Sign in to follow this  
Kavi arunasalam

நாளைக்கு நான் பத்திரிகையில் வருவேன்

Recommended Posts

BA8874-FF-EF7-D-4-C83-8421-17-B518-F38-D

„நாளைக்கு நான் பத்திரிகையில் வருவேன்இப்படி தனது அயல் வீட்டுக்காரனுக்குச் சொல்லிவிட்டுச் சென்ற  Maurice (29), சொன்னபடியே இன்று ஊடகங்களில் முக்கிய இடம் பிடித்திருக்கிறான்.

19.02.2020 அன்று இளவயதிலான ஒன்பது குர்தீஸ் இனத்தவர்களதும் இரண்டு யேர்மனியர்களது ம் மரணம் நிகழ்ந்திருக்கிறது. அந்த அதிர்ச்சியில் இருந்து மீண்டு வருவதற்கு இடையில் இன்னும் ஒரு அனர்த்தம் யேர்மனியில் நடந்திருக்கிறது. இந்த இரண்டு சம்பவங்களும் Hessen மாநிலத்திலேயே நடந்திருக்கிறது என்பது  இன்னும் ஒரு  அதிர்ச்சியான செய்தி.

ஒரு வாரம் பாடசாலை விடுமுறை. இந்த விடுமுறையில்தான் Rosenmontag என்ற யேர்மனியரின் கார்னிவேல்(Carnivel) நடைபெறுகிறது. விதவிதமான உடைகள், அரிதாரங்களுடன்  தங்களை அலங்கரித்து யேர்மனியர்கள் வீதிகளில் ஊர்வலம் வருவார்கள். இந்த விழாவில் பெரியவர்களும் சிறியவர்களுமாக மாறி மாறி   ஆடிப்பாடிக் கொண்டாடி குதூகலிப்பார்கள். அரசியல்வாதிகளைக் கிண்டலடிக்கும் விதமாக கேலியான பொம்மைகளை வடிவமைத்து  வாகனங்களில் வைத்து ஊர்வலம் வருவார்கள். பார ஊர்தியில் தங்கள் நிறுவனங்களின் விளம்பரங்களை வைத்துக் கொண்டு யேர்மனிய நிறுவனங்களின் முதலாளிகளும் தொழிலாளர்களும் கையசைத்து வருவார்கள். அப்படி அவர்கள் வரும் போது  வீதியில் நிற்பவர்களுக்கு  வாகனங்களில் இருந்து இனிப்பு மழை பொழிவார்கள். இந்த இனிப்பு வகைகளைச் சேகரிப்பதற்ககாகவே சிறுவர்கள்  Rosenmontagஇல் நடைபெறும் ஊர்வலங்களில் ஆர்வத்துடன் கலந்து கொள்வார்கள்.

நேற்று Hessen மாநிலத்தில் இருக்கும்  Volkmarsen என்ற சிறிய நகரில் Rosenmontag வீதி விழாவில் வாகனங்களில் இருந்து அள்ளி வீசப்படும் இனிப்புவகைகளைச் சிறார்கள் சேகரித்துக் கொண்டிருக்கும் போது  அந்தச் சிறார் கூட்டத்தின் மீது வேகமாக வந்து மோதியது Maurice இன் கார்.

இந்தத் தாக்குதலில், முதற் கட்டமாக30 பேர் வரையில் காயப்பட்டதாக அறிவித்த Frankfurt காவற்துறை இன்று காயப்பட்டவர்களது எண்ணிக்கை 50 பேருக்கு மேல் என்றும் அதில் சிலர் ஆபத்தான நிலையில் இருப்பதாகவும் அறிவித்திருக்கிறது.

வேகமாக கார் ஓட்டி வந்த Maurice நிறைந்த போதையில் இருந்ததாகவும், மோதலின் போது அவனது தலையில் ஏற்பட்ட காயத்தால் அவனிடம் முழுமையான விசாரணையை இன்னமும் நடத்த முடியவில்லை எனவும் கிடைக்கப் பெற்ற சாட்சியங்களின் அடிப்படையில் இந்த விபத்து வேண்டும் என்றே நடத்தப் பட்டிருக்கின்றது என்பது தெரிகிறது  எனவும் காவற்துறையின் அறிக்கை சொல்கிறது.

Hanau நகரில் குர்தீஸ் இளைஞர்களின் மீதான தாக்குதலுக்கு வலதுசாரி இனவாதிகள்தான் காரணம் என்பது நிரூபிக்கப் பட்டிருக்கின்றது. அந்தத் தாக்குதலுக்குப் பிறகு கடந்த ஞாயிற்றுக்கிழமை நடந்த ஹம்பேர்க் மாநிலத் தேர்தலில் ஆளும் கட்சி பெரும் பின்னடைவு அடைந்து மூன்றாவது இடத்துக்கு தள்ளப் பட்டும் தீவிர இனவாதக் கட்சியான AFD, அந்தத் தேர்தலில் சென்ற முறையைவிட 0,88வீத வாக்குகளை குறைவாகப்பெற்றதும் கவனிக்கப்பட வேண்டிய விடயம்.

Rosenmontag அன்று நடந்த தாக்குதலுக்கு தாக்குதல்தாரி ஒரு மனநோயாளி என்றுதான் அறிக்கை வெளிவரப் போகிறது. இனவாதிகள், மனநோயாளிகள் நடுவேதான் இப்பொழுது வாழ்க்கை போய்க் கொண்டிருக்கிறது. அதற்கிடையில்,கொரோனா வைரஸ் இத்தாலியில் தாக்கி இருக்கிறது. அது யேர்மனிக்கு வர அதிக  காலம் பிடிக்காது. தயாராக இருங்கள்" என யேர்மனிய சுகாதார அமைச்சர் Jens Spahn நேற்று தொலைக்காட்சியில் வந்து பயத்தை இன்னும் அதிகரித்துவிட்டுப் போயிருக்கிறார்.

  • Like 1
  • Sad 2

Share this post


Link to post
Share on other sites

சிகரெட் : இன்று உன்னால் நான் சாம்பலாகின்றேன்;  நாளை என்னால் நீ சாம்பலாவாய்

பயங்கரவாதம் : நேற்று அரசுகளால் நான் உருவாக்கப்பட்டேன். இன்று மதங்களால் நான் வலுவாக்கப்பட்டேன். நாளை என்னால் மனித குலமே அழிக்கப்படும். 

Share this post


Link to post
Share on other sites

இவ்வாறான கொலைகாரர்களின் நிழற்படங்களை ஒளிப்படங்களை.. பத்திரிகைகள் பிரசுரிப்பதை முற்றாக கைவிடுவதோடு.. கிறுக்கல் சித்திரமாக மட்டும் வெளியிடலாம்.. மக்கள் இவர்களை அடையாளம் காணக்கூடிய அடையாளங்களை முன்னிறுத்தி. 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • ’நோய் எதிர்ப்பு சக்தியை பெருக்கி கொரோனாவிலிருந்து பாதுகாப்போம்’ எம்.ஏ.றமீஸ் வீடுகளில் இலகுவில் பெற்றுக் கொள்ளக் கூடிய பொருள்களைக் கொண்டு, நோய் எதிர்ப்புச் சக்திகளைப் பெருக்கிக் கொள்வதன் மூலம் கொரோனா போன்ற தொற்று நோய்களில் இருந்து எம்மை நாம் பாதுகாத்துக் கொள்ள முடியும் என, நிந்தவூர் ஆயுர்வேத ஆராய்ச்சி தொற்றா நோய் வைத்தியசாலையின் பணிப்பாளர் டொக்டர் கே.எல்.எம்.நக்பர் தெரிவித்தார். ஆயுர்வேத முறையில் நோய் எதிர்ப்புச் சக்திகளை அதிகரித்து கொடிய தொற்று நோய்களில் இருந்து மக்களைப் பாதுகாத்துக் கொள்ளும் விசேட விழிப்புணர்வு நிகழ்வு, அட்டாளைச்சேனை ஊடக இல்லத்தில் அண்மையில் இடம்பெற்றது. இந்நிகழ்வில் கலந்துகொண்டு உரையாற்றும்போதே, அவர் மேற்கண்டவாறு தெரிவித்தார். தொடர்ந்தும் அவர் கருத்துத் தெரிவிக்கையில்,  “வீட்டுச் சூழலைப் பாதுகாத்துக் கொள்ளும் வகையில் வசம்பு, பெருங்காயம் போன்றவற்றை பெரிதும் பயன்படுத்திக் கொள்ள முடியும். இவற்றை நாம் பயன்படுத்தும் நுழைவாயில்களில் கட்டித் தொங்க வைப்பதன் மூலம் நோய்த் தொற்றிலிருந்து பாதுகாத்துக் கொள்ள முடியும். “அதுமாத்திரமல்லாமல், பெருங்காயம், வசம்பு போன்றவற்றை பட்டி ஒன்றில் தயார் செய்து அதனை தனது கைகளில் கட்டிக் கொள்ள முடியும். இவற்றை நாம் உடல்களில் கட்டியிருக்கும் காலப்பகுதிகளில் நோய்த் தொற்றிலிருந்து எம்மை நாம் பெரிதும் பாதுகாத்துக் கொள்ள முடியும். “இப்போதுள்ள நெருக்கடியான சூழ்நிலை நிறைவடையும் வரையிலாவது எமது வீடுகளில் காலை மாலை வேளைகளில் வேப்பிலை, வேப்பம் பட்டை, மர மஞ்சள் போன்றவற்றை புகையாக்கி அதனை வீடுகளில் பிடித்து நோய்க் கிருமிகளை அழித்து எம்மை நாம் பாதுகாத்துக் கொள்ள முடியும். “இதுதவிர, எம்மால் இலகுவில் பெற்றுக் கொள்ளக் கூடிய கொத்தமல்லி, இஞ்சி, மிளகு, மஞ்சள், வசம்பு, மரமஞ்சள், துளசி இலை போன்றவற்றை நன்கு அவித்து அவற்றை சாறாக்கி காலை, மாலை வேளைகளில் பருகிக் கொள்ள முடியும். “அதேவேளை, நாம் ஒவ்வொரு தினமும் அதிமான தடவைகள் வெந்நீரை பருகிக் கொள்ள வேண்டும். வெந்நீர் பருவதை நாம் வழக்கமாகிக் கொண்டால், பல்வேறான நோய்களில் இருந்து நாம் பாதுகாத்துக் கொள்ள முடியும். வெந்நீருடன் தேசிக்காய் இலை, துளசி இலை போன்றவற்றை ஆவியாக பிடிக்க முடியும். “கருஞ்சீரகத்துடன் போதியளவு தேனைக் கலந்து அவற்றையும் நாம் உண்ண முடியும். பல்வேறான நோய்களுக்கான நிவாரணியாக இவற்றை நாம் பரம்பரை பரம்பரையாக பயன்படுத்தி வருவது இங்கே குறிப்பிட்டுக் கூறக் கூடியதாக உள்ளது. “தேசிக்காய் பானம் நோய் எதிர்ப்பு சக்தியை வெகுவாகக் கொண்டுள்ளதால் அப்பானத்தை நாம் தினமும் பருகிக் கொள்ள முடியும். இதுபோன்று எமது வீடுகளில் உள்ள பொருள்களைக் கொண்டு நாம் எமது நோய் எதிர்ப்பு சக்தியைப் பெருக்கிக் கொள்ள முடியும். “நோய்த் தொற்றுகளில் இருந்தும் இவ்வாறான அசாதாரண சூழ்நிலையில் இருந்தும் மக்களைப் பாதுகாக்கும் வகையில், இப்பிராந்தியத்தில் உள்ள பாரம்பரிய வைத்தியவர்களுடன் இணைந்து, நிந்தவூர் ஆயுர்வேத தொற்றா நோய் ஆராச்சி வைத்தியசாலை ஆயுர்வேத வைத்தியத்துறை பணிப்பாளருக்கு முன்மொழிவொன்றைத் தயார் செய்து அனுப்பி வைத்துள்ளது” என்றார்.  http://www.tamilmirror.lk/அம்பாறை/நோய்-எதிர்ப்பு-சக்தியை-பெருக்கி-கொரோனாவிலிருந்து-பாதுகாப்போம்/74-248256
    • எஸ்.நிதர்ஷன் கொரோனொ வைரஸ் தொற்று நோய் சிகிச்சையளிக்க பருத்தித்துறை ஆதார வைத்தியசாலை அத்தியட்சகர் ஒத்துழைக்க மறுப்பதால், கொரோனோ அபாயம் நீங்கும் வரையில், குறித்த அத்தியட்சகரைப் பணியில் இருந்த நீக்கி, அவருக்குப் பதிலாக வேறு ஒருவரை புதிதாக நியமிக்க நடவடிக்கை எடுக்கப்பட்டு வருவதாக, அரச மருத்துவ அதிகாரிகள் சங்கத்தின் வட மாகாண இணைப்பாளர் வைத்தியர் காண்டீபன் தெரிவித்தார். இது குறித்துத் தொடர்ந்துரைத்த அவர், பருத்தித்துறை ஆதார வைத்தியசாலையில் உள்ள வைத்தியர்கள், குறித்த வைத்திய அத்தியட்சகர், தங்களுடன் சேர்ந்துச் செயலாற்றுவதற்கு ஒத்துழைக்க மறுப்பதாக, தமக்குக் கடிதம் அனுப்பியுள்ளதாகத் தெரிவித்தார். அதாவது, குறித்த வைத்திய அத்தியட்சகர், நோயாளிகள் உள்ளே வருகின்ற போது, அவர்களைப் பகுத்தாய்ந்து, பிரித்தறிந்து நோயாளிகளை ஏற்று நடைமுறைப்படுத்த தனக்கு கஷ்டம் என்று கூறுவதாகத் தெரிவித்த காண்டீபன், அதனால் அங்கு வருகின்ற நோயாளிகளைச் சரியான முறையில் பராமரிப்பதற்கு வைத்தியர்கள் மிகவும் கஷ்டப்படுவதாகவும் கூறினார். குறிப்பாக, அங்குள்ள வைத்தியர்கள், குழுவொன்றை அமைத்து அதனூடாகச் செயற்படுவதற்கும், அவ்வைத்தியர் மறுப்பு தெரிவிப்பதோடு, பல நிபந்தனைகளை விதிப்பதாகவும் அவர் கூறினார். இந்த அத்தியட்சகர், இதற்கு முன்பும் சாவகச்சேரி ஆதார வைத்தியசாலையில் கடமையாற்றிய போதும், அவருக்கு எதிராக பல்வேறுபட்ட குற்றச்சாட்டுகள் முன்வைக்கப்பட்டனவெச் சுட்டிக்காட்டிய அவர், பல்வேறுபட்ட பிரச்சினைகளை வைத்திய அதிகாரிகள் சங்கத்துக்கும் வைத்தியசாலைகளுக்கும் ஏற்படுத்தியிருந்தாரெனவும் சாடினார். ஆனாலும், அவருக்கு எதிராக இதுவரையில் எந்தவித ஒழுக்காற்று நடவடிக்கைகயும் எடுக்கப்படவில்லையெனத் தெரிவித்த அவர், இப்படியான அத்தியட்சகருடன் தொடர்ந்து வேலை செய்ய முடியாது என அங்குள்ள வைத்தியர்கள் தெரியப்படுத்தியதையடுத்து, அவரை தற்காலிகமாக பணியில் இருந்து நீக்கி, கொரோனொ நீங்கும் வரையில் வேறொரு சிறந்த வைத்திய அத்தியட்சகரை பருத்திதுறை ஆதார வைத்தியசாலைக்கு நியமிப்பதற்கு நடவடிக்கை எடுக்கப்பட்டுள்ளதெனவும் கூறினார். http://www.tamilmirror.lk/யாழ்ப்பாணம்/கொரோனாவுக்கு-சிகிச்சையளிக்க-பருத்தித்துறை-வைத்தியசாலை-அத்தியட்சகர்-மறுப்பு/71-248229
    • எல்லாம் சுய கழிவிரக்கம்தான். இயலாமை, கோபம், தன்னிலை வெறுப்பு, ஆற்றாமை எல்லாம் ஒருங்கே சேர்ந்து வெளிக்காட்டியுள்ளேன். மற்றும்படி எனக்கென்ன, வெளிநாட்டில் நிலத்திலும் காலூன்றாமல், யதார்த்தத்தையும் ஏற்றுக் கொள்ள முடியாமல்  கிடந்து தவிக்க விருப்பமா ? 😢 பகலில் ஒரு மெல்லிய ரீசேட், ஒரு டெனிம் ரவுசர், காலில் முள்ளு, முள்ளு டி எஸ் ஐ செருப்பும் சைக்கிளும்,  இரவில் கோரைப் புற் பாய், சிரிய தலையணை, ஒரு சறம் மற்றும் ஒரு யன்னலோரம். இதை தவறவிட்டு நான் படும் தவிப்பு எனக்கு மட்டும்தான் புரியும்🤧  
    • உன்னை பார். உங்களைச் சுற்றிப் பார். உலகைப் பார். எல்லா சேவைகளுமே பெரும்பாலும் நின்றுவிட்டன. அத்தியாவசிய சேவைகள் மட்டுமே செயல்படுகின்றன. நாங்கள் வீட்டிற்குள் இருக்க வேண்டிய கட்டாயத்தில் இருக்கிறோம். இவை எல்லாவற்றிற்கும் காரணம் கொரோனா வைரஸ்.   நடந்தது என்ன? நூறு நாட்களுக்கு முன்பு, ஒரு நுண்ணுயிர் நம் உலகிற்கு வந்தது. அது நம்மில் சிலருக்கு பாதிப்பை ஏற்படுத்தியது. இது மிக வேகமாக பரவியது, சீனாவின் வூஹானில் இருந்து சில வாரங்களில் நம் வாழ்வில் ஓடியது.நேரமும் தூரமும் இனி தேவையில்லை. எங்கள் வாழ்க்கை ஒன்றோடொன்று இணைக்கப்பட்டுள்ளது.மார்ஷல் மெக்லூஹான் சொன்னது சரிதான். கனடா தகவல் தொடர்பு கோட்பாட்டாளர் உலகமயமாக்கப்பட்ட சமூகத்தைப் பற்றி சரியாக கூறி இருந்தார். அறிவியலும் தொழில்நுட்பமும் நம் வாழ்க்கையை துாண்டுகின்றன. உண்மையான உலகம் நமக்கு ஒரு உண்மையான உலகம் உள்ளது. மின்னல் வேகமான தகவல்தொடர்புகள் நம் வாழ்க்கையை ஒரு நெடுஞ்சாலையில் நிறுத்துகின்றன. அறிவை எளிதில் பகிர்ந்து கொள்கிறோம். வர்த்தகம் கடிகாரத்தைச் சுற்றியே உள்ளது, இது உலகத்தை ஒரு சந்தையாக மாற்றுகிறது. இது தொழில்நுட்பத்தின் சக்தி.விஞ்ஞான அறிவின் தாகம் பிரபஞ்சத்தை ஆராய நம்மைத் தூண்டியது. புதிய போர் ஆயுதங்களையும் தயாரிப்பதற்கான தொழில்நுட்பத்தை அறிவியல் நமக்கு வழங்கியது. ட்ரோன்கள் மற்றும் கப்பல் ஏவுகணைகள் இராணுவ உத்திகள் மற்றும் போர்க்களங்களை மாற்றியுள்ளன. அணுசக்தி யுத்தம் ஒரு பெரிய அச்சுறுத்தலாக இருந்தது.   பெரிய அச்சுறுத்தல் நவீன காலங்களில் மனிதர்களுக்கு மிகப்பெரிய அச்சுறுத்தல் அணு ஆயுதங்களை சவாரி செய்யவில்லை. இது ஒரு கிருமியின் வடிவத்தில் வந்தது அது புதிய கொரோனா வைரஸ். சார்ஸ் தொற்றுநோயை உருவாக்கி, ஆயிரக்கணக்கானவர்களைக் கொன்றது. மேலும் பலரைக் கொல்ல இது பயமுறுத்துகிறது இறப்புகளில் பெரும்பாலானவை வளர்ந்த நாடுகளில் நிகழ்ந்துள்ளன. சிறந்த சுகாதார வசதிகளைக் கொண்ட நாடுகள் மற்றும் அதிக பயிற்சி பெற்ற மருத்துவ வல்லுநர்கள் தொற்றுநோய்களின் அதிகரித்து வரும் அலைகளைச் சமாளிக்க போராடினர். சீனா, இத்தாலி, ஸ்பெயின், அமெரிக்கா, பிரிட்டன் இவை மருத்துவ ஆராய்ச்சி செழித்து வளரும் இடங்கள், எங்களுக்கு புதிய சிகிச்சை முறைகளைக் கொண்டு வருகின்றன. அந்த சிகிச்சை முறைகளில் சில புரட்சிகரமானது. புற்றுநோய் மற்றும் எய்ட்ஸ் இனி மரண உத்தரவு அல்ல. ஆரம்பகால கண்டறிதல் பெரும்பாலான புற்றுநோய்களை குணப்படுத்த உதவுகிறது. மருத்துவம் ஒருபோதும் சிறப்பாக இருந்ததில்லைஆகவே, நாம் ஏன் ஒரு வைரஸை அகற்ற முடியாது. சமீபத்திய வரலாற்றில் மிகப்பெரிய மருத்துவ நெருக்கடியைத் தூண்டிய ஒரு நுண்ணிய உயிரினம்? இது நமது அறிவியல் முன்னேற்றங்களை கேலி செய்கிறது.   சிகிச்சை இல்லை கொரோனா வைரஸ்கள் எங்களுக்கு புதியவை அல்ல. அவற்றில் ஒன்று மனிதர்களுக்கு ஜலதோஷத்தை அளிக்கிறது. கடுமையான சார்ஸ் மற்றும் மெர்ஸ் ஆகியவற்றை உருவாக்கும் கொரோனா வைரஸ்கள் மரபணு ரீதியாக ஒத்தவை. ஆயினும் எங்களிடம் சிகிச்சை இல்லை.ஒரு புதிய நோயை அல்லது ஒரு புதிய நோய்க்கிருமியின் வருகையை கணிப்பது கடினம். ஆனால் கொரோனா வைரஸ் சார்ஸ் மற்றும் மெர்ஸ் காலங்களில் ஆய்வு செய்யப்பட்டுள்ளது. நிறைய ஆராய்ச்சிகளும் நடந்தன. அச்சுறுத்தல்கள் மங்கியபோது அவை அனைத்தும் நிறுத்தப்பட்டன.   பரவலை தடுக்க உதவும் தற்போதைய தொற்றுநோய்களுக்குப் பிறகும் ஆராய்ச்சியைத் தொடர்வது எதிர்கால பரவலை தடுக்க உதவும் என இல்லினாய்ஸின் சிகாகோவில் உள்ள நார்த்வெஸ்டர்ன் பல்கலைக்கழகத்தின் ஃபீன்பெர்க் ஸ்கூல் ஆஃப் மெடிசின் நுண்ணுயிரியல்-நோயெதிர்ப்புத் துறையின் பேராசிரியர் கார்லா சாட்செல் கூறுகிறார்.சார்ஸ் மற்றும் மெர்ஸ் இல் நிறுத்தப்பட்ட ஆராய்ச்சியை கவனியுங்கள். அந்த ஆராய்ச்சி பயனுள்ள மருந்துகளை விளைவித்திருந்தால், இன்று கொரோனாவுக்கு சிகிச்சை அளித்திருக்கலாம் என்றார். https://www.dinamalar.com/news_detail.asp?id=2517711
    • வருகைக்கும் கருத்துக்கும் நன்றிகள் புத்தன். பச்சைப் புள்ளியிட்ட நந்தன் உடையார் ஆகியோருக்கும் நன்றிகள்