மன்னாரில் இருந்து யாழ். நோக்கி சுதந்திர தின சமாதான துவிச்சக்கர வண்டி பயணம்

[nunavilan]

மன்னாரில் இருந்து யாழ். நோக்கி சுதந்திர தின சமாதான துவிச்சக்கர வண்டி பயணம்

 

by : Dhackshala

மன்னாரைச் சென்றடைந்துள்ள ‘சுதந்திர தின சமாதான துவிச்சக்கர வண்டி’ பயணம் தற்போது யாழ்ப்பாணம் பருத்தித்துறையை நோக்கி பயணிக்க ஆரம்பித்துள்ளது.

இந்த பயணத்தை மன்னார் மாவட்ட அரசாங்க அதிபர் சி.ஏ.மோகன்றாஸ் இன்று (வியாழக்கிழமை) காலை 8.15 மணியளவில் மன்னார் மாவட்டச் செயலகத்தில் வைத்து வைபவ ரீதியாக ஆரம்பித்து வைத்தார்.

இலங்கையின் 72 ஆவது சுதந்திர தினத்தை முன்னிட்டு நிட்டம்புவ பகுதியைச் சேர்ந்த ஜீ.எச்.பீரிஸ் என்பவர் கடந்த 28ஆம் திகதி கொழும்பில் ஆரம்பித்த ‘சுதந்திர தின சமாதான துவிச்சக்கர வண்டி பயணம்’ நேற்று மாலை மன்னாரை சென்றடைந்தது.

இந்நிலையிலே மன்னாரில் இருந்து யாழ்ப்பாணத்திற்கான குறித்த துவிச்சக்கர வண்டி பயணத்தை மாவட்ட அரசாங்க அதிபர் வைபவ ரீதியாக ஆரம்பித்து வைத்தார்.

ஆரம்ப நிகழ்வில் மன்னார் மாவட்ட மேலதிக அரசாங்க அதிபர், மன்னார் பிரதேச செயலாளர், வீதி போக்குவரத்துப் பிரிவு பொலிஸ் அதிகாரி உட்பட பலர் கலந்துகொண்டு குறித்த துவிச்சக்கர வண்டி பயணத்தை வைபவ ரீதியாக ஆரம்பித்து வைத்தனர்.

மன்னாரில் இருந்து ஆரம்பமான குறித்த துவிச்சக்கர வண்டி பயணம் யாழ்ப்பாணம் பருத்தித்துறைக்குச் சென்று அங்கிருந்து முல்லைத்தீவு, திருகோணமலை வழியாக மீண்டும் கொழும்பை நோக்கி பயணிக்கவுள்ளது.

இந்த பயணம் இலங்கையின் சுதந்திர தினமான பெப்ரவரி 4 ஆம் திகதி கொழும்பு சுதந்திர சதுக்கத்தில் நிறைவடையவுள்ளது.

குறித்த நபர் கடந்த 9 வருடங்களாக குறித்த ‘சுதந்திர தின சமாதான துவிச்சக்கர வண்டி’ பயணத்தை மேற்கொண்டு வருகின்றமை குறிப்பிடத்தக்கது.

http://athavannews.com/மன்னாரில்-இருந்து-யாழ்-ந/

[Gowin]

1 hour ago, nunavilan said:

மன்னாரில் இருந்து ஆரம்பமான குறித்த துவிச்சக்கர வண்டி பயணம் யாழ்ப்பாணம் பருத்தித்துறைக்குச் சென்று அங்கிருந்து முல்லைத்தீவு, திருகோணமலை வழியாக மீண்டும் கொழும்பை நோக்கி பயணிக்கவுள்ளது.

வடக்கு கிழக்குக்கு இன்னமும் சுதந்திரம் கிடைக்கவில்லையே.