Jump to content
  • advertisement_alt
  • advertisement_alt
  • advertisement_alt

வாய்காலில் தண்ணீர் சலசலவென்று ஓடுமா?


Recommended Posts

சரி..நேரடியாக கேள்விக்கே வருகின்றேன்.

வாய்காலில் தண்ணீர் சலசலவென்று ஓடுமா?

அண்மையில் உறவினர் ஒருவரின் வீட்டுக்கு சென்று கதைத்துக் கொண்டு இருக்கும் போது பிள்ளைகளுக்கு  தமிழ் படிப்பித்தல் பற்றி எம் உரையாடல் திரும்பியது. அப்போது அங்கு இருந்த தமிழறிவுள்ள தாத்தா "தம்பி வாய்க்காலில் தண்ணீர் சலசலவென்று ஓடுமா" எனக் கேட்டார்.

நான் இவர் ஏன் இப்படிக் கேட்கின்றார் என நினைத்து விட்டு, ஊரில் வீட்டு கிணற்றடியில் இருந்து பின் வளவில் உள்ள சிறு வீட்டுத் தோட்டத்துக்கு வெட்டப்பட்ட வாய்க்காலில் தண்ணீர் ஓடிய காட்சியை மனத்திரையில் கொண்டு வந்து பார்த்தேன். தண்ணீர் சலசலவென ஓடின மாதிரி நினைவு வர "ஓம் அப்படித்தானே ஓடும்" என கேள்விக் குறியுடன் அவரை பார்த்தேன்.

"இப்படித்தான் இங்குள்ள சிறுவருக்கான தமிழ் சொல்லிக் கொடுக்கும் புத்தகத்தில் எழுதி இருக்கு... அது பிழை. ஆற்றில் தான் தண்ணீர் சலசலவென ஓடும். வாய்க்காலில் மெதுவாகத்தான் போகும். இப்படி வாய்க்காலில் தண்ணீர் சலசலவென ஓடுகின்றது தவறான வர்ணணை" என்றார்.

பின் அவரே "இங்குள்ள  இங்கு தமிழ் கற்பிக்க ஆசிரியர்கள் எடுக்கும் முயற்சிகள் வரவேற்கத்தக்கது ...ஆனால் கொஞ்சம் இலக்கண சுத்தமாகவும் படிப்பித்தால் தான் இங்கும் தமிழ் செழுமை அடையும் என்றார்.

இவ்வளவு நாளும் எனக்கு தமிழ் மட்டும் தான் ஓரளவுக்கேனும் தெரியும் என நான் எண்ணிக் கொண்டு இருந்தன்.. இப்ப பார்த்தால் அதுவும் தகராறு போல் இருக்கு என மனசுக்குள் நினைத்துக் கொண்டேன்.

உண்மையில் அவர் சொன்னது சரியா? வாய்க்காலில் தண்ணீர் சலசலவென ஓடுகின்றது என சொல்வது தவறா? வேறு எப்படி அதைச் சொல்ல முடியும்?

ஆராவது என் சந்தேகத்தை கிளியர் பண்ணுங்கள்..

 

Link to post
Share on other sites
  • கருத்துக்கள உறுப்பினர்கள்

இதில் என்ன தவறு என்று விளங்கவில்லை.  எனக்குத் தெரிந்து, வாய்க்காலில் தண்ணீர் சல சல என ஓடியது என்று தான் சொல்வது. 

இதுக்கும் இலக்கணத்திற்கும் என்ன தொடர்பாம்? 

ஆனால், என்னுடைய கேள்வி, இங்குள்ள பிள்ளைகளுக்கு வாய்க்கால் தெரியுமா? 

தமிழ் கற்பிப்பார்கள் இங்கத்தைய நடைமுறைப் பயன்பாட்டில் உள்ள விடயங்களைக் கற்பித்தால், பிரயோசனமாக இருக்கும்.  மாணவர்களுக்கும் தொடர்பு படுத்திப் புரிந்து கொள்ள இலகுவாக இருக்கும்.  

Link to post
Share on other sites
  • கருத்துக்கள உறவுகள்

சலசல என்பது தமிழ் இலக்கணத்தில் இரட்டைக்கிளவி என்று அழைக்கப்படும். இரு சொற்கள் சேர்ந்தே வரும். தனித்து நின்றால் அச்சொல் பொருள் தராது. வினைச்சொல்லுக்கு அடைமொழியாய் முன்னால் அச் சொல்லியதை அழகுபடுத்தும். தமிழில் இப்படிப்பல சொற்கள் உள்ளன. ஆற்று நீர் அல்லது வாய்க்கால் நீரை இப்படிக்கு கூறுவர். அதன் வேகத்துக்குக் கூறுவதல்ல. நீரை நாம்கால்களால் லல்லது கைகளால் அளைந்தால்  ஏற்படும் ஒலிதான் அது.

தண்ணீர் ஆற்றில் ஓடிக்கொண்டிருக்கும் போதும் இதை உணரலாம்

ஆற்றின் கரையில் நின்று பாருங்கள் சலசல என்றுதான் கேட்கும்

Edited by மெசொபொத்தேமியா சுமேரியர்
  • Like 1
Link to post
Share on other sites
  • கருத்துக்கள உறவுகள்
15 minutes ago, Sabesh said:

இதில் என்ன தவறு என்று விளங்கவில்லை.  எனக்குத் தெரிந்து, வாய்க்காலில் தண்ணீர் சல சல என ஓடியது என்று தான் சொல்வது. 

இதுக்கும் இலக்கணத்திற்கும் என்ன தொடர்பாம்? 

ஆனால், என்னுடைய கேள்வி, இங்குள்ள பிள்ளைகளுக்கு வாய்க்கால் தெரியுமா? 

தமிழ் கற்பிப்பார்கள் இங்கத்தைய நடைமுறைப் பயன்பாட்டில் உள்ள விடயங்களைக் கற்பித்தால், பிரயோசனமாக இருக்கும்.  மாணவர்களுக்கும் தொடர்பு படுத்திப் புரிந்து கொள்ள இலகுவாக இருக்கும்.  

இங்கு கற்பிக்கும் போது மாணவர்களுக்கு உதாரணங்கள் கூறி, விளக்கம் கூறிப் படம் காட்டித்தான் கற்பிப்பது. 

Link to post
Share on other sites
25 minutes ago, Sabesh said:

தமிழ் கற்பிப்பார்கள் இங்கத்தைய நடைமுறைப் பயன்பாட்டில் உள்ள விடயங்களைக் கற்பித்தால், பிரயோசனமாக இருக்கும்.  மாணவர்களுக்கும் தொடர்பு படுத்திப் புரிந்து கொள்ள இலகுவாக இருக்கும்.  

எனது மகளைத் தமிழ் பள்ளிக் கூடத்திலிருந்து நிறுத்தி வீட்டில் தமிழ்ப்பாடம் சொல்லிக் கொடுக்கக் காரணம் திக்கித் திக்கித் தமிழ் பயின்றவளைத் திருக்குறள் பாடமாக்க வைத்ததுதான்.

  • Thanks 1
Link to post
Share on other sites
  • கருத்துக்கள உறுப்பினர்கள்
3 minutes ago, இணையவன் said:

எனது மகளைத் தமிழ் பள்ளிக் கூடத்திலிருந்து நிறுத்தி வீட்டில் தமிழ்ப்பாடம் சொல்லிக் கொடுக்கக் காரணம் திக்கித் திக்கித் தமிழ் பயின்றவளைத் திருக்குறள் பாடமாக்க வைத்ததுதான்.

நாங்களும் அறிவகத்திலிருந்து நிப்பாட்டியதற்கான காரணமும் இது போல..... வாய்க்குள் நுழையாத, பாவனையில் இல்லாத, கருத்து தெரியாத சொற்களைத் தமிழ் வளர்க்கிறோம் என்ற பெயரில் வியாபாரபடுத்தியதே. 

இப்போது இங்குள்ள local school board இல், உலக மொழிகள் கற்பிக்கும் பகுதியினூடாக கற்பிக்கும் தமிழ் வகுப்புக்கு அவர்களும் விரும்பிப் போடுறார்கள். 

  • Like 1
Link to post
Share on other sites
  • கருத்துக்கள உறவுகள்
2 minutes ago, இணையவன் said:

எனது மகளைத் தமிழ் பள்ளிக் கூடத்திலிருந்து நிறுத்தி வீட்டில் தமிழ்ப்பாடம் சொல்லிக் கொடுக்கக் காரணம் திக்கித் திக்கித் தமிழ் பயின்றவளைத் திருக்குறள் பாடமாக்க வைத்ததுதான்.

உங்கள் மகளுக்குக் கற்பித்த ஆசிரியர் அரைகுறையானவராக இருக்கலாம். அல்லது பட்டம் பெற்றும் கற்பித்தல் அணுகுமுறை தெரியாதவராக இருக்கலாம். அல்லது புதிய ஆசிரியராகக் கூட உங்கள் மகளின் இடர் அறியாது இருந்திருக்கலாம். ஆனால் நீங்கள் அவசரப்பட்டு பள்ளியை விட்டு நிறுத்தாது ஆசிரியருடனோ அல்லது தலைமையாசிரியரிடமோ கதைத்திருக்கலாம். கோபித்துக்கொண்டு உடனே பள்ளியை விட்டு நிறுத்திவிதிட்டீர்கள் எனில் தவறு உங்கள் பேரிலும் தான்.

 

Link to post
Share on other sites
  • கருத்துக்கள உறவுகள்
Just now, Sabesh said:

நாங்களும் அறிவகத்திலிருந்து நிப்பாட்டியதற்கான காரணமும் இது போல..... வாய்க்குள் நுழையாத, பாவனையில் இல்லாத, கருத்து தெரியாத சொற்களைத் தமிழ் வளர்க்கிறோம் என்ற பெயரில் வியாபாரபடுத்தியதே. 

இப்போது இங்குள்ள local school board இல், உலக மொழிகள் கற்பிக்கும் பகுதியினூடாக கற்பிக்கும் தமிழ் வகுப்புக்கு அவர்களும் விரும்பிப் போடுறார்கள். 

பயன்பாட்டில் இல்லாத பழைய தமிழ்ச் சொற்களை மீண்டும் பாடநூல்களில் சேர்த்து தமிழ் நூல்களை தனித்த தமிழாக்க கொண்டுவரும் முயற்சி பல இடங்களில் நடைபெற்றுக்கொண்டிருக்கிறது. நாம் வடசொற்களை தமிழ்ச் சொல் என்று நினைத்துக் கற்றவர்கள். எமக்கு மனதில் பதிந்துள்ள சொற்களின் தமிழ் சொல்லை பார்க்கும்போது இது என்ன கடினமான புதிய சொல் என்று எமக்குத்தான் தோன்றுமேயன்றி புதிதாகத் தமிழைக் கற்கும் ஒரு மாணவருக்கு அல்ல. இந்தத் தெளிவு பல பெற்றோரிடம் இல்லாதகாரணத்தால் எதோ தங்கள் பிள்ளைகள் கொடுமைப்படுத்தப்படுவதான கற்பிதத்துடன் பிள்ளைகளை உடனே பள்ளியை விட்டு நிறுத்திவிடுவார்.

இதுவே அவர்களின் ஆரம்பப் பள்ளியில் எந்தக் கடினமான சொல்லை பிள்ளைகளுக்குச் சொல்லிக்கொடுத்தாலும் அத்திப்பற்றிக் கவலை கொள்வதுமில்லை. பள்ளியை விட்டு நிப்பாட்டுவதுமில்லை.  😃

  • Like 3
  • Confused 1
Link to post
Share on other sites
  • கருத்துக்கள உறவுகள்
4 hours ago, Sabesh said:

இதில் என்ன தவறு என்று விளங்கவில்லை.  எனக்குத் தெரிந்து, வாய்க்காலில் தண்ணீர் சல சல என ஓடியது என்று தான் சொல்வது. 

இதுக்கும் இலக்கணத்திற்கும் என்ன தொடர்பாம்? 

ஆனால், என்னுடைய கேள்வி, இங்குள்ள பிள்ளைகளுக்கு வாய்க்கால் தெரியுமா? 

தமிழ் கற்பிப்பார்கள் இங்கத்தைய நடைமுறைப் பயன்பாட்டில் உள்ள விடயங்களைக் கற்பித்தால், பிரயோசனமாக இருக்கும்.  மாணவர்களுக்கும் தொடர்பு படுத்திப் புரிந்து கொள்ள இலகுவாக இருக்கும்.  

சல சல என ஓடுவதற்கு நிலம் மேடு பள்ளத்துடன் இருக்க வேண்டும். பொதுவாக வாய்க்கால் அவ்வாறு இருப்பதில்லை.

ஆனால் கடைசிப் பந்தியில் நீங்கள் கூறியது 100% சரியானது. தொலைக் காட்சி வருவதற்கு முன்னர் பருவகாலங்கள் நான்கில் (Winter and Fall) என்னவென்றே விளங்கவில்லை.  ஊசியிலைக் காடு என்பதும் மற்றொன்று.

  • Like 1
Link to post
Share on other sites
  • கருத்துக்கள உறவுகள்
5 hours ago, இணையவன் said:

எனது மகளைத் தமிழ் பள்ளிக் கூடத்திலிருந்து நிறுத்தி வீட்டில் தமிழ்ப்பாடம் சொல்லிக் கொடுக்கக் காரணம் திக்கித் திக்கித் தமிழ் பயின்றவளைத் திருக்குறள் பாடமாக்க வைத்ததுதான்.

நம்மட கதையும் அதுவே இப்படித்தான் இரட்டை கிழவிகள் பற்றி அறியாத ஒன்று பிள்ளைகளுக்கு பாடம் எடுக்க அன்றே நிப்பாட்டி பிரைவேட்டா சோதனை எழுதவைக்க அதிவிசேட சித்தியுடன் பாஸ் பண்ணியுள்ளார்கள் என்னை பொறுத்தவரை தமிழ் பள்ளிகள் என்பது பலரின் தன்மான பிரச்சனைகளின் வடிகால் அங்கு செல்லும் பிள்ளைகளை கேட்டு பாருங்கள் தமிழை விட கஷ்ட்டமான மொழி ஸ்பெயினும் பிரான்சும் படிக்க விருப்ப படுங்கள் தமிழ் வேண்டாம் என்று அழுது கொள்ளுங்கள் காரணம் எப்படி இலகுவாக தமிழ் படிப்பிப்பது என்பது தெரியாமல் போனது துரதிர்ஷ்டவசமாக அமைந்த ஒன்று .

தமிழ் சொல்லிகொடுப்பதும் ஒரு கலை 

ஊரில் ஒவ்வொரு பாட வாத்தியும் மாணவர்களின் மனதில் தங்களின் பாடம் நிக்கணும் என்பதுக்காக விதம் விதமாய் யோசித்து பாடம் நடத்துவார்கள் .

இங்கு தமிழ் படிக்க விரும்பாத பிள்ளையை ஏன் என காரணம் கேட்டபோது அது சொல்கிறது தமிழில் மாத்திரம் தண்டனைகள் கடுமையாக உள்ளது அதனால் விளங்கி கொள்வது கஷ்ட்டமாக உள்ளது . தமிழ் பாடம் எடுக்கும் முன் மாணவர்களை விளங்கி கொள்ளனும் ஆசிரியர்கள் .

  • Like 3
Link to post
Share on other sites
  • கருத்துக்கள உறுப்பினர்கள்
7 hours ago, நிழலி said:

சரி..நேரடியாக கேள்விக்கே வருகின்றேன்.

வாய்காலில் தண்ணீர் சலசலவென்று ஓடுமா?

அண்மையில் உறவினர் ஒருவரின் வீட்டுக்கு சென்று கதைத்துக் கொண்டு இருக்கும் போது பிள்ளைகளுக்கு  தமிழ் படிப்பித்தல் பற்றி எம் உரையாடல் திரும்பியது. அப்போது அங்கு இருந்த தமிழறிவுள்ள தாத்தா "தம்பி வாய்க்காலில் தண்ணீர் சலசலவென்று ஓடுமா" எனக் கேட்டார்.

நான் இவர் ஏன் இப்படிக் கேட்கின்றார் என நினைத்து விட்டு, ஊரில் வீட்டு கிணற்றடியில் இருந்து பின் வளவில் உள்ள சிறு வீட்டுத் தோட்டத்துக்கு வெட்டப்பட்ட வாய்க்காலில் தண்ணீர் ஓடிய காட்சியை மனத்திரையில் கொண்டு வந்து பார்த்தேன். தண்ணீர் சலசலவென ஓடின மாதிரி நினைவு வர "ஓம் அப்படித்தானே ஓடும்" என கேள்விக் குறியுடன் அவரை பார்த்தேன்.

"இப்படித்தான் இங்குள்ள சிறுவருக்கான தமிழ் சொல்லிக் கொடுக்கும் புத்தகத்தில் எழுதி இருக்கு... அது பிழை. ஆற்றில் தான் தண்ணீர் சலசலவென ஓடும். வாய்க்காலில் மெதுவாகத்தான் போகும். இப்படி வாய்க்காலில் தண்ணீர் சலசலவென ஓடுகின்றது தவறான வர்ணணை" என்றார்.

பின் அவரே "இங்குள்ள  இங்கு தமிழ் கற்பிக்க ஆசிரியர்கள் எடுக்கும் முயற்சிகள் வரவேற்கத்தக்கது ...ஆனால் கொஞ்சம் இலக்கண சுத்தமாகவும் படிப்பித்தால் தான் இங்கும் தமிழ் செழுமை அடையும் என்றார்.

இவ்வளவு நாளும் எனக்கு தமிழ் மட்டும் தான் ஓரளவுக்கேனும் தெரியும் என நான் எண்ணிக் கொண்டு இருந்தன்.. இப்ப பார்த்தால் அதுவும் தகராறு போல் இருக்கு என மனசுக்குள் நினைத்துக் கொண்டேன்.

உண்மையில் அவர் சொன்னது சரியா? வாய்க்காலில் தண்ணீர் சலசலவென ஓடுகின்றது என சொல்வது தவறா? வேறு எப்படி அதைச் சொல்ல முடியும்?

ஆராவது என் சந்தேகத்தை கிளியர் பண்ணுங்கள்..

 

வாய்க்கால் ஆறுகளில் நீர் சலசலவென்று ஓடுவது பொருத்தமற்ற வர்ணணை தான். கிழை ஆறுகளில் தான் இவ்வாறான சத்தம் வரும். ஒரு ஆற்றில் இருந்து பிரிந்து சொல்லும் சிறிய நீரோடை  அல்லது ஆற்றுக்கு வந்நு சேரும் சிறிய நீரோடை களுக்கு பொருத்தமான வர்ணணை. பெரும் நீர்பாசன வய்க்கால்களில் நீர் அமைதியாக ஓடும் அதிலிருந்து வயலுக்கு செல்லும் சிறிய கால்வாயில் அதிக சத்தம் வரும். நீரோடைக்கு பொருத்தமான வர்ணணை. 

Link to post
Share on other sites
  • கருத்துக்கள உறவுகள்

"இளமையிற் கல்வி சிலையில் எழுத்து" என்பார்கள்......தமிழில் "ல" வில் பல, "ன"  வில் பல ,என பல ஒலிகளுடன் கூடிய எழுத்துக்கள் உள்ளன.திருக்குறள்,தேவாரங்கள் போன்றவற்றில் அவை சந்தத்துடன்,எதுகை மோனையுடன்  சேர்ந்து வரும்.அவைகளை சத்தமாய் படிக்கும் போதுதான் பிள்ளைகளுக்கு நாக்கு அதற்கேற்றவாறு புரளும். இதில வடமொழி இருக்கு அதில மதம் இருக்கு என்று எல்லாவற்றிலும் நுனுக்கம் பார்த்தால் நட்டம் குறளுக்கோ தேவாரத்துக்கோ அல்ல .........!

நான் பிரான்ஸ் வந்து இருபது வருடங்களுக்கு மேலாகி விட்டது. இன்றுவரை பிரெஞ்சில்  "R ",  "U", "O" "é", " è" "ç" "à" போன்ற எழுத்துக்கள் என்னால் சரியாக உச்சரிக்க முடியவில்லை. இங்கேயும் பாடசாலைகளில் இப்படி சரியாக உச்சரிக்காத பிள்ளைகளை விசேஷமாக பயிற்சி பெற்ற ஆசிரியரிடம் ( orthophonique) அனுப்பி வைக்கிறார்கள்.பெரிய வகுப்புகளில் படிக்கும் பிள்ளைகள் கூட அங்கு வருகிறார்கள்.இதில் சிறப்பாம்சம் என்னவென்றால் அந்த ஆசிரியர் ஒரு நேரத்தில் ஒன்று அல்லது இரண்டு மாணவனுக்கு மட்டுமே வகுப்பு எடுக்கிறார்.அதுவும் பாடசாலை நேரத்திலேயே.இணையவனுக்கும் இவை தெரிஞ்சிருக்கும்.

பாடசாலைகளில் பாடநூல்களை வைத்து அதன் பிரகாரம்தான் சொல்லிக் கொடுக்கிறார்கள்.சந்தேகம் இருந்தால் ஆசிரியர்களுடன் கதைத்து அவற்றை நிவர்த்தி செய்ய வேண்டும்.அதுதான் நல்லது.....!

  • Like 1
Link to post
Share on other sites
  • கருத்துக்கள உறவுகள்

என்னை பொறுத்தவரை உங்கள் நண்பர் சொன்னது சரியும் பிழையும்.

என்ன குழப்பமாக இருக்கிறதா?

சலசலப்பு என்றால் என்ன? சத்தம். ஆங்கிலத்தில் சொல்வதானால் commotion.

சலசலப்பு என்ற சொல்லிற்கு அண்ணித்த, ஒலியை குறிக்கும் இரெட்டை கிளவியே சலசல.

வீட்டில் கிணற்றடியில் இருந்து தோட்டத்தில் இருக்கும் செடிகளுக்கு ஓடும் சின்ன வாய்க்காலில் நீர் சலசலத்து ஓடாது.

ஆனால் யாழில் வழுக்கை ஆறு பாயும் வாய்கால்களில், வன்னியில் குளங்களில் இருந்து வெளியேறும் வாய்கால்களில், மாரி காலத்தில் வெள்ளம் சலசலத்து மட்டும் இல்லை, கரைபுரண்டும் ஓடும்.

ஆகவே வாய்காலில் ஓடும் நீர் சல, சல என்று ஓடுகிறது, நிசப்தமாக ஓடுகிறதா என்பது, வாய்காலின் அளவு, நீரின் பெருக்கை வைத்து வாய்க்காலுக்கு, வாய்க்கால் வேறுபடும். 

சில வாய்காலில் நீர் சலசல என ஓடாது, ஆனால் சிலதில் ஓடும்.

 

Edited by goshan_che
Link to post
Share on other sites
  • கருத்துக்கள உறவுகள்

சல சல  என்பது காரணப்பொருள்  அல்ல

சல  சல என்ற  சத்தத்தை காரணமாகக்கொண்டதல்ல

அதன் அழகை  அல்லது நெளிவு சுளிவின் தன்மையை  விளக்குவதாக  இருக்கலாம்

எனது தகப்பனார் பாத்தி கட்டி வழி  மறித்து  விடும் போது தண்ணீர் சல சலவென்று  ஓடுவதைக்கண்டிருக்கின்றேன்.

அப்புறம் தமிழ் இலக்கியவாதிகள்  சொல்லட்டும் 

Link to post
Share on other sites
  • கருத்துக்கள உறவுகள்
52 minutes ago, விசுகு said:

சல சல  என்பது காரணப்பொருள்  அல்ல

சல  சல என்ற  சத்தத்தை காரணமாகக்கொண்டதல்ல

அதன் அழகை  அல்லது நெளிவு சுளிவின் தன்மையை  விளக்குவதாக  இருக்கலாம்

எனது தகப்பனார் பாத்தி கட்டி வழி  மறித்து  விடும் போது தண்ணீர் சல சலவென்று  ஓடுவதைக்கண்டிருக்கின்றேன்.

அப்புறம் தமிழ் இலக்கியவாதிகள்  சொல்லட்டும் 

சத்தத்தைக் காரணமாகக் கொண்டதல்ல என்று சொல்லிவிட்டு உடனேயே பாத்திகட்டிய தண்ணீர் சலசலத்து ஓடுவதைக் கண்டிருக்கின்றேன் என்று முரண்படுகின்றீர்கள் விசுகு ஐயா😂🤣

நீங்கள் சலசலத்து ஓடுவதைக் காதால்தான் கண்டிருக்கின்றீர்கள்!!😬

இரட்டைக்கிளவியை விளங்க அழகுராணி ஐஸ்வர்யா ராய் சொல்வதைக் கேளுங்கள்😀

சலசல சலசல இரட்டைக் கிளவி தகதக தகதக
இரட்டைக் கிளவி
உண்டல்லோ தமிழில் உண்டல்லோ
பிரித்து வைத்தல் நியாயம் இல்லை பிரித்துப் பார்த்தால்
பொருளும் இல்லை
இரண்டல்லோ இரண்டும் ஒன்றல்லோ”

 

 

Link to post
Share on other sites
  • கருத்துக்கள உறவுகள்
46 minutes ago, விசுகு said:

சல சல  என்பது காரணப்பொருள்  அல்ல

சல  சல என்ற  சத்தத்தை காரணமாகக்கொண்டதல்ல

அதன் அழகை  அல்லது நெளிவு சுளிவின் தன்மையை  விளக்குவதாக  இருக்கலாம்

எனது தகப்பனார் பாத்தி கட்டி வழி  மறித்து  விடும் போது தண்ணீர் சல சலவென்று  ஓடுவதைக்கண்டிருக்கின்றேன்.

அப்புறம் தமிழ் இலக்கியவாதிகள்  சொல்லட்டும் 

சலசல என்பது பெயர்ச்சொல் இல்லை. எனவே காரணப்பெயரா, இடுகுறி பெயரா என்ற கோணத்தில் இதை அணுக முடியும் என நான் நினைக்கவில்லை.

“பனங்காட்டு நரி சலசலப்புக்கு அஞ்சாது” என்ற பழமொழியில் சலசலப்பு என்பது யாது? பனங்காட்டில், பற்றைகளுக்கு இடையா எழும் சலசல எனும் இனம்புரியா ஒலியை கேட்டு அந்த காட்டிலேயே தினமும் வாழும் நரி அஞ்சாது என்பதே.

ஆகவே சலசல என்பது எழும்பும் ஒலியின் அடிப்படையில் அமைந்த ரெட்டைகிளவியே. 

ஆனால் இரெட்டைகிளைவிகள் எப்போது ஒலியின் அடிப்படையில் மட்டுமே அமைவனவும் அல்ல.

பாம்பு சரசர என ஓடியது, என்பதில் சரசர வின் அடிப்படை ஒலி.

பிரியாணி கமகம என மணந்தது என்பதில் கமகம வின் அடிப்படை மணம்.

அவளின் தொடுகை எனக்கு கிளுகிளுப்பாக இருந்தது என்பதில் அடிப்படை தொடுகை உணர்ச்சி,

மக்கள் திபுதிபு என உள்வந்தனர் என்பதில் எந்த உணர்சியும், உணர்வையும் அடிப்படையாக கொள்ளாமல் - கண்களால் காணும் விபரணம் திபுதிபுவின் அடிப்படையாகிறது.

நிழலியின் நண்பர் கால்வாயில் நீர் சலசலத்து ஓடாது என கூறியமைக்கு காரணம் -அவர் மனதில் தோன்றியது தோட்டத்தின் சின்ன கால்வாய்.

ஆறைவிட, ஓடையைவிட, நதியை விட ஆக்ரோசமாக நீர் ஓடும் கால்வாய்களும் உள்ளனவே? ஓடையில் ஓடும் நீர் சலசலக்கும் ஆனால் அதை விட பெரிய கால்வாயில் ஓடும் நீர் சலசலக்காது என்பது சரியாகப்படவில்லலை.

 

  • Like 3
Link to post
Share on other sites

ஆகவே வாய்க்காலில் நீர் சலசலவென ஓடுவது சரியான வர்ணனை என புலப்படுகின்றது. அத்துடன் இது ஒலியின் அடிப்படையில் அமைந்த இரட்டைக் கிளவி என்பதும் தெளிவாகின்றது.

  • Like 2
Link to post
Share on other sites
  • கருத்துக்கள உறவுகள்

நினைத்துப்பார்த்தால், ரெட்டைகிளவிகள் எல்லாம் ஏதோ ஒரு புலனுணர்வின் அடிப்படையில் அமைவதாகவே படுகிறது.

குசுகுசு/ சலசல/சரசர/ நறநற ....ஒலி

கசகச (வேர்வை), சிலுசிலு (காற்று), கிளுகிளு..... -தொடுகை

திபுதிபு (கூட்டம்) /புஸுபுஸு (என அழகான நாய்குட்டி)/ செவசெவ (நிறம்) , மொழுமொழு......பார்வை

சுவைக்கும், மணத்துக்கும்தான் அதிகம் இரெட்டைகிளவிகள் இல்லை? 

கமகம ஒன்றை மட்டுமே யோசிக்க முடிகிறது.

சிச்சுவேசன் சாங் கீழே👇

 

 

 

Link to post
Share on other sites
21 minutes ago, goshan_che said:

நினைத்துப்பார்த்தால், ரெட்டைகிளவிகள் எல்லாம் ஏதோ ஒரு புலனுணர்வின் அடிப்படையில் அமைவதாகவே படுகிறது.

குசுகுசு/ சலசல/சரசர/ நறநற ....ஒலி

கசகச (வேர்வை), சிலுசிலு (காற்று), கிளுகிளு..... -தொடுகை

திபுதிபு (கூட்டம்) /புஸுபுஸு (என அழகான நாய்குட்டி)/ செவசெவ (நிறம்) , மொழுமொழு......பார்வை

சுவைக்கும், மணத்துக்கும்தான் அதிகம் இரெட்டைகிளவிகள் இல்லை? 

கமகம ஒன்றை மட்டுமே யோசிக்க முடிகிறது.

சிச்சுவேசன் சாங் கீழே👇

 

 

பிரித்துப் பார்த்தால் பொருள் இல்லாமல் இருப்பது தான் இரட்டைக் கிளவி என்றால் குசுகுசு இரட்டைக்கிளவியிற்குள் அடங்காது தானே 😄

  • Like 1
  • Haha 2
Link to post
Share on other sites
  • கருத்துக்கள உறவுகள்

கலகல என்டு சிரித்தாள்😄

Quote
Quote

 

 

 

Link to post
Share on other sites

அவள் – இரட்டைக்கிளவி

சலசல எனவரும் சலங்கைகள்
கலகல கவரும் பேச்சுகள்
துறுதுறு செல்லும் விழிகள்
படபட படக்கும் இமைகள்
கமகம மணக்கும் மல்லிகைகள்
மினுமினு மின்னும் கன்னம்
பளபள இருக்கும் கண்ணும்
கிளுகிளு கிளம்பும் உருவம்
சிலுசிலு அடிக்கும் காத்தும்
குடுகுடு வரும் கிழவனுக்கும்
தடதட அடிக்கும் இதயம்
தைதை தாளத்தில் மனசும்
சுடசுட நெஞ்சம் கொதிக்கும்
திபுதிபு இளையர் கூட்டம்
சரசர எண்ணிக்கை கூடும்
மசமச அவள்பின்னே நிற்கும்
வழவழ பலவும் பேசும்
திருதிரு சிலவிழிகள் பிதுங்கும்
கிறுகிறு தலையும் சுற்றும்
முணுமுணுக்கும் அவள் பெயரும்

  • Like 1
Link to post
Share on other sites
  • கருத்துக்கள உறவுகள்
4 hours ago, கிருபன் said:

சத்தத்தைக் காரணமாகக் கொண்டதல்ல என்று சொல்லிவிட்டு உடனேயே பாத்திகட்டிய தண்ணீர் சலசலத்து ஓடுவதைக் கண்டிருக்கின்றேன் என்று முரண்படுகின்றீர்கள் விசுகு ஐயா😂🤣

நீங்கள் சலசலத்து ஓடுவதைக் காதால்தான் கண்டிருக்கின்றீர்கள்!!😬

இரட்டைக்கிளவியை விளங்க அழகுராணி ஐஸ்வர்யா ராய் சொல்வதைக் கேளுங்கள்😀

சலசல சலசல இரட்டைக் கிளவி தகதக தகதக
இரட்டைக் கிளவி
உண்டல்லோ தமிழில் உண்டல்லோ
பிரித்து வைத்தல் நியாயம் இல்லை பிரித்துப் பார்த்தால்
பொருளும் இல்லை
இரண்டல்லோ இரண்டும் ஒன்றல்லோ”

 

 

முதலில் எழுதியிருப்பதை  வாசியுங்களப்பா

கண்டிருக்கின்றேன்  என்று  தானே எழுதியிருக்கின்றேன்

 

கீழே  கோசாண் விரிவாக  தந்துள்ளார்

ஆறைவிட, ஓடையைவிட, நதியை விட ஆக்ரோசமாக நீர் ஓடும் கால்வாய்களும் உள்ளனவே? ஓடையில் ஓடும் நீர் சலசலக்கும் ஆனால் அதை விட பெரிய கால்வாயில் ஓடும் நீர் சலசலக்காது என்பது சரியாகப்படவில்லலை.

நன்றி  சகோ

Link to post
Share on other sites
  • கருத்துக்கள உறவுகள்

இரட்டை கிளவி சொற்களும் அதன் பொருள்களும்

01. கத கத - விரைவாக
02. கடகட - விரைவாக, ஒலிக்குறிப்பு
03. கரகர - காய்ந்து இருத்தல்
04. கம கம - மணம் வீசுதல்
05. கண கண - உடம்புச் சூடு
06. கலகல - சிரிப்பு
07. கடுகடு - போபமாக பேசுதல்
08. கறகற - தொந்தரவு
09.கலீர் கலீர் - சலங்கையொலி
10. கணீர் கணீர் - மணி ஒலி
11. கிணு கிணு - மெல்ல இரைதல்
12. கிறுகிறு - விரைவாக /சுற்றுதல்
13.  கிளு கிளு - சிரித்தல் / மகிழ்ச்சி
14. கிடுகிடு - விரைவாக /அச்சம்
15. கீச்சுகீச்சு - ஒலிக்குறிப்பு (பறவைகளின் ஒலி)
16. கீர்கீர் - ஒலிக்குறிப்பு (கத்துதல்)
17. குடுகுடு - விரைந்தோடித் திரிதல், நடத்தல்
18. குளுகுளு - தென்றல் காற்று / குளிர்
19. குபீர் குபீர் - குருதி பாாய்தல்
20. குறு குறு - மனம் உறுத்துதல்
21. குசுகுசு - ரகசியம் பேசுதல்
22. குமுகுமு - மிக மணத்தல்
23. குபுகுபு - புகை கிளம்புதல்
24. கொழு கொழு - பருத்தல்
25. சட சட - ஒலிக்குறிப்பு (பரபரத்தல்), சிறகுகளை அடித்துக் கொள்ளல், முறிதல்
26. சடார் சடார் - பொருட்கள் மோதுதல்/விழுதல்
27. சரசர - ஒலித்தல் ,உரசல் ஒலி
28. சலசல - ஒலிக்குறிப்பு , நீரின் ஓசை
29. சளசள - ஓயாத இரைச்சல் பேச்சு
30. சிலீர் சிலீர் - குளிர்தல்
31. சிடுசிடு - எரிச்சல் கலந்த கோபம்
32.  சுள்சுள் - வலித்தல்
33. சுறு சுறு - கோபம்
34. டாங்டாங் - ஒலிக்குறிப்பு (மணி ஒலி)
35. தடதட - நாத்தட்டுதல், முரட்டுத்தனமாக
36.  தரதர - தரையில் உராயும் வகையில் இழுத்தல்
37. தளதள - இளக்கம், சோபை
38. தழுதழு - நாத்தடுமாறுதல்
39. தகதக - ஜொலிப்பு ,எரிதல் , மின்னுதல்
40. திருதிரு - அச்சம் ,முழித்தல்
41. திடு திடு - விரைவான ஓட்டம்
42. துடு துடு - ஒலிக்குறிப்பு
43. துருதுரு - சுறுசுறுப்பு
44. துடி துடி - இரங்குதல் ,வலியால் அவதியுறல்
45. தொளதொள - இறுக்கமின்மை
46.  தொண தொண - இடைவிடாது பேசுதல்
47. நறு நறு - கோபம்
48. நற நற - பல்லைக் கடித்தல்
49. நெருநெரு - உறுத்தல்
50. நொளுநொளு - குழைவு
51. பள பள - மினுங்குதல்
52. பரபர - நிதான இழப்பு ,அவசரம் ,வேகமாக செயற்படல்
53. பகபக - வேக குறிப்பு
54. பளிச் பளிச் - மின்னுதல்
55. படபட - இதயத்துடிப்பு
56. பளார் பளார் - கன்னத்தில் அறைதல்
57. பளீர் பளீர் - மின்னல்
58. பிசுபிசு - பசைத்தன்மை
59. புறு புறு - முணுமுணுத்தல்
60. பொல பொல - கண்ணீர் வடிதல்
61. பொலுபொலு - உதிர்தல்
62. மடமட - வேகமாக நீர் குடித்தல்
63. மளமள - முறிதல்
64. மினுமினு - பிரகாசித்தல், மிளிர்தல்
65. மெது மெது - மென்மை
66. மொழு மொழு - வளர்ச்சி
67. மொறமொற - மிகக் காய்தல்
68. மொர மொர - கடித்தல்
69. வழவழ - உறுதியின்மை
70. வளவள - பயனின்றி பேசுதல்
71. வளுவளு - நொளு நொளுத்தல்
72. விதிர்விதிர் - அச்சம்
73. விசுக் விசுக் - வேகநடை
74. விண் விண் - வலித்தல்
75. விடுவிடு - வேகமாக
76. விறுவிறு - வேகமாக, பரபரப்புடன்
77. வெடுவெடு - கோபமான பேச்சு்
78. வெதுவெது - இளஞ்சூடு
79. வெலவெல - நடுங்குதல், பதறுதல்

இணையத்தில் எடுத்தது

 
Edited by மெசொபொத்தேமியா சுமேரியர்
  • Like 1
  • Thanks 1
Link to post
Share on other sites
  • கருத்துக்கள உறவுகள்

இதில் சடார், சிலீர், கலீர், கணீர் போன்றன இரட்டை சொற்களாய் பாவிக்கப்பட்டாலும், தனித்தும் பொருள் தருவதால் அவை இரட்டை கிளவிகள் அல்ல என்றே நினைக்கிறேன்.

உ+ம்

பெரும் காற்றில் ஆல மரம் சடாரெனெ முறிந்தது 

ஓடையின் நீர் அந்த அதிகாலையில் அவன் முகத்தில் பட்டபோது, சிலீரென்றிருந்தது

நிசப்தமாய் இருந்த அந்த அறையில் அவளின் ஒற்றை சலங்கை மட்டும் கலீர் என்ற ஒலியை ஏற்படுத்தியது

சிறுவயது முதலே அவன் கணீரென்ற குரலில் தேவாரம் பாடுவது வழக்கம்.

 

7 hours ago, நிழலி said:

பிரித்துப் பார்த்தால் பொருள் இல்லாமல் இருப்பது தான் இரட்டைக் கிளவி என்றால் குசுகுசு இரட்டைக்கிளவியிற்குள் அடங்காது தானே 😄

இரெட்டைகிளவிக்குள் மட்டு அல்ல ஐயா, இது எங்கேயும், எப்போதும் அடங்காது 😅

  • Haha 2
Link to post
Share on other sites
  • கருத்துக்கள உறவுகள்
10 hours ago, goshan_che said:

 

 

இரெட்டைகிளவிக்குள் மட்டு அல்ல ஐயா, இது எங்கேயும், எப்போதும் அடங்காது 😅

பறிஞ்சிடும்......வெட  வெட என தொடைகளும் நடுங்கிடும்.....!  😂 

  • Haha 1
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • துப்பாக்கிச் சூட்டில் மாகந்துர மதூஷ் உயிரிழப்பு By Sayan   மாளிகாவத்தை – எப்பல்வத்த பகுதியில் இன்று (செவ்வாய்க்கிழமை) அதிகாலை நடத்தப்பட்ட பரஸ்பர துப்பாக்கிச் சூட்டில் பிரபல போதைப் பொருள் வர்த்தகர் மாகந்துர மதூஷ் உயிரிழந்துள்ளார்.மாளிகாவத்தை வீட்டுத் தொகுதியில் 22 கிலோகிராம் ஹெரோயின் இருப்பதாக பொலிஸாருக்கு கிடைத்த தகவலையடுத்து, கொழும்பு குற்றத்தடுப்புப் பிரிவினர் மாகந்துர மதூஷை அந்த இடத்திற்கு அழைத்துச் சென்றுள்ளனர்.இதன்போது அங்கிருந்த போதைப்பொருள் வர்த்தகர்கள் துப்பாக்கி பிரயோகத்தை மேற்கொண்டுள்ளனர்.இதனை அடுத்து அவர்களுடன் இடம்பெற்ற துப்பாக்கி பிரயோகத்தில் மாகந்துர மதூஷ் மற்றும் கொழும்பு குற்றத்தடுப்புப் பிரிவின் அதிகாரி ஒருவர் மீது தோட்டாக்கள் பாய்ந்துள்ளன.இந்தச் சம்பவத்தில் மாகந்துர மதூஷ் உயிரிழந்துள்ளதாக தெரிவிக்கப்படுகின்றது.   http://www.battinews.com/2020/10/drug-kingpin-makandure-madush-shot-dead-in-maligawatta.html
    • கோபத்தால் பறிபோன மூன்று உயிர்கள் ! நடந்தது என்ன ? முழு விபரம் By Sayan   கோபத்தில் எடுக்கப்படும் எந்தவொரு முடிவும் விபரீதத்தையே தரும் என்பார்கள். அதுபோலவே நவராத்திரி தினத்தின் முதல் நாளான சனிக்கிழமை அதிகாலை 4 மணியளவில் வவுனியாவில் இடம்பெற்ற முக்கொலைச் சம்பவம் பதிவாகியுள்ளது.   வவுனியா பிரதேச செயலக பிரிவுக்குட்பட்ட மீள்குடியேற்ற கிராமமான ஓமந்தை - இலுப்பைக்குளம் என்ற கிராமம் அமைந்துள்ளது. தினமும் நாட் கூலி வேலை, காடுகளுக்குச் சென்று வருமானம் தேடல் என அந்த மக்களின் நாளாந்த சீவியம் போராட்டத்துடனேயே சென்று கொண்டிருக்கின்றது.   அத்தகையதொரு போராட்டத்திற்கு மத்தியில் தமது வாழ்க்கையை கொண்டுநடத்திக் கொண்டிருக்கும் அக் கிராமத்தில் இரட்டைக் கொலை சம்பவம் காயமடைந்த மற்றைய நபரும் நேற்று உயிரிழந்த நிலையில் முக்கொலையாக பதிவாகியுள்ளது.   சந்தேகநபரான அந்த கிராமத்தைச் சேர்ந்த 30 வயது இளைஞன் கைது செய்யப்பட்டு விளக்கமறியலில் வைக்கப்பட்டுள்ளார். இக் கொலை தொடர்பில் கைது செய்யப்பட்டு விளக்கமறியலில் வைக்கப்பட்டுள்ள சந்தேகநபர் வழங்கிய குற்ற ஒப்புதல் வாக்குமூலத்தை அடிப்படையாக கொண்ட ஒரு அலசலே இது.   வவுனியா, ஓமந்தை - மாணிக்களவுப் பகுதியில் உள்ள மாணிக்கர் இலுப்பைக்குளம் என்ற பகுதியில் தம்பா என்றழைக்கப்படும் கோபால் குகதாசன் (வயது 42) தனது நான்கு பிள்ளைகளுடனான குடும்பத்துடன் வாழ்ந்து வந்தார்.   கடந்த வெள்ளிக்கிழமை மாங்குளம், ஒட்டிசுட்டான் வீதியின் 9 ஆம் கட்டைப் பகுதியில் உள்ள மேலியாவனம் என்ற கிராமத்தில் வசிக்கும் மச்சான் முறை உறவினரான சிவனு மகேந்திரன் (வயது 34) என்வரும், அவரது நண்பரான சு.சிவகரன் (வயது 41 ) என்பவரும் தம்பாவின் வீட்டிற்கு வருகை தந்தனர்.   வருகைதந்த அவர்கள் தம்பாவின் அயலவர்களிடம் உழவு இயந்திரம் ஒன்றை விரைவில் அனுராதபுரத்தில் கொள்வனவு செய்யவுள்ளதாகவும், இன்று தம்பாவைப் பார்த்து விட்டு போவோம் என வந்ததாகவும் தெரிவித்துள்ளனர்.   வந்தோரை வரவேற்கும் தமிழர் பண்பாட்டை பின்பற்றிய தம்பாவும் தனது மச்சானுக்கும், அவரது நண்பருக்கும் விருந்து கொடுக்க தீர்மானித்தார். கோழி சமைத்து சாப்பாடு வழங்கியதுடன், மதுப்பாட்டி ஒன்றுக்கும் ஏற்பாடு செய்தார்.   மாணிக்கர் இலுப்பைக்குளம் பகுதியில் தம்பா கட்டிய புதிய வீடு எவரும் இன்றி இருந்தது. அந்த வீட்டில் மது விருந்துக்கும் ஏற்படாகியிருந்தது. வெள்ளிக்கிழமை மாலை 7.30 மணிக்கு ஆரம்பமாகிய மதுப் பாட்டி சனிக்கிழமை அதிகாலை 2 மணி தாண்டியும் நீடித்துள்ளது.   குறித்த பாட்டி நடந்த வீட்டில் இருந்து 300 மீற்றர் தூரத்தில் உள்ள வீட்டில் 30 வயதுடைய கண்ணன் (பெயர் மாற்றப்பட்டுள்ளது) வசித்து வருகின்றார். 1995 ஆம் ஆண்டு நாட்டு யுத்தம் காரணமாக இந்தியாவுக்கு தாய், தந்தையுடன் சென்று அங்கு படித்து வந்த கண்ணன் 2015 ஆம் ஆண்டு சட்டவிரோதமாக கடல் மூலம் அவுஸ்ரேலியா சென்றபோது கைது செய்யப்பட்டார்.   கிறிஸ்மஸ் தீவில் 2 வருடம் தடுத்து வைக்கப்பட்டு, 2017 ஆம் ஆண்டு இலங்கைக்கு அனுப்பப்பட்டிருந்தார். அதன் பின் தாய், தந்தையரின் தொடர்பின்றி தாயாரின் காணியில் உள்ள மாணிக்கர் இலுப்பைக்குளம் வீட்டில் தனிமையில் வாழ்ந்து வந்துள்ளார்.   கூலி வேலைக்கு செல்வதும், கூலி வேலை இல்லாதபோது புதூர் காட்டுப் பகுதிக்கு சென்று தேன் எடுப்பதும் என இவரது நாளாந்த வாழ்க்கை பயணம் ஓடிக்கொண்டிருந்தது. இந்த நிலையில் கடந்த வெள்ளிக்கிழமை இரவு மது அருந்திவிட்டு கண்ணன் வீட்டில் உறங்கியுள்ளார்.   இதன்போது, தம்பாவின் புதிய வீட்டில் இருந்து சண்டை போடுவது போன்று எழுந்த அதிக சத்தத்தையடுத்து அதிகாலை 2.00 - 2.30 மணியளவில் கண்ணன் அங்கு சென்றுள்ளார். அப்போது தம்பாவும், மச்சானும், மச்சானின் நண்பரும் மது அருந்திக்கொண்டு இருந்துள்ளனர். கண்ணனைக் கண்டதும் தம்பாவின் மச்சானின் நண்பர் கதைத்தபோது முன்பின் அறியாத இருவருக்கும் வாய்தர்க்கம் ஏற்பட்டுள்ளது.   இதனையடுத்து தம்பாவும் மற்றைய இருவரும் கண்ணனை அறைக்குள் இழுத்து சென்று தாக்கியுள்ளனர். அங்கிருந்து 2.45 மணியளவில் தப்பிச் சென்ற கண்ணன் தனது வீட்டில் படுத்துள்ளார். வெறியில் இருந்த கண்ணனுக்கு அவர்கள் தாக்கியது கோபத்திற்கு மேல் கோபத்தை ஏற்படுத்தியது. தூக்கம் வரவில்லை. கோபத்திற்கு பழி தீர்க்க முற்பட்டான். விபரீத முடிவெடுத்தான்.   நாளாந்தம் அவனது வாழ்க்கையுடன் பழக்கப்பட்ட கோடரியையும், பக்கத்து வீட்டில் சில தினங்களுக்கு முன் கைமாறாக வேண்டிய காட்டுக் கத்தியையும் எடுத்துக்கொண்டு அதிகாலை 4 மணியளவில் தம்பாவின் வீட்டிற்கு சென்றான். காட்டுக் கத்தியை வேலியில் சார்த்திவிட்டு உள்ளே சென்றபோது அங்கு மூவரும் நிறைவெறியில் உறங்கிக் கொண்டிருந்தனர்.   எந்த சத்தமும் இல்லை; அமைதியாக இருந்தது. மெல்ல நடந்து சென்ற கண்ணன் தம்பாவுக்கும், தம்பாவின் மச்சானுக்கும் நடுவில் நின்று கொண்டு தம்பாவின் உச்சந் தலையில் கோடரியால் கொத்தினான். தம்பா எந்த அசைவும் இன்றி அந்த இடத்திலேயே சடலமானார்.   மறுபுறம் திரும்பி தம்பாவின் மச்சானுக்கும் கோடரியால் கொத்தினான். அவரும் எந்த அசைவும் இன்றி அந்த இடத்திலேயே பலியானார்; இரத்தம் பெருக்கெடுத்து ஓடியது. நின்ற இடத்தில் இருந்து தம்பாவின் மச்சானின் நண்பருக்கு கொத்திய போது நெற்றியில் பிளவு ஏற்பட்டது.   இதனையடுத்து கண்ணன் அங்கிருந்து வெளியேறி வேலியில் சாத்தி வைத்திருந்த காட்டுக் கத்தியையும் எடுத்து கொண்டு, கத்தியை யாரிடம் வாங்கினானோ அவர்களிடமே கத்தியை கொண்டு சென்று கொடுத்துவிட்டு, நான் மூன்று பேரையும் போட்டுள்ளேன் எனத் தெரிவித்து விட்டு சென்றுள்ளார்.   கண்ணன் பகிடியாக கூறினான் என அவர்கள் நினைத்தார்கள். இருப்பினும் சந்தேகத்தில் அயலில் உள்ள பிறிதொரு நபரையும் அழைத்துக் கொண்டு சென்று பார்த்த போது மூவரும் இரத்த வெள்ளத்தில் கிடந்துள்ளனர். உடனடியாக ஓடிச் சென்ற அவர்கள் ஓமந்தைப் பொலிசாருக்கு தெரியப்படுத்தினர்.   ஓமந்தைப் பொலிஸ் நிலைய பொறுப்பதிகாரி சுரேஸ் த சில்வா வழிகாட்டலில், ஓமந்தை பொலிஸ் நிலைய பதில் பொறுப்பதிகாரியும், ஓமந்தை குற்றத்தடுப்பு பிரிவு பொறுப்பதிகாரியுமான எஸ்.சுகந் தலைமையில் பொலிஸ் குழுவினர் தீவிர விசாரணையில் இறங்கினர். சம்பவ இடத்திற்கு சென்று பார்வையிட்டனர். அப்போது இருவர் உயிரிழந்திருந்தனர்.   தம்பாவின் மச்சானின் நண்பர் துடித்துக் கொண்டு இருந்துள்ளார். உடனடியாக பொலிசார் 1990 அவசர அம்புலன்ஸ் வண்டி மூலம் வவுனியா வைத்தியசாலைக்கு குறித்த நபரை அனுப்பி வைத்தனர். அதன்பின் சம்பவ இடத்தில் காணப்பட்ட இரு சடலங்கள் அங்குள்ள தடயப் பொருட்களை வைத்து ஓமந்தை குற்றத்தடுப்பு பிரிவு பொலிசார் விசாரணைகளை முன்னெடுத்தனர். வவுனியா மாவட்ட நீதிபதி றியால் சம்பவ இடத்திற்கு வருகை தந்து பார்வையிட்டதுடன் விசாரணைகளுக்கும் உத்தரவிட்டார்.   இந்நிலையில், அக் கிராமத்திலிருந்து செல்வதற்காக பேருந்தில் சென்று கொண்டிருந்த இளைஞன் ஒருவரை குற்றத்தடுப்பு பிரிவு பொலிசார் சந்தேகத்தில் கைது செய்து விசாரணை செய்தபோது குறித்த இளைஞனே (கண்ணன்) இவ் இரட்டை கொலையை செய்தவன் என்பதனை கண்டறிந்தனர்.   மாத்தளையில் உள்ள தனது உறவினரின் வீட்டுக்கு தப்பிச் செல்ல முற்பட்ட போதே அவன் கைது செய்யப்பட்டிருந்தான். குறித்த நபரிடம் இருந்து தாக்குதலுக்கு பயன்படுத்தியதாக கருதப்படும் கோடரியும் பொலிசாரால் கைப்பற்றப்பட்டுள்ளது. அங்குள்ள சான்றுப் பொருட்களும், சாட்சியங்களும் கண்ணனுக்கு இக் கொலையில் தொடர்பிருந்ததை வெளிப்படுத்துகின்றன. இதனையடுத்து கண்ணன் கைது செய்யப்பட்டு நீதிமன்ற உத்தரவுக்கமைய விளக்கமறியலில் வைக்கப்பட்டுள்ளார்.   இரட்டை கொலை தொடர்பான பிரேத பரிசோதனை அறிக்கை முடிவும் வெளியாகியுள்ளது. தலையில் கூரிய கோடரி போன்ற ஆயுதத்தால் கொத்தியதால் தலை பிளவடைந்து மூளை இரண்டாக பிளந்தமையால் இவ் இறப்பு இடம்பெற்றது என அந்த அறிக்கை வெளிப்படுத்தியுள்ளது.   அத்துடன் காயமடைந்து சிகிச்சை பெற்று வந்த தம்பாவின் மச்சானின் நண்பரான சு.சிவகரனும் வவுனியா அவசர சிகிச்சைப் பிரிவில் அனுமதிக்கப்பட்டு சிகிச்சை பெற்று வந்த நிலையில் சிகிச்சை பலனின்றி நேற்று மரணமடைந்துள்ளார்.   http://www.battinews.com/2020/10/crime.html  
    • இதெல்லாம் பலமுறை பார்த்தாகிவிடுத்து  
    • நாட்டில் மீளவும் ஒரு இன ரீதியான அடக்குமுறையை சந்திக்க தயாரில்லை – கலையரசன். October 19, 2020 நாட்டில் மீளவும் ஒரு இன ரீதியான அடக்குமுறையை சந்திக்க தயாரில்லை சனாதிபதி தொல்பொருள் செயலணியின் நடவடிக்கைகள் இன முரண்பாடுகளை தோற்றுவிக்கும்  என தவராசா கலையரசன் தெரிவித்தார்.இன்று பொத்துவில் ஊறணி அறநெறி பாடசாலை கட்டிடத்திற்கான அடிக்கல் நாட்டும் நிகழ்வு சிவநெறி அறப்பணி மன்றத்தின் ஏற்பாட்டில் இடம்பெற்றது.மேலும் தெரிவிக்கையில்.. வடக்கு கிழக்கு பிரதேசங்களில் எமது இன ரீதியான விகிதாசாரம் பின் நோக்கியே செல்கின்றது. அதிலும் கிழக்கு மாகாணம் கேள்விக்குறியான நிலையில் காணப்படுகின்றது. கடந்த காலத்தில் இவற்றிற்கான காரணம் யுத்த சூழலாக குறிப்பிட்டோம். தற்காலத்தில் அரசாங்கம் எடுக்கும்   ஒவ்வொரு விடயமும் எங்களது மக்களின் கலாச்சாரத்தை கேள்விக்குறியாக்குகின்ற அடிப்படையில் விடையங்கள் அனைத்து கையாளப்படுகிறது. இவ்வாறான செயற்பாடுகளிலிருந்து  எங்களுடைய கலாச்சாரத்தையும் மக்களையும் பாதுகாக்கின்ற விடையம் முக்கியத்துவம் வாய்ந்ததாக அமைந்துள்ளது. நேற்று யாழ்ப்பாணத்தில் தமிழ் தலைவர்கள் இணைந்த தமிழ் மக்கள் கூட்டமைப்பு ஒன்றிணைந்து கூடிய கூட்டத்தில் சனாதிபதியின் தொல்பொருள் செயலணியின் செயற்பாடுகள் குறித்து அதிகம் பேசப்பட்டது .குறிப்பாக கிழக்கு மாகாணத்தை மையப்படுத்திய சனாதிபதியின் தொல்பொருள் செயலணி அதன் செயற்பாடுகளை மிகவும் தீவிரப்படுத்தியுள்ளனர். முல்லைத்தீவு மாவட்டத்தில் ஆரம்பித்து அம்பாறை மாவட்டத்தின் பொத்துவில் , திருக்கோவில் , மட்டக்களப்பு , திருகோணமலை போன்ற எமது பூர்வீக நிலங்களை அத்துமீறி பிரவேசித்து கபளீகரம் செய்வதற்கான முன்னெடுப்புகள் நடைபெற்று வருகின்றன. இவ்வாறான செயற்பாடுகள் எதிர்காலத்தில் இனரீதியான முரண்பாடுகளை ஏற்படுத்துவதற்கான செயற்பாடுகளாக அரசின் நடவடிக்கை அமைந்துள்ளது. இதனை அவர்கள் தவிர்க்க வேண்டும். நாங்கள் இந்த நாட்டில் சமத்துவமாக சமாதானமாக வாழ்வதற்கான முழு சிந்தனையோடு செயற்படுகின்றோம் . இந்த நாட்டில் மீளவும் ஒரு இன ரீதியான அடக்குமுறையை சந்திக்க தயாரில்லை. ஏனைய இனங்களோடு சமாதானமாக வாழ்வே விரும்புகின்றோம். அண்மையில் மட்டக்களப்பு மாவட்டத்தில் மேய்ச்சல் தரைக்கு ஒதுக்கப்பட்ட காணிகளில் அத்துமீறி சிங்கள மக்களை குடியமர்த்துவதற்கான முயற்சிகள் மேற்கொள்ளப்பட்டன. அங்கு எமது அரசியல்வாதிளின் நடவடிக்கைகளாலும் , மட்டு மாவட்டநிருவாக ரீதியான அதிகாரிகளாலும் அத்துமீறிய குடியேற்றத்தை தடுப்பதற்கான நடவடிக்கைகள் மேற்கொள்ளப்பட்ட போது அதிரடியான இட மாற்றங்கள் இந்த அரசினால் முன்னெடுக்கப்பட்டதை காணமுடிகிறது என தெரிவித்தார் . பொத்துவில் பிரதேச செயலாளர் ஆர்.திரவியராஜ், பொத்துவில் பிரதேச சபையின் உப தவிசாளர் பீ.பார்த்தீபன், அம்பாறை மாவட்ட இந்து கலாசார உத்தியோகத்தர்,கே.ஜெயராஜ் பிரதேச செயலக கலாச்சார உத்தியோகத்தர், ஆசிரியர்கள், மாணவர்கள் ,இந்து அமைப்பினரும் கலந்து கொண்டனர்.   https://www.meenagam.com/?p=15824
    • 1960'S அந்த நாளிலும் வெள்ளைக்கு மவுசு இருந்திருக்கு ..☺️..😊
×
×
  • Create New...

Important Information

By using this site, you agree to our Terms of Use.