Sign in to follow this  
கிருபன்

கொரோனா கேம்களுக்குத் தடை!

Recommended Posts

கொரோனா கேம்களுக்குத் தடை!

16.jpg

 

கொரோனா வைரஸ் தொடர்பான கேம்கள் மற்றும் அப்ளிகேஷன்களுக்குத் தடை விதித்திருக்கிறது ஆப்பிள் நிறுவனம். உலகத்தில் டிரெண்டிங்கில் இருக்கும் அத்தனையையும் கேம்கள் அல்லது அப்ளிகேஷன்களாகக் கொண்டுவந்து அதைப் பணமாக மாற்றுவது கேம் மற்றும் அப்ளிகேஷன் டெவலப்பர்களின் வேலையாக இருந்துவருகிறது. பெரும்பான்மையான அப்ளிகேஷன்களைப் பணத்துக்கு மட்டுமே விற்பனையாக வைக்கும் ஆப்பிள் ஆப் ஸ்டோர் டெவலப்பர்களின் சொர்க்க பூமி. ஆனால், கொரோனா விஷயத்தில் அப்படியொரு போட்டியை உருவாக்க டெவலப்பர்களுக்கு வாய்ப்பளிக்காமல் தடை செய்திருக்கிறது ஆப்பிள் நிறுவனம்.

கொரோனா வைரஸ் பரவல் தொடங்கிய சமயத்திலிருந்தே அதைக் கண்டு மக்கள் உலகெங்கும் ஓடி ஒளிந்துகொண்டிருக்க, இந்தப் பதற்றத்தைப் பயன்படுத்தி பலவிதமான கேளிக்கை அப்ளிகேஷன்களை உருவாக்கி வந்தனர் டெவலப்பர்கள். அதில் முக்கிய இடத்தைப் பிடித்தவை வைரஸ் தொடர்பான கேம்கள்.

 

இனம் தெரியாத வைரஸால் பாதிக்கப்பட்டு ஜாம்பிக்களாக மாறியவர்களிடமிருந்து தப்பித்து, ஓடி ஒளிந்து உயிரைக் காப்பாற்றிக்கொள்ளும் வகையான கேம்கள் உலகப் பிரசித்தி பெற்றவை. அதுபோலவே, வைரஸ்களை எப்படி பரப்புவது என்று விளையாடும் கேம்களும் கேமர்களிடையே பிரபலமானவை. புதிய வைரஸ்களை உருவாக்கி உலகம் முழுவதும் வெற்றிகரமாக பரவச் செய்யும் விதமான ஒரு கேம் தான் பிளேக் (PLAGUE.INC.).

கொரோனா வைரஸ் சீனாவில் பரவத் தொடங்கிய சமயத்தில், உலகெங்கிலும் உள்ள பல விதமான கேமர்களும் இந்த கேமை விளையாடத் தொடங்கினர். அதில் உருவாக்கப்படும் வைரஸுக்கு கொரோனா அல்லது கோவிட்-19 எனப் பெயர் வைத்து அதை உலகம் முழுவதும் பரவச் செய்து அதை வீடியோவாக வெளியிட்டு மகிழ்ந்தனர். பிளேக் கேமின் வரலாற்றில் இல்லாத அளவுக்கு அதிகமான பிளேயர்கள் ஒரே நேரத்தில் இந்த கேமை விளையாட முயற்சி செய்ததால் ஜனவரி மாதத்தின் இறுதியில், பிளேக் சர்வர்கள் ஆஃப் லைனுக்குச் சென்றன. இந்த கேமை விளையாட முடியாத பிளேயர்கள், பிளேக் நிறுவனத்தைக் கேள்விகளால் துளைத்தெடுக்க அந்த நிறுவனம் ஓர் அறிக்கையை வெளியிட்டது.

 

Our website is currently offline due to very high player numbers. I'm copying our statement on the coronavirus outbreak here so people can still see it.https://www.ndemiccreations.com/en/news/172-statement-on-the-current-coronavirus-outbreak 

View image on Twitter
 
 
 
 

“அளவுக்கதிகமான பிளேயர்கள் விளையாடியதால் சர்வர் ஆஃப்லைனுக்குச் சென்றுவிட்டது. பிளேக் ஒரு கேம்தான். ரியல் உலகத்தில் ஏதாவது ஒரு வைரஸ் தாக்குதல் ஏற்படும்போதெல்லாம், பிளேக் கேம் விளையாடுபவர்களின் எண்ணிக்கை அசாதாரணமான அளவுக்கு உயர்கிறது. இது சரியான முறை அல்ல. இது ஒரு சாதாரண கேம். ரியல் உலக வைரஸ்களுக்கான தீர்வு இங்கு கிடைக்காது. ஆராய்ச்சியாளர்களே இந்த வைரஸ் என்னவென்று தெரியாமல் தவிக்கும்போது, டெவலப்பர்களால் உருவாக்கப்பட்ட இந்த கேமில் எந்தத் தீர்வும் கிடைக்காது. அதிகாரபூர்வமான தகவல்களுக்கு WHO வெளியிடும் தகவல்களைப் பாருங்கள்” எனத் தனது அறிவிப்பில் கூறியிருந்தது பிளேக் நிறுவனம்.

சில நாட்களுக்கு ஆஃப் லைனில் இருந்த இந்த ஆன் லைன் வீடியோ கேம் மீண்டும் செயல்பாட்டுக்கு வந்த பிறகும், அதை விளையாடுபவர்களது எண்ணிக்கை குறையவில்லை. முக்கியமாக, சீனாவில் வீட்டுக்குள் முடங்கியிருந்த மக்களிடையே இந்த கேம் பிரபலமாக இருந்தது. பிப்ரவரி மாதத்தில் அதிகம் பேரால் டவுன்லோடு செய்யப்பட்ட கேமாக இது ஆப்ஸ்டோரில் இடம்பெற்றது. இந்த எண்ணிக்கை உயர்வினை விரும்பாத சீன அரசாங்கம், பிப்ரவரி மாத இறுதியில் தவறான தகவல்களைப் பரப்புவதாகக் கூறி இந்த கேமினை சீனாவின் ஆப் ஸ்டோர், பிளே ஸ்டோர் மற்றும் இதர அப்ளிகேஷன் டவுண்ட்லோடிங் தளங்களிலிருந்து நீக்கியது. இதை வரவேற்ற ஆப்பிள் நிறுவனம் உடனடியாக தனது சீன ஆப் ஸ்டோரிலிருந்து இந்த கேமினை நீக்கியது.

 

 

மார்ச் தொடக்கத்திலிருந்து உலகம் முழுவதும் கொரோனா பாதிப்பு சராசரியாக அதிகமாகியிருப்பதால், இப்போது இந்த கேம் உட்பட கொரோனா தகவல்களை எவ்வித அடிப்படை ஆதாரமுமின்றி வெளியிடும் அனைத்து அப்ளிகேஷன்கள் மற்றும் கேம்களை தனது ஆப் ஸ்டோரிலிருந்து நீக்குவதாக அறிவித்திருக்கிறது ஆப்பிள் நிறுவனம். இதுகுறித்து டெவலப்பர்களுக்கு அனுப்பப்பட்டுள்ள அறிவிப்பில், “அரசாங்கங்கள் மற்றும் அரசாங்கத்தால் அங்கீகரிக்கப்பட்ட தனியார் நிறுவனங்கள் மட்டுமே கொரோனா பற்றிய தகவல்களை வெளியிட அனுமதிக்கப்பட்டிருக்கின்றன. கொரோனா பற்றிய தகவல்கள் அல்லது அதன் டிஜிட்டல் உருவாக்கம் என எவ்விதமான செயல்பாடுகளில் ஈடுபடும் அப்ளிகேஷன்களாக இருந்தாலும், அவை ஆப்பிளின் ஆப் ஸ்டோரிலிருந்து நீக்கப்படும்” எனக் கூறியிருக்கிறது.

-சிவா
 

https://minnambalam.com/public/2020/03/17/16/how-corona-games-and-applications-panic-the-world

  • Like 1

Share this post


Link to post
Share on other sites

இது மிக நல்ல விடயம்......!  👍

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • சிவகங்கை அருகே உணவின்றி தவித்த இலங்கை தமிழர்களுக்கு உதவிக்கரம் நீட்டிய கவுன்சிலர்     சிவகங்கை அருகே உணவின்றி தவித்த இலங்கை தமிழர்களுக்கு அப்பகுதி ஒன்றியக் கவுன்சிலர் மகேஸ்வரி கண்ணன் உதவிகரம் நீட்டினார். சிவகங்கை அருகே ஒக்கூர் இலங்கை தமிழர் முகாமில் 200-க்கும் மேற்பட்டோர் வசிக்கின்றனர். அவர்கள் கூலித் தொழில் செய்து குடும்பம் நடத்தி வந்தனர். இந்நிலையில் கரோனா வைரஸ் தொற்றை தடுக்க நாடு முழுவதும் 21 நாட்களுக்கு ஊரடங்கு உத்தரவு பிறப்பிக்கப்பட்டு உள்ளது. ஊரடங்கால் இலங்கை தமிழர்கள் தங்கள் குடியிருப்புகளிலேயே முடங்கினர். மேலும் வேலைக்குச் செல்லாததால் உணவுப் பொருட்கள் வாங்க முடியாமல் தவித்து வந்தனர். இதையடுத்து அப்பகுதியைச் சேர்ந்த ஒன்றியக் கவுன்சிலர் மகேஸ்வரி கண்ணன் இலங்கை தமிழர்களுக்கு தினமும் உணவு வழங்கி வருகிறார். அவர் ஊரடங்கு உத்தரவு முடியும் வரை உணவுப் பொருட்கள் வழங்க உள்ளார். மேலும் அப்பகுதியில் கிருமி நாசினி தெளிப்பதற்கான கருவியும் இலவசமாக வழங்கினார். அவரது செயலை இலங்கை தமிழர்கள் மனதார பாராட்டினர். https://www.hindutamil.in/news/tamilnadu/548053-councilor-help-sri-lankan-tamils-who-were-left-without-food-near-sivaganga.html  
    • ஈரோடு மாவட்டத்தில் 1 லட்சம் பேர் தனிமைப்படுத்தப்பட்டு  கண்காணிப்பு:  கலெக்டர் கதிரவன் பேட்டி ஈரோடு மாநகராட்சி அலுவலகத்தில் ராணிப்பேட்டை பெல் நிறுவனத்திடம் இருந்து வாங்கிய நவீன கிருமிநாசினி தெளிப்பான் எந்திரத்தை பார்வையிட்ட கலெக்டர் கதிரவன் பின்னர் நிருபர்களுக்கு பேட்டி அளித்தார் . அப்போது அவர் கூறியதாவது:- ராணிப்பேட்டை பெல் நிறுவனத்திடம் இருந்து ஈரோடு கிழக்கு ,கோபி சட்டமன்ற உறுப்பினர் தொகுதி மேம்பாட்டு நிதியில் இருந்து ரூ.3.50 லட்சம் மதிப்பில் நவீன கிருமிநாசினி தெளிப்பான் எந்திரம் வாங்கப்பட்டுள்ளது. மேலும் இதுபோன்ற எந்திரம் தேவைப்பட்டால் எம்எல்ஏக்கள் தொகுதி மேம்பாட்டு நிதியிலிருந்து வழங்க தயாராக இருக்கிறார்கள் வரும் 14ஆம் தேதி வரை ஊரடங்கு உத்தரவு அமலில் உள்ளது நேற்று கூட முதலமைச்சர் கடைகளின் நேரங்களை குறைத்து அறிவித்துள்ளார். ஈரோடு பொருத்தவரை மக்கள் நன்கு ஒத்துழைப்பு கொடுத்து வருகிறார்கள். 28 பேருக்கு கரோனா தொற்றுக் உறுதி செயப்பட்டுள்ளது. நாலு பேர் கோயம்புத்தூரில் சிகிச்சை பெற்று வருகின்றனர். நேற்றுவரை 89 பேர் சிறப்பு வார்டில் சிகிச்சை பெற்று வருகிறார்கள் இதில் ஏற்கனவே 28 பேருக்கு தொடர்பு இருப்பது உறுதி செய்யப்பட்டுள்ளது. 15 பேரின் ரத்த, சளி மாதிரிகள் முடிவு இன்னும் வர வேண்டியுள்ளது. 46 பேருக்கு தொற்று இல்லை என உறுதியாகி உள்ளது. இதுபோக கோபி இரண்டு பகுதியில் கோபி டவுன் கரட்டடிபாளையம், நம்பியூர் பவானியில் கவுந்தப்பாடி சத்தியமங்கலம் மற்றும் ஈரோடு மாநகர் பகுதியில் 10 இடங்களில் தனிமைப்படுத்தப்பட்டு உள்ளது 29,809 குடும்பங்கள் உள்ளன. ஒரு லட்சத்து 9 ஆயிரத்து 809 பேர் உள்ளனர் அவர்கள் வீடுகளில் கண்காணிப்பில் உள்ளனர். நேற்று உள்ளாட்சி அமைச்சர் அனைத்து வீடுகளிலும் சென்று ஆய்வு செய்ய வேண்டும் என்று கூறியிருந்தார் அதற்கான அறிவிப்பு இன்று வெளிவரும் என்று எதிர்பார்க்கிறோம். அறிவிப்பு வந்ததும் எல்லா வீடு வீடாகச் சென்று ஆய்வு செய்யப்படும். ஈரோடு பொறுத்தவரை மளிகை பொருட்கள் தட்டுப்பாடு இல்லை இதுகுறித்து ஏற்கனவே கூட்டம் நடத்தப்பட்டு அவர்களுக்கு தேவையான அறிவுரை வழங்கப்பட்டுள்ளது. கரோனா குறித்து மக்கள் அச்சப்பட தேவையில்லை. இதுவரை சமூக தொற்றாக அது மாறவில்லை. தேவையான முன்னெச்சரிக்கை நாம் எடுத்து வருகிறோம். இவ்வாறு அவர் கூறினார். பேட்டியின்போது தென்னரசு எம்எல்ஏ மாநகராட்சி கமிஷனர் இளங்கோவன் உள்பட பலர் உடனிருந்தன   https://www.hindutamil.in/news/tamilnadu/548036-over-1-lakh-people-isolated-and-monitored-in-erode-district-1.html  
    • செந்தில் தேத்தண்ணீர் கடை பகிடி.😊  
    • யாழில் ஆராதனையில் கலந்து கொண்ட 200 பேர் தலைமறைவு! சுகாதார அதிகாரிகள் குற்றச்சாட்டு Report us Vethu 5 hours ago கொரோனா நோயாளியான சுவிஸ் போதகரினால் நடத்தப்பட்ட ஆராதனையில் கலந்து கொண்ட 200 பேர் தலைமறைவாகி உள்ளதாக தகவல் வெளியாகி உள்ளது. வட மாகாண சுகாதார அதிகாரிகளை மேற்கோள் காட்டி தென்னிலங்கை ஊடகம் ஒன்று இந்தத் தகவல்களை வெளியிட்டுள்ளது. அரியாலையில் சுவிஸ் போதகரினால் நடத்தப்பட்ட ஆராதனையில் வவுனியா, மன்னார் மற்றும் யாழ்ப்பாணம் மாவட்டங்களை சேர்ந்த சுமார் 300 பேர் கலந்து கொண்டமை உறுதி செய்யப்பட்டுள்ளது. இவர்களில் 200 பேர் தனிமைப்படுத்தல் நடைமுறைக்கு உட்படாமல் மறைந்திருப்பதாக சுகாதார அதிகாரிகள் சுட்டிக்காட்டியுள்ளனர். இதேவேளை சுவிஸ் போதகரின் ஆராதனையில் கலந்து கொண்டவர்களில் 7 பேருக்கு கொரோனா வைரஸ் தொற்று ஏற்பட்டுள்ளமை உறுதி செய்யப்பட்டுள்ளதாக யாழ். போதனா வைத்தியசாலையின் பணிப்பாளர் த.சத்தியமூர்த்தி தெரிவித்தள்ளார். முதலில் ஒரு நோயாளியும் பின்னர் தலா மூன்று நோயாளிகளும் அடையாளம் காணப்பட்டுள்ளனர். நேற்று 16 பேரின் இரத்த மாதிரிகள் சோதனையிட்ட போது எவருக்கும் தொற்று ஏற்படவில்லை என உறுதி செய்யப்பட்டுள்ளது. மற்றுமொரு தொகுதியினரின் மருத்துவ அறிக்கைகள் இன்று வெளியாகும் என பணிப்பாளர் சத்தியமூர்த்தி தெரிவித்துள்ளார். https://www.tamilwin.com/security/01/242722?ref=home-top-trending