Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

கொரோனா வைரஸ் அறிகுறிகள் என்ன? வைரஸ் தொற்றில் இருந்து என்னை பாதுகாத்து கொள்வது எப்படி?


Recommended Posts

  • கருத்துக்கள உறவுகள்

கொரோனா வைரஸ் அறிகுறிகள் என்ன? வைரஸ் தொற்றில் இருந்து என்னை பாதுகாத்து கொள்வது எப்படி?

கொரோனா வைரஸ்

உலகம் முழுவதும் மிகவும் தீவிரமாக பரவிவரும் கொரோனா வைரஸ் இதுவரை 156 நாடுகளில் பரவி உள்ளது. 2,01,530 பேர் வைரஸ் தொற்றால் பாதிக்கப்பட்டுள்ள நிலையில், 8007 பேர் மரணித்துள்ளனர். 

கொரோனா வைரஸ் தாக்குதலுக்கு உள்ளாகி அதிலிருந்த மீண்டவர்களின் எண்ணிக்கை 82,032ஆக உயர்ந்துள்ளது. 

இந்தியாவில் வைரஸால் பாதிக்கப்பட்டவர்களின் எண்ணிக்கை 152 ஆக உயர்ந்துள்ளது. 

கொரோனா வைரஸ் என்றால் என்ன? இந்த வைரஸ் எப்படி ஒருவருக்கு பரவுகிறது? இந்த வைரஸை கட்டுப்படுத்த முடியுமா? போன்ற பல கேள்விகளுக்கு விடையளிக்கிறது இந்த கட்டுரை. 

கொரோனாவிலிருந்து நான் என்னை தற்காத்து கொள்வது எப்படி?

உங்கள் கைகளை குறைந்தது 20 நொடிகள் கழுவ வேண்டும். உங்கள் கைகளின் அனைத்து பாகங்களுக்கும் கவனம் கொடுங்கள். சோப்பு மற்றும் நீரைக் கொண்டு நன்றாக கழுவுங்கள். உங்கள் கண்கள், மூக்குகள், மற்றும் வாயை தொடுவதை தவிருங்கள் எனவே அந்த வழியில்தான் வைரஸ் உங்கள் உடம்பில் பரவும். 

நீங்கள் இருமினாலோ அல்லது தும்மினாலோ டிஷ்யூ பேப்பர்களை பயன்படுத்துங்கள். அதை மறக்காமல் குப்பையில் போட்டு கை கழுவுங்கள். கைக்குட்டைகளை காட்டிலும் ஒருமுறை மட்டுமே பயன்படுத்தப்படும் டிஷ்யூக்களை பயன்படுத்துங்கள். டிஷ்யூ பேப்பர் இல்லை என்றால் உங்கள் முழங்கை மூட்டை பயன்படுத்தி இருமுங்கள். கைப்பிடிகள், லிஃப்ட் பொத்தான்கள், போன்ற அதிகம் பேர் தொடும் பொத்தான்களை தொடுவதை தவிருங்கள். காய்ச்சல், இருமல், சுவாசக் கோளாறு போன்ற அறிகுறிகள் இருப்பவர்களிடமிருந்து தள்ளி இருங்கள். உங்களுக்கு காய்ச்சல், இருமல், சுவாசப் பிரச்சனைகள் இருந்தால் எங்கும் போகாமல் வீட்டிலேயே இருங்கள். 

கொரோனா வைரஸ்

உங்களுக்கு கொரோனா உள்ளது என்றால் நீங்கள் என்ன செய்ய வேண்டும்?

நீங்கள் கொரோனா தொற்று பாதிக்கப்பட்ட இடங்களுக்கு பயணம் செய்திருந்தாலோ அல்லது பயணம் செய்தவருடன் தொடர்பில் இருந்தாலோ, விட்டிலேயே இருங்கள். குறிப்பாக உங்களுக்கு லேசாக ஏதேனும் அறிகுறி இருந்தாலோ அது சரியாகும் வரை பிறருடன் தொடர்பில் இருப்பதை தவிர்த்து விடுங்கள். மாஸ்க் (முகக்கவசம்) அணிந்து கொள்ளுங்கள். 

நீங்கள் மருத்துவரிடம் சென்றாலும் அது முழுமையாக உறுதிப்படுத்தப்படுமா என்பது தெரியவில்லை. ஏனென்றால் வைரஸ் தொற்று ஏற்பட்டு அது அறிகுறிகள் காட்டுவதற்கு 14 நாட்கள் எடுத்துக் கொள்ளும். 

உங்கள் மாநில கொரோனா உதவி எண்ணுக்கு தொடர்பு கொள்ளுங்கள். அதன் பின் சுகாதார அதிகாரிகள் உங்களின் மாதிரிகளை சேகரிப்பர். இந்தியாவில் தற்போது 15 சோதனை ஆய்வகங்கள் உள்ளன. உங்களுக்கு தொற்று இருப்பது தெரிந்தால் நீங்கள் தனிமை வார்டில் சிகிச்சை பெறுவீர்கள். 

Banner image reading 'more about coronavirus' Banner

கொரோனா வைரஸ் தொற்றின் அறிகுறிகள் என்ன?

இந்த கோவிட் 19 முதன்முதலில் காய்ச்சலாக தொடங்கும். பின் வறட்டு இருமல் அதன்பின் ஒரு வாரம் கழித்து சுவாசக் கோளாறுகள் ஏற்படும். ஆனால் இந்த அறிகுறிகள் உள்ளவர்கள் அனைவரும் கொரோனா தொற்றால் பாதிக்கப்பட்டவர்கள் என்று அர்த்தமில்லை. இந்த அறிகுறிகள் பிற பொதுவான வைரஸாலும் ஏற்படக்கூடியவை. 

கொரோனா வைரஸ்: சர்வதேச நிலை என்ன? மரணங்கள் எவ்வளவு? - எளிய விளக்கம்

இந்த கோவிட் 19 தீவிரமாக இருந்தால், நிமோனியா, சிறுநீரக பழுது, தீவிர சுவாசப் பிரச்சனை, தீவிர நிலையில் உயிரிழப்பும் ஏற்படலாம். பொதுவாக இந்த அறிகுறிகள் சராசரியாக ஐந்து நாட்களில் தெரியலாம என விஞ்ஞானிகள் தெரிவிக்கின்றனர். ஆனால் சிலருக்கு அதைக்காட்டிலும் தாமதம் ஆகலாம் என்றும் கூறப்படுகிறது.

சிலருக்கு உடல் நலக்குறைவு இருப்பது தென் படுவதற்கு முன்னரே அவர் தொற்றை பரவலாம் என்றும் கூறப்படுகிறது.

ஒருவரின் உடல் வெப்ப நிலையை தெரிந்துகொள்ள எந்த பகுதிகளில் தெர்மாமீட்டர் வைத்து சோதிக்கலாம்?

தெர்மாமீட்டர்

கொரோனா வைரஸ் அல்லது கோவிட்-19 என்றால் என்ன?

கொரோனா வைரஸ்கள் ஒரு பெரிய குடும்பத்தை சேர்ந்தவை. அது மனிதர்கள் மற்றும் விலங்குகள் மத்தியில் பல நோய்களை உருவாக்கும். மனிதர்களில் இந்த கொரோனா வைரஸ் சளி முதல் சார்ஸ் வரையில் உண்டாக்கக்கூடியவை.

தற்போது உலகின் பல்வேறு நாடுகளில் அச்சுறுத்தலை ஏற்படுத்தும் இந்த தொற்றுக்கு கோவிட்-19 என பெயரிட்டுள்ளனர். இந்த தொற்று சமீபமாக கண்டுபிடிக்கப்பட்ட கொரோனா வைரஸால் ஏற்படுகிறது. இது விஞ்ஞானிகளால், சிவியர் அக்யூட் ரெஸ்பிரேட்டரி சிண்ட்ரோம் கொரோனா வைரஸ் 2 அல்லது Sars-CoV-2 என்று பெயரிடப்பட்டுள்ளது. 

கொரோனா ஏற்பட்டால் இறப்பு நிச்சயமா?

கொரோனா தொற்று குறித்த அச்சம் பரவலாக இருந்தாலும், இதனால் இறப்பு ஏற்படும் விகிதம் மிகவும் குறைவே. ஒரு சதவீதத்திலிருந்து 2 சதவீதம் வரையே இறப்பு விகிதம் என கூறப்படுகிறது. ஆனால் அதை உறுதியாக கூற முடியவில்லை.

56,000 நோயாளிகளிடம் உலக சுகாதார நிறுவனம் சோதனை செய்தது; அதில் கண்டறிந்தவை: 

  • 6% பேரின் உடல்நிலை மோசமாக உள்ளது என்றும் அவர்களுக்கு - நுரையீரல் பழுது, செப்டிக் ஷாக் (தொற்றிலிருந்து நம்மைக் காக்க நோய் எதிர்ப்பு சக்தி ரத்தத்தில் வெளியிடும் ரசாயனம் தவறாக நமக்கு ஆபத்தை உருவாக்கும் நிலை), உறுப்புகள் செயலிழப்பு மற்றும் இறப்பு ஏற்படும் ஆபத்து ஆகியவை தென்படுகிறது.
  • 14% பேருக்கு தீவிர அறிகுறிகள் காணப்படுகின்றன. - சுவாப்பதில் சிரமம் மற்றும் நுரையீரலுக்குள் சரியாக காற்று செல்லாமை
  • 80% பேருக்கு மிதமான அறிகுறிகள் - காய்ச்சல், இருமல் சிலருக்கு நிமோனியாவும் இருக்கலாம்.

வயதானவர்கள், ஆஸ்துமா, நீரிழிவு மற்றும் இதய நோய்கள் உள்ளவர்கள் இதனால் அதிகம் பாதிக்கப்படலாம்.

கொரோனா வைரஸ் பரவல் தீவிரமானால் இந்தியாவால் சமாளிக்க முடியுமா?

கொரோனாவை குணப்படுத்த முடியுமா?

தற்சமயம் கொரோனா தொற்றை குணப்படுத்தும் மருந்து இல்லை. இருப்பினும் ஆய்வாளர்கள் மருந்து கண்டுபிடித்து விலங்குகளில் சோதனை செய்து வருகின்றனர் அது சரியாக இருந்தால் பின் மனிதர்களிடத்தில் சோதனை செய்யப்படும். விஞ்ஞானிகள் மருந்து கண்டுபிடித்தாலும் அது அதிகளவில் உற்பத்தி செய்யப்பட வேண்டும். கோவிட் 19 வைரஸ் என்பதால் ஆண்டி பாக்டீரியல் மருந்து (பாக்டீரியாவை அழிக்கும் மருந்து)) செயல்படாது. 

கொரோனாவிலிருந்து உங்களை தற்காத்து கொள்வதற்கான சிறந்த வழி நன்றாக கைகளை சுத்தம் செய்வது. சோப்பையும், தண்ணீரையும் கொண்டு உங்கள் கைகளை நன்றாக சுத்தம் செய்யுங்கள்.

கொரோனா வைரஸ் பரவல் தீவிரமானால் இந்தியாவால் சமாளிக்க முடியுமா?Getty Images

கொரோனா எங்கிருந்து வந்தது?

இந்த SARS-COV-2 வைரஸ் கடந்த டிசம்பர் மாதம் சீனாவில் உள்ள விலங்குகள் சந்தையிலிருந்து, விலங்குகளிடமிருந்து மனிதர்களுக்கு பரவியிருக்கலாம் என்று கூறப்படுகிறது. எந்த விலங்கு என்று இன்னும் கண்டறியப்படவில்லை. இருப்பினும் வெளவால்கள் மூலம் பரவியிருக்கலாம் என்று கூறப்படுகிறது.

Banner image reading 'more about coronavirus' Banner

கொரோனா தொற்று எவ்வாறு பரவுகிறது?

கொரோனா பாதிக்கப்பட்ட ஒருவர் இரும்பும்போது, அந்த வைரஸ் காற்றில் கலக்கலாம். இதை சுவாசித்தாலோ அல்லது அந்த வைரஸ் துகள்கள் பட்ட இடத்தை தொட்டு பின் கண்கள், மூக்கு அல்லது வாயை தொட்டாலோ தொற்று ஏற்படலாம்.

இரும்பும் போதோ அல்லது தும்மலின் போதோ டிஷ்யூ வைத்துக் கொள்ள வேண்டும். கைகளை கழுவாமல் முகத்தை தொடக்கூடாது. மேலும் தொற்று இருக்கலாம் என சந்தேகிக்கப்படும் நபர்களிடமிருந்து தள்ளி இருத்தல் வேண்டும். பாதிக்கப்பட்டவர்களின் மலத்திலிருந்து இந்த வைரஸ் தொற்று பரவ வாய்ப்பில்லை என உலக சுகாதார அமைப்பு தெரிவித்துள்ளது.

கொரோனா வைரஸ் பரவல் தீவிரமானால் இந்தியாவால் சமாளிக்க முடியுமா?

உலகம் முழுவதும் கொரோனா தொற்றுபரவலை தடுப்பது எவ்வாறு?

உலக சுகாதார நிறுவனம் கொரோனா வைரஸை உலகளவில் பரவும் தொற்றாக அறிவித்துள்ளது.

Pandemic என்பது உலகம் முழுவதும் பல்வேறு நாடுகளில் ஒரே நேரத்தில் மக்களிடையே பரவும் தொற்றாகும்.

உலக சுகாதார நிறுவனத்தின் தலைவர் டெட்ரோஸ், வைரஸை தடுக்க நடவடிக்கை எடுக்காமல் இருக்கும் நிலையின் ஆபத்தை விவரிக்கவே இந்த பதம் இப்போது பயன்படுத்தப்படுகிறது எனக் கூறியுள்ளார்.

உலக சுகாதார அமைப்பின் தலைவர் டெட்ரோஸ் கூறுகையில், சில நாடுகள் கட்டுப்படுத்தும் திறன் இல்லாமலும் ,வளம் இல்லாமலும், பிரச்சனைகளை தீர்க்க முடியாமலும் போராடிக் கொண்டிருக்கின்றன என்கிறார்.

எனவே உலக சுகாதார நிறுவனம் அனைத்து நாடுகளிடமும்,

  • உடனடி சிகிச்சை தரும் முறையை உயர்த்தவும்
  • மக்கள் தங்களைத் தாங்களே காப்பாற்றி கொள்ளும் முறை குறித்து அவர்களுக்கு எடுத்துரைக்கவும்

கொரோனா வைரஸ் எனப்படும் கோவிட்-19ஆல் பாதிக்கப்பட்டவர்களை கண்டறிந்து, தனிமைப்படுத்தி, சோதனைக்குள்ளாக்கி அவர்களுக்கு சிகிச்சை வழங்கவும் எடுத்துரைப்பதாக கூறியுள்ளது.

கொரோனாGetty Images

கொரோனா தொற்றை கையாள இந்தியா தயாராக உள்ளதா?

உலகில் அதிக மக்கள் தொகையில் இரண்டாவது பெரிய நாடு, கொரோனா வைரஸ் தீவிரமாகப் பரவினால் அதைச் சமாளிக்க தயார் நிலையில் இருக்கிறதா?

ஏற்கெனவே 3,000 பேருக்கும் மேற்பட்டவர்களைக் கொன்றுவிட்ட, 60க்கும் மேற்பட்ட நாடுகளுக்குப் பரவியுள்ள சுவாச மண்டலம் தொடர்பான இந்த வைரஸ் தாக்குதல் நோயை சமாளிக்க உலகில் ஆயத்தமான முதல் வரிசை நாடுகளில் நாம் உள்ளதாக இந்தியா கூறுகிறது.

இந்த வைரஸ் பாதிப்பால் முதலாவது மரணத்தை சீன அரசு ஊடகங்கள் உறுதி செய்த ஆறு நாட்களில், உலக அளவிலான சுகாதார அவசர நிலையை உலக சுகாதார அமைப்பு (WHO) பிரகடனம் செய்வதற்கு இரண்டு வாரங்களுக்கு முன்பே, ஜனவரி 17 ஆம் தேதியிலிருந்தே விமான நிலையங்களில் பயணிகளுக்கு மருத்துவப் பரிசோதனை செய்யப்பட்டு வருவதாக சுகாதாரத் துறை அமைச்சர் ஹர்ஷ்வர்த்தன் கூறியுள்ளார்.

அருகில் உள்ள நேபாளத்துடன் சர்வதேச எல்லையை பகிரும் ஐந்து மாநிலங்களில் எல்லைப் பகுதியில் வாழும் 27,000-க்கும் மேற்பட்டவர்களின் உடல்நிலை தொடர்ந்து கண்காணிக்கப்பட்டு வருகிறது. அந்தப் பகுதிகளில் 10 லட்சம் பேருக்கு மருத்துவப் பரிசோதனைகள் செய்யப்பட்டுள்ளன என்று அவர் குறிப்பிட்டுள்ளார். இரானிலிருந்து இந்தியாவுக்குத் திரும்பி வருபவர்களைப் பரிசோதிப்பதற்காக, இரானில் ஓர் ஆய்வகத்தை இந்தியா அமைக்கிறது.

இந்த வார இறுதிக்குள் இந்தியா முழுக்க 34 பரிசோதனை நிலையங்களில் இந்த வைரஸ் பரிசோதனை வசதிகள் ஏற்படுத்தப்படும்.

இந்த வைரஸ் தீவிரமாகப் பரவ நேரிட்டால் நிலைமையை எப்படிக் கையாள்வது என்று சுகாதாரத் துறை அலுவலர்களுக்குப் பயிற்சி அளிக்கப்பட்டுள்ளது என்றும், அரசு மருத்துவமனைகளில் தனிமைப்படுத்தி சிகிச்சை அளிப்பதற்கான வார்டு வசதிகள் உருவாக்கப்படுவதாகவும் அமைச்சர் தெரிவித்துள்ளார்.

Banner image reading 'more about coronavirus'

இந்திய அரசால் விதிக்கப்பட்டுள்ள பயணக்கட்டுபாடுகள் என்னென்ன?

இந்தியர்கள் வெளிநாட்டிற்கு பயணம் செய்து திரும்பினால் குறைந்தது 14 நாட்கள் தனிமைப்படுத்தப்படுத்தப்படலாம் என இந்திய சுகாதாரத் துறை அமைச்சகம் தெரிவித்துள்ளது.

இத்தாலி, சீனா, இரான், கொரியா, பிரான்ஸ், ஸ்பெயின் மற்றும் ஜெர்மனியிலிருந்து பிப்ரவரி 15ஆம் தேதிக்கு பிறகு வந்தவர்கள் அனைவரையும் 14 நாட்களுக்கு தனிமைப்படுத்தப்பட வேண்டும். இது வரும் மார்ச் 13-ஆம் தேதி முதல் அமலுக்கு வரும்," என்றும் தெரிவிக்கப்பட்டுள்ளது.

"இந்தியர்கள் அவசியமில்லாத பயணங்களை ரத்து செய்ய கேட்டு கொள்ளப்படுகின்றனர். மேலும் வெளிநாட்டுக்கு பயணம் செய்து வருபவர்கள் 14 நாட்களுக்கு தனிமைப்படுத்தப்படுவர்," என்றும் சுகாதாரத்துறை தெரிவித்துள்ளது.

கொரோனாGetty Images

மாஸ்க் அணிவது பயன் தருமா?

காற்றில் உலவும் பாக்டீரியா அல்லது வைரஸை தடுப்பதற்கு மருத்துவர்கள் பயன்படுத்தும் மாஸ்க் பெரிய பலனை தராது. அந்த மாஸ்க் அழுத்தமாக இருக்காது என்பதாலும், அதில் காற்று தடுப்பான் இல்லை என்பதாலும், கண்கள் மூடப்படாது என்பதால் அவ்வளவு பலனை தராது. என்கிறார் லண்டன் பல்கலைக்கழகத்தின் டேவிட் காரிங்டன் 

உங்களை நீங்களே எவ்வாறு தனிமைப்படுத்திக் கொள்ளலாம்?

நீங்கள் வெளியிடங்களுக்கு செல்வதை தவிர்க்க வேண்டும். பள்ளி, பணி மற்றும் பொது இடங்களுக்கு செல்லக்கூடாது. மேலும் உங்கள் வீட்டில் உள்ளவர்களிடமிருந்து தள்ளி இருங்கள்.

p086d47x.jpg
கொரோனா வைரஸ்: முறையாக கை கழுவுதல் எவ்வாறு?


 

https://www.bbc.com/tamil/global-51854960

Link to comment
Share on other sites

  • 2 weeks later...
  • கருத்துக்கள உறவுகள்

http://covid19.kpolom.com/?fbclid=IwAR1UwI7Iff0o-47yifmpU7lEBU4YQoZYkG2VLjmPV9OVeisbf3E6gbzcxzw

நீங்களும் பரிசோதனை செய்து பாருங்கோ 

Link to comment
Share on other sites

எனது பரிசோதனை முடிவு : 
RESULT: Your risk of having COVID-19 is LOW.
You may be stressed,get some rest
Edited by ampanai
Link to comment
Share on other sites

  • கருத்துக்கள உறவுகள்

என்னோட வேலை செய்யும் ஒருவர் வியாழன் வேலைக்கு வரேல்ல ...நேற்று இன்னொரு பெண் வேலைக்கு வரேல்ல ..அவ தனக்கு தடிமன் என்று தான் மெசேஞ் போட்டு இருந்தார் ...இப்ப எனக்கு மண்டைக்குள்ளால போகுது ...திங்கள் வேலைக்கு போவதா அல்லது வேண்டாமா?

கொரோனா வந்தால் ஒருத்தரும் எட்டியும் பார்க்க மாட்டினம்...அனாதை பிணமாய்த் தான் சாக வேண்டும் 

கொரோனா வந்து சாவதை விட மன வருத்தம் வந்து ஆட்கள் செத்து விடுவோம் போல இருக்கு 

Link to comment
Share on other sites

  • கருத்துக்கள உறவுகள்
10 minutes ago, ரதி said:

என்னோட வேலை செய்யும் ஒருவர் வியாழன் வேலைக்கு வரேல்ல ...நேற்று இன்னொரு பெண் வேலைக்கு வரேல்ல ..அவ தனக்கு தடிமன் என்று தான் மெசேஞ் போட்டு இருந்தார் ...இப்ப எனக்கு மண்டைக்குள்ளால போகுது ...திங்கள் வேலைக்கு போவதா அல்லது வேண்டாமா?

கொரோனா வந்தால் ஒருத்தரும் எட்டியும் பார்க்க மாட்டினம்...அனாதை பிணமாய்த் தான் சாக வேண்டும் 

கொரோனா வந்து சாவதை விட மன வருத்தம் வந்து ஆட்கள் செத்து விடுவோம் போல இருக்கு 

தங்கச்சி!  

Link to comment
Share on other sites

  • கருத்துக்கள உறவுகள்
3 minutes ago, குமாரசாமி said:

தங்கச்சி!  

என்னண்ணை கிட்ட வர பயமாய் இருக்கோ 

Link to comment
Share on other sites

  • கருத்துக்கள உறவுகள்
7 minutes ago, ரதி said:

என்னண்ணை கிட்ட வர பயமாய் இருக்கோ 

அக்கம் பக்கம் நண்பர்கள் உறவினர்கள் இருப்பார்கள் தானே?
ஏன் ஜேர்மனியில் கூட உறவினர் இருக்கின்றார் அல்லவா?
பிறகென்ன அனாதை???? 😁

Link to comment
Share on other sites

  • கருத்துக்கள உறவுகள்
8 minutes ago, குமாரசாமி said:

அக்கம் பக்கம் நண்பர்கள் உறவினர்கள் இருப்பார்கள் தானே?
ஏன் ஜேர்மனியில் கூட உறவினர் இருக்கின்றார் அல்லவா?
பிறகென்ன அனாதை???? 😁

இவ்வருத்தம் வந்தால் ஒருத்தராலும் எட்டிப் பார்க்கவும் இயலாது/ கூடாது அல்லவா...என்னை சார்ந்தவர்கள்,யாழ்கள உறவுகள் ,நண்பர்கள் ,ஏன் என்ட எதிரிக்கு கூட இந்த வருத்தம் வரக் கூடாது என்று கண்ணுக்கு தெரியாத ஆட்டுவிக்கும் சக்தியிடம் கேட்டுக் கொள்கிறேன் ...நல்லதையே நினைப்போம் ,நல்லதே நடக்கும் 🙂

Link to comment
Share on other sites

  • கருத்துக்கள உறவுகள்
26 minutes ago, ரதி said:

என்னோட வேலை செய்யும் ஒருவர் வியாழன் வேலைக்கு வரேல்ல ...நேற்று இன்னொரு பெண் வேலைக்கு வரேல்ல ..அவ தனக்கு தடிமன் என்று தான் மெசேஞ் போட்டு இருந்தார் ...இப்ப எனக்கு மண்டைக்குள்ளால போகுது ...திங்கள் வேலைக்கு போவதா அல்லது வேண்டாமா?

கொரோனா வந்தால் ஒருத்தரும் எட்டியும் பார்க்க மாட்டினம்...அனாதை பிணமாய்த் தான் சாக வேண்டும் 

கொரோனா வந்து சாவதை விட மன வருத்தம் வந்து ஆட்கள் செத்து விடுவோம் போல இருக்கு 

இதில் பயமும் மனஅழுத்தமும்தான் முதல் எதிரி..... இந்த வருத்தத்தால் பாதிக்கப் பட்டு ஆஸ்பத்திரிக்கு சென்று அங்கு குணமாகி இப்ப வீட்டுக்கு வந்த எனக்கு தெரிந்த அம்மையாருடன் நேற்றும் போனில் கதைத்தேன்.அவ நலமாக இருக்கின்றா.....முதலில் தான் கொஞ்சம்  பயந்ததாகச்சொன்னா....ஒருத்தரையும் பார்க்காமல் போயிடுவேனோ என்று.ஆனால் அங்குள்ளவர்கள் உளவியல் ரீதியாக மனத்தைரியம் கொடுத்துள்ளார்கள்.இப்ப சுகமாகி வந்திருக்கின்றா....கூடியவரை சுத்தமாக இருங்கள்.வீட்டுக்குள் இருங்கள். நானே ஒரு வாரமாய் இருக்கிறன்.....தைரியமாக இருங்கள் அது போதும்......!

2 minutes ago, ரதி said:

இவ்வருத்தம் வந்தால் ஒருத்தராலும் எட்டிப் பார்க்கவும் இயலாது/ கூடாது அல்லவா...என்னை சார்ந்தவர்கள்,யாழ்கள உறவுகள் ,நண்பர்கள் ,ஏன் என்ட எதிரிக்கு கூட இந்த வருத்தம் வரக் கூடாது என்று கண்ணுக்கு தெரியாத ஆட்டுவிக்கும் சக்தியிடம் கேட்டுக் கொள்கிறேன் ...நல்லதையே நினைப்போம் ,நல்லதே நடக்கும் 🙂

 

  • Like 1
  • Thanks 1
Link to comment
Share on other sites

  • கருத்துக்கள உறவுகள்
2 minutes ago, suvy said:

இதில் பயமும் மனஅழுத்தமும்தான் முதல் எதிரி..... இந்த வருத்தத்தால் பாதிக்கப் பட்டு ஆஸ்பத்திரிக்கு சென்று அங்கு குணமாகி இப்ப வீட்டுக்கு வந்த எனக்கு தெரிந்த அம்மையாருடன் நேற்றும் போனில் கதைத்தேன்.அவ நலமாக இருக்கின்றா.....முதலில் தான் கொஞ்சம்  பயந்ததாகச்சொன்னா....ஒருத்தரையும் பார்க்காமல் போயிடுவேனோ என்று.ஆனால் அங்குள்ளவர்கள் உளவியல் ரீதியாக மனத்தைரியம் கொடுத்துள்ளார்கள்.இப்ப சுகமாகி வந்திருக்கின்றா....கூடியவரை சுத்தமாக இருங்கள்.வீட்டுக்குள் இருங்கள். நானே ஒரு வாரமாய் இருக்கிறன்.....தைரியமாக இருங்கள் அது போதும்......!

 

நன்றி சுவியண்ணா அன்ட் குசா அண்ணா

Link to comment
Share on other sites

  • கருத்துக்கள உறவுகள்
6 minutes ago, ரதி said:

இவ்வருத்தம் வந்தால் ஒருத்தராலும் எட்டிப் பார்க்கவும் இயலாது/ கூடாது அல்லவா...என்னை சார்ந்தவர்கள்,யாழ்கள உறவுகள் ,நண்பர்கள் ,ஏன் என்ட எதிரிக்கு கூட இந்த வருத்தம் வரக் கூடாது என்று கண்ணுக்கு தெரியாத ஆட்டுவிக்கும் சக்தியிடம் கேட்டுக் கொள்கிறேன் ...நல்லதையே நினைப்போம் ,நல்லதே நடக்கும் 🙂

இந்த வருத்தம் வந்தால் அன்று முதல் சம்பந்தப்பட்டவர் அனாதைதான்.இறந்தாலும் அனாதைதான்.அனாதைப்பிணம் போலவே கையாளப்படும். சொந்த பந்தம் ஆயிரம் இருந்தும்...........

Link to comment
Share on other sites

  • கருத்துக்கள உறவுகள்

இவர் சொல்வதை கவனமாக கேளுங்கள்.வெறும் 6 நிமிடம்தான்.......!

Link to comment
Share on other sites

  • கருத்துக்கள உறவுகள்

🏥UK EXPERIENCE IN COVID 19🏥
Just had a discussion on COVID19 with my supervising Consultant in 🇬🇧 UK ( Cardiothoracic Radiologist); his wife is a Consultant Respiratory Physician and a Frontline health staff in COVID PANDEMIC. Following are important take home messages:
😷 The positive rate of RT-PCR we use now is perceived around 60% alone. For the rest, repeated testing gives positive results. If we take 100 true positive case, this test risks missing of 40 patients initially. These highly likely cases are re- considered as " Highly likely cases" and tested again. In Sri Lanka, with the first negative RT-PCR result we discharge them and is a False reassurance.
😷 They have come across a STAGGERING number of asymptomatic COVID 19 patients, incidentally diagnosed in CT Thorax done for other purposes and subsequently tested positive for COVID19. THEY ARE THE ASYMPTOMATIC CARRIERS. ( Sensitivity of CT -88%, but never to be used as a diagnostic test). As this posed a big risk of infection of other patients and health staff, they have stopped all routine programs. We also have a BIG NUMBER OF ASYMPTOMATIC CARRIERS AMONG US . REMEMBER THE RULE- EVERYONE IS COVID19 POSITIVE UNLESS PROVEN OTHERWISE-. HE COMPARED THE SPREAD WITH THAT OF WILD FIRE🔥🔥🔥🐲🐲🐲🔥.
😷 Many in-patients develop COVID 19 as secondary/ hospital acquired infection.
😷 Now, many YOUNG PEOPLE ARE ALSO BEING BADLY AFFECTED AND ADMITTED TO ICU OR DIE. The severity is believed to depend on the initial virus dose when you get infected. So, always maintain safe distance and minimal contact / conversation.
😷 In UK also, many health care workers have got COVID 19 from patients. Some have died and some are in ICU. It's UNDERREPORTED by media.
😷 No drug is effective.
Please pass this message to your colleagues. Many Journals are giving free access to COVID19 related articles. Now, doctors have to do some reviews and scientific work while practicing. Otherwise we are going to FAIL and risk ourselves infection.
💊 SOCIAL DISTANCING IS THE ONLY SOLUTION AVAILABLE💊
( These respected Consultants work in two big NHS facilities in cities where highest number of cases are being reported)

Regards
Dr Anton Marianayagam MBBS MD FRCR

 
 
 
52
 

 

 

 
 
 
 
 
1
Link to comment
Share on other sites

 

கொரோனா வைரஸ் தொற்று குழப்பங்கள் தீர்க்க நேரலையில் வருகிறார் மருத்துவ கலாநிதி நவாஸ் கான். நேயர்களின் சந்தேகங்களுக்கு நேரடி விளக்கம் தரும் அவசரகால உதவி நிபுணத்துவ ஆலோசகர் இவர்.

 

Link to comment
Share on other sites

  • கருத்துக்கள உறவுகள்

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • சீனாவின் கடன் பொறியும் குளோபல் கேட்வே திட்டமும்   http://www.samakalam.com/wp-content/uploads/2021/10/Nixon-150x150.png–சீனாவின் கடன் பொறிக்குள் இருந்து இலங்கையை மீட்க அமெரிக்க- இந்திய அரசுகளுக்கு முடியுமா இல்லையா என்பதைவிட, இலங்கை எந்தத் திட்டத்தையும் தனக்குச் சாதகமாக்கி ஈழத்தமிழர் விவகாரத்தைச் சர்வதேச அரங்கில் இருந்து முற்காக நீக்கம் செய்வதற்கான சந்தர்ப்பங்களே அதிகரித்து வருகின்றன–   -அ.நிக்ஸன்- இலங்கை போன்ற குறைந்த வளர்ச்சியுடைய நாடுகள் சீனாவின் கடன் பொறிக்குள் சிக்குண்டு இருப்பதாக மேற்கத்தைய ஊடகங்கள் விமர்சித்து வரும் நிலையில், அந்தக் கடன் பொறியில் இருந்து இந்த நாடுகளை மீட்கும் நோக்கில், குளோபல் கேட்வே (Global Gateway)  எனப்படும் உட்கட்டமைப்புத் திட்டம் ஒன்றை ஐரோப்பிய ஒன்றியம் புதிதாக ஆரம்பித்துள்ளது. 2027 ஆம் ஆண்டிற்குள் 300 பில்லியன் யூரோக்கள் ($341 பில்லியன்) பொது மற்றும் தனியார் நிதிகளில் வெளிநாடுகளில் EU உள்கட்டமைப்பு திட்டங்களுக்கு நிதியளிக்கிறது. இத் திட்டம் சீனாவின் பட்டுப்பாதைத் திட்டத்திற்கு (China’s Belt and Road Initiative-BRI) போட்டியாகவே இருக்குமென்பதில் மாற்றுக் கருத்தில்லை. குளோபல் கேட்வே திட்டம் தொடர்பான  ஐரோப்பிய ஊடகங்களின் விமர்சனத் தொனியும் சீனாவின் பட்டுப்பாதைத் திட்டத்திற்கு மாற்றானதாகவே தெரிகின்றது. ஐரோப்பிய ஒன்றியத்துக்குள் அமெரிக்காவும் பிரித்தானியாவும் அங்கம் வகிக்கவில்லை. ஆனாலும் குளேபல் கேட்வே என்ற உட்கட்டுமானத் திட்டங்களுக்கு ஒத்துழைப்பு வழங்குவதன் மூலம் இந்தோ- பசுபிக் மற்றும் தென் சீனக் கடல் பாதுகாப்பு விவகாரங்களில் இலங்கை, மியன்மார் போன்ற சிறிய குறை வளர்ச்சியுள்ள நாடுகளைத் தங்கள் பக்கம் ஈக்க முடியுமென அமெரிக்க போன்ற மேற்கத்தைய நாடுகள் நம்புகின்றன. சீனாவின் ஆக்கிரமிப்பில் இருந்து தாய்வானைப் பாதுகாக்கவும் நிதியுதவி செய்யலாமென்ற எதிர்ப்பார்ப்பும் உண்டு. ஏனெனில் குளோபல் கேட்வே எனப்படும் இத் திட்டத்திற்கான ஆவணத்தில் சீனாவின் பெயர் குறிப்படப்படவில்லை. ஆகவே இத் திட்;டத்திற்குப் பின்னால் உள்ள அரசியல் கணக்கீடு, சீனாவின் பட்டுப்பாதைத் திட்டத்திற்கு எதிரானதே என்ற முடிவுக்கு வரலாம். ஐரோப்பிய ஒன்றியத்திற்கான ஜேர்மன் தூதுவர் மைக்கேல் கிளாஸ், இந்தத் திட்டம்  EU ஐ மிகவும் பயனுள்ள புவிசார் அரசியல் வீரராக மாற்றும் ஆற்றலைக் கொண்டுள்ளது என்கிறார். அத்துடன் இத்திட்டம் சீனாவின் பட்டுப்பாதைத் திட்டத்திற்கு மாற்றீடானது என்ற தொனியிலும் அவர் விபரிக்கிறார். கொவிட்-19 தொற்றுநோய், உலகப் பொருளாதாரத்தில் மாற்றத்தை ஏற்படுத்தியுள்ளது. குறிப்பாக இலங்கை, மியன்மார் போன்ற குறைந்த வளர்ச்சியுடைய நாடுகளின் பொருளாதாரம் மீளெழும்ப முடியாத நிலைமைக்குள் வந்துள்ளது. இதனால் குளோபல் கேட்வே என்ற திட்டம் பயனளிக்கும் என்று கூறினாலும், இதன் பின்னணியில் புவிசார் அரசியல் உள்ளது என்பதை மறுப்பதற்கில்லை. ஐரோப்பாவின் பொருளாதார வெற்றியின் பெரும் பகுதி ஆசிய மற்றும் ஆப்பிரிக்க நாடுகளைக் கொள்ளையடித்ததன் அடிப்படையில் கட்டமைக்கப்பட்டதாகக் குற்றம் சுமத்தியுள்ள சீனாவின் குளோபல் ரைம்ஸ் என்ற ஆங்கில ஊடகம், கொவிட் 19 நோய்த் தாக்கத்தின் பின்னர் இலங்கை போன்ற நாடுகளுக்கான நிதியுதவிகளை ஐரோப்பிய நாடுகள் குறைத்திருந்ததாகவும் சுட்டிக்காட்டியுள்ளது. மேற்கு மற்றும் ஐரோப்பாவில் கடந்த இரு ஆண்டுகளாக நிதி நெருக்கடி ஏற்பட்டிருந்தவொரு சூழலில், இலங்கை போன்ற நாடுகளுக்குச் சீனா உதவியளித்ததாகவும் குளோபல் ரைம்ஸ் பகிரங்கப்படுத்தியுள்ளது. சீனாவின் பட்டுப்பாதைத் திட்டம் ஐரோப்பிய ஒன்றியத்தின் குளோபல் கேட்வே என்ற உட்கட்டுமானத் திட்டத்தில் இருந்து வேறுபட்டதெனவும், குறைந்த வளர்ச்சியுடைய நாடுகளின் பொருளாதார ஒத்துழைப்பில், சீனா பெரும் வெற்றியை அடைய முடிந்தமைக்குக் காரணம் எந்தவொரு அரசியல் பின்னணியும் இல்லாமையே என்றும் குளோபல் ரைம்ஸ் சீனாவை நியாயப்படுத்துகின்றது. http://www.samakalam.com/wp-content/uploads/2021/12/chinas-debt-tarp.jpg ஆனால் சீனாவின் பட்டுப்பாதைத் திட்டத்திற்கு அரசியல் பின்னணி இருப்பதாலேயே ஐரோப்பிய ஒன்றியம் குளோபல் கேட்வே திட்டத்தில் கூடுதல் கவனம் செலுத்த நேரிட்டது என்ற தொனியில் ஜேர்மன் தூதுவர் மைக்கேல் கிளாஸ் கருத்து வெளியிட்டிருக்கிறார். குளோபல் கேட்வே திட்டத்தைச் செயல்படுத்தும் போது ஜனநாயகம் மற்றும் மனித உரிமைகள் போன்ற மதிப்புகள் வலியுறுத்தப்படும் என்றும் தூதுவர் மைக்கேல் கிளாஸ் வலியுறுத்துகிறார். ஆகவே இத் திட்டத்தை ஊக்குவிக்கும் நோக்கிலேயே சீனாவின் கடன் பொறிக்குள் குறைந்த வளர்ச்சியடைந்த நாடுகள் என்று அமெரிக்க ஊடகங்கள் குற்றம் சுமத்துவதற்கான காரணங்கள் என்று கூறலாம். குறிப்பாக சீனாவின் கடன் பொறிக்குள் சிக்குண்டதால், சிறிய நாடான உகண்டா தனது ஒரேயொரு விமான நிலையத்தைச் சீனாவிடம் இழந்தது என்ற செய்தி கடந்தவாரம் சர்வதேச ஊடகங்களில் முக்கியம் பெற்றிருந்தது. இதன் பின்னணிலேயே சீனாவின் கடன் பொறிக்குள் உகண்டா என்ற செய்திகளுக்குச் சீனத் தூதரகம் மறுப்பு வெளியிட்டிருந்தது. சீனக் கடன் பொறி என்பது மேற்குல நாடுகளின் மிகைப்படுத்தப்படட கற்பிதம் என சீனத் தூதரகம் வெளியிட்ட அறிக்கையில் சுட்டிக்காட்டப்பட்டது. இலங்கையைப் பொறுத்தவரை சீன அபிவிருத்தி வங்கியிடம் இருந்து தொடர்ச்சியாக நிதியுதவிகளைப் பெறுவதற்கான ஒப்பந்தங்களைக் கைச்சாத்திட்டுள்ளது. இது குறித்து அமைச்சர் ரமேஸ் பத்திரன செய்தியாளர்களிடம் கூறியுமுள்ளார். ஆகவே மேற்கு மற்றும் ஐரோப்பிய நாடுகளின் தற்போதைய அவசரமான நோக்கம், இலங்கை சீனாவிடம் இருந்து அதிகளவு நிதியுதவி பெறுவதைத் தடுக்க வேண்டும் என்பதே. http://www.samakalam.com/wp-content/uploads/2021/12/17onmoney1-superJumbo-e1638704640835.jpg இதற்காகவே குளோபல் கேட்வே திட்டத்தின் மூலம் இலங்கைக்குக் கூடுதல் நிதியுதவி வழங்கத் திட்டமிடப்பட்டுள்ளது என்பதில் மாற்றுக்கருத்துக்கு இடமில்லை. ஜீ-7 மாநாட்டிலும் இலங்கை போன்ற நாடுகளுக்கு இந்தியா மூலமாகக் கூடுதல் உதவியளிக்கத் தீர்மானம் எடுக்கப்பட்டிருந்தது. இந்தியாவுக்குச் சென்றிருந்த நிதியமைச்சர் பசில் ராஜபக்ச, புதுடில்லியில் இந்திய உதவித் திட்டங்கள் பற்றியே அதிகளிவில் கவனம் செலத்தியிருந்ததார். ஜனநாயகம் மற்றும் மனித உரிமைகள் போன்ற மதிப்புகள் மேற்படுத்தப்படும் என்பது குளேபல் கேட்வே திடடத்தின் பிரதான நோக்கங்களில் ஒன்று என்ற அடிப்படையில், அந்த நிதியுதவிகள் மூலம் உள்நாட்டு இனப் பிரச்சினைகளும் முடிவுக்கு வர வேண்டும் என்ற தொனி இலங்கைக்கு அமெரிக்காவினால்  உணர்த்தப்பட்டிருக்கின்றது. ஆனால் இலங்கை இனப்  பிரச்சினையை வெறுமனே மனித உரிமைப் பிரச்சினையாக மாத்திரமே அமெரிக்க- இந்திய அரசுகளினால் தற்போது அவதானிக்கப்படுகின்றன. இலங்கை. மியன்மார் போன்ற வளர்ச்சி குறைநத் நாடுகளில் இருக்கும் ஏனைய தேசிய இனங்களின் அரசியல் விடுதலைப் பிரச்சினைகள் தீர்க்கப்பட வேண்டுமென குளோபல் கேட்வே திட்ட ஆவணத்தின் பிரதான நோக்கங்களில் ஒன்றாகக் குறிப்பிடப்படவில்லை. மாறக இத்திட்டத்தின் மூலம் நிதியைப் பெறும் நாடுகள், தங்கள் மக்களின் மனித உரிமை மற்றும் ஜனநாயகத்துக்கு மதிப்பளிக்க வேண்டுமென்ற  விதப்புரைகள் மாத்திரமே குறிப்பிடப்பட்டுள்ளன இதனாலேயே இலங்கையும் ஓரளவுக்குத் திருப்திகரமாக அமெரிக்க- இந்திய அரசுகளின் ஈழத்தமிழர் தொடர்பான நகர்வுகளுக்கு இணக்கம் தெரிவித்திருக்கிறது. சீனாவைக் கட்டுப்படுத்த அறிமுகப்படுத்தப்பட்டுள்ள குளோபல் கேட்வே திட்டத்தை இலங்கையினால் புறக்கணிக்க முடியாது. அதேவேளை சீனாவின் பட்டுப்பாதைத் திட்டத்தில் இருந்தும் விடுபடமுடியாது. ஆனால் இந்தோ- பசுபிக் பாதுகாப்பு என்ற விடயத்தில் இலங்கை அமெரிக்க- இந்திய நலன் அடிப்படையில் செயற்படும் என்ற உத்தரவாதம் வழங்கப்பட்டிருக்கிறது. இலங்கை சீனாவிடம் நிதியுதவி பெறுவதில் அமெரிக்க- இந்திய அரசுகளுக்கும் ஐரோப்பிய ஒன்றியத்துக்கும் பிரச்சினையில்லை. ஆனால் கடன்பொறிக்குள் விழுந்து இலங்கையின் முக்கியமான படைத் தளங்கள், துறைமுகங்கள், விமான நிலையங்களை சீனாவிடம் இழக்கும் ஆபத்தான நிலை வந்துவிடக்கூடாது என்பதிலேயே அமெரிக்க- இந்திய அரசுகள் கவனம் செலுத்துகின்றன. இலங்கையின் இறைமை பழைமைவாய்ந்தது, தனித்துவமானது என்ற பேச்சை அமெரிக்காவின் முன்னாள் இராஜாங்கச் செயலாளர் மைக் பொம்மியோ கடந்த ஆண்டு கொழும்பில் நின்றபோது கூறியிருந்தமைகூட இதன் பின்னணியில்தான். http://www.samakalam.com/wp-content/uploads/2021/12/global-gateway.jpg அப்படிப் பார்த்தால், ஈழத்தமிழர்கள் எதிர்பார்க்கும் அரசியல் விடுதலை இல்லை என்பது இங்கே தெளிவாகின்றது. ஜெனீவாவில் இலங்கைக்குக் கொடுக்கப்பட்ட காலம் அவகாசம் முடிவடைந்த நிலையில், அடுத்த ஆண்டு மார்ச் மாதம் நடைபெறவுள்ள அமர்வில் புதிய தீர்மானம் ஒன்றை அமெரிக்க- இந்திய அரசுகள் ஜேர்மன் மூலமாகக் கொண்டுவர முயற்சிக்கின்றன. இதனை அறிந்தே இலங்கை கடந்த செப்ரெம்பர் மாதத்தில் இருந்து காய்களை நகர்த்த ஆரம்பித்துள்ளது. இதற்கு இரண்டு காரணங்கள் உண்டு, ஒன்று- ஜெனீவா தீர்மானங்கள் முழுமையாக அமுல்படுத்தப்படவில்லை என்ற குற்ற உணர்வு. இரண்டாவது- சில சமயங்களில் இன அழிப்புப் பற்றிய பேச்சுக்கள், அல்லது சர்வதேசக் குற்றவியல் நீதிமன்றத்தில் ஒப்படைப்பது என்ற கதைகள் வெறுமனே ஒப்பாசாரத்துக்கேணும் முன்னெடுக்கப்பட்டால், அதனால் எழக்கூடிய பக்கவிளைவுகள் இலங்கை அரசு என்ற கட்டமைப்புக்கு ஆபத்தானதாக இருக்கும் என்ற அச்சம். ஆகவே இந்த இரு காரணங்களின் அடிப்படையில் இலங்கை தற்போது அமெரிக்க- இந்திய அரசுகள் முன்னெடுக்கும் திட்டத்திற்கு இணங்கியிருக்கின்றது. அதற்குச் சாதகமாக இலங்கை அரசியல் யாப்புச் சட்டத்தில் உள்ள 13ஐ நடைமுறைப்படுத்த ஒப்புதலும் வழங்கப்பட்டுள்ளது. சிங்கள மக்களுக்கு நோகாமல், 13 ஐ முன்னெடுப்பதன் மூலம் அமெரிக்க- இந்திய அரசுகளைத் திருப்திப்படுத்தலாம் எனவும் இலங்கை நம்புகின்றது. அத்துடன் காரியம் சித்தியடைந்தவுடன் 13 ஐ எப்படி அகற்றிவிடலாமென்ற திட்டங்களும் இலங்கையிடம் இல்லாமலில்லை. (இது அனைத்துச் சிங்கள அரசியல் தலைவர்களுக்கும் பொருந்தும்) போர் இல்லாதொழிக்கப்பட்ட 2009 ஆம் ஆண்டு மே மாதத்திற்குப் பின்னரான சூழலில், ஈழத்தமிழர்களின் அரசியல் விடுதலைக்கு எப்படியான தீர்வு முன்வைக்கப்பட வேண்டுமென்பதைவிட. இலங்கை அரசைத் திருப்திப்படுத்திச் சீனாவின் பட்டுப்பாதைத் திட்டத்தை எப்படி முறியடிக்கலாம் என்பதே அமெரிக்க- இந்திய அரசுகளின் பிரதான இலக்காக இருந்து. அதற்காக 2012 இல் இருந்து ஜெனீவா என்ற ஆயுதத்தைப் பயன்படுத்தி இலங்கையில் ஆட்சி மாற்றங்களைச் செய்தும் பயனளிக்கவில்லை. இந்த நிலையில், சீனாவின் கடன்பொறிக்குள் சிக்கியிருக்கும் நாடுகளை மீட்பதற்கு குளோபல் கேட்வே உட்கட்டுமானத் திட்டம் இலகுவாக வெற்றியளிக்குமா என்ற சந்தேகங்களே விஞ்சியுள்ளன. சீனாவின் கடன் பொறிக்குள் இருந்து இலங்கையை மீட்க அமெரிக்க- இந்திய அரசுகளுக்கு முடியுமா இல்லையா என்பதைவிட, இலங்கை எந்தத் திட்டத்தையும் தனக்குச் சாதகமாக்கி ஈழத்தமிழர் விவகாரத்தைச் சர்வதேச அரங்கில் இருந்து முற்காக நீக்கம் செய்வதற்கான சந்தர்ப்பங்களே அதிகரித்து வருகின்றன. ஏனெனில், இன்றுவரை அமெரிக்க- இந்திய அரசுகளுக்கு இலங்கை செல்லப்பிள்ளையாக இருப்பதே அதற்குப் பிரதான காரணம். https://www.samakalam.com/சீனாவின்-கடன்-பொறியும்-க/?fbclid=IwAR2YC5aYpEOS2q5Hr55R-H7xCoQz7462n7s3Qf7VXIigUDJADW4AFtKrdFY
    • மறதியாளர்களாகவும், மன்னிப்பவர்களாகவும் இருப்பதை தவிர தமிழர்களுக்கு வேறு வழியில்லையே!   Nadarajah Kuruparan யாழில் இடம்பெற்ற ஊடக சந்திப்பில் எடுக்கப்பட்ட இந்தப்படத்தில் முன்னிலையில் இருப்பவர்கள் ஜாதிக ஹெல உறுமயவின் முன்னாள் முக்கியஸ்த்தரும், முன்னாள் அமைச்சரும், நாடாளுமன்ற உறுப்பினரும், 43ஆவது படையணியின் இணைப்பாளருமான, பாட்டளி சம்பிக்க ரணவக்க. (Patalee champika ranawaka.) இவர் கடுமையான இனவாதக் கருத்துகளின் முன்னைநாள் சொந்தக்காரராகவும் இருந்தவர். நல்லாட்சி அரசாங்கத்தில் 50 வீத ஞானோதயத்தைப் பெற்றவர். மற்றையவர் சிறிலால் லக்திலக (Shiral Lakthilaka) 90களில் சாள்ஸ் அபயசேகர தலைவராக இருந்த போது, நிதிக்கும் சமத்தவத்திற்கும் இயக்கத்தில் (movement for justice and equality) மனித உரிமைச் செயற்பாடுகளிலும், சட்டம் சார்ந்த விடயங்களிலும் பணியாற்றியவர். அக்காலப்பகுதியில் நாமும் பணியாற்றிய இதே அமைப்பே சரிநிகர் மற்றும் யுக்த்திய பத்திரிகைகளை வெளியிட்டு இருந்தது.. 2000 ஆண்டுகளின் பின் அரசியலில் புகுந்த சட்டத்தரணி சிறிலால் லக்திலக ஐக்கியதேசியக் கட்சியின் மேல்மாகாணசபை உறுப்பினராக இருந்து அதில் இருந்து வெளியேறி முன்னாள் ஜனாதிபதி மைத்திரிபால சிரிசேனவின் ஆலோசகராக பணியாற்றி, இப்போ சம்பிக்க ரணவக்கவின் அருக்கில் இருக்கிறார். இனி விடயத்திற்கு வருவோம் – ”கடந்த காலத்தில் நடந்த இரத்தம் சிந்திய நிகழ்வுகளை மறக்க முடியாவிட்டாலும், அவற்றை மறந்து அவற்றிற்கு மன்னிப்புக் கொடுத்து தற்போது உள்ள பிரச்சினைகளை எவ்வாறு தீர்க்க முடியும் என்பதை நாங்கள் சிந்திக்க வேண்டும்” என பாட்டலி சம்பிக்க ரணவக்க கோரிக்கை விடுத்துள்ளார். அதுமட்டும் அல்ல ”புலம்பெயர்ந்தவர்கள் எம்முடன் மீண்டும் இணைந்து கைகோர்க்க வேண்டும். கடந்த காலத்தில் நடந்த இரத்தம் சிந்திய வரலாற்றை மறக்க முடியா விட்டாலும் அவற்றை மன்னிக்க வேண்டும்” எனகேட்டுள்ளார். ”சிங்கள மக்கள் பெருவாரியான வாக்குகளை தற்போதைய ஜனாதிபதிக்கு வழங்கியிருந்தார்கள். ஆனாலும் தற்போது அதே சிங்கள மக்கள் அவரை வெறுக்கின்றார்கள். 2023 ஆம் ஆண்டு இடம் பெறும் ஜனாதிபதித் தேர்தலில் நேர்மையான துஷ்பிரயோகத்திற்கு எதிராக செயற்படுகின்ற ஒருவர் களமிறக்கப்படுவார்.” ”எங்களைப் பொறுத்தவரை நாங்கள் சொல்வதை தான் செய்வோம் செய்வதைச் சொல்வோம் எங்களுடன் நீங்களும் கைகோர்க்க வேண்டும். 43 படையணியை நீங்கள் படையணியாக கருதக்கூடாது எதிர்காலத்தில் அரசியலில் வியூகங்களை வகுக்க உருவாக்கப்பட்ட அமைப்பே இதுவாகும்.1943 நமக்கு கிடைத்த இலவசக் கல்வி அடிப்படையாக கொண்டு 43 படையணி இயக்கம் ஸ்தாபிக்கப்பட்டுள்ளது. ஆகவே நாட்டை முன்னோக்கி கொண்டு செல்ல எம்முடன் அனைவரும் கைகோர்க்க வேண்டும்” என்றார். என் அறிவுக்கு எட்டியவகையில், ஜேவிபியின் 71 சேகுவரா புரட்சி நடந்த போது, ஏற்பட்ட நெருக்குதல்களில் தமிழ் மக்கள் கைகோர்க்க வேண்டும் என்றீர்கள். 1987ன் பின்னான ஜே.வி.பியின் இரண்டாவது கிளர்ச்சியின் போது தெற்கில் ஆறுகளிலும், குளங்களிலும், சடலங்கள் மிதந்தபோது, வீதிகளில் அனாதரவாக சிங்கள இளைஞர்கள் சுடப்பட்ட போது, ஆயிரக்கணக்காணவர்கள் காணாமல் போனபோது, தெற்கின் முற்போக்கு சக்த்திகளும், இடதுசாரிகளும், அன்னையர் முன்னணியும் வடக்கு நோக்கி வந்து தமிழ் மக்கள் கைகோர்க்க வேண்டும் என்றீர்கள். தெற்கில் நீங்களே தெரிவுசெய்யும் ஆட்சியாளர்கள், கொடுங்கோல் ஆட்சியை நடத்தும் போதெல்லாம், ஆட்சி மாற்றத்திற்கு தமிழர்கள் கைகோர்க்க வேண்டும் என்றீர்கள். இப்படி சந்திர்க்கா முதல், ரணில் மைத்திரி வரை ஒவ்வொரு ஆட்சி மாற்றங்களின் திறவுகோலாக தமிழர்களே அல்லது சிறுபான்மையினரே தங்கள் கைகளை உங்கள் கைகளுடன் கோர்த்தார்கள். நீங்கள் பங்காளியாக இருந்த நல்லாட்சி அரசாங்கத்தை தமிழர்கள் மலையாக நம்பினார்கள். நீங்கள் முறித்து விழாமல், தமிழத்தேசியக் கூட்டமைப்பு உங்களுக்கு மிண்டு கொடுத்தது. ஆனால் பத்தோடு பதினொன்றாக நீங்களும் அவர்களின் நம்பிக்கைகளை மூழ்கடித்தீர்கள். இப்போது நீங்களே உங்கள் மக்களே பெருவாரியாக வாக்குகளை அள்ளி கொடுத்து, 69லட்சம் வாக்குகளால் தேர்வுசெய்த ஆட்சியாளரின் ஆட்சியை சகிக்க முடியாத நிலை ஏற்படும் போது, அதனை மாற்றவேண்டும் அதற்கு தமிழர்களும் கைகோர்க்க வேண்டும் என்கிறீர்கள். 1956, 1977, 1983, என அரை நூற்றாண்டுகளுக்கு மேலாக தொடரும் இரத்தம் சிந்தல்களை தமிழர்கள் மறக்காவிடினும் மன்னித்து ஒவ்வொரு தடவையும் ஆற்றைக்கடக்க கைகோர்க்கிறார்கள். ஆனால் ஆற்றைக் கடந்தவுடன் நீங்கள் யார் என மீண்டும் மீண்டும் கேட்டிர்கள், கேட்கிறீர்கள். 2008 – 2009 முள்ளிவாய்க்கால் மனிதப் பேரவலத்தின் பின்பும், அவற்றை மறக்காவிட்டாலும் மன்னித்து, ஆட்சிமாற்றத்திற்காய், நல்லாட்சிக்காய், தமிழர்கள் வாக்களித்தார்கள். குறைந்தபட்சம் அரசியல் கைதிகளையாவது விடுவித்தீர்களா? இப்போ மிண்டும் உங்கள் நெருக்குதல்களில் இருந்து மீள தமிழர்கள் கைகோர்க்க வேண்டும் என யாழில் கோரிக்கை விடுத்துள்ளீர்கள். ஆக தமிழர்கள் எப்போதுமே மறதிக்காரர்களாகவும், மன்னிப்பவர்களாகவும் இருப்பது போல், 2023 ஜனாதிபதி தேர்தலிலும், இருக்க வேண்டும், கைகளை கோர்க்க வேண்டும் என வேண்டியுள்ளீர்கள். கவலைப்படாதீர்கள் தற்போதைய தமிழ்த் தலைவர்கள் தம்மக்கள் பற்றி சிந்திக்கும்வரை, அவர்களின் அரசியல் தொடரும் வரை, மறதியாளர்களாகவும், மன்னிப்பை வழங்கும் இரட்சகர்களாகவுமே இருப்பதை தவிர தமிழர்களுக்கு வேறு வழியில்லை.         
    • இல்லை நாங்கள் எல்லோரும் மக்கள்.🤣 ஐசே உமக்கு சர்வதேச சட்டங்கள் லோக்கள் தெரியுமா? 😎  
    • 1) எதிர்காலத்தில் "தமிழ் மக்களை இனி கடவுள்தான் காப்பாற்ற வேண்டும்" என்று சுமந்திரன் சொல்லாதவரைக்கும் okeyதான் 😂
×
×
  • Create New...

Important Information

By using this site, you agree to our Terms of Use.