இயற்கையே சக்தி தா!

[nochchi]

இயற்கையே சக்தி தா!
-----------------------------------------------
காலையைக் கடந்து 
செல்லும் பொழுது
மலர்கள் மலர்ந்திருக்கின்றன
கதிரோன் காலாற நடக்கின்றான்
மனித மனங்கள் வாடியிருக்கிறது
தெருக்கள் வெறிச்சோடியிருக்க
நாயை நடப்பதற்கு 
அழைத்துச்செல்லும் முதியவர்
ஆனந்தமாகப் புகைவிட்டவாறு
சிறியதொரு குளிரோடு
காற்று மெதுவாக வீசுகிறது
வீட்டுக்குள் சிறைப்பட்ட சூழல்
கொறொனாவை இந்த உலகு
வென்று நிமிரும் காலம்
விரைந்து வர வேண்டும்
இயற்கை அதற்கான 
சக்;தியைத் தர வேண்டும்!
ஒடுங்கி மடியும் உலகு
உயிர்பெற்று உயர்வடைய
இயற்கையே சக்தி தா!
உன்னுள் ஒளிந்திருக்கும்
புதிரகன்று புத்தொளி பரவிட
இயற்கையே சக்தி தா!
எல்லையற்று விரிகின்ற
உயிரிழப்பை நிறுத்தும் வகை
இயற்கையே சக்தி தா!
உன்னுக்குள் மகிழ்வாக
வாழ்ந்த மானிடரை
மீண்டெழச் சக்தி தா!
கொறோனோக் கொடுமையைக்
கொன்றொழித்து எழுகின்ற
உறுதிபெறச் சக்தி தா!

உறவுகளே  
நட்புடன்
நொச்சி

25.03.2020
 

[suvy]

எப்படியோ கொரோனா உலகை ஆக்கிரமித்து விட்டது. அயலட்டைக்கும்  செல்ல முடியவில்லை, அவர்களும் வர முடியவில்லை.கண்ணுக்கு தெரியாத வலையைப் போட்டுகொண்டு தனித்திருக்கிறோம்.எப்படியும் மீண்டு வருவோம்.இதுவும் கடந்து போகும்.......!

[nochchi]

14 hours ago, suvy said:

எப்படியோ கொரோனா உலகை ஆக்கிரமித்து விட்டது. அயலட்டைக்கும்  செல்ல முடியவில்லை, அவர்களும் வர முடியவில்லை.கண்ணுக்கு தெரியாத வலையைப் போட்டுகொண்டு தனித்திருக்கிறோம்.எப்படியும் மீண்டு வருவோம்.இதுவும் கடந்து போகும்.......!

படித்துக் கருத்திட்டமைக்கு நன்றி சுவியவர்களே! 

நாளாந்த மரணங்கள் பெரும் கவலையைத் தருகிறது. செய்திகளைப் பார்க்கவே விருப்பமல்லாமல் இருக்கிறது. ஆனால் உலக பெரும் நாடுகள் கூட மனித இறப்புகளைவிட மருத்தவப் போட்டியில் நிற்பதையே காணக்கூடியதாக உள்ளது. பொருளாதாரங்களை இலக்குவைத்துக் கூட்டாக அழிவாயுதங்களோடு களமிறங்கும் நாடுகள் இந்த விடயத்தில் தனித்தனியே நிற்கின்றன. எங்கோ இடிக்கிறது. எல்லாம் இயற்கைக்கே வெளிச்சம். 

[nochchi]

பச்சைப்புள்ளிகளால் பாராட்டும் சுவி  அவர்களுக்கும் தமிழ்ச்சிறி அவர்களுக்கும் மற்றும் குமாரசாமி ஐயாவுக்கும் எனது நன்றி.

[கிருபன்]

On 3/25/2020 at 4:28 PM, nochchi said:

எல்லையற்று விரிகின்ற
உயிரிழப்பை நிறுத்தும் வகை
இயற்கையே சக்தி தா!
உன்னுக்குள் மகிழ்வாக
வாழ்ந்த மானிடரை
மீண்டெழச் சக்தி தா!
கொறோனோக் கொடுமையைக்
கொன்றொழித்து எழுகின்ற
உறுதிபெறச் சக்தி தா!

சாதாரணர்கள் நாம் வீடுறைந்து கணணிகள், தொலைக்காட்சிகள், திறன்பேசிகள், படிப்பான்களில் விழியொட்டி இருக்கும்போது வைத்தியர்கள், தாதியர்கள் மருத்துவ விஞ்ஞானிகள் கொரோனாவை கட்டுக்குள்கொண்டுவர இரவுபகலாக வேலைசெய்கின்றனர். விரைவில் மனிதகுலம் கொரோனாவை வெல்லும்.

[விளங்க நினைப்பவன்]

7 hours ago, கிருபன் said:

விரைவில் மனிதகுலம் கொரோனாவை வெல்லும்.

மனிதர்கள் வெல்லுவார்கள். ஆனால் மனிதன் வென்ற பின் அதற்கு தான் உரிமை கொண்டாட ஒருவர் தற்போது நித்திரை செய்து கொண்டு காத்து கொண்டிருக்கிறார் 😂

[nochchi]

5 hours ago, கிருபன் said:

சாதாரணர்கள் நாம் வீடுறைந்து கணணிகள், தொலைக்காட்சிகள், திறன்பேசிகள், படிப்பான்களில் விழியொட்டி இருக்கும்போது வைத்தியர்கள், தாதியர்கள் மருத்துவ விஞ்ஞானிகள் கொரோனாவை கட்டுக்குள்கொண்டுவர இரவுபகலாக வேலைசெய்கின்றனர். விரைவில் மனிதகுலம் கொரோனாவை வெல்லும்.

கருத்திட்டமைக்கு நன்றி.

உண்மை. பல மருத்தவர்கள் தாதிமார் என தமது வாழ்வையே அர்பணித்துவிட்டனர் என்ற செய்திகளும் வருகின்றமையானது கவலைதருவதாக உள்ளது.

3 hours ago, விளங்க நினைப்பவன் said:

மனிதர்கள் வெல்லுவார்கள். ஆனால் மனிதன் வென்ற பின் அதற்கு தான் உரிமை கொண்டாட ஒருவர் தற்போது சித்திரை செய்து கொண்டு காத்து கொண்டிருக்கிறார் 😂

கருத்திட்டமைக்கு நன்றி. யார் கடவுளையா சொல்கிறீர்கள்? 

[விளங்க நினைப்பவன்]

1 hour ago, nochchi said:

யார் கடவுளையா சொல்கிறீர்கள்? 

அவரை தான் 😂