Sign in to follow this  
தமிழ் சிறி

யுத்தக் குற்றங்கள் இடம்பெற்றுள்ளதை அமெரிக்கா ஏற்றுக்கொண்டுள்ளது- சுரேஷ்

Recommended Posts

 

 

யுத்தக் குற்றங்கள் இடம்பெற்றுள்ளதை அமெரிக்கா ஏற்றுக்கொண்டுள்ளது- சுரேஷ்

யுத்தக் குற்றங்கள் இடம்பெற்றுள்ளது என்பதை அமெரிக்கா ஏற்றுக் கொண்டுள்ளது என தமிழ் தேசிய மக்கள் கூட்டணியின் முக்கியஸ்தர் சுரேஷ் பிரேமச்சந்திரன் தெரிவித்துள்ளார்.

கிழக்கு மாகாணத்தில் காணப்படும் அரசியல் சூழ்நிலைகள் மற்றும் நாடாளுமன்றத் தேர்தல் குறித்து கல்முனையில் உள்ள தனியார் மண்டபம் ஒன்றில் நேற்று (ஞாயிற்றுக்கிழமை) இடம்பெற்ற மக்கள் சந்திப்பில் கலந்துகொண்டபோதே அவர் இவ்வாறு கூறினார்.

அவர் கூறுகையில், “ஐக்கிய நாடுகள் சபையில் மூன்று பேர் கொண்ட குழு நியமிக்கப்பட்டு, இலங்கையில் யுத்தம் நடைபெற்ற நிலையில் அப்போது இடம்பெற்ற மனித உரிமை விடயங்கள் தொடர்பாக விசாரணைகள் மேற்கொள்ளப்பட வேண்டும் என ஜெனிவா மனித உரிமை ஆணையகத்தில் அறிக்கை சமர்ப்பிக்கப்பட்டது.

இலங்கையில் யுத்தக் குற்றச்சாட்டுக்கள் இடம்பெற்றுள்ளது என்று பல்வேறு வெளிநாட்டு மனித உரிமை அமைப்புக்கள் பட்டியலிட்டு அறிக்கையை வழங்கியுள்ளனர். யுத்தக் குற்றங்கள் யார் யாரால் மேற்கொள்ளப்பட்டுள்ளன என்பது ஐ.நா. சபைக்கு சமர்ப்பிக்கப்பட்டுள்ளது.

அவ்வாறு குற்றச்சாட்டுகளில் ஈடுபட்டுள்ளவர்களுக்கு அமெரிக்கா விசா வழங்காது. அதனால் இராணுவத் தளபதிக்கு விசா வழங்க அமெரிக்கா மறுத்துள்ளது. இதனை இலங்கை அரசாங்கம் அமெரிக்கத் தூதுவரை அழைத்து தமது அதிருப்தியை வெளிப்படுத்தியிருக்கின்றது.

யுத்தக் குற்றச்சாட்டுக்கள் தொடர்பாக அரசாங்கம் உண்மைத் தன்மையுடன் விசாரணைகளை மேற்கொண்டு உண்மையை வெளிக்கொண்டுவந்து தீர்வுகளை எட்டவேண்டும். ஆனால் இந்த அரசாங்கம் அவற்றைப் பேசத் தயாரில்லை.

இதேவேளை, எதிர்க் கட்சி ஆசனத்தில் இருக்கும் சஜித் பிரேமதாச கூட சவேந்திர சில்வா ஒரு சிறந்த வீரன் என்றே புகழாரம் சூட்டியிருக்கிறார். ஆகவே அவர்கள் புகழாரம் சூட்டுவதற்கு இருக்கிறார்களே தவிர சர்வதேச விசாரணைக்கு ஒத்துழைப்பு வழங்கப்போவதில்லை. யுத்தக் குற்றங்கள் இடம்பெற்றுள்ளது என்பதை அமெரிக்கா ஏற்றுக் கொண்டுள்ளது” என்று தெரிவித்தார்.

http://athavannews.com/யுத்தக்-குற்றங்கள்-இடம்ப/

Share this post


Link to post
Share on other sites
6 hours ago, தமிழ் சிறி said:

யுத்தக் குற்றங்கள் இடம்பெற்றுள்ளது என்பதை அமெரிக்கா ஏற்றுக் கொண்டுள்ளது என தமிழ் தேசிய மக்கள் கூட்டணியின் முக்கியஸ்தர் சுரேஷ் பிரேமச்சந்திரன் தெரிவித்துள்ளார்.

ஐயோ! அப்பிடியா சங்கதி!

உலகத்துக்கே தெரிஞ்ச செய்தி ஒன்றை செய்தியா சொல்றதுக்கு தான் நீங்க கட்சி நடத்துறீங்களோ?

உப்பிடி நீங்க செய்தி வாசிச்சா தமிழ் மக்கள் ஓடிவந்து உங்களுக்கு வாக்களிக்கோணுமோ?

உங்க எதிர்பார்ப்பு என்ன?

  • Like 1

Share this post


Link to post
Share on other sites

அமெரிக்கா ஏற்றுக் கொண்டது இருக்கட்டும். இதனை போர்க்குற்றத்துக்கும் அப்பால் இனப்படுகொலை என்ரு நிரூபிக்கவும் வேண்டும்.

ஆகவே.. நீங்கள் எல்லோரும் முதலில் அதை ஏற்றுக் கொண்டு அமெரிக்கா வழியில் இதர நாடுகளும்.. சொறீலங்கா சிங்கள.. இனப்படுகொலையாளர்களை.. போர்க்குற்றவாளிகளை தடை செய்ய வேண்டுகோள் முன்வைப்பது அவசியம். 

தூதரக அதிகாரிகளை சந்தித்து இந்தக் கோரிக்கைகளை முன்வைக்கலாம். 

சும்மா உள்ளூர் ஊடகங்களுக்கு அறிக்கை தருவதாக மட்டும் இது இருந்துவிட முடியாது. 

Share this post


Link to post
Share on other sites

"யுத்தக் குற்றங்கள் இடம்பெற்றுள்ளது என்பதை அமெரிக்கா ஏற்றுக் கொண்டுள்ளது என தமிழ் தேசிய மக்கள் கூட்டணியின் முக்கியஸ்தர் சுரேஷ் பிரேமச்சந்திரன் தெரிவித்துள்ளார்."

ஐரோப்பிய ஒன்றியம், ஐ.நா. ஆகியனவற்றையும் முதலில் பயணத்தடையை விதிக்க தமிழர் தரப்பு முயதள வேண்டும். அத்துடன், இவ்வாறானவர்களின் வெளிநாட்டு வங்கி கணக்குகளையும் தடை செய்யவேண்டும்.

புகையை கொஞ்சம் ஊதி அணையவிடாமல் பாதுகாத்து நெருப்பாக்கி விட வேண்டும்.

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • பிரித்தானியாவில் வைரஸ் தொற்றுக்காக 5G கோபுரங்கள் எரிக்கப்பட்டன! கொறோனாவைரஸ் தொற்றுக்குக் காரணமெனெ வதந்திகள் பரவியதைத் தொடர்ந்து பிரித்தானியாவில் மூன்று 5G தொலைபேசிக் கோபுரங்கள் தீக்கிரையாக்கப்பட்டுள்ளன. 5G கோபுரங்களிலிருந்து பரிவர்த்தனையாகும் உயர் அதிர்வெண் அலைகள் வைரஸ் தொற்றைத் தீவிரமாக்குகின்றன என்ற செய்தியை யாரோ பரவவிட்டதைத் தொடர்ந்து இச் சம்பவங்கள் நடைபெற்றுள்ளன. “இது முற்று முழுதும் பொய்யான தகவல். அத்தோடு, நோய்ப் பரவலைக் கட்டுப்படுத்துவதற்கு, இக் காலகட்டத்தில், எமக்கு மிகவும் அத்தியாவசியமான ஒரு கருவி அது. இது மிகவும் கோழ்த்தனமான ஒரு நடவ்டிக்கை” எனத் தேசிய சுகாதார சேவைகள் வாரியத் தலைவர் ஸ்டீபன் போவிஸ் ஊடகங்களுக்குத் தெரிவித்தார். சீனாவின் வூஹான் நகரில் 5G கோபுரங்களை நிறுவிய பின்னரே SARS-CoV-2 வைரஸ் சீனாவிலும், இதர நாடுகளிலும் பரவத் தொடங்கியது என்ற பொய்யான தகவல் சமீப காலங்களில் வலைத்தளங்களில் வலம் வந்துகொண்டிருக்கிறது. ஆனால் யப்பான், ஈரான் போன்ற நாடுகளில் இன்னும் 5G கோபுரங்கள் எதுவும் நிறுவப்படவில்லையாயினும் அங்கும் வைரஸ் பரவி வருகிறது என்பதைச் இச் செய்தியைப் பரப்புபவர்கள் உணரவில்லை என அவர் மேலும் தெரிவித்தார்.   பேமிங்க்ஹாம், மேர்சிசைட் ஆகிய நகரங்களில் 5G கோபுரங்கள் தீப்பற்றி எரியும் காணொளிகள் பரவலாகி வருகிறது. 5G அலைகளினால் உடல் நலத்திற்குக் கேடு விளையாது என நிபுணர்கள் தெரிவித்து வருகின்றனர். சமீபத்தில் பிரித்தானிய பத்திரிகை ஒன்று 5G அலைக்கற்றைகளினால் உடலுக்குத் தீங்கு விளையலாம் எனச் செய்தி வெளியிட்டிருந்தது. சர்வதேச வரைமுறைகளுக்கு அமையவே இத் தொழில்நுட்பம் பாவிக்கப்படுகிரது என இத்துறை சார்ந்த நிபுணர்கள் தெரிவிக்கின்றனர். இப் பொய்த் தகவல், முகநூல், யூ-டியூப், இன்ஸ்டாகிராம் தளங்களினூடாகப் பல லட்சம் பாவனையாளரைச் சென்றடைந்திருக்கிறது. சில நம்பகத்தன்மையுள்ள கணக்காளர்களும் இச் செய்தியைப் பகிர்ந்து வருகிறார்கள். ஜனவரி பிற்பகுதியிலிருந்து இப்படியான செய்திகள் வலம் வருகின்றன. இச் செய்திகளில் ஒன்று, 5G அலைகள் மனிதரின் நிர்ப்பீடன ஆற்றலை (immune system) பாதிப்பதால் வைரஸ் தொற்றிக்கொள்ள ஏதுவாகிறது என்கிறது. இன்னுமொரு செய்தி, 5G அலைகள் வைரஸ்களைக் காவிச் செல்கின்றன என்கிறது. இந்த இரண்டுமே உண்மைகளற்ற குப்பைகள் எனச் சாடுகிறார் றெடிங்க் பல்கலைக்கழகத்தைச் சேர்ந்த, கல உயிரியல் பேராசிரியர் டாக்டர் சைமன் கிளார்க். கோவிட்-19 தொற்றுக்கு, உலகம் முழுவதும் இதுவரை 1.2 மில்லியன் மக்கள் ஆளாகியிருக்கிறார்கள். அதில் 312,000 பேர் அமெரிக்காவிலும், 130,759 பேர் ஸ்பெயினிலும், 124,632 பேர் இத்தாலியிலும், 96,000 பேர் ஜேர்மனியிலும் உள்ளனர். https://marumoli.com/பிரித்தானியாவில்-வைரஸ்-த/?fbclid=IwAR1HFxsOzCkczqaAbBkgNVg6cav-GiKLJRtDxT-gSISL6FU8XVU3VMrbo4g
    • அவர்களை பேபி பூமர்ஸ் என்று அழைப்பது உண்டு அநேகர் 55 வயதில் பென்ஷன் எடுத்தவர்கள் காப்புறுதி க்கு who  மூலம் ஆப்பு அடித்து விட்டினம் பண்டமிக் என்று தொத்து  கொள்ளை நோய் களுக்கு அநேக காப்புறுதி நிறுவனம்கள் கவர் பண்ணாது இங்கு களத்தில்  யாராவது  காப்புறுதி எடுத்து இருந்தால் பண்டமிக் எனப்படும் கொள்ளை நோய்க்கு கவர் பண்ணுமோ எண்டு உறுதிப்படுத்தவும் .
    • கொரோனா போறதுக்கு... வழியை விடுங்க(டா)
    • 😢😢கொறோணா என்ற கொடியவனின் பசிக்கு இரையாகி இன்று எம்மை எல்லாம் துயரத்தில் ஆழ்த்திவிட்டு எங்கடா சென்றாய் நண்பா???பழகுவதற்கு இனியவனே பண்பாளனே அந்த இரண்டு குஞ்சுகளும் ஏங்குகின்றன அப்பா எப்போது வருவார் விளையாடலாம்என்று 😥😥😥 மணந்தவளோ நிற்கதியாய் நிற்க ஏனடா உனக்கு மட்டும் அவசரம் பூத்துக் குலுங்கும் வயதல்லவா இது.நெஞ்சம் பொறுக்கிதில்லையே உன் திருமுகத்தை எப்போது காண்போம் எனி???.(லண்டனில் Dartford என்னும் இடத்தில் மளிகை கடை உரிமையாளரான சியாமளன் அவர்கள் (ஈழத்தமிழர் மீசாலையை பூர்வீகமாக கொண்டவர்)ஆதீத காச்சல் காரணமாக இன்று அதிகாலை 5 மணி அளவில் இறைபதம் அடைந்தார் )