Jump to content
  • advertisement_alt
  • advertisement_alt
  • advertisement_alt

தமிழர் பிரச்சினை; கைவிடுகிறதா இந்தியா?


Recommended Posts

  • கருத்துக்கள உறவுகள்

தமிழர் பிரச்சினை; கைவிடுகிறதா இந்தியா?

கே. சஞ்சயன்   / 2020 பெப்ரவரி 14

இந்தியப் பிரதமர் நரேந்திர மோடி குறுகிய கால இடைவெளிக்குள், இரண்டாவது தடவையாக தமிழர்களின் அபிலாசைகளை நிறைவேற்றும் கௌரவமான, நீதியான, சமத்துவமான தீர்வு ஒன்றை வழங்க வேண்டும் என்பதை இலங்கைத் தலைவர்களிடம் வலியுறுத்தியிருக்கிறார்.  

கடந்த ஆண்டு நவம்பர் மாதம், ஜனாதிபதி கோட்டாபய ராஜபக்‌ஷ இந்தியாவுக்குப் பயணம் மேற்கொண்டிருந்த போது, முதல் முறையாக இந்தக் கருத்தை வலியுறுத்தியிருந்த நரேந்திர மோடி, கடந்த வாரம் இந்தியாவுக்குச் சென்றிருந்த பிரதமர் மஹிந்த ராஜபக்‌ஷவிடமும் அதனையே கூறியிருக்கிறார்.  

இரண்டு நாடுகளினதும் பிரதமர்கள் சந்தித்துப் பேசிய பின்னர், கூட்டாகச் செய்தியாளர்களைச் சந்தித்தபோதே, தமிழ் மக்களின் அபிலாசைகளை இலங்கை நிறைவேற்றும் என்று எதிர்பார்ப்பதாக, மோடி குறிப்பிட்டிருந்தார்.  

ஆனால், அதே ஊடகச் சந்திப்பில், பிரதமர் மஹிந்த ராஜபக்‌ஷ, தமிழ் மக்களின் பிரச்சினைகளுக்கான தீர்வு பற்றி எதுவும் கூறவில்லை. இந்தியப் பிரதமரின் கருத்துக்கான பதிலையும் அவர் வெளிப்படுத்தவில்லை.  

 கடந்த நவம்பர் மாதம், புதுடெல்லிக்குப் பயணம் மேற்கொண்டிருந்த ஜனாதிபதி கோட்டாபயவிடமும், இதே வேண்டுகோளை, பகிரங்கமாக விடுத்திருந்தார் மோடி. அவரும் கூட, அந்தச் சந்தர்ப்பத்தில் மௌனமாகத் தான் இருந்து விட்டுச் சென்றிருந்தார்.  

எனினும், புதுடெல்லியில் இந்திய ஊடகங்கள் சிலவற்றுக்கு அளித்த தனிப்பட்ட செவ்விகளில், 13 ஆவது திருத்தச் சட்டத்தை நடைமுறைப்படுத்த முடியாது என்று கூறியிருந்தார்.  

மஹிந்த ராஜபக்‌ஷ, புதுடெல்லி ஊடகங்களுக்கு அளித்த செவ்விகளில், அவ்வாறான கருத்தை வெளியிடாத போதும், 13 ஆவது திருத்தச்சட்டம் ஏற்கெனவே நடைமுறையில் தான் இருக்கிறது என்றும், ஆனால், வடக்கு மாகாண சபை தான் அதனைச் சரியாகப் பயன்படுத்திக் கொள்ளத் தவறிவிட்டது என்றும் குறிப்பிட்டிருக்கிறார்.  

சி.வி.விக்னேஸ்வரன் முதலமைச்சராக இருந்தபோது, வடக்கு மாகாண சபைக்கு அளிக்கப்பட்ட நிதி திருப்பி அனுப்பப்பட்டதாகவும் மஹிந்த ராஜபக்‌ஷ கூறியிருக்கிறார்.  

அவ்வாறு எந்த நிதியும் மத்திய அரசுக்கு திருப்பி அனுப்பப்படவில்லை என்று, விக்னேஸ்வரன் முதலமைச்சராக இருந்த போதும், அவரது பதவிக்காலம் முடிந்த பின்னரும், பல தடவைகள் தெரிவித்திருந்தார். ஆனாலும், மஹிந்த அந்தக் குற்றச்சாட்டை, புதுடெல்லி வரைக்கும் கொண்டு சென்று, தமது பக்கத்தில் நியாயம் இருப்பதாகக் காட்டிக் கொள்ள முனைந்திருக்கிறார்.  

13ஆவது திருத்தச்சட்டம், ஏற்கெனவே நடைமுறையில் இருக்கிறது என்று அவர் கூறியிருப்பது உண்மையே என்றாலும், மாகாண சபைகள் அதன் அதிகாரத்தைப் பயன்படுத்தத் தவறி விட்டதாக மஹிந்த கூறியிருப்பது சரியானது தானா? 13 ஆவது திருத்தச்சட்டத்தில் காணி அதிகாரங்களும் பொலிஸ் அதிகாரங்களும் கூட, மாகாண சபைகளுக்கு வழங்கப்பட்டிருக்கிறது.  

ஆனால், அந்த இரண்டு அதிகாரங்களையும் மாகாண சபைகளுக்கு எந்தவோர் அரசாங்கமும் வழங்கவில்லை. காணி, பொலிஸ் அதிகாரங்களைக் கொடுக்க முடியாது என்று, எல்லாச் சிங்களத் தலைவர்களும் கூறி விட்டனர்.  

ஜனாதிபதி கோட்டாபய கூட, கடந்த நவம்பர் மாதம் ‘தி ஹிந்து’ உள்ளிட்ட இந்திய ஊடகங்களுக்கு, புதுடெல்லியில் அளித்திருந்த செவ்விகளில், “மாகாண சபைகளுக்குப் பொலிஸ், காணி அதிகாரங்களை வழங்க முடியாது. 13 ஆவது திருத்தச்சட்டத்தை முழுமையாக நடைமுறைப்படுத்த முடியாது” என்றும் திட்டவட்டமாகக் கூறியிருந்தார்.  

இவ்வாறான நிலையில், “இப்போதும் 13 ஆவது திருத்தச்சட்டம் நடைமுறையில் தான் இருக்கிறது; அதனை மாகாண சபைகள் சரியாகப் பயன்படுத்திக் கொள்ளவில்லை” என்று மஹிந்த ராஜபக்‌ஷ கூறியிருப்பது, பித்தலாட்டமாகவே உள்ளது.  

“13ஆவது திருத்தச்சட்டம் முழுமையாக நடைமுறைப்படுத்தப்பட வேண்டும் என்பது, இந்தியாவின் நிலைப்பாடு” என்று நரேந்திர மோடி குறிப்பிட்டிருந்தாலும், இலங்கையின் தற்போதைய அரசாங்கம் அவ்வாறான ஒரு நடவடிக்கையை எடுக்கப் போவதில்லை. ஜனாதிபதி கோட்டாபய அதனைத் தெளிவாகக் கூறியிருந்தார்.  

ஆனால், மகிந்த ராஜபக்‌ஷ அதனை நேரடியாகக் கூறாமல், ஏற்கெனவே 13 ஆவது திருத்தம் நடைமுறையில் தான் இருக்கிறது என்று புரட்டிப் போட முனைந்திருக்கிறார்.  

பிரதமர் மோடியும் சரி, அவருக்கு முன்னர் பிரதமராக இருந்த மன்மோகன் சிங்கும் சரி, இலங்கைத் தலைவர்கள் புதுடெல்லிக்குப் பயணம் மேற்கொள்ளும் ஒவ்வொரு சந்தர்ப்பத்திலும் , இலங்கைத் தமிழர்களுக்கு கௌரவமான நீதியான, சமத்துவமான தீர்வு வழங்கப்பட வேண்டும் என்பதைக் கூறி வந்திருக்கின்றனர்.ஆனால், அதனை எந்தவொரு சிங்களத் தலைவரும் ஏற்றுக்கொண்டதும் இல்லை; நடைமுறைப்படுத்த முயன்றதும் இல்லை.  

புதுடெல்லியில் பகிரங்கமாக, இந்தியப் பிரதமரின் வலியுறுத்தலுக்குச் சாதகமாகப் பதிலளித்தால், சிங்கள மக்களின் வெறுப்பைச் சம்பாதிக்க வேண்டியிருக்கும் என்றும், அதனால் பொதுத்தேர்தலில் எதிர்பார்க்கும் வெற்றி கிடைக்காமல் போகும் என்றும் ஜனாதிபதியும் பிரதமரும் கருதிக் கொண்டிருக்கலாம் என்று சமாளிப்பவர்களும் இருக்கிறார்கள்.  தேர்தல் ஆதாயத்துக்காக அவ்வாறு நடந்து கொள்வது இயல்பு தான்.  

ஆனால், சிங்களத் தலைவர்கள் அனைவரும், தமிழர் பிரச்சினை விடயத்தில், எப்போதுமே பிடிகொடுக்காமல் தான் இருந்து வருகிறார்கள். எனவே, மோடியின் வலியுறுத்தலை அவர்கள், பெரிதாக எடுத்துக் கொள்ளவில்லை என்று கருத முடியும்.  

அதேவேளை, மோடி, தமிழர்களின் அபிலாசைகளைத் தீர்க்க வேண்டும் என்பதை வலியுறுத்தி இருப்பினும், அவருக்கு தமிழ் மக்களின் மீது அக்கறை உள்ளதா என்ற சந்தேகமும் எழுப்பப்படுகிறது.  

மூத்த இந்திய ஊடகவியலாளர் ஆர்.கே.ராதாகிருஷ்ணன், பி.பி.சிக்கு அளித்திருந்த செவ்வி ஒன்றில், “இலங்கைத் தமிழரின் அரசியல் அபிலாசைகளை நிறைவேற்றும் தீர்வு பற்றி, இந்தியப் பிரதமர் மோடி வலியுறுத்தியிருந்தாலும், அவருக்கு தமிழர் பிரச்சினையில் அக்கறையில்லை.அவ்வாறாக அக்கறை கொண்டிருந்தால், குடியுரிமை திருத்தச்சட்டத்தில் இலங்கைத் தமிழர்களையும் உள்ளடக்கி இருந்திருப்பார்” என, அவர் நியாயப்படுத்தி இருக்கிறார்.  

தமிழ் மக்களின் மீது இந்தியாவுக்கோ, இந்தியப் பிரதமருக்கோ முழுமையான அக்கறை இருந்திருந்தால், 13 ஆவது திருத்தச் சட்டத்தை முழுமையாக நடைமுறைப்படுத்துமாறு கேட்டுக் கொண்டிருக்க வேண்டியதில்லை.  

அதனை நடைமுறைப்படுத்துவதற்குத் தேவையான நடவடிக்கைகளை எடுத்திருக்க முடியும்.  ஆனால், இலங்கை அரசாங்கத்துடன் நெருக்கமான உறவுகளையும் ஒத்துழைப்புகளையும் இந்தியா எதிர்பார்ப்பதால், அவ்வாறான அழுத்தங்களைக் கொடுக்க முடியாத நிலையில் புதுடெல்லி இருக்கிறது.  

சீனத் தலையீடுகளில் இருந்து இலங்கையைத் தமது பக்கம் திருப்பிக் கொள்வதற்கு, இந்தியா கடுமையாக முயற்சிக்கிறது. அதற்காகத் தான் 450 மில்லியன் டொலர் கடனுதவியையும் அறிவித்திருக்கிறது.  இலங்கையுடன் நெருக்கமான பாதுகாப்பு, பொருளாதார உறவுகளைப் பேண இந்தியா விரும்புகின்ற நிலையில், கொழும்புக்கு அழுத்தங்களைக் கொடுக்க முயன்றால், அந்த உறவுகளில் குழப்பம் ஏற்பட்டு விடும் என்பது புதுடெல்லியின் கணிப்பு.  

இந்தியாவுடன் இருந்து வந்த இடைவெளியும் அவநம்பிக்கையும் ராஜபக்‌ஷவினரின் புதிய அரசாங்கத்துக்குச் சவாலாகவே இருந்து வந்தது. சீன துரும்புச்சீட்டை அடிப்படையாகக் கொண்டு, இந்தியா முடிவுகளை எடுக்கத் தலைப்பட்டுள்ளதால், அது கொழும்புக்கு சாதகமானதாகக் காணப்படுகிறது. இந்தியாவின் இந்தப் பலவீனத்தை, கொழும்பு அரசாங்கமும் நன்றாகவே புரிந்து வைத்துக் கொண்டிருக்கிறது.  

இரண்டு நாடுகளும் தமது பலத்தை வைத்து முடிவுகளை எடுக்கவில்லை. பலவீனத்தை அடிப்படையாகக் கொண்டே தீர்மானங்களைள எடுத்திருக்கின்றன.  

பிரதமர் மஹிந்த ராஜபக்‌ஷவின் இந்தியப் பயணமும் அவ்வாறான பலவீனங்களைக் கடந்து செல்வதற்கான ஒன்றாகத் தான் கருதப்படுகிறது.  

அதைவிட, தனது பயணத்தின் போது அவர், இந்தியாவிடம் பெறப்பட்ட கடன்தொகையை திருப்பிச் செலுத்துவதற்கு மூன்று ஆண்டுகள் காலஅவகாசம் கோரியிருக்கிறார்.  

இந்தியாவை வைத்து ஜப்பான், சீனா போன்ற நாடுகளிடம் பெறப்பட்ட கடன்களைத் திருப்பிச் செலுத்தும் காலஅவகாசத்தை நீடித்துக் கொள்ள பிரதமர் மஹிந்த முயற்சிகளை மேற்கொண்டிருக்கிறார்.இது கடுமையான விமர்சனங்களையும் ஏற்படுத்தியிருக்கிறது.  

அதேவேளை, இந்திய, இலங்கை அரசுகள் இரண்டுக்கும் இப்போதைய நிலையில், தமிழர் பிரச்சினை முக்கியமல்ல. அதனை இரண்டு தலைவர்களும் வெளிப்படுத்தி இருக்கிறார்கள்.  
 

http://www.tamilmirror.lk/சிறப்பு-கட்டுரைகள்/தமிழர்-பிரச்சினை-கைவிடுகிறதா-இந்தியா/91-245477

Link to post
Share on other sites
  • கருத்துக்கள உறவுகள்
4 hours ago, கிருபன் said:

தமிழர் பிரச்சினை; கைவிடுகிறதா இந்தியா?

கிந்தியா தமிழர் பிரச்சனையை கைவிட்டு கனகாலமாச்செல்லோ.
அவங்கள் தமிழர் பிரச்சனை தீர்க்க வேணுமெண்டு நினைச்சிருந்தால்  முள்ளிவாக்கால் அழிவு வந்திருக்காது.

Link to post
Share on other sites

இந்தியா தமிழர் பிரச்சனையை கைவிட்டாலே அரைவாசி பிரச்சனை தீர்ந்து விடும்.

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • அதி மங்கல காரணனே துதி தங்கிய பூரணனே- நரர் வாழ விண் துறந்தோர் ஏழையாய்ப் பிறந்த வண்மையே தாரணனே! மதி மங்கின எங்களுக்கும் திதி சிங்கினர் தங்களுக்கும்- உனின் மாட்சியும் திவ்விய காட்சியும் தோன்றிட வையாய் துங்கவனே முடி மன்னர்கள் மேடையையும் மிகு உன்னத வீடதையும் – நீங்கி மாட்டிடையே பிறந்தாட்டிடையார் தொழ வந்தனையோ…  
    • விடுதலைப் புலிகள்: 33 வருடங்களின் பின் பௌத்த பிக்குகள் கொலை வழக்கு - தமிழர்கள் படுகொலை விசாரணை எப்போது? ரஞ்சன் அருண் பிரசாத் பிபிசி தமிழுக்காக, இலங்கை 24 அக்டோபர் 2020 பட மூலாதாரம்,GETTY IMAGES   படக்குறிப்பு, ராஜபக்ஷ ஆட்சியில் சகல காணாமலாக்கல்களையும் வெளிப்படுத்தக் கோரி பிப்ரவரி 11, 2020 நடந்த போராட்டம். அம்பாறை - அரந்தலாவ பகுதியில் பிக்குகள் உள்ளிட்ட 33 பேர் படுகொலை செய்யப்பட்ட சம்பவம் தொடர்பிலான விசாரணைகளை இலங்கை அரசாங்கம் 33 வருடங்களின் பின்னர் ஆரம்பித்துள்ளது. அரந்தலாவ பகுதியில் 1987ஆம் ஆண்டு நடத்தப்பட்ட படுகொலை சம்பவம் தொடர்பில் உடனடி விசாரணைகளை ஆரம்பித்து, இரு வாரங்களுக்குள் விசாரணை முன்னேற்ற அறிக்கையை சமர்ப்பிக்குமாறு, சட்ட மாஅதிபர் தப்புல டி லிவேரா, பதில் போலீஸ் மாஅதிபர் சி.டி.விக்ரமரத்னவிற்கு உத்தரவு பிறப்பித்துள்ளார். இந்த சம்பவத்தில் பாதிக்கப்பட்ட தரப்பினரிடம் வாக்குமூலங்களை பதிவு செய்துகொள்ளுமாறும், சட்ட மாஅதிபர் ஆலோசனை வழங்கியுள்ளதாக சட்ட மாஅதிபர் திணைக்களத்தின் இணைப்பு அதிகாரி அரச சட்டத்தரணி நிஷாரா ஜயரத்ன தெரிவிக்கின்றார். அத்துடன், இந்த சம்பவம் தொடர்பில் குற்றவியல் விசாரணைகளை நடத்துமாறு, குற்றப் புலனாய்வு திணைக்களத்திற்கு ஆலோசனை வழங்கப்பட்டுள்ளது. நடந்தது என்ன? அம்பாறை - அரந்தலாவ பகுதியில் 1987ஆம் ஆண்டு ஜுன மாதம் 2ஆம் தேதி பௌத்த பிக்குகள் அடங்களாக 33 பேர் கூட்டு படுகொலை செய்யப்பட்டிருந்தனர். இந்த படுகொலையை தமிழீழ விடுதலைப் புலிகள் நடத்தியதாகவே கூறப்பட்டு வருகின்றது. இந்த நிலையில், மூன்று தசாப்த யுத்தம் இடம்பெற்ற காலப் பகுதியில் பல்வேறு கூட்டு படுகொலைகள் நடத்தப்பட்ட போதிலும், குறிப்பாக 33 வருடங்களுக்கு முன்னர் நடந்த இந்த சம்பவத்தை மாத்திரம் விசாரணை செய்வதற்கு எடுத்த தீர்மானம் பல்வேறு விமர்சனங்களை ஏற்படுத்தியுள்ளது. பட மூலாதாரம்,GETTY IMAGES   படக்குறிப்பு, இலங்கை 1984 ஆம் ஆண்டு தமிழர்கள் கூட்டாக பல்வேறு சந்தர்ப்பங்களில் படுகொலை செய்யப்பட்ட சம்பவங்களுக்கு நியாயம் கோரி போராடி வருகின்ற போதிலும், அந்த சம்பவங்களை விசாரணை செய்யாது, பௌத்த பிக்குகளின் படுகொலை சம்பவத்தை மாத்திரம் விசாரணை செய்வது சந்தேகத்தை தோற்றுவித்துள்ளதாக பல்வேறு தரப்பினரும் கூறி வருகின்றனர். தமிழர்களின் படுகொலை விசாரணைகள் நடத்தப்பட வேண்டும் இந்த விடயம் தொடர்பில் பிபிசி தமிழ், தமிழர்கள் படுகொலை செய்யப்பட்ட முக்கிய பல வழக்கு விசாரணைகளை வாதாடிய சிரேஷ்ட சட்டத்தரணி கே.எஸ்.ரத்னவேலை தொடர்புக் கொண்டு வினவியது. இலங்கை 20ஆவது திருத்தம்: ஆதரவாக வாக்களித்த தமிழ் எம்.பி மீது நடவடிக்கை "எல்டிடிஈ வெளிநாட்டு செல்வாக்கை நிரூபிக்க ஆதாரம் உள்ளது" - இலங்கை அரசு அரந்தலாவ படுகொலை சம்பவத்தை 33 வருடங்களின் பின்னர் விசாரணைக்கு எடுப்பதானது, புரியாத புதிராகவே உள்ளதாக அவர் குறிப்பிடுகின்றார். தமிழீழ விடுதலைப் புலிகள் மீதான தடை தவறானது என பிரித்தானிய நீதிமன்றம் அண்மையில் உத்தரவொன்றை பிறப்பித்துள்ளமைக்கு, பதிலடியாகவே இலங்கை அரசாங்கம் இந்த விசாரணைகளை ஆரம்பிக்க தீர்மானம் எடுத்துள்ளதாகவே தான் கருதுவதாக அவர் கூறுகின்றார். இந்த இரண்டு சம்பவங்களுக்கும் இடையில் எந்தவித தொடர்பும் கிடையாது என கூறும் சட்டத்தரணி, குறித்த இரண்டு சம்பவங்களையும் தொடர்புப்படுத்த இலங்கை அரசாங்கம் முயற்சித்து வருவதாகவும் குறிப்பிட்டார். அரந்தலாவ சம்பவத்தை விடவும் மிக மோசமான பல படுகொலை சம்பவங்கள் தமிழர்களுக்கு நடந்தேறியுள்ளதாகவும் அவர் கூறுகின்றார். இந்த வழக்கு விசாரணைகள் எடுக்கப்படுமாக இருந்தால், நீதி கிடைக்காது தற்போதும் நிலுவையிலுள்ள தமிழர்களின் வழக்கு விசாரணைகளும் மீண்டும் விசாரிக்கப்பட வேண்டும் என அவர் வலியுறுத்துகின்றார். தமிழர்களை படுகொலை செய்த பல முக்கிய வழக்குகள் இன்றும் விசாரணை செய்யப்படாது உள்ளதாக சட்டத்தரணி குறிப்பிடுகின்றார். பட மூலாதாரம்,GETTY IMAGES   படக்குறிப்பு, இலங்கை 1992 ஆம் ஆண்டு சில சம்பவங்கள் தொடர்பிலான விசாரணைகள் சர்வதேசத்தின் தலையீடு காரணமாக, ஜனாதிபதி ஆணைக்குழுக்கள் அமைக்கப்பட்டு விசாரணை செய்யப்பட்ட போதிலும், அந்த விசாரணைகள் இறுதி கட்டத்தை எட்டவில்லை என சட்டத்தரணி கே.எஸ்.ரத்னவேல் தெரிவிக்கின்றார். இதன்படி, திருகோணமலையில் 5 மாணவர்கள் படுகொலை செய்யப்பட்ட சம்பவம், தன்னார்வ தொண்டு நிறுவனமொன்றின் பணியாளர்கள் கொலை செய்யப்பட்ட சம்பவம் போன்ற சில விசாரணைகள் நடத்தப்பட்டு, முடிவடையாது உள்ளதாகவும் அவர் கூறுகின்றார். நீதிமன்ற விசாரணைகள் நடத்தப்படாது, இந்த சம்பவம் தொடர்பில் கைது செய்யப்பட்ட ராணுவ அதிகாரிகள் பின்னரான காலத்தில் பிணையில் விடுவிக்கப்பட்டிருந்ததாகவும் அவர் நினைவூட்டியிருந்தார். இந்த முக்கிய வழக்குகளை எல்லாம் விடுத்து, அரந்தலாவ சம்பவத்திற்கு மாத்திரம் முன்னுரிமை வழங்குவதானது, பௌத்த பிக்குகளின் படுகொலை என்பதற்காக மாத்திரமே என அவர் குறிப்பிடுகின்றார். இந்த அரசாங்கம் சிங்கள பௌத்த அடையாளத்தை உறுதிப்படுத்துவதற்காகவே, அரந்தலாவ பிக்குகள் படுகொலை சம்பவத்திற்கான விசாரணைகளை மீள ஆரம்பிக்கின்றனர் எனவும் அவர் கூறுகின்றார். அரந்தலாவ படுகொலை விசாரணைகளை நடத்துவது ஏற்றுக்கொள்ளப்பட்டாலும், அதைவிட மிகவும் கூடுதலாக தமிழர்களின் படுகொலை சம்பவங்கள் நடந்துள்ளதாக அவர் தெரிவிக்கின்றார். தமிழர்கள் கூட்டாக படுகொலை செய்யப்பட்ட சம்பவம் சுதந்திர இலங்கையில் முதன்முறையாக 1956ஆம் ஆண்டு ஜுன் மாதமே நடத்தப்பட்டதாகவும் சட்டத்தரணி நினைவுப்படுத்தினார்.   படக்குறிப்பு, ரத்னவேல் அம்பாறை - இங்கினியாகல பகுதியில் சிங்கள மக்கள் குடியேற்றப்பட்ட நிலையில், 150 தமிழர்கள் 1956ஆம் ஆண்டு படுகொலை செய்யப்பட்டதாகவும் அவர் குறிப்பிட்டார். தமிழரசு கட்சி கொழும்பில் சத்தியாகிரக போராட்டத்தை நடத்தியமைக்கு பதிலடியாகவே இந்த படுகொலை நடந்தேறியதாகவும் அவர் கூறியிருந்தார். அன்று முதல் நடந்தேறிய படுகொலை சம்பவங்களை சட்டத்தரணி கே.எஸ்.ரத்னவேல் பட்டியலிட்டு குறிப்பிட்டார். 01. வவுனியா - சாம்பல்தோட்டம் பகுதியில் 55 தமிழர்கள் படுகொலை செய்யப்பட்டனர். 02. யாழ்ப்பாணம் - சுன்னாகம் போலீஸ் நிலையத்தில் 19 தமிழர்கள் படுகொலை செய்யப்பட்டனர். 03. முல்லைத்தீவு - புதியமலை பகுதியில் 32 தமிழர்கள் படுகொலை செய்யப்பட்டுள்ளனர். 04. வவுனியா செட்டிக்குளம் பகுதியில் 52 தமிழர்கள் படுகொலை செய்யப்பட்டனர். 05. மணலாறு பகுதியில் எண்ணற்ற தமிழர்கள் படுகொலை செய்யப்பட்டதுடன், பலர் காணாமல் போயுள்ளனர். 06. மன்னார் நகரில் 45 தமிழர்கள் உயிருடன் எரிக்கப்பட்டு படுகொலை செய்யப்பட்டுள்ளனர். 07. கொக்குலாய் பகுதியில் 100ற்கும் அதிகமான தமிழர்கள் படுகொலை செய்யப்பட்டுள்ளனர். 08. மன்னார் - வட்டக்கண்டல் பகுதியில் 17 சிறுவர்கள் உள்ளடங்களாக 57 தமிழர்கள் படுகொலை செய்யப்பட்டுள்ளனர். 09. அம்பாறை - உடும்பன்குளம் பகுதியில் 103 தமிழர்கள் படுகொலை செய்யப்பட்டுள்ளனர். 10. திருகோணமலையில் 94 தமிழர்கள் படுகொலை செய்யப்பட்டுள்ளனர். 11. குமுதினி படகில் பயணித்த 36 தமிழர்கள் படுகொலை செய்யப்பட்டுள்ளனர். 12. யாழ்ப்பாணம் - நவாலி சென் பிட்டர்ஸ் தேவாலயத்தில் தங்கியிருந்த 100ற்கும் மேற்பட்டோர் வான் தாக்குதலினால் படுகொலை செய்யப்பட்டனர். 13. திருகோணமலையில் ஐந்து மாணவர்கள் சுட்டுக் கொலை செய்யப்பட்டனர். 14. செஞ்சோலை சிறார்கள் உள்ளிட்ட 54 பேர் வான் வழித் தாக்குதலினால் உயிரிழந்துள்ளனர். இவ்வாறு பல சம்பவங்களை சட்டத்தரணி மேற்கோள்காட்டி, தமிழர்கள் படுகொலை செய்யப்பட்ட சம்பவங்களை நினைவுபடுத்தினார். தமிழர்களுக்கு எதிராக நடந்தேறிய இவ்வாறான சம்பவங்கள் தொடர்பிலும் விசாரணைகள் நடத்தப்பட வேண்டும் என அவர் வலியுறுத்துகின்றார். சட்ட மாஅதிபர் அரசாங்கத்திற்கு மாத்திரம் சார்பாக செயற்படாது, சுதந்திரமாக பொதுவான ஒருவராக செயற்பட வேண்டும் என சட்டத்தரணி கே.எஸ்.ரத்னவேல் கோரிக்கை விடுக்கின்றார்.   https://www.bbc.com/tamil/sri-lanka-54674812
    • சின்னப்பு:- டேய் குமாரசாமி எப்பிடியடா எல்லா விரலுக்கும் மோதிரம் போட ஏலுது? எங்காலையடா காசு? குமாரசாமி:- அது வந்து அண்ணை யாழ்களத்திலை மாடாய் உழைச்சு வந்த பச்சை புள்ளியளை வைச்சு வாங்கினது அண்ணை....!
×
×
  • Create New...

Important Information

By using this site, you agree to our Terms of Use.