Jump to content
  • advertisement_alt
  • advertisement_alt
  • advertisement_alt

Recommended Posts

  • கருத்துக்கள உறவுகள்

 

                                                                                                                                                                   உ.

                                                                                                                                              நிலம்  தழுவாத நிழல்கள்.

 

நிலம் ..... 1.

                                    அழகிய பாரிஸ் நகருக்கு அணிகலனாய் விளங்கும் ஷேன்நதி கடல் காதலனின் கரங்களில் தவழ இரு கரைகளின் தழுவலில் அடங்கி அமைதியாக ஓடிக்கொண்டிருக்கிறாள். ஆங்காங்கே ஓரிரு சுற்றுலாப் படகுகளும் சுமைதாங்கிப் படகுகளும் நதியன்னைக்கு வலிக்காமல் நீரை விலக்கி நகர்ந்து செல்கின்றன. படகின் மேல் தளத்தில் சில சிறுவர்கள் நின்று வீதியில் போய் வருகிறவர்களையும், கரையோர பூங்காக்களின் கதிரைகளில் இருப்பவர்களையும் பார்த்து குதூகலத்துடன் கையசைத்துக் கொண்டு செல்கின்றனர்.

                                           அந்த ஆற்றின் ஒரு கரையில் ஒரு சிறிய  பூங்கா. அங்கு அழகழகான பூச்செடிகளும்,கலைநயத்துடன் கத்தரித்து விட்ட சிறிய மரங்களும் இருக்கின்றன.பூக்களை தென்றல் உச்சி முகர்ந்து கொண்டு போகும்போது வாசனையையும் காவிச்சென்று தூவி விடுகின்றது. அங்கிருந்த ஒரு நீளமான வாங்கில் மிகவும் நெருக்கமாய் ஒட்டி உட்க்கார்ந்திருக்கும் சாரதாவும் பிரேமனும் கூடவே சேர்ந்து அச் சிறுவர்களுக்கு இசைவாகக் கைகளை அசைக்கின்றார்கள். சாரதாவின் வலதுகை அவன் இடையோடு அணைத்திருக்க பிரேமனின்  இடது மேற்கை அவள் மார்போடு தெரிந்தும் தெரியாததுபோல் உரசி உறவாடி கொண்டிருக்கு. சமீபத்தில்தான் சாரதாவுக்கும் பிரேமனுக்கும் திருமணம் ஆகி இருந்தது.

                                   சாரதா பிரேமனிடம், ஏன் பிரேம் நாங்கள் எமது ஹனிமூனை ரியூனியன் ஐலண்டுக்கு சென்று கொண்டாடுவோமா....!

பிரேம் ;  இப்போது வேண்டாம் சாரு.....!

சாரதா ;  ஏன் பணத்துக்கு யோசிக்கிறாயா டார்லிங்....நான் தாறன்.முழுச்செலவும் என்னோடது.என்ன சொல்கிறாய்.....!

பிரேம் ; அதுக்கில்லை சாரும்மா,உனக்கு தெரியும்தானே, ஊரில் இருக்கும் எனது தங்கைக்கு திருமணம் செய்ய வேண்டும்.மாப்பிள்ளையும் எங்கட சொந்தத்துக்குள்ளேயே அப்பா பார்த்து கதைத்து வைத்திருக்கிறார்.அதுக்கு நிறைய பணம் தேவை.அதுதான் யோசிக்கிறன்  என்று சொல்லி இழுத்தவன்.....நான் இப்ப கொஞ்சம்  பணம் சேர்த்திருக்கிறேன்.  ஆயினும் சீர்வரிசை எல்லாம் செய்ய வேண்டும்.வாறமாதம் சீட்டை எடுத்து வீட்டை  அனுப்பலாம் என்று இருக்கிறன்.  

சாரதா; சரி உன் இஷ்டம். நான் உன் தங்கை ரேவதியின் கலியாணச் செலவுகளுக்கு காசு தருகிறேன் என்றாலும் நீ மறுக்கிறாய்.நீ போடும் சீட்டு கூட இப்பதான் தொடங்கி இரண்டு மாதம் போய் இருக்கு.இப்ப எடுத்தால் நிறைய கழிவு போகும்.கையில கொஞ்ச பணம்தான் வரும்....!

பிரேம் ; எனக்கு தெரியும் சாரதா.நீ பணம் தருவாய் என்று.ஆனாலும் இந்த விடயத்தை எனது சொந்த முயற்சியில் செய்ய வேண்டும் என்று நினைக்கிறன். மேலும் நீ எனக்கு ஒரு உதவி செய்ய வேண்டும்.செய்வாயா......!

சாரதா ; என்ன சொல்லு பிரேம்.உன்னையே நம்பி வந்துட்டேன், இது நீ கேட்கணுமா என்னெண்டு சொல்லு.....!

பிரேம் ; தங்கையின் திருமணம் எல்லாம் நல்லபடியாய் முடியும்வரை எமக்கு குழந்தை பிறப்பதை சிறிது காலம் தள்ளிப் போடலாம், என்ன சொல்கிறாய்....!

சாரதா ; ப்ளீஸ் பிரேம்... அது மட்டும் வேண்டாமே.....உனக்கே தெரியும் எனக்கு பிள்ளைகள் என்றால் மிகவும் பிடிக்கும் என்று.சற்றுமுன் கூட அந்தப் படகில் சென்ற பிள்ளைகளிடம் எவ்வளவு ஆசையுடன் கையசைத்தனான் பார்த்தனித்தானே.....!

பிரேம் ; எனக்கும் பிள்ளைகளை மிகவும் பிடிக்கும் சாரதா.ஆனால் அது எனது இலட்சியத்தை  திசைதிருப்பி விடுமோ என்றுதான் யோசிக்கிறன்.....!

சாரதா ; சரி....சரி கவலைப்படாதே, இப்பதான் திருமணம் செய்திருக்கிறோம்.அதுக்குள்ளே கவலைகளை இழுத்துப் போட்டுக்கொள்ள வேண்டாம். மேலும் நான் இப்போது உன்னுடைய மனைவி.உன்னுடைய இன்பதுன்பங்கள் எல்லாவற்றிலும் எனக்கும் பூரண பங்குண்டு.அதனால் நான் இப்ப சொல்வதை கேள்....கேட்பாயா....!

பிரேம் ; சரி கேட்கிறன் சொல்லு சாரு....!                                     

சாரதா ; ம் ....இப்ப நீ சீட்டு ஒண்டும் எடுக்க வேண்டாம். நான் பணம் தருகிறேன்.அதை ஊருக்கு அனுப்பு.பின்பு சீட்டை  எடுத்து எனக்குத் தா... சரியா......!

சிறிது நேரம் மௌனமாக யோசித்த பிரேமன் அவள் சொல்வது சரிதான்....வீணாக அவளின் மனசையும் வேதனைப் படுத்த வேண்டாம் என நினைத்து அவளது கையை எடுத்து தனது இரு கைகளுக்குள்ளும் பொத்திப் பிடித்துக் கொண்டு  ஐ லவ் யு சாரு, ஐ லவ் யு சோ மச் என்கிறான்....!

மீ  ரூ  என்று சொல்லிக்கொண்டே சாரதாவும் அவன் மார்பில் சாய்கிறாள்.....!

 

நிழல் நீளும்.....!

  • Like 18
Link to post
Share on other sites
  • Replies 73
  • Created
  • Last Reply

Top Posters In This Topic

Popular Posts

உ.                                                                                                                                               நிலம்  தழுவாத நிழல்கள்.   நிலம் ..... 1.

நிலம் ------ 2 🦜 🦜                                 பின்பு அவனது காரில் சென்று முன்கூட்டியே பதிவு செய்து வைத்த உணவகத்தில் சாப்பிட்டுவிட்டு ரிசர்வ் செய்து வைத்திருந்த ஹோட்டல் அறைக்கு செல்கின்றனர்.இர

.                                    நிலம் ............(15).  🐝 🐝 🐝 🐝 🐝 🐝 🐝 🐝                                        🐝 🐝 🐝 🐝 🐝 🐝 🐝.                                              

  • கருத்துக்கள உறவுகள்

சுவி டாலிங் ,

ஆதி ஆசிரமத்திற்கு துருச்சாமி வந்து சேர்ந்திட்டாப்பல..... மனுசன் ரொம்ப துருவிட்டிருக்கார் எதைப்பத்தி என்றெல்லாம் அப்புறமாச் சொல்றன். ஆமா டாலிங் சாருக்குட்டியை ரொம்ப அழுவிச்சிட வேணாம் ஆதிக்குப் பிடிக்காது ஆமா.

  • Like 1
Link to post
Share on other sites
  • கருத்துக்கள உறவுகள்
10 hours ago, ஆதிவாசி said:

சுவி டாலிங் ,

ஆதி ஆசிரமத்திற்கு துருச்சாமி வந்து சேர்ந்திட்டாப்பல..... மனுசன் ரொம்ப துருவிட்டிருக்கார் எதைப்பத்தி என்றெல்லாம் அப்புறமாச் சொல்றன். ஆமா டாலிங் சாருக்குட்டியை ரொம்ப அழுவிச்சிட வேணாம் ஆதிக்குப் பிடிக்காது ஆமா.

ஆஞ்சனேயர் மாதிரி வந்து வாழ்த்திவிட்டாய் ஆதி, இதில் மனிதர்கள் அந்தந்த நேரத்தில் சூழ்நிலைகளுக்கு ஏற்ப அவர்களின் குறை நிறைகளுடன் வருவார்கள் என நினைக்கிறேன். இதுவரை எனக்கும் சரியாய் சொல்லாத தெரியவில்லை.துருச்சாமியுடன் பழகியவர்கள் எல்லோரும் அப்புறம் அவரை மறக்கவில்லை. நன்றி ஆதி வருகைக்கும் கருத்துக்கும்.......இன்றைய மகளிர்தின வாழ்த்துக்கள்.....!  🌹

Link to post
Share on other sites
  • கருத்துக்கள உறவுகள்

நிலம் ------ 2 🦜 🦜

                                பின்பு அவனது காரில் சென்று முன்கூட்டியே பதிவு செய்து வைத்த உணவகத்தில் சாப்பிட்டுவிட்டு ரிசர்வ் செய்து வைத்திருந்த ஹோட்டல் அறைக்கு செல்கின்றனர்.இருவரும் சாவகாசமாய் முகம் கை கால் கழுவி உடை மாற்றிக் கொண்டு வந்து கட்டிலில் அமர அவள் அப்படியே அவன் மடியில் சாய்கிறாள். ஓர் அழகிய மரகத வீணையை மடியில் வைத்து சுகமான ராகத்தை மீட்டுவதுபோல் பிரேம் பிரேமையுடன் கையாள போதையில் செருகிய கண்களுடன் பேதை அங்கும் இங்குமாக அசைந்து அசைந்து கூடலை சுவாரஸ்யம் குறையாமல் கூட்டிக் கொண்டே போகிறாள். பசித்தவன் இதழ்களில் தேன் பருகிட  இலை மூடிய மலர் இரு விரல்களின் ஸ்பரிசத்தில்  மலர்கின்றது.தொடத் தொட மலர்ந்த மேனி  சுடச் சுட நனைகின்றது…… !

 

                                                         அடுத்தநாள் காலை எழுந்தபின் பிரேம் சாரதாவிடம் அவளது முதுகை ஆதுரத்துடன் வருடிக் கொண்டே சாரு  ஐ லவ் யு.....இப்ப உனக்கு ஒரு நல்ல செய்தி சொல்லப் போகிறேன், என்னவென்று சொல்லு பார்க்கலாம்.....!

சாரதா : எனக்கு ஏதாவது நகை வாங்கி வைத்திருக்கிறாய்.அந்த மரகதப் பதக்கமும் சங்கிலியும் சரியா....!

பிரேம்; இல்லை இன்னும் சொல்லு....!

சாரதா; யுரோப்புக்குள்ளேயே எங்காவது ஹனிமூன் ட்ரிப் போகிறோம் ...... இல்லையென்று பிரேம் சொல்கிறான். சாரதாவும் யோசித்து எனக்குத் தெரியவில்லை , நீயே சொல்லு. சஸ்பென்ஸ் தாங்க முடியவில்லை  என்றவள், கொஞ்சம் பொறு ..... வீடு ஏதாவது பார்த்திருக்கிறாய் சரியா....!

பிரேம்; கள்ளி .....அப்படியே பிடிச்சுட்டாய். நான் இப்போது இருக்கும் சேர்விஸ் றூம் அப்பார்ட்மெண்டிலேயே  பண்ணிரண்டாவது  மாடியில்  நாலு பியர்ஸ் அப்பார்ட்மெண்ட் வாடகைக்கு வந்திருந்தது. முகர்வருடன் போனில் கதைத்து விட்டேன், எங்கள் இருவரின் சம்பளப் பாத்திரமும், முன்பணமும் கொண்டு வரச் சொன்னவர். நீ நாளை மாலை வேலையால் நேரே அங்கே வா, நானும் வாறன்.அவரும் வீட்டு சாவியுடன் அங்கு வருவார்.வீட்டைச் சுற்றிப் பார்த்து விட்டு மேற்கொண்டு ஆகவேண்டியதைப் பார்க்கலாம் என்ன....!

 

                           

                                    இந்நேரத்தில் நல்ல செய்தி சொல்கிறாய் பிறேம்.எனக்கும் அது முன்பே தெரியும்தானே அது புத்தம்புது அப்பார்ட்மென்ட், பண்ணிரண்டாவது மாடி என்றால் ஈபிள் டவர், மேலே நிலா, மழை எல்லாம் அழகாய்த் தெரியும் இல்லையா. இரவில் பார்க்கும்போது லைட் அலங்காரங்களுடன் சுப்பராய் இருக்கும். மேலும் உன்னுடைய சேர்விஸ் ரூமும் உன்னிடமே இருக்கும் இல்லையா.....!

ஓம் சாரு, அது இல்லாமலா..... உனக்கு அந்த இடம் பிடித்திருக்கா.....!

ரொம்ப ரொம்ப பிடித்திருக்கு பிரேம். நானும் நாளைக்கு எனது சிநேகிதி ஷாலினியுடன் அங்கு வருகின்றேன் சரியா....!

என்ன ஷாலினியுமா அவ எதுக்கு சாரு, நீ மட்டும் வந்தால் போதுமே.அவளுக்கு ஒரு பிரெஞ்சுக்காரனுடன் சிநேகிதம் வேறு வைத்துக்கொண்டிருக்கிறாள்.....!

என்ன பிரேம் இப்படிச் சொல்கிறாய், அவள் மிகவும் நல்லவள். நானும் அவளும் எவ்வளவு காலமாய் ஒரு சிறிய ஸ்ரூடியோவில் வரவு செலவு எல்லாவற்றையும் ஷேர் பண்ணிக்கொண்டு வாழ்ந்து வருகின்றோம்.திடீரென்று நான் தனியாக வந்தால் அவளால் அந்த வாடகை,மின்சாரம், தண்ணி மற்றும் சார்ஜஸ் எல்லாவற்றையும் சமாளிக்க முடியாது தெரியுமா......!

பிரேம் மௌனமாக இருப்பதைப் பார்த்தவள், வேண்டுமென்றால் ஒன்று செய்யலாம் பிரேம்..... என்ன சொல்லு...... ஷாலினிக்கு ஒரு அறையை குடுத்து விடலாம்,மிச்ச செலவுகளிலும் அவள் பங்கெடுத்து கொள்ளட்டும்.என்ன சொல்கிறாய்...... ஓகே சாரு. எதோ உன்னிஷ்டம்....என்று பிரேம் சொல்கிறான்.....!

 

சின்னச் சின்ன முத்தங்களுடன் இருவரும் எழுந்து பகல் சாப்பாட்டுக்காக "ஸியேல் து பாரிஸ்"ரெஸ்டாரண்டுக்கு செல்கின்றனர்......!

 

                                       பிறேமன் ஒரு ஆடைத் தொழிற்சாலையில் மேற்பார்வையாளராக வேலை செய்கின்றான்.மேலும் வாரத்தில் இரண்டு நாட்கள் ஒரு மேடம் வீட்டில் எந்த நேரமாயினும் சரி ஆடைகளை இஸ்திரி போட்டு அலுமாரியில் அடுக்கி வைப்பது, பின்பு இரவு ஒரு இறைச்சிக் கடையில் மூன்று மணித்தியாலங்கள் சுத்தம் செய்யும் வேலை என்று ஒரு நாளில் ஒரு மணி நேரத்தையும் வீணாக்காமல் பல வேலைகள் செய்கின்றான்.மிகுந்த பிரயாசி......!

                                     

                                                     சாரதா மிகவும் புத்திசாலியான பெண்.ஒரு  ஐ. ரி  கொம்பனியில் வேலை.மாதத்தில் அரைவாசி நாட்கள் வேறு நாடுகளுக்கு எல்லாம் வேலை நிமித்தமாக சென்று வருவாள். சில ஆண்டுகளுக்கு முன் பொழுது போக்காக ஆரம்பித்த பங்கு சந்தையில் இப்பொழுது நிறைய வருமானம் வருகின்றது. மேலும் ஒரு பிரபலமான சென்ட் கம்பெனியின் பிராண்டட் கடையில் பங்குதாரரும் கூட. பணம் அவளைத் தேடி வந்து கொட்டுது. அவளது நெருங்கிய தோழி ஷாலினி. கொஞ்சம் நடுத்தரமான வருமானத்தை கொண்டவள்.....!

 

                                                    ஷாலினி ஒரு பெரிய சூப்பர் மார்க்கட்டில் காஷியராக வேலை செய்கிறாள்.விரைவில் அவளுக்கு வேளையில் பதவி உயர்வும், கூடிய சம்பளமும் கிடைக்கும் சந்தர்ப்பம் கூடி வருகிறது. ஷாலினியும் சாரதாவும் ஒரு வசதியான ஸ்ரூடியோவில் ஒன்றாக வாழ்கின்றனர்.அந்த அறையின் வாடகை உட்பட சகல செலவீனங்களையும் இருவரும் சமமாக பிரித்து கொள்வார்கள். மேற்கொண்டு எல்லாவிதத்திலும் சாரதாவுக்கு உதவியாக இருப்பவள்.ஆயினும் சாரதாவிடம் எந்தவிதமான சலுகையும் எதிர்பார்காதவள். என்றாலும் இந்த வீட்டுக்கு முன்பணமாக (கீ மணியாக) பத்தாயிரம் ஈரோ குடுத்த வகையில் சாரதாவுக்கு ஐயாயிரம் ஈரோ குடுக்க வேண்டும். ஒருநாள் அதில் கொஞ்ச பணம் ஷாலினி குடுக்க வரும்போது, சாரதாவும் அது இப்ப அவசியமில்லை, பிறகு தரலாம் என்று சொல்லி விட்டாள். இது போன்ற குணங்களால்  சாரதாவுக்கும் ஷாலினியை மிகவும் பிடிக்கும்.....!

 

                                                                       மேலும் ஷாலினிக்கு நிக்கோலா என்று ஒரு பிரெஞ் நண்பன் இருக்கிறான்.அவன் ஒரு ஜாலியான டைப்.நிறைய பணம். நிக்கோலாவை சாரதாவுக்கு அறிமுகம் செய்து வைத்திருந்தாலும் கூட பெரும்பாலும் அவன் சாரதா இல்லாத நாட்களில் ஷாலினியை அறையில் வந்து சந்தித்து பொழுது போக்கி விட்டு செல்வான். நிக்கோலாவும் ஷாலினி வேலை செய்யும் அந்த சூப்பர் மார்க்கட்  வளாகத்தில் சொந்தமாக ஒரு குழந்தைகளுக்கான பொம்மைகள், விளையாட்டு சாமான்கள் விற்கும் கடை வைத்திருக்கின்றான்......!

நிழல் நீளும் ......! 

  • Like 9
Link to post
Share on other sites
  • கருத்துக்கள உறுப்பினர்கள்

சுவி அண்ணா வந்தவுடன் இந்தப் பகுதி களை கட்டத்  தொடங்கீட்டுது. தொடருங்கள் அண்ணா. ஆவல் நானும்

  • Like 1
Link to post
Share on other sites
  • கருத்துக்கள உறவுகள்

தொடருங்கள் சுவியண்ணா ....வாசிக்க ஆவலுடன் காத்திருக்கிறேன் ...

 

  • Like 1
Link to post
Share on other sites
  • கருத்துக்கள உறவுகள்

என்னாகுமோ ஏதாகுமோ எனறு ஏங்கவிடாடல் கெதியா தொடருங்கோ.

  • Like 1
Link to post
Share on other sites
  • கருத்துக்கள உறவுகள்

 

   நிலம் ......... 3 🐧  🐧  🐧.                               

 

                                 வருடாந்த விடுமுறைகளில் நிக்கோலாவும் ஷாலினியும் எங்காவது உல்லாசமாக சுற்றுலாவுக்கு போய் வருவார்கள்.சில தடவைகள் தானும் நிக்கோலாவும் எல்லைகளின்றி உல்லாசமாய் இருந்ததாகவும் அவள் சாரதாவிடம் சொல்லி இருக்கிறாள். அதற்கு சப்பைக் கட்டாக அதது அந்தந்த இடங்கள்,காலநிலை,சூழ்நிலைகள் முடிவில் அப்படியான உறவில் கொண்டு வந்து விட்டிடும் என்கிறாள். அதை சாரதாவும் அவ்வளவு பெரிதாக எடுத்து கொள்ளவில்லை.இந்த நாடுகளில் இவையெல்லாம் சாதாரணம்தானே என்று. ஆனால் ஷாலினி தங்கள் சென்ற இடங்களின் அழகிய காட்சிகளை,தங்கிய ஹோட்டல்கள், அறைகள் எல்லாம் படங்களாகவும், வீடியோவாகவும், செல்பீயாகவும் எடுத்து உடனுக்குடன் வாட்ஸப்பில்  அனுப்பும்போது சாரதாவுக்கு அதுபோல் தானும் பிரேமனுடன் போய்வர வேண்டும் என்னும் ஆசை அவள் உள்ளத்தில் "நீறு பூத்த நெருப்பாய்" கனன்று கொண்டிருக்கு.சாரதா தனது வேலையின் நிமித்தம் பல நாடுகளுக்கு சென்று வந்தாலும் தனக்கே தனக்கேயான ஒருவனுடன் சென்று வருவது ஜாலியாய் இருக்கும் என்று நினைக்கிறாள்.....!

                 

                                                   சில நாட்களின் பின் அவர்கள் பார்த்த வீட்டின் அலுவல்கள் எல்லாம் சரிவந்து சாரதாவும் பிரேமனும் ஷாலினியுமாக புது அப்பார்ட்மெண்டுக்கு வந்து விட்டனர்.அங்கு குடியேறிய சில நாட்களில் ஷாலினிக்கு ஒரு சங்கடம் காத்திருந்தது.இந்த வீட்டுக்கு வந்ததன் பின் நிக்கோலாவும் அவளிடம் இருந்து விலகி செல்வதை உணர்ந்து கொள்கிறாள்.முன்புபோல் அவளிடம் அதிகம் பழக்கம் வைத்து கொள்வதில்லை.இது ஷாலினிக்கு மிகவும் கவலையாக இருந்தது.இந்த வீட்டில் பிரேமும் சாரதாவும் குடும்பமாய் இருப்பதும் ஒரு காரணமாய் இருக்கலாம் என்று நிணைக்கிறாள்......!

 

                                                                  அடுத்த ஓரிரு மாதங்களில் ஊரில் இருக்கும் பிரேமனின் தங்கை ரேவதிக்கும் உறவுக்காரப் பையன் மனோகரனுக்கும் திருமணம் வெகு விமரிசையாய் நடந்து முடிந்தது.பிரேமனுக்கும் இந்தக் கலியானத்தால் கொஞ்ச கடன் சுமை ஏற்பட்டிருந்தாலும் தனக்கு இருந்த ஒரு பெரிய கடமை முடிந்தது என நிம்மதி ஏற்பட்டது. எந்த நிலையிலும் புருஷனை கலங்க விடாமலும்,கவலைப்பட விடாமலும் சாரதா பார்த்துக் கொண்டாள். பிரேம் நீ என்னிடம் பணம் கேட்க கூச்சப் படுகிறாய் என்று எனக்குத் தெரியும்.ஆனாலும் இந்தா எனது அலுமாரியின் இன்னொரு சாவி இதை நீ வைத்துக் கொள்.உனக்கு பணம் தேவைப்படும் போது தாராளமாய் எடுத்துக் கொள்ளலாம்.என்று சாவியைக் கொடுக்கிறாள்.அவள் மனம் நோகக் கூடாதென்று அவன் அந்த சாவியை வாங்கிக் கொள்கிறான்.ஆயினும் அவனுக்கு அந்த சாவியை உபயோகிக்கும் தேவை ஏற்படவில்லை.....!

          வழக்கம்போல் சாரதா வேலைக்குப் போனால் திரும்பி வர ஒருவாரம் பத்துநாள் ஆகும்.     அன்றைக்கு பாரிஸ் நகரத்தில் வேலைநிறுத்தம் நடைபெறுகின்றது.வழமையாய் நடைபெறுவதுதான்.அதனால் போக்கு வரத்து மிகவும் சீர்குலைந்து இருந்தது.பேருந்துகளும்,மெட்ரோக்களும் குறித்த நேரங்களுக்கு ஓடவில்லை.அதனால் பிரேமன் மிகவும் தாமதமாக வீட்டிற்கு வருகின்றான்.வீட்டிற்குள் தொலைக்காட்சிப் பெட்டியில் குறைவான ஒலியில் படம் ஓடிக்கொண்டிருக்கு. அதை பார்த்தபடியே ஷாலினி சோபாவில் உறங்கிக் கிடக்கிறாள்.சோபாவுக்கு கீழே அவளின் கை தொங்க கையில் இருந்த ரிமோட் தரையிலும் கையிலுமாகக் கிடக்கிறது. அதைப் பார்த்துக் கொண்டே பிரேமன் பாத்ரூம் சென்று நன்றாகக் குளித்து விட்டு உடை மாற்றிக் கொண்டு வருகிறான்.

                            சாப்பாட்டு மேசைமேல் ஹாட் பாக்கட்டில் உணவு சூடாக இருக்கிறது.அருகில் சுடுதண்ணிப் போத்தலில் கோப்பியும் கூடையில் பழங்களும் இருக்கின்றன. சாப்பிட ஒரு கதிரையில் இருந்தவன், தொலைக்காட்சியில்  அன்றைய செய்திகள் பார்ப்பதற்காக ரிமோட்டை எடுப்பதற்கு சோபா அருகே செல்கிறான்.சோபாவில் ஷாலினி இன்னமும் ஆழ்ந்த உறக்கத்தில் இருக்கிறாள்.அவள் வீட்டில் இருக்கும்போது குறைவான நவீனமான ஆடைகள்தான் அணிந்திருப்பது வழக்கம்.அது அவளின் உடல் வாகுக்கு அம்சமாய் இருக்கும்.அவையும் இப்போ ஆங்காங்கே விலகிக் கிடக்கின்றன.பிரேமனின் மனதில் இனம்புரியாத தவிப்பு.தொண்டையில் ஒரு பந்து அடைப்பதுபோல் உணர்வு. அவன் உடலிலும் மனசிலும் சிறு மாற்றம்.அவன் மனசை அலைக்கழிப்பது அவள் கால்களின் கவர்ச்சியா,அல்லது மூச்சு விடும்போது எழுந்து தணியும் மார்பகங்களின் திரட்சியா,சற்றே மேடிட்டு செவ்வகமாய் கீழிறங்கு வயிற்றுப் பகுதியா, இரு பற்கள் சிறிது தெரிய விரிந்திருக்கும் ஈரலிப்பான உதடுகளா.கண்களின் வழி செல்லும் காற்றில் காமத் தீ பற்றுகிறது.கால்வரை தகிக்கின்றது.மூச்சுக்காற்றில் வெப்பம் வெளியேறுகின்றது. சாதாரணமாக எப்போதும் வீட்டில் பார்க்கும் பெண்தான் அவள். ஆனால் இன்று, இப்போது பேரழகியாய் புது ஓவியமாய் திகழ்கிறாள்,தெரிகிறாள்.ஒரு கணநேரத் தடுமாற்றம்.உடனே தன்னைச் சுதாகரித்துக் கொண்டான்.அவளருகே குனிந்து கையருகில் இருந்த றிமோட்டை எடுத்து சேனலை மாற்றி சத்தத்தை கூட்டுகிறான்.உடனே ஷாலினியும் அருன்டு எழும்புகிறாள்.....!

நிழல் நீளும் .......!  

  • Like 6
Link to post
Share on other sites
  • கருத்துக்கள உறவுகள்

ஆஹா பிரேமு...ஏற்கனவே மூன்றிடத்தில வேலை. இதுல நாலாவது இடத்துக்கும் அப்ளிகேசனா😂

கதை களை கட்டுகிறது, தொடருங்கள் அண்ணா.

  • Like 1
Link to post
Share on other sites
  • கருத்துக்கள உறவுகள்
On 3/7/2020 at 3:18 PM, suvy said:

ஐ லவ் யு சாரு, ஐ லவ் யு சோ மச் என்கிறான்....!

இதை அழகாக பிரெஞ்சில் சொல்வதில்லையா?🤔

Link to post
Share on other sites
  • கருத்துக்கள உறவுகள்
15 minutes ago, கிருபன் said:

இதை அழகாக பிரெஞ்சில் சொல்வதில்லையா?🤔

je t'aime .......!   நான் உன்னை காதலிக்கிறேன்.

je t'aime aussi  mon  cœur.  நானும் உன்னை உளப்பூர்வமாய்(இதயபூர்வமாய்) காதலிக்கிறேன்.

பொதுவாக எமது ஆட்கள் ஆங்கிலத்தில்தான் சொல்வார்கள்.  இங்கு படிக்கும் பிள்ளைகள் "ஜெ தெம்" என்றும் , "ஜெ தெம் மொன் க்யூர்" என்றும் சொல்வார்கள்.....!   😂

  • Thanks 1
Link to post
Share on other sites
  • கருத்துக்கள உறவுகள்

நிலம் ............ 4  🕷️ 🕷️ 🕷️ 🕷️.

 

                                                                              அண்ணா ...! எப்ப வந்தனீங்கள்.நான் நல்லா நித்திரை கொண்டிட்டன் கவனிக்கவில்லை. ஓம் நான் இப்பதான் வந்தனான்.நித்திரை வந்தால் அறைக்குள்ளே போய் படுக்கிறதுதானே ஷாலினி, ஹாலில் நண்பர்கள் யாராவது திடீரென வந்தாலும்......ஸாரி அண்ணா,நான் மருந்து குடித்திருந்தனான்.அப்படியே டீ .வி யும் பார்த்து கொண்டிருக்கும்போதே தூங்கிட்டன். அதுசரி நீங்கள் சாப்பிட்டீங்களா.ஹாட்பாக்சில்  சாப்பாடு எடுத்து வைத்திருந்தேன்...... ம்......பார்த்தனான்.இன்றைக்கு மெட்ரொ ஸ்ட்ரைக் அதுதான் வரத் தாமதமாகி விட்டது. சாரதா இன்னும் வரவில்லையா.இன்று வருவதாக போனில் சொன்னாளே..... இல்லையண்ணா இன்னும் வரவில்லை.எங்கேயும் வாகன நெரிசலில் மாட்டிக்கொண்டாள் போல......ஓம் அப்படித்தான் இருக்கும். நீ போய் படு ஷாலினி.நான் போட்டு சாப்பிடுகிறன்.....பரவாயில்லை அண்ணா நீங்கள் இருங்கோ நான் பரிமாறுறன்.மேலும் உங்களுக்கு ஒரு நல்ல செய்தி சொல்ல வேண்டும். அது நல்லதா இல்லையா என்றும் தெரியவில்லை.கொஞ்சம் பொறுங்கள் சாரதாவும் வரட்டும் இரண்டுபேரிடமும் சொல்கிறேன் என்று சொல்லிக்கொண்டு கலைந்திருந்த தலைமுடிக்கு ரப்பர் பாண்ட் போட்டுக்கொண்டு சாப்பாட்டு மேசையை நோக்கி போகிறாள். 

                       தொலைக்காட்சியில் ஒரு பெரியவர் ஆன்மீக சொற்பொழிவாற்றிக் கொண்டிருக்கிறார்....!

"எனக்கு கல்வி அனைத்தும் கற்பித்தாய். உன்னிடம் நேசம் கொள்ள வைத்தாய்.இந்த உலகம் ஒரு மாயை என்பதை எனக்கு அறிவுறுத்தினாய்.அது மட்டுமா தடையின்றி உன் அருளைத் தந்து உதவுகின்றாய்.யாரிடமும் சென்று யாசிக்காத நிலை வைத்தாய்.இத்தனை உயர்வுகளை எனக்களித்த உன் பெருங் கருணையை என்னவென்பது.

                                  இன்றைய உலகம் புலன் இன்பம் ஒன்றிலேயே நாட்டமுள்ளதாக இருக்கின்றது.இதனாலதான் மக்களிடம் துன்பமும்,துயரமும், அழிவும் பெருகி வருகின்றன.இந்த வாழ்க்கை முறை மிகத் தவறான முறையாகும்.முதலில் இதை அடியோடு மாற்றியாக வேண்டும்".....!

(அவர் வள்ளலாரின் அமுதத்தை வழங்கிக் கொண்டு போகின்றார்).

                                                                                                                                   இது தனக்காகத்தான் சொன்னதுபோல் இருக்கின்றது.பிரேமனின் மனதில் உதித்த சபலம் முற்றாக  அழிகின்றது. அவன் சாப்பிடுவதற்கு போய் கதிரையில் அமர்கின்றான்.......!

                                                 பிரேமன் அடுத்தநாள் காலை வெள்ளனவே எழுந்தவன், கோப்பி போட்டுக் குடித்து விட்டு .....என்ன இன்னும் சாரதாவைக் காணவில்லை. போனும் எடுக்கிறாள் இல்லை. ஒருவேளை சார்ஜ் இல்லையோ தெரியவில்லை.என நினைத்துக் கொண்டு அந்த அப்பார்ட்மெண்டை சுத்தமாக்குவதற்கு தனது சேர்விஸ் ரூமுக்கு படிக்கட்டில் ஏறிச் செல்கிறான்.பொதுவாக அவன் லிப்டில் செல்வது குறைவு.அங்கு சென்று கதவைத் திறந்து தனது யூனிபோர்மை அணிந்துகொண்டு ஜன்னலைத் திறந்தபோது கட்டிலில் ஒரு கடிதம் படபடத்துக் கொண்டிருக்கிறது. இது என்னவென்று அதை எடுத்துப் பிரித்துப் பார்க்கிறான்.அதை சாராதாதான் எழுதி இருந்தாள். அப்படி என்றால் நேற்றிரவு சாரதா வந்திருந்தாளா.... பிறகு ஏன் வீட்டிற்குள் வரவில்லை.பல்லாயிரம் எண்ணங்கள் மனசில் ஓட கடிதத்தைப் படிக்கிறான்......!

 

என்னை வஞ்சித்த பிரேமுக்கு,

                                                            என் வாழ்க்கை முழுதும் நீ கூட வருவாய் என நான் நம்பி இருந்தேன்.ஆனால் நீ என்னை ஏமாற்றி விட்டாய்.நீ மட்டுமல்ல, இவ்வளவு காலமும் எவளை என் உயிர்த் தோழி என நம்பினேனோ அந்த ஷாலினி கூட எனக்குத் துரோகம் செய்து விட்டாள்.அன்றொருநாள் அவள் மிகவும் இக்கட்டில் இருந்தபோது ஒரு தொகை பணம் தந்து அவள் கஷ்டத்தைப் பகிர்ந்து கொண்டேன்.நம்பிக்கைத் துரோகி அதைக் கூட சுலபமாய் மறந்து விட்டாள்.உங்கள் இருவரின் முகத்தில் முழிக்கவும்  எனக்கு விருப்பமில்லை.உன்னைச் சொல்லி குற்றமில்லை.என்னில்தான் பிழை.என் விதி. புது வீட்டுக்கு வரும்போது ஷாலினியை விட்டுவிட்டு என்னை மட்டும் தனியாக வரும்படி நீ சொன்னாய்.ஆனால் நான்தான் முட்டாள். நட்பை வெகுவாக நம்பினேன்.ஆனால் பஞ்சையும்  நெருப்பையும் பக்கத்துக்கு பக்கமாய் வைத்து விட்டு வாரக்கணக்காய் வேலை வேலை என்று அலைந்தது என் குற்றம்தான். நீங்கள் இருவரும் உல்லாசமாக இருந்து கொள்ளுங்கள்,அபலை நான் எங்கோ போகிறேன்........!

                                                                                                                                                                     சாரதா.....!

 

        பிரேமன் அந்த நிமிடமே அதிர்ச்சியாகி ஆ....கடவுளே என குளறியபடி நிலத்தில் அமர்ந்து விட்டான்.இறைவா எனது ஒரு கணநேரச் சபலத்துக்கா இந்தத் தண்டனை. சாரதா நீ இப்போது எங்கேயம்மா இருக்கிறாய்.போனை எடு சாரதா, தயவு செய்து போனை எடடி.அறை திறந்தபடி இருக்க நிலை இடித்ததும் தெரியாமல் கடிதத்துடன் வீட்டுக்குள் ஓடி வருகின்றான். …… !

நிழல்  நீளும் .........! 

  • Like 7
Link to post
Share on other sites
  • கருத்துக்கள உறுப்பினர்கள்

நான் வேறு எதையோ நினைக்க வேறு எப்படியோ மாறுகிறதே கதை.

Link to post
Share on other sites
  • கருத்துக்கள உறவுகள்
18 minutes ago, மெசொபொத்தேமியா சுமேரியர் said:

நான் வேறு எதையோ நினைக்க வேறு எப்படியோ மாறுகிறதே கதை.

மாற்றம் ஒன்றே நியதி, மாற்றம் ஒன்றே மாறாதது சகோதரி......!   😂

Link to post
Share on other sites
  • கருத்துக்கள உறவுகள்

 

நிலம்........... 5 🙊  🙊  🙊  🙊  🙊

                                                            கதவுச் சத்தத்துடன் பிரேமனின் குளறல் சத்தத்தையும் கேட்டு வெளியே ஓடி வந்த ஷாலினி நெற்றியில் ரத்தம் கொட்ட நின்ற பிரேமனின் நிலையை கண்டு கலங்கி என்ன அண்ணா என்ன நடந்தது.ஏன் இப்படி அழுது கொண்டு ஓடி வாறீங்கள் என்று கேட்க பிரேமனும் தன் கையில் இருந்த கடிதத்தை அவளிடம் குடுக்கிறான். அதை வாங்கிப் படித்த ஷாலினியும் அதிர்ச்சியுடன் அப்படியே தரையில் சாய்ந்து விட்டாள். பின்பு ஒருவாறு தன்னை சுதாகரித்துக் கொண்டு எழுந்தவள், உவளுக்கு என்ன விசரே....!இப்படி எங்களைச் சந்தேகப் படலாமோ.... நான் இவள் வருவாளென்று அவளுக்கு பிடித்தமான சாப்பாடெல்லாம் செய்து வைத்து விட்டு காத்துக் கொண்டிருக்கிறன். அண்ணா ! நான் நேற்றிரவே உங்களிடம் சொன்னனான் தானே, சாரதாவும் வரட்டும் உங்களிடம் ஒரு நல்ல செய்தி சொல்ல வேண்டும் என்று......என்ன செய்தி ஷாலினி.... அண்ணா, நேற்றுக்காலை ஆஸ்பத்திரி அப்பாயிண்ட் மென்ட். அங்கு போனனான்.அவர்கள் ஸ்கேன் எடுத்துப் பார்த்து நான் கர்ப்பமாய் இருப்பதை உறுதிப் படுத்தினார்கள்.பிள்ளையும் நல்ல நிலைமையில் இருக்கு. அதைத்தான் உங்கள் இருவரிடமும் பகிர்ந்து கொள்ள விரும்பினேன்.அப்போது டாக்டர் தந்த குளிசை போட்டதால்தான் நல்ல தூக்கம் வந்து அப்படியே ஹாலில் படுத்து உறங்கி விட்டேன். மீண்டும் மீண்டும் சாரதாவுக்கு போனில் கதைக்க முயற்சிக்கிறாள் ஷாலினி.குறுஞ் செய்திகள் போடுகிறாள்.எல்லாம் கிணற்றில் போட்ட கல்போல் அமுங்கி விட்டது.....!

     (அவள் சொன்னதை கேட்டதும் அவனுக்கு சப்தநாடியும் ஒடுங்கி விட்டது....சே என்ன காரியம் செய்யத் துணிந்தேன். ஏதோ என் குலதெய்வம்தான் என்னைக் காப்பாற்றியது.இல்லையென்றால் எவ்வளவு அவமானமாய் போயிருக்கும் என அவன் மனம் எண்ணியது......, அன்று என்ன நடந்ததெனில்)....!

                                                  அன்று கம்பெனி காரில் வீட்டு வாசலில் வந்து இறங்குகிறாள் சாரதா.கதவைத் திறந்து வழக்கம்போல் முன் கொரிடோரில் கோட்டை ஸ்ராண்டில் மாட்டிவிட்டு சப்பாத்தையும் கழட்டி விட்டு நிமிரும்போது உள்ளே பிரேமன் மெல்ல நடந்து சோபாவை நோக்கி போகிறான்.சோபாவில் ஷாலினி கலைந்த ஆடைகளுடன் விட்டேற்றியாக படுத்திருக்கிறாள்.பிரேமனும் அவளை நெருங்கி முகத்தருகே குனிகிறான்.அவனது ஒரு கை அவளருகில் சோபாவிலும் மறுகை அவளின் கையைப் பிடிப்பதுபோல் கீழே நகர்கின்றது.அந்நிலையில் அவன் அவளை முத்தமிடுவதுபோல் ஒரு தோற்றம்.....அதற்கு மேல் சாரதாவால் அங்கு நிக்க முடியவில்லை.ஒரு பக்கம் கட்டிய கணவன் மறுபக்கம் இன்னுயிர்த் தோழி....சே ....என்ன அசிங்கம். மெதுவாகத் தனது கோட்டையும் ஷூவையும் கையில் எடுத்துக் கொண்டு சத்தம் செய்யாமல்  வெளியே வருகிறாள்.அங்கிருந்து லிப்டில் மேலே சென்று சேர்விஸ் ரூமுக்குள் புகுந்து கொண்டாள்.நினைக்க நினைக்க அழுகை அழுகையாக வந்தது.அடக்க முடியவில்லை.எவ்வளவு நேரம் அப்படி அழுதிருப்பாளோ தெரியாது.பின் ஒரு முடிவுக்கு வந்தவளாக எழுந்த சாரதா தனது கைப்பையில் இருந்து காகிதத்தையும் பேனாவையும் எடுத்து கடிதம் எழுதி கட்டிலில் வைத்து விட்டு அடிபட்ட புலியாய் அங்கிருந்து வெளியேறி விடுகிறாள்.......!  
                                                                            அங்கிருந்து ஒரு ஹோட்டலுக்கு சென்ற சாரதா அங்கு படுத்து தூங்க முயற்சித்தும் முடியாமல் அடுத்து என்ன செய்வதென்று யோசிக்கிறாள்.ஒன்றும் புரியவில்லை. கொஞ்சம் நிதானித்துக் கொண்டு தனது தோழியொருத்திக்கு போன் செய்கிறாள். சிறிது நேரம் கழித்து போன் எடுக்கப் படுகிறது. ஹலோ ரத்தி நான் சாரதா பேசுகிறேன் நலமா.....ஓ.....சாரதா நான் நலம்.என்னடி கலியாணத்துக்கு பிறகு உன்னைப் பிடிக்கவே முடியவில்லை.ஆனாலும் இந்தநேரம் போன் பண்ண மாட்டாயே, என்ன விடயம் சொல்லு.என்னை மறந்துட்டியோ என்று நினைத்திருந்தேன்.
சாரதா; ஒன்றுமில்லை ரத்தி நான் சில நாட்கள் உன்கூட தங்க முடியுமா.....விம்மல் வெடிக்கிறது.....!
ரத்தி ;  என்னடி சாரதா அழுகிறாயா....என்ன ஏதாவது பிரச்சனையா.....!
சாரதா : ஒன்றுமில்லை....நேரில் வந்து சொல்கிறேன்.....!
ரத்தி : இப்ப எங்கிருக்கிறாய் சொல்லு....நான் உடனே எனது பைக்கில் வருகிறேன்.( அவவிடம் ஒரு BMW பைக் இருக்கு)
சாரதா : வேண்டாம் நீ வீட்டில் இரு, நான் டாக்சியில் வருகிறேன்........சரி நீ வா பேசிக்கொள்ளலாம்.....!
            ரத்தியினுடையது இரு அறையுள்ள அழகிய அப்பார்ட்மெண்ட்.அந்த கட்டடத் தொகுதி முழுதும் சுத்தமாகவும் சிறிய பூந்தோட்டத்துடனும் மனசை கவரும் வண்ணம் இருக்கின்றது.வீட்டுக்குள் ஹால் சுவரில் ஓரிரு பிரசித்தமான ஓவியங்கள்,ஜன்னல்களில் அழகிய திரைச்சீலைகள், கோர்னர்களில் பச்சை இலை மரங்கள் வண்ணச் சாடிகளில்.இண்டீரியர் டெக்கரேஷன் அழகாய் இருக்கு. சமையலறைத் தொட்டியில் முதல்நாள் இரவு சாப்பிட்ட கோப்பைகளும் பாத்திரங்களும் இன்னும் கழுவாமல் கிடக்கு. அவற்றை வேகமாக வழித்துப் போட்டு கோப்பை கழுவுற மிஷினுக்குள் தள்ளி விட்டு நிமிர காலிங் பெல் சத்தம்....போய் கதவு திறந்ததைத் தொடர்ந்து சாரதா சூட்கேசுடன் உள்ளே வருகிறாள். அவளிடம் பெட்டியை வாங்கிக் கொண்டு அனைத்து வரவேற்று உள்ளே அழைத்துக் கொண்டு போகிறாள் ரத்தி......!
                                                                              ஹாலில் அமர்ந்ததும் கொஞ்சம் தண்ணீர் அருந்திவிட்டு விம்மிக்கொண்டே தான் நேற்றிரவு வந்ததில் இருந்து வீட்டில் பார்த்தது நடந்தது எல்லாவற்றையும் மூக்கைச் சிந்திக்கொண்டு ரத்தியிடம் சொல்கிறாள் சாரதா.அவற்றைக் கேட்ட ரத்தியும் அவளிடம் மூக்கு துடைக்க  ரிசூ பேப்பரை நீட்டியவாறே "இந்த ஆண்களே இப்படித்தான்.எப்பவும் சபல புத்தியுடையவர்கள்.கொஞ்சம் சந்தர்ப்பம் கிடைத்தாலும் எங்க எப்ப எதைப் பார்க்கலாம் என்று அலைவார்கள்.அதுதான் நான் ஒருத்தரையும் நம்புறதில்லை.நம்பவும் மாட்டன்".என்கிறாள்.
சாரதா: அதில்லையடி ரத்தி அவர்களுக்கு நான் வீட்டில் இல்லாதது கும்மாளம் போட வசதியாய் போச்சு....ஷாலினியும் ஆடை விலகியதுகூடத் தெரியாமல் நட்ட நாடு ஹாலில் படுத்திருக்கிறாள்.இவன் போய் அவளை முத்தமிடுகிறான் என்றால் எவ்வளவு கொழுப்பு இருக்க வேண்டும். உவள் ஷாலினியும் எனக்கு கொஞ்ச காசுதர வேண்டும்,இப்ப மெசேஜ் போடுறன் காசு எனக்கு உடனே வேண்டும் அக்கவுண்டில் போடு என்று.ஏன் விடுவான் கொஞ்ச நஞ்ச காசே, ஐயாயிரம் ஈரோ.....!
ரத்தி : பொறு சாரதா,அவசரப்படாதே.எனக்கு என்னமோ நீ அவசரப் படுகிறதுபோல் தெரிகிறது.....!
சாரதா: நான் நேரில பார்த்தனான் சொல்லுறன் நீ நம்ப மறுக்கிறாய்......!
ரத்தி : குழப்பத்தில் எடுக்கும் முடிவு தவறாகப் போயிடும் சாரதா. நீ கொஞ்ச நாள் என்கூட இருந்து வேலைக்குப் போய் வா. நீயும் வேலை வேலை பணம் பணம் என்று வெளியில அலைந்து கொண்டிருந்தால் ஆண்களின் மன நிலைகளையும் கொஞ்சமாவது புரிந்து கொள்ள வேண்டும் சாரதா.நீ போய் குளித்து விட்டு வா..... நான் போய் சமைக்கிறன் என்று உள்ளே போகிறாள்.
ஆனாலும் சாரதாவுக்கு கோபம் குறையவில்லை. பணத்தை உடனே வங்கியில் போடும்படி ஷாலினிக்கு மெசேஜ் தட்டிவிட்டு போனையும் நிறுத்தி வைத்து விட்டு குளிக்கப் போகிறாள்.....!

நிழல் நீளும் ........! 
 

  • Like 6
Link to post
Share on other sites
  • கருத்துக்கள உறவுகள்

ஏன் அண்ணா,நான் உங்களோட ஏதாவது வம்பிற்கு வந்தனானோ 😢

 

Link to post
Share on other sites
  • கருத்துக்கள உறவுகள்
On 3/7/2020 at 4:18 PM, suvy said:

      நிலம்  தழுவாத நிழல்கள்.

அருமை சுவி தொடருங்கள் ———

Link to post
Share on other sites
  • கருத்துக்கள உறவுகள்

வணக்கம் சுதி ஓ மன்னிக்கவும் சுவி
ஒவ்வொரு தொடருக்கும் பகுதி ஒன்று இரண்டு மூன்று என்று அடையாளமிட்டால் வாசிப்பவர்களுக்கு சுலபமாக இருக்கும்.
ஏற்கனவே எழுதியதில் மட்டுறுத்தினருக்கு உங்கள் விருப்பத்தை சொல்னால் பதிவார்கள்.
இப்போது கொஞ்சம் பிசி.சனி ஞாயிறு வாசித்து எழுதுகிறேன்.

Link to post
Share on other sites
  • கருத்துக்கள உறவுகள்

நிலம்........(6).  🦘 🦘 🦘 🦘 🦘 🦘.

                                                 


                                                       சிறிது நேரத்தில் அலுப்புத்தீர குளித்து விட்டு உடை மாற்றிக் கொண்டு வருகிறாள்.அப்போது அவளைத் தள்ளிக்கொண்டு அறைக்குள் வந்த ரத்தி சாரதா கவனமடி.நீ உள்ளே குளிக்கும்போது பிரேமன் இங்கு வந்திருந்தான்.உன்னை விசாரித்தான்.நான் வாசலிலேயே கதைத்து அனுப்பி விட்டேன். ஆனாலும் அவன் சந்தேகத்துடன்தான் போறதுபோல் இருக்கு.......நான் நினைத்தேன்  ரத்தி அவன் இங்கே தேடி வருவான் என்று. நல்லகாலம் தப்பீட்டன்.உடனே ஒரு டாக்சிக்கு போன்பண்ணி அழைத்து தனது பெட்டியுடன் ரத்தியிடம் சொல்லிக்கொண்டு  IT கம்பெனிக்கு போகிறாள். அங்கே போனதும் அவளது மானேஜர் என்ன சாரதா உனக்கு இன்று ஓய்வுதானே வேலைக்கு வந்திருக்கிறாய். ஓம் சேர் ஆனால் எனக்கு இரண்டு வாரம் லீவு வேண்டும் அதுதான்.உன்னுடைய போனவருடத்து லீவே நிறைய கிடக்கு.தாராளமாய் எடுத்துக் கொள். தனது இடத்துக்கு வந்து அமரும்போது அவளருகே கூட வேலைசெய்யும் வனிதா, ஏன் சாரதா மதியமாகி விட்டது. சாப்பிடவில்லையா வா கண்டீனுக்கு போகலாம் என்று அழைக்கிறாள்.அவளுடன் சாரதாவும் போகிறாள்.அங்கே சாரதா சாப்பிடாமல் போனை நோண்டிக் கொண்டிருப்பதைப் பார்த்து என்ன பார்க்கிறாய் என்று கேட்க, நான் அவுட் ஒவ் பாரிஸில் ஒரு ஸ்டூடியோ பார்க்கிறேன் என்று சொல்கிறாள்.நானும் பரிசுக்கு வெளியேதான் இருக்கிறேன்.நாங்கள் மூன்று பெண்களாக ஒரு வீடு எடுத்து செலவுகளை சேர் பண்ணிக்கொண்டு இருக்கிறோம்.இன்னும் ஒரு அறை காலியாக இருக்கு. கிச்சன் மட்டும் பொதுவானது மற்றும்படி றூம் அட்டாச் பாத்ரூம் எல்லாம் ஓகே. சால் டி ஹோல் எயார்போட் பத்து  நிமிடம். எங்கட வேலைக்கு அதுதானே முக்கியம். R E R ...Bயும் இருபது நிமிடத்தில் பாரிஸ் வந்து விடும்.வேலைக்கு வந்து போகவும் சுலபம்.விரும்பினால் சொல்லு மற்ற இருவரிடமும் கேட்டு சொல்கிறேன்.சாரதாவுக்கும் அது நல்ல யோசனையாகப் படுகின்றது. பிரேமன் ஷாலினியின் தொந்தரவும் இருக்காது. ஓகே வனிதா நீ கேட்டு சொல்லு என்று சொல்கிறாள்.வனிதாவும் போனிலேயே மற்ற இருவருடனும் ஒரே சமயத்தில் கதைத்து விட்டு, எல்லாம் சரி நீ என்னுடன் வா இன்று பின்னேரம் அங்கு செல்லலாம் என்று சொல்லுகிறாள்.பின்னேரம் அவளுடன் ட்ரெயினில் போகும்போது வனிதா ஏன் சாரதா சமீபத்தில்தானே உனக்கு திருமணமாச்சு அதுக்குள்ளே தனி வீடு பார்க்கிறாய்.நான் கூட உன் திருமணத்துக்கு வந்திருந்தேன். கிராண்டா செய்திருந்தாய்.ஓம் வனிதா.ஆனால் இப்ப சிறு மனஸ்தாபம் என்று கொஞ்சம் மேலோட்டமாய் சொல்கிறாள்...... நீ சொல்லும் பெண் சிலசமயம் கொம்பனிக்கு வந்து  உன்னை அழைத்துப் போவாளே அவளா .....ம் ....அவள்தான் ஷாலினி என்கிறாள்.....!

அப்படி இப்படி என்று ஒருவாரம் பத்து நாட்கள் போய்விட்டன.வனிதாவும் வேலை நேரம் போக இருவருமாக ஜாக்கிங் போவதும் ஜிம்முக்கு போவதும் லீவு நாட்களில் நீண்ட தூரம் பைக்கில் சென்று வருவதுமாய் இருந்தார்கள். வனிதாவின் முயற்சியில் சாரதாவும் இப்ப மிக நவநாகரீகமான ஆடைகள் அணிகிறாள்.தலை அலங்காரமும் மாறி விட்டிருந்தது. நீளமான கூந்தல் பிரேமனுக்கு மிகவும் பிடிக்கும் என்பதாலேயே அதையும் குட்டையாக கத்தரித்து ஆங்காங்கே மண்நிறத்தில் டையும் அடித்திருந்தாள்.  நாட்கள் செல்ல செல்ல கவலைகளும் குறைந்திருந்தன.இனி இந்த நாடு நாடாக ஊர் சுத்துற வேலையை விட்டிட்டு கம்பெனியிலேயே இருந்து செய்கிற மாதிரி வேலையை மாத்தி எடுக்க வேண்டும் என்று நினைத்துக் கொள்கிறாள்….. !


நிழல் நீளும் .......!

  • Like 6
Link to post
Share on other sites
  • கருத்துக்கள உறவுகள்
22 hours ago, ஈழப்பிரியன் said:

வணக்கம் சுதி ஓ மன்னிக்கவும் சுவி
ஒவ்வொரு தொடருக்கும் பகுதி ஒன்று இரண்டு மூன்று என்று அடையாளமிட்டால் வாசிப்பவர்களுக்கு சுலபமாக இருக்கும்.
ஏற்கனவே எழுதியதில் மட்டுறுத்தினருக்கு உங்கள் விருப்பத்தை சொல்னால் பதிவார்கள்.
இப்போது கொஞ்சம் பிசி.சனி ஞாயிறு வாசித்து எழுதுகிறேன்.

வருகைக்கும் கருத்துக்கும் நன்றி பிரியன்..... நான் முதலில் இருந்து  1,2,3, 4,5. ( 🦜🐧🕷️🙊🦘) என்று படங்கள் போட்டிருந்தேன்.நீங்கள் சொன்னதன் பின் 6 ல் இருந்து இலக்கங்களும் இடுகிறேன்.ஆயினும் மட்டுறுத்தினார்கள் யாராவது கவனித்தால் 1 ல் இருந்து 5 வரை இலக்கங்கள் போட்டு விடவும்......!   😁

On 3/11/2020 at 8:03 PM, ரதி said:

ஏன் அண்ணா,நான் உங்களோட ஏதாவது வம்பிற்கு வந்தனானோ 😢

 

😁  😁

On 3/11/2020 at 11:37 PM, uthayakumar said:

அருமை சுவி தொடருங்கள் ———

வருகைக்கும் கருத்துக்கும் நன்றி உறவுகளே.....!   😁  😁

Link to post
Share on other sites
  • கருத்துக்கள உறுப்பினர்கள்

கதையை மட்டுக்கட்ட முடியாமல் இருக்கு. இடைவெளி அதிகம் இன்றி எழுதுவதற்கும் நன்றி.

  • Like 1
Link to post
Share on other sites
  • கருத்துக்கள உறவுகள்

சுவி அண்ணா!
குறுநாவல் சுவாரசியமாக இருக்கிறது. ஒவ்வொரு தொடரில் இருந்தும் மாறும் கதை , ஆவலை தூண்டுகிறது. தொடருங்கள்.

  • Like 1
Link to post
Share on other sites
  • கருத்துக்கள உறவுகள்

நிலம்.................. (7) 🐕 🐕 🐕 🐕 🐕 🐕 🐕.

 

                            சம்பவம் நடந்ததில் இருந்து அடுத்தநாள் ஷாலினியின் போனுக்கு ஒரு மெசேஜ், வங்கியில் பணம் ஐயாயிரம் ஈரோவையும் உடனே போடும்படி சாரதா அனுப்பியிருந்தாள்.அது ஷாலினிக்கு அவமானமாகவும் ஆத்திரமாகவும் இருந்தது.ரோசம் பொத்துக் கொண்டு வந்தது.உடனே தான் ஆசை ஆசையாய் வாங்கி வைத்திருந்த அத்தனை நகைகளையும் பெட்டியில் இருந்து எடுத்து பையில் போட்டுக்கொண்டு வெளியே வருகிறாள்.உடனேயே வீட்டை விட்டு வெளியேற வேண்டும் என்று தோன்றுகிறது.ஆனால் வீணான பழியைச் சுமந்து கொண்டு போவதா....கூடாது என்று நினைக்கிறாள்.மேலும் பிரேமன் அண்ணாவை நினைக்க பாவமாய் இருக்கு.ஒரு குற்றமும் செய்யாமல் மனுசன் கிடந்தது அல்லாடுது.அப்படியே மெட்ரொ (பாதாள ரயில்) நிலையத்தை நோக்கி நடந்து வரும்போது அவளை உரசிக்கொண்டு ஒரு கார் வந்து நிக்கிறது.அது நிக்கோலாவின் கார்.முன் கண்ணாடியை கீழிறக்கியவன் அவளை பார்த்து ஷாலினி வா  வந்து வண்டியில் ஏறு என்று அழைக்கிறான்.பின்னால் வாகனங்கள் ஹாரன் அடிக்கின்றன. ஷாலினிக்கும் அவனுடன் நிறைய கதைக்க வேண்டும் போல் இருக்கிறது.கதவைத் திறந்து காரில் ஏறுகின்றாள்......!

 (இந்த இடத்தில் வாசகர்களின் ஆரோக்கியம் கருதியும் எனது நலன் கருதியும் இனி வரும் பிரெஞ்மொழி உரையாடல்கள் அனைத்தும் தமிழிலேயே தரப்படுகின்றது).

 

நிக்கோலா: எங்கே போகிறாய் ஷாலினி. நான் உன்னை அங்கு இறக்கி விடுகிறேன்.....!

ஷாலினி : நான் றம்புத்தே வங்கிக்கு போகிறேன்....ஏன் ஷாலினி பக்கத்தில் இவ்வளவு வங்கிகள் இருக்குதே நீ ஏன்  அங்கு போகிறாய்..அப்படி என்ன விசேஷம் அந்த வங்கியில்.....!

ஷாலினி : அதில்லை நிக்கோலா, அந்த வங்கியில்தான் குறைந்த வட்டியில் பவுன் நகைகளை அடைவு வைக்க முடியும்.இப்ப எனக்கு அவசரமாக பணம் தேவைப்படுகின்றது.தமிழ் ஆட்கள் அநேகர் அங்குதான் அடைவு வைப்பினம். அதுதான்.....!

நிக்கோலா ; நகைகளா, அவ்வளவு பெறுமதியானவையா... ஓம் எல்லாம் 22 காரட் கோல்ட். பிரெஞ் கடைகளில் 18 காரட்டில்தான் நகைகள் இருக்கும்.

நிக்கோலா ; எங்கே நான் பார்க்கலாமா..... ஓம் அதுக்கென்ன, ஒவ்வொன்றாக எடுத்துக் காட்டுகிறாள். பதக்கம் சங்கிலிகள், காப்புகள்,தோடுகள், மோதிரங்கள்,நெக்கிலஸ்  என்று எல்லாம் பெட்டிகளில் சிகப்பு வெல்வெட்டில் கண்ணைப் பறிக்கின்றன.....எல்லாவற்றையும் பார்த்து வியந்தவன் ஓ ...கடவுளே, மகாராணிகள் அணிவது போலல்லவா எல்லாம் இருக்கின்றன.இவ்வளவு நகைகளுக்கும்  எவ்வளவு பணம் தருவார்கள்.....!

ஷாலினி : எனக்கு இப்பொழுது 5000 ஈரோதான் தேவை.அதற்கு பெறுமதியானவற்றை குடுத்து விட்டு மிகுதியை கொண்டு வந்து விடுவேன்....!

வீதி ஓரமாகக் காரை நிறுத்தியவன், ஷாலினியைப் பார்த்து அந்தப் பணத்தை நான் தருகிறேன் நீ இந்த நகைகளை திருப்பி வீட்டுக்கு எடுத்துச் செல். பின்பு எனக்கு பணத்தைத் தா....!

 ஏண்டா நீங்கள் எல்லாரும் என்னை என்ன முட்டாள் என்று நினைக்கிறீர்களா....அவள் ஒருத்தி தந்திட்டு தா என்கிறாள். நீ வேற எனக்கு வருகுது வாயில.... வேண்டாம் நிக்கோலா, என்னை வங்கிக்கு கூட்டிக்கொண்டு போறியா இல்லையென்றால் சொல்லு  இங்கேயே இறங்கி விடுகிறேன்..... சரி....சரி  கோவிக்காதே நீ ஏதோ கோபத்தில் இருக்கிறாய் போல என்று சொல்லி அவளுடன் கூடவே வங்கிக்கு செல்கிறான். வங்கியில் அடைவு வைத்து பணம் எடுத்து தனது வங்கியில் போட்டு தனது போன் மூலம் சாரதாவின் அக்கவுண்டுக்கு அனுப்பி விடுகிறாள்.இப்போதுதான் நிம்மதியாய் இருக்கு. பின்பு நிக்கோலாவுக்கு நன்றி சொல்லி விட்டு அவனது பெற்றோர் எல்லோரையும் சுகம் விசாரிக்கிறாள்..... அப்போது நிக்கோலா சொல்கிறான் எனது சகோதரி எமிலிக்கு ஒரு கார் விபத்து ஏற்பட்டது. சீரியஸாய் ஆஸ்பத்திரியில் இருக்கிறாள்.அதுதான் பார்த்து விட்டு வருகிறேன்.....!

                                                                 ஷாலினி: ஓ...பார்தோம் நிக்கோலா எனக்குத் தெரியாது.நானும் ஏதோ ஆத்திரத்தில் உன்னைப் பேசிப் போட்டேன்......பார்தோம் (மன்னிக்கவும்).  உனக்கு இப்போது நேரம் இருக்கா நிக்கோலா இருந்தால் ஒரு நல்ல ஹோட்டலுக்கு போகலாம்.நான் உன்னிடம் ஒரு நல்ல செய்தி சொல்ல வேண்டும்.....!

நிக்கோலா : வாவ் ....நீ எனக்கு ட்ரீட் தரப் போகிறாயா.....இப்ப நீ மிகவும் அழகாய் இருக்கிறாய்.கன்னங்களும் உப்பி கொஞ்சம் சதையும் போட்டு....... நீ ஒரு பொறுக்கி நிக்கோலா செல்லக் கோபத்துடன் சிணுங்குகிறாள்.

                    

                          (இருவரும் ஒரு ஹோட்டல் அறையில்).

நிழல் நீளும் ..........(7).

  • Like 5
  • Haha 1
Link to post
Share on other sites
  • கருத்துக்கள உறுப்பினர்கள்

தொடருங்கள் அண்ணா

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Tell a friend

    Love கருத்துக்களம்? Tell a friend!
  • Similar Content

    • By suvy
      சான்றிதழ்.
      அது ஒரு முன்னிரவு கூடிய மாலை நேரம். மலைநாட்டுக்கே உரிய குளிரும், குளிர்காற்றுடன் சாரலும் அடித்து கொண்டிருக்கு. பாதையும் படுத்திருக்கும் பாம்புபோல் வளைந்து நெளிந்து மேலே மேலே போகிறது.அதில் அந்த ஹையஸ் வண்டி கொண்டைஊசி வளைவுகளில் நிதானமாக ஊர்ந்து ஏறிக்கொண்டிருக்கு.அதன் ஹெட்லைட் இரண்டும் புலியின் கண்கள்போல் மினுங்கி கொண்டிருக்கு. இராகவன் மூன்றாவது கியரில் வண்டியை மிகவும் மெதுவாக செலுத்திக் கொண்டிருக்கிறான். வண்டியின் ஸ்டீரியோவில் சன்னமான குரலில் h.r  ஜோதிபால.......,
      "ஆதர மல் பவண்னே 
      ஆயன மே கமண்ணே 
      ஹொய்தோ யன்னே 
      கவுதோ என்னே 
      துலீகா ....துலீகா ...... பாடிக்கொண்டு வருகிறார்.
      அந்த இனிமையான சிங்களப் பாடல் செவியூடாக மனசில் வியாபிக்கிறது. அவனின் பல்லிடுக்கில் r .v .g .பீடி எரிய மூக்கினால் புகை வெளியேறுகின்றது. வண்டி சமதளத்தில் வருகின்றது. சற்று தூரத்தில் ஒரு பஸ் தரிப்பிடம். அதில் வீதியை பார்த்தபடி ஒராள் நிக்கிறார். அருகே வருகையில் அது ஒரு பெண் எனத் தெரிகின்றது. அவள் முகத்தில் வேதனையுடன் காலை உதறிக் கொண்டிருந்தாள். வண்டியை பார்த்ததும் தனது தாவணியை உருவி அசைத்து நிறுத்துமாறு சைகை செய்கின்றாள். வண்டி நிக்காமல் அவளைக் கடந்து செல்கின்றது. ஒரு நிமிஷம் யோசித்தவன்,தனக்குள் இந்த நேரத்துக்கு இனி இங்கு பஸ் வராது. கூட்டிக்கொண்டு போய் கடைகளுக்கு கிட்ட விடுவம் என நினைத்து றிவ்வார்ஸில் அவளருகே வருகின்றான். அவள் வலியுடன் பதட்டமாய் நிப்பதைப்  பார்த்து, வண்டியை சிறிது திருப்பி அந்த இடத்துக்கு வெளிச்சம் படுமாறு நிறுத்தி காண்ட் பிரேக் போட்டுவிட்டு இறங்கி அவளருகே வருகின்றான்.
      இராகவன்: மொக்கத நோனா கோகேத யன்னே ....,( என்ன பெண்ணே எங்கு போகிறாய்).
      பெண் : மாத்தையா, ஓயாட்ட  மட்ட உதவி கறன்ன புழுவந்த. யம் பழிபோதாக் கயி.....( ஐயா எனக்கு கொஞ்சம் உதவ முடியுமா, எதோ பூச்சி கடிக்குது ).
      அவளது முகத்தையும் உடையையும் பார்த்தவன், நீங்கள் தமிழா. இங்கு யாரையாவது தேடி வந்திருக்கிறீர்களா. எங்கு காட்டுங்கள்.
      ஓம் நான் தமிழ்தான். இங்கு கடிக்குது என்று காலை காட்டுகின்றாள். எடுக்க வருகுதில்லை.
      பொறுங்க நான் பார்க்கிறன், என்று சொல்லி பார்த்தால் அவளது கணுக்காலுக்கு மேல் ஆடுதசையில் மலை அட்டை ஒன்று கடித்து இரத்தம் உறிஞ்சிக்கொண்டிருக்கு. இது மலை அட்டை  அசைய வேண்டாம் என்று சொல்லி வில்லுக் கத்தியை எடுத்து  அவளது சுடிதாரை வெட்டி விட்டு பார்க்க அது இரத்தம் குடித்து குண்டாகிக்  கொண்டிருக்கு. இராகவன் சற்றும் தாமதிக்காமல் பீடியின் நெருப்பை கிள்ளி எறிந்துவிட்டு அந்த பீடியை சப்பி அந்த ஜந்துவின் மேல் பொளிச் பொளிச் என்று துப்புகிறான்.அவளிடம் பேச்சு குடுத்துக் கொண்டே மீண்டும் மீண்டும் எச்சிலை உமிழ அது கடிப்பதை விட்டு தலையை உயர்த்துகிறது. அவனும் சுணங்காமல் கத்தியால் அதை வழித்து எடுத்து அப்பால் போட்டுவிட்டு அவளையும் ஏற்றிக்கொண்டு கடைகள் இருக்கும் இடத்துக்கு வருகின்றான். சில கடைகள் மட்டுமே அங்கிருக்கு.அங்கே அவளை இறக்கிவிட்டு செல்கிறான். அவனது கடையும் பேக்கரியும் அந்த வீதியின் கோடியில் இருக்கு.அங்கு வானை நிறுத்திவிட்டு உள்ளே போனவன் உறங்கி விடுகின்றான்.
      சோதனை தொடரும்....!
       
       
  • Topics

  • Posts

    • 600 கோடி ரூபாய் இலஞ்சம் எப்படியெல்லாம் வேலை செய்கிறது. 😂
    • கண்டிப்பாக சைபர் குற்றங்கள் தொடர்பாகவும் குழந்தைகள் மீதான பாலியல் அச்சுறுத்தல் தொடர்பாகவும் தண்டனை வழங்கப்பட வேண்டியவர். இவரது டுவிட்டர் கணக்கு அழிக்கப்படும் முன் இவரால் மற்றவர்களுக்கு போட்ட ருவீட்டுகளிலும் மிக மோசமான வக்கிரமும் படு ஆபாசமும் நிறைந்து இருந்தன. குழந்தைகள் மீதான வக்கிரப் பார்வை கொண்டு தவறு செய்து விட்டு மன்னிப்பு கேட்டால் மட்டும் சரியாகி விடாது - அதுவும் மாட்டுப்பட்ட பின்.
    • இலங்கையில் எத்தனை மருத்துவபீடங்கள் உள்ளன? ஒரு கல்வியாண்டில் ஆக 270 மருத்துவத்துறை அனுமதிகள் மட்டும்தானா? இது போதுமா? இங்கு தமிழ் மாணவர்கள் ஒரு ஐம்பது தேறுமா? 
    • பொம்பியோவின் வருகையும் அமெரிக்காவின் எதிர்பார்ப்பும் - யதீந்திரா அமெரிக்க ராஜாங்கச் செயலர் மைக் பொம்பியோ இலங்கை வரவுள்ளார். அமெரிக்க ராஜாங்கத் திணைக்களம் இதனை உறுதிப்படுத்தியுள்ளது. புதுடில்லியில் இடம்பெறும் இருதரப்பு அமைச்சர்கள் சந்திப்பிற்காக (U.S.-India 2+2 Ministerial Dialogue) வரும் மைக் பொம்பியோ, தொடர்ந்து கொழும்பிற்கும் விஜயம் செய்யவுள்ளார். இந்தியாவில் இடம்பெறும் இருதரப்பு சந்திப்பிற்கென அமெரிக்க பாதுகாப்புச் செயலர் மார்க் எஸ்பரும் வருகைதரவுள்ளார் ஆனால் அவர் இலங்கைக்கு வருவது தொடர்பில் இதுவரையில் எதுவிதமான தகவல்களும் இல்லை. ஆனால் அண்மையில் அமெரிக்க பாதுகாப்புச் செயலர் எஸ்பர் ஜனாதிபதி கோட்டபாய ராஜபக்சவுடன் தெலைபேசியில் உரையாடியிருந்தார் என்பதும் குறிப்பிடத்தக்கது. பொம்பியோவின் கொழும்பு விஜயத்தின் போது இருதரப்பு உறவுகளை பலப்படுத்துவது மற்றும் சுதந்திரமான இந்தோ- பசுபிக் பிராந்தியம் (Free and open Indo-Pacific region) தொடர்பிலும் பொம்பியோ கவனம் செலுத்துவார் என்று, ராஜாங்கச் செயலகம் தெரிவித்திருக்கின்றது. 2015இல் ஆட்சி மாற்றம் ஏற்பட்டதைத் தொடர்ந்து இலங்கைக்கும் அமெரிக்காவிற்குமான உறவு வலுவடைந்தது. இவ்வாறானதொரு பின்னனியில் அப்போதைய ராஜாங்கச் செயலர் ஹெரி, 2015 மேமாதம் இலங்கைக்கு விஜயம் செய்திருந்தார். அமெரிக்க வெளிவிவகார விடயங்களை கையாளுவதில் ராஜாங்கச் செயல் பதவி என்பது, அமெரிக்க ஜனாதிபதிக்கு அடுத்த நிலையிலுள்ள ஒரு உயர் பொறுப்பாகும். இலங்கையின் அரசியல் வரலாற்றில் அமெரிக்க ராஜாங்கச் செயலர்கள் இலங்கைக்கு விஜயம் செய்திருப்பது மிகவும் அரிதாகவே நடந்திருக்கின்றது. 1972இல், அப்போதைய அமெரிக்க ராஜாங்கச் செயலர் வில்லியம் றொகர்ஸ் (William Pierce Rogers) இலங்கைக்கு விஜயம் செய்திருந்தார். அப்போது நிக்சன் அமெரிக்க ஜனாதிபதியாக இருந்தார். சுனாமி அனர்த்தத்தை தொடர்ந்து இந்தியாவற்கு விஜயம் செய்திருந்த அப்போதைய ராஜாங்கச் செயலர் கோலின் பவல் கொழும்பிற்கு விஜயம் செய்திருந்தார். ஆனால் அதனை அரசியல் ரீதியில் முக்கியமான விஜயம் என்று கூறமுடியாது. இந்த அடிப்படையில் நோக்கினால், 1972இற்கு பின்னர் இடம்பெற்ற முக்கியமானதொரு அமெரிக்க உயர் விஜயமாக, ஜோன் ஹெரியின் விஜயம் அமைந்திருந்தது. அதன் பின்னர் தற்போது பொம்பியோவின் விஜயம் இடம்பெறவுள்ளது. அமெரிக்காவில் அடுத்த மாதம் தேர்தல் இடம்பெறவுள்ள நிலையிலேயே பொம்பியோவின் விஜயம் இடம்பெறவுள்ளது என்பதும் இங்கு கவனிக்கத்தக்கது. மகிந்த ராஜபக்ச அரசாங்கத்திற்கும் அமெரிக்காவிற்கும் இடையில் சுமூகமான உறவுகள் இருந்திருக்கவில்லை. விடுதலைப் புலிகளுக்கு எதிரான இறுதி யுத்தத்தின் போது கொழும்பிற்கு அமெரிக்கா பல்வேறு வழிகளிலும் உதவியிருந்தது. 1997இல் அமெரிக்கா விடுதலைப் புலிகள் இயக்கத்தை சர்வதேச பயங்கரவாத இயக்கமாக பட்டியல்படுத்தி, தடைசெய்தது. இதில் அப்போதைய வெளிவிவகார அமைச்சர் லக்ஸ்மன் கதிர்காமரின் பங்கு முதன்மையானது. அமெரிக்க தடையை தொடர்ந்தே ஏனைய மேற்குலக நாடுகளும் விடுலைப் புலிகள் அமைப்பை தடை செய்தன. விடுதலைப் புலிகள் அமைப்பின் மீதான அமெரிக்க தடையென்பதே கொழும்மை பொறுத்தவரையில் ஒரு மிகப் பெரிய உதவிதான். உண்மையில் விடுதலைப் புலிகள் இயக்கம் எந்தவொரு சந்தர்ப்பத்திலும் அமெரிக்காவிற்கு எதிராக செயற்பட்டதில்லை. தமிழ் இயக்கங்களில் அமெரிக்காவிற்கு எதிராக ஒருவர் செயற்பட்டார் என்றால், ஈ.பி.ஆர்.எல்.எப் இயக்கத்தை மட்டும்தான் குறிப்பிடலாம். 1984ம் ஆண்டு, ஈ.பி.ஆர்.எல்.எப் இயக்கம், அமெரிக்க உளவுத்துறையான சி.ஐ.ஏயிற்கு (CIA) வேலைசெய்பவர்கள் என்னும் குற்றச்சாட்டின் அடிப்படையில், ஸ்டான்லி அலன் மற்றும் மேரி எலிசபெத் (Stanley Allen and Mary Elizabeth) என்னும் அமெரிக்க தம்பதியை யாழ்ப்பாணத்தில் வைத்து கடத்தி, கப்பம் கேட்டிருந்தனர். பேராசிரியர் சூரியநாரயணன் அண்மையில் வெளியிட்ட ஹக்சர் இந்தியாஸ் சிறிலங்கா பொலிசி என்னும் நூலில் இந்த விபரங்களை பதிவுசெய்திருக்கின்றார். இந்த ஒரேயொரு சம்பவம்தான், தமிழ் இயக்கம் ஒன்று அமெரிக்காவிற்கு எதிராக மேற்கொண்ட நடவடிக்கையாகும். http://www.samakalam.com/wp-content/uploads/2020/10/Mike-Pompeo-resize.jpg இறுதி யுத்தத்தின் போது அமெரிக்கா புலிகளின் தலைமையை காப்பாற்றுவதற்கு உதவ விரும்பியதாகவும் ஆனால் இந்தியாவை மீறி அதனைச் செய்யமுடியவில்லை என்றும் ஒரு கதை சொல்லப்படுவதுண்டு, ஆனால் அந்தக் கதையில் எந்தளவு உண்மையிருக்கின்றது என்பது இன்றுவரையில் தெரியவில்லை. விடுதலைப் புலிகளின் தலைமையை காப்பாற்றுவதால் அமெரிக்காவிற்கு என்ன இலாபம்? உண்மையிலேயே அமெரிக்கா அவ்வாறு எண்ணியிருந்தால் இந்தியாவை மீறியும் அதனை செய்திருக்க முடியும். இப்போது இதெல்லாம் ஒரு விடயமுமல்ல. அமெரிக்காவில் ஒபாமா தலைமையிலான ஜனநாயக கட்சியினர் வெற்றிபெற்றதைத் தொடர்ந்து கொழும்புடனான உறவுகள் நெருக்கடிக்குள்ளானது. ஓபாமா நிர்வாகம் மனித உரிமைகள் சார்ந்து ஜக்கிய நாடுகள் சபையின் மனித உரிமைகள் பேரவையுடன் இணைந்து பயணிக்கும் முக்கிய கொள்கை மாற்றம் ஒன்றை மேற்கொண்டது. அப்போது ராஜாங்கச் செயலராக இருந்த ஹிலாரி கிளின்ரன் இதில் முக்கிய பங்கு வகித்திருந்தார். 2011இல் ஹிலாரி கிளின்ரன் எழுதிய கட்டுரை ஒன்றில், அமெரிக்காவின் தலைமைத்துவத்திற்காக ஆசியா ஏங்கிக் கொண்டிருப்பதாக குறிப்பிட்டிருந்தார். இந்தப் பின்னயில்தான், இறுதி யுத்தத்தின் போது இடம்பெற்ற மனித உரிமை மீறல்கள் மீது, அமெரிக்காவின் பார்வை திரும்பியது. இதில் இரண்டு விடயங்கள் இருக்கின்றன. ஒன்று மனித உரிமைகள் மீதான அமெரிக்காவின் உலகளாவிய கரிசனை. இரண்டு ஆசியா தொடர்பான அமெரிக்க கொள்கை. ஆனால் மகிந்த ராஜபக்ச நிர்வாகம் அமெரிக்க அழுத்தங்களுடன் மோதும் கொள்கை நிலைப்பாட்டையே மேற்கொண்டது. ஜக்கிய நாடுகள் சபையின் மனித உரிமைகள் பேரவையின் தலையீடுகளை முற்றிலுமாக நிராகரித்தது. அதாவது, மகிந்த ராஜபக்ச தலைமையிலான கொழும்பு ஆசியாவில் அமரிக்காவின் தலைமைத்துவத்தை ஆதரிக்கவில்லை. ஆனால் அமெரிக்காவின் தலைமைத்துவத்தை தமிழர்கள் வரவேற்றனர் – ஆதரித்தனர். இப்போதும். இவ்வாறானதொரு சூழலில்தான் 2015இல் ஆட்சி மாற்றமொன்று ஏற்பட்டது. ஆனாலும் ஆட்சி மாற்றம் இலங்கைத் தீவில் அமெரிக்க நலன்களை பாதுகாத்ததாக கூறமுடியாது. எம்.சி.சி (Millennium Challenge Corporation (MCC) உடன்பாடு இப்போதும் தென்னிலங்கை அரசியலில் விவாதப் பொருளாகவே இருக்கின்றது. சேபா (status of forces agreement (SOFA) உடன்பாட்டை அமெரிக்காவினால் முன்தள்ள முடியவில்லை. ஆட்சி மாற்றத்தினால் இவற்றை செய்திருக்க முடியும் ஆனால் அது ஏன் நடைபெறவில்லை? ஆனால் ஆட்சி மாற்றம் தலைகீழான விளைவுகளையே ஏற்படுத்தியிருக்கின்றது. மேற்குலகின் நண்பர் என்று கருதப்பட்ட ரணில் விக்கிரமசிங்க அரசாங்கம் மூலோபாய முக்கியத்துவம் வாய்ந்த அம்பாந்தோட்டை துறைமுகத்தை 99 வருட குத்தகைக்கு சீன அரசாங்கத்திற்கு வழங்கியது. இந்த பின்புலத்தில் நோக்கினால் 2015இல் இந்திய – அமெரிக்க தரப்பு ஆதரவளித்த ஆட்சி மாற்றம் ஒரு ராஜதந்திர தவறாக என்னும் கேள்வியே தற்போது எஞ்சிக்கிடக்கின்றது. சீனாவை இதயத்தில் வைத்திருப்பவர்கள் என்று கருதப்படும் ராஜபக்சக்கள் மீண்டும் ஆட்சியை – அதிலும் தனிச்சிங்கள பெரும்பாண்மையில் கைப்பற்றியிருக்கும் சூழலில்தான், மைக் பொம்பியோவின் விஜயம் இடம்பெறவுள்ளது. அண்மைக்காலமாக சீனாவிற்கும் அமெரிக்காவிற்குமான முறுகல் அதிகரித்து வருகின்றது. குறிப்பாக இந்து சமூத்திர பிராந்தியத்தில் சீனா எழுச்சியடைவது நீண்டகால நோக்கில் அமெரிக்காவின் உலக தலைமைத்துவத்தை கேள்விக்குள்ளாக்கிவிடும் என்னும் பார்வை அமெரிக்க ராஜதந்திர சமூகத்தின் மத்தியில் உண்டு. இந்த பின்புலத்தில்தான் அமெரிக்கா, சுதந்திர திறந்த – இத்தோ பசுபிக் பிராந்திய கொள்கையை முன்னிறுத்துகின்றது. இந்தோ பசுபிப் கொள்கை என்பதே சீனாவை ஒரு வரையறைக்குள் முடக்கும் தந்திரோயம்தான். இந்தோ – பசுபிக் கொள்கையில் இந்தியாவே பிரதான பங்காளி. இந்தோ பசுபிக் கொள்கையை சிலர் ஹொலிவுட்டிலிருந்து பொலிவுட்டுக் என்றும் கூறுவதுண்டு. அமெரிக்காவில் நிர்வாகங்கள் மாறினாலும் வெளிவிவகாரக் கொள்கையில் பெரியளவில் அடிப்படையான மாற்றங்கள் நிகழ்வதில்லை. ஒபாமா நிர்வாகம் ஆசிய மையக் கொள்கையை முன்தள்ளியது. ஆசியாவில் அமெரிக்காவின் உலகளாவிய தலைமைத்துவத்தை மீளவும் உறுதிசெய்வதுதான் ஆசிய மையக் கொள்கையின் இலக்கு. இந்த கொள்கையின் அடுத்த கட்ட நகர்வுதான் இந்தோ – பசுபிக் கொள்கை. ஒரு வேளை ஜனாதிபதி தேர்தலில் குடியரசு கட்சி தோல்விடைந்தாலும் கூட, வரப்போகும் ஜோ பைடன் நிர்வாகத்தின் சீனா தொடர்பான அணுகுமுறையிலும் பெரியளவில் மாற்றங்கள் ஏற்படப் போவதில்லை. ஆனால் பைடன் வெற்றிபெற்றால் அமெரிக்கா இந்தோ – பசுபிக் கொள்கையை முன்னெடுக்கும் அதே வேளை, ஆசிய நாடுகளின் மனித உரிமைகள் விடயத்திலும் கூடுதல் கரிசனையை காண்பிக்கும். மீண்டும் மனித உரிமைகள் பேரவையுடன் இணைந்து பணியாற்றும் கொள்கை நிலைப்பாட்டை எடுக்கும். டொனால் றம்பின் அணுகுமுறைகளால் ஜக்கிய நாடுகள் சபையை சீனா கையகப்படுத்திவிடும் ஆபத்துள்ளதாகவும் சில அமெரிக்க கொள்கைசார் ஆய்வாளாகள் சுட்டிக்காட்டுகின்றனர். இந்த பின்புலத்தில் இலங்கையின் இறுதி யுத்த விவகாரம் மீண்டும் அமெரிக்க நிகழ்ச்சிநிரலில் இடம்பிடிக்கும். http://www.samakalam.com/wp-content/uploads/2020/10/usa-sri-lanka-1.jpg மைக் பொம்பியோவின் விஜயத்தின் போது அவர் சுதந்திர இந்தோ – பசுபிக் பிராந்திய ஒத்துழைப்பு தொடர்பில் தனது கரிசனையை நிச்சயம் வெளிப்படுத்துவார். பொம்பியோ போடப்போகும் அடித்தளத்தில்தான் அடுத்து வரவுள்ள அமெரிக்க நிர்வாகம் – பயணிக்கும். அது எந்தக் கட்சியாக இருந்தாலும். இலங்கையில் சீனா வலுவாக காலூன்றியுள்ள நிலையில், ஒப்பீட்டடிப்படையில் அமெரிக்காவின் இந்தோ – பசுபிக் கொள்கைக்கான தளம், இலங்கையில் பலவீனமாகவே இருக்கின்றது. அமெரிக்க எதிர்பார்ப்புக்கள் இலங்கையில் தொடர்ந்தும் நிறைவேறாமல் இருப்பதானது பிறிதொரு வகையில் அமெரிக்கா முன்தள்ளும் சுதந்திர – திறந்த இந்தோ – பசுபிக் கொள்கையில் ஏற்படும் ஒரு ஆசியப் பின்னடைவாகும். சீனா அதிகம் இலங்கைக்குள் காலூன்றியிருக்கும் நிலையில் சேபா உடன்பாடு மிகுந்த முக்கியத்துவம் பெறுகின்றது. சோபா உடன்பாடு அடிப்படையில் இராணுவ ரீதியான ஒன்று. இதன் மூலம் அமெரிக்க படைகள் இலக்கைக்குள் வந்து செல்ல முடியும். ஒரு காலத்தில் அமெரிக்க படைகள் இலங்கைக்குள் வருவதை இந்தியா விரும்பவில்லை. அது அன்றைய பனிப்போர் கால பிரச்சினை. இன்று இந்தியாவின் நலன்களை கேள்விக்குள்ளாக்கும் வகையில் சீனா அதிகம் காலூன்றிவிட்ட நிலையில், அதனை சமநிலைப்படுத்துவதற்கான உபாயங்களில் இந்தியா ஒரு போதுமே பாராமுகமாக இருக்க முடியாது. இந்த பின்புலத்தில் சோபா அல்லது வேறு ஏதோவொரு வகையில் அமெரிக்காவின் பிரசன்னம் இலங்கையில் இருப்பது இந்தோ – பசுபிக் கொள்கைக்கு கட்டாயமானது. இ;ல்லாவிட்டால் இந்திய – இலங்கை ஒப்பந்தத்தை பிரயோகித்து இந்திய படைகள் இலங்கையில் நிலைகொள்ளும் உபாயம் தொடர்பில் இந்தியா கவனம் செலுத்த வேண்டும். இலங்கையில் அமெரிக்காவின் எதிர்பார்ப்புக்கள் தள்ளாடுவதுதானது திறந்த இந்தோ – பசுபிக் கொள்கைக்கான ஒரு ஆசியப் பின்னடைவாகவும் அமைந்துவிடலாம். ஏனெனில் ஒரு சிறிய நாட்டில் சீனாவை தோற்கடிக்க அமெரிக்காவினால் முடியாவிட்டால், ஆசியாவில் எவ்வாறு அமெரிக்காவினால் அதன் தலைமைத்துவத்தை உறுதிசெய்ய முடியுமென்னும் கேள்வி எழலாம். இந்த அடிப்படையில் சோபா மற்றும் எம்.சி.சி உடன்பாடு தொடர்ந்தும் இழுபடுவது தொடர்பில் மைக் பொம்பியோ இறுக்கமாக எதிர்வினையாற்றுவாரா? பொம்பியோவின் விஜயத்தின் போது ஒரு வேளை அவர் ஈழத் தமிழ் தலைவர்களை சந்தித்தால் அதுவும் கொழும்பிற்கான ஒரு செய்தியாகவே அமையலாம்.   http://www.samakalam.com/செய்திகள்/பொம்பியோவின்-வருகையும்/
    • மீண்டும் வரும் ‘கொரோனா’ -அனுதினன் சுதந்திரநாதன் கொரோனா வைரஸ் பரவுகையின் தாக்கம், இலங்கையில் அசுர தாண்வம் ஆட ஆரம்பித்து இருக்கிறது. பல இடங்களில், தனிமைப்படுத்தல் ஊடரங்குச் சட்டங்கள் அமுல்படுத்தப்பட்ட கட்டுப்பாடுகளும் அதிகரிக்கப்பட்டுக் கொண்டே வருகின்றன. அடுத்த நிமிடமே, நாம் வாழும் சூழல் தனிமைப்படுத்தலுக்கு உட்படுத்தப்பட்டு விடுமோ என்ற அச்சத்துடனேயே, ஒவ்வொரு வினாடிகளையும் கழிக்க வேண்டிய நிர்ப்பந்தம் ஏற்பட்டிருக்கிறது. நம்மை நாம், பாதுகாத்துக் கொள்வதில் காட்டிய அலட்சியமும் கொரோனா வைரஸ் பரவலைத் தடுத்து, வென்றுவிடுவோம் என்கிற மமதையில், இலங்கை அரசாங்கம் விட்ட தவறுகளுமே, இன்றைய சூழ்நிலையில், வீரியம் கொண்டிருக்கும் வைரஸ் பரவலைத் தடுக்க முடியுமா என்கிற கேள்வியை, எழுப்பி இருக்கிறது.   2020ஆம் ஆண்டின் மார்ச் மாதத்தில், ஒட்டுமொத்த நாடுமே, முழுமையான முடக்கத்துக்குள் உட்படுத்தப்பட்டதை ,அத்தனை இலகுவில் மறந்திருக்க முடியாது. ஆனாலும், ‘வருமுன் காக்க வேண்டும்’ என்பதற்காக, பல பொருளாதார இழப்புகளையும் தாங்கிக்கொண்டு, அந்த முழுமையான முடக்கத்தை, அரசாங்கமும் மக்களும் சரியாக நடைமுறைப்படுத்தி இருந்தார்கள்.  ஆனால், இம்முறை, அதே பொறுப்புணர்வை யாரிடத்திலும் பார்க்க முடியவில்லை. இதனால், கொரோனா வைரஸின் தாக்கத்துடன் இணைந்த பொருளாதார இழப்புகளுக்கு, முகம்கொடுக்க வேண்டிய மிக இக்கட்டான சூழ்நிலைகள், எம்மைச் சூழ்ந்து கொண்டுள்ளன என்பதே உண்மை. திறந்த பொருளாதாரச் சூழ்நிலையில், எல்லா நாடுகளினதும் சரி, எல்லா வியாபாரங்களினது தொடர்புகளும் சரி, ஒன்றுக்கொன்று நெருக்கமாக இருக்கின்றன. இதன் விளைவாக, பொருளாதாரத் தாக்கங்கள், ஒருவரை மாத்திரம் பாதிப்பதாக இருக்காது. ஒருவரோடு தொடர்புபட்டு இருக்கும், ஒவ்வொருவரையும் பாதிப்பதாகவே இருக்கப்போகிறது. உதாரணமாக, கொரோனா வைரஸின் தாக்கத்தின் காரணமாக, பல நாடுகளும் முடங்கிப் போயுள்ளன. அந்த நாடுகளிலுள்ள பல்வேறு நிறுவனங்களும், தங்களது தொழில்முறை செயற்பாடுகளை நிறுத்தவேண்டிய சூழ்நிலையில் உள்ளன. எனவே, தன்னிடம் இருக்கக்கூடிய தொழிலாளர் வளங்களைக் காப்பாற்றக் கூடியவகையில், தன்னிடம் இருப்பிலுள்ள நிதியைக் காப்பாற்றிக்கொள்ள வேண்டியதாக இருக்கும்.  எனவே, தற்சமயத்தில் செயற்பாட்டில் இருக்கக்கூடிய செயற்றிட்டங்கள், புதிய திட்டங்கள் ஆகியவற்றை நிறுத்த முற்படும். இது, வெளிநாட்டில் இருக்கக்கூடிய குறித்த நிறுவனத்தில், தங்கி இருக்கக்கூடிய இலங்கை நிறுவனத்தையும் விரைவாகப் பாதிக்கச் செய்யும். குறித்த, வெளிநாட்டு நிறுவனத்தின் திட்டங்களில் வேலை செய்யும் இலங்கையின் நடுத்தர வர்க்கத்தினர், வேலையற்ற நிலையில், ஏனைய செயற்றிட்டங்களுக்கு மாற்றப்பட முடியாமல், தங்களது வேலைகளை இழக்க நேரிடலாம்.  இந்த வேலையிழப்பு, வேலையிழந்த அந்த நபரை மட்டும் பாதிக்கப்போவதில்லை. அந்த நபரையும் அவரது குடும்பத்தையும், இலங்கையின் உள்நாட்டுப் பொருளாதாரத்தையும் பாதிப்பதாக அமையும். காரணம், குறித்த குடும்பங்களில் வருமான மூலம் தடைப்படும்போது, அந்தக் குடும்பங்களால் அத்தியாவசிய தேவைகள் தவிர்ந்து, ஏனைய செலவீனங்களைக் கட்டுப்படுத்த வேண்டிய நிர்ப்பந்தம் ஏற்படும். அது, இலங்கையில் தொழில் முயற்சிகளில் ஈடுபடும் இன்னுமொருவரை, மறைமுகமாகப் பாதிக்கச் செய்யும். இது, நாட்டின் பணப்பாய்ச்சலைக் குறைப்பதன் விளைவாக, இலங்கையின் பொருளாதாரச் செயற்பாடுகளும் மிகப்பாரதூரமான அளவில் பாதிக்கப்படும். http://static2.tamilmirror.lk/assets/uploads/image_f022660ad4.jpg தற்போதைய நிலையில், அதிக நாள்களாக முடக்க நிலையிலிருக்கும் கம்பஹா மாவட்டத்தில், கொரோனா வைரஸால் பாதிக்கப்பட்டவர்கள் மட்டுமின்றி, பொருளாதார ரீதியாகப் பாதிக்கப்பட்டவர்களும் உருவாகி இருக்கிறார்கள். அரசாங்கம் ஆட்சியிலிருப்பதற்கு,  பெரும்பான்மை வாக்குகளை வாரி வழங்கிய மாவட்டமாக கம்பஹா இருப்பதால், மிகவிரைவாகவே அவர்களுக்கான நிதி திட்டங்களை அரசாங்கம் நடைமுறைப்படுத்த விளைந்திருக்கிறது.  இதுவே, ஒட்டுமொத்த இலங்கையும் பாதிக்கப்படுகின்ற சூழ்நிலை உருவாகின்றபோது, ஏனைய இடங்களில் வாழ்கின்ற மக்களின் வாழ்வாதார நிலைக்கும், இதுபோல விரைவாக, இந்த அரசாங்கத்தால் செயற்பட முடியுமா? கோட்டாபய, ஜனாதிபதியாகப் பொறுப்பேற்றதுமே, பொருள்கள், சேவைகளுக்கான வரிகளைக் குறைத்ததுடன், அரசாங்கத்துக்கு வருமான மூலமாக இருக்கக்கூடிய, பல்வேறு வருமான வரிகளையும் குறைத்திருந்தார். இதன் நோக்கம், மக்களின் கைகளில் மாதாந்தம் கிடைக்கின்ற பணத்தின் அளவை அதிகரிப்பதன் மூலமாக, கொள்வனவுச் சக்தியை அதிகரிக்க எதிர்பார்த்ததுடன், இதன் மூலமாக, இழந்த வருமான வரியின் ஒருபகுதியை ஈடுசெய்துகொள்ளவும் எதிர்பார்த்தார். ஆனால், தற்போதைய நிலை, இதற்கு எதிர்மாறாக அமைந்துள்ளது. தற்போதைய நிலையில், இலங்கை அரசாங்கம், வறிய, நடுத்தர மக்களின் நாளாந்தச் செலவினங்களைக் கவனத்தில் கொள்ளவேண்டியதாக இருக்கின்றது. ஒவ்வொரு சுய தொழிற்றுறையாளனுமே, பாதிப்பை எதிர்நோக்க வேண்டியுள்ளது. அதிலும், மிகப்பெரும் வருமான மூலமாக இருக்கக்கூடிய சேவைத்துறை, சுற்றுலாத்துறை இரண்டுமே, மிகப்பெரும் பாதிப்பைச் சந்தித்திருக்கின்றன.   இதன்காரணமாகத்தான், இந்தப் பொருளாதாரம், ‘பிரமிட்’ கட்டுமானம்போல, ஒருவரில் மற்றொருவர் தங்கியிருப்பதாக முன்னரே கூறியிருந்தேன். அத்தியாவசிய சேவைகள் தவிர்ந்த, ஏனைய அனைத்துத் துறைகளிலும் உள்ள அனைவருக்கும் நேரடியாகவோ, மறைமுகமாகவோ நிதி ரீதியான இழப்புகளும் பொருளாதாரப் பிரச்சினைகளும் ஏற்படுவதை தவிர்க்க முடியாது.  எனவே, இந்த நிதி நெருக்கடியைத் தவிர்த்துக்கொள்ளவும் இந்தப் பொருளாதார பிரச்சினைகளைத்  தவிர்த்துக்கொள்ளவும் என்ன மாதிரியான விடயங்களைச் செய்யவேண்டும் என்பதே, மிகப்பெரும் கேள்வியாக இருக்கிறது. அப்பட்டமாக உண்மையைச் சொல்லவதாக இருந்தால், இந்த நிதியியல் சரிவிலிருந்தோ, பொருளாதாரப் பிரச்சினைகளில் இருந்தோ ஒழிந்துகொள்ள முடியாது. நிச்சயமாக, பாதிப்புகள் இருக்கத்தான் செய்யும்.  ஆனால், புத்திசாதுர்யமாகச் செயற்படுகின்ற சந்தர்ப்பத்தில்,  இந்தப் பாதிப்புகளைக் குறைக்கக் கூடியதாக இருக்கும். கொரோனா வைரஸ் பரவலில் இருந்து தப்பித்துக்கொள்ள, சமூக இடைவௌி என்ற செயற்பாட்டை இறுக்கமாகப் பின்பற்றுகின்றோமோ? நிதியியல் ரீதியாக, எதிர்காலத்தில் நெருக்கமாக தொடர்புகளைக் கொண்டிருக்க வேண்டியது அவசியமாகிறது. அதாவது, கொடுக்கல் வாங்கல்களைச் செய்ய வேண்டியது தவிர்க்க முடியாததாகிறது. இதன்மூலமாக, ஒன்றுடன் ஒன்று தொடர்புபட்டுள்ள வணிகங்களில், நிதிச் சுழற்சி ஆரம்பிக்கப்படும்.  இது, தற்போதைய இக்கட்டான சூழ்நிலையில், வேலைகளை இழந்தோருக்கு மீளவும் வேலைகள் கிடைக்கச் செய்கின்ற செயற்பாட்டுடன் ஆரம்பித்து, மீளவும் ஒரு சுழற்சி அடிப்படையில், இந்தச் செயற்பாடுகள் ஒரு ஸ்திரமான நிலைக்குச் செல்ல உதவியாக இருக்கும். இந்தப் பொருளாதார மீட்பு முறையை, வெறும் ஒற்றைப் பந்திக்குள் சுருக்கமாக அடக்கிவிட்டாலும், இந்தச் செயற்பாடுகள் இடம்பெற்று, பொருளாதா ஸ்திரநிலை ஏற்படுவதற்கு, வருடங்கள் பல ஆகலாம். இந்தக் காலத்தைக் குறைப்பதென்பது, தனிமனிதனால் முடியாத ஒன்றாகும். கூட்டு முயற்சியாக, அனைவருமே இணையும்போதுதான், இந்த நிலையில் மாற்றத்தை எதிர்பார்க்கலாம். முதலாளித்துவ பொருளாதாரத்தில், நீங்கள் யாருமே பாதுகாப்பாகவில்லை என்பதை, இந்தக் கொரோனா வைரஸ் பரவல், இலங்கையில் நுழைந்த 2020இன் முற்பகுதியிலேயே உணர்ந்திருப்போம். இம்முறை, இந்தப் பொருளாதார நிலைவரத்துடன், நமது அலட்சிய போக்குக்கு மத்தியில், நமக்குள் ஊடுருவியிருக்கும் கொரோனா வைரஸ் பரவலுக்கு எதிராகவும் போராட்டம் நடத்த வேண்டியதாக இருக்கும். மிக இக்கட்டான சூழலை, எதிர்வரும் சில வாரங்களுக்கு, முகம் கொடுக்க வேண்டியதாக இருக்கிறது. நமது பாதுகாப்பில் எவ்வளவு கவனமாக இருக்கிறோமோ, அதுபோல , நம் பொருளாதாரம் தொடர்பிலும் சிரத்தையோடு சிந்திப்போம்.இல்லையெனில், நாளைய வாழ்க்கையை வாழ, ஏதுமற்ற நிலையைக் கொண்டவர்களாக, நாம் மாறியிருக்கக்கூடும்.    http://www.tamilmirror.lk/வணிகம்/மீண்டும்-வரும்-கொரோனா/47-257495
×
×
  • Create New...

Important Information

By using this site, you agree to our Terms of Use.