Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

கொரோனா வைரஸ் குணமடைந்த பின்னும் மீண்டும் தாக்குமா? -வைரஸின் பரிமாண வளர்ச்சி


Recommended Posts

  • கருத்துக்கள உறவுகள்

கொரோனா வைரஸ் குணமடைந்த பின்னும் மீண்டும் தாக்குமா? -வைரஸின் பரிமாண வளர்ச்சி

கொரோனா வைரஸ் குணமடைந்த பின்னும் மீண்டும் தாக்குமா?Getty Images

கோவிட் - 19 நோயில் இருந்து குணாகிவிட்டதாக, அனைத்துப் பரிசோதனைகளிலும் தேறிவிட்டதாகக் கூறப்பட்ட நோயாளிகளில் சிலருக்கு, பின்னர் நடந்த சோதனைகளில் இந்த வைரஸ் தாக்குதல் இருப்பது கண்டறியப்பட்டுள்ளது. கொரோனா வைரஸ் பரவினால், சாதாரண சளியைப் போல நோயாளியின் நோய் எதிர்ப்பு சக்தியை அதிகரிக்கச் செய்யும். இந்த விஷயத்தில் இந்த வைரஸ் எப்படி மாறுபட்டது?

70 வயதைக் கடந்த ஆண் ஒருவர் மருத்துவர்களுக்கு வைரஸ் தொற்றுக்கு ஆரம்ப கட்ட உதாரணமாக இருக்கும் நோயாளி. அதிர்ச்சிகரமான, கவலைதரக் கூடிய இந்த விஷயம் அவர் மூலமாகத்தான் மருத்துவர்களுக்குத் தெரிய வந்தது. 

அவருக்கு கொரோனா வைரஸ் பாதிப்பு இருப்பதாக, பரிசோதனையில் கண்டறியப்பட்ட பிறகு கடந்த பிப்ரவரி மாதம் டோக்கியோ மருத்துவமனையில் தனிமை வார்டில் அவர் வைக்கப்பட்டார். ஜப்பானின் செய்தி ஒளிபரப்பு நிறுவனம் என்.எச்.கே. வெளியிட்ட தகவலின்படி, அவர் குணமடைந்து, வீடு திரும்பி இயல்பு வாழ்வைத் தொடங்கிவிட்டார். பொதுப் போக்குவரத்து வசதிகளையும்கூட பயன்படுத்தத் தொடங்கிவிட்டார். சில வாரங்கள் கழித்து, அவர் மறுபடி நோயுற்றார், அவருக்குக் காய்ச்சல் வந்தது.

கொரோனா வைரஸ் குணமடைந்த பின்னும் மீண்டும் தாக்குமா?Getty Images

அவர் மீண்டும் மருத்துவமனைக்குச் சென்றார். இந்த வைரஸ் பாதிப்பு அவருக்கு இருப்பதாக சோதனையில் தெரிய வந்தது அவருக்கும், மருத்துவர்களுக்கும் அதிர்ச்சி தந்தது.

ஜப்பானில் இந்த நிலையில் இருப்பது அவர் மட்டுமல்ல. கொரோனா வைரஸ் மீண்டும் தாக்கிய நோயாளிகள் எண்ணிக்கை மிகக் குறைவாகத்தான் இருக்கிறது என்றாலும், கணிசமான எண்ணிக்கையாக உள்ளது. ஏன் இப்படி நடக்கிறது?

வைரஸ் மீண்டும் தாக்குகிறதா

முதலில் கோவிட்-19 பரிசோதனையின் போது, நோய் அறிகுறிகள் இல்லை என அறியப்பட்டவர்களில் குறைந்தபட்சம் 14 சதவீதம் பேருக்கு வேறொரு சமயத்தில் நடைபெறும் சோதனையின் போது, நோய் அறிகுறி கண்டறியப்படுகிறது என்று ஸ்பானிய தேசிய பயோடெக்னாலஜி மையத்தின் நச்சுயிரியல் நிபுணர் லூயிஸ் என்ஜுவானெஸ், பிபிசியிடம் கூறியுள்ளார். இது இரண்டாவது தாக்குதல் அல்ல என்றும், வைரஸ் `` முதல் வைரஸ் தொற்றே திருப்பித் தாக்கும்'' நிகழ்வு என்றும் அவர் நம்புகிறார்.

கொரோனா வைரஸ் குணமடைந்த பின்னும் மீண்டும் தாக்குமா?Getty Images

``பொதுவாக கொரோனா வைரஸ், மக்களிடம் நோய் எதிர்ப்பாற்றலை உருவாக்குகிறது. ஆனால் சிலருக்கு நோய் எதிர்ப்புத் திறன் அதிக வலுவாக இல்லை என்பதுதான், மற்ற பல காரணங்களுடன், ஒரு காரணமாக இருக்கும் என்று நான் விளக்கம் அளித்து வருகிறேன்'' என்று அவர் கூறுகிறார்.

``அந்த நோய் எதிர்ப்பாற்றல் குறையும்போது, உடலில் எங்காவது ஒளிந்திருக்கும் அந்த வைரஸ் மீண்டும் மேலே வருகிறது'' என்று அவர் குறிப்பிடுகிறார்.

உடலில் வைரஸ் ஒளிந்திருக்கலாம்

சில வைரஸ்கள் நம் உடலில் 3 மாதங்கள் அல்லது அதற்கு அதிகமான காலம் ஒளிந்திருக்கும்.

``ஒருவருக்கு பரிசோதனையில் அறிகுறி நிலை பூஜ்யம் என்றோ, அல்லது நெகடிவ் என்றோ வரும்போது, அவருக்கு நோய் எதிர்ப்பாற்றல் உருவாகிவிட்டது என்பது அனுமானம். எனவே அந்த வைரஸ் மீண்டும் உருவாகக் கூடாது'' என்று என்ஜுவானெஸ் கூறுகிறார்.

``மற்ற உறுப்புகளைப் போல உடலின் தற்காப்பு செயல்பாடுகளுக்கு ஆட்படாத உடலின் சில திசுக்களில், தொற்றுக் கிருமிகள் எங்காவது ஒளிந்திருக்கக் கூடும்.''

ஆனால் ஆய்வாளர்களுக்கு புதிராக இருக்கும் சில விஷயங்கள் கோவிட் - 19ல் உள்ளன. குணமடைந்த பிறகு, மீண்டும் நோய்த் தொற்று உறுதி செய்யப்படுவதற்கு இடைப்பட்ட காலம்தான் புரிந்து கொள்ள முடியாத விஷயமாக உள்ளது.

Banner image reading 'more about coronavirus' Banner

குழப்பமடைந்த ஆய்வாளர்கள்

வெவ்வேறு நோய்களுக்கு, நோய் எதிர்ப்பாற்றல் வெவ்வேறு மாதிரி செயல்படும் என்பது எங்களுக்குத் தெரியும்.

கொரோனா வைரஸ் குணமடைந்த பின்னும் மீண்டும் தாக்குமா?Getty Images

தட்டம்மைக்கு, குழந்தையாக இருக்கும்போது ஒரு முறை தடுப்பூசி போட்டாலே, வாழ்க்கை முழுக்க நோய் எதிர்ப்பாற்றலைத் தருவதாக அது இருக்கும். இருந்தபோதிலும், முதலில் போட்டதைவிட புதிய தடுப்பூசியை குறிப்பிட்ட வயதுக்குப் பிறகு போட்டுக் கொள்வது பாதுகாப்பானது என்று சில சுகாதார வல்லுநர்கள் பரிந்துரை செய்கின்றனர்.

தடுப்பூசிகள் சிறப்பாக செயல்படாத சில வைரஸ்கள் இருக்கின்றன. எனவே குறிப்பிட்ட இடைவெளிகளில் நமது மருந்துகளை நாம் அதிகரித்துக் கொண்டிருக்க வேண்டியுள்ளது.

சளிக் காய்ச்சல் அல்லது சாதாரண ப்ளூ போன்ற மற்ற தடுப்பூசிகளில், ஆண்டுதோறும் அதைப் போட்டுக் கொள்ள வேண்டும், ஏனெனில் வைரஸ்கள் அடுத்த பரிமாண நிலைக்கு மாறிவிடுகின்றன.

புதிய வைரஸ் - புரிந்துகொள்ள முயற்சி

கோவிட் - 19 புதிய வைரஸ் என்பதால், இரண்டு தொற்றுதல்களுக்கு இடைப்பட்ட காலம் குறுகியதாக இருப்பதற்கான காரணத்தைப் புரிந்து கொள்ள ஆய்வாளர்கள் இன்னும் முயற்சித்துக் கொண்டிருக்கிறார்கள்.

கொரோனா வைரஸ் குணமடைந்த பின்னும் மீண்டும் தாக்குமா?Getty Images

கொரோனா வைரஸ் மீண்டும் தாக்கும் நிகழ்வுகள் நடக்கலாம் என்றாலும், நோய் இல்லை என்று பரிசோதனை முடிவு வந்த பிறகு மீண்டும் கோவிட் - 19 தாக்குதல் கண்டறியப்படுவதற்கான வாய்ப்புகள் குறைவு என்று மாட்ரிட்டில் உள்ள கார்லோஸ்-III சுகாதார நிலையத்தின் ஆராய்ச்சியாளர் இசிடோரோ மார்ட்டினெஸ் கூறுகிறார்.

``அடுத்த தொற்று பரவல்களின்போது, நோய் எதிர்ப்பாற்றல் நீடித்திருக்காவிட்டால், ஒன்று அல்லது இரண்டு ஆண்டுகளில், உங்களுக்கு மீண்டும் தொற்று ஏற்படலாம். அது வழக்கமானதுதான்'' என்று பிபிசியிடம் மார்ட்டினெஸ் கூறினார்.

``ஆனால் ஒருவிதமான வைரஸ் தாக்குதலில் குணமானவருக்கு, மீண்டும் அதே வகை வைரஸ் தாக்குதல் வருவது அபூர்வமானது. மேலும், நாங்கள் அறிந்த வரையில், ப்ளூ வைரஸ்கள் போல இந்தக் கொரோனா வைரஸ் மாறுவதாகத் தெரியவில்லை'' என்றும் அவர் குறிப்பிட்டார்.

தற்காலிக உயர்வு

அவருடைய விளக்கம் என்ஜுவானெஸ் அளித்த விளக்கம் போலவே உள்ளது.

``கொரோனா தாக்கிய ஒருவருக்கு கோவிட்-19 தொற்று இல்லை என்று உறுதி செய்ய்யப்பட்டபின், அவருக்கு மீண்டும் கொரோனா உள்ளது என்று முடிவுகள் வருவது தற்காலிகமாக நோய்த் தொற்று அதிகரிப்பதாக இருக்கக் கூடும்.''

ஆனால் கோவிட் - 19 பற்றி புரிந்து கொள்ள இன்னும் ஆராய்ச்சிகள் நடத்தப்பட வேண்டும் என்று இருவருமே எச்சரிக்கின்றனர்.

``இந்தப் புதிய கோவிட் - 19 வைரஸ் பற்றி நாங்கள் தினம் தினம் புதிய விஷயங்களை கற்று வருகிறோம்'' என்று அமெரிக்க சுகாதார அமைப்பு - PAHO - பிபிசியிடம் கூறினார். எனவே மீண்டும் தாக்குதலுக்கு ஆளாகும் நேர்வுகள் பற்றி, நிச்சயமான விளக்கங்களை அளிப்பது சாத்தியமற்றது என்கிறார்.

ஆனால் எந்த வகையான பொது சுகாதார நடவடிக்கைகளை எடுக்கலாம் என்பது பற்றி முடிவெடுப்பதில் அரசுகளுக்கு உதவியாக இருக்கும் வகையில், இதற்கு ஒரு பதிலைக் கண்டுபிடிக்க அறிவியல் முயற்சி செய்து கொண்டிருக்கிறது
 

https://www.bbc.com/tamil/science-52026776

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.




இங்கு எழுதப்படும் விடயம் பிரதிசெய்யப்பட்டு (copy)மேலுள்ள கட்டத்தில் ஒட்டப்பட வேண்டும் (paste)

  • Tell a friend

    Love கருத்துக்களம்? Tell a friend!
  • Topics

  • Posts

    • கனேடிய பொதுத் தேர்தல் ; மூன்றாவது முறையாகவும் பிரதமராகிறார் ஜஸ்டின் ட்ரூடோ கனடாவின் 44 ஆவது பொதுத் தேர்தலில் பிரதமர் ஜஸ்டின் ட்ரூடோவின் லிபரல் கட்சி அடுத்த அரசாங்கத்தை உருவாக்க போதுமான இடங்களை வென்றுள்ளதாக அந் நாட்டுச் செய்திச் ச‍ேவையான சி.பி.சி. தெரிவித்துள்ளது. இந்த வெற்றியின் மூலம் ட்ரூடா மூன்றாவது முறையாகவும் தொடர்ச்சியாக கனடாவின் பிரதமராக தேர்ந்தெடுக்கப்படுவார். தேர்தல் வெற்றிகள் இன்னும் உறுதிபடுத்தப்படாத நிலையில், அதிகாரிகள் தொடர்ந்தும் வாக்குகளை கணக்கிட்டு வருகின்றனர். சி.பி.சி. செய்திச் சேவை திங்கள்கிழமை தாமதமாக, லிபரல் கட்சி ஆட்சியைப் பிடிக்கும் என்று அறிவித்தது.  எனினும் சிறுபான்மை அரசாங்கம் அமைக்கப்படுமா அல்லது பெரும்பான்மை அரசங்கம் அமைக்கப்படுமா என்பதை தெளிவாக கூறவில்லை. இதனிடையே பல கனேடிய ஊடகங்கள், பிரதமர் ஜஸ்டின் ட்ரூடோவின் லிபரல் கட்சி அடுத்த அரசாங்கத்தை உருவாக்கும் என்று கூறியுள்ளது. கனேடிய பாராளுமன்ற தேர்தலில் ஒரு கட்சி பெரும்பான்மையை வெல்ல 338 இடங்களில் 170 இடங்களைப் பெற வேண்டும் என்பதும் குறிப்பிடத்தக்கது.   https://www.virakesari.lk/article/113705
    • ரஷ்ய பாராளுமன்ற தேர்தலில் புட்டினின் கட்சி அமோக வெற்றி ரஷ்யாவில் இடம்பெற்ற பாராளுமன்ற தேர்தலில் ஜனாதிபதி புட்டினின் கட்சி வெற்றிப்பெற்றுள்ளது. கொரோனா அச்சுறுத்தலுக்கு மத்தியில் பலத்த முன்னெச்சரிக்கை மற்றும் பாதுகாப்பு நடவடிக்கைகளுடன் இந்த  தேர்தல் கடந்த 17ஆம் திகதி ஆரம்பமாகி 3 நாட்கள் நடைபெற்றது. ஜனாதிபதி புட்டினின் பதவி காலத்தை நீட்டிப்பதற்கான அரசியலமைப்பு சட்டத்தை மாற்றுவதற்கு, புட்டின் தலைமையிலான ஆளும் ஐக்கிய ரஷ்யா கட்சிக்கு பாராளுமன்றத்தில் 3இல் 2 பங்கு பெரும்பான்மை அவசியம் தேவைப்பட்டதால் இந்த தேர்தல் மிகவும் முக்கியத்துவம் வாய்ந்த தேர்தலாக கருதப்பட்டது. அத்தோடு அந்த நாட்டின் முக்கிய எதிர்க்கட்சி தலைவரான அலெக்சி நவால்னியை கைது செய்து சிறையில் அடைத்தது, அவரது கட்சி உட்பட பல எதிர்க்கட்சிகளை தேர்தலில் போட்டியிடுவதற்கு தடை விதித்தது போன்ற சர்ச்சைகளுக்கு மத்தியில் இந்த தேர்தல் நடந்தது. இந்தநிலையில் நேற்று முன்தினம் வாக்குப்பதிவு நிறைவு பெற்றதும் உடனடியாக வாக்குகளை எண்ணும் பணிகள் ஆரம்பமாகின. இதுவரை எண்ணப்பட்ட 80 சதவீத வாக்குகளில் ஐக்கிய ரஷ்யா கட்சி 50 சதவீதத்துக்கும் அதிகமான வாக்குகளை பெற்றதாக அந்த நாட்டு தேர்தல் ஆணையம் தெரிவித்தது. அத்தோடு மொத்தம் உள்ள 450 இடங்களில் 350-க்கும் அதிகமான இடங்களில் தங்கள் கட்சி வெற்றிப்பெற்றதாக ஐக்கிய ரஷ்யா கட்சியின் சிரேஷ்ட அதிகாரி ஒருவர் தெரிவித்தார். இதற்கிடையில் வாக்குப்பதிவில் பல்வேறு முறைகேடுகள் நடைபெற்றதாக எதிர்க்கட்சிகள் குற்றம் சாட்டியுள்ளன. ஆனால் தேர்தல் ஆணையம் இந்த குற்றச்சாட்டை நிராகரித்துள்ளது.   https://www.virakesari.lk/article/113710  
    • சூடானில் முன்னெடுக்கப்பட்ட சதி முயற்சி தோற்கடிப்பு சூடானில் முன்னெடுக்கப்பட்ட ஆட்சிக் கவிழ்ப்பு சதி முயற்சி தோற்கடிக்கப்பட்டுள்ளதாக அந் நாட்டு அரச ஊடகங்கள் செய்தி வெளியிட்டுள்ளன. சதி முயற்சியை அடுத்து சூடானிய தலைநகர் கார்டூம் தெருக்களில் இராணு டாங்கிகள் நிறுத்தப்பட்டுள்ளதாக ஊடக அறிக்கைகள் தெரிவிக்கின்றன. ஓம்துர்மனில் உள்ள அரசு வானொலியை கட்டுப்படுத்தும் முயற்சியில் செவ்வாய்க்கிழமை காலை இந்த சதி முயற்சி மேற்கொள்ளப்பட்டதாக தகவல்கள் தெரிவிக்கின்றன. "சதித்திட்டக்காரர்கள் அரசு ஊடக கட்டிடத்தை கைப்பற்ற முயற்சித்தார்கள், ஆனால் அவர்களின் முயற்சி தோல்வியடைந்தது" என்று அந் நாட்டு அரசாங்கத்தின் உயர்மட்ட ஆதாரங்கள் AFP செய்திச் சேவையிடம் கூறியுள்ளன. சதித்திட்டத்தை திட்டமிட்ட அதிகாரிகளை இராணுவம் தடுத்து நிறுத்தியுள்ளது.   https://www.virakesari.lk/article/113724  
    • உயர்தர மாணவர்களுக்கு விரைவில் பைஷர் தடுப்பூசி வழங்கத் திட்டமிடப்பட்டுள்ளது: கல்வியமைச்சு   இவ்வருடம் உயர்தரப் பரீட்சைக்குத் தோற்றும் மாணவர்களுக்கு பைஷர் தடுப்பூசியை வழங்கத் திட்டமிடப்பட்டுள்ளதாக கல்வி அமைச்சர் தினேஷ் குணவர்தன தெரிவித்துள்ளார். இன்று பாராளுமன்றத்தில் உரையாற்றும் போதே அவர் இதனை தெரிவித்துள்ளார். ஜனாதிபதியின் அறிவுறுத்தல்களைத் தொடர்ந்து கல்வி அமைச்சுக்கும் சுகாதார அமைச்சுக்கும் இடையில் இது தொடர்பாக ஏற்கனவே கலந்துரையாடல்கள் தொடங்கியுள்ளன என்றார். ஐக்கிய மக்கள் சக்தியின் பாராளுமன்ற உறுப்பினரான பாடலி சம்பிக்க ரணவக்க எழுப்பிய கேள்விக்கு பதிலளித்த அமைச்சர், முதல் கட்டமாக உயர்தர மாணவர்களுக்கு பைஷர் தடுப்பூசி வழங்கப்படும் என்றும் தெரிவித்தார்.   https://thinakkural.lk/article/138670  
    • என்னமோ சாமியார் சிலர் எண்ணத்திலும் மாற்றந்தெரியுது இப்போ. முன்பெல்லாம் நாங்கள் சொல்லும்போது; வாருங்கள், பாருங்கள், தீர விசாரித்து கதையுங்கள்  என்று சவால் விடுபவர்கள், இப்போ ஓடலாமா என்று யோசிக்கிறார்கள்.  
×
×
  • Create New...

Important Information

By using this site, you agree to our Terms of Use.