Jump to content
  • advertisement_alt
  • advertisement_alt
  • advertisement_alt

கோவையில் போக்சோ சட்டத்தில் தலைமை ஆசிரியர் கைது - நடந்தது என்ன?


Recommended Posts

  • கருத்துக்கள உறவுகள்

கோவை மாவட்டத்தில் பள்ளி மாணவிகளிடம் தகாத முறையில் நடந்து கொண்ட தலைமை ஆசிரியர் போக்சோ சட்டப்பிரிவின் கீழ் கைது செய்யப்பட்டு சிறையில் அடைக்கப்பட்டுள்ளார்.

கோவை மாவட்டம் நெகமத்தை அடுத்துள்ள காட்டம்பட்டி அரசு ஊராட்சி ஒன்றிய துவக்கப்பள்ளியில் பயிலும் மாணவிகளை அப்பள்ளியின் தலைமை ஆசிரியர் தங்களை முறையற்ற வகையில் தொட்டதாக கோவை மாவட்ட குழந்தை பாதுகாப்பு அலுவலர் அளித்த புகாரின் அடிப்படையில் நெகமம் காவல்துறையினர், போக்சோ சட்டத்தின்கீழ் தலைமை ஆசிரியரை கைது செய்து கோவை மத்திய சிறையில் அடைத்துள்ளனர்.

பாதிக்கப்பட்ட மாணவிகள் சிலர் தங்களது பெற்றோர்களிடம் பள்ளி தலைமையாசிரியர் தகாத முறையில் நடந்துகொள்வதாக சென்ற வாரம் தெரிவித்துள்ளனர்.

இதனையடுத்து, மாணவிகளின் பெற்றோர்கள் தலைமை ஆசிரியரிடம் விசாரணை நடத்தி நடவடிக்கை எடுக்கக்கோரி காட்டம்பட்டி பேருந்துநிலையம் அருகே சாலை மறியலில் ஈடுபட்டனர்.

புகார் அளித்தால் மட்டுமே தலைமையாசிரியர் மீது நடவடிக்கை எடுக்க முடியும் எனக்கூறி போலீசார் போராட்டத்தை கலைத்தனர்.

மேலும், போராட்டத்தில் ஈடுபட்ட பெற்றோர்கள் சிலரை வலுக்கட்டாயமாக அழைத்துச் சென்று அடித்து துன்புறுத்தி தலைமை ஆசிரியரின் மீது தவறில்லை என காவல்துறையினர் எழுதி வாங்கியதாகவும் குற்றச்சாட்டு எழுந்தது.

பாதிக்கப்பட்ட மாணவி ஒருவரின் பெற்றோரிடம் தலைமை ஆசிரியர் மன்னிப்பு கேட்கும் செல்போன் உரையாடல் பகிரப்பட்டு பரபரப்பை ஏற்படுத்தியது. ஆனால், தலைமை ஆசிரியர் மீது புகார் அளிக்க பெற்றோர்கள் முன்வரவில்லை.

இந்நிலையில் ஜனநாயக மாதர் சங்கம், இந்திய மாணவர் சங்கம் உள்ளிட்ட பொது அமைப்பினர் கோவை மாவட்ட காவல் கண்கானிப்பாளரிடம் புகார் அளித்தனர்.

இதற்கிடையே குற்றம்சாட்டப்பட்ட தலைமை ஆசிரியரை வேறு பள்ளிக்கு மாற்றி மாவட்ட கல்வித் துறை உத்தரவிட்டது.

இந்நிலையில், கோவை மாவட்ட குழந்தைகள் பாதுகாப்பு அலுவலர் பள்ளி மாணவிகளிடம் நேற்று விசாரணை நடத்தினார். அப்போது, தலைமை ஆசிரியர் பலமுறை பாலியல் தொந்தரவு அளித்துள்ளதாக மாணவிகள் தெரிவித்துள்ளனர்.

இதனையடுத்து, நேற்று மாலை நெகமம் காவல் நிலையத்தில் தலைமையாசிரியர் மீது நடவடிக்கை எடுக்க வலியுறுத்தி குழந்தைகள் பாதுகாப்பு அலுவலர் புகார் அளித்தார்.

இந்த புகாரின் அடிப்படையில் இன்று (வியாழக்கிழமை) காலை தலைமை ஆசிரியர் போக்சோ சட்டத்தின்கீழ் கைது செய்யப்பட்டு சிறையில் அடைக்கப்பட்டுள்ளார்.

கைது செய்யப்பட்டுள்ள தலைமை ஆசிரியர், 10 வருடங்களாக காட்டம்பட்டி ஊராட்சி ஒன்றிய துவக்கப்பள்ளியில் தலைமை ஆசிரியராக பணிபுரிந்து வந்தார். இப்பள்ளியில் ஒன்றாம் வகுப்பு முதல் ஐந்தாம் வகுப்பு வரை உள்ளது. 39 மாணவ மாணவிகள் இங்கு பயின்று வருகின்றனர்.

https://www.bbc.com/tamil/india-51485184

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • advertisement_alt
  • advertisement_alt
  • advertisement_alt


  • Tell a friend

    Love கருத்துக்களம்? Tell a friend!
  • Topics

  • Posts

    • நீதிமன்றின் கட்டளையை மீறாது எமது நினைவேந்தலை உணர்வுபூர்வமாக அனுசரிப்போம்: சட்டத்தரணி அன்ரனி றொமோல்சன்   (மன்னார் நிருபர்) தமிழர்கள் இருக்கும் இடத்திலேயே சுகாதார முறைகளைக் கடைப்பிடித்து உணர்வுபூர்வமான நினைவேந்தலை நினைவு கூருவதற்கு சட்ட ரீதியாக எந்தவிதத் தடையும் இல்லை என மன்னார் சட்டத்தரணி அன்ரனி றொமோல்சன் தெரிவித்தார். மன்னார் மாவட்ட நினைவேந்தல் ஏற்பாட்டுக்குழுவின் ஊடகச் சந்திப்பு இன்றைய தினம் புதன்கிழமை(25) காலை மன்னாரில் இடம்பெற்றது.இதன் போது கலந்து கொண்டு கருத்துத் தெரிவிக்கையிலேயே அவர் அவ்வாறு தெரிவித்தார். அவர் மேலும் கருத்துத் தெரிவிக்கையில், மாவீரர் நினைவு தொடர்பாக எல்லா இடங்களிலும் நீதிமன்றமானது அதை நினைவு கூர்வதற்கு தடை விதித்துள்ளமை அனைவரும் அறிந்த விடயம். இது சம்பந்தமாக மன்னார் மாவட்டத்தில் கடந்த வாரம் பொலிஸாரால் மேற்கொள்ளப்பட்ட விண்ணப்பத்துக்கு அமைவாக இந்த நீதி மன்றத்தினால் நினைவு கூர தடை விதிக்கப்பட்டது. அதனைத் தொடர்ந்து கடந்த திங்கட்கிழமை ஜனாதிபதி சட்டத்தரணி எம்.ஏ.சுமந்திரன் தலைமையிலான எமது சட்டத்தரணிகள் எமது சார்பாக ஒரு நகர்த்தல் பத்திரத்தை தாக்கல் செய்து தடைக்கு எதிராக எமது ஆட்சேபனையை நாங்கள் தெளிவாகக் கூறியிருந்தோம். ஆனாலும் அதனைத் தொடர்ந்தும் இந்த நீதிமன்றமானது இந்தத் தடை உத்தரவை நீடித்துள்ளது. இந்த நிலையிலேயே இந்த நீதிமன்றத்தின் கட்டளையை நாங்கள் மதிக்க வேண்டிய தேவை இருக்கின்றது. அதே நேரத்தில் எமது மாவீரர்களின் உயிர் தியாகங்களையும் நாங்க மதிக்க வேண்டிய தேவை உள்ளது. எனவே சட்ட ரீதியாக இந்த நீதிமன்றத் தடையானது எமது உறவுகளின் நினைவு நிகழ்வை பொது இடத்தில் மக்களை ஒன்றுகூட்டி செய்வதற்குத்தான் தடை விதித்துள்ளனர். ஆகவே உணர்வுள்ள தமிழர்கள் அனைவரும் நீங்கள் இருக்கும் இடத்திலேயே சுகாதார முறைகளைக் கடைப்பிடித்து உணர்வுபூர்வமான நினைவேந்தலை நினைவு கூர சட்ட ரீதியாக எந்தவிதத் தடையும் இல்லை. எனவே எதிர் வரும் 27 ஆம் திகதி நாங்கள் அனைவரும் உணர்வுபூர்வமாக எமது இடங்களிலே இருந்தவாறு சுகாதார வழிமுறைகளைப் பின்பற்றி பொது இடங்களில் ஒன்றுகூடாமல் நீதிமன்றத்தின் கட்டளையை மீறாது எமது நினைவேந்தலை உணர்வுபூர்வமாக அனுசரிப்போம் என்றார். நீதிமன்றின் கட்டளையை மீறாது எமது நினைவேந்தலை உணர்வுபூர்வமாக அனுசரிப்போம்: சட்டத்தரணி அன்ரனி றொமோல்சன் – Thinakkural
    • கட்டுப்பாடுகள் தளர்த்த தீர்மானிக்கப்பட்ட நிலையில் ஜேர்மனியில் மேலும் 410 இறப்புக்கள் பதிவு           by : Jeyachandran Vithushan கொரோனா வைரஸ் தொற்றினால் கடந்த கடந்த 24 மணி நேரத்தில் ஜேர்மனியில் 410 இறப்புக்கள் பதிவாகியுள்ளன. கிறிஸ்மஸ் மற்றும் புத்தாண்டு காலத்தில் கட்டுப்பாடுகளை தளர்த்துவது குறித்து பேச ஜேர்மனியின் 16 மாநில முதல்வர்களுடன் சந்திப்பிற்கு முன்னர் இந்த அறிவிப்பு வெளியாகியுள்ளது. மேலும் புதிதாக 18 ஆயிரத்து 633 பேருக்கு கொரோனா தொற்று அடையாளம் காணப்பட்டுள்ள நிலையில் நாடு முழுவதும் பாதிக்கப்பட்டவர்களின் எண்ணிக்கை 961,320 ஆக அதிகரித்துள்ளது. இறப்பு எண்ணிக்கை 410 ஆக உயர்ந்ததை அடுத்து மொத்த உயிரிழப்பு எண்ணிக்கை 14 ஆயிரத்து 771 ஆக உயர்ந்துள்ளது. இந்த எண்ணிக்கை ஒரு வாரத்திற்கு முன்பு 305 ஆக இருந்தது என்றும் அறிவிக்கப்பட்டுள்ளது. நாடளாவிய முடக்கம் டிசம்பர் 20 வரை நீடிக்க மத்திய மாநிலங்கள் இன்று புதன்கிழமை முடிவு செய்யும் என்று எதிர்பார்க்கப்படுகிறமை குறிப்பிடத்தக்கது. கட்டுப்பாடுகள் தளர்த்த தீர்மானிக்கப்பட்ட நிலையில் ஜேர்மனியில் மேலும் 410 இறப்புக்கள் பதிவு | Athavan News
    • சர்வதேச ரீதியாக இலங்கைக்கு எந்தவொரு அழுத்தமும் இனிமேல் ஏற்படாது – நாடாளுமன்றில் தினேஸ்! இலங்கைக்கு எதிரான தீர்மானத்தின், இணை அனுசரணையில் இருந்து இலங்கை தற்போது விலகியுள்ளமையால், இலங்கைக்கு சர்வதேச ரீதியாக எந்தவொருப் பிரச்சினையும் ஏற்படாது என்று வெளிவிவகார அமைச்சர் தினேஸ் குணவர்த்தன தெரிவித்தார். நாடாளுமன்றில் இன்று (புதன்கிழமை) இடம்பெற்ற குழுநிலை விவாதத்திலேயே அவர் இவ்வாறு கூறினார். இதன்போது மேலும் தெரிவித்த அவர், “நல்லாட்சி அரசாங்கத்தால்தான் நாடு கடந்த காலங்களில் காட்டிக்கொடுக்கப்பட்டது. 2015 ஆம் ஆண்டு இலங்கைக்கு எதிராக சர்வதேசத்தினரால் கொண்டுவரப்பட்ட தீர்மானத்திற்கு அவர்கள் அன்று இணை அனுசரணை வழங்கினார்கள். இது உலகிலேயே எங்கும் நடக்காத ஒரு விடயமாகும். இது இராணுவம் பெற்றுக் கொடுத்த அனைத்து வெற்றிகளையும் காட்டிக்கொடுக்கும் செயற்பாடாகும். எனினும், நாம் ஆட்சிக்கு வந்தவுடன் அந்த இணை அனுசரணையில் இருந்து விலகியுள்ளோம். எனவே, இதனால் நாட்டுக்கு எந்தவொரு ஆபத்தும் வராது. இதனை கடந்த ஆட்சியாளர்கள் புரிந்துகொள்ள வேண்டும். கடந்த அரசாங்கம் நாட்டுக்கு செய்த அநியாயத்தை மாற்றியமைக்கும் பொருட்டே, எமது ஆட்சியைக் கொண்டுவந்தார்கள். நாம் பயங்கரவாதத்தை தோற்கடித்தவுடன், ஐ.நா.வின் அன்றைய பொதுச் செயலாளர் இலங்கைக்கு வந்தார். ஆனால், நாம் அவருடன் அன்று எந்தவொரு ஒப்பந்தங்களையும் செய்துகொள்ளவில்லை. மாறாக இணைந்த பத்திரிகையாளர் மாநாடொன்றை நடத்தி, ஒருங்கிணைந்த கருத்துக்களை மட்டும்தான் வெளியிட்டோம். இதனை திரிபுபடுத்தி, சொந்த நாட்டுக்கு எதிராகவே கருத்து வெளியிடக்கூடாது. நாடாளுமன்றுக்குள் கருத்து வேறுபாடுகள் இருந்தாலும், சர்வதேசம் என்று வரும்போது நாம் அனைவரும் ஒன்றிணைந்துதான் ஒரு பிரச்சினைக்கு முகம் கொடுக்க வேண்டும்” என அவர் மேலும் தெரிவித்தார். சர்வதேச ரீதியாக இலங்கைக்கு எந்தவொரு அழுத்தமும் இனிமேல் ஏற்படாது – நாடாளுமன்றில் தினேஸ்! | Athavan News
×
×
  • Create New...

Important Information

By using this site, you agree to our Terms of Use.