YES வங்கி பிரச்சினை: இந்திய பங்குச் சந்தைகளில் வர்த்தகம் கடும் வீழ்ச்சி

[ampanai]

கொரானா வைரஸ், யெஸ் வங்கி பிரச்சினை உள்ளிட்டவற்றால் இந்திய பங்குச் சந்தைகளில் கடும் வீழ்ச்சி ஏற்பட்டது.

வராக்கடன்கள் மற்றும் நிர்வாகச் சிக்கல்களால் நிதிநெருக்கடியில் சிக்கியுள்ள யெஸ் வங்கி நிர்வாகத்தைக் ரிசர்வ் வங்கி கையில் எடுத்துள்ளதால் பொருளாதாரம் சார்ந்த நம்பிக்கையின்மை காரணமாக முதலீட்டாளர்கள் பங்குகளை விற்றதால் இந்திய பங்குச் சந்தைகள் காலையில் சரிவுடனேயே தொடங்கின. சென்செக்ஸ் ஒரு கட்டத்தில் 1450-க்கும் அதிகமான புள்ளிகள் சரிந்தது.

பின்னர் மீண்ட போதிலும் வர்த்தக நேர முடிவில் சென்செக்ஸ் 893 புள்ளிகள் சரிவுடன் 37,576 ஆக இருந்தது. அதேபோன்று தேசிய பங்குச் சந்தை நிஃப்டியும் அதிகபட்சமாக 441 புள்ளிகள் சரிந்த நிலையில் வர்த்தக நேர முடிவில் 279 புள்ளிகள் சரிவுடன் 10,989 ஆக இருந்தது.

அமெரிக்க டாலருக்கு நிகரான இந்திய ரூபாயின் மதிப்பு 47 காசுகள் சரிந்து, 73 ரூபாய் 78 காசுகளாக இருந்தது.

https://www.polimernews.com/dnews/102822/YES-வங்கி-பிரச்சினை:-இந்தியபங்குச்-சந்தைகளில்வர்த்தகம்-கடும்-வீழ்ச்சி

[ampanai]

எல்லை மீறி கடன் வழங்கிய 'யெஸ்' வங்கி

புதுடில்லி: சொத்துக்களின் எல்லையை மீறி 'யெஸ்' வங்கி கடன் வழங்கியிருப்பதாக மத்திய நிதி அமைச்சர் நிர்மலா சீதாராமன் கூறினார்

கடன் சுமையால் 'யெஸ்' வங்கி தத்தளித்தது இதனையடுத்து அதிரடி நடவடிக்கை எடுத்துள்ள ரிசர்வ் வங்கி, யெஸ் வங்கியின் நிர்வாகக் குழுவை, தனது கட்டுப்பாட்டின் கீழ் கொண்டு வந்தது. இது தொடர்பாக மத்திய நிதி அமைச்சர் நிர்மலா சீதாராமன் நிருபர்களிடம் கூறியதாவது:

கடந்த 2017 முதல் யெஸ் வங்கியின் சிக்கல்களை மத்திய அரசு கண்காணித்து வந்தது. 2018 முதல் வங்கி கணக்குகள் கண்காணிப்பு உள்ளிட்ட பல்வேறு நடவடிக்கைகளை மத்திய அரசு எடுத்து வந்தது. 2019ல் இந்த வங்கிக்கு ஒருகோடி அபராதம் விதித்தது. யெஸ் வங்கியின் சில சேர்மன்கள் பல்வேறு முறைகேடுகளில் ஈடுபட்டது கண்டறியப்பட்டது.

சொத்துக்களின் எல்லையை மீறி வங்கியில் கடன் வழங்கப்பட்டுள்ளது. ஒரு மாதத்தில் கட்டமைப்பு சீரமைக்கப்படும். மறு சீரமைப்புக்கான வரைவு திட்டம் தயாரிக்கப்பட்டுள்ளது. யெஸ் வங்கியின் நிலையை மத்திய அரசும், ரிசர்வ் வங்கியும் கண்காணித்து வருகிறது. இவ்வாறு அவர் கூறினார்.

முன்னதாக இன்று காலையில் அமைச்சர் நிர்மலா நிருபர்களிடம் பேசியதாவது:

வங்கியின் வாடிக்கையாளர்கள் பணம் பத்திரமாக உள்ளது. அவர்களுக்கு இழப்பு ஏதும் ஏற்படாது என ரிசர்வ் வங்கி கவர்னர், என்னிடம் உறுதி அளித்துள்ளார். ரிசர்வ் வங்கியுடன் தொடர்ந்து ஆலோசனை நடத்தி வருகிறோம். இந்த பிரச்னை விரைவில் தீர்க்கப்படும் என அவர்கள் உறுதியளித்துள்ளனர். தொடர்ந்து, ரிசர்வ் வங்கி அதிகாரிகளுடன் தொடர்பில் உள்ளோம். வாடிக்கையாளர்களுக்கு விதிக்கப்பட்டுள்ள பணக்கட்டுப்பாடுகள் குறித்து ஆலோசனை நடத்தப்படும். இவ்வாறு அவர் கூறினார்.

https://www.dinamalar.com/news_detail.asp?id=2495761