• advertisement_alt
  • advertisement_alt
  • advertisement_alt
Sign in to follow this  
nochchi

அரசியல்வாதிகளுக்குத் தேர்தல் காலம் மக்களுக்கு…..!

Recommended Posts

அரசியல்வாதிகளுக்குத் தேர்தல் காலம் மக்களுக்கு…..!மா.பாஸ்கரன் யேர்மனி

%E0%AE%B5%E0%AE%BF%E0%AE%95%E0%AF%8D%E0%

தமிழருக்கானதொரு தலையமற்ற வெற்றிடத்தில் எவரும் சவாரி செய்யலாம் என்றதொரு நிலையிற் கடந்த பத்தாண்டுகளைக் கடந்து செல்லும் தமிழரது அரசியலில் மூன்று அரசுத்தலைவருக்கான தேர்தலையும் இரண்டு நாடாளுமன்றத் தேர்தலையும் சந்தித்துள்ள சூழலில் மீண்டுமொரு நாடாளுமன்றத் தேர்தலை ஈழத்தமிழினம் எதிர்கொண்டு நிற்கும் இவ்வேளையில் கடந்தகாலத்திற் பதவிக்கு வந்த அரசுகளும் தமிழ்க்கட்சிகளும் கொடுத்த வாக்குறுதிகளை நிறைவேற்றினவா அல்லது குறைந்தபட்சம் ஏதாவது முனைப்புகளை மேற்கொண்டனவா என்றால் எம்மிடம் இருப்பது வெறும் சுழியமேயாகும். இந்தச் சுழியத்துள் சுற்றியவாறு அழிந்துவிடாது நிமிர்வதற்கு கிடைக்கும் அனைத்து வாய்ப்பையும் பயன்படுத்துவதே இன்றைய தேவையும் சாதுரியமும் என்பதைத் தமிழினம் கடந்துவந்த பட்டறிவு சுட்டிநிற்கிறது.

2009இல் தமிழரது அரசியல் வேணவாவை நந்திக்கடலில் அமிழ்த்திவிட்டதாகச் சிங்களம் கொக்கரித்ததை அப்படியே முன்னெடுத்துச் செல்வோராகத் தமிழ்த் தலைமைகள் என்றுசொல்வோர், குறிப்பாகத் தமிழ்த் தேசியக் கூட்டமைப்பு நகரும் நிலையானது ஈழத்தீவிலே தமிழினத்தின் மிகுதி இருப்பையும் இல்லாமற்செய்து அழிவை நோக்கி அழைத்துச் சென்றதையே கடந்து வந்த ஆண்டுகள் பதிவுசெய்துள்ளன. இனியும் பதிவுசெய்யும். இந்த சூழலில் மீண்டும் வாழவைப்போம் ஆளவைப்போம் என்று வாக்குக் கேட்டு அரசியல்வாதிகள் எந்தக் கூச்சமும் இன்றி உங்கள் வாசற்படிகளை நோக்கிவரும் வேளையில், பழைமை வழமை கைகாட்டியோர் என்று கண்மூடியிருக்காது காத்திரமாகச் சிந்தித்துச் செயற்பட வேண்டியது வாக்குப்பலமுள்ள ஒவ்வொரு தமிழரதும் கடமையாகும்.

தமிழினத்துக்குப் பாதகமானதும் சிங்களத்துக்குச் சாதகமானதும், இனவழிப்பு மற்றும் நில ஆக்கிரமிப்பிற்கான சட்டங்களை இயற்றவும் நடைமுறைப்படுத்தவும் இருக்கும் ஒரு பெரும் அலகாகவே ஈழத்தீவின் நாடாளுமன்றம் இருக்கின்றமையை இந்த உலகால் புரிந்துகொள்ள முடியாதெனினும், தமிழினத்தின் தொடரும் துயரநிலையே தமிழினத்திற்கான பாடமாகும். அப்படியாயின் ஏனிந்த நாடாளுமன்றத் தேர்தலைத் தமிழினம் கருத்திலெடுக்க வேண்டும் என்ற வினா எழுவது இயல்பானதே. இந்தக் வினாவுக்கான விடை தேடவேண்டும் என்றால் கடந்த தேர்தல்களைத் தமிழினம் மீளாய்வு செய்வதூடாகத் தெளிவடைவதோடு, தெளிவான முடிவையும் எடுப்பதே இன்றைய தேவையாகும்.

சனநாயகப்பிரதிநிதிகள் நாடாளுமன்றினூடாக வந்து பேசவேண்டும் என்று உலக அரசுகளும் அமைப்புகளும் நகரும் வேளையில் தமிழரது உரிமைப் பிரச்சினையை துணிவோடு முன்வைக்கும் தலைமையை இனம்காண்பதும் தெரிவுசெய்வதுமே தமிழினத்தின் அடிப்படைகளுக்கான முன்மொழிவையாவது நகர்த்த முடியும் என்பதே இன்றிருக்கும் யதார்த்தநிலையாகும். ஊதிப்பெருத்திருக்கும் சிங்கள உயரினவாதமானது தனிச்சிங்களவரால் தீர்மானிக்கப்பட்ட அரசுத்தலைமை என்ற இறுமாப்போடு, நாடாளுமன்றமும் தனிச்சிங்கள வாக்குகளால் அமைக்கப்படவேண்டும் என்ற இறுமாப்பில் சிங்களத் தரப்புக் குறிப்பாக, இறுதிக்கட்ட இனஅழிப்புக்குத் தலைமை தாங்கிய கோத்தபாய – மகிந்த தரப்புகள் நகரும் அதேவேளை, தமிழர்தரப்பிலும் தாமே தமிழ்தேசியத்தின் காப்பாளர்கள் என்றும், பாரம்பரியக் கட்சிகள் என்றும், தம்மை தெரிவு செய்தால்தான் தமிழ்த் தேசியத்தின் ஒற்றுமை ஓங்கும் என்றும் ஓலமிடுகின்றனர். இந்த ஓலத்தின் பின்னால் இருக்கும் அரசியலைத் தமிழினம் புரிந்துகொள்வதே தற்போதைய அவலத்திலிருந்து விடுபடுவதற்கான வழியாகும். வாக்குகளைப் பெற்று நாடாளுமன்றம் செல்வதும் பின் சிங்களத்துக்கே வால்பிடிப்பதும் வக்காளத்து வாங்குவதுமே தமது நிகழ்வுநிரலாகக் கொண்டுள்ளோரை முதலில் நிராகரிப்பதே உலகுக்கும் சிங்களத்துக்குமான செய்தியாக அமையவேண்டும். அதேவேளை வாக்கைப்பெற்று நாடாளுமன்ற அவையையும் சிற்றுண்டிச்சாலையையும் அலங்கரிப்போராய் இல்லாது ஆக்கபூர்வமாகத் தமிழரது உரிமைப்பிரச்சினையை உலகுக்கு எடுத்துச்செல்லும் ஆற்றலுள்ளோரைத் தேர்வுசெய்வதே பொருத்தப்பாடாகும்.

ஏனென்றால் சிங்கள நாடாளுமன்று, ஏன் சிங்கள நாடாளுமன்றமென்று சொல்ல வேண்டியுள்ளது என்பதைத் தமிழினம் புரிந்தகொள்ள வேண்டியதும் அவசியமானது. ஏனெனில் ஆகக்கூடியது வட – கிழக்கிலிருந்து 22தமிழ் உறுப்பினர்களால் தமிழர் சார்பாக எந்த மாற்றத்தையும் ஏற்படுத்த முடியாதென்ற மெய்நிலையைப் புரிந்துகொண்டு உற்றுநோக்கி நகர்வது தமிழரது தலையாய கடமையாகும்.225 உறுப்பினர்களைக் கொண்ட நாடாளுமன்றிற்கு 196 உறுப்பினர்கள் மக்களால் தேர்;தெடுக்கப்பட மிகுதி 29 உறுப்பினர்கள் தேசிய அளவில் கட்சிகள் பெறும் வாக்குகளின் அடிப்படையில் விகிதாசார முறைப்படி கட்சியின் செயலாளரினால் முன்மொழியப்படுபவர்கள் நாடாளுமன்றுக்குத் தெரிவாகின்றனர். மூன்றில் இரண்டு பெரும்பான்மை மூலமே எந்த மாற்றத்தையும் செய்யலாம் என்ற சட்ட அமைப்புக்கொண்ட நாடாளுமன்றிலே எந்தவொரு காலத்திலும் தமிழர்தரப்பால், தமிழருக்கான எந்தவொரு நன்மையையும் பெற்றுக்கொள்ள முடியாதென்பதே மெய்நிலையாகும். இங்கு தமிழர்களைப் பொறுத்தவரை பிரச்சனைகளைக் குறைந்தபட்சம் விவாதிக்க அல்லது சொல்வதற்கானதொரு சபையன்றி வேறில்லை. ஆனால் அந்தசபையைக்கூடத் சரியாகப் பயன்படுத்தாது சிங்களத்துக்கு வால்பிடிப்பதோடு, சிங்களத்தை வளமாக்குக்கும் தமிழ்த் தலைமைத்துவம் தேவையா(?) என்பதைத் தமிழ் மக்கள் தம்மைத் தாமே கேட்டுக்கொள்ள வேண்டியது காலத்தின் வினாவென்பதை கருத்திற் கொள்ளவேண்டும் என்ற காலத்தில் நிற்கின்றோம் என்பதைத் தமிழர்கள் புரிந்துகொள்வதே ஒரு அரசியல் வெற்றிதான்.

தமிழினத்தின் இருப்புக்கான சிந்தனை தமிழ்தேசியப் பரப்பில் மேலொங்குதலே எமது விடியலுக்கான கதவுகளைத் திறக்கும் என்ற பேருண்மையை தமிழினம் பற்றாதவரை அனைத்தும் வினாக்களோடு சுருங்கி விடைதெரியாது அமிழ்ந்துவிடும். விடைகள் எம்முன்னே தெரியவேண்டுமானால் விழிப்படைதலே முதல்வழியாகும். இல்லையேல் மக்களுக்குப் பட்டையைப் போட்டுவிட்டு வெள்ளை வேட்டியும் சட்டையுமாக அரசியல்வாதிகள் தமது வித்தைகளைக் காட்டும் களமாகத் தமிழர் தேசம் இருளில் அமிழ்ந்துவிடுதல் விதியென்றாகிவிடும். ஈழத்தீவில் தமிழினத்தின் வாக்குப்பலம் ஆட்சியைத் தீர்மானிக்கும் சக்தியாக இல்லாதுவிடினும், தமிழினத்தின் தலைவிதியை மாற்றும் சக்தியாகவேணும் மக்கள் தம் வாக்குப்பலத்தை மாற்றவேண்டும்.
விதியை மதியால் வெல்லும் வகைசெய்தல் அறிவின் செயலென்ற உண்மையை உணர்ந்து கொண்டு கட்சிகளின் அடிமைகளாக இல்லாது, கட்சிகளிடம் வினாத்தொடுப்போராகத் தமிழினம் மாறவேண்டும். கொள்கையற்ற இலக்கற்ற தமிழினத்தின் இருப்பை நிலைநிறுத்தும் சிந்தனையற்ற கட்சிகள் தேவையா(?)என்று சிந்திப்பதுகூட விடியலுக்கான வழியாகும்.

மா.பாஸ்கரன்
யேர்மனி.

https://www.kuriyeedu.com/?p=243870

 

Share this post


Link to post
Share on other sites

 

 

  • Like 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • நல்லா அறுவடை பண்ணுகினமாக்கும் இப்படியான நேரம்தான் சனமும்  ரெண்டும் கெட்டான  இருக்கும்கள் அப்படியான அப்பாவி சனத்திடம்  "சாத்தான் வரப்போறான் சத்தி எடுக்கப்போறான் " என்று இடக்கு முடக்கா சொல்லி மதம்மாற்றி கும்மியடிக்கலாம் .
    • இந்து சுந்தரேசனின் Twentieth Wife மற்றும் The Feast of Roses எனும் இரு நாவல்கள். இந்தியாவில் பிறந்து வளர்ந்த இந்து சுந்தரேசன் தற்போது Seattle, அமெரிக்காவில் வசிக்கிறார்.  Twentieth Wife, The Feast of Roses மற்றும் Shadow Princess என முகலாய சாம்ராஜ்யத்துடன் சம்பந்தப்பட்ட 3 நாவலகளின் தொகுப்பில், அவரது தாயார் மதுரம் சுந்தரேசனால் தமிழில் “ இருபதாவது இல்லத்தரசி” மற்றும் “ இதய ரோஜா” என்ற தலைப்புகளில் இரு நாவல்களை மொழிபெயர்த்துள்ளார்.  எப்பொழுதும் சரித்திர நாவல்களை வாசிப்பதில் ஆர்வம் உள்ளதால், புதிய நாவலாசிரியரின் இந்த இரு நாவல்களையும் சமீபத்தில் வாசித்தேன். ஆங்கிலத்தில் இருந்து நேரடி தமிழாக்கம் செய்யப்பட்டது போன்று வசனங்கள் தோன்றினாலும் பொழுது போக்கிற்காகவும், சரித்திர நாவல்களில் விருப்பம் உள்ளவர்கள் வாசிக்கலாம்.  முகாலய சாம்ராச்சியத்தின் அரசியல், அரியானை படுகொலைகள் மற்றும் கொடூரங்கள், வணிகம், கலாச்சாரம், உணவு வகைகளை, பழக்கவழக்கங்கள், குடும்ப உறவுமுறைகளை சான்றுகளையும் கற்பனைகளையும் கலந்து எழுதப்பட்ட நாவல்கள்.  நாவலாசிரியர் ஒவ்வொரு அத்தியாயம் தொடங்கும் போது வரலாற்று ஆசிரியர்களின் குறிப்புகளை, அக்பர், சலீம்( ஜஹாங்கீர்), மெஹ்ருன்னிஸா(நூர்ஜஹான்), சலீம்( ஷாஜஹான்) பற்றியும், வரலாற்று நிகழ்ச்சிகளை பற்றி சிறு குறிப்புகளை தருவதால் நாவல்களை வாசிக்கும் போது இலகுவாக இருந்தது.  “இருபதாவது இல்லத்தரசியானது” பர்ஷியாவிலிருந்து இந்தியாவிற்கு அடைக்கலம் தேடி வந்த சாதாரன பெண்ணான மெஹ்ருன்னிஸா  முகலாய சாம்ராச்சியத்தில் செல்வாக்கும் ஆளுமையும் பெற்று  நூர்ஜஹான்( உலகத்தின் ஒளி) என எப்படி புகழ்பெற்றாள், இந்த நிலையை அடைய யார் காரணமாக இருந்தார்கள், யாருடைய அன்பு அவளை கடும் போக்குடைய முகலாயர்களை வெற்றி கொள்ளவைத்தது என்பதுதான் இந்த இருபதாவது இல்லத்தரசி. இவ்வளவு செல்வாக்கையும் அதிகாரத்தையும் தனது சிறுவயதில் அன்பையும் பருவ வயதில் காதலையும் வைத்திருந்த இளவரசர் சலீமின் மூலமே அடைகிறாள். அவள் தனது 34வது வயதில் இருபதாவது இல்லத்தரசியாக இளவரசர் சலீமை திருமணம் செய்த பின்பே அடைகிறாள். மெருஹ்ன்னிஸாவை இருபதாவது இல்லத்தரசியாக மணந்தபின்பு அவர் பின்பு யாரையும் திருமணம் செய்யவில்லை என இந்த நாவலாசிரியர் கூறுகிறார்.  மெஹ்ருன்னிஸா தனது எட்டாவது வயதில் இளவரசன் சலீம் மான்பாய் திருமணத்தைப்பார்த்து, அரச குடும்ப வசதிகள், பிரமாண்டங்களைப்பார்த்து கவரப்படுகிறாள்.. அவளது 16 வயதில் இளவரசன் சலீமின் கண்களில் பட்டு, அவரை கவருகிறாள். அக்பரிடம் அவளை தான் திருமணம் செய்ய ஆசைப்படுவதாக சலீம் கூறிய நேரத்தில் விதி வசத்தால் அலிகுலி எனும் படைவீரனின் மனைவியாக நிச்சயக்கிப்படுகிறாள்.  அலிகுலியுடன் திருமணமாகி, ஒரு பெண் குழந்தைக்கு தாயாகினாலும் சலீமின் மீது கொண்ட காதலை மறக்கமுடியவில்லை.. அக்பரின் மறைவிற்கு பிறகு அரியானை ஏறிய சலீம் எனும் ஜஹாங்கீரிற்கும் கூட மெஹ்ருன்னிஸாவை மறக்க முடியவில்லை. இந்த சமயத்தில் ஜஹாங்கீருக்கு எதிராக அவரது ஒரு மகனான குஸ்ருவின் சதியில் அலிகுலியும் உடந்தையாகி உயிரை இழக்கிறான். பழைய காதல் மீண்டும் துளிர்க்கிறது, மெஹ்ருன்னிஸா ஜஹாங்கீரை திருமணம் செய்கிறாள். நூர்ஜஹானைப்பற்றிய குறிப்புகள் மாறுப்பட்டாலும், ஜஹாங்கீரின் அதி நம்பிக்கைக்குரியவளாகவும், அவரது மாறாத அன்பைப்பெற்றவளாகவும் இருந்திருக்கிறாள். இருபதாவது இல்லத்தரசிக்காக ஜஹாங்கீர் உருவாக்கிய சாம்ராச்சியமே இந்த “ இதய ரோஜா- நூர்ஜஹானின் சாம்ராஜ்யம்”.  மெஹ்ருன்னிஸா, ஜஹாங்கீரை திருமணம் செய்து கொண்ட நாளிலிருந்து, ஜஹாங்கீர் மரணமடையும் வரை, மிகுந்த அதிகாரம் உடையவளாகவும் இருந்திருக்கிறாள். தனது தந்தை கியாஸ்பெக், சகோதரன் அபுல் ஹாசன் மற்றும் ஜஹாங்கீரின் மூன்றாவது மகனும் பின்னாளில் ஷாஜஹானான இளவரசன் குர்ரம் ஆகியோரை தனது ஆலோசகர்களாக கொண்டு 16 ஆண்டுகள் முகலாய சாம்ராச்சியத்தில் வலிமைமிக்க சக்ரவர்த்தினியாக இருந்திருக்கிறாள்.  வழமை போல, அதிகாரமும் செல்வாக்கும் அதிகரிக்கும் போது அதை தக்கவைத்துக்கொள்ளவே எல்லோரும் ஆசைப்படுவார்கள், அதற்கான வழிகளை தேடுவார்கள். அதற்கு நூர்ஜஹானும் விதிவிலக்கு அல்ல. அதனாலேயே அவளது வீழ்ச்சியும் வந்தது. முகத்திரைக்கு பின்னால் ஒளிந்திருந்த அந்த முகம், எத்தனை வரலாற்று நிகழ்ச்சிகளை செய்து முடித்திருந்தது. முகலாய மரபைமீறி, அவளது பெயரில் நாணயங்களை வெளியிட்டாள், அரசாங்க முத்திரையிட்ட அறிக்கைகளை அனுப்பினாள், வெளிநாட்டவருடன் வணிகம் செய்தாள், அவளுக்கு சொந்தமான கப்பல்கள் வணிகத்தில் ஈடுபட்டிருந்தன. இப்படி பல..இந்த இதய ரோஜா அவளது ஆட்சியைப்பற்றி வரலாறும் கற்பனையும் கலந்து கூறுகிறது.  நூர்ஜஹானின் எண்ணப்டியே அவளது சகோதரனின் மகளான அர்ஜூமன்ட பானு பேகத்தை( பின்னாளில் மும்தாஜ்) இளவரசன் குர்ரம்(ஷாஜஹான்) திருமணம் செய்கிறான்.  ஆனாலும் அதிகாரமும் ஆசையும் இளவரசன் குர்ரமை மாற்ற, பொறாமை அர்ஜூமன்டின் கண்களை மறைக்க, நூர்ஜஹானின் சாம்ராஜ்யம் தடுமாற தொடங்குகிறது என்பதைதான் இந்த “ இதய ரோஜா” கற்பனை கலந்து கூறுகிறது.. அதிகாரத்தை தனது கைக்குள் வைத்திருப்பதற்காக தனக்கும் அலிகுலிக்கும் பிறந்த மகளான லாட்லியை இளவரசன் குர்ரமிற்கு திருமணம் செய்து வைக்க முயல்கிறாள், ஆனால் அர்ஜூமன்ட அதை கடுமையாக எதிர்த்தமையால் கடைசியில் ஜாஹாங்கீரின் இன்னொரு மகனான ஷஹர்யாரிற்கு  லாட்லியை திருமணம் செய்து வைக்கிறாள். அரியானைப்போட்டியில் அவனும் கொல்லப்படுகிறான்.ஆனால் அதைப்பற்றி வரலாற்று குறிப்புகள் சரியான ஆதாரத்தை கூறவில்லை என நாலாசிரியர் கூறுகிறார். இன்று உலகமே வியக்கும் ஏழாவது அதிசயமான தாஜ்மஹாலிற்கு கூட நூர்ஜஹான் தனது தந்தை கியாஸ் பெக்கிற்காக கட்டிய “ இதிமததுல்லா” கல்லறையே முன் உதாரணம் என இந்த புத்தகம் கூறுகிறது.  சலவைகல்லில் விலை மதிப்புள்ள கற்களைப் பதித்து செய்யப்படும் “ பியட்ரா துரா (Pietra Dura)” எனப்படும் வேலைப்பாடு இந்த இரு கல்லறைகளிலும் அதிகளவில் காணப்படுவதால் நூர்ஜஹான் தனது தந்தைக்காக வடிவமைத்திருந்ததைப்பார்த்தே ஷாஜஹான் தாஜ்மஹாலை வடிவமதைத்திருந்தான் என இந்தப்புத்தகம் கூறுகிறது.. “உலகத்தின் ஒளி” என அழைக்கப்பட்ட நூர்ஜஹானின் இறுதிக்காலம் அவளது அந்தரங்க சேவகன் ஹோஷியார் கான் என அழைக்கப்பட்ட திருநங்கை, அவளது மகளான லாட்லி மற்றும் லாட்லியின் மகளான அர்ஜனியுடன் மாளிகைசிறைவாசமாகவே இருந்திருக்கிறது. நூர்ஜஹான் யாரையும் பார்க்கவோ, பேசவோ ஷாஜஹான் அனுமதி கொடுக்கவில்லை.  ஜஹாங்கீர் நூர்ஜஹானிற்காக எந்தவித சின்னங்களையும் அமைக்கவில்லை, ஆனால் இந்த இரு நாவல்களையும் வாசித்த பொழுது நான் உணர்ந்து கொண்டது ஷாஜஹான் - மும்தாஜை காதலைவிட அழகானதும் அழமானது இந்த ஜஹாங்கீரின் இருபதாவதும் இறுதி தேடலுமான “நூர்ஜஹான்” என அழைக்கப்பட்ட மெஹ்ருன்னிஸாவின் காதலே..  இந்து சுந்தரேசன்
    • பெளத்தம், சமணம் என வேறு மதங்கள் வேகமாக பரவியபோது, உருவாகியதே பக்திமார்க்கம். சைவத்தை போற்றிய அறுபத்து நாயன்மார்கள் போலவே, வைணவத்தைபோற்றிய பன்னிரு ஆழ்வார்கள். நாயன்மார்கள் குறித்து சேக்கிழார் பதிவு செய்தது போல, ஆழ்வார்கள் குறித்து பதிவு செய்தவர் நாதமுனி. நாயன்மார்கள், ஆழ்வார்கள் சேர்ந்து உருவாக்கியதே பக்திமார்க்கம். சேர்ந்தே உருவாக்கியவர்கள், பிறமதங்களை விரட்டியபின்னர் பின்னர் தமக்குள் அடிபட்டுக் கொண்டது வேறு கதை. நாயகர்கள் காலத்தில், மதுரை திருமலை நாயக்கர், கள்ளழகர், தனது தங்கை மீனாடசியினை, சிவனுக்கு கொடுத்து, திருமணத்தினை நடத்தி வைத்ததாக விழா எடுத்ததன் மூலம் சைவ, வைஷ்ண ஒற்றுமை உண்டாக்கியது என கூறப்பட்டாலும், கிறிஸ்தவம், இஸ்லாம், இந்து போன்ற பிற மதங்களின் வருகையும் இந்த ஒற்றுமைக்கு ஒரு காரணியாக உள்ளது என்கிறார்கள்.