கொரோனா வைரஸ் தொடர்பாக பரிசோதிப்பதற்கு தனியார் வைத்திசாலைகளுக்கு அரசாங்கம் தடை

[கிருபன்]

கொரோனா வைரஸ் தொடர்பாக பரிசோதிப்பதற்கு தனியார் வைத்திசாலைகளுக்கு அரசாங்கம் தடை

கொரோனா வைரஸ் தொடர்பாக பரிசோதிப்பதற்கோ அல்லது வைரஸ் தொற்றுக்கு உள்ளாகியிருப்பதாக இனங்காணப்பட்டோர் சிகிச்சை பெறுவதற்கோ தனியார் வைத்திசாலைகளுக்கு அரசாங்கம் தடை விதித்துள்ளது.அத்துடன், சிகிச்சைகளுக்காக அரச வைத்தியசாலைகளுக்கு மாத்திரமே செல்ல வேண்டும் என சுகாதார அமைச்சு பொதுமக்களுக்கு அறிவுறுத்தியுள்ளது.

இது குறித்து சுகாதார சேவைகள் பணிப்பாளர் நாயகம் அனில் ஜாசிங்க தெரிவிக்கையில் அரச வைத்தியசாலைகளில் மாத்திரமே கொரோனா வைரஸ் குறித்த பரிசோதனை மற்றும் சிகிச்சைகளுக்கான ஏற்பாடுகள் மேற்கொள்ளப்பட்டுள்ளன.தனியார் வைத்தியசாலைகளுக்கு இது குறித்து அரசாங்கம் அறிவுறுத்தல் எவற்றையும் முன்னெடுக்கவில்லை. இது தொடர்பான பரிசோதனைகள் அரச மருத்துவ பரிசோதனை நிலையம், ஸ்ரீ ஜயவர்தனபுர பல்கலைக்கழக மருத்துவ பீடம், கராப்பிட்டி மற்றும் அநுராதபுரம் போதனா வைத்தியசாலை உள்ளிட்டவற்றிலேயே மேற்கொள்ளப்படுகின்றன.எதிர்வரும் சில தினங்களில் வட கொழும்பு வைத்தியசாலையிலும் இந்த பரிசோதனைகளை மேற்கொள்வதற்கான நடவடிக்கைகள் முன்னெடுக்கப்பட்டு வருகின்றன என தெரிவித்தார்.(15)
 

http://www.samakalam.com/செய்திகள்/கொரோனா-வைரஸ்-தொடர்பாக-பர/

[ampanai]

"அத்துடன், சிகிச்சைகளுக்காக அரச வைத்தியசாலைகளுக்கு மாத்திரமே செல்ல வேண்டும் என சுகாதார அமைச்சு பொதுமக்களுக்கு அறிவுறுத்தியுள்ளது."

 

பண வசதி உள்ளவர்கள் பொது வைத்தியசாலைக்கு செல்ல தயங்குவார்கள். காரணம், அங்கு செல்வது மூலம் இன்னொருவரிடம் இருந்து வைரஸ் பரவலாம் என்ற பயம். 

அத்துடன், அரச வைத்தியசாலைகளில் போதுமான அளவிற்கு சேவைகளை வழங்கும் வசதியும் இருக்காது. 
 

[கிருபன்]

20 minutes ago, ampanai said:

பண வசதி உள்ளவர்கள் பொது வைத்தியசாலைக்கு செல்ல தயங்குவார்கள். காரணம், அங்கு செல்வது மூலம் இன்னொருவரிடம் இருந்து வைரஸ் பரவலாம் என்ற பயம். 

தயங்கினால் வீட்டிலேயே இருந்துகொள்ளலாம்.

தனியார் வைத்தியசாலைகள் கொரோனா பரிசோதனை என்று பீதியடைந்திருக்கும் மக்களிடம் இருந்து பணம் கறப்பதை தடுக்கும் என்பதால் இந்த அரசாங்கத் தடை மிகவும் முக்கியமானது.

[ampanai]

4 minutes ago, கிருபன் said:

தயங்கினால் வீட்டிலேயே இருந்துகொள்ளலாம்.

தனியார் வைத்தியசாலைகள் கொரோனா பரிசோதனை என்று பீதியடைந்திருக்கும் மக்களிடம் இருந்து பணம் கறப்பதை தடுக்கும் என்பதால் இந்த அரசாங்கத் தடை மிகவும் முக்கியமானது.

1. ஒரு மக்களாட்சி நாட்டில், மருத்துவ சேவை நீடும் ஒருவரை வீட்டில் இருங்கள் என கூற முடியாது. 

2. இன்றுவரை தனியார் வைத்தியசாலைகள் இருந்து வந்ததும், அதில் வரி ஊடாக அரசும் பணம் சம்பாதித்ததும், அங்கு அரசியாவாதிகள், அவர்களின் குடும்பமும் கூட சேவைகள் பெற்றும் தான் வருகின்றன.  

 

[கிருபன்]

26 minutes ago, ampanai said:

ஒரு மக்களாட்சி நாட்டில், மருத்துவ சேவை நீடும் ஒருவரை வீட்டில் இருங்கள் என கூற முடியாது. 

 வீட்டில் இருங்கள் என்று அரசு சொல்லவில்லை. நானும் சொல்லவில்லை. 

அரச மருத்துவமனைகளுக்கு  வசதி படைத்தோர் போக விரும்பாது இருந்தால் அவர்கள் வீட்டில் இருக்கலாம் என்றுதான் சொன்னேன். இது தனிப்பட்ட வசதி படைத்தோரின் முடிவு.

தனியார் மருத்துவமனைகளை கொரோனா வைரஸ் பரிசோதனை செய்ய அனுமதித்தால் அவர்கள் கொள்ளைலாபம் ஈட்ட துணைபோவதில்தான் முடியும்.

 

[ampanai]

17 minutes ago, கிருபன் said:

 வீட்டில் இருங்கள் என்று அரசு சொல்லவில்லை. நானும் சொல்லவில்லை. 

அரச மருத்துவமனைகளுக்கு  வசதி படைத்தோர் போக விரும்பாது இருந்தால் அவர்கள் வீட்டில் இருக்கலாம் என்றுதான் சொன்னேன். இது தனிப்பட்ட வசதி படைத்தோரின் முடிவு.

தனியார் மருத்துவமனைகளை கொரோனா வைரஸ் பரிசோதனை செய்ய அனுமதித்தால் அவர்கள் கொள்ளைலாபம் ஈட்ட துணைபோவதில்தான் முடியும்.

 

"தனியார் மருத்துவமனைகளை கொரோனா வைரஸ் பரிசோதனை செய்ய அனுமதித்தால் அவர்கள் கொள்ளைலாபம் ஈட்ட துணைபோவதில்தான் முடியும்."

 

எப்படியோ இதில் கொள்ளை இலாபம் நடக்கத்தான் போகின்றது. அதாவது, அரச மருத்துவமனைகளில் ஊழல் நடக்கின்றது; நடக்கத்தான் போகின்றது. 

ஆனால், தனியார் மருத்துவ மனைகள் ஊடாக அரசும் பாரிய தொகையை வரியாக பெறுகின்றது.  

[Rajesh]

நல்ல முடிவு!
தனியார் சுரண்டலுக்கு ஆப்பு!

[ampanai]

தனியார் வைத்தியசாலைகள் உலகின் யதார்த்தம் (பொருளாதாரம்) .

இலங்கையின் அவை இருப்பதால் சில திறன் மிக்க வைத்தியர்கள் இன்னும் நாட்டில் உள்ளார்கள்.   

[vanangaamudi]

யாழ் மாவட்ட மக்களுக்கு யாழ் போதனா வைத்தியசாலையில் கொரோனா தொற்று பரிசோதனைக்கான வசதிகள் இல்லாவிட்டால் நோயாளிகள் அனுராத புரத்திற்கா செல்லவேண்டும்?

[putthan]

15 minutes ago, vanangaamudi said:

யாழ் மாவட்ட மக்களுக்கு யாழ் போதனா வைத்தியசாலையில் கொரோனா தொற்று பரிசோதனைக்கான வசதிகள் இல்லாவிட்டால் நோயாளிகள் அனுராத புரத்திற்கா செல்லவேண்டும்?

கொரானா நோயாளிகளை மட்டக்களப்பு,வவுனியா போன்ற இடங்களில் அனுமதிப்போம்....ஆனால் பரிசோதனை செய்யும் வசதிகள் கொழும்பில் தான் இருக்கும்...அதுதான் ஜனநாயகம்

[விளங்க நினைப்பவன்]

1 hour ago, putthan said:

1 hour ago, vanangaamudi said:

யாழ் மாவட்ட மக்களுக்கு யாழ் போதனா வைத்தியசாலையில் கொரோனா தொற்று பரிசோதனைக்கான வசதிகள் இல்லாவிட்டால் நோயாளிகள் அனுராத புரத்திற்கா செல்லவேண்டும்?

கொரானா நோயாளிகளை மட்டக்களப்பு,வவுனியா போன்ற இடங்களில் அனுமதிப்போம்....ஆனால் பரிசோதனை செய்யும் வசதிகள் கொழும்பில் தான் இருக்கும்...அதுதான் ஜனநாயகம்

நேற்று (வெள்ளிக்கிழமை) இரவு, மன்னார் இராணுவ முகாமில் பணியாற்றும் சிப்பாய் ஒருவர் கொரோனா வைரஸ் தொற்றுக்கான அறிகுறிகள் காணப்பட்டதால் யாழ்ப்பாணம் போதனா வைத்தியசாலையில் சேர்க்கப்பட்டார்.
அதேபோன்று, மற்றொருவரும் நேற்றிரவு வவுனியாவிலிருந்து அழைத்துவரப்பட்டு, யாழ்ப்பாணம் போதனா வைத்தியசாலையில் சேர்க்கப்பட்டுள்ளார்.
இருவருக்கும் முன்னெடுக்கப்பட்ட ஆரம்ப மருத்துவ சோதனைகளில் கொரோனா வைரஸ் தொற்றுக்கான சாத்தியக்கூறுகள் இல்லை. எனினும் அவர்கள் தனிமைப்படுத்தப்பட்டு சிகிச்சை வழங்கப்படுகிறது என்று யாழ்ப்பாணம் போதனா வைத்தியசாலை நிர்வாகம் தெரிவித்துள்ளது

https://athavannews.com/கொரோனா-வைரஸ்-இராணுவச்சி/

[ampanai]

தனியார் வைத்தியசாலைகளில் நிபந்தனைகளுடன் கொரோனா பரிசோதனை!

கொரோனா வைரஸ் தொற்றினால் பாதிக்கப்பட்டுள்ளாரா என்பதை கண்டறிய பரிசோதனையை மேற்கொள்ளவதற்கு தனியார்துறை வைத்தியசாலைகளுக்கும் அனுமதி வழங்க அரசாங்கம் தீர்மானித்துள்ளது.

கடுமையான நிபந்தனைகளின் அடிப்படையிலேயே இந்த அனுமதியானது வழங்கப்பட்டுள்ளதாக சுகாதார சேவைகள் பணிப்பாளர் நாயகம் அனில் ஜாசிங்க தெரிவித்தார்.

அதன்படி தனியார் வைத்தியசாலைகளில் கொரோனா வைரஸ் தொற்று சோதனைகளுக்கான கட்டணமாக சுமார் 6000 ரூபா அறவிடப்படும்.
 

அத்துடன் தனியார் வைத்தியசாலைகளில் மேற்கொள்ளப்படும் கொரோனா தொடர்பான சோதனை முடிவுகள் 24 மணி நேரத்திற்குள் வழங்கப்படும் என்றும் அவர் சுட்டிக்காட்டினார்.

https://www.virakesari.lk/article/78158