Jump to content

கொரோனா யுத்தம்: தலைமையின்றி தடுமாறும் தமிழக அரசு!


Recommended Posts

  • கருத்துக்கள உறவுகள்

கொரோனா யுத்தம்: தலைமையின்றி தடுமாறும் தமிழக அரசு!

17.jpg

 

ராஜன் குறை 

உலகையே அச்சுறுத்தி நிலைகுலைய வைத்திருக்கும் கொரோனா வைரஸ் தாக்குதலின்போது துரதிர்ஷ்டவசமாக தமிழகம் தலைமைப்பண்பற்ற பலவீனமான மனிதரால் ஆளப்படுவது பெரும் வருத்தத்திற்குரியது, விபரீதமானது. கடந்த சில தினங்களாக தமிழக அரசின் அறிக்கைகளும், நடவடிக்கைகளும் எந்த வித தெளிவும், தொலைநோக்கும் தலைமைப்பண்புமற்ற தடுமாற்றங்களையே காட்டுகின்றது. பிரச்சினைகளை சற்றே விரிவாகக் காண்போம். அதற்குமுன் முதலமைச்சர் எடப்பாடி பழனிசாமி குறித்த சில அடிப்படைத் தகவல்களை நாம் கவனிக்க வேண்டும்.

16b.jpg

இந்தியா சுதந்திரம் பெற்ற பிறகு தமிழக அரசியல் எந்த வித தலைமைப் பண்புமின்றி, அதற்கான ஒரு ஆற்றலோ அல்லது அருகதையோ இருப்பது குறித்த எந்த தடயமும் இன்றி முதலமைச்சர் ஆனவர் ஒருவர் உண்டென்றால் அது எடப்பாடி பழனிசாமி மட்டுமே. அதற்கு முன்னாள் குறுகிய காலம் பதவி வகித்த ஜானகி ராமச்சந்திரனை வேண்டுமென்றால் மற்றொரு முன்னுதாரணமாகக் கூறலாம். ராஜாஜி, காமராஜ், அண்ணா, கருணாநிதி, ஜெயலலிதா ஆகிய அனைவரும் கட்சி அரசியலில் ஈடுபட்டு, மக்கள் திரள்களை தங்கள் ஆளுமையால் கவர்ந்து அவர்கள் ஆதரவைப் பெற்று முதல்வர் பதவி ஏற்றவர்கள். ஓ.பன்னீர்செல்வம் கூட நிதியமைச்சராக இருந்து ஜெயலலிதாவிற்கு பினாமியாக மட்டும் முதல்வரானவர்.

எடப்பாடி பழனிசாமி ஜெயலலிதா மரணத்திற்குப் பிறகு சசிகலா பினாமியாக பதவியேற்றவர். பின்னர் மத்தியில் ஆளும் பாரதிய ஜனதா கட்சியின் தூண்டுதலால் அந்த சசிகலாவிற்கே துரோகம் செய்தவர். முதல்வராவதற்கு முன்னாள் இப்படி ஒரு அமைச்சர் இருக்கிறார் என்பதே தெரியாத அளவு நெடுஞ்சாலைத் துறை, பொதுப்பணித்துறை அமைச்சராக ஆறாண்டுகள் பணியாற்றியுள்ளார். 1989 ஆம் ஆண்டு முதன்முதலாக ஜெயலலிதா அணியில் சட்டமன்ற தேர்தலில் வெற்றிபெற்றவர்.

 

எதற்காக அவருடைய வரலாற்றையும், அவர் முதல்வரான விதத்தையும் நினைவு கூறவேண்டியுள்ளது என்றால், இந்த பேராபத்து சூழ்ந்த காலத்தில் தமிழக அரசு எவ்வித தெளிவுமில்லாமல் தடுமாறுவதை புரிந்துகொள்ளத்தான். அரசியலில் பக்குவப்படாத, தலைமைப்பண்பற்ற மனிதர்கள் முதலமைச்சராக பதவி வகிப்பது ஆபத்தானது அவரால் எந்தவொரு தீர்க்கமான முடிவையும் எடுக்க முடியவில்லை. சில முக்கிய உதாரணங்களைப் பார்ப்போம்.

பள்ளி, கல்லூரி விடுமுறை எதற்காக?

16d.jpg

கொரோனா தொற்று இந்தியாவில் பரவத்தொடங்கியவுடன் மார்ச் 10, 11 தேதிகளிலிருந்தே பலவிதமான எச்சரிக்கை நடவடிக்கைகள் தொடங்கின. கல்லூரிகளில், பல்கலைக்கழகங்களில் சர்வதேச கருத்தரங்கங்கள் போன்றவற்றை ரத்து செய்தார்கள். ஐரோப்பாவிலும், அமெரிக்காவிலும் இதன் தாக்கம் கடுமையாகத் தொடங்கியவுடன் இந்தியாவிலும் அந்த நாடுகளிலிருந்து வந்தவர்கள், அங்கே சென்று வந்தவர்கள் தொற்றுடன் வந்திருக்கும் சாத்தியம் புலப்படத் தொடங்கியது. உடனே பள்ளி கல்லூரிகளுக்கு மார்ச் 31 வரை விடுமுறை விடப்பட்டது. பொதுவாகவே எந்த ஒரு பதட்டமான சூழலிலும் சிறுவர்கள், இளைஞர்கள் பாதுகாப்பு கருதி முதலில் பள்ளி, கல்லூரிகளுக்கு விடுமுறை விடுவது வழக்கம். சமூக இயக்கத்தின் முக்கிய கேந்திரங்கள் அவை. பாதுகாக்கப் பட வேண்டியவை.

இங்கேயே எடப்பாடி அரசு தன் தடுமாற்றத்தை தொடங்கியது. பள்ளி, கல்லூரிகளுக்கு விடுமுறை விட்டாலும் ஆசிரியர்கள் பள்ளிகளுக்கும், கல்லூரிகளுக்கும் செல்ல வேண்டும் என்று கூறியது. இந்த நோயின் தன்மை என்ன, எதற்காக விடுமுறை என்பதைக் குறித்து எந்த புரிதலும் இல்லாததால்தான் ஒரு நிலபிரபுத்துவ மனப்பான்மையில் வகுப்புகள் இல்லாவிட்டாலும் ஆசிரியர்கள் பள்ளிகளுக்கும், கல்லூரிகளுக்கும் வரவேண்டும் எனக் கூறியது. மாணவர்களுக்கு வரக்கூடிய தொற்று ஆசிரியர்களுக்கு வராதா என்ன?

 

அதிலும் குறிப்பாக கல்லூரி ஆசிரியர்கள் பலரும் அவர்களே வெளிநாடுகளுக்கு சென்று வந்ததற்கோ அல்லது சென்று வந்தவர்களை சந்திப்பதற்கோ அதிக வாய்ப்புகள் உள்ளவர்கள். நானறிந்த தமிழக கல்லூரி ஒன்றில் இருபது பேராசிரியர்கள் உள்ள துறையில் எட்டு பேர் வெளிநாடு சென்று வந்தவர்களை கடந்த பத்து தினங்களில் சந்தித்துள்ளார்கள். இவர்களில் யாருக்கு தொற்று ஏற்பட்டிருந்தாலும் அந்த இருபது பேருக்கும் அவர்கள் மூலம் மேலும் பலருக்கும் பரவ ஏராளமான வாய்ப்புகள் உள்ளன. இவர்கள் சென்ற ஒருவாரம் கல்லூரிக்கு வந்ததால் யாருக்கும் எந்த பயனும் இல்லை. ஆபத்து மட்டும்தான்.

 

அதே போல வகுப்புகள் இல்லாமல் பள்ளி ஆசிரியர்கள் பள்ளிகளுக்குச் செல்வதால் என்ன பயன் என்பதிலும் தெளிவில்லை. இவர்கள் பலரும் பொது போக்குவரத்து வசதிகளை பயன்படுத்துபவர்கள். தேவையில்லாமல் இவர்களை தொற்றுக்கு ஆட்படுத்தியும், இவர்கள் மூலம் தொற்று பரவவும் வழிவகை செய்தது தமிழக அரசு.

அத்தியாவசிய தேவைகள் என்ன?

அத்தியாவசிய தேவைகள் என்பவை என்ன? அவற்றை மக்கள் பெறுவதற்காக இயங்க வேண்டிய வசதிகள் என்ன என்பதைக் குறித்த எந்த விரிவான புரிதலையும் தமிழக அரசு கொண்டிருக்கவில்லை என்பதே கடந்த வார நடவடிக்கைகளை பார்க்கும்போது புரிகிறது. ஒன்று தமிழகத்தில் தொற்றே இல்லை என்று முடிவு செய்ய வேண்டும். அல்லது தொற்று தோன்றுகிறது, பரவுகிறது என்றால் அதற்கான நடவடிக்கைகள் என்ன என்பதில் தெளிவான முடிவுகளை எடுக்க வேண்டும். தமிழகம் தாறுமாறாக தான்தோற்றித்தனமான முடிவுகளையே எடுக்கிறது. கிராமப்புற சந்தைகளை மூடுகிறது; நகர்ப்புற அங்காடிகளை அனுமதிக்கிறது.

16c.jpg

டாஸ்மாக் வருவாயை தன் இருப்பிற்காக சார்ந்துள்ள அரசு, மதுபானக் கடைகளை மூடுவதற்கு தயாராக இல்லை. தொற்று பரவத் தொடங்கினால் மதுபானக் கடைகள் மிகப்பெரிய தொற்று மையங்களாக மாறும் என்பது வெளிப்படையானது. அதைவிட பெரிய பிரச்சினை, அன்றாடக் கூலியை நம்பி வாழ்பவர்கள் வருமானம் பாதிக்கப்பட்ட நிலையில் பழக்கத்தின் காரணமாக தொடர்ந்து குடிப்பது அவர்கள் குடும்பங்களை கடுமையாக பாதிக்கும் என்பதை ஒரு அரசு உணர வேண்டும்.

மக்கள் செய்யும் தொழில்கள் என்ன, எவையெல்லாம் தேக்கமடையும், அதனால் அவர்கள் எவ்வகையான பாதிப்பிற்கு உள்ளாவார்கள் என்பதையெல்லாம் குறித்து எந்த தீவிர ஆலோசனையும் தமிழக அரசு செய்வதாகத் தெரியவில்லை.

அண்டை மாநிலங்களில் நடப்பது என்ன? 

கேரளாவில் பினராயி விஜயன் மொத்த இந்தியாவிற்கும் வழிகாட்டியாக நடவடிக்கை எடுத்துள்ளார். வருவாய் இழப்பை ஈடுசெய்ய, பொருளாதார பாதிப்புகளை சரிசெய்ய இருபதாயிரம் கோடி ரூபாய் ஒதுக்கியுள்ளார். தமிழ்நாட்டின் மொத்த உள்நாட்டு உற்பத்தியில் பாதி கூட கிடையாது கேரளா. ஆனால் பினராயி விஜயனால் துணிச்சலாக முடிவெடுக்க முடிகிறது. பள்ளி விடுமுறையானதால் மதிய உணவை வீட்டிற்கே கொண்டு தர முடிவு செயதுள்ளது கேரளா.

ஆந்திராவின் இளம் முதலமைச்சர் ஜெகன்மோகன் கூட வருவாய் இழப்பை ஈடு செய்யும் அறிவிப்புகளை வெளியிட்டுள்ளார். பினராயி விஜயனும், ஜெகன்மோகனும் தலைமைப்பண்புடனும், ஆட்சியாளர்கள் போலவும் பேசுகிறார்கள். ஆனால் எடப்பாடி பிரதமர் மோடியின் வாயையே பார்த்துக்கொண்டுள்ளார். அவர் எதையெல்லாம் அறிவிக்கிறாரோ அதைமட்டும் காப்பியடித்தால் போதும் என அடிமை மனப்பான்மையில் செயல்படுகிறார்.

இரவு நேரத்தில் ஊரடங்கு உத்தரவா?

பொதுவாக இரவு நேரத்தில் ஊர் அடங்கித்தான் இருக்கும். ஏனெனில் மனிதர்கள் இரவில் உறங்குவதையும், பகலில் பல்வேறு தொழில்களில் ஈடுபடுவதையும் பழக்கமாக வைத்துள்ளார்கள். கொரோனாவை எதிர்கொள்ள பொதுவாக அனைத்து தொழில்களையும், பொருளாதார நடவடிக்கைகளையும் நிறுத்துவதா என்ற குழப்பத்தில் பிரதமர் மோடி விடுமுறை தினமான ஞாயிற்றுக்கிழமை அன்று ஊரடங்கு உத்தரவை பதினான்கு மணி நேரத்திற்கு அறிவித்தார். அதாவது காலை ஏழு முதல் இரவு ஒன்பது மணி வரை மக்களாக எங்கும் வெளியில் செல்லாமல் ஊரடங்கை கடைபிடிக்கும்படி கூறினார். ஒரு நாள் இதைச் செய்வதால் கொரோனா பரவலை தடுக்க முடியாது என்றாலும், ஒரு மன ரீதியான தயாரிப்பு நடவடிக்கையாக இதை எடுத்துக்கொள்ளலாம் என்றே பலரும் கருதினர். இதைத் தொடர்ந்து பல பகுதிகளில் மார்ச் 31 வரை முழு ஊரடங்கு உத்தரவுகள் பிறப்பிக்கப்பட்டு வருகின்றன. உதாரணமாக அர்விந்த் கேஜ்ரிவால் டெல்லியில் 31 ஆம் தேதிவரை ஊரடங்கை அறிவித்துள்ளார்.

எடப்பாடி அரசு ஒரு விநோதமான காரியத்தை செய்துள்ளது. பிரதமர் மோடி அறிவித்த ஊரடங்கை நீட்டித்து ஞாயிறு இரவு ஒன்பது மணிமுதல் திங்கள் காலை ஐந்து மணி வரை ஊரடங்கை அறிவித்துள்ளார். இதன் பொருள் என்ன என்று எவ்வளவு யோசித்தாலும் புரியவில்லை. இரவு நேரத்தில் மக்கள் என்ன செய்துவிடப் போகிறார்கள்? ஏன் ஊரடங்கு? அதுவும் ஏன் ஓர் இரவு மட்டும்?

பதினொரு, பன்னிரெண்டாம் வகுப்பு பரீட்சைகள்

இப்படி திங்கள் காலை ஐந்து மணி வரை ஊரடங்கை நீடித்த அரசு, திங்கள் காலை பதினொரு, பன்னிரெண்டாம் வகுப்புகளுக்கான பொதுத்தேர்வுகள் அறிவித்தபடி நடைபெறும் என்று கூறியுள்ளது. இது போன்ற ஒரு பொறுப்பற்ற, அறிவீனமான செயல்பாடு எதுவும் இருக்க முடியுமா என்று தெரியவில்லை. உண்மையாக பிரச்சினையின் தீவிரத்தை புரிந்துகொண்டு செயல்படும் அரசு எப்படி பொதுத்தேர்வுகளை இத்தகைய சூழ்நிலையில் நடத்த முடியும் என புரியவில்லை. ஏன் ஏப்ரல் மாதமோ, மே மாதமோ தேர்வை நடத்த முடியாதா? என்ன குடி முழுகிப் போய்விடும்?

அது மட்டுமல்லாமல் அனைத்து மாநில தலைமைச்செயலர்களும் கூடி ஆலோசித்து பாதிக்கப்பட்ட 75 மாவட்டங்களில் முழு ஊரடங்கை அறிவிக்க முடிவு செய்துள்ளார்கள். தமிழகத்தில் சென்னை, காஞ்சிபுரம் மற்றும் ஈரோடு மாவட்டங்கள் இந்த பட்டியலில் இடம்பெற்றுள்ளன. ஆனால் அரசு சென்னையில் ஐம்பது சதவீத பேருந்துகள் இயங்கும் என்று கூறுகிறது. பொதுத்தேர்வுகளை நடத்துகிறது.

 

கோழியின் தலையை துண்டித்த பிறகு அதன் உடல் விலுக், விலுக்கென்று துள்ளித் திரியும். இதன் காரணமாக ஆங்கிலத்தில் சரியான தலைமையின்றி, ஒருங்கிணைப்பின்றி, தாறுமாறாக செயல்படுவதை “ஹெட்லெஸ் சிக்கன்” அதாவது “தலையற்ற கோழி” போல சுற்றி வருவதாகக் கூறுவார்கள். தமிழக அரசு அப்படித்தான் செயல்படுகிறது.

 

 

https://minnambalam.com/public/2020/03/23/17/Corona-war-TamilNadu-government-to-stumble-without-leadership

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • நன்றி... நாங்கள் அழகிய ஏரிகள் சூழ்ந்த மினசோட்டாவில் வசிக்கின்றோம். மிகவும் பிடித்தமான மகிழ்வான வாழ்வுக்குரிய இடம். தொடக்கத்தில் பனி கொஞ்சம் சிரமமாக இருந்தாலும் குழந்தைகளுடன் குழந்தையாக அதையும் ரசித்து வாழப் பழகி விட்டோம்.  இந்த இடத்தில் இன்னொன்றும் சொல்ல வேண்டும், போன வருடம் வட அமெரிக்க பேரவையின் தமிழ் பெரு விழாவுக்காக சாக்கிரமென்டோ போயிருந்தேன். இடையில் சான்பிரான்ஸ்சிஸ்கோவில் இரண்டு நாட்களை களித்தோம், கோல்டன் கேட் பாலத்துக்கு அருகில் கார் கண்ணாடிகளை உடைத்து பட்டப்பகலில் கொள்ளையர் புரியும் அட்டகாசத்தை நேரில் கண்டு பயந்தேன். இது பற்றி "தங்க வாசல்" என்ற தலைப்பில் ஒரு சிறுகதை எழுதியுள்ளேன், இன்னும் ஓரிரு மாதங்களில் வரவுள்ள எனது சிறுகதை புத்தகத்தில் அது இடம்பெறுகிறது.   
    • நாமெல்லாம் இதற்குள் வரமாட்டோம் ராசாக்கள்.........ஏதோ கடையில் கோப்பி குடிக்கும்போது ஒரு ஈரோ டிக்கட் வாங்கி சுரண்டிபோட்டு அங்கேயே வீசிப்போட்டு போறதுதான் அதிகம்......!  😂
    • ஆடுஜீவிதம் Review: எளிய மனிதனின் வாழ்வியல் போராட்டம் தரும் தாக்கம் என்ன?     கர்ப்பிணியான தனது மனைவி சைனு (அமலாபால்) மற்றும் தாயுடன் கேரளாவில் மகிழ்ச்சியுடன் எளிமமையாக வாழ்ந்து வருகிறார் நஜீப் (பிருத்விராஜ்). ஆற்றுமணல் அள்ளும் வேலை செய்து வாழ்க்கையை ஓட்டிவரும் அவர் குடும்ப கஷ்டத்துக்காக, வாழ்வதற்கு ஒரு நல்ல வீடு, மழை பெய்தால் ஒழுகாத சமையல்கட்டு, பிள்ளைகள் படிக்க நல்ல ஸ்கூல் என்ற சாதாரணமா கனவுகளை நிஜமாக்கும் முனைப்போடு வெளிநாடு செல்ல முடிவெடுக்கிறார். வீட்டை அடமானம் வைத்து ஏஜென்ட் மூலம் வளைகுடா நாட்டுக்குச் செல்கிறார். அங்கு என்ன நடந்தது? அங்கு அவருக்கு வேலை கிடைத்ததா? தகுந்த சம்பளம் கிடைத்ததா? அவருடைய வாழ்க்கை என்னவாக மாறுகிறது? அதிலிருந்து அவர் மீண்டாரா? இல்லையா? - இதுதான் ‘ஆடுஜீவிதம்' படத்தின் திரைக்கதை. மலையாள எழுத்தாளர் பென்யாமின் எழுதிய நாவலைத் தழுவி இயக்குநர் ப்ளஸ்ஸி இயக்கத்தில் வெளிவந்திருக்கும் திரைப்படம் 'ஆடுஜீவிதம்'. மலையாளம், தமிழ் உள்ளிட்ட பல்வேறு மொழிகளில் இந்தத் திரைப்படம் வெளியாகி உள்ளது. குடும்பக் கஷ்டத்தின் காரணமாக வளைகுடா நாடு சென்று ஏமாற்றப்பட்ட மனிதனின் கதையை சமரசம் எதுவுமின்றி வெள்ளித்திரையில் கொண்டு வந்ததற்காக இயக்குநரைப் பாராட்டலாம். குறிப்பாக, கேரளாவில் இருந்து அதிகமான எண்ணிக்கையில், வளைகுடா நாடுகளுக்குச் செல்லும் உடலுழைப்புத் தொழிலாளர்களின் குடும்பங்களுக்கு இந்தப் படம் நிச்சயம் ஆறுதலாக இருக்கும். நாவலை படம் ஆக்குவதில் உள்ள சிரமங்கள் தென்பட்டாலும், இதுவரை நமக்கு அறிமுகம் இல்லாத நிலப்பரப்பை இந்த சர்வைவல் டிராமா கண்முன் கொண்டு வந்திருக்கிறது. “எப்படியாவது கஷ்டப்பட்டு நான் கேட்ட காசைக் கொடு, அங்க போய் மூணே மாசத்துல சம்பாதித்துவிடலாம்" - போலி ஏஜென்ட்டுகளின் இந்த ஒற்றைப் பொய்தான், உலகம் முழுவதும் நஜீப்களை மீண்டும் மீண்டும் உருவாக்கிக் கொண்டே இருக்கிறது என்பதை இப்படம் நிறுவியிருக்கிறது. போலி ஏஜென்ட் ஸ்ரீகுமார் உலகின் எந்த மூலையில் இருந்தாலும், பக்தி பரவசத்துடன் ஊர் திருவிழாவுக்கு வந்துவிடும் நபர் எனக் காட்டியிருப்பது இயக்குநர் ப்ளஸ்ஸி டச். படத்தில் அந்த கேரக்டருக்கு ஒரு காட்சிதான். வேறு காட்சிகளே கிடையாது. படத்தின் முதல் பாதியை ப்ளஸ்ஸி காட்சிப்படுத்தியிருக்கும் விதம் அழகு. பாலைவனத்தில் நடக்கும் காட்சிகளையும், கேரளத்தின் காட்சிகளையும் இணைத்து கதை சொல்லிய விதம், சுட்டெரிக்கும் வெயிலில் பெய்யும் பனிக்கட்டி மழைபோல் குளிரூட்டுகிறது. இரண்டாம் பாதியில் வெகு நேரமாக பாலைவனத்தைப் பார்த்துக் கொண்டிருப்பதுதான் அயற்சியைத் தருகிறது. "பெரியோனே ரஹ்மானே" பாடல் முழுமையாக இல்லாதிருப்பது குறையாகத் தோன்றுகிறது. உலகம் முழுவதும் வேலைக்காக புலம்பெயரும் எவரும் தங்களது வாழ்க்கையுடன் சுலபமாக ஒப்பிட்டுக் கொள்ள இந்தப் படம் உதவும். அந்தவகையில், இயக்குநரின் இந்த முயற்சி நிச்சயம் பாராட்டுக்குரியது. இயக்குநரின் இந்த மெனக்கெடல்களுக்கு பெரிய ஒத்துழைப்பு வழங்கியிருக்கிறது, இந்தப்படத்தின் தொழில்நுட்பக் குழு. ஒளிப்பதிவு, பின்னணி இசை, ஒப்பனை, ஆடைகள், ஒலிப்பதிவு என படத்தில் வரும் அத்தனை தொழில்நுட்பக் கலைஞர்களின் உழைப்பும் பாராட்டுக்குரியது. படத்தின் தொடக்கம் முதலே கே.எஸ்.சுனிலின் கேமரா பார்வையாளர்களின் கண்களை அகல விரயச் செய்கிறது. பரந்து கிடக்கும் பாலைவனம், வெயில், கானல்நீர், ஒட்டகம், ஆடுகள், மலைக்குன்று என அனைத்து இடங்களிலும் கேமிரா ஜீவித்துக்கிடக்கிறது. இருளை விழுங்கிய நடுராத்திரி, கசராவில் (ஆட்டுப்பட்டி) ஆடுகளுக்கு வைக்கப்பட்டிருக்கும் தண்ணீரை தாகம் தணிக்க குடித்துவிட்டு கேமிரா இருக்கும் திசை நோக்கி பிருத்விராஜ் பார்க்கும் காட்சி, ஒட்டகம் ஒன்றின் கண்ணுக்குள் பிருத்விராஜ் தெரியும்படி காட்சிப்படுத்தியிருக்கும் காட்சியும் அருமை. இசையமைப்பாளர் ஏ.ஆர்.ரஹ்மானுக்கு இது மூன்றாவது மலையாளப் படம். படத்தின் டைட்டில் தொடங்கும்போது, ரஹ்மானின் புல்லாங்குழல் பாலைவன மணல்வெளியில் நம் மனங்களை இலகுவாக இழுத்துச் செல்கிறது. முதல் பாதியில் வரும் பாடல் அட்டகாசம். படம் முழுக்க அவ்வப்போது சின்ன சின்ன வரும் பாடல்கள் அதிகாலை நேரத்தில் தூரத்தில் கேட்கும் பங்கோசைக்கு இணையாக இருக்கிறது. ஆக்‌ஷன் காட்சிகள் எதுவும் இல்லாதபோதும், தப்பித்துச் செல்ல முயற்சிக்கும் காட்சிகளில் ஏ.ஆர்.ரஹ்மானின் பின்னணி இசைதான் வலு சேர்த்திருக்கிறது. ஸ்ரீகர் பிரசாத்தின் கட்ஸ் முதல் பாதியை கணகச்சிதமாக கத்தரித்திருக்கிறது. பிருத்விராஜ் கேரியரில் இந்தப் படம் மிகமுக்கிய திரைப்படமாக இருக்கும். படத்தில் அவரது கதாப்பாத்திரத்துக்கு நிறைய சேஞ்ச் ஓவர் வருகிறது. அப்படி வரும் எல்லா இடங்களிலும் பிருத்விராஜ் ஸ்கோர் செய்திருக்கிறார். குடிக்கவும், கழுவவும் தண்ணீர் இல்லாத கணங்களில் அவரது நடிப்பு கலங்கடித்து விடுகிறது. உயிர்வாழ வேண்டும் என்றால், கண்ணுக்கு எட்டிய தூரம் வரை விரிந்துக் கிடக்கும் பாலைவனத்தை நடந்து கடக்க வேண்டிய காட்சிகளில் பிருத்விராஜின் உடல்மொழி வியக்க வைக்கிறது. பிருத்விராஜ் உடன் வளைகுடா நாடு செல்லும் ஹக்கிம் (கே.ஆர்.கோகுல்) மற்றும் இப்ராஹிம் காத்ரியாக (ஜிம்மி ஜீன் லூயிஸ்) வருபவரும் தங்களது கதாப்பாத்திரங்களை சிறப்பாக செய்துள்ளனர். ஒட்டகமும், மயிலும் தனது அழகை நீண்ட கழுத்தில் ஒளித்து வைத்துக்கொள்ளும். அமலாபாலும் அப்படித்தான், தனது அழகு முழுவதையும் நடிப்பில் ஒளித்து வைத்திருக்கிறார். கேரளத்தின் பொலிவும், அழகும் மயக்கும். இந்தப் படத்தில் பிருத்விராஜ் அமலாபால் வரும் காட்சிகளும் அப்படித்தான், பார்வையாளர்களின் மனதில் பாசிப்போல படர்கிறது. பாலைவன சுடுமணலின் தகிப்பைக் குறைத்து ஆழமான ஆற்றுக்குள் மூழ்கி அள்ளி எடுத்துவரப்பட்ட மணலின் ஈரத்தையும், குளிர்ச்சியைக் கொண்டு வருகிறார் அமலாபால். எப்போதெல்லாம் தன்னுடைய ஞாபகம் வருகிறதோ, அப்போதெல்லாம் நிலாவைப் பார்த்துக் கொள்ளும் சொல்லும் காட்சி கவிதையாக தைக்கப்பட்டிருக்கிறது. விமான நிலையங்களின் பார்வையாளர் காத்திருப்பு வெளிகள் எப்போதும் கண்ணீரைச் சுமந்து நிற்பவை. வெளிநாடுகளுக்கு பிரிந்து செல்லும் உறவுகளை வழியனுப்ப வந்தவர்களின் கண்ணீர் அப்பகுதி முழுக்க நிரம்பியிருக்கும் காற்று முழுவதிலும் கரித்துக் கிடக்கும். அம்மாவும், அப்பாவும், கணவனும், மனைவியும், குழந்தைகளும் வெளிநாடு செல்லும் நபருக்கு தங்களது அன்பு முழுவதையும் ஒரு பெட்டிக்குள் அடைத்துக் கொடுத்துவிட்டு கனத்த மவுனத்துடன் வீடு திரும்பும் காட்சிகளைக் கடந்திருப்போம். அந்த வகையில், சென்ட் பாட்டிலும், கலர் டிவியும், கை நிறைய பணமும் இல்லாமல், வெளிநாட்டிலிருந்து உயிர் பிழைத்தால் போதும் என்று ஆயுள் உடன் திரும்பி வந்த ஒரு எளிய மனிதனின் வாழ்க்கைப் போராட்டத்தின் வலிகளின்தான் இந்த 'ஆடுஜீவிதம்'! ஆடுஜீவிதம் Review: எளிய மனிதனின் வாழ்வியல் போராட்டம் தரும் தாக்கம் என்ன? | aadujeevitham movie review - hindutamil.in
    • Simrith   / 2024 மார்ச் 28 , மு.ப. 10:49 - 0      - 67 அமெரிக்க துரித உணவு நிறுவனமான மக்டொனால்டின் உள்ளூர் உரிமை இனி தமது குடையின் கீழ் இல்லை என்று அபான்ஸ் தனியார் நிறுவனம் இன்று தெரிவித்துள்ளது. இன்று கொழும்பு பங்குச் சந்தைக்கு (CSE) அறிக்கையளித்த அபான்ஸ் பிஎல்சி, மெக்டொனால்டின் உள்ளூர் உரிமையானது, 2007 ஆம் ஆண்டின் கம்பனிகள் சட்டம் இல.7 இன் கீழ் இணைக்கப்பட்ட சர்வதேச உணவக அமைப்புகள் (பிரைவேட்) லிமிடெட் அடிப்பமையிலானது என்று சுட்டிக்காட்டியுள்ளது. அந்த நிறுவனத்தின் 98.73% பங்குகளை வைத்திருக்கும் ருசி பெஸ்டோன்ஜி, அபான்ஸ் பிஎல்சியின் நிர்வாக இயக்குனராகவும் உள்ளவர். “இன்டர்நேஷனல் ரெஸ்டாரன்ட் சிஸ்டம்ஸ் (பிரைவேட்) லிமிடெட், அபான்ஸ் பிஎல்சி அல்லது அதன் தாய் நிறுவனமான அபான்ஸ் ரீடெய்ல் ஹோல்டிங்ஸ் (பிரைவேட்) லிமிடெட் ஆகியவற்றின் துணை நிறுவனமோ அல்லது இணை நிறுவனமோ அல்ல. கூறப்பட்ட காரணத்தினால், இன்டர்நேஷனல் ரெஸ்டாரன்ட் சிஸ்டம்ஸ் (பிரைவேட்) லிமிடெட்டின் நிதிகள் அபான்ஸ் பிஎல்சியின் நிதிகளுடன் ஒருங்கிணைக்கப்படவில்லை,” என்று அபான்ஸ் தெளிவுபடுத்தியது. கொழும்பு பங்குச் சந்தையின் பட்டியலிடுதல் விதிகளின் 8வது பிரிவின் அடிப்படையில் மற்றும் நல்லாட்சிக்கான நோக்கங்களுக்காக இந்தத் தகவலை வழங்குவதாக Abans PLC தெரிவித்துள்ளது. Tamilmirror Online || McDonald’s எமது குடையின் கீழ் இல்லை: அபான்ஸ்
    • கொடுமையிலும் கொடுமை பாண்டவர் அணியில் தருமருக்கு (விஜயகாந்துக்கு) தம்பியாக (அருச்சுனனாக) அவதாரம் எடுத்தது 😂
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.