம்பித்தார்.

புதிய கட்சியை ஆரம்பிக்காமலே தன்னைத் தலைமைப் பொறுப்பு தேடிவரும் என்பது சி.வி.விக்னேசுவரன் அவர்களுக்குத் தெரியாமல் இருந்திருக்காது. அப்படி இருந்தும் அவர் புதிய கட்சியை ஆரம்பித்தார் என்றால்...! அவர் ஒரு சுயநலவாதி அல்ல என்பது தெட்டத் தெளிவாகத் தெரிகிறது. 😌 

[Gowin]

3 hours ago, புரட்சிகர தமிழ்தேசியன் said:

எப்போதும் சம்பந்தன்தான் கூட்டமைப்பின் தலைவர்.! – மாற்றுக் கருத்துக்கு இடமில்லை என்று சுமந்திரன் திட்டவட்டம் .!

ரணில் அரசில் தீர்வுத்திட்டம் இல்லையென்றால் வாங்கின காசோட ஓடிவிடுவேன் என்று சொன்ன திட்டவட்டம் என்னாச்சு சுமந்திரன்?

[Rajesh]

17 hours ago, புரட்சிகர தமிழ்தேசியன் said:

எப்போதும் சம்பந்தன்தான் கூட்டமைப்பின் தலைவர்.! – மாற்றுக் கருத்துக்கு இடமில்லை என்று சுமந்திரன் திட்டவட்டம் .!

எல்லாத்தையும் தானே தான் குத்தகைக்கு எடுத்தமாதிரி அறிக்கை விடுறார் சுமந்திரன்.
கூட்டமைப்பில உருப்படியான ஆக்கள் யாருமில்லை என்கிற தைரியமோ?
சித்தார்த்தன், செல்வம் வாங்கின காசை எண்ணிக்கொண்டு காலத்தை போக்கினமாக்கும்.

[Vankalayan]

இப்போது தேர்தல் வரப்போகின்றது। சம்பந்தன் ஐயாதான் சாகும்வரைக்கும் கடைசியில் தலைவர் என்று கட்சியின் பேச்சாளர் தெரிவித்துவிட்டார்। எனவே மாற்று தலைமைகள் தங்களது தீர்மானத்தை விரைவில் எடுத்து போட்டியிடடும்। மக்கள் தீர்மானிக்கட்டும் யார் தலைமையை ஏற்க வேண்டுமென்று। யார் என்ன சொன்னாலும் இறுதி தீர்மானம் எடுப்பவர்கள் இங்குள்ள தமிழ் மக்களே।

[satan]

சேனாதிபதி மாவையும் மூடிவிட்டார்... மூட வைத்து விட்டினமோ?